|
اللوتريDV2017 -للراغبين في الهجرة
|
02:39 AM Sep, 03 2015 سودانيز اون لاين سيف اليزل برعي البدوي- مكتبتى فى سودانيزاونلاين
بسم الله الرحمن الرحيم سيف اليزل البرعي من بوسطون (منبع الفيس بوك) يحييكم .مركز سبأ للخدمات يحييكم.للراغبين في التقديم والمخارجات عليكم باللوتريDV2017 وهو القرعة العشوائية للولايات المتحدة .عليهم مراسلتي في صفحتي علي الفيس Alsaif Alburaey أو إرسال بياناتكم علي mailto:إيميلي[email protected]أو[email protected]إيميلي[email protected]أو[email protected] وأنا بفضل أن تراسلوني علي الإيميل أو الوات ساب0019788761449.يمنكم أخذ صورة سيلفي للوجه من قرب بالموبايل و إرسالها علي 0019788761449 سوف نقوم بالتقديم مجانا للجميع و توجد رسوم بعد الفوز مع التعبئة الإحترافية لفورم DS260 إن شاء الله وهنالك مرونة عالية وما بنختلف إن شاء الله .والهم الكبير هو التقديم لكم بطريقة صحيحة خالية من الأخطاء وبعد الفوز المتابعة إلي نيل الفيزا بإذن الله. اللوتري سيبتدئ بإذن الله يوم2 أكتوبر 2015 الساعة 12 ظهرا بتوقيت الساحل الشرقي لأميركا ,والسابعة مساء بتوقيت السودان وحتي يوم 3 نوفمبر 2015 الساعة 12 ظهرا .كل ما أحتاجه منكم (
صورة فوتغرافية بحجم و مواصفات صورة الباسبورت و سأقوم بتعديلها بطريقتي مهما كانت حالتها و خلفيتها. الصورة بالحجاب مقبولة. والإسم رباعي وتاريخ الميلاد باليوم و الشهر و السنة ومكان الميلاد ومكان إقامتك الحالي و حدد مؤهلك الدراسي الأخير الذي حصلت عليه-جامعي ولا ثانوي أو خلافه) لا ترسل صورة لاي مستند
وإذا كنت متزوج يجب إرسال صورة الزوج أو الزوجة وصور الأولاد حتي سن 21 يمكن إرفاقهم في الفورم مع الأسرة والمتزوجين بيتم التقديم ليهم مرتين مرة للزوج ومرة أخري للزوجة يعني بفرصتين .كل شخص سنقوم بالتقديم له و يفوز سيتم بإخطاره بالنتيجة يوم 1 مايو 2016 بإذن الله . مرر الإعلان لأخ أو صديق فقد تحقق أمنية.
لا تتردد فالفرصة أمامك وجرب حظك فالبرنامج ليس له عمر محدد.فقط شرطه الحصول علي الشهادة الثانوية نجاح أو شهادة خبرة. و نحن دوما نلتقي لكي نرتقي. عمم الإعلان فقد تنقذ روحا.
|
|
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
بلد الاستحقاق لبرنامج الهجرة غالبا ما يكون بلد الاستحقاق هو نفس البلد الذي ولدت فيه. بلد استحقاقك ليست له اية علاقة بالمكان الذي تعيش فيه الان. يعني لو إتولدت في السعودية مثلا فبلد إستحقاقك هي السعودية رغم إنك تحمل الجنسية السودانية وذلك يعطيك ميزة حيث ستنافس في كوتة السعودية وليس السودان يعني بدل ما تكابس مع ملايين السودانيين أحسن تكابس مع الناس الما جايبين خبر للوتري ديلاك أو هم ما محتاجين ليه زينا.
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
شهادات التسنين دي شهادات مقبولة تماما لدي السلطات الامريكية طالما انها طالعة من جهة حكومية ورسمية بها الختم والتوقيع ويطلب معها إقرار من المحامي أو المحكمة من والدتك تشهد بتاريخ ميلادك... عليه مافي زول يشيل هم اذا كان عنده شهادة تسنين ممكن يكتب في طلب القبول نفس تاريخ تسنينو دا وما بتجيهو عوجة..بس.. لازم كمان يكون تاريخ التسنين متطابق مع ماهو مكتوب في جواز سفره. معلومة هامة لاحظت ان بعض الجوازات السودانية ما بكونوا كاتبين فيها تاريخ الميلاد كاملا... يعني ما بيكتبوا اليوم والشهر والسنة...تلقاهم كاتبين سنة الميلاد بس. طيب في الحالة دي المتقدم لازم يكتب في طلب التقديم تاريخ ميلاده وفقا لشهادة ميلادوه عشان لو فاز في المعاينة حا يطلبوا منه احضار شهادة ميلاده...دي نقطة هامة لازم ننتبه ليها.وبرضو لو حدث خطأ عند التقديم يمكن تعديله بعد الفوز اذا كان الفرق بسيط و ينم عن خطأ ولا يعتبرونك كذبت فهم متفهمين شديد .
| |
|
|
|
|
|
|
Re: اللوتريDV2017 -للراغبين في الهجرة (Re: باسط المكي)
|
ود المكي سلام..حبابك و مرحبا بك... -------------------- في موضوع بلد الإستحقاق و بعد إرتفاع كوتة السودان يصبح حظ مواليد الخليج ضعيفا في المنافسة لكن مثلا لو واحد مولود في السودان و زوجته مولودة في السعودية فلها الحق أن تنافس في كوتة السودان لأنه بلد إستحقاق زوجها و بذلك ترتفع فرصتها في الفوز... و كذلك العكس فإن كان الزوج مولودا في الخليج و زوجته مولودة في السودان فيمكنه المنافسة في كوتة السودان و هو بلد إستحقاق زوجته...
