|
|
 المفوضية السامية لشئون اللاجئين تلقيت تهديد داخل وزارة الداخلية المصرية أمس ارجوا اخراجى من مصر
|
12:02 PM Apr, 22 2015
سودانيز اون لاين
محمد احمد القاضي-القاهرة
مكتبتى فى سودانيزاونلاين
السادة المفوضية السامية لشئون اللاجئين تلقيت تهديد داخل وزارة الداخلية المصرية أمس
بعد الضغوط الأمنية على شخصي من رجال جهاز الأمن و الاستخبارات العسكرية السودانية فى مصر ذهبت لمقابلة السيد وزير الداخلية المصرية .
لأطلب الحماية من هذه الوزارة الموقرة وزارة الداخلية المصرية تلقيت تهديد صريح من احد رجال الشرطة داخل وزارة الداخلية و كان يحمل مسدس داخل الوزارة وهذا ممنوع ان تحمل سلاح و حمله لسلاحه مخاطبتي هو تهديد اخر حيث ان التهديد الذي هددني به غير وكان صريحا .
ذهبت الى وزارة الداخلية أمس بتاريخ 21 ابريل 2015 لمصلحة وطني السودان و مصلحة مصر أيضا و الحفاظ على سلامتي ... أتلقى التهديد من رجل داخل هذه الوزارة مرات و مرات بل كتب فيه أكثر من شكوى بل فى مرة من المرات ادعى ان اسمه محمد , ثم غير اسمه إلى اسم أخر أظن أن هو اسمه الصحيح ( مه....د ) . السيد وزير الداخلية يتحمل سلامتي حتى خروجي من مصر الشقيقة هناك ضباط شرطة متورطين فى التخابر مع جهاز الأمن و المخابرات السوداني و تلقيت تهديد من شخص اذا تعرفت على هولا الضباط سوف يتم قتلى لهذا لن أشير إلى اى ضابط ايلا بعد مقابلة السيد الوزير .
بارك الله السودان
بارك الله مصر
|
|
 
|
|
|
|
|
|
|
|
Re: المفوضية السامية لشئون اللاجئين تلقيت ته (Re: محمد احمد القاضي)
|
Quote: لأطلب الحماية من هذه الوزارة الموقرة وزارة الداخلية المصرية تلقيت تهديد صريح من احد رجال الشرطة داخل وزارة الداخلية و كان يحمل مسدس داخل الوزارة وهذا ممنوع ان تحمل سلاح و حمله لسلاحه مخاطبتي هو تهديد اخر حيث ان التهديد الذي هددني به غير وكان صريحا .
ذهبت الى وزارة الداخلية أمس بتاريخ 21 ابريل 2015 لمصلحة وطني السودان و مصلحة مصر أيضا و الحفاظ على سلامتي ... أتلقى التهديد من رجل داخل هذه الوزارة مرات و مرات بل كتب فيه أكثر من شكوى بل فى مرة من المرات ادعى ان اسمه محمد , ثم غير اسمه إلى اسم أخر أظن أن هو اسمه الصحيح ( مه....د ) . السيد وزير الداخلية يتحمل سلامتي حتى خروجي من مصر الشقيقة هناك ضباط شرطة متورطين فى التخابر مع جهاز الأمن و المخابرات السوداني و تلقيت تهديد من شخص اذا تعرفت على هولا الضباط سوف يتم قتلى لهذا لن أشير إلى اى ضابط ايلا بعد مقابلة السيد الوزير . |
يا سلام حالة إنسانية تدمي القلب .. رغم أني لا أعرف مشكلتك بالضبط .. ولكن من خلال تعبيرك وكلماتك اشعر أنك إنسان نقي
وطيب القلب .. يبدو أن لديك مشكلة ما ..
مع الوضع الحاصل في مصر هل يمكن الوصول إلى مكتب وزير داخلية .. أظن أن مساعد المساعد مقابلته مشكلة ..
حسن النية وطيبة القلب ومثل هذا الصفاء ربما يورطك أكثر .. إبتعد عن الأمن المصري .. شوف غيرهم
هذا نموذج لما وصل إليه الوطن إنحدار
| |
|
|
|
|
|
|
|
|
|
Re: المفوضية السامية لشئون اللاجئين تلقيت ته (Re: محمد احمد القاضي)
|
يا ود القاضي ...
يمين عذبت خلف الله ذاتو .. ..
إتـــا رايح ليكـ الدرب ولا شنو ..؟..
مفوضية لاجئين ياتا ..
الجاي تكوركـ ليها هنا ده ..
هنا في بكري أبوبكر وبس بخارج معاكـ يا أخوي ..؟ ...
بعدين من زمنكـ داكـ ما قدرت مرقت من مصر دي .. ؟! ..
بالغت والله ..
مصر دي .. عامله زي السودان ..
شوال مبهول ..
من طرشمية حتة تقدر تمرق منها ..
أديكـ طريقة .. زور ليكـ تأشيرة واقطع تذكرة وأركب ..
من تصل ليك أي محطة أوربية أعمل مجنون ..
طبعاً ماعايزين نقول ليكـ أركب البحر ..
عشان ممكن تحتل ..
مع إنها برضو طريقة ..
أهم شي المصاري تكون هلبه ..
لكن كان بقيت مفلس صدقني مابتقدر تمرقا ولو في كفر غطاطي ..
بعدين نصيحة لوجه الله ماتقابض في شرطة مصر دي ..
لأنو ياركبّوكـ الفلكه .. أو ركبوكـ قصبة ..
الله يفكـ قرمتكـ دي يأخ ..  ..
قرمة السفر طبعن ..
.
| |
|
|
|
|
|
|
|
|
|
Re: المفوضية السامية لشئون اللاجئين تلقيت ته (Re: جمال ود القوز)
|
Quote: من طرشمية حتة تقدر تمرق منها ..
أديكـ طريقة .. زور ليكـ تأشيرة واقطع تذكرة وأركب ..
من تصل ليك أي محطة أوربية أعمل مجنون ..
طبعاً ماعايزين نقول ليكـ أركب البحر ..
عشان ممكن تحتل ..
مع إنها برضو طريقة ..
أهم شي المصاري تكون هلبه ..
لكن كان بقيت مفلس صدقني مابتقدر تمرقا ولو في كفر غطاطي ..
بعدين نصيحة لوجه الله ماتقابض في شرطة مصر دي ..
لأنو ياركبّوكـ الفلكه .. أو ركبوكـ قصبة .. |
أخي جمال .. صدقني حالته تثير الشفقة ..
الزول ده طيب وعلى نياته .. ومثل هؤلاء الطبيين لا يستطيعون المغامرة ..
كده لله .. انصحه إذا كنت عندك خلفية عن مشكلته ..
دي صورة تثير الحزن ..
يا إبننا ودالقاضي السفر والاغتراب والمآزق هذه الممارسات تحتاج لشخص بمواصفات خاصة ..
بس أعمل حسابك ما تمشى على ناس البحر والمراكب الغارقة يومياً ..
معليش اخي جمال .. حديث ودالقاضي مؤثر جداً ..
ولك محبتي ..
| |
|
|
|
|
|
|
|
|
|
Re: المفوضية السامية لشئون اللاجئين تلقيت ته (Re: علي عبدالوهاب عثمان)
|
Quote: أخي جمال .. صدقني حالته تثير الشفقة ..
الزول ده طيب وعلى نياته .. ومثل هؤلاء الطبيين لا يستطيعون المغامرة ..
كده لله .. انصحه إذا كنت عندك خلفية عن مشكلته ..
دي صورة تثير الحزن ..
يا إبننا ودالقاضي السفر والاغتراب والمآزق هذه الممارسات تحتاج لشخص بمواصفات خاصة ..
بس أعمل حسابك ما تمشى على ناس البحر والمراكب الغارقة يومياً ..
معليش اخي جمال .. حديث ودالقاضي مؤثر جداً ..
ولك محبتي ..
|
أستاذنا علي عبد الوهاب عثمان ..
أرسي يا حبيبنا ..
يا سلام عليكـ ..
وعلي حنيتكـ يأخ ..
بالفعل أخونا ود القاضي يستحق المؤازرة ..
لكن طريقته البيحاول يمرق بيها برضو تثير الاستغراب والشفقة معاً ..
مصر كانت محطة سفر للخارج جيدة جداً ..
وربما الى حد ما حالياً برضو ممكن تسافر منها ..
أهم شيء يكون معاكـ تكاليف السفر .. وهي باهظة جداً طبعاً ..
لا أخفيكـ القاهرة عرفتها كما الخرطوم تماماً ..
ونصيحتي لود القاضي يكون معه قروش كفاية للسفر للخارج ..
أما نداءاته التي دأب على إرسالها بين الفينة والأخرى هاهنا ..
فهي بندق في بحر ليس إلا ..
يشوف طريقة يجيب بيها قروش ..
بعد داكـ السفر ساهل ..
كان في حالة لأخ من السودان تمت مساعدته بطريقة جميلة ووصل الى أمريكا ..
طبعاً ده كان فايت ود القاضي بي كتير لإنه كان معاهو لوتري جاهز ..
وينقصه فقط المال وقف معه الأخوان وقفه جميلة ومشهودة ..
لماذ لم يقدم ود القاضي للوتري .. وفرصه كتيرة جداً ..
والكثير من راغبي الهجرة من أصحابنا سافروا أمريكا ..
كمان لو مستعجل ود القاضي يشوف تأشيرة سياحية أو يقدم في أي جامعة ..
ربما يحصل على قبول يمكنة من الحصول على التأشيرة ..
عندكـ كندا مثلاُ كان عندكـ قروش بتقدر تحصل على تأشيرة وتسافر ..
المهم القروووش .. يا علي يا أخوي ..
السفر هين ..
مع إني دنقلاوي دين حجر ..
لكين كان طرحوا التبرع لأخونا ود القاضي ..
لكنت أول المساهمين ..
على الأقل تنفكـ قرمتة بتاعة السفر دي ..
بعدين لا أخفيكـ برضو أنا متضامن معه ..
ولايغركـ كلامي فهو من باب المزح ليس الا ..
لأني رأيت له كم مره بوستات على هذه الشاكلة ..
شاكر مطابيبتكـ حبيبنا علي ..
وأسأل الله أن يفكـ أزمة أخونا ود القاضي ويقدر يسافر بلاد بره ..
ويحقق حلمه ومستقبله بحياة تانية جديدة ..
| |
|
|
|
|
|
|
|
|
|
Re: المفوضية السامية لشئون اللاجئين تلقيت ته (Re: جمال ود القوز)
|
جمال امبس عرفت القصة ..
وفهمت طريقة مخاطبتك لود القاضي ..
يا سلام يا جمال على هذه الروح الجميلة والدواخل الأجمل ,,
أنا ثقافتي ضعيفة في اللوترى والهجرات وما شابه لأننا سناً لا نصلح أكثر من نصف قرن ..
نعرف العمرة والزوغه .. كان أحسن يجي عمرة يعملوا شوية قريشات للتذكرة وكده ..
شخصيته دي تنفع في الخليج .. البراءة والنقاء ..
| Quote: مع إني دنقلاوي دين حجر .. |
عبارة اضحكتني كثيراً ... ذكرتني أهلي الحلوين بمجرد الشعور بالزعل يتحدث بالعربية ( ما تسكت يا دين حجر )
وكمان عشان كده فينا حنية وعاطفيين خالص .. وكان توارد خواطر بيننا
اللهم سهل أمر ودالقاضي .. لقد أحببتك في الله ..
محبتي بلا حدود .. هيروو ووو جمال أمبس ..
| |
|
|
|
|
|
|
|
|
|
Re: المفوضية السامية لشئون اللاجئين تلقيت ته (Re: محمد احمد القاضي)
|
السيد وزبر الداخلية اللوء مجدى عبد الغفور
السلام و التحية
اولا أحملكم مسئولية سلامتي وانا فى مصر اذا لم يقم مكتب سيادتكم بالسماح لشخصي لمقابلتكم لإخطاركم بكل ما يحدث لشخصى من عملاء جهاز الامن و المخابرات السودانى داخل جمهورية مصر العربية الشقيقة . وانت تتحمل المسئولية الامنية فى حمايتى ,
أناشدكم بالإسراع بتحديد موعد المقابلة لانى احمل قضية تخابر . و ما حدث داخل وزارة الداخلية فى يوم 21 ابريل 2015 الأسبوع الماضي حيث تلقيت تهديد صريح داخل الوزارة عندما اتيتت لمقابلتكم .
| |
|
|
|
|
|
|
| |
محمد احمد القاضي
علي عبدالوهاب عثمان
علي دفع الله
جمال ود القوز
ABUHUSSEIN
سليمان القرشي
فيس بوك
تويتر
انستقرام
يوتيوب
بنتيريست