|
|
|
 Re: العلاج البلدي ماسورة كبيييييرة (Re: حمد عبد الغفار عمر)
|
ليه فهلوة تجار
من المعلوم أن الكثير من العقاقير الطبية تدخل في تركيبها مستخلصات ذات منشأ نباتي (عشبي) ولكن في المجال الطبي تكون نسبة هذه المستخلصات خاضعة لمعايير صارمة
منها درجة تحمل هذه النسب بواسطة المريض .
بعض الأشخاص العاديين لديهم إطلاع واسع مثلا قد يكون متابعا لنشاط الأدوية أو مهتما بقراءة كل ما يصدر عنها فتتجمع لديه ذخيرة معلوم عن الاعشاب المستخدمة في صناعة الأدوية
فجأة يقوم الجن يركبو ويقول ليه أنا ما أعالج ما دام عارف الأشياء دي كلها
هسة جاني واحد قال استخدم كركم في الحليب ومعاه حبتين بندول
| |
 
|
|
|
|
|
|
|
 Re: العلاج البلدي ماسورة كبيييييرة (Re: حسين ديقول)
|
يا حمد كيفك وكفارة
النزلة تحديدا في مثل انجليزي بقول ليك بالأدوية بتاخد معاك اسبوعين وبدنها خمسطاشر يوم :)
العلاج البلدي أبدا ما ماسورة نعم هناك محتالين ومنظراتية ومناضلين كيبورد كما أي مجال آخر,لكن هذا لا ينفي أو يقدح في فعالية العلاج البلدي او أعشاب و ثمار معينة أو العسل , خذ عندك مثلا
الزنجبيل بالحليب لعلاج السعال دا مجرب مية في المية لا ازعم انه يعالج لكن على القل يخفف السعال نفسه خاصة الجاف البتحس بيه يجرح الحلق
عندك الحلبة علاج سجري لأي شي يتعلق بالبطن وسوء الهضم
للنعناع تأثير سحري مهدئ لإضطرابات المعدة
زيت السمسم مريح للعضلات و المفاصل - لكن اقنع من الملاية
ودا كلوكوم و العسل و الكمون كوم تاني ديل بالذات ذكرن في القرآن و السنة النبوية
أذكر مرة أن والدي كان عنده جرح في رجله ولنه مصاب بالسكري كنا نراجع اخصائي فكان ان نصحه بوضع العسل مباشرة على الجرح وفعلا فعل و كان أن برأ الجرح بإذن الله
ما تسالني ليه وكيف وهسي يجيك دكتور سيف يقول ليك ما ممكن وشنو ما عارف وعلميا و بتاع 
المهم يا خوي في النهاية الشفاء من الله و بقدرته كما المرض ابتلاء منه
فال العلاج البلدي ولا الكيميائي ولا غيره يضمن الشفاء إنّما هي اسباب ساي
| |
|
|
|
|
|
|
|
|
Re: العلاج البلدي ماسورة كبيييييرة (Re: الصادق عبدالله الحسن)
|
هلا حسين ديقول
حفظك الله من كل شر
ياخ القائمة طويلة جدا بعدك جا واحد قال لي الحبة السوداء وبعد كل بلعة تقول صلى الله على سيدنا محمد 7 مرات
المشكلة بقت بيئة لكل زول يفتي زي بمزاجو يعني واحد يقول أكسر قرن شطة خضراء وأكبس النصين في فتحتي الأنف
هنا ممكن تموت
الإنفلونزا دي ممكن تغيير الجو بس يشيلها
| |
|
|
|
|
|
|
|
|
|
Re: العلاج البلدي ماسورة كبيييييرة (Re: معاوية عبيد الصائم)
|
Quote: عندك الحلبة علاج سجري لأي شي يتعلق بالبطن وسوء الهضم
للنعناع تأثير سحري مهدئ لإضطرابات المعدة
زيت السمسم مريح للعضلات و المفاصل - لكن اقنع من الملاية |
التلاته ديل عن تجربة
100/100
امس بالليل عضلات الساق تنتح .. حمتنى النوم ..
