|
|
 مخاضة في الاسكانر
|
03:03 AM Jul, 28 2015
سودانيز اون لاين
mustafa mudathir-Canada
مكتبتى فى سودانيزاونلاين
- شفت الشاب ال في الصورة دا؟ بتعرفو؟
- لا. لكن شكلو كدا مروّق شديد. مالو؟
- دا وارث من أبوه قروش كتيرة جداً.
- أبوهو ياتو؟
- أبوهو الواحد دا؟ شفت الاسكانر؟
- تقصد أبوبكر عباس؟ البيطري؟
- لا لا أقصد الاسكانر الجد جد. ال scanner
- أها مالو الاسكانر؟
- مرات موش الاسكانر لما الورقة بتكون ما داخلة عِدِل بيقوم بيعدلها ليك بطريقة funny كدا؟
- آي تعال اليوم داك أنا قعدت أضحك وأنا بدّخل صورة هشام وقام الاسكانر سبقني وعمل الحاجة ال فكرت
فيها لكن فعلاً عملا بطريقة مضحكة!
- أها أبو الواد دا هو ال اخترع الحركة دي وسجلها بإسمو؟
- الحركة ياتا؟
- الحركة دزدزدزدزدز...
|
|
  
|
|
|
|
|
|
|
|
Re: مخاضة في الاسكانر (Re: mustafa mudathir)
|
الدستوكيا في النياق، كضاب لو قلت ليك حنكوش زيك كدا ممكن يعدلها.
وبشكل عام بتحتاج بيطري حريق ونحيف وقوي الساعدين.
وفي أوضاع كدا ممكن تاخد منك اليوم كلو وخاصة انو البدو جنّهم وجن القيصرية.
أها مرات قبل المعافرة بنعمل طريقة زي طريقة الاسكانر الشيطان بتاعك دا
كيف؟
تترس الرحم لوبريكانت، وتوقف الناقة تخليها تتمشى شوية، وتجيبها تبركها، تقوم تلقى الحوار الشيطان براهو إتصلح وجا منزلق.
| |
|
|
|
|
|
|
|
|
|
Re: مخاضة في الاسكانر (Re: أبوبكر عباس)
|
أهلا
--------
أهلا دي ذكرتني بي غنية وطنية اختفت وين ما عارف
أهلا سودانيّ العريق
أهدي سلاميَ العميق
ليالينا لياليكم.. الخ الخ
حاجة زي دي
----
انت يا درش، اسكانر دي مدح ولّ قدح
في كل الأحوال، حالتكم دي زاتا ديستوكيا
| |
|
|
|
|
|
|
|
|
|
Re: مخاضة في الاسكانر (Re: معاوية الزبير)
|
| Quote: انت يا درش، اسكانر دي مدح ولّ قدح |
يا معاوية، ما تسمع لي اسكانر وفوتوكوبير وتعديل وضع؟؟
الزول دا بقى بعد يكتب ليهو أي حاجة، بقوم براجعها ويشوف الحتات الضعيفة الممكن أجيهو منها
بكون بقى بهجس مني
بالإنجليزي ممكن تقول علي:
external auditor
| |
|
|
|
|
|
|
|
|
|
Re: مخاضة في الاسكانر (Re: أبوبكر عباس)
|
سلام يا ويللي
اسكانر ما مذمة ولا نبذ، أظنك نسيت، زمان أنا كنت أول من اكتشف
انو نوع أبوبكر دا ما بيقرا البوست، بس بيعمل ليهو اسكان بصري
أو مسحة كدا لغاية ما يلاقي فكرة بتعجبو يقوم يتخذها مدخل في الموضوع.
وهي طريقة لا غبار عليها لغاية ما يلم فيهو واحد مرتو م.... يقوم يبستفو!
الحتة الصغيرونة الفوق دا هي ما أي شي، مجرد كتابة فيها وفاء لماكينة عندي
في الشغل وهي كمان ما اسكانر لكن بتعمل حركة كدا زي ال فيها ارادة أو ردة
فعل بشرية، زي عضلة فرت وكدا. والحقيقة الواحد يومياً بيستدعي فكرة أن تتطور
الآلات لذوات ( وبنات ذوات حتى!)
من جانب آخر الواحد بشوية تعديل في الشرشر اللي في راس الكستبان ممكن يعمل
فلوس، المهم أي حاجة تعملها تسجلها. موش تكتب اسم بوست ويجي واحد يستعمله
كما هو دون دفع مليم واحد للملكية الفكرية!
| |
|
|
|
|
|
|
|
|
|
Re: مخاضة في الاسكانر (Re: mustafa mudathir)
|
حصان الكارو يا مصطفى، لو تذكر في سوق أم درمان كان بركبوا ليهو على جنبات عيونو قطع كرتون عشان يحصروا نطاق شوفو للأمام فقط.
أثناء "مسحي البصري" لأي بوست قاعد أفتش على كمال الفكرة في البوست وهل صاحب البوست مركب الكراتين ديك ولّ لا!!
كيف بعمل المسح دا؟
أي جملة في البوست بخضعها لأسئلة أوديتيّة (من audit) سريعة في رأسي وبنتظر الإجابة في بقية البوست.
تقريبا كل الناس البتكتب في الأسافير دي مركبا كراتين العيون ما عدا قلة، منهم على سبيل المثال وبعض الحصر حسن موسى، محمد حسبو وسيف النصر (سيف شويّة جبان)
ديل ناس عندهم مقدرة انو يشوفوا الحاجات متكاملة في طرحهم
صحي الطريقة دي لمان أمارسها في الأعمال الأدبية بتخليني عوير شوية.
لو قلت ليك انو فكرة البوست دا وصلتني زي ما وصفتو إتّا في مداخلتك التانية وكنت متأكد انو الماكينة البتتكلم عليها ما كانت اسكانر، بتصدق؟
| |
|
|
|
|
|
|
|
|
|
Re: مخاضة في الاسكانر (Re: أبوبكر عباس)
|
.
| Quote: الاسكانر يا سيف، ما ضروري يكون ضوئي |
يا أبو بكر، حسب ظني ان المعتمد في هذا البوست هو الماسح الضوئي، لو انا دخلت غلط ممكن أشيل الاسكانر بتاعي وأخلي ليكم اسكنراتكم واتخارج!
.
| |
|
|
|
|
|
|
| |
mustafa mudathir
أبوبكر عباس
معاوية الزبير
بله محمد الفاضل
معاوية المدير
فيس بوك
تويتر
انستقرام
يوتيوب
بنتيريست