|
|
|
 Re: صور مشاركة ابناء الجالية السودانية بالمن� (Re: سيف النصر محي الدين)
|
سلام يا دكترة ... سيف
الشئ البعرفوا السعودية فيها قرابة الخمسة مليون والله اعلم لا استطيع الجزم
ولكن حتي لو كانوا الشوية ديل مؤيدين للبشير موش اولي بيهم وطنهم وتطورو
وتقدموا مدام ما بلدهم وحكومتهم مافيها عوجة المهجرهم شنو هو الهجرة شنو بذات
في الدول المتخلفة دي غير تضيع وقت ؟
ولك التقدير .
| |
 
|
|
|
|
|
|
|
|
Re: صور مشاركة ابناء الجالية السودانية بالمن� (Re: أيمن محمود)
|
غايتو ناسك ديل نضاف وسمحين،
لكن ماهن كتار،
.....................
ياخ تجيب ليك ستة تنفار، وتقوم تصورن من مواقع مختلفة وتقول مشاركة ابناء الجالية....
جالية مين ياعم، وجالية ايه؟
ليس هنالك اي مكسب للمؤتمر الوطني بجلب هذه الصور، بل واضح لكل ذي بصيرة انها اعداد قليلة جدا!!!
لماذ ايرادها هنا؟
هذا سؤال يحتاج اجابة؛
| |
|
|
|
|
|
|
|
|
|
Re: صور مشاركة ابناء الجالية السودانية بالمن� (Re: عصام محمد يوسف)
|
الف مليون مليار ترلليون مبروووك ,,, لحزب المؤتمر الوطني وفروعه بالاحزاب الاخرى ،،،
حضور لافت ،،،
وحشد منقطع النظير ،،،
ولمه ما منظور مثيلا ،،،
من عضوية المؤتمر الوطني وبعض فروعه ،،،
في إحدى فعاليات المؤتمر الوطني وبعض فروعه ،،،
قف ،،،،
ما تشتغلوا بالمرجفين ديل كتير ،،، ولي قدام ،،،
| |
|
|
|
|
|
|
|
|
|
Re: صور مشاركة ابناء الجالية السودانية بالمن� (Re: عبد الماجد مصطفى)
|
المرجفون ديل جات سيرتهم مع المنافقين طوالي
لَّئِن لَّمْ يَنتَهِ الْمُنَافِقُونَ وَالَّذِينَ فِي قُلُوبِهِم مَّرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا ﴿٦٠﴾ مَّلْعُونِينَ ۖ أَيْنَمَا ثُقِفُوا أُخِذُوا وَقُتِّلُوا تَقْتِيلًا ﴿٦١﴾ سُنَّةَ اللَّـهِ فِي الَّذِينَ خَلَوْا مِن قَبْلُ ۖ وَلَن تَجِدَ لِسُنَّةِ اللَّـهِ تَبْدِيلًا ﴿٦٢﴾
| |
|
|
|
|
|
|
|
|
|
Re: صور مشاركة ابناء الجالية السودانية بالمن� (Re: عصام محمد يوسف)
|
ديل يعني العاجباهم الحكومة .. يستاهلو !
_____________________
إتذكرت لي نكتة يا دكتور يا سيف حصلت في الواقع يعني ، قالوا في إتنين أولاد خالات كدا وعندهم خالهم كدا بيفتخروا بيهو ساكت ما عنده أي مفخرة إلا إنه خالهم الوحيد الما عندهم غيره، وشغالين نفخ لأصحابهم خالنا الوجيه وكان معانا وسافر وبجي بعد أسبوع وخالنا جا وهكذا، في زول من أصحابهم بدون سبب بقى ومن قبل ما يشوف خالهم دا بقى يكره خال الشباب ديل ... المهم يوم كدا جاهم في البيت وبالصدفة كان خالهم موجود وأول مرة صاحبهم يشوف خالهم القادين بيها كل الشلة والخال شين شنا شديدة ما بتبلع ولا بتقدر تجامل فيهو خليك من إنه يكون وجيه زي ما أولاد أخواته طالعين بيهو السما، فشنو قامو قدموه لصاحبهم وقالوا ليهو دا خالنا فلان, صاحبهم عاين ليهو كدا وقال ليهم هو ياهو دا خالك ؟ قالوا أيوة .. قال ليهم تستاهلوا ههههههههههههههههه
| |
|
|
|
|
|
|
|
|
|
Re: صور مشاركة ابناء الجالية السودانية بالمن� (Re: Asim Fageary)
|
سلام يا عاصم
Quote: ديل يعني العاجباهم الحكومة .. يستاهلو !
|
ياخي انت موش قاعد في السعودية وعارف "تمن" عضوية المؤتمر الوطني غالي كيف
طيب بتسال مالك (وجه مبتسم)
ديل بجيبوهم بالريموت كنترول يا عمك، مجبر اخاك لا بطل، انساك من قصة الاصابع المرفوعة دي والله اكبر وتجارة الدين دي
لحس كوع بس
| |
|
|
|
|
|
|
|
|
|
Re: صور مشاركة ابناء الجالية السودانية بالمن� (Re: أحمد ابن عوف)
|
احمد سلام
اولا : كلمة مرجفين ،، في مداخلتي ،،، كان مقصود منها المعني اللغوي للكلمة ،،،
وليس معناها في السياق القرآني الوردت فيه ،،،
وانت اوردت الآية الكريمة كاملة ،،، عشان كدة سألناك !!!
