سيتم عقد قران إبنة الصديق / عبد الله ودالبوش يوم الجمعة 6 مارس الجاري ألف مبروك للابنة وللصديق ودالبوش جعله الله زواجا ميمونا مباركا ورزقهم ذرية صالحة وألف بين قلوبهم
03-03-2015, 03:30 PM
عادل البراري
عادل البراري
تاريخ التسجيل: 01-07-2013
مجموع المشاركات: 4051
شكرا مرتضي البراري هههه يا عباس زولي قرح عارفو .. قرح دي اسألو منها موسي الراجل ولا الفاضلابي والعببد وود المنسي ياريت والله ترانا مزروعين ليكم هنا يا قمنا بترول ولا جا بعشوم ! اكل باقي جتتنا
مرحبا أبوسن وألف ألف مبروك للأخ عبدالله ود البوش زواج ابنته أريج يوم الجمعة القادم.. عقد القرآن كان في رمضان الماضي.. وكنا حضوراً أنا وصاحبي عباس الدسيس..
Quote: سيتم عقد قران إبنة الصديق /عبد الله ودالبوش يوم الجمعة مارس الجاري .. ألف مبروك للابنة وللصديق ودالبوش جعله الله زواجا ميمونا مباركا ورزقهم ذرية صالحة وألف بين قلوبهم
سلام شيخ العرب ـ مشتاغووون والله علا الغربة وجعها مسافر فى النسيج الحى ـ وقاعدين نَخدِّر فى الجروح نامن دخلنا فى غيبوبة لانفيق منها الا للمجاملة فى الافراح التى تنثرونها من حين لآخر ,, فلنزف التهانى لبنت اخونا اللى اتلوَّم فينا لوم اليابا فضيل او كما يقول المك ودالمنسى ياخ الزول ده زعلو ده ماليهو آخر؟ يعلم الله مشتاق للونسة معاهو . انا ماعارف ناس حوش بت السيد ادوهن عين ولا شنو كدى ياعبد الحفيض اختف كراعك لى عِن جبل مويه فى شيخ كارب هناك خليه يسوى لينا حجاب وعلقوهو قدام حوش بت السيد عشان يكف العين. وكان ظروفك مابتسمح كلِّم المسنوح يغشا معاهو مايرنو ويزور الامين كابو.
بالمرة كدى ياعبدالحفيض ترجم لينا مداخلة عباس الدسيس دى ,,, وديتها شرق غرب ,, يمين شمال مافهمت فيها التكتح.
شكرا صديقي ود اب سن شكرا لكل الاصدقاء والصديقات المخلصين منهم والمخلصات يا معلمين يا معلمات ومن هنا اوجه الدعوة لكل الاصدقاء بالرياض وما جاورها قاعة اوبرا طريق ديراب بعد الدفاع المدني على نفس الطريق الجمعة 6 مارس 2015م 0554009464
03-04-2015, 06:43 AM
اسامه العريفي
اسامه العريفي
تاريخ التسجيل: 02-28-2014
مجموع المشاركات: 754
الاعزاء والعزيزات عادل البراري مرتضى عبدالجليل عباس الدسيس اميرة السيد بسمات عبدالرحيم ايمن دياب رانية الشيخ اسامة الامام اسامة العريفي عبدالعزيز الفاضلابي طه كروم محمد البشرى منى بت نفيسة عاصم فقيري بله محمد الفاضل محمد هاشم ابوزيد احمد الشايقي معتصم سليمان بدرالدين الطائف محمد مجيدو اشكركم لوجودكم هنا واتمنى حضور من يتمكن من الحضور وتكون الفرحة ملايين الفرحات بوجودكم
الف مبروك ابنتى العروس الجميله اريج وربنا يهنيها مع عريسها ود ابوسن وحاتك انت ود البوش ده كان عطنوهو فى باريس ونقعوهو فى لندن مايبقى راقى يا اخوى بعد يرسل ليك الكروكى بقوقل ايرث يلحقك بتلفون يقول ليك بعد تقطع الاشارة تلقى ليك شديرات وبعدن شارع امشى على طول بتجيك عمارة اول ماتفوت العمارة بتلاقى كوشة خليها وامشى طوالى بتلقى الاستراحه يمينك يعنى يطرطش القوقل ايرث فى راسو ده ويتوهو.. زى ما قال المثل: الفتريته ما بتبقى رغيف و ود الاقاليم ما ببقى ظريف ،،،