جبت زيت السمسم (جايبو معاى من السودان) جلبطتهم تمام
شوية كده ارتحت ونمت ... الصباح .. الا وصلت الشغل الساعه 9
| |
|
|
|
|
|
|
|
|
 Re: العلاج البلدي ماسورة كبيييييرة (Re: معاوية عبيد الصائم)
|
| Quote: منظراتية ومناضلين كيبورد |
شوف يا حمد،
تبلع أساسي ومعاوية عبيد وآحد بعد الفطور والتاني بعد الغدا، بعد العشا تأخد
عماد حسين في رآحة إيدك سفوفة وتدليهو بموية بااااردة، بعد دآك تتبخر
بملاسي والصباح تبلع ود البشرى علي الريق. بعد دآك كان النزلة دي تاني
عتبت عليك تعال لومني، وكفارة ليك يا زول...
| |
|
|
|
|
|
|
|
|
|
Re: العلاج البلدي ماسورة كبيييييرة (Re: حمد عبد الغفار عمر)
|
Quote: شوف يا حمد،
تبلع أساسي ومعاوية عبيد وآحد بعد الفطور والتاني بعد الغدا، بعد العشا تأخد
عماد حسين في رآحة إيدك سفوفة وتدليهو بموية بااااردة، بعد دآك تتبخر
بملاسي والصباح تبلع ود البشرى علي الريق. بعد دآك كان النزلة دي تاني
عتبت عليك تعال لومني، وكفارة ليك يا زول.. |
ذكرتني يامعاوية نكتة التمساح
قالوا في واحد من اهل العوض كان جمب البحر فجأة مسكوا التمساح
والراجل قعد يكورك
قام التمساح قال ليهو انت مالك
هو العاوز ياكلك منو ؟؟
انا بس عاوزك تجيب لي صفيحة ليمون
لأني بلعت لي واحد هسي وهو واقف لي في حلقي دا
ساحكي عن تجربة ماسورة مع شركة النيل للأعشاب
وقد قابلت بعضهم وهو كان يتعالج مع اطباء خريجوا هارفارد
ومن هارفارد الى النيل للأعشاب !!!!
بتتذكروا { فكي تش تش } !!!
| |
|
|
|
|
|
|
|
|
|
Re: العلاج البلدي ماسورة كبيييييرة (Re: مزمل خيرى)
|
مرحب الصادق عبد الله الحسن
| Quote: ما قالته غادة يا حمد (إن كان العلاج البلدي ماسورة كبيرة .. فإن العلاج في عيادات ومستشفيات الغرب عبارة عن ماسورة أكبر) |
ما في مساومة يا الصادق على النهج العلمي غادة زولة رقيقة وحلوة وخائفة على عيونها بس
اختيار المنشأة الصحيحة للعلاج نتائجه مضمونة بدرجة كبيرة
مستحيل ياخ أفاضل بين طبيب متخصص وواحد جربندي لامي ليهو كوم بتاع أعشاب مجهولة المصدر
تسلم من كل شر
| |
|
|
|
|
|
|
|
|
|
Re: العلاج البلدي ماسورة كبيييييرة (Re: ود الباوقة)
|
هلا عثمان الإمام
Quote: العلاج الشعبي زي تقول لي زول عاوز أمشي مدني الليله
يقوم يقوليك شوف ليك حصان أو حمار جراي بتوصل سريع :)
|
العلاج الشعبي المسعودية ما بوصلك ليها
بس بقول ليك في أدوية عشبية 100 % بتتم تحت الضوابط والمعايير الصيدلانية المعمول بيها وبتسجل وبتعترف بيها منظمة الصحة العالمية وهيئات الدواء كعقاقير آمنة ومعالجة لكنها بطيئة
السنة الفاتت نفس النزلة اتلحتنا في البيت شهرين تفك دا وتمسك دا لما زهجت مشيت لي صيدلي سوداني بعرفوا وصف لي دواء عشبي يباع في الصيدلية وقال لي بطئ في العلاج لكن ممكن تستخدمه مع المضادات
فعلا للحقيقة أداني نتائج كويسة جدا وحسيت إنو زاد من مقاومة الأطفال بشكل كبير يعني السنة دي جاتم نزلة لكن كانت خفيفة جدا بدون أعراض قوية
زي دا لا بأس عليه
يديك العافية
| |
|
|
|
|
|
|
|
|
|
Re: العلاج البلدي ماسورة كبيييييرة (Re: حمد عبد الغفار عمر)
|
كيفك يا طوربيد
Quote: ثم بعد ذلــــــــــــــك عليك ب الهيضومة ..واستغفر الله لينا ال 2.....
