|
|
|
 Re: أول مرة أعرف الكلام دا (Re: عبدالحفيظ ابوسن)
|
