|
Re: تعرف على اصحاب الصورة ... و اكتب عن الزمن ال (Re: عبدالحفيظ ابوسن)
|
سلامات الحبيب يحي و عساك طيب.. غايتوا الزول ابشنب الفى الصورة الأولى الشايل الكاميرا أن ما بقيت ياكا ذاتك احتمال يكون الاستاذ الإعلامي الفذ حمدي بدر الدين، راجل لطيف و جميل و دمه خفيف، الله يديوا و يديك العافية.. و بعدين يا أخوي الزمن الهسى فينا دا برضو جميل بوجود ناس جميلين مثلك فيه، على الرغم من علو درجات الضنك و المشقة حاليا، و قبل المغادرة نتمنى الزمن القادم يكون أجمل و كدا..
سلام و عوافى..
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عبدالحفيظ ابوسن)
|
Quote: ياعمو !! دحين معاك لكن كمان ماقدر دة ما عصرت علينا كدة قال ليهو الديدبان في البوابة ثااااااااااابيييييييييسست عندك ؟ |
و الله يا ود ابسن قلت لي رقبتي لو صاحبي حفيظ جا بي جاي
حيعرف واحد من الاتنين الفي الصورة الاولي لأنه من أولاد كوستي
و اديك ( بخره ) ... كان بلعب نص في الوطن في السبعينات ...
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: يحي قباني)
|
Quote: سلامات الحبيب يحي و عساك طيب.. غايتوا الزول ابشنب الفى الصورة الأولى الشايل الكاميرا أن ما بقيت ياكا ذاتك احتمال يكون الاستاذ الإعلامي الفذ حمدي بدر الدين، راجل لطيف و جميل و دمه خفيف، الله يديوا و يديك العافية.. و بعدين يا أخوي الزمن الهسى فينا دا برضو جميل بوجود ناس جميلين مثلك فيه، على الرغم من علو درجات الضنك و المشقة حاليا، و قبل المغادرة نتمنى الزمن القادم يكون أجمل و كدا..
سلام و عوافى.. |
كضباً كاضب زي ما كان بقول محمد سليمان
ما حزرت يا حبيبنا ...
رغم انو الفي الصورة ذاته رجل لطيف و جميل و دمه خفيف ... زي حمدي بدر الدين تمام ...
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: يحي قباني)
|
يا صاحب مش قلت ليك مابعرف كورة لكن بعرف الناس سامي حجازي دة بتذكرو طشاش .. تقريبا قرا هندسة جامعة الخرطوم . فشقيقي احمد قرا في ذات الزمان هندسة مدنية .. وكانت دارنا مكان لقاءاتهم . يسكن الحلة الجديدة بالقرب من جامع الاحمدين واظنه الان بالخرطوم .. كان نشطا
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عبدالحفيظ ابوسن)
|
Quote: فشقيقي احمد قرا في ذات الزمان هندسة مدنية .. وكانت دارنا مكان لقاءاتهم |
أحمد ابو سن سنيورنا
بل و أخ كبير و قائد روحي لجميع أبناء ( جنوب النيل الأبيض) .. تزاملت معه فى الكلية و فى تصديق و تشييد نادي الخريجين مع كمال ابو شمة و كمال قنيف و ميرغنى قمر و صلاح ابن عوف و بدرية و فاطمة السمحة و د. منى حامد و آخرون ..
و كان بيته ملتقى لقرارات كبيرة ذات أثر. له مواقفه و اسهاماته .
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: معتصم الطاهر)
|
معتصم الطاهر ... حارس مرمانا ..
مع انك يا معتصم حرست العرين سنوات لكن مشكلتك جيت بعد محمد الأكرم ... و محمد كان اسد في عرينه ...
انت و احتياطيك شريف الحلفاوي... شريف الصفاية ... :)
علم الدين الهادي و فيصل و صلاح العاقب و صلاح سوكابا و طلب و سامي حجازي ... و جعفر محمد علي
أيام ياخي ...
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عبدالحفيظ ابوسن)
|
معتصم الطاهر بعرفك معرفة شخصية ووالدك المرحوم وكتبت عنك وعنو قبل كدة وجليتني قلت امكن ما قبلت كلامي فأنصرفت عنكQuote: معتصم الطاهر بعرفك معرفة شخصية ووالدك المرحوم وكتبت عنك وعنو قبل كدة وجليتني قلت امكن ما قبلت كلامي فأنصرفت عنك
|
معقولة يا ود اب سن
ما قريتا
مع اني بتداخل فى بوستاتك اكتر من اى شخص آخر ..