|
والله لقيتك شديد أنا ما عارف نسيتها ليه البتاعة دي
وبعدين البُخل اللامي فيك دا شنو ما كان تكمل جميلك مرة واحدة يعني بقت على الشريط ول الشريطين حقات البندول ديل
زمان لما كنا مواظبين على الحاجات دي ما كنا بنعرف مرض ولا حاجة من تعطس تضرب ليك صحن مرارة عطسة عطستين النزلة راحت ولو ما راحت نص كباية شاي تقيل بعدها وتعضي الكباية بسنونك وتشم ريحة الشاي
تقعد تنطط زي حمل الخريف
شايف صاحبك باوقة المرارة هيجت عليهو المصران
يا ود الباوقة نتقابل بعدين الساعة 9 ونص في مطعم العباسية كبدة أبل وأم فتفت بس
| |
|
|
|
|
|
|
|
|
|
Re: العلاج البلدي ماسورة كبيييييرة (Re: حمد عبد الغفار عمر)
|
كيفك يا وضاح
Quote: امس بالليل عضلات الساق تنتح .. حمتنى النوم ..
جبت زيت السمسم (جايبو معاى من السودان) جلبطتهم تمام
شوية كده ارتحت ونمت |
.
أنا بستخدم زيت السمسم لكن البريحك المساج ما زيت السمسم لأنو المسألة تشنج عضلي بسبب بطء الدورة الدموية في المنطقة المتشنجة (الله يقدرني على لساني دا ما أقول لي معلومة غلط)
فلما تعمل مساج بالزيت المساج بكون ناعم وبزيل التشنج وبتنوم والدورة الدموية منتظمة عشان كدا بتقوم مرتاح كدي جرب أعمل المسألة دي بكريم عادي
حتلقى نفس النتيجة وممكن أفضل لأنو الكريمات بترطب الجسم وبتفتح المسامات.
الحلبة ممكن تساعد في تخفيف الإضرابات الهضمية (غير الجرثومية) بسبب قدرتها على إمتصاص الماء وتقوية قوام المحتوى الإمعائي
دي مجرد اجتهادات وقياسات ساي
| |
|
|
|
|
|
|
|
|
|
Re: العلاج البلدي ماسورة كبيييييرة (Re: حمد عبد الغفار عمر)
|
معاوية المدير
كيفك يا مدير
Quote: تبلع أساسي ومعاوية عبيد وآحد بعد الفطور والتاني بعد الغدا، بعد العشا تأخد
عماد حسين في رآحة إيدك سفوفة وتدليهو بموية بااااردة، بعد دآك تتبخر
بملاسي والصباح تبلع ود البشرى علي الريق. |
والله إنك بتاع علاج بلدي صاح
ياخ ما ملاحظ إنو ناس العلاج البلدي ديل مستحيل يوصف ليك حاجة واحدة يعني لازم خلطة إمعانا في التجهيل
حبة سوداء + عسل + سنمكة على الريق
زنجبيل + عرديب + سكر بعد العشاء
شنو وشنو وشنو وبعد الضهر
وما في أي رابط بين مكونات الخلطة مع تجاهل أو جهل تام بتركيب المواد دي وما يمكن أن يحدث فيها من تفاعل محتمل تنتج عنه مواد أخرى سامة
بعدين خلطتك دي ما نافعة
أولا أساسي دا دواء نافد (اكسبيرد) شايف الشركة حاولت تنزلوا السوق لكن فشل في الاختبار أعادوه المعمل للتعديل عشان يستعيد فعاليته
عماد حسين نشط لكن المادة المالئة filler (السلفستين) فيها خطورة على حياة البشر
