فتاة سودانية:عندي سؤال أرجو منكم الإجابة عليه ...

Quote: From: Lady Salma Date: Sat, 25 Apr 2015 09:52:54 +0300 To: Bakri Abubakr Subject: فتاة سودانية السلام عليكم .... عندي سؤال أرجو منكم الإجابة عليه ... فتاة سودانية تريد الزواج ..حاولت اقناع أهلها فرفضوا ...تقدمت بإذن زواج للمحكمة فاعترضوا طريقها ...واجهت الضرب والشتم والمنع من اكمال الدراسة والحبس في المنزل لمدة سنتين وهذا النصف الأول من السنة الثالثة ...وكذلك المراقبة الدائمة والمنع من وسائل الإتصال ....نشرت قصتها في الإنترنت فحاول البعض التوسط فلم ينجح الأمر ....شاهدت في التلفاز برنامج لحل المشاكل فاستعانت بأهله فانقلب الأمر عليها ...أقنعت الوالدة الجميع بأني مضطربة وما فعلوه كان لحمايتي .... آسفة للإطالة لكن سؤالي هو : أنوى التقدم بإذن الزواج للمرة الثانية لكى أخشى أن تقنع والداتي الطبيب بأن يكتب لي روشته دواء لتقديمها كدليل لفقدان الأهلية في المحكمة مع أني توقفت عن الذهاب إليه ...ووالدتي استمرت في ذلك بعد شهر من توقفي عندما شعرت بأني أنوي الذهاب للمحكمة ... ما العمل ؟ Eat Pray Love

Quote: لاني بصراحة ما مقتنع في أسرة بتقيف في طريق أبنها أو أبنتها اللهم الا أذا كان هناك ما لا نعلمه

Quote: يا ود الباهي سيبك من المابتعلمو ادي رايك في العلمتو من ست المشكلة والحق

Quote: بت عمسيب سلام وتحايا يامني شنو الدراني أنو القالتو ست المشكلة هو الصاح؟ عشان تحكم بعدل وتقدر تعطي إجابة لها لازم من أن نسمع الطرف الثاني ( أسرة الفتاة ) بدون سماع الطرف الثاني كلامنا حيكون ما ذو أهمية .

(عدل بواسطة مني بت نفيسة on 04-26-2015, 12:22 PM)

Quote: مافي أي إنسان يمتلك أو يستحق انك تضحي عشانه بي والديك

Quote: لكن إحتمال كبيرة أهلها مقتدرين

Quote: وفكري بي عقلك وشوفي واحسبي لي امك دي من يوم ما ربي خلقك في بطنها ولحدي اليوم بتكون عملت شنو وشنو وشنو لحدي

(عدل بواسطة مني بت نفيسة on 04-26-2015, 08:18 AM)

Quote: هذا ماجناهو ابي علي وما جنيته علي احد

(عدل بواسطة Saifelyazal Elmaki on 04-26-2015, 08:28 AM)

Quote: تصدقي اظلمني ابي ولا اظلمه الوالدين يا اختى منى ربنا وصى عليهم في القرآن كثير وانتي عارفة لكن كلام اخوي ود الباهي ما تدي الواطة انتي سمعتي من طرف البنت وحكمتي طوالي وهذا ظلم وطوالي حملتي الموضوع للوالدين مش امكن يكونوا مظلومين لكن عقوق الوالدين دي صعب بالحيل يا اختي

Quote: غايتو كلامك دا يستاهل يردو عليهو رد ( هذا ماجناهو ابي علي وما جنيته علي احد ) ههههه بعدين يا اخي صادق الشئ المعروف وفي الاسلام نفسه حرية المرأة في الزواج ومن الطبيعي في اثناء العقد لازم يسمع الماذون كلمة رضا العروس .. اها وقت دا الشرع قال كدا الأم والاب الدخلهم شنو في سعادة بتهم ؟ يا ناس لو قللنا شوية من الجرعات الاجتماعية المتعصبة دي والله ما تجينا الحبه .. خلو الاخريين يعيشوا سعادتهم ولو للحظات يجيركم سعادة انتوا ايضآ بسعادتهم .. وسلمت .

Quote: (مافي أي إنسان يمتلك أو يستحق انك تضحي عشانه بي والديك, موش لو بتحبيهو , لو ميتة فيهو عدييييييل يا بنتي غير امك وابوك مافي اي شخص يستحق ان تضحي عشانه او من اجله)

Quote: لو كلامي ما بستاهل الرد ما كان رديتي عليه لكن لأنو بستاهل الرد عشان رديتي عليه

(عدل بواسطة مني بت نفيسة on 04-26-2015, 10:03 AM)
(عدل بواسطة مني بت نفيسة on 04-26-2015, 11:44 AM)

Quote: وشوشه : لو سمحت امشي راجع كلامي عشان ياكد ليك انا ما قلت ما بتستاهل يردو عليك . ومشكور .