بالله الرابط وين ؟؟؟؟؟؟؟؟؟؟؟؟؟؟؟
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: محمد الشيخ أرباب)
|
Quote: يا قباني لو خيري عبدالرحمن دفعتك قول لود اب سن يا عمو هههه |
سلامات يا ود الأرباب ...
خيري عبد الرحمن قدامي بي سنة كان ( أيام الخرطوم القديمة ) لكن خشينا الجامعة سوا ... و عشنا في داخلية واحده ...
و خيري فردتي و صديق من أصدقاء العمر ... و مازلنا على اتصال ... هو في البحرين الآن ...
اما ود اب سن ... فقال انحنا اعمامه ... نعمل شنو ؟
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: محمد أبوالعزائم أبوالريش)
|
لا عليك يا معتصم للاسف بكتب لايف ومباشر .. وما بحتفظ بنسخة او رابط اشكرك جدا للاهتمام الذي مسخ غبنا خفيفا عنك ولم يتبق الا طعم تلك الايام الجيدة كنت كتب حديثا عن والدك عمنا محمد طاهر ولوري محمد طاهر كأول لوري تجاري بين ربك وكوستي .. وعنك وعن معرفتي بك من خلال صداقتك مع ابن عمي عبدالوهاب والسينما آنذاك حبابك وعذرا لك
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: معتصم الطاهر)
|
جلوس(Left to right) بلّة البكري – مدنية الطيب بشير – مكانيكا معتصم الطاهر – معمار معاوية..........- مكانيكا محمد عوضالله – مساحة معتصم القاضي – زراعية عوض ...... – زراعية
وقوف (Left to right) ضوالبيت منصور _ مدنية قيس جمال – كيمائية سامي شريف – كهرباء عادل دفع الله – ميكانيكا جمال محمود – معمار صديق عيسي – مدنية عبد الحفيظ .حفظ الله....- معمار — August 28 at 4:00pm · Like
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: محمد مجيدو)
|
شكرا استاذ يحيى قبانى و الجميع و الله فعلا زمن جميل و ناس عمالقة اذكر و نحن طلبة ثانوى فى بحرى الحكومية كنا بنتسكع مرات فى شارع الجامعة ....يوم لقينا طلبة الجامعة قالوا قافلين الجامعة لانو ناس جهاز الامن اعتقلوا و احد اسمه خيرى عبد الرحمن و فعلا ما فتحوا الشارع الا بعد ناس جهاز الامن فكوا خيرى اما اليوم كان ناس جهاز الامن اعتقل نص الجامعة النص الثانى ما بجيب خبرهم
Quote: بلّة البكري – مدنية |
عضو فى المنبر
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: بَلّة البكري)
|
الاسماء صحيحة يا معتصم ومن وضعت نقاط بعد اسمهم الاول هم:
معاوية عثمان (أعتقد) – هندسة ميكانيكا (من ابناء عطبرة) وعوض سرالختم - هندسة زراعية (من ود مدني)
الصورة للجنة التنفيذية ل (الجمعية الهندسية 1980) والتي كانت تشمل جمعية طلاب المعمار
تفرق الناس بالطبع. سامي شريف وصديق عيسي وجمال محمود في الحقل الاكاديمي يعملون في جامعة الخرطوم الان - على حد علمي
احمد ابو سن كان له حضور مميز. يسبقنا بسنوات. اجتماعي وأخو أخوان..
هناك شخصيات عدة في تلك الفترة كان لهم حضور مميز: كمال فضل وجعفر أحمد علي في كرة القدم والاتنين كانوا بمستوى لاعبي الدرجة الاولي في السودان (ولو في زول من عشاق الكورة ممكن يدي تفاصيل اكتر وربما بعض الصور)
اما الشخصيات المحبوبة فيتصدرهم عادل سليمان عليه الرحمة. ويا يحيى اظنك ستكتب عنه بأصدق مما أكتب عنه أنا. فقد كان انسانا رائعا خطفه الموت مبكرا.
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: بَلّة البكري)
|
Quote: اما الشخصيات المحبوبة فيتصدرهم عادل سليمان عليه الرحمة. ويا يحيى اظنك ستكتب عنه بأصدق مما أكتب عنه أنا. فقد كان انسانا رائعا خطفه الموت مبكرا. |
بركة الجابتك لينا يا صديقي ...
