|
|
 كيف تحب زوجتك .. لكي تموت في دباديبك
|
06:56 AM Apr, 17 2015
سودانيز اون لاين
د.محمد حسن-
مكتبتى فى سودانيزاونلاين
خلونا من الانقاذ وعواراتها وعوارات منسوببيها نخش في حتة لذيذة
والذ من الحياة الزوجية والمرأة مافي
طيب تحبها كيف؟
وهل الحب كيفية والا احساس ؟
مشكلتنا نحن السودانيين ما بنعرف نحس
احساسنا بنعرفو في لحظات معينة
في البكا الشديد
او الفرح الشديد
باقي الحياة بكون قاعد في التلاجة
رغم انو نجن ما شعب بارد
فبقوم بتحول الاحساس العاطفي عندنا
من حالة الجمال الى حالة الانفعال
كيف؟
واحد زوجته تكون بتقطع في حاجة في المطبخ
تقوم تتجرح جرحة كبيرة
يقوم بدل ما يواسي
ويعالج الجرح وينضفوا ليها
طوالي يهاجمها
انا ماقلت ليك ما بسن السكاكين دي لاني عارفه بتجرحك
انت اصريتي اها قطعت ليك يدك ويكورك فيها بانفعال
نجي نحلل رد الفعل بتاعو
ببدا بانو رفض يسن السكين خوفا عليها
يعني ده دليل حب
لكن عبر عنه غلط
:)
ونواصل
|
|
 
|
|
|
|
|
|
|
|
Re: كيف تحب زوجتك .. لكي تموت في دباديبك (Re: د.محمد حسن)
|
طيب
وانت في السودان
صرفت المرتب الما بسوى شي
وبديت تحسب وقدر ما تحسب ما لافقة
ما مشكلة المهم طلع مبلغ ولو يسير
واشتري هدية لهيا انشاءلله شوكولاته من البقالة
بس تون مخصوص ليها
واديها ليه مع ابتسامة وقول ليه صرفت المرتب
لكن ما لافق
وشوف ردة فعلها
حلو؟
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: د.محمد حسن)
|
المرأة عالم ساحر ....الغوص الي عالم السحر يحتاج الي جنون أم فنون ؟.....ايهما تختار هو قدرك.....جاء عن خيارك مرفوعا بقوة الحب ... ينمو بالمزيد منه....ويخضر بثماره....بثماره نرتبط بالوجود....نزين الوجود بالجنون والفنون..
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: الفاتح علي التوم)
|
تحية
الصورة الكاركاتيرية يا الفاتح تدخل في اطار الواقعية السحرية....حسنا ان نزين الواقع بلمسة من الخيال به نصيغ مساحات اويع للقبول...
لا تخلو الحياة الزوجية من اشواك... تشمل الغيرة...المال سعة او ضيقا...العيوب الخفية المكتشفة بعد العلاقة كالكذب ...النفاق...البخل...العادات الضارة مثل عدم الاهتمام بالمظهر او عدم الاهتمام بالنظافة...العلاقة بين الاهل والاصدقاء...الاقارب..الاصدقاء المشتركين ومعايير الاختيار...الاختلاف في كيفية تربية الاطفال...الخلافات الفكرية ... ناتج ما سلف الاشارة اليه علي المردود العاطفي بين الطرفين وكيفية معالجته والاتفاق علي خارطة طريق يساعد كل طرف للاخر عن دوره فيها...الحوار في وقته وفي مكانه الصحيح...وتقديم العطف في كل الاوقات... تسير السفينة تعبر الامواج نحو افق متجدد..
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: د.محمد حسن)
|
طيب
يا ناس السعودية
وانت راجع من الشغل الساعة 5
في الاشارات في الاولاد الببيعو الورد
مرة مرة
اشتري ليك وردة بي 5 ريال
ولو حنكته حيديك ليها بي 3 ريال
وريالين للعيش
تعال داخل وبابتسامة اديها الوردة
حتكون والله حركة حلوة
انا جربتها :)
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: ابو جهينة)
|
Quote:
عندما تخرج معها ، وتقابلوا نسوان حلوات ، قل لها : شِن جاب لجاب
( وأكيد بتكون بتبلع في ريقك ) |
لا يا ريس كدة بتكون طبظتها ومش حتقدر تغمض عينيك في البيت تحسبا لاي حركة في المطبخ او درج السكاكين
انت بعد ما تمشو من النسوان السمحات تقول ليها
بالمناسبة انت توبك اجمل من تيابهم
انت بتصاحبي الشينات ليه؟
وتقول ليها عرفتي انا اخترتك ليه ؟ عشان سماحتك وقيافتك
| |
|
|
|
|
|
|
|
|
 Re: كيف تحب زوجتك .. لكي تموت في دباديبك (Re: د.محمد حسن)
|
غايتو ... يا دكتور ما عارف أقول ليك شنو
اشتريت كرت ظريف وكتبت فيهو
لو احبك انا العمر كلو برضو شاعر ما كفاني
وزهور وساعة ... نظام تغير الجو
..و اتباع نصائحك الغالية
المهم الزولة دي من اول امبارح مقطمة مني
و مادا بوز مترين ... وقالت اكيد في شيء
و مصرة تعرف الحاصل شنو ؟...لان تصرفي ده غير
طبيعي ..... من متين انا قاعد اجيب زهور ؟
و كمان هدية لو ما اكيد عامل عملة .. و النتيجة الغداء
امبارح من غير ملح ....و العشاء ( تك) لن عندها وجع راس
ولا زالت العقوبات مستمرة ....
