|
Re: لِقيت لي سفّة جنب باب مكتب في كندا . والله � (Re: معاوية المدير)
|
صورت السفة ؤُ ختيت موبايلي في جيبي ؤُ مشيت علي المبنى رقم 11 شِلت جواباتي ؤُ مشيت افتش للمبنى 13 نعمني ضِهِبت تاني، أها، قدُر ما إجتهدت ما عرِفت شي !، قلت، دي ما يحلني منها إلا صاحبي خالد الـBOSS باقي عارف جخانين البلد دي جخنون جخنون . مرقت الموبايل من جيبي ؤُ شديتلو تلفون، قتلو يا زول ألحقني فِسراعك أنا طاشي في السكة حديد والجماعة ديل مديني اكتر من مبنى . قال لي بسسس، انا بوريّك تجضِمِن كيف، إنت تقوم تبدأ من المبنى رقم 9 . طوالي قاطعتو، طبعاً داير اكسب الزمن، قتلو، عاين جاي، أنا رقم 9 دا قضيت مِنّو . قال لي، يا زول إنت متأكّد إنّك مشيت رقم 9 ؟. قُتلو ايّ . قال لي، ؤُ مشيت بالنفق، مُتأكّد ؟. قُتلو يا زول انا متأكّد مِيّة المِيّة، كمان لقيت لي زول بازغلو سفة هناك . قال لي، كان كدي كلآمك صاح، السفة دي بزغتها انا .
عآد دا كلآم دا ؟...
| |
|
|
|
|
|
|
Re: لِقيت لي سفّة جنب باب مكتب في كندا . والله � (Re: معاوية المدير)
|
الاخ معاوية تحياتي بعض الامريكان يسفون الصعوط و عندهم حقة كمان. شهدت ذلك بام عيني. الخواجة طلع علبة زي علبة كريم النيفيا، و بنفس طريقتنا بالابهام و السبابة و الاصبع الاوسط دردم او قول (ملك - بتشديد اللام و فتحها - سفتو) ثم وضعها داخل شفته السفلى كما يفعل السودانيين تماما، ثم اعتذر لي عن هذا السوك الذي لم يستطع الاقلاع عنه. حدث ذلك في مدينة سينت جوزيف بالقرب من كنساس
| |
|
|
|
|
|
|
Re: لِقيت لي سفّة جنب باب مكتب في كندا . والله � (Re: معاوية المدير)
|
Quote: الاخ معاوية تحياتي بعض الامريكان يسفون الصعوط و عندهم حقة كمان. شهدت ذلك بام عيني. الخواجة طلع علبة زي علبة كريم النيفيا، و بنفس طريقتنا بالابهام و السبابة و الاصبع الاوسط دردم او قول (ملك - بتشديد اللام و فتحها - سفتو) ثم وضعها داخل شفته السفلى كما يفعل السودانيين تماما، ثم اعتذر لي عن هذا السوك الذي لم يستطع الاقلاع عنه. حدث ذلك في مدينة سينت جوزيف بالقرب من كنساس |
سلآمات يا عبد الله .
كلآمك صُح، تعرف، مرّة راكبين معاي خواجات، أها، الراكب قدآم قااال كدي مرق حقتو ؤُ ضربا ضربتين بأصبعو وانا أعاين ؤُ متمحّن في سواتو دي !، ؤُ قال كدي دردم سفتو ؤُ كجما، قفل الحقة ؤُ نفض إيدينو، ؤُ قااال كدي مدآ لي الحقة !. قتلو، يا زول انا ما بسف . قال لي، نحن زول عندو شنب زي شنبك الكبير دا ما بيسف ما فينا . !!!. خلي بالك الصعوط دا يكون عادة خواجات نقلآ لينا جاسوس ابآن الحرب العالمية الأُولى ...
