|
|
|
 Re: بصراحة صبية تراجي مطلوب منهم موقف واضح بد� (Re: فرح الطاهر ابو روضة)
|
المستهدفين هنا
أعضاء لهم وزن ومواقف مشهودة ضد هذا النظام
مطلوب منهم مواقف بعيد عن الشخصية والصداقات والاجتماعيات
فالقضية قضية وطن
والمواقف المشرفة هي التي تبقى فما طغت تراحي وتجبرت إلا وسط هالات
التصفيق والتأييد من البعض
ولم تصل إلي ما وصلت إليه من مراحل في معانقة هذا النظام إلا بوحيهم المضلل
قد تمر هذه الحادثة بلا تقييم حقيقي للمواقف من مثل هكذا سلوك
ويسكون هذا التجاوز باب للكثيرين للولوج منه لمصافحة نظام باطش دموي مجرم من هنا كان لابد
لمن وقف مع تراجي في حربها على شرفاء الوطن من موقف منهم واضح وصريح
والا يكونوا بذلك سقطوا للمرة المليون في تقدير من تكون تراجي
أخيرا اقول
سقطت كل الحجج التي كانوا يرموننا بها فيما يخص الدعوة من قبل المؤتمر الوطني
وما خطاب تراجي لفخامة المشير إلا ضربة قاضية أخرى قدمتها إليهم زعيمة قروباتهم
وبدعة طريقها الثالث المزعوم
مع التحية لمن استجاب للنداء
| |
 
|
|
|
|
|
|
|
 Re: بصراحة صبية تراجي مطلوب منهم موقف واضح بد� (Re: فرح الطاهر ابو روضة)
|
Quote: Mohieldin Abbaker Suliman · جامعة امدرمان الاهلية
اذكرك يارهيف عندما قالدت الاستاذة فاطمه احمد ابراهيم ا لسفاح مشرعن قتل وجلد واغتصاب النساء كان فوقها النبي ؟ ولا دى مواقف تددخل فى خانة التقديرات الذاتية؟
أعجبني · رد · 8 ساعة |
الاولي امشي اقراها براك 
مع بداعتها خفت من الحيص بيصا 
ان اصلا عندك علاقة بعازة احمل الحار 
| |
|
|
|
|
|
|
|
|
|
Re: بصراحة صبية تراجي مطلوب منهم موقف واضح بد� (Re: ahmedona)
|
الزميل فرح سلامات
للأسف الشديد لم ينجح أحد من صبية تراجي
في حالة عدم اعتذار في رأي هم أيضا شركاء تراجي و البشير في تلك الجرائم
الصمت على زولة تنكر الإبادة الجماعية و اغتصاب نساء تابت و وصف نساء تابت بالطائرات يعني مشاركتك في جريمة
تراجي كشفت لينا حقيقة ناس ما كنت أتوقع يوم من أيام يكونو مع القاتل
إلى مزبلة التاريخ
هم وتراجي
تحياتي الزميل فرح وكل شرفاء الوطن فقط
| |
|
|
|
|
|
|
|
|
|
Re: بصراحة صبية تراجي مطلوب منهم موقف واضح بد� (Re: ahmedona)
|
Quote: Mohieldin Abbaker Suliman · جامعة امدرمان الاهلية
خطابك الفج والركيك يستحق وقفة توازى اللؤم والخبث المنشور هنا لانك فعلا تمثل حالة فريدة من السفه وخفة العقل, يعنى شنو صبية تراجى؟ وما موقع تراجى كفرد فى اطار صراعنا الذى جاوز نصف القرن ضد الظلم والاقصاء بكل اشكاله على يد حفنة مهيمنة باسم الدين والعرق والمنشا؟ هل تراجى رقاصة او عالمة ححتى يكون لها صبية ام تمثل موقفا من جملة القضايا يتفق ويجوز الاختلاف معها؟ ياخى معارضتكم انت وجادات وادريس جغمة, وعازة بتاعتك دى احسن تكمل نومها لانها لو صحت بتجيها جلطة.
اقول هذا بصفتى صبيا لتراجى. |
| |
|
|
|
|
|
|
|
|
|
Re: بصراحة صبية تراجي مطلوب منهم موقف واضح بد� (Re: ahmedona)
|
Quote: عارف يا صديق
شيخ الباسطة قدر حالوا ما تضيقه عليه أكثر من كدة خليه يبرطع |
حبيبنا ابو روضة
اتا عارفنا ناس نصيحة سااااااي
يعني العفش على مسؤولية صاحبه
انا الزول دا ببقي ليهو زي الضل ما بعتقه الا يجي هناك يثبت دكتاتورية الراكوبة او يعتزر
| |
|
|
|
|
|
|
|
|
|
Re: بصراحة صبية تراجي مطلوب منهم موقف واضح بد� (Re: ahmedona)
|
الظلامي احمدونا
خلاص فكيت روابط التجاهل التجاهل
المهم برضه حنواصل ذنقاتك حتى تستغيث
وقول لي زويلك النحت ده انحنا ما عندنا رأي في الرقصات لكن عندنا رأي
في صبية تراجي ومن ظلوا يهللون لكل ما تطرحه
وللمواقعين على قوايمها تحت مسمى إيقاف الحرب
وغيرها من مخاطبات كلمات الحق التي أريد بها باطل
الظلامي احمدونا
أن شاء الله تراجي تعمل ليك عضوية في جمعية الصادقة واكيد مش حيكون ليك أو ليكم مانع
| |
|
|
|
|
|
|
|
|
|
Re: بصراحة صبية تراجي مطلوب منهم موقف واضح بد� (Re: ahmedona)
|
فرح الروضة
تحياتي واحترامي
غايتو أنا داير أقول وجهة نظري بهدوء ومن غير كيل اتهامات
تراجي بيني وبينها صراعات في هذا المنبر، ولا تقبل وجهة نظري في الكثير من القضايا
لكن دافعت عن حقها في التعبير عن وجهة نظرها.
والآن أدافع عن حقها في الإشتراك في مؤتمر الحوار
كما دافعت عن اتفاق القاهرة الذي وقعته احزاب التجمع وشاركت بموجبه في
البرلمان وهو نفس البرلمان الذي أجاز القوانين سيئة الذكر.
احزاب المعارضة لم ترفض المشاركة في الحوار
بل اشترطت اجراءات لتهيئة المناخ وبعدها ستشارك
لجنة 7+7 او أياً كان اسمها اختارت تراجي للمشاركة في الحوار
من حق تراجي وندى القلعة والموظفة والعاملة وبائعة المريسة
وبائعة الهوى وأي إمرأة في بلادي أن تشارك فيما تراه مناسباً
ويمكن أن يؤدي لحل مشاكل البلد.
وجهة نظري الخاصة أن هذا الحوار لن يفضي لشيء
ولكني لو كنت في السودان وقُدِمت لي الدعوة لذهبت
وقلت لهم أن حواركم هذا لن يفضي لشئء للأسباب (واحد اتنين تلاتة)
خلافك مع تراجي مفهوم، وخلافي معها أيضاً وسمعتك فارغة وسمعتني فارغة مثلك تماماً
تراجي بالنسبة لي ساذجة سياسياً، لكن في نفس اللحظة تتمتلك شجاعة قول رأيها بدون مواربة ولا مجاملة
وجهة نظري فيها أن الدرب رايح ليها في الموية، وبعض الأحيان تعطيني احساس أنها (شوفينية).
ولكن هذه الحملة ضدها لا مبرر لها، ولم نسمع نفس الحملة ضد الاحزاب التى شاركت في البرلمان.
أتمنى أن نبتعد عن الهجوم العنيف ونناقش بموضوعية ونعطي الآخرين فرصة حق الإختلاف
أنا نفسي أحياناً أكون حاداً وساخراً وأحاول أن انتصر لنفسي، ولكن عذري أنني أعرف أن ما أفعله خطأ
وأحاول أن اتراجع وأعتذر عنه واعترف به كلما سنحت لي فرصة.
| |
|
|
|
|
|
|
|
|
|
Re: بصراحة صبية تراجي مطلوب منهم موقف واضح بد� (Re: الصادق اسماعيل)
|
عنوان البوست (صبية تراجي مطلوب منهم موقف واضح وصريح وبدون دغمسة) ...
أوكي ؟؟؟
Quote: المستهدفين هنا
أعضاء لهم وزن ومواقف مشهودة ضد هذا النظام
مطلوب منهم مواقف بعيد عن الشخصية والصداقات والاجتماعيات
فالقضية قضية وطن |
لاحظ يا عزيز جادات المشاهد ...
العنوان بيخاطب صبية تراجي وفي نفس الوقت المستهدفين بالبوست هم أعضاء لهم وزن ومواقف مشهودة ضد هذا النظام ...
يعني فليق ومداوة
| |
|
|
|
|
|
|
|
|
|
Re: بصراحة صبية تراجي مطلوب منهم موقف واضح بد� (Re: قسم الفضيل مضوي محمد)
|
Quote: انت يا ظلامي محروق على صبية تراجي بوصفك واحد منهم
ولا من ديكتاتورية الراكوبة التي تشهر في وجه امثالك من الارهابين
يا عارف كلم ناس الراكوبة
يستوصوا بشيخ الباسطة وأمثاله خيرا
هههههه
أها رضيت |
ابو روضة هذا الظلامي من المريدين وليس من الصبية
لو سمحت ما تلخبت الكيمان ما ممكن شيخ باسطة واكون صبي !!
الزول ده مدعي سااااااي والمثل بقول الما بتلحقو جدعو
ناس الراكوبة ما محتاجين توصية فاتحين المنبر لاي زول
لكن زولك ده بقدر يجي بهناك ؟؟؟........
| |
|
|
|
|
|
|
| |
فرح الطاهر ابو روضة
حامد بدري
ahmedona
مني عمسيب
الصادق الخالدى
دقيس عبد الرحمن
Arif Nashed
محمد أبوالعزائم أبوالريش
الصادق اسماعيل
قسم الفضيل مضوي محمد
فيس بوك
تويتر
انستقرام
يوتيوب
بنتيريست