|
Re: الجري قبل الشوف قدلة (Re: عبدالحفيظ ابوسن)
|
يعني يا عبد الحفيظ خليتنا في حيرة وما وضحت لينا المثل السوداني بس اوع تكون قاصد تغيظ ود الباوقة عشان قال القدلة الجاية للرئيس في الصين...يعني بعدها شنو قبل الشوفة الجري ودمت
| |
|
|
|
|
|
|
Re: الجري قبل الشوف قدلة (Re: عبدالحفيظ ابوسن)
|
ود أبوسن ... تسلم,
بالتبادي ... ماااالك إستعجلت في تفسير المثل,
عموما ... تجدني {أناهض} تفسيرك عاليه,
وكان الأفضل أن يكون {القدلة قبل الشوف جري}
أها شنو فهمك؟ هههه
مع تحياتي لضيوفك الكرام
| |
|
|
|
|
|
|
Re: الجري قبل الشوف قدلة (Re: HAYDER GASIM)
|
بسمات يا خية حبابك والله شنو يا مسنوحة لا تقرأي مالم يكتب ليس بالضرورة ان نكون انعكاسا لكتابات الاخرين بعدينك اي بوست بشكر في عمر البشير بشكل مستفز ما بقراهو .. وبالذات الشكر البكون مباشر جدا وشخصي
| |
|
|
|
|
|
|
Re: الجري قبل الشوف قدلة (Re: عبدالحفيظ ابوسن)
|
قلنا يا عبد الحفيظ نحاول ناول الكلام المكتوب زي ما الناس بتاول كلامي. ..اها نبدا بمنو ..اخترت عبد الحفيظ ابو سن عشان ما حياخد في خاطره بسهولة...وانا اتفاديت استعمل كلمة زعل عشان عارفة في قاموسكم مافي كلمة زعل.. وفي انتظار ان تدخل في الغريق وان تستخرج لنا من هذا هذا المثل الخضرة والماء والدرر ودمت بالف خير وصحة وعافية
| |
|
|
|
|
|
|
Re: الجري قبل الشوف قدلة (Re: عبدالحفيظ ابوسن)
|
Quote: بعدينك اي بوست بشكر في عمر البشير بشكل مستفز ما بقراهو |
اخي ابو سن
البوست المعني لا يوجد فيه شكر للسيد الرئيس وهو عبارة عن خبر زيارة السيد الرئيس للصين
ذكرت فيه ان مدة القدلة 6 ايام حسوما
وشكرا
| |
|
|
|
|
|
|
Re: الجري قبل الشوف قدلة (Re: ود الباوقة)
|
التحايا النواضرعبد الحفيظ والزملاء المتداخين استئذنك أسأل ود الباوقة دا سؤال كتب ود الباوقة :
Quote: اخي ابو سن
البوست المعني لا يوجد فيه شكر للسيد الرئيس وهو عبارة عن خبر زيارة السيد الرئيس للصين
ذكرت فيه ان مدة القدلة 6 ايام حسوما
وشكرا |
الخطير شنو في موضوع سفر بششششة دا ؟؟ :D :D :D ما هو الأصل انو اي واحد عندو الحق في السفر والتنقل (راجع المادة 13 من الاعلان العالمي لحقوق الانسان) هاهاها قال قدلة قال
ـــــــــــــــــــــــــــــــــــــــــــــــــــــــــــــــــــــــــــــــــــــــ وليسَ لنا فِي الحنين يَد، وفي البُعد كان لنا ألف يَد، سلامٌ عليك، إفتقدتكَ جدًا .. وعليّ السَلام فِيما إفتقِد !. (درويش)
| |
|
|
|
|
|
|
Re: الجري قبل الشوف قدلة (Re: عبدالحفيظ ابوسن)
|
حباب بت المشرف ازيك ياخية قالوا اخوان اتنين جوة الغابة واحد فيهم من امانتو عفصو الفيل وكتلو ومافاهم اي شي .. وسك التاني والتاني قام جاري .. الله ويامين حتان مرق منو . اها الناس بجو يسألو .. قال ليهم طلق الدخلت فيني فلان اخوي المات ما ضاقها
| |
|
|
|
|
|
|
Re: الجري قبل الشوف قدلة (Re: عبدالحفيظ ابوسن)
|
مرحبا ابوجهينة وحبابك في انتظارك وفعلا قبل المصيبة بتكون ممهول وتجيه حالك .. دة معني ولا انت شارد اصلك ومعرد لكن ما الليلة .. تقدل ساي ولا خصاك ولامن المصيبة تحصل بي وراك تقول ليهم علي بالطلاق اكان عارف مصيبة جاية ما كنت مرقت .. هيع انا ابوك يا فلانة بجري
| |
|
|
|
|
|
|
Re: الجري قبل الشوف قدلة (Re: عبدالحفيظ ابوسن)
|
مرحبا ودالباوقة وحبابك بوستك المعني لم اقرأه إلا من خلال العنوان .. واخشي ان تداخلت ان يفسد الود الذي أكنه لك ويفسد خطي في الكتابة .. فالسيد الرئيس افسد حياتي وجعلني اعاني الامرين والثلاثة والعشرة في سبيل توفير حياة كريمة لي ولاسرتي دون ان انحدر نحو الفساد .. افسد دنيتي واخشي ان افقد آخرتي من السخط عليه وسياسته القدلة هي السير بتبختر وكبرياء .. فالزائر لايتبختر لمزيوره .. فأنت لاتزور احدا لتتبختر في دراه والقدلة للتفاخر قال الحردلو اكان للمهدي داك ولدا قدل فوق عزو حتو ود البصير سوانا في (......) وزة الابيات مشهورة مع اكيد الاحترام ملحوظة هامة لن اقصدك ولو قصدتك لاشرت اليك
| |
|
|
|
|
|
|
Re: الجري قبل الشوف قدلة (Re: عبدالحفيظ ابوسن)
|
يحكي اخونا الفنان ابشيرة وهو رجل لطيف فكه .. جا من حفلة قريب الصباح والجو مسخن ملص قميصو ونام بالبنطلون في حوش البيت .. بيتهم قبالة نادي الرابطة ما بعدو الا البحر .. مع رقدتو يشوف الحرامي في راس الحيطة .. قام عليهو والحرامي جري .. وهو فتح الباب وسكاهو ويكورك الحرامي ... الحرامي الحرامي جري علي الخلا وهو وراهو الحرامي وقف وزولنا وقف الحرامي قال ليهو تعال ابشيرة قال ليهو تعال انت الحرامي قال ليهو ما من قبيل ساكيني لامن قطعت نفسي . اها انا وقفت ليك تعال تعال انت الحرامي جا علي ابشيرة وابشيرة قام جاري خش بيتهم بالحيطة رب من ساكي الناس وهو مسكوك!
| |
|
|
|
|
|
|
|