|
|
 بمزيدٍ من الحُزن والأسى والآيفون وخواطر شتى
|
05:07 PM Jul, 23 2015
سودانيز اون لاين
عبدالعزيز الفاضلابى-Brooklyn, NY
مكتبتى فى سودانيزاونلاين
بمزيدٍ من الحُزن والأسى والآيفون وخواطر شتى
يكتب الناس عند نعى الموتى ,,, بمزيد من الحزن والاسى ننعى لكم فلاناً
وكأن الحزن والاسى اصلا موجود بصفة لازمة وراتبة وبموت فلان اصبح
مزيدا منه بالنفس ,, فأين مساحة التفاؤل فى تلك النفوس؟ كيف نتغلب على ضنك الحياة ؟ وقديما قيل :
ما أضيق العيش لولا فسحة الامل
وقد يسأل سائل ماعلاقة هذا الكلام بالأىفون؟ الإجابة حسب لايكاتكم لهذه المداخلة الافتتاحية,
|
|
 
|
|
|
|
|
|
|
 Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote: وقد يسأل سائل ماعلاقة هذا الكلام بالأىفون؟ الإجابة حسب لايكاتكم لهذه المداخلة الافتتاحية,
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هييييييييع أنا الرَّضْعَان فوق الخُلال |
ابن الفاضلاب العطبراوي
سلام وشوق وعيد سعيد
منتظرين نعرف علاقة الايفون بكلام دا
كما انه
عوزين نعرف
كيف استطعت ان ترضع
فوق الخلال !!!!!
| |
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عماد الشبلي)
|
Quote: كما انه
عوزين نعرف
كيف استطعت ان ترضع
فوق الخلال !!!!! |
اوووووووو ود حلتنا العمدة كما تقول بسمات بنت الشيخ عبدالرحيم
قواسيب الاشواق نشحنها لك ولاسرتك الكريمة وأخونا الاستاذ كمال الشبلى وكل من حواه جمعكم العامر.
اما العلاقة بين الايفون وكلام ده فانتظر لغاية ما يجو المسانيح
واما كيف رضعت فوق الخلال فده نظام شفتنة اتعلمناهو فى الصغر
عله يعيننا على المداوسة فى فرناغة بكرى دى.
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
وكت مافى زول جا غير العمدة نبقى اخير منكن ونوريكن العلاقة بين
الايفون والكلام الفوق ده ,,, والعلاقة موجودة بجامع اللفحى دون تدبر فى كل ,,
لما تجى تكتب ليك رسالة لى زول بالآيفون إنت تكتب كلام والآيفون
يلفح الكلام قبل لايمرق من اصبعك وبى قدرة آبل يقولك كلاماً إنت ماقلتو
واحتمال كان ماخليت بالك يسوى ليك جنية ولا يخرب علاقتك بى زول عزيز عليك اقلاها يظن فيك ظن كعب ,, ومابعيد مرأة تِطلَّق بى رسالة وتسابِّية بريئة ,,,
صديقى واستاذى المخضرم كرار الصديق كرار المحامى فارقته سنين عددا وعندنا عثرت على تلفونه كتبت له رسالة وتسابية على اعتبار انها اسرع وسيط للم الشمل
فبدأتها بـ التحيات الزاكيات فإذا بالآى الحاقد يكتبها الـ زانيات ,, لولا لطف الله وانها وقعت فى عينى قبل اطلاق سراحها ,, ومثل ذلك كثير ,, جربوها
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبد المنعم سيد احمد)
|
هيييييع ـ عطبرة جاءت بِقَضِّها وقَضيضها
مرحب العطبراواى الانيق وماطالبنى حليفة
قضَّها وقضيضها دى مانى عارف معناتا
علا شايف الناس بكتبوها ومن سياقها تبقا لى سمحة
اها هسع فرقى من ناس بمزيد من الحزن والاسى شنو؟
ـــــــــــــــــــــــ
واحد قالوا ليهو إنت حاسد ولاَّ بَقَران
قال ليهم ,, غايتو بقران دى مانى عارف معناتا
يمكن تطلع اكعب من حاسد اخير اقول ليكن حاسد
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
بمناسبة الزونيا دى نامن يجى المسنوح بتاع العنكوليب والككو الفجغ الطين