ثانياً : المرجفون هم الذين ينقلون الشائعات ،،،
والشايعة السمعناها ،،، انو الاقبال على الصناديق في جدة كان كبيراً
وشايعة تانية تقول انو مافي زول مشى عليهم ،،
بس الصور الشفناها ،،، هي لنفس الوجوه ،، البنشوفها في معظم تغطيات مناسبات الجالية والقنصلية
لكن عدد الشفع في الصور دي اكتر شوية ،،،
ورغم اني ما مشيت واسمي ما مسجل زاتو ،،
لكن بميل للرواية الثالثة ،،،
وبكرر تهنئتي للمؤتمر الوطني في الفوز بانتخاباتهم ،،،
وبقول ليهم كل خمسة سنين وانتو طيبين !!! .
| |
|
|
|
|
|
|
|
|
|
Re: صور مشاركة ابناء الجالية السودانية بالمن� (Re: نصر الدين عثمان)
|
| Quote: ياخ تجيب ليك ستة تنفار، وتقوم تصورن من مواقع مختلفة وتقول مشاركة ابناء الجالية.. |
سيف النصر ونصر الدين ياخ بالغتو ...
خلوهم يستعرضو شوية
ههههههههههههه
شفتو القاعدين ( يتدافرو ) قدام الكاميرا وكل مرة يتصورو في حتة ديل ؟؟.... بكرة لو ج حكم شارون ذاتو تلقاهم بتدافعو ... كلو تدافع
بس عجبني النسوان القلاااااااااااااااد وماكنات ديل ... ضاربات المكيفات والجداد الميت دا .. خاصة البتكورك الاولى ديك .... زيييييييييييييين ماكنة
دي اشكال بترجع السودان تاني ؟؟؟
ديل عاملين زي الفرق الشعبية في مولد النبي في السيدة زينب كل مرة يخموهم بحافلة ويودوهم لمناسبة
| |
|
|
|
|
|
|
|
|
Re: صور مشاركة ابناء الجالية السودانية بالمن� (Re: محمد حسن العمدة)
|
من لايشكر الله .. لايشكر الناس
التحية والتقدير لهذا الفارس المغوار
الذى يصول ويجول حاملا الكاميرا
للتوثيق .. ولاخراج عمل مميز وجميل
يسعد به الجميع
أنه الاخ والزميل عصام محمد يوسف
له التحية والتقديرات لكل عمل جميل
يقوم به دون كلل ولا ملل
بالرغم من صعوبة ومشقة هذا العمل
مرة أخرى لك التحية ونرفع لك
القبعات أحتراما وتقديرا لك
أيها الفارس الجسور ..
ولكن !!!
السؤال الذى يفرض نفسه
أين الأحزاب ؟؟
ولماذا تم أقصاء الاحزاب
من المسؤول عن ذلك
مؤتمر الخليج
أم قنصلية جدة !!!
وكلاهما ..
أحمد وحاج أحمد ..
ثم ماذا ؟
هندام .. وجلاليب فضفاضه ..
ونتيجة مغززة ومخجلة
لم تتجاوز 1200 شخص
وهنا يكون التساؤل ؟
أين عضوية مؤتمر الخليج
التى تفوق هذا العدد المخجل حقا ؟
وأين ذهبت أموال الانتخابات ؟؟؟
عيون باكية ..
ودموع غزيرة ..
والقلوب حسيرة ..
والنفوس كسيرة !!
والناس كلها حزينة !!!!!
مكلومة .. جريحة ..
مسربلة بالحديد .. مصبوغة بالدم !!
مضروبة على الرأس .. ومشلولة القدم ..
الهموم ثقيلة .. والالسن معقودة .. والأمل مقتول !
واليأس موجود .. والاحباط جاثم ..
وكل شئ مؤلم وقاس
وموجع وموذ ...
أسود قاتم .. ومظلم مخيف ..
والجرح لازال غائر وعميق !!
نازف وبجرح من جديد !!!
بسيوف وسكاكين .. وأسياخ من حديد
وشرود وحيرة .. وشلل فى العقول
وعجز فى الفهم ..
وهروب كأنه يوم القيامة ..
ونسبة أنتخابات مخجلة !!!
ونزوح كأنه فرار من بركان ..
وهنا يبقى السؤال ؟؟
أين ذهبت تلك الاموال التى صرفت لللانتخابات ؟؟؟
لاتفسير ولابيان .. ولا دوافع ولا أسباب !!!
ولا مرجع ولا أساس !!
بل ضياع كالذهول ..
وصدمة تذهب بالعقول !!!
ولعل حقيقة الأمر أشد من هذا وأدهى !!
والمصيبة أكبر من الخيال !
وأشد وقعا من الزلزال
تلك هى أحوال مؤتمر الخليج
وأكتفى ولن أزيد ..
تاج السر
| |
|
|
|
|
|
|
| |
عصام محمد يوسف
سيف النصر محي الدين
أحمد قلوب
أيمن محمود
عبدالمنعم الطيب حسن
وائل حمزه الزبير
أحمد ابن عوف
عبد الماجد مصطفى
Asim Fageary
عبد اللطيف السيدح
نصر الدين عثمان
تاج السر محمد حامد
فيس بوك
تويتر
انستقرام
يوتيوب
بنتيريست