| |
|
|
|
|
|
|
Re: لِقيت لي سفّة جنب باب مكتب في كندا . والله � (Re: معاوية المدير)
|
سفه عجيبه يامعاويه ... ياخ ناس مصر دى مجهجهين يامعاويه بين العتبه وباقى المدن تلقى الواحد مسافر ليهو 200 كيلو متر عشان يجيب التموين بتاعو من التمباك .. عشان كده التموين لايقل عن 200 سفه للفرد الواحد
اما غرامة رمى السفه فى مصر فهى الحسره على انتهاء مفعولها
تحليه انا محافظ على دواخلى نضيفه لاتمباك لاسجاير لايدمنون ..قوة اراده وكده
| |
|
|
|
|
|
|
Re: لِقيت لي سفّة جنب باب مكتب في كندا . والله � (Re: ملهم كردفان)
|
Quote: ود المدير السفة الانت مصورها دي قطع شك ما سودانية نحن سفتنا ماكنة ولمن نطلعها بنعدما الموية بنمرقها نأأأأأشفة كرك كدة كيف يا ود المدير وضيوفك
باقي ليك ديل سودانيين |
قهرتها بالقاهر والنبي الطاهر الخواجية، كمان بتشنقا !، سبحان الله، والله بس فضلها خوسة الضراع والحِجبات تزِح لآ فوق .
يا العربي يا اخ السفة دي انا من يومي ؤُ زماني عرفتها ؤُ ظني تب ما خاب، الزول برااااهو بي شلآليفو البسفبهن ديل قال حقتو ؤُ من حُقتو ...
| |
|
|
|
|
|
|
Re: لِقيت لي سفّة جنب باب مكتب في كندا . والله � (Re: معاوية المدير)
|
Quote: هههههههههههههههههه ده الكلام فرفرة ما فى ده اثبات لايمكن دحضه |
يا وضاح انا السفة دي من عيني وقعت فيها عرفتها اللتنا، لكن كان ما خالد براهو اعترف، امانا ناسنا ديل ما غالآتين .
اتألّم جداً لما صارت له السكة حديد في بلدنا، رغم انّ أعتى الدول لم تستغنى عنها. بالله في البلد دي لو عبر قدامك قطر اقلّ حاجة 15 دقيقة حتي الشارع يفتح ...
| |
|
|
|
|
|
|
Re: لِقيت لي سفّة جنب باب مكتب في كندا . والله � (Re: معاوية المدير)
|
Quote: سفه عجيبه يامعاويه ... ياخ ناس مصر دى مجهجهين يامعاويه بين العتبه وباقى المدن تلقى الواحد مسافر ليهو 200 كيلو متر عشان يجيب التموين بتاعو من التمباك .. عشان كده التموين لايقل عن 200 سفه للفرد الواحد اما غرامة رمى السفه فى مصر فهى الحسره على انتهاء مفعولها
تحليه انا محافظ على دواخلى نضيفه لاتمباك لاسجاير لايدمنون ..قوة اراده وكده |
يا ملهم القوافي كنكِش في قوة إرادتك دي، فالحاجات دي لا تُثمن لا تغني من جوع . الغريبة الكنديين عرفو الصعوط السوداني وأصبح يدخل عبر المطارات زيّو ؤُ زي ايّ وزير دولة ...
| |
|
|
|
|
|
|
Re: لِقيت لي سفّة جنب باب مكتب في كندا . والله � (Re: معاوية المدير)
|
الحته دى يامعاويه ضحكتنى ضحك غايتو لو ناس العماره بكره جابو دكتور نفسى على انى بضحك براى بالليل تكون انت السبب فى جنى انت السبب
Quote: الغريبة الكنديين عرفو الصعوط السوداني وأصبح يدخل عبر المطارات زيّو ؤُ زي ايّ وزير دولة ... |
بعدين انا كنت قايلك حضقل بي وتقول لى عامل فيها الشيخ فرح ودتكتوك قال قوة إراده قال ياخى تلقى سفتك دقار تيمس ... وهلم جرا ..خذلتنى ياااخ
| |
|
|
|
|
|
|
Re: لِقيت لي سفّة جنب باب مكتب في كندا . والله � (Re: ملهم كردفان)
|
اول ما جيت قطر فى 2007 مشيت اعمل اجراءات البصمة الشرطى القطرى ماسك اصبعى سألنى انت من دنقلا يا زول قلت ليه من الخرطوم قال لى الزول الجنبى دا دنقلاوى حلاب التيس علمنى سف الصعوت ههههههههه كان بتكلم عن زميله شرطى سودانى ، هنا طبعا فى سويكة باكستانية وتمباك سودانى وفى خليجيين كتار اتعلموا يسفوا
| |
|
|
|
|
|
|
|