والمسنوح بتاع كوستى بقراقيره المتعايشة مع افراس النهر سيجدونى اعددت لهم صحن موليته يهضموا بيهو
يمين يالطيب موليتة سنجة الما بتغباك ديك ياها زااااتا لقيتها فى مكان
لايخطر على قلب بشر ,,, لقيتها فى الـ Grand Central وسألت الكورية هوى يامرأة مابلقى عندك dandelion اجابت بالنفى (No) وربنا رايد لى فيها رزق اليوم داك (قبال يومين) اها اتاريهو راجلها راخى اضانو ,, يقووووول كدى يأشِّر لى
بى اصبعو إشارةً معناتا (Wait) ويقول كدى يمشى على مكان الخُدروات اكان اشوفو ليك شايل الموليتة الماخمج ,, فكدت اقبِّله من شدة الفرح ,,
يمين يالطيب قلت ليه ادينى رُبطة تانية واقول كدى اركب القطر ولامتين اصل البيت ,, والقا ليك ام ايثار تابخا داك الملاح الـ تاكل اصابعك وراهو ,, قلت ليها يازولة هىىى اليلة اخوك جايب موليتة سنجة زاتا وتعجبك ام ايثار يمين فسراع فسراع عَبّت داك صحن الموليتة الماخمج بالدكوة والبصل اللخدر والليمون وزيت الزيتون والشطة ماتدى الجنبك
تعرف يالطيب ـ اتذكرت حريرى والعزازة وعمك سليمان العوض رحمة الله عليه كان يجيبها لى مخصوص و يبرنى بها قبل ولاده لما عرف انى بحبها.
تحيا الكوريتين حرة مستقلة متحدة
(عدل بواسطة عبدالعزيز الفاضلابى on 07-23-2015, 09:22 PM)
(عدل بواسطة عبدالعزيز الفاضلابى on 07-23-2015, 09:24 PM)
(عدل بواسطة عبدالعزيز الفاضلابى on 07-23-2015, 10:52 PM)
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
غايتو يالطيب الأملة والدلع اللى إدَّلعتوا الموليته مالقاهو ليمون
الفنان البغنى قام يتعزز الليمون عشان بالغنا فى ريدو
يمين كان تشوف الكندشة والرفوف الـ خَاتين فيها الموليتة
عروس مولد بس ,, مو زى الفارشنها فى ملجة سوق سنجة الـ فوق البحر داك ,,
وكواريك السماسرة والكمسنجية تصن اضنيك ,,, والعجب الزباين
حور عين بس ,, ونصبات الخدار بس جناين الشاطئ وقصور الروم
(جناين الشاطئ دى بتعجب ود ابسن) والعجب سعرها بالدورار يالطيب
شفت العزة البقت فيها الموليته ,, ؟
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبد المنعم سيد احمد)
|
Quote: الموليتة دى
قالوا قعد تعالج الملاريا
صحى الكلام ده |
سلام الانيق عبدالمنعم
غايتو فيما قرأت:
الموليتة دى بتنزل السكر فى الدم
وقرأت حديثاً انها تنفع لعلاج التهاب المفاصل
كما انها غنية بالفايتمينات وبها نسبة كبيرة
من الحديد والماغنيسيوم ,, وان شاء الله
نجيب ليكم بعض ماقيل عنها
وبالمناسبة اسمها عند المغاربة هو : (الهندباء)
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: حمد عبد الغفار عمر)
|
هلا وغلا عبدالغفار
ضحكتنى بحكاية السجارة الخدرا دى ـ بالمناسبة الموليته اللى كنت بشتريها
من الدكان اللى جنبنا فى بروكلين صفقها زى البنقو علا دى ياها زاااتا حقتنا
ياخ انا قلت ليك من شِدَّة مافرحت قَرَّبت ادى الكورى هَقْ
فى زميل بوردابى قبل كده كتب عن الموليته دى لكن مابذكر اسمه
علا اصبر لى امشى ضريح الفكى قوقل وانده البوست القديم
تسلم ياحبيب على المرور ـ
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
عزيزي ود الفاضلاب عبد العزيز الفاضلابي
وزي ما قلت انت الحزن موجود في نفس كل سوداني فارق وطنه واهله
واحبابه وعايش في الغربة القساية.. بل المزيد من الحزن موجود..