معاوية عبيد بعمل حيرقان وخطر على ناس السكري والضغط
محمد البشرى سجل حالات حموضة لبعض المرضى
ملاسي خطر على المرارة
بس الحمد الله الخلطة دي ما فيها
قصيسلين ومسلمات البوتاسيوم
| |
|
|
|
|
|
|
|
|
|
Re: العلاج البلدي ماسورة كبيييييرة (Re: حمد عبد الغفار عمر)
|
هلا ومرحبا أبو حراز
Quote: وقد قابلت بعضهم وهو كان يتعالج مع اطباء خريجوا هارفارد
ومن هارفارد الى النيل للأعشاب !!!! |
أنا اليومين دي زعلان جدا من واحد صاحبي نزل السودان عشان يتعالج عند الجماعة ديل
قدر ما اتكلمت معاه ما نفع بس ما قردت عليهو لأنو زي جاتو قناعة كبيرة إنو حيتعالج عندهم وما حبيت أعمل ليهو ملاوزة وهسة هناك شغالين فيهو كجامات كتيرة اتمنى ليهو الشفاء
كدي تعال ورينا قصة فكي تش تش دي ياخ
وأنت أدرى يا أبو حراز الأعشاب دي في بعضها فيهو سمية عالية وبعضها بمتص عناصر بكميات كبيرة زي البوتاسيوم والصوديوم
وتكرار استخدامها قد يتسبب في ترسيب العناصر دي في الجسم بكميات فوق المعدل مما يؤدي إلى حصاوي الكلى والفشل الكلوي - والناس تسأل ليه الفشل الكلوي انتشر في السودان
| |
|
|
|
|
|
|
|
|
|
Re: العلاج البلدي ماسورة كبيييييرة (Re: حمد عبد الغفار عمر)
|
هلا مزمل خيري
Quote: احذروووووا منتجات شركه النيل للاعشاب
ماسورة كبييييييييره .. |
وإنتو أهل مكة وأدرى بشعابها
أنا في إجازة 2009 مشيت لناس علاج عشبي ما عارف شركة النيل دي ول واحدة غيرها كان عندي باقي ملاريا قلت قبل ما أسافر النشوف ليها علاج كارب
قالوا لي في علاج قلت ليهم بتكون من شنو قالوا لي كينين ومعاه مركبات تانية يعني جرعة مركزة
طلعت لا ألوي على شيئ وحمدت الله إني سألتهم ياخ الكينين براه مشكلة كمان معاه حاجات تانية ؟
ياهو الفشل الكلوي
لكن يا مزمل مفروض توعوا الناس بحكم وجودكم صحيح ممكن تقابلكم مشاكل لكنها تهون من أجل سلامة الناس
| |
|
|
|
|
|
|
|
|
|
Re: العلاج البلدي ماسورة كبيييييرة (Re: حمد عبد الغفار عمر)
|
هلا بالشيخ المجاهد ود الباوقة
ياخ مالك ما جيت أمس انت فاكرني بهظر أنا العوازيم دي ما عندي فيها هظار
مشيت شلت ليك كبدة الأبل وأم فتفت الما خمج وبعد داك مشيت البيت عملت عليها لمساتي من الخبرة القديمة
يمين نخري أصبحن كمبرسور هواء 60 حصان
بربار خبرة لا يستهان بها
| |
|
|
|
|
|
|
| |
حمد عبد الغفار عمر
حسين ديقول
محمد البشرى الخضر
الصادق عبدالله الحسن
معاوية عبيد الصائم
وضاح عبدالرحمن جابر
معاوية المدير
ابوحراز
مزمل خيرى
فيس بوك
تويتر
انستقرام
يوتيوب
بنتيريست