Quote: آسفة للإطالة لكن سؤالي هو : أنوى التقدم بإذن الزواج للمرة الثانية لكى أخشى أن تقنع والداتي الطبيب بأن يكتب لي روشته دواء لتقديمها كدليل لفقدان الأهلية في المحكمة مع أني توقفت عن الذهاب إليه ...ووالدتي استمرت في ذلك بعد شهر من توقفي عندما شعرت بأني أنوي الذهاب للمحكمة ... ما العمل ؟

Quote: مافي ام ولافي ابو في الدنيا دي بعارض راحة بنته او ابنه سااااااي كدا واقول ليك كلام حار شوية وارجو انك تقبليهو بي صدر رحب (مافي أي إنسان يمتلك أو يستحق انك تضحي عشانه بي والديك, موش لو بتحبيهو , لو ميتة فيهو عدييييييل يا بنتي غير امك وابوك مافي اي شخص يستحق ان تضحي عشانه او من اجله) ما داير اقول ليك كلام كتير تاني لكن ختي قلبك فرق صدرك وفكري بي عقلك وشوفي واحسبي لي امك دي من يوم ما ربي خلقك في بطنها ولحدي اليوم بتكون عملت شنو وشنو وشنو لحدي ما بقيتي كبيرة كدي واصبحتي تحاربيها علناً - وشوفي ابوك كم ضحى وكم فرح وكم بكى من اجلك (والله انتي تلقاك كنتي من النوع الجنو كسير لعبات). فكري بعقلك واذكري لهما جميلهما ولو فقدتيهما حا تكوني فقدتي كل شيء جميل في الدنيا والآخرة والزول العاوزة تحاربيهم عشانو دا والله ما فيهو اي فائدة لأنو لو فيهو فايدة مفروض يقول ليك غير امك وابوك انا ما عاوزك وبكرة برميك في الشارع. ما تسمعي لي كلام ناس بت نفيسة ديل - والله يدخلوك التشتشة وانتي تعايني وهم تلقيهم بارين بوالديهم وما عندهم اي مشكلة معاهم وتلقيهن عرسن بالباب عديل.

Quote: السلام عليكم .... نشرت قصتي في هذا الموقع في أوائل شهر نوفمبر ....لمن يحتاج معرفة التفاصيل فتاة سودانية تحيا مشكلة حقيقية وبحاجة ماسة للعون الأسباب باختصار : نسب الشاب وعائلته لا تشرفهم على حد قولهم ...مع أننا من نفس القبيلة .... مستواه المادي ...وعمله ...يرون أنها لا تناسب فتاة مثلي ... يرون أن الأمر تحدي لرجولتهم من جانبي أنا وهو ...لأنهم قالوا لا وقلت نعم صورا الأمر كعقوق من جانبي ..مع أني لا زلت بارة بوالدي ولم يصدر مني أي اساءة لهما ...فقط طالبتهما بتحكيم عقلهما وقلبهما ...اختارا التضحية بابنتهما لأرضاء أهلهما أنا فتاة هادئة الطبع ومسالمة...استنكر أهلي تصرفي واعتبروني مسحورة أو مصابة بمرض نفسي ... المشكلة في النفاق الإجتماعي وحب الناس لتضخيم المسائل ..... ولمن يرى الأمر كعقوق ....أسأل : هل يرضى الله الإساءة للآخرين وافتراء الكذب على الناس ؟ هل يرضى الله الإساءة لمشاعر الناس واحتقارها ؟ هل يرضى الله استخدام العنف اللفظي والجسدي والتشهير بالآخرين لأجل غاية ما ؟ ولمن يتعامل بمجموعة الأحكام المسبقة :افترض أني مخطئة في كل ما فعلت ...هل يتيح هذا لوالدي التمادي ؟ ألا يخشيان حدوث مكروه لي ؟ لم أنكر فضلهما علي ...لكن هذا لايبيح لهما ظلمي بهذا الشكل ..بحجة أنهما انجباني فيفعلان بي ما يريدان .... كل الأمر هو سوء فهم وتقدير من جانبهما وكبرياء ...ومع هذا فلن أفعل مثلهما وإذا احتاجا إلي يوماً فلن أخذلهما كما خذلاني ..... المهم في الموضوع .....سبق وتقدمت بإذن الزواج وكان الأمر يسير بشكل جيد ...لكنهم اعترضوا طريقي واجبروني على التوقف ووعدني البعض باتمام الأمر ...طلبوا مني شطب الدعوى ..صدقتهم وكنت أنوي فعل هذا لكن موظف في المحكمة نصحني بعدم فعل ذلك ...الدعوى محفوظة وتحريكها ليس صعب ... Eat Pray Love

Quote: طيب نفتي ليكم إجتماعياً إذا أهلها قالوا عندها إضطرابات نفسية يعني مريضة يكون العكس هو الصحيح يعني لو جاها عريس بفكوها ليهو طوالي لكن إحتمال كبيرة أهلها مقتدرين والعريس شكله ما عنده التكتح لا يمتلك من مقومات الزواج إلا الحب والفلس لأنه لو في أي عيب أخلاقي في العريس الأهل ما كان إضطروا يقولوا البت عندها إضطراب نفسي ولو مسألة عنصرية البت كانت ذكرتها وقالت لأنه من قبيلة غير قبيلتها على الأقل وإنه أهلها عاوزين يدوها لواحد من الأهل بعيداً من القانون والذي منه في حلقات ناقصة في القصة .. لكن زي ما قالت منى البت شكلها شاعرة بإنهم هضموا حقها في إختيار زوجها