ويت حلتكم بت الشيخ عبد الرحيم الآن بتشرب من العطبراوي اذا لقت فيه مويه
لأني سمعت ان نهر العطبراوي بينشف في مواسم معينة..وهي رسلت لي صورة وهي واقفة
داخل مكتبة في عطبرة وبتعزل في كتب.. أظن عطبرة مشهورة بالمكتبات...
وبرضه بنسأل سؤال المصور عماد الشبلي كيفن الواحد بيرضع من الخلال.. ولا انت ما قاصد خلال الهندندوة البيسرحوا بيه شعر الرأس
والله يديك الصحة والعافية
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: اميرة السيد)
|
اوووو اللميرة ,, انا الليلة زارتنى ستنا مريم (ودى ليها حكاية عن اهلك الحلفاويين بحكيها ليك بعدين
حمد الله على رجعتك بالسلامة ـ الجابك يجيب عقابك وكلمى صاحبتك امتثال قولى ليها ود حلة بسمات عازمِك صحن موليته وعشان هى ضيفتنا نكلم ام ايثار تدنكلا ليها بدكوة السمسم.
الغرض من البوست ده ياللميرة لمة الناسالسمحين وماعنده موضوع محدد كما يبدو من العنوان فـ فيل فرى تكتبى مابدا لك من خواطر
وان الله اذن ناوى اكتب فيه خواطر شتى دون تسلسل وربما يقلب الى قصة ـ بالمناسبة عندى بوست كتبته زمان اسمه (زهجة هاشم) كان ساعدتينى لقيته ينوبك ثواب باقى عاجبنى بلحيل وعاوز انقح القصة ومالاقيها
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
عزيزي عبد العزيز الفاضلابي
موضوعك بعنوان :" زهجة هاشم " موجود في الارشيف بتاع سنة 2009م.. وعشان كده ما ممكن ترفع البوست للمنبر الجديد ..
وانا هنا نقلت ليك الحلقة الأولى عشان تتذكر وتعمل التعديلات والاضافات .. وبالمناسبة هي مشوقة جدا..
والله يديك الصحة والعافية
...
....
هذا بلدياتى
بقى مدة طويلة بلازوجة
الله يجازى الكان السبب
الفقر كان السبب
الناس اكلت لحمه ,, ياهاشم ياخ انت القطر ما فاتك
يازول انت داير تقعد كدى ليمتين ,,
عمل الخير ربنا بيتمو ,, انت بس انوى
هاشم مثل كل البشر كان قلبه يخفق بحب فتاة فى الجوار ,, لكن العين بصيرة والايد قصيرة ,,
فى ناس كانوا شايلين هم هاشم اكتر من هاشم نفسه,, جماعة منهم تطوعوا ,, فسافروا الى امدرمان وقابلوا عمه ميسور الحال ,, وحكوا له قصة هاشم من كوكو للسلام عليكم ,, وزادوا عليها ان هاشم ليس وحده الذى فاته القطار ,, انما الأخطر ان كثيرا من بنات الأسرة وضعن قدما فى اولى عتبات العنوسة ,,
اصغى العم باذن عميد الأسرة فوعدهم خيرا ,, وضرب لهم موعدا يأتيهم فيه وطلب منهم ان يجمعوا له فى ذلك اليوم كل اولاد وبنات الأسرة الذين لم يتزوجوا ,,
يتبع ,,
l
Re: زهجة هاشم (Re: عبدالعزيز الفاضلابى)
لم يمكث العم طويلا بعد زيارة وفد المتطوعين تلك ,, فالخطب جلل
وخوف العم لم يكن على هاشم ,,
بقى العم اياما قليلة ريثما رتب حاله ,, وفى الموعد المضروب كانت اسرة العم الكبيرة تجتمع فى دار الجد ,, الدار التى لايجتمع فيها القوم الا فى مثل هذه الحالات ,,
جاء اخوة العم
اخوال هاشم كانوا حضورا
النسوة فى الحوش الآخر انهمكن فى اعداد طعام العشاء ,, ومن حين لآخر يسترقن السمع حينما يخفت صوت الرجال وهم يناقشون الأمر على ضوء الرتاين
امهات البنات اللائى يخشى عليهن من العنوسة كن اكثر حرصا على اسكات النساء عندما تعلو اصواتهن فيحجبن اصوات الرجال ,,
هؤلاء يمنين النفس بسماع اصوات بناتهن يرددها الرجال ,,
كان الرجال قد فرغوا من احصاء عدد البنات والأولاد الذين لم يتزوجوا
وتبقى لهم ترتيب القائمة (أ) مع ما يناسبها من القائمة (ب)
الأولاد كانوا مع الرجال الا انهم ممنوعون من التداخل وسبق وحذروهم من الإعتراض على اى قرارات يصدرها عميد الأسرة القادم من امدرمان ,,
نواصل..