و الله افتقدناك كثيراً يا بلة ...
و رحم الله عادل سليمان رحمة واسعة ... فارقنا مبكراً جداً ...
و لم تخطئ يا بلة ان عادل كان من اجمل و الطف الناس على مر السنين ...
اذكره بالبنطلون الجينز و القميص الكاكي .. ساخراً من كل شيء ...
أيام يا بله ... ليتها تعود يا اخي ... ____________________________________________ جمال محمود الان عميد كلية المعمار ( أصبحت كلية قائمة بذاتها ) سامي شريف ( سامي جكسا ) عميد كلية الهندسة ... و رئيس شعبة الكهرباء ... ( سامي شريف ) عبقري منذ ان كان طفلاً ... اعرفه منذ الصغر ... _________________________________________________________________________________________ توفى عادل سليمان ... معمار و توفى عادل سامي ( Jaws ) ... معمار و توفى أسامة السواحلي ... معمار و توفي ابن عمي عادل سعد ... و توفي إبراهيم محمد إبراهيم ( إبراهيم العربي ) ... معمار و توفت ليليان فايق ... معمار
رحمهم الله و رحمنا جميعاً
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: بكرى ابوبكر)
|
Quote: شكرا استاذ يحيى قبانى و الجميع و الله فعلا زمن جميل و ناس عمالقة اذكر و نحن طلبة ثانوى فى بحرى الحكومية كنا بنتسكع مرات فى شارع الجامعة ....يوم لقينا طلبة الجامعة قالوا قافلين الجامعة لانو ناس جهاز الامن اعتقلوا و احد اسمه خيرى عبد الرحمن و فعلا ما فتحوا الشارع الا بعد ناس جهاز الامن فكوا خيرى اما اليوم كان ناس جهاز الامن اعتقل نص الجامعة النص الثانى ما بجيب خبرهم
|
نورتنا يا هندسة ...
اها خيري لما هجموا عليهوا و خموهوا في البوكس انحنا وراهو بدقيقتين كلنا كنا راجعين ترهاقا ...
بالله خطفوهوا في لمح البصر ...
أو لما رجع بعد يومين وشو مكسر و مفلق و دمه سايح حملناهوا على الاكتاف و بدينا مظاهرات ...
في الليل كان ناس الامن ناوين عليهوا تاني و كنت ماشي اوصله بيتهم في ناصر عشان اهله يطمئنوا عليهو ...
كان عندي 140 واي ( داتسن ) بيضا ... و فجأه جماعتك ظهروا لينا و طاردونا بي بيجو 504 لفلفونا الخرطوم بي طولها لغاية ما رجعنا جوة ترهاقا مرة تاني ...
و ما قدرنا نصل امتداد ناصر الا بعد يوم تقريباً ...
زمن النميري زمن الإرهاب و بداية الخراب ...
تسلم على المرور يا هندسة ...
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: يحي قباني)
|
شكرا على صورة سامي حجازي محمد صالح والذي لم أراه منذ أكثر من ثلاثة عقود تحياتي له مرفق صورة حديثة نسبيا للأخ أحمد محمد علي ابوسن - المقيم بود مدني حاليا - الصورة تجمعه والأستاذ دفع الله موسى البدوي - كبير الجمهوريين بمدينة ود مدني -
الصورة أدناه لإبنه محمود وهي تذكركم بوالده أحمد ابوسن في السن التي رأيتموه فيها (قل ثلاثة عقود أو تزيد)
سلام يا حفيظ
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: معتصم الطاهر)
|
Quote: و رحم الله عادل سليمان رحمة واسعة ... فارقنا مبكراً جداً ...
و لم تخطئ يا بلة ان عادل كان من اجمل و الطف الناس على مر السنين ...
اذكره بالبنطلون الجينز و القميص الكاكي .. ساخراً من كل شيء ...
|
يا سلام على عادل سليمان ..له الرحمة ..
سأكتب عنه ان شاء الله ..
و يا بلة و يحي ارجو الاتصال بى .. حاولت مخاطبتكم بالهاتف ..
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: بَلّة البكري)
|
Quote: بركة الجابتك لينا يا صديقي ... و الله افتقدناك كثيراً يا بلة
|
على ايامنا في جامعة الخرطوم درج الناس أن يسكنوا في داخليات البركس في سنواتهم الاولي مع زملاء الثانوي العالي الذين حضروا معهم للجامعة: يعني اولاد دفعة واولاد منطقة
لسبب ما لم يبق هناك اماكن في غرف زملاء الثانوي الذين حضرت معهم من خورطقت في الابيض.