استاهل اتا سمعت كللامك .....
تحياتي يا زول رائع
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: ادريس خليفة علم الهدي)
|
Quote:
وانت راجع من الشغل الساعة 5
في الاشارات في الاولاد الببيعو الورد
مرة مرة
اشتري ليك وردة بي 5 ريال
ولو حنكته حيديك ليها بي 3 ريال |
يا د. محمدحسن
دي نتيجة سماع كلامك وتنفيذو بحذافيرو
فعلا قريب من الاشارة لقيت بتاع الورود دا
قال بى عشرة .. اتذكرت (حنكته) وقمت حنكتو اداني ربطة بى 4
وحسيت بى احساس كدة مفرح جدا مختلف من تكون شايل ليها خاتم
او توب او ساعة .. احساس كانك بتسمع صولو الكمان في الطير المهاجر
او ( بتتعلم من الايام كاملة)
وحقيقة دي اول مرة في حياتي اشتري ورد (وكلو منك)
دخلتي البيت ... ناولتها الربطة .. سمعت دا شنو دا؟
قلت ليها الورد عشان الوردة حقت روحي وعمري وحياتي .. حسب توصياتك يا محمد حسن
وانا منتفخ الاوداج رافع الراس يمشي ملكاً ويفيض حبا وتحنانا .. حسب رؤيتك الفنية
سمعتها قالت غريبة لكن ؟ لقيتو وين ؟ ولا اشتريتو
قلت ليها تتخيلي الربطة دي بى (4) ريال
قالت .. والله لكن ... ثم اردفت
هسي كان جبت بيهم سندوتش شاورما ما كان احسن
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: عادل البراري)
|
الحب بين الرجل والمراة احساس مشترك
يقع مسولية تغزيته واستمراره على الطرفين
الرجل السوداني قبل الزواج يكون بكااااى وريااااد ومشتااااق
وبمجرد ما اتزوج بنتهى الحب والرومانسية والبكاء
و بصير رجل تقليدى زول معيشة زى ما بقولوا ويرمى كل هموا ومسولياتوا فى الشغل والاولاد والمعيشة
علشان كده بتتغير العلاقة وتصير مملة
علشان كده يحاول مرة اخرى يبحث عن علاقة جديدة مع اخرى
بالنسبة للمراة السودانية مجرد ما ولدت خلاص بتتغير وتبقي همها العيال
وبتنسي تهتم بي زوجها ونفسها وشكلها ووزنها
تصبح كذلك تقليدية
لذلك عليها محاولة جذب زوجها لى عشها بالتغير فى لبسها وعطرها وحتى شكلها وذلك يكون بالرياضة للحفاظ على رشاقتها
كل فترة تغير في البيت والعفش حتى لو تغير اوضاع العفش المهم يكون في تغيير في البيت
التجديد والتغير بكون سبب فى حياة افضل واستمرار الحب
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: وضاحة)
|
Quote:
الرجل السوداني قبل الزواج يكون بكااااى وريااااد ومشتااااق
وبمجرد ما اتزوج بنتهى الحب والرومانسية والبكاء |
ما قبض :)
ديل الا رجالكم ( وش ضاحك )
غايتو انا ردت وبكيت بعد الزواج
وضاحة يا جميلة المنبر
شكرا ليك على مرورك
ونقاطك الجميلة
وعندي بوست منفصل للنساء قادم باذن الله
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: عادل البراري)
|
Quote:
تحياتي أحمد
لكن نسيت بأن ملامحك تفضحك بوكل بساطة بأن محرش
هي أنثى بطبعها ودقة ملاحظاتها ومقدرتها علي القرية جيداً تدرك كل شي
من لمحه فانت دخلت بثور ووجه دكتور محمد حتى إرتباك عينيه كان معاك |
عدولة
والله خلتني اجري على المراية واعيد المشهد
انت كدة وفرت علي مشوار سنين وسنين
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: يوسف أبو صالح)
|
Quote: والله يا احمد ود عمر عملتها مرة المدام طوالى مشت جابت مقياس الحرارة ومصرة تقيس حرارتى((())))
|
بركة البقت علي دي يا مرتضى