03-04-2015, 02:26 PM
عبدالله ود البوش
عبدالله ود البوش
تاريخ التسجيل: 08-12-2009
مجموع المشاركات: 6700
جاهزين يا الارباب ابوسعيد في انتظاركم . . تذكير اخير قاعة اوبرا للأفراح طريق ديراب بعد الدفاع المدني على نفس الطريق يحي الحفل مجموعة مداح قبل وجبة العشاء الفنان ود الشيخ والفنانة هاجر جبرة والفرق المشاركة فرقة البطانة فرقة دار جعل فرقة اولاد حلفا والى اللقاء
03-05-2015, 10:43 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
تنويــــــــــه هـــــــــــــــام الحفل غير مختلط صالة للنساء مع الفنانة هاجر جبرة صالة للرجال مع الفنان ود الشيخ والفرق المشاركة والدعوة موجهة لكل الاهل و الاصدقاء والمعارف بالرياض وما جاورها
03-05-2015, 01:07 PM
ابو جهينة
ابو جهينة
تاريخ التسجيل: 05-20-2003
مجموع المشاركات: 22489
ثانيا مبروك مرة ثانية للعروسين ولوالد العروس ود البوش والله انت السعيد يا ود البوش....( ثلاثة فرق مرة واحدة) .. طبعا حأتفاهم مع اولاد حلفا بلغتهم النوبية.. والله يديك الصحة والعافية
تخريمة( يا الغالية بت نفيسة.. مالك افشيتي السر وضيعتي لينا الـ surprise>> والله يديكي الصحة والعافية
03-06-2015, 08:07 AM
ملهم كردفان
ملهم كردفان
تاريخ التسجيل: 02-16-2013
مجموع المشاركات: 4742
هي البلد مقلوبة بي جاي وأنا ما جايب خبر تب أنقز وأعرض في حوش الأميرة براي زي مجنون صقيعة ود كِروي النشامة والنشميات ود البوش ضرعات البايتات قَوىَ هيييييييييع غايتو يومالجمعة المضى ضهركم لو إتشخبطت إت وود سعيد خالد تب ما عافي منكم عصاكم سمحة وإن شاء ما كانت عصي عرضة وهزة ب وكانت مسند لجسد أنبرى للبطان وضرب السوط والركزا بفرز الناس عشان زينوبة ما بتحوق
بطاحين
جعليين
حلفاويين
03-08-2015, 02:28 PM
ودقاسم
ودقاسم
تاريخ التسجيل: 07-07-2003
مجموع المشاركات: 11146
الاعزاء والعزيزات أبوجهينة عمر علي حسن اميرة السيد ملهم كردفان جمال ود القوز اسماعيل عباس مهيرة خالد علي محجوب المنسي يعجز كيبوردي عن شكركم وكل ايامكم افراح
03-08-2015, 02:35 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
شكرا للاصحاب والصاحبات هنا من شملني بالتهنئة مع بنتي اريج ومن تمني لي زواج صغيراتي واخص عباس ومهيرة تخصيص محبة ولشلة المسانيح اخص بصيغة التفضيل ولود البوش مبروك وربنا يسعدهم ويكفيهم شر مصايب الدنيا
03-08-2015, 05:17 PM
مهيرة
مهيرة
تاريخ التسجيل: 04-28-2002
مجموع المشاركات: 946
الف الف مبروك صديقي ود البوش زواج الابنه وبالرفاه والبنين اجدني جد اسف لعدم تمكني من الحضور والفي القلب في القلب يا عزيز فاعذرني مشكور اخينا ابو سن علي افتراع البوست
03-09-2015, 05:11 AM
عبيد الطيب
عبيد الطيب
تاريخ التسجيل: 08-31-2012
مجموع المشاركات: 1801
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة