|
|
 شكرا للجميع..!!
|
07:38 PM Oct, 08 2015
سودانيز اون لاين
Kabar-كـــندا
مكتبتى فى سودانيزاونلاين
نشكر الجميع هنا نساءا ورجالا..
كتبت بوست بعنوان (بنية الوعي التناسلي والعنصرية: سكوت دينق اخوان عن ترشيح تراجي مصطفى)..
دخلت كتبت مداخلة بتاعة مطايبة للحضور..ولاحظت اختفاء البوست واختفاء كلمة المرور..
راجعت الأمر ولقيت البوست اتحول لمكتبتي في سودانيز اونلاين..يعني اتقفل على كده..!
عموما البوست ادى كتير من اغراضو..ونور الناس على حاجات كتيرة ما بتخطر على بالهم..
سوف اخرج الآن..و التنوير ده ذاتو يمكن يلحق امات طه ومش بعيد تحصل خرمجة..
لكن تظل الحقيقة هي الحقيقة..
وممكن نعمل بدل فاقد..زي ما ناس دينق اخوان..لمن تنسحب بوستاتهم بيرجعوا تاني يكتبوا نفس الخيط..!
البوست كان الغرض منو كشف عنصرية البعض.. لمن يقوموا يتلحوا نجوى قدح الدم ..و يتعاطفوا مع تراجي ..والإتنين اتعاملن مع النظام..
والحاجات الفرعية.. فكرة الناس الكانت بتثق شديد في تراجي مصطفى..واليوم دخلوا في موقف حرج..وما قعدوا يدافعوا عن تراجي الإ خوفهم من كونهم اتعاملوا معاها..وما عارفين الحاجات ح تنتهي لي شنو..!
ناس كتيرة يا معاوية عبيد الصايم اتعاملت مع النظام..و نساء كتيرة دخلت عبر المفاضات مع الحركات المسلحة..و مافي زول تكلم..ومافي دينق اخوان طبل للناس دول..
فكونوا يختار بوعي كامل ملاحقة نجوى قدح الدم باعتبار انها اتعاملت مع النظام..فهذه عنصرية وبنية وعي تناسلي..
عموما التحية للجميع..ونشكر الجميع هنا..
والبوست فيهو حاجات كتيرة ما بتعجب ناس كتيرة..وكان ممكن تكون حريفة وتتعامل بنظرية التجاهل للكلام الفي البوست..ركونا لنظرية انو الشعب السوداني نساي..الناس تقرا وتنسى..!
لكن التدخل في السحب.. بيكون ليهو اثر سلبي..و بيخلي الناس تعرف حاجات ما كانت منتبه ليها..
بيت الأشباح دينق اخوان لا يقل شأوا عن فعايل تراجي مصطفى..ودي الحقيقة الخايفين انها تمرق للرأي العام..
تحياتي..
كبر
|
|
  
|
|
|
|
|
|
|
|
Re: شكرا للجميع..!! (Re: Deng)
|
طالما البوست باق في مكتبتك وما مشى الخور فسيظل مرجعاً لما تكتبه يا كبر...
واصل في كتاباتك عن الأعضاء التناسلية... فأنت خير من يكتب عنها!
| |
|
|
|
|
|
|
|
|
|
Re: شكرا للجميع..!! (Re: Mohamed Yassin Khalifa)
|
يمين بالله يا كبر بوستيكم المقصود عاش ومات ولم أفهم فيهو التكتح
وأكاد أجزم إنو نص البورداب ديل متل حالتي واحد
و.. دي مشكلة فتحنا ليها بوست كامل بي اسمها وقلنا (النجيضة أول البوست)
يظن بعض الناس أن كل الناس يتابعون كل البوستات وتواريخ البوستات والناس.
مافي مشكلة كونه ما أفهم ولا نص البورداب يفهموا مغزى وفحوى بوست من البوستات، عادي وتحصل في أرقى المنتديات.
لكن بوست يهز المنبر ولا نعرف عنه شيئا، فهذا ما أشعرني بأننا نعيش في جزر منفصلة في أرخبيل بكري.
الآن فقط بدأت استوعب شيئا عن البوست ، فقط من هذه الفقرة:
Quote: البوست كان الغرض منو كشف عنصرية البعض.. لمن يقوموا يتلحوا نجوى قدح الدم ..و يتعاطفوا مع تراجي ..والإتنين اتعاملن مع النظام..
والحاجات الفرعية.. فكرة الناس الكانت بتثق شديد في تراجي مصطفى..واليوم دخلوا في موقف حرج..
وما قعدوا يدافعوا عن تراجي الإ خوفهم من كونهم اتعاملوا معاها..وما عارفين الحاجات ح تنتهي لي شنو..! |
ولو تسمحلي ألحّق مداخلة للبوست المغفور له وأقول:
ما الذي يجعل الموقف من بت قدح الدم عنصريا ومن بت رستم ليس كذلك؟
يا زول الأخير دا (عمنا رستم) قاعدين يقولوا عليهم غزاة عديل كدا
وأقول ليك حاجة أخيرة، مش تراجي دي أشهر من سيد الحوش شخصيا، أقسم بالله ما عارِف تصنيفها شنو في المنبر دا
أما نجوى قدح الدم (وإن شاء الله أكون كتبت اسمها صحيح) فلم أسمع بها أصلا.
وكان جينا للحوار الوطني، أو كما سماه أحدهم الخوار الوطني أو الحمار الوطني فلا أدري لماذا نأخذه مأخذ الجد، بَلَه نتشاكل بسببه
فهو لا يعدو كونه أحد هراءات أو خراءات هذا النظام المتعددة الألوان
وإن شاء الله ما نكون غلطنا على زول فيكم بهذا الجهل
| |
|
|
|
|
|
|
| |
Kabar
Deng
Mohamed Yassin Khalifa
معاوية الزبير
فيس بوك
تويتر
انستقرام
يوتيوب
بنتيريست