Re: زهجة هاشم (Re: عبدالعزيز الفاضلابى)
ابناء العمومة لايخيرون عن هاشم من حيث ظروفهم ,, فالفقر وقلة الحيلة هى الجامع بينهم ,, لم ينالوا حظا من التعليم ,, اعلمهم هاشم الذى اكمل الثانوية العامة ,, فكان الوحيد من بينهم الذى لاتروق له الفكرة لكنه حكم القوى على الضعيف ,, حكم احترام كبارنا ,, وماغرسوه فيه منذ ان كان يافعا يحمل الابريق لأبيه وجده ساعة يسمع النداء للصلاة ,, شب وهو يسمع اشياء من قبيل ,, الماعندو كبير يشترى ليه كبير ,, وماشجعه على ان يبدى امتعاضا هو ان قلبه كان يخفق بحب فتاة لايملك لها مهرا ,, لذلك كان يجلس
على بنبر فى الحوش ويمسك بيده مطرقا من شجر الدهسير يهش بها على غنمه وهو مطرق الى الأرض يرسم بها مثلثات ومربعات ومخمسات ومسدسات واشكالا لا تدل الا على حيرته وربما كان يرسم بها احلامه فيما لو ترك له اتخاذ القرار
او ربما كان يرسم بها توقعاته لمن تكون عروسه التى سيختارونها له ,, فكان هاشم فى واد والآخرون فى واد آخر.
تارة يقف دون سبب كمن يريد ان يقول شيئا ,, او يرفع صوته محتجا ,, فيصطدم رأسه بسقف برتكول الأسرة فيقع على بنبره فى حرقة فيعود الى نخس الارض بمطرق الدهسير ,, ويرمقه احد الحضور بنظرة فهم هاشم مغزاها فعاد الى الرسم ورأسه الى الأرض ,,
معاكم,,, ..
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote: اسع نتكلم معاك بمزيد من الحزن ول الموليتة ول الايفون ول باظ الروصيرص الفات
حقو الواحد اخليهن كلهن واتكلم معاك عن دخول العرب السودان بباب المندب
العيد مبارك عليك يا الحبيب وضيوفك الكرام |
اوووو حبيبنا الكلس
دى برضو تفوت علىَّ:
خاتيك فى الحساب واهو نزلنا ليك حكاية الخلال والسعية
ناس اللميرة ديل مسقفات خليهن للآيفون والكمبيوتر الـ مِحِنتَ فيهو صيبة داك
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
| Quote: خاتيك فى الحساب واهو نزلنا ليك حكاية الخلال والسعية |
هي لكن ما فطست شرح الخلال مرة واحدة
والغريبة ما ذكرت الصرار كلو كلو
والله يا الفاضلابي انا لليوم العلينا دا مستغرب في عيشة الخلق ديل برا بهايم وحواشات
شايفها زي عيشة الحرامية
يعني معناة المعنى بشوف الزول البعيش برا حواشات وبهائم دا علا حرامي سراق مقس
اول ما جيت الخرتوم للجامعة قدر ما اتلفت لاشفت حواشات لا شفت سعية
قلت ياربي الناس ديل عيشتن دي كيفنها لا شايف حواشات ولا شايف سعية الناس ديل بكونوا حرامية ساكت مسارقة
نضاف وفارشين الملايات وياكلو ساكت في الشعيرية
حرم نحن الزمن داك شعيرية علا تقرصك عقرب
والغريبة اسع في روحي دي بقيت عايش عيشة المدن لكن جبر دق البربندي في الدلجة
لكن من العيشة دي تعبان تعب الموت اصلي ماني مرتاح كلو كلو وحرم مرات ادور العربية اقوليها عرت
وشاحد الله الكريم ارجعني لبلدي ام موليتن في الشلابي بروس ساكت
قلت لي في سنجة الموليتة بالقروش ؟
الغبينة دايرة تشقني على موليتتنا القايمة بروس
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
أما اذا كان سيد السعية عنده عتودين تلاتة فما فى داعى يعمل رِبِقْ
ففى هذه الحالة إما
(٢) بعمل خريتة (كيس) يُخاط من الدمورية او الكاكى وله سير من القماش متصل بطرفى الخريتة ,, تُوضع داخله ضرعى الغنماية او النعجة
لمنع جناها من رضاعتها ,,
(٣) الصُّرار:
وده مكوناته روث البيهمة اللين (البعر) قطعة قماش وماء
يُهرس الروث ويبل بقيل من الماء ان كان جافاً ثم يُمَرْمَغ شريط
القماش بالروث ويُلف به ضرع البهيمة عند الحلمة ,,, فيعافه
السخل ويبتعد عن ضرع امه ,, وبعض الناس يضع مع القماش شوكة
سنط او طلح مع الصُّرار متجهة الى اسفل حتى تطعن السخل فى لسانه
إن حاول الرضاعة فوق الصُّرار.
(٤)
واخيراً نجى للخُلال الحيَّر اللميرة
الخلال ده يا أميرة عود صغير طوله حوالى ثلاثة سنتمتر يُنجَر عند طرفيه حتى تصبح اطرافه حادة كالـإبرة ثم يدخل فى فم السخل
بحيث طرفه الدقيق يثقب به من الناحية اليمنى والطرف الاخر من الناحية اليسرى ويكون لسانه تحت الخلال فلايستطيع الرضاعة
ولكن بعض السُخلان بكون شِفِت وبباصر يمرق لسانه بى فوق للخلال
ويرضع ويحير الشُّفع ويبيتو القوى ـ والمسألة دى صعبة مايقدر عليها الا سخل مَقَرَّم وواقع من السما سبع مرات ,, عرفتى معنات الامضاء؟
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: اميرة السيد)
|
سلام يامك وكل سنىة وانت طيب وين باقى المسانيح كشكشم لينا يجوا بى جاى
| Quote: وكل شى منك بنصدقو ولو قلت هناك علاقة بينك وبين جورج واشنطن |
اكان فى علاقة بينى وبين جورج واشنغطون كان قالوا:
عن عن الفاضلابى انه قال.
أخوك ماشى على آيفون سفن ولسه يكوس بدرب الموليته شفت التناقض ده كيف يامك؟
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
اللميرة ,, الموليته دى وانتى فى دربك على المِترونورث من القراند سنترال
جهة المدخل بتاع ليكسنغتون فى محلات بتاعة خضار وفواكه ومكسرات وخبز اشكال والوان حتى الكركدى تلقيهو هناك وكان ما اخاف الكضب تلقى حرجل ومحريب ويمكن عَتِّى كمان
اها ماقلت لينا رأيك فى الرضاعة فوق الخلال.
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: خالد علي محجوب المنسي)
|
الفاضلابي الفصيح بلحييييييل
سلاااام ومعزة وكل عام أنتم وضيوفك وأسرتك بألف خير
قلت لي "فرناغة بكري"......................!
أها إنحنا مانا قريب ل المصانع ولا هدَّامنا كتير ، عشان نسوِّي منُّو الصرار
صرارنا من دُكَّرة الكِتر، يوم الضِّمي بنرميها في الحوض ولاَّ الخور
وقبل البهايم ماتنِش بتكون الدُّكَّرة إتمسخت أها بنمشُكْها .....
وبعد داك بتبقي طرية ......!
زي ما قال الصديق المنسي المومنسي ، بوست موفق
تحيَّاتي ومعزتي ليييييكم كووووولكم
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبيد الطيب)
|
اوووو فارس البادية ودالطيب
مرحبتين اتفضل لا جوة آزول
ياولاد نزَّلوا الرواحل وادوها العلوق
يابنات ابقن فى داب الشية وانت يالخليل
اسرع أقضا من البيهمة دى خلى النسوان
ديل يشوفن شغلتن
ودالعبيد يازول اتكى فوق العنقريب الشدرة
دى ضلها بارد امحمد جيب الموية وات يا
على اجرى كلم عمك عبدالماجد وبابكر وجدك
ودالمك قول ليهم ابوى قال لَكُنْ جوهو ضيوف
تجوا فِسراع
مرحب بيك يازول وغردك مقضى طآآآآب
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: خالد علي محجوب المنسي)
|
اها ياللميرة نجيك لحكاية ستنا مريم اللى وعدتك بيها
اهلك الحلفاويين لما هاجروا بسبب السدالعالى استقر بعضهم فى كسلا.
اشتغلوا اشغال مختلفة ,, بعضهم مارس التجارة ,, ومنهم واحد اختار ان تكون له فَرَّاشة حبوب فى السوق (ذرة , لوبيا , عيش ريف ...الخ)
يوم وهو ببايع فى الناس يجى تيس يدَخل خشمو فى شوال العيش
الحلفاوى نهر التيس ,, بعد شوية التيس رجع تىآنى وغتس خشمو فى العيش ,, تىىنى الحلفاوى نهرو ,,, راح وتىآنى جاء ,,, الحلفاوى زهج قام
صَمَت التيس فوق قَدُّمو بالخشبة الـ بيواسى بيها الكيل ,, التيس نط لافوق وصاح من الم الضربة ,, يقوم كدى السوق كله يتلمَّا على الحلفاوى.
ليه تضرب التيس ,, إنت كافر ,,, إنت صِفَتَك إنت نِعَتَك ,,, ده تيس السيدة مريم كيف تضربو؟ دخَّلوا الحلفاوى فى ضْفورو ,,,
الحلفاوى يشيل ويعتذر ,, والله يا جَماءة انا مُش يأْرِف هَقَّكم علىَّ
غايتو الحكاية عَدَّت على خير ,,
تانى يوم التيس جاء السوق وطوالى على فرَّاشة الحلفاوى ويقول كدى يَغتِّس قَدُّومو فى الفَرَّاشة والحلفاوى يعاين ليهو وماقادر يعمل شئ. التيس
دَرَنْ زين ورفع راسو واخد ليهو نَفْرة نفْرَيتين (بف بف) وقدل ,,,
الحلفاوى عاين ليهو بى مغسة وقال ليهو :
مابدرى ياهليفة (ياخليفة)
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote: وبرضه بنسأل سؤال المصور عماد الشبلي كيفن الواحد بيرضع من الخلال.. ولا انت ما قاصد خلال الهندندوة البيسرحوا بيه شعر الرأس
والله يديك الصحة والعافية |
الاخت اميرة سلام
لخلال قطعة عود يوضع في فم السخلة يمنع رضاعة البن من الغنم
ولمذيد من التفاصيل احول السوال للفاضلبي فهو خبير في الرضاعة
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote: اها بعدين كان مشيت بيت عزاء امش بي جلابتي البنية دي
ما شينة
ممكن امسح لما امش بيت العزاء
انا حتى صورة ود الصايم يضحك ويجي يعزي كانت ما بترضيني |
تعرف يامك فكَّرت فى كلامك ده لقيتو منطقى
اكان مسحت بتمشى ميطى
شايفك مَعَلِّق ليك سروال وعراقى فوق للجلابية
اها الحل بس تقول كدى تقلع الجلابية دى
وتلبس العراقى والسروال بعد ماتصوبنو فوق الحَجْرة ,,
الفكرة عجبتى ,, علا يالمك إمضت ودابسن دى
لغويا مى واقعا لى وكت اصلك عينوك مصحح
ماتغشاهو تورينى وتَرتَا؟
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote: صرارنا من دُكَّرة الكِتر ، يوم الضِّمي بنرميها في الحوض ولاَّ الخور
وقبل البهايم ماتنِش بتكون الدُّكَّرة إتمسخت أها بنمشُكْها ..... |
كدى ياود العبيد الـ نِمتَحن المكوك الطارحين نفسهم من جخانيب الجزيرة وربوع شندى ورديف كوستى والـ متيامن الرماش داك ـ
النشوفُن ولاد بنادر ولاَّ صُح ولاد بوادى؟ اها اشرحوا لينا نضمى ودالعبيد ده.
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote: تعرف با فاضلبي
عندنا مثل شائع بين قبيلة المصورين بيقول
المابتلحقو صورو |
إنتو غايتو يالشبلى شايلين فلاشاتكن دى الزول كان دخل فى بطن امه تلحقوهو ,, غتَّستو حجر الاميرة دايانا ,, علا المعلاق ده كان صورتوهو ماباقى لى تقدرو تصوروا اللبينة الـ فيهو,,,
الله يرحم الوالدة كنا نامن نمشى السينما ونرجع بى بنطون تسعة ونص نلقا العشاء ابـ لبن معلَّق فى المعلاق نشِب ننزله ولا احرف كديس
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote:
Quote: صحيحة
لقد قام بفعل الجلوس
فراج الطيب بقا عضو فى المنبر قبل بت عبدالرحيم؟
كان يقول فلان قام بالجلوس إنت اتعلمت العربى فى مويس؟ |
وبتكلم ساكت
هي اساساً كانت بتكلم ساهي
اي غافل
عيب لي الجملة قام بفعل الجلوس في القاعة
وحات ست مريم و أبوها إت ماك فارز شي ولا نيويورك لحست الدقنيس
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: جمال ود القوز)
|
اووو حبيبنا ودالقوز
Quote: واصل يافاضلابي ..
فنحن ناس بنادر ساي .. |
يعنى القوز ماها قوز شندى؟ دى عوجة
ماك براك تراهو جنا البردانة طارح نفسو من الدندر.
وعبدالحفيض بقول من كوستى وتلقاهو من جخانيب النيل اللبيض
خلاس ياودالعبيد الناس ديل جابواآخِرُن تعال انضم معاهن نضمى بنادر
| |
|
|
|
|
|
|
|
|
 Re: بمزيدٍ من الحُزن والأسى والآيفون وخواطر ش (Re: اميرة السيد)
|
Quote: لكن كمان نستفسر عن الحكمة البيكتبها دائما خالد ود المنسي:"
العين ما بتعلى على الحاجب وحبيب الروح الروح ما بتعادي
معناها شنو وقالوها في ياتو مناسبة |
غايتو ياللميرة اجاوبك انا عشان استر المك
العين مابتعلى على الحاجب مناسبتها شِن خَبَّرنى بيها لكن معناتا بلحيل:
المثل ده يُضرب لإثبات المكانة وإنزال الناس منازلهم ويقصد به ان الذى يعلوك منزلةً لاتتجاوزه بقول او فعل احتراماً له.
فمثلا لاتجلس بينما من هو اكبر منك سناً واقف ويدعوك للجلوس على المقعد الوحيد فى البص فتقول له : العين مابتعلى على الحاجب ,,,
ياخ زهجتينى من الاخر كدى:
مساعد الياى عمره ماببقى ياى ,, وجَرَّاوْ الحِلة عمره الواحد فيهن ماببقى كـ لب بوليسى.
حبيب الروح مابتعادى ,,
يعنى كان الحب صادق بتغفر لحبيبك زلَّاته ومهما غِلط فيك تلقالو العذر ,, واظنه الكلام ده من نَّجِر ودالمنسى.
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote: يعنى القوز ماها قوز شندى؟ دى عوجة
ماك براك تراهو جنا البردانة طارح نفسو من الدندر.
وعبدالحفيض بقول من كوستى وتلقاهو من جخانيب النيل اللبيض
|
جماعتكـ ديل اتبندروا كبار ..
عشان كده بيقدروا يصاقعوكـ في الكلام ..
أنا زول اجازات ..
لكن والشهادة لله بشتغل شغل يعجبك ..
بحش البرسيم ..
وبسقي البقر ..
يمين تلقاني المغيرب ..
وأنا جايب عشا البهايم الفي مراح البيت ..
تدي ربك العجب ..
تلقاني متنقطر فوق البرسيم والقصب ..
وفارك بي حمار عالي ..
تقول الزول ده حياته لاشاف بنادر ..
ولا فارق البلد ..
ربما هي قابلية ..
لمن أجي راجع الخرطوم ..
كانو بيزعلو شديد لي فراقي ..
وكانت فترة شدت زند الواحد..
وعلمتنا الجلد والصبر ..
وضقنا فيها حلاوة التعب والعرق ..
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: جمال ود القوز)
|
ودالقوز ,, ياخ انت زول مَسَلَّط ضحكتنى فى تعليقك لصلاح جادات فى بوسته بتاع كورة الهلال والتطوانى ,, قلت لى بقا ليكن كُج؟
هاردلك للهلال لسه فى المنافسة ,, اتخيل ياجمال اى كورة احضرها للهلال الهلال يفوز ـ اليوم لسؤ حظهم ماحضرتها كنت فى المكتب.
ماتنسونا من دعواتكن بكرة ,,
Quote: يمين تلقاني المغيرب ..
وأنا جايب عشا البهايم الفي مراح البيت ..
تدي ربك العجب ..
تلقاني متنقطر فوق البرسيم والقصب ..
وفارك بي حمار عالي ..
تقول الزول ده حياته لاشاف بنادر ..
ولا فارق البلد .. |
حصل ركبت الحمار جاى من الطاحونة بدون لِبدة والدقيق حار؟
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: عبدالعزيز الفاضلابى)
|
Quote: حصل ركبت الحمار جاى من الطاحونة بدون لِبدة والدقيق حار؟
|
اختبار صعب والله ..
لأنه ده حجيب للجوز ( دبرتين ) حليواااات ..
الاّ يمسحوهن بي قطران ..
دعواتنا ليكم الأحد تفوزوا وتعوضونا عن الحسرة دي ..
ما أظن يافاضلابي ..
حظوظ الهلال أصبحت ضعيفة جداً ..
انا غايتو أراها منعدمة تماماً ..
ومن هسه حضّرت شعوري للخروج ..
والاكتفاء بهذه المرحلة ..
ما يأس لكني عارف ناسنا ديل ياهو حدهم وقدرتهم ..
ثقافة الفوز عندنا متدنية ..
وناسنا من يقربوا للكاس التقول عاملين ليهم عمل ..
يبدو يتكبكبوا ويتغلبوا ..
جادات كان هلالابي ياهو هو الكجانا ..
ولاتنسى بوست خالد المباركـ ..
الزول ده شكلو غواصة مريخابي ...
| |
|
|
|
|
|
|
|
|
|
Re: بمزيدٍ من الحُزن والأسى والآيفون وخواطر ش (Re: جمال ود القوز)
|
تحياتي الفاضلابي العزيز
***
فبدأتها بـ التحيات الزاكيات فإذا بالآى الحاقد يكتبها الـ زانيات ,, لولا لطف الله وانها وقعت فى عينى قبل اطلاق سراحها ,, ومثل ذلك كثير ,, جربوها
***
تعرف يا فاضلابي
لو الزول ال بترسل ليهو ما عارف مقاصدك ، بتكون مشكلة كبيرة
أما لو كان في ومضة زعل أو بارقة سوء فهم وراحت ليهو كلمة زى دي ، فأعتقد بتكون قاصمة لظهر العلاقة.
أنا غايتو في الآيفون لو ما قريت الرد مرة وإتنيم ما برسل الجملة
دمتم
| |
|
|
|
|
|
|
| |
عبدالعزيز الفاضلابى
عماد الشبلي
عبد المنعم سيد احمد
حمد عبد الغفار عمر
عبدالله ود البوش
خالد علي محجوب المنسي
عبيد الطيب
جمال ود القوز
ابو جهينة
فيس بوك
تويتر
انستقرام
يوتيوب
بنتيريست