شاورني عم محمد (الفراش) فيما اذا كنت ارغب ان أضاف لعنير جماعة" مزعجين"! على حد قوله "من ود مدني"! وكأنه يقول لي "أوعك تسكن مع ديل"!!
أثارت عباراته حب الاستطلاع الفطري الذي يتمتع به كل من هو في عمرنا وقتها. وقبلت التحدي. قرار لم اندم عليه ابدا كان في الغرفة: عادل سليمان واحمد فضل ومحمد سلمان وياسر م. خير ومامون سيد احمد وفيصل أ. البشير وأحزين
يا الله. كانت مدرسة من الظرف وخفة الدم والفن والأدب والدعابة الذكية التي يتصدرها عادل سليمان وأبوعلي (أحمد فضل) زرت معهم ود مدني اكثر من مرة واحببت المدينة واهلها بسببهم يا لها من أيام..
وبعدين معاك يا يحيى كلما نتخن جلدنا ونبلد احساسنا في محاولة للتأقلم مع جفاف الغربة تقوم تنكت لينا حاجة خاصة زي دي وتجهجهنا بيها.. (شيئ فن وشئ ذكريات وشئ قرقوش كمان) ياخي خاف الله فينا..(وجه باسم)!
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: يحي قباني)
|
سلام يا قبة والرفقة الحلوة وهذا البوست الحنين
Quote: محمد يوسف و لا ولدنا عمر خليفة السيد اقصى اليمين يا توفي ؟ |
في ظني أن هذه الصورة هي لطلاب قسم الميكانيكا لمدينة بورتسودان لذلك ظهر خيري والهادي حيمورة نعم الملامح قريبة من ملامح الصديق العزيز عمر خليفة ( بالمناسبة هو معنا في دبى وقد تجاورنا في السكن لفترة من الزمان ) .... لذلك أظن أن الشخص الموجود في الصورة هو الصديق العزيز محمد يوسف الذي كان أيضاً بقسم الهندسة الميكانيكية ...
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: بكرى ابوبكر)
|
Quote: ودى صورة للصديق احمد فضل و هو قارى جيد للمنبر |
يا هندسة ...
احمد فضل كان الصديق الأول لعادل سليمان رحمه الله ...
سكنوا في غرفة واحدة لسنوات ...
في مرة قرروا يتبادلوا أسماء ابهاتهم ...
فبقوا عادل فضل و احمد سليمان ...
الله يرحم عادل الرجل الجميل ...
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: يحي قباني)
|
شكرا استاذ قبانى
Quote: يا باشمهندس والله رجعتنا كم سنة كده لوراء (كم سنة ما تسأل)
العزيز أحمد فضل من جيل صلاح قوش وليست دفعة لأنه دفعتنا وصلاح عبدالله ده قدامنا بسنة دفعتنا عبد الباسط حمزة ،جمال زمقان ،طارق محجوب ،سنية(زوجة الدرديري محمد أحمد) ديل من الجانب المظلم
من الجانب المضيئ :مأمون سيد أحمد،تاج الدين عبدالله،أبراهيم سعد،الرشيد ميرغني وماجدة محمودمحمد علي وبلة البكري جيل زي الورد لم يتجرأ التنظيم الأسلامي ان يتولى الجمعية الهندسية طيلة الخمسة سنوات
ذاك الجيل الذي كان الseniors فيه يهزوا ويلزوا ناس عبد العزيز آدم الحلو،نيال دينق نيال،مولانا بول ميوم أكيج،ابوبكر الصديق الزيلعي،عبد العزيز أحمد كامل ،وكبيرنا الباشمهندس مزاحم عبد الوهاب الضوي،والدفعة الورانا ناس هشام طه المجمر ،محمد المعتمد النور،خيري عبد الرحمن
والله يا باشمهندس السودان ده فرطنا فيه برانا للأرازل ديل NEWSUDANI |
من لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغلقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عبدالله عثمان)
|
Quote: اذكر و نحن طلبة ثانوى فى بحرى الحكومية كنا بنتسكع مرات فى شارع الجامعة ....يوم لقينا طلبة الجامعة قالوا قافلين الجامعة لانو ناس جهاز الامن اعتقلوا و احد اسمه خيرى عبد الرحمن و فعلا ما فتحوا الشارع الا بعد ناس جهاز الامن فكوا خيرى
|
المهندس والصديق العزيز خيري عبد الرحمن دفعتي طبعا وعملنا سويا في محطة بحري الحرارية. تم اعتقالنا في يوم واحد هو 6 ديسمبر89 تخرجت قبله من دبك وتخرج من شالا بعدي بشهرين تقريبا. هاجر لسلطنة عمان فتبعته وعملت معه في شركة واحدة(سوجكس) ولكنه تركها وذهب للأمارات ووليت وجهي شطر المسجد الحرام. الآن بالبحرين وتقابلنا قبل شهر واحد في السودان وقضينا يوما كاملا بعد (فرقة) التحية له اينما حل وشكرا يا بكري
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: MOHAMMED ELSHEIKH)
|
Quote: المهندس والصديق العزيز خيري عبد الرحمن دفعتي طبعا وعملنا سويا في محطة بحري الحرارية. تم اعتقالنا في يوم واحد هو 6 ديسمبر89 تخرجت قبله من دبك وتخرج من شالا بعدي بشهرين تقريبا. هاجر لسلطنة عمان فتبعته وعملت معه في شركة واحدة(سوجكس) ولكنه تركها وذهب للأمارات ووليت وجهي شطر المسجد الحرام. الآن بالبحرين وتقابلنا قبل شهر واحد في السودان وقضينا يوما كاملا بعد (فرقة) التحية له اينما حل وشكرا يا بكري |
خالص التحية لك و لصديقي الجميل خيري عبد الرحمن ...
و تباً لسجون السفاح جعفر نميري ...
نحن على اتصال مستمر مع خيري خاصة ان والده و والدته الله يديهم العافية يزورونا هنا سنوياً ...
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عاطف عمر)
|
Quote: في ظني أن هذه الصورة هي لطلاب قسم الميكانيكا لمدينة بورتسودان لذلك ظهر خيري والهادي حيمورة نعم الملامح قريبة من ملامح الصديق العزيز عمر خليفة ( بالمناسبة هو معنا في دبى وقد تجاورنا في السكن لفترة من الزمان ) .... لذلك أظن أن الشخص الموجود في الصورة هو الصديق العزيز محمد يوسف الذي كان أيضاً بقسم الهندسة الميكانيكية ... |
أعدت النظر كرتين وثلاثة وتحدثت مع الصديق عمر خليفة
ملامح الصورة فعلاً أقرب لـ عمر خليفة معضلتي ما الذي جمعه مع أهل الهندسة الميكانيكية ؟؟ وهو ذات السؤل الذي واجهت به الأخ عمر
في هذه الحالة ربما تكون المعلومة التي وردت إلينا في واتساب خريجي الهندسة 1984 بخصوص علاقة هذه الصورة برحلة بورتسودان غير دقيقة في ذات الوقت أن النظارة الطبية التي تميز الصديق محمد يوسف ولا تكاد تفارقه لا توجد في الصورة
لذلك سوف أفترض معك أن الصورة هى للصديق عمر خليفة رغم التشابه بينهما
وهى مناسبة لنوجه التحية حارة للصديق الرقيق المهذب محمد يوسف أينما كان
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عادل عبدالعزيز عبد الرحيم)
|
Quote: [ قبانى سلام قريبى معتصم محمد الطارهر سلام كل الحضور سلام
طبعا نحن الجيل البعدكم فى اقتصاد اضطهدنا ليكم ناس بكرى وخليل وابوسمرة وكيكى فى هندسة بما فيهم صلاح العاقب ذاته وبقينا نغلب هندسة بالخمسات ومن 85 الى 90 كاس واحد طلع بره اقتصاد مافى |
سلام يا قريبي و زولى ..
هانت الزلابية ..
أنا خمسة سنين جامعة و سنة بعدها .. ما شفت قون دخل فى الهندسة من اقتصاد .. تقول لى بالخمسة ..
لما الهندسة تلعب مع اقتصاد و علوم ..برتاح الفريق الاول والاحتياطي لملاقاة آداب او طب .. و زراعة بنلعب معاها بفريق الاحتياطي ..
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عادل عبدالعزيز عبد الرحيم)
|
Quote: قبانى سلام قريبى معتصم محمد الطارهر سلام كل الحضور سلام
طبعا نحن الجيل البعدكم فى اقتصاد اضطهدنا ليكم ناس بكرى وخليل وابوسمرة وكيكى فى هندسة بما فيهم صلاح العاقب ذاته وبقينا نغلب هندسة بالخمسات ومن 85 الى 90 كاس واحد طلع بره اقتصاد مافى |
عادل ... كيفنك يا زول يا جميل ...
اقتصاد شنو البتلعب كورة كمان ؟
يا زول لو ما بناتكم السمحات ما كان خليناكم في المين أصلا ... كان لحقناكم التربية :)
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عاطف عمر)
|
Quote: في هذه الحالة ربما تكون المعلومة التي وردت إلينا في واتساب خريجي الهندسة 1984 بخصوص علاقة هذه الصورة برحلة بورتسودان غير دقيقة في ذات الوقت أن النظارة الطبية التي تميز الصديق محمد يوسف ولا تكاد تفارقه لا توجد في الصورة
لذلك سوف أفترض معك أن الصورة هى للصديق عمر خليفة رغم التشابه بينهما |
ده شنو كلام الشيوعيين ده يا عاطف ...
تفترض ... و افرازات الواقع ...؟؟ :)
يازول ده عمر خليفة السيد ... ولو هو ما متأكد قول ليه يحيى قال ليك خرفته ...
الصورة جابها ابوصالح و هو عارف انه فيها عمر خليفة ...
انا رسلتها لي خيري عموما و نشوف ...
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: يحي قباني)
|
Quote: ده شنو كلام الشيوعيين ده يا عاطف ...
تفترض ... و افرازات الواقع ...؟؟ :)
يازول ده عمر خليفة السيد ... ولو هو ما متأكد قول ليه يحيى قال ليك خرفته ...
الصورة جابها ابوصالح و هو عارف انه فيها عمر خليفة ...
انا رسلتها لي خيري عموما و نشوف ... |
ههههههههههههههههههههههههه
ياخ والله كان عمر كان محمد يوسف والله أي واحد فيهم ( أعسل ) من التاني
دي صورة من الفرن
محمد حسن أبوصالح - عاطف عمر - عمر خليفة دبى في 01/09/2015 إحتفاء بزيارة الحبيب أبو صالح لدولة الإمارات العربية المتحدة مرافقاً لإبنه الذي إلتحق بإحدى جامعاتها المرموقة
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عاطف عمر)
|
يا جماعه بسأل عن زول سمح بلحيل إسمو علي نديم ... طبعا ناس عادل سليمان و مأمون سيد احمد و أحمد فضل و علي نديم والقدال و حميد ديل عاشوا معانا في جخانين معهد الموسيقي والمسرح والذي كان وقتها يضج ب{ألأ ولاد المطاليق المجانين} من لدن يحي فضل الله و محمد محي الدين و قاسم ابو زيد والإ خوان سلمي الشيخ سلامه و تماضر شيخ الدين... وكانوا يشاركون في إسبوع المهندس بمسرحيات فرقة السديم وأشعار محمد محي الدين و قدال و حميد و منعم رحمه فالله يرحمك يا عادل سليمان لأنك كنت قاطرة الوصل بين هؤلاء المطاليق
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: abdalla elshaikh)
|
في سنة 1982 ..كانت الجامعة في قمة النشاط السياسي والفكري ضد مايو.. في واحد من الصباحات لعلعت المايكروفونات في النشاط..الجبهة الديمقراطية تدعوكم للتجمع ..الامن يقوم بأختطاف (الزميل خيري)..وكان يوم مشهود.. مظاهرات في شارع الجامعة حتى عودة الزميل خيري محمول على الأعناق.. من يومها و اسمه مرتبط عندي بالزميل خيري. : : كانت أيام يا هندسة.. تحياتي يا يحيى.