صاحبي بلا وردة بهدلوهو
بس دخل فيها بي كلام من نوع بحبك يا حياتي ويا دنيتي وقامت حمرت ليه وكوركت فيه .. قالت ليه أكييييييد عامل عملة
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: أحمد محمد عمر)
|
كنا في دورة تدريبية وورشة عمل ضاغطة شديد ما فيها طريقة تمشي تتكلم بالتلفون برة
معانا واحدة مصرية شغالة مع راجلها القرف .. بتصل بيها 3 مرات في اليوم وهي تشتغل ليه أيوة فطرنا يا حبيبي خلي بالك من نفسك يا روحي
ونحن نشيل ونتضاير 
صاحبي مصري في الفيسبوك بكتب منشورات وبعمل لي تاق .. يعني مافي طريقة إلا أشاركه لأنه زعول
منشوراته حلوة والنقاش فيها بستمر .. أها فجأة تكبس ليك المدام ويشتغلوا ليك فينا يا حياتي ويا حبيبتي وبتاع
لمن أدنقر من الشاشة .. بجيني ليك إحساس الخش بيت ناس ولقى البنات في الحوش ما لابسات طرح
ود حلتنا دور مع المرة شكلة ليها ضل .. شكلو عامل عملة
أها عشان يكفر عن غلطته قام رص ليها منشور بتاع غزل في الفيسبوك كلو كلام من نوع حبيبتي ودنياي وأحلى حاجة حصلت لي وبتاع .. وإحنا قاعدين
وهي ذاتا بقت تتكشم وشغالة تحب فيه في المنشور .. وإحنا اتخضينا بقى
وحاتك اليوم داك الواتساب اتملأ كابشرات من بوست الغزل دة والقروبات كلها شغالة فيه يا ود ما تشد حيلك ! دي شنو الخيابة البسووا فيها دي !
يا أبو جهينة حنك الحب بالأفعال دة مبرر لي جفافنا العاطفي ساي
البنات بموتن في الغزل لكن نحن المشلولين عاطفياً
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: ابو جهينة)
|
Quote: في إعتقادي الجازم بأن نظرة إمتنان من الزوج بعد يوم شاق للزوجة تعادل بيتا من الغزل.
إبتسامة ودودة تعادل باقة ورد عند الدخول للبيت بعد عناء العمل. |
طيب يا ابو جهينة وهو المطلوب
التعبير عن الامتنان باي شكل
نظرة
وردة
وحاجات تانية حامياني
بس الحميمية يا ابو جهينة
| |
|
|
|
|
|
|
|
|
|
Re: كيف تحب زوجتك .. لكي تموت في دباديبك (Re: ابو جهينة)
|
الحل في الحضن
وقت ربنا قطع اللسان ده ومابنعرف نعبر ونقول الكلام
السمح كلما تلقاها قدامك امكسه واعصره عليك وفكها
بمناسبة وغير مناسبه
لو سالتك ده شنو قوليها الشوق
اكثرو من اظهار حبكم لزوجاتكم ولو بالكضب وخصوصا
امام الاطفال واكثر من مناجاتها بيا روحي وحبي وبعد جبدي
ونظر عيني
عل وعسي يطلع لينا جيل غير معقد ولسانه طليق في البوح
الي ان شاب راسي وانحني ظهري مارايت ابي يقبل او يلاعب امي امامي
شلنا منهم كل حاجة حلوه الا دي
| |
|
|
|
|
|
|
|
|
 Re: كيف تحب زوجتك .. لكي تموت في دباديبك (Re: Ammir Mohamed)
|
سلام للجميع اعتذر عن غيابي الفترة الفاتت كنت مشغول مع وفد صيتي
وهم ما بعرفو انجليزي وانا ما بعرف صيني
بس كان معاي مترجم صيني
المهم اتعلمت كلمة واحدة
الكلمة دي هي
ور ور
وتعني اللعب والفراغ
وهنا اكتشفت اننا الشعب العربي الوحيد الذي يستخدم هذه الكلمة بشكلها الصحيح
لما زمان يقول ليك
يا طيرة يا وارويرة
ونواصل
| |
|
|
|
|
|
|
| |
د.محمد حسن
محمد الكامل عبد الحليم
أحمد الشايقي
)
الفاتح علي التوم
ابو جهينة
عبدالعزيز الفاضلابى
الشفيع وراق عبد الرحمن
ادريس خليفة علم الهدي
عادل البراري
Ahmed Yassin
وضاحة
يوسف أبو صالح
فيس بوك
تويتر
انستقرام
يوتيوب
بنتيريست