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
تحية وسلام يا سيف وجزاك الله خير لتنويرنا في موضوع اللوتري
عايز اسأل فيما اذا ربنا رزقك بمولود بعد التقديم بكون الموقف كيف؟
الشي التاني هل يجب توثيق الشهادات المطلوبة المؤهل الجامعي والميلاد مثلاً بعد الفوز؟
وهل الرقم الفوق دا رقمك انت للتواصل بالواتساب؟
ولك الشكر الجزيل
| |
|
|
|
|
|
|
Re: اللوتريDV2017 -للراغبين في الهجرة (Re: Haytham Ghaly)
|
شكرا لك اخي سيف على هذا التنوير وعلى هذا العمل الكبير والذي نسال الله ان يجعله في ميزان حسناتك باذن الله , واكيد ساتواصل معك من اجل التنوير اكتر وربنا يسهل الامر ان شا الله ويجعل نجاتنا بيدك بعد الله عز وجل ,,,
تحياتي : ياسر العيلفون
| |
|
|
|
|
|
|
Re: اللوتريDV2017 -للراغبين في الهجرة (Re: محمد عبد الله الامين)
|
الاخ سيف لدي سؤال وهو : في حال ان الشخص قام بالتقديم وفقا للجواز القديم ( الاخضر ) وفي المستقبل قام بتغيير الجواز للإلكتروني لان العمل بالجواز القديم على وشك الانتهاء , 1- ماهو وضع هذا الشخص وهل سيتم تفهم ذلك ام سيضيع عليه التقديم الذي قدمه ( وهذا بالنسبة له ولاسرته اذا كان متزوجا وله اطفال )
لك عظيم شكري وامتناني ،،
تحياتي : ياسر العيلفون
| |
|
|
|
|
|
|
Re: اللوتريDV2017 -للراغبين في الهجرة (Re: مهند سوركتي)
|
Quote: عايز اسأل فيما اذا ربنا رزقك بمولود بعد التقديم بكون الموقف كيف؟
الشي التاني هل يجب توثيق الشهادات المطلوبة المؤهل الجامعي والميلاد مثلاً بعد الفوز؟
وهل الرقم الفوق دا رقمك انت للتواصل بالواتساب؟ |
سلام يا شباب و معذرة لتأخر الرد نسبة لبعض المشغوليات الأخ هيثم عادي جدا يمكن إضافة المولود الذي يولد بعد التقديم أو بعد الفوز و في فورم الDS260خانات لهذه الإضافات أما بخصوص الشهادات فالأحسن إستخراجها و توثيقها بعد الفوز و في حالات كثيرة ناس السفارة رجعوا ناس لاستخراج شهاداتهم استخراج حديث و توثيقها و رقم الواتساب أعلاه هو رقم جوالي من سنوات طويلة لم يتغير بحمد الله شكرا للمرور و المشاركة
| |
|
|
|
|
|
|
Re: اللوتريDV2017 -للراغبين في الهجرة (Re: احمد حمودى)
|
السلام عليكم أخونا سيف وشاكر تماماً مجهوداتك في تبصير الناس بخفايا اللوتري وطريقة التقديم السليمة وحمايتهم من الوقوع في أخطاء قد تتسبب في استبعادهم بعد فوزهم والبوست كما البوستات السابقة ثر جداً لكل راغب في الهجرة ومن حقك تماماً الاستفادة من خبراتك مادياً .. كل الناس دي بتتوظف بي خبراتها ومعارفها وبتاخد مقابل مادي ومن أسوأ الحاجات في الدنيا مضايقة الناس في أرزاقهم أو حتى أذيتهم بطرق مواضيع قد تضر بأعمالهم أو حتى تضايقهم ساي
لكن ..... لاحظت لعدة سنوات متتالية هروبك من سؤال المقابل المادي ! انت طارح خدمة بي مقابل مادي وفي منبر نقاش عام .. يبقى من حق الناس تعرف المقابل دة شنو عشان ما يكتشفوا بعد فوات الأوان بي إنه 3000 دولار كما قال أحدهم في نافذة الفيسبوك لأنه هذا المبلغ من الصعب توفره لأغلب الموجودين في السودان حاسي بي إنه السؤال دة فعلاً بضايقك وبتزوغ من الإجابة عليه .. لكن ضيقك دة محل شك وبخلينا نصدق الراجل التحت دة حأنقل ليك مداخلات الفيسبوك الموجودة أسفل البوست وياريت ترد عليها بشجاعة وصراحة وأكل العيش ما فيه خجل اطرح المبلغ بتاعك بالأرقام لأنه طريقة ما بنختلف وعندنا مرونة قد ما تحل الفائز بعدين عشان كدة أحسن يكون على بينة من هسع
Quote: محمد حسين · يعمل لدى الخرطوم السلام عليكم اخ سيف , بعض الاسئلة : لماذا لا تسلم الناس صفحة بيانات التسجيل الخاصة بهم confirmation page بعد اتمام التقديم ؟؟ لماذا لا تعمل بنظام التقديم بمقابل مادي 100 جنية مثلا كبقية المراكز ؟؟ لماذا لا ترد علي الناس بمجرد استلامك للصورة والبيانات والي حين ظهور النتائج في مايو ولا تهتم الا بالمختارين ؟؟ لماذا لا تذكر للناس كم هي الرسوم الخاصة بك في حالة تم الاختيار ؟؟ ام تشعر بالخجل من ان تقول انها 3000 $ بالتمام والكمال والمابدفع ما بتديهو بيانات الفوز الخاصة به ولن يستطيع مواصلة الاجراءات !! ياااا ايها الشعب السوداني الطيب ما تتغشوا بعبارة التقديم مجانا دي لانك لو فزت مع سيف ده حتندم اشد الندم وحتضطر تدفع مبلغ يعادل الثلاثون الف جنية في اجراءات كان بالامكان ان تكلفك 2100 جنية في حالة ذهابك لاى مركز تقديم يعمل بنزاهه ويقدم بمبلغ اقل من 100 جنية ويقوم بتسليمك البيانات الخاصة بك وتحوي رقم الكود confirmation page ,confirmation number وهي تعتبر المفتاح الرئيسي في عملية اللوتري ولا يمكن المواصلة في الاجراءات بدون معرفة رقم حالة الفوز case number , وفي حال تم الاختيار هنالك رسوم تعبئة فورم ds260 تكلف تقريبا 2000 جنية فقط.. للاسف ضحاياك كل عام بالعشرات منهم من ترك فوزة بسبب المبلغ التعجيزي المطلوب عن طريق الابتزاز وحجب البيانات من قبلكم ومنهم من توكل علي الله و دفع دم قلبة وهو يدعي عليك رب العالمين صباحا ومساء . اللهم قد بلغت اللهم فاشهد |
Quote: محمد حسين · يعمل لدى الخرطوم ارجوا عدم حذف تعليقي ادناه ان كانت هنالك ديمقراطية وحرية راي في هذا المنبر الهام واثق في من يشرفون علية , او من قبل السيد سيف البرعي ان كان يعمل بكل شفافية و وصدق |
Quote: Ali Zeen · جامعة الخرطوم ياسيف السلام عليكم رجاء خاص ماتقدم لى ........ باوراقى العندك من السنة الماضية ...... لانك قدمت لى لا وريتنى فزت ولا مافزت ولا رسلت لى كونفيشن نمبر عشان اعرف انك قدمت ............. وشكرا لك على مجهودك السابق |
Quote: Nsr Mustafa · IT Administrator في شركة إكاف العربية ikaf Arabian.Co انا برضو قدمتا بي واسطة سيف برعي وما لميت في الكونفرميشن نمبر عشان نتاكد - ما عارف المشكلة شنو لو اديت الزول القدمتا ليهو رقم التاكيد وريحتا بالك في النهاية حا تملا معاهو الفورم والقروش ما اعتقد هي المنعتك من تسليم رقم التاكيد لاني بعرفك كويس. |
| |
|
|
|
|
|
|
Re: اللوتريDV2017 -للراغبين في الهجرة (Re: أحمد محمد عمر)
|
Quote: السلام عليكم أخونا سيف وشاكر تماماً مجهوداتك في تبصير الناس بخفايا اللوتري وطريقة التقديم السليمة وحمايتهم من الوقوع في أخطاء قد تتسبب في استبعادهم بعد فوزهم والبوست كما البوستات السابقة ثر جداً لكل راغب في الهجرة ومن حقك تماماً الاستفادة من خبراتك مادياً .. كل الناس دي بتتوظف بي خبراتها ومعارفها وبتاخد مقابل مادي ومن أسوأ الحاجات في الدنيا مضايقة الناس في أرزاقهم أو حتى أذيتهم بطرق مواضيع قد تضر بأعمالهم أو حتى تضايقهم ساي
لكن ..... لاحظت لعدة سنوات متتالية هروبك من سؤال المقابل المادي ! |
الأخ محمد عمر شكرا للمتابعة و ساعود للرد عليك ان شاء الله
| |
|
|
|
|
|
|
Re: اللوتريDV2017 -للراغبين في الهجرة (Re: معاوية عوض الكريم)
|
اخونا سيف اليزل تحياتي وتقديري لدى ملف مع الاسره طرفكم من العام الماضي هلى اكتفي بذلك
ايضا لدى طفله مولوده جديدة السنه الحاليه هل ارسل معلوماتها فقط ام ارسل كامل معلومات الاسره مع العلم ان المعلومات السابقه محفوظه عندي
شكرا ولعل الحظ يحالفنا مع المولوده الجديدة
في انتظار ردكم
د. محمد الهادي
| |
|
|
|
|
|
|
Re: اللوتريDV2017 -للراغبين في الهجرة (Re: خالد علي محجوب المنسي)
|
سلام يا شباب و شكرا لتفاعلكم الذي أثلج صدرنا و لدي تنويه توجد كمية كبيرة جدا من الشباب سافروا للخليج و لدول عدة و غيروا تواريخ ميلادهم ليتخارجوا من موضوع الالزامية فانا شايف انو ممكن يقدموا للوتري بنفس تاريخ الميلاد الفي الباسبورت و بعد الفوز باذن الله يستخرجوا شهادة تسنين و يدعموها باقرار المحامي لانو تغيير بياناتهم الان صعب بعد الرقم الوطني و بدخلهم في اجراءات طويلة و تكاليف.
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
سلامات
Quote: الاخ سيف لدي سؤال وهو : في حال ان الشخص قام بالتقديم وفقا للجواز القديم ( الاخضر ) وفي المستقبل قام بتغيير الجواز للإلكتروني لان العمل بالجواز القديم على وشك الانتهاء , 1- ماهو وضع هذا الشخص وهل سيتم تفهم ذلك ام سيضيع عليه التقديم الذي قدمه ( وهذا بالنسبة له ولاسرته اذا كان متزوجا وله اطفال )
لك عظيم شكري وامتناني ،،
|
نفس السؤال الفوق
| |
|
|
|
|
|
|
Re: اللوتريDV2017 -للراغبين في الهجرة (Re: عثمان الأمام)
|
الأخ عثما نالف سلام وتحية أغلب ظني أن السفارة الامريكية ستكون متفهمة تماما للوضع الجديد و الذي غالبا سيكون في 25 نوفمبر القادم و بالتالي ستمر عليها حالات كثيرة لمتقدمين غيروا جوازاتهم و للاحتياط يمكنك اخذ المنشور او طباعته من اي موقع من مواقع سفاراتنا و ترجمته و المنشور يكفيك اجابة لو سالوك بهذا الشأن.
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
التقديم للوترى سهل جدا ويمكن لأى احد ان يقدم لنفسه والذى لا يستطيع او ليس له الثقة الكاملة فى نفسه ان يقدم تقديما صحيحا يمكنه ان يستعين بأخرين فى محيطه لمساعدته. ابتعدوا عن سماسرة اللوترى الذين يحتفظون ببياناتكم ولا يعطونكم لها الا بعد ان تدفعوا دم قلبكم. بعض مكاتب التقديم المنتشرة فى العاصمة والولايات تقدم لك ب 100 جنيه فقط (عشرة دولارات) وتعطيل كل البينانات وتنتظر الحظ وقد سافر عبر هذه المكاتب الالاف. واما من يقدم لك ويحفظ بياناتك و فى حالة فوزك يطالبك باكثر من الف دولار وقد تصل القيمة الى 3 الف دولار فأبتعدوا عنه تماما. اللهم هل بلغت ...اللهم فأشهد
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
Quote: السلام عليكم أخونا سيف وشاكر تماماً مجهوداتك في تبصير الناس بخفايا اللوتري وطريقة التقديم السليمة وحمايتهم من الوقوع في أخطاء قد تتسبب في استبعادهم بعد فوزهم والبوست كما البوستات السابقة ثر جداً لكل راغب في الهجرة ومن حقك تماماً الاستفادة من خبراتك مادياً .. كل الناس دي بتتوظف بي خبراتها ومعارفها وبتاخد مقابل مادي ومن أسوأ الحاجات في الدنيا مضايقة الناس في أرزاقهم أو حتى أذيتهم بطرق مواضيع قد تضر بأعمالهم أو حتى تضايقهم ساي
لكن ..... لاحظت لعدة سنوات متتالية هروبك من سؤال المقابل المادي ! انت طارح خدمة بي مقابل مادي وفي منبر نقاش عام .. يبقى من حق الناس تعرف المقابل دة شنو عشان ما يكتشفوا بعد فوات الأوان بي إنه 3000 دولار كما قال أحدهم في نافذة الفيسبوك لأنه هذا المبلغ من الصعب توفره لأغلب الموجودين في السودان حاسي بي إنه السؤال دة فعلاً بضايقك وبتزوغ من الإجابة عليه .. لكن ضيقك دة محل شك وبخلينا نصدق الراجل التحت دة حأنقل ليك مداخلات الفيسبوك الموجودة أسفل البوست وياريت ترد عليها بشجاعة وصراحة وأكل العيش ما فيه خجل اطرح المبلغ بتاعك بالأرقام لأنه طريقة ما بنختلف وعندنا مرونة قد ما تحل الفائز بعدين عشان كدة أحسن يكون على بينة من هسع
|
الاخ سيف مع احترامى ارجوالمرور والرد على الحديث اعلاه
| |
|
|
|
|
|
|
Re: اللوتريDV2017 -للراغبين في الهجرة (Re: هاشم عبدالله بشير)
|
لمعلومات أكثر عن رسوم المكتب يمكنكم الاتصال بمسئول المكتب في السودان الأخ محمد هاشم محمد علي موبايله 0918071387 و ستجدون ردود شافية بإذن الله أما الأسئلة الفنية فيمكنكم توجيهها للتيم المساعد ما وراء المحيطات و يتمثل في شخصي الضعيف و لكم خالص الشكر
سيف
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
قوانين الخدمة الالزامية سارية داخل السفارة الامريكية في الخرطوم اي مقابلة الان لا يخلو منها سؤال عن الاعفاء او التاجيل-يجب ان تحدد موقفك من الخدمة الالزامية الشهادة السودانية باللغة الانجليزية شهادة الميلاد باللغة الانجليزية او مترجمة شهادة الخبرة الكشف الطبي الفيش هذه اهم اشياء في المقابلة مع القنصل
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
بسم الله الرحمن الرحيم سيف اليزل البرعي من بوسطون (منبع الفيس بوك)يحييكم -مركز سبأ للخدمات و الإتصالات يحييكم.للراغبين في التقديم والمخارجات عليكم باللوتريDV2017 وهو القرعة العشوائية للولايات المتحدة .عليهم مراسلتي في صفحتي علي الفيس wd boston saif alburaey أو إرسال بياناتكم علي mailto:إيميلي[email protected]أو[email protected]إيميلي[email protected]أو[email protected] وأنا بفضل أن تراسلوني علي الإيميل أو الوات ساب0019788761449.وكالة سبأ تقوم بالتقديم مجانا للجميع و توجد رسوم بعد الفوز إن شاء الله وهنالك مرونة عالية وما بنختلف إن شاء الله .والهم الكبير هو التقديم لكم بطريقة صحيحة خالية من الأخطاء وبعد الفوز المتابعة إلي نيل الفيزا بإذن الله.اللوتري سيبتدئ بإذن الله يوم 2 أكتوبر 2015 الساعة 12 ظهرا بتوقيت الساحل الشرقي لأميركا ,والسابعة مساء بتوقيت السودان وحتي يوم السبت 3 نوفمبر 2015 الساعة 12 ظهرا.كل ما أحتاجه منكم (صورة فوتغرافية بحجم صورة الباسبورت و سأقوم بتعديلها بطريقتي مهما كانت حالتها. والإسم وتاريخ ومكان الميلاد ومكان إقامتك الحالي واخر مؤهل دراسي حصلت عليه-جامعي ولا ثانوي)و بس.وإذا كنت متزوج يجب إرسال صورة الزوج أو الزوجة وصور الأولاد حتي سن 21 يمكن إرفاقهم في الفورم مع الأسرة والمتزوجين بيتم التقديم ليهم مرتين مرة للزوج ومرة أخري للزوجة يعني بفرصتين .كل شخص سأقوم بالتقديم له و يفوز سأقوم بإخطاره بالنتيجة يوم 1 مايو 2015 بإذن الله .للتوضيح أكثر يمكنك الإطلاع علي معلومات الفورم الإليكتروني فقط للإستزادة وهو فورم يظهر في الموقع الحكومي فقط مع بداية البرنامج.لا تتردد فالفرصة أمامك وجرب حظك فالبرنامج ليس له عمر محدد. وإليكم بعض المعلومات عن متطلبات التقديم: فورم اللوتري الإليكتروني يحتوي علي الأسئلة التالية: الســــؤال رقم واحـــــد وهو (الاسم) وبتقسم لتلاتة اقسام A, B, C الاسم الاخير او اسم العائلة الاسم الاول الاسم الاوسط هذا السؤال يبدو بسيطا ولكن كثير من المتقدمين بيقعوا في خطا عن طريق الاستعجال فيكتب اسمه بالطريقة التي درجنا علي استعمالها في اللغة العربية وهي ان يبدا الاسم باسم المتقدم ثم اسم والده ثم اسم جده ثم اسم ابو جده ...وهكذا....ارجو ان ينتبه المتقدم ان يبدا باسمـه الاخير(اسم العائلة)في الخانة A ثم يقوم بتعبئة اسمه في الخانة B ثم بعد ذلك اسم والده في الخانة C. تعقيب هام بالنسبة لينا كسودانيين يجب ان ننتبه لمسالة هامة وهي دايما الاسم بكون رباعي في جوازاتنا عليه قد يكون اسم العائلة هو الاسم الاخير أعني الرابع بدل الثالث واسمك الاول كما هو كما يمكنك ان تعبي في خانة اسمك الاوسط اسم والدك .... مثلا زول اسمه ( احمد عبدالله خالد عمر) بيكتب في خانة الاسم الاخير او اسم العائلة: خالد أو عمر إذا كان هو الإسم الأكثر شهرة للأسرة يعني احتمال التالت وإحتمال الرابع الاسم الاول : احمد الاسم الاوسط : عبد الله نقطة اخيرة يجب ان ينتبه المتقدم لضرورة كتابة اسمه( بالاسبيلنق) الصحيح وعدم الاستعجال في ذلك ويفضل ان تملا جميع البيانات بالحروف الكبيرة في اللغة الانجليزية( كابيتال ليترز) إذا حدث أي خطأ يمكن تعديله بعد الفوز طبعا ومطابقة الإسم بباسبورت الشخص الفائز ولا يعتبرونك كذبت. الـســؤال رقـم اثنين (2) وهو تاريخ الميلاد.... كثير من المتقدمين بيتسائلوا عن ماهية كتابة تواريخ ميلادهم وفقا لشهادات تسنينهم. وديل طبعا اصلا ما بكون عندهم شهادات ميلاد..الشيئ الدايرين ناكد عليهو هو انو شهادات التسنين دي شهادات مقبولة تماما لدي السلطات الامريكية طالما انها طالعة من جهة حكومية ورسمية بها الختم والتوقيع ويطلب معها إقرار من المحامي أو المحكمة من والدتك تشهد بتاريخ ميلادك... عليه مافي زول يشيل هم اذا كان عنده شهادة تسنين ممكن يكتب في طلب القبول نفس تاريخ تسنينو دا وما بتجيهو عوجة..بس.. لازم كمان يكون تاريخ التسنين متطابق مع ماهو مكتوب في جواز سفره. معلومة هامة لاحظت ان بعض الجوازات السودانية ما بكونوا كاتبين فيها تاريخ الميلاد كاملا... يعني ما بيكتبوا اليوم والشهر والسنة...تلقاهم كاتبين سنة الميلاد بس. طيب في الحالة دي المتقدم لازم يكتب في طلب التقديم تاريخ ميلاده وفقا لشهادة ميلادوه عشان لو فاز في المعاينة حا يطلبوا منه احضار شهادة ميلاده...دي نقطة هامة لازم ننتبه ليها.وبرضو لو حدث خطأ عند التقديم يمكن تعديله بعد الفوز ولا يعتبرونك كذبت فهم متفهمين شديد . الـســؤال رقم ثلاثـة (3) (3) تحديد نوع المتقدم ( ذكــر....انثى) الـسـؤال رقم اربعـــة (4) المدينة التي ولد بها مقدم الطلب... ودي لازم ننتبه لانة تكون مطابقة لما هو موجود في شهادة الميلاد الـسـؤال رقم خـمـســة (5) وهو كتابة اسم بلد مقدم الطلب الإتولد فيها . الـســؤال رقم ســتة (6) وهو اكثر الاسـئلة التي يحدث فيها كثيرا من اللبس... طيب نقوم نترجم السؤال دا ترجمة عامـة. بنلقى انو بقول: بلد الاستحقاق لبرنامج الهجرة غالبا ما يكون بلد الاستحقاق هو نفس البلد الذي ولدت فيه. بلد استحقاقك ليست له اية علاقة بالمكان الذي تعيش فيه الان. يعني لو إتولدت في السعودية مثلا فبلد إستحقاقك هي السعودية رغم إنك تحمل الجنسية السودانية وذلك يعطيك ميزة حيث ستنافس في كوتة السعودية وليس السودان يعني بدل ما تكابس مع ملايين السودانيين أحسن تكابس مع الناس الما جايبين خبر للوتري ديلاك أو هم ما محتاجين ليه زينا. طيب الكلام دا معانتو شنو؟....وبينطبق علي حالتك كيف؟ الحاجة الاولى المفروض ننتبه ليها هي انو السؤال دا بنقسم لي جزئين...كويس الحالة الاولى: نقوم نفترض انك سوداني ومولود في السودان وعايش الان في السودان طوالي هنا اجابتك في الجزء الاول من السؤال بتكون بي (نعـم) وتسيب الجزء التاني من السؤال (فاضي)أو بالمعني الأصح هو مجاوب أصلا بنعم يعني تخليه نعم زي ما هو. الحالة الثانية:نفترض انك سوداني وولدت بالسودان ولكنك الان تعيش في اي دولة في العالم.مثلا سوداني وبتحمل الجنسية السودانية ولكن لظروف عملك انت تقيم الان بالامارات مثلا) تقوم طوالي تجاوب علي الجزء الاول من السؤال بي (نـعـم) وتسيب الجزء التاني منه (فاضـي) أو نعم زي ما هو. الحالة الثالثة: نفترض انك سوداني واتولدت في السودان وتحمل الجنسية التشادية مثلا اجابتك عن الجزء الاول من السؤال بتكون (لا) وفي الجزء الثاني تقوم تختار تشاد. الحالة الرابعة :إذا كنت سوداني مولود في السعودية مثلا الإجابة بتكون بنعم فقط.يعني إنت بتطالب يكون استحقاقك حسب الدولة الإتولدت فيها وهي السعودية.يعني الحالة الوحيدة البتكون لا هي الثالثة الأنا ذكرتها دي. وبكـــدا بنكون في السليم الـســؤال رقم سـبـعة (7) الـصـورة رسل اي صورة في حجم صورة الباسبورت اي للوجه فقط وسنقوم بتعديلها إن شاء الله الـســؤال الـثـامــن (8) كتابة الـعنوان.وهو شئ شكلي الان لأنهم لن يخطروك بفوزك عن طريق البريد لذا يمكنك كتابة عنوانك أو عنوان صديق لك في السودان أو خارجه ولا تنسي كلمة بعناية /السيد فلان الفلاني وهي بالإنجليزية In Care of/ أو مختصرة بC/O.وطبعا بعد ظهور النتيجة لن يصلك خطاب الفوز في البوستة ويتحتم عليك إدخال الكونفرميشن نمبر وإسم العائلة وتاريخ ميلادك لمعرفة إذا كنت قد فزت أم لا .إذا يجب أن تطبع الSuccess Feed Back التي تظهر لك بعد التقديم وتحفظها في مكان أمين وأنصحك أن تعمل ليها Copy and Paste وترسلها لنفسك أو لإيميل إحتياطي يعني تخزنها في الإيميل أحسن ليك حتي لا تطش المعلومات لأنو الكومبيوتر ممكن يتسرق أو يضربو فايرس أم الإيميل فلا و ممكن تفتحو من أي مكان في العالم . بدون الSUCCESSلن تعلم أنك فزت أم لا.سأقوم بكتابة عنواني لمن سأقدم لهم فلا تحملوا هما. الـســؤال رقــم تـســعـة (9) ود بنكتب فيه اسم البلد الانت عايش فيها الان.يعني ما ممكن تكون عايش في السعودية وتكتب انك عايش في السودان الكلام ده بعدين بقوم قطرك في المقابلة وبعتبروك كذبت. الـســؤال رقــم عـشــرة (10) ود بنكتب فيه رقم التلفون. الملاحظ ان الاجابة عن هذا السؤال اختيارية ولكنها مهمة جدا وانصح جميع المتقدمين من ملئ هذه الخانة وعدم تركها خالية رقم اختيارية الاجابة عليها.( قم بكتابة رقم تلفونك كاملا بمفتاح البلد والمدينة التي تسكن فيها) الـســؤال رقــم احـد عشــر (11) وهو كتابة عنوان البريد الاليكتروني وهو لا يقل اهمية عن كتابة رقم التلفون. السؤال الذي وردني من كثير من الاخوة الذين راسلوني في الايميل بتكلم عن انه ( هل كتابة الايميل (العنوان البريدي) تكفي للمراسلة؟؟؟) الاجابة هي (لا) لانه العنوان البريدي هو الاكثر اهمية وهو العنوان الحا يرسلو ليك بيه لو فزت وليس العنوان الاليكتروني. عشان كدا الاجابة عن السؤال (11) دا اختيارية ولكن الاجابة عن السؤال (8) وهو السؤال الذي يطلب فية كتابة عنوانك البريدي دائما اجبارية. الـســؤال رقم اثني عـشــر (12) وهو ( ما هو اعلى مستوي تعليمي وصلت اليه حتى تاريخ اليوم؟) وعندك عشرة خانات تختار منها اعلي مؤهل اكاديمي لك. اقل مؤهل مقبول هو درجة النجاح في الثانوية العليا.او ان تكون عامل ماهر في مهنة تحتاج علي الاقل لعامين من الخبر والتدريب.وهذا شرط صعب لأنه يجب مطابقته بالمهن الموجودة في موقع وزارة العمل الأمريكية .وللضمان الشهادة السودانية أو الثانوية نجاح معها شهادة خبرة إن وجد هي طريقك للفيزا وعالم الهجرة لأميركا ويا حبذا لو دعمتها بشهادة جامعية أو دبلومة إن شاء الله سنة واحدة خصوصا بعد أن أصبح السلم التعليمي في السودان 11 سنة بدل 12 عاما.في الختام نصيحتي لكل فائز أن يتجنب التزوير في أوراقه لانو الحاجة دي سقطت حجر ناس كتيرين في المقابلات وكذلك عدم وجود شهادة ثانوية نجاح او محاولة تزويرها او الكذب في الحالة الإجتماعية يكتب مثلا انو عازب وبعدين يطلع متزوج او يكتب عندو 3 اطفال يطلع عندو 4 مع استثناء من ولد حديثا بعد التقديم أو الكذب في مكان إقامتك الحالية. و نحن دوما نلتقي لكي نرتقي منقول بتصرف
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
كتابة الـعنوان.وهو شئ شكلي الان لأنهم لن يخطروك بفوزك عن طريق البريد لذا يمكنك كتابة عنوانك أو عنوان صديق لك في السودان أو خارجه ولا تنسي كلمة بعناية /السيد فلان الفلاني وهي بالإنجليزية In Care of/ أو مختصرة بC/O.وطبعا بعد ظهور النتيجة لن يصلك خطاب الفوز في البوستة ويتحتم عليك إدخال الكونفرميشن نمبر وإسم العائلة وتاريخ ميلادك لمعرفة إذا كنت قد فزت أم لا .إذا يجب أن تطبع الSuccess Feed Back التي تظهر لك بعد التقديم وتحفظها في مكان أمين وأنصحك أن تعمل ليها Copy and Paste وترسلها لنفسك أو لإيميل إحتياطي يعني تخزنها في الإيميل أحسن ليك حتي لا تطش المعلومات لأنو الكومبيوتر ممكن يتسرق أو يضربو فايرس أم الإيميل فلا و ممكن تفتحو من أي مكان في العالم . بدون الSUCCESSلن تعلم أنك فزت أم لا.سأقوم بكتابة عنواني لمن سأقدم لهم فلا تحملوا هما.
| |
|
|
|
|
|
|
Re: اللوتريDV2017 -للراغبين في الهجرة (Re: رحمه فضل المولى عجك)
|
الأخ رحمة سلام و كل عام و انت بخير للضمان حاول اتبع المواصفات بتاعت الموقع و الصورة ذات الخلفية البيضاء و ان كانت تجاربي اثبتت العكس ..حسب اعتقادي اهم شئ انها تكون صورة واضحة تساعد الفائز في المقابلة في التعرف عليه و صورة حديثة حتي لا تدخلهم في شك تجاه الفائز
| |
|
|
|
|
|
|
Re: اللوتريDV2017 -للراغبين في الهجرة (Re: سيف اليزل برعي البدوي)
|
أثناء الانترفيو هنالك سؤال يتكرر دوما و هو علاقة الشخص الفائز مع الاسبونسر بتاعو..يعني بسالوه من رقم تلفونه و عنوانه و هل هو متزوج و عرفتو كيف؟لابد من الانتباه لها لو احسوا انو معرفتك بيه ضعيفة ببساطة بقولوا ليك غيروا بواحد تاني و قد لا يسعفك الزمن بالذات لو مقابلتك كانت شهر 9
| |
|
|
|
|
|
|
Re: اللوتريDV2017 -للراغبين في الهجرة (Re: رحمه فضل المولى عجك)
|
تحياتي أخي سيف وكل سنة وأنت طيب لدي صديق فاز باللوتري العام الماضي ولكن لدية مشكلة في كتابة إسم إبنه بالجواز فإسمه مكتوب هكذا HAITHAM في حين أن إسم إبنه مكتوب MOHAMED HAYTHAM وهو نفس الإسم الذي تم التقديم به فهل هذا سيشكل لهم مشكلة أثناء المعاينة أم يمكن تجاوزها وما هو الحل
| |
|
|
|
|
|
|
Re: اللوتريDV2017 -للراغبين في الهجرة (Re: عثمان الخير)
|
الاخ عثمان سلام و كل عام و انتم بخير الحل بسيط و هو تعديل الاسم في استمارة الDS260 كما في الباسبورت يعني لو زول فاز و صادف اسمو الفي الباسبورت مختلف في الاحرف بقوم ببساطة بتعديل الspellingوفقا لما في الباسبورت و لا يغير الباسبورت
| |
|
|
|
|
|
|
Re: اللوتريDV2017 -للراغبين في الهجرة (Re: حسين عمر الفكي)
|
لك الشكر الأخ سيف على هذا الإهتمام. لكن في النهاية هو بزنس وإنت أشرت إلي ذلك في أنه بعد الفوز سوف تكون هناك رسوم وما بختلف. أعتقد إذا وضحت الرسوم كم بكون أفضل والواحد بكون على بصيرة
حقيقة أعتقد ولا أجزم أن البعض لن يستمر خوفا من فرض رسوم باهظة وقتها خصوصا أن هناك تجارب للبعض مع جهات أخرى تم مطالبتهم بمبالغ خيالية تزيد عن ٣٠٠٠ دولار
| |
|
|
|
|
|
|
Re: اللوتريDV2017 -للراغبين في الهجرة (Re: بكري السيد البشاري)
|
يا سيف السلام عليكم أولاً يا عزيزي عندك مشكلة ومشكلة كبيرة كمان الزول البرسل لك ما بعرف إنت قدمت ليه ولا ما قدمت مثلاً أنا السنة الفاتت رسلت ليك ملف قدر الضربة فيهو كل بياناتي وبيانات أسرتي ما عارف هل قدمت لي وما شالوني ولا ما قدمت لي أصلاً أنا أتفهم مشغوليتك وازدحام جدول أعمالك، لكن ياخ لو ما بتقدر تقدم لي كلمني ولو قدمت لي برضو كلمني لأنو ممكن أنا أقدم تاني واستبعد الشي الأخير أنا ناوي أقدم براي .. لو عندك بياناتي ما تقدم لي ما لايمك ولا زعلان منك بس خايف يحصل التقديم مرتين
تحياتي مثنى وثلاث ورباع
| |
|
|
|
|
|
|
Re: اللوتريDV2017 -للراغبين في الهجرة (Re: متوكل حسن)
|
يا سيف السلام عليكم أولاً يا عزيزي عندك مشكلة ومشكلة كبيرة كمان الزول البرسل لك ما بعرف إنت قدمت ليه ولا ما قدمت مثلاً أنا السنة الفاتت رسلت ليك ملف قدر الضربة فيهو كل بياناتي وبيانات أسرتي ما عارف هل قدمت لي وما شالوني ولا ما قدمت لي أصلاً
أنا ناوي أقدم براي .. لو عندك بياناتي ما تقدم لي ما لايمك ولا زعلان منك بس خايف يحصل التقديم مرتين
| |
|
|
|
|
|
|
|