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: محمد محمود محمد)
|
Quote: في سنة 1982 ..كانت الجامعة في قمة النشاط السياسي والفكري ضد مايو.. |
استاذ يحيى قبانى و الجميع سلام جاكم حقيقة تلك فترة عمالقة و زمن جميل و استنارة و يا ريت لو بيدى كنت وقفت الزمن عندها.... و نحن طلبة ثانوى قبل الالتحاق بالجامعة ...كان الدخول للجامعة لا بحتاج الى اذن او بطاقة و منذ دخولك عبر بوابة المين الى خروجك عبر النشاط ...كانت هنالك الاسابيع الثقافية للجمعيات و اركان الجمهوريين ....جبهة كفاح الطلبة....الجبهة الديمقراطية...علم و استنارة و جوه جميلة ......خطب سياسية ....جرايد النشاط مليئة بالاخبار....... الخ اما اليوم الدخول للجامعة يحتاج الى اذن و حجز بطاقتك عند بوابة الدخول التقول داخل البنتاجون .....وبعد خطوتين من دخولك تصيبك الكابة و الملل
من الطرائف فى تلك الفترة ...بعد امتحنا الشهادة السودانية كان بوكسنى بدخلنى الجامعة ........ التقيت فى يوم من الايام المهندس عثمان حامد كان عضو هنا و الان يكتب بهنالك فى نجاة زوجة د.بولا ...المهم التقيت عثمان فى احد النشاطات و عرفته اننى سوف اكون معاهم السنة دى فى الجامعة ...قام عثمان الشين عاين لى من فوق لى تحت و قال فى نفسه "بلاى شوفوا العربى الشين والمبهدل دا قال حا يخش جامعة الخرطوم"....والتى حكاها لى بعد دخولى للجامعة و منذ تلك الفترة اصبحنا اصدقاء
شكرا قبانى و شكرا لكل من شارك فى هذا البوست الذى ارجعنا الى تلك الفترة الجميلة من حياتنا ...اه لو الزمن وقف هنا و ما تحرك
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: يحي قباني)
|
Quote: يا جماعه بسأل عن زول سمح بلحيل إسمو علي نديم ... طبعا ناس عادل سليمان و مأمون سيد احمد و أحمد فضل و علي نديم والقدال و حميد ديل عاشوا معانا في جخانين معهد الموسيقي والمسرح والذي كان وقتها يضج ب{ألأ ولاد المطاليق المجانين} من لدن يحي فضل الله و محمد محي الدين و قاسم ابو زيد والإ خوان سلمي الشيخ سلامه و تماضر شيخ الدين... وكانوا يشاركون في إسبوع المهندس بمسرحيات فرقة السديم وأشعار محمد محي الدين و قدال و حميد و منعم رحمه فالله يرحمك يا عادل سليمان لأنك كنت قاطرة الوصل بين هؤلاء المطاليق |
هذا الرجل الأنيق الحقناهو معنا في قروب يسمى الترام على تلقرام(انصح بهذا البرنامج كل القروبات) وسوف نأتيكم بطريقة الوصال به. اما عبد السميع فهو في صلالة بعمان ومعنا أيضا في مجموعة الكهربائيين القدامى وأيضا لمن يبحث عنه موجوووووود وانا تلفوني في البروفايل أو 966562002162
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: abdalla elshaikh)
|
Quote: يا جماعه بسأل عن زول سمح بلحيل إسمو علي نديم ... طبعا ناس عادل سليمان و مأمون سيد احمد و أحمد فضل و علي نديم والقدال و حميد ديل عاشوا معانا في جخانين معهد الموسيقي والمسرح والذي كان وقتها يضج ب{ألأ ولاد المطاليق المجانين} من لدن يحي فضل الله و محمد محي الدين و قاسم ابو زيد والإ خوان سلمي الشيخ سلامه و تماضر شيخ الدين... وكانوا يشاركون في إسبوع المهندس بمسرحيات فرقة السديم وأشعار محمد محي الدين و قدال و حميد و منعم رحمه فالله يرحمك يا عادل سليمان لأنك كنت قاطرة الوصل بين هؤلاء المطاليق |
سلام غب\ الله الشيخ
كل الأجياء من المذكورين موجودين و متواصل معهم
للراحلين الرحمة
على نديم يعمل فى قطر / ام باب .. مصنع الاسمنت
| |
|
|
|
|
|
|
Re: تعرف على اصحاب الصورة ... و اكتب عن الزمن ال (Re: عاطف عمر)
|
Quote: دي صورة من الفرن
محمد حسن أبوصالح - عاطف عمر - عمر خليفة دبى في 01/09/2015 إحتفاء بزيارة الحبيب أبو صالح لدولة الإمارات العربية المتحدة مرافقاً لإبنه الذي إلتحق بإحدى جامعاتها المرموقة |
عيني بارده ما شاء الله ...
لكن شفت حمادة فردتي شباب كيف ما شاء الله ...
لو ما هو واقف معاكم كنت قلت ( الأولاد السُغار ) ديل منو :)
| |
|
|
|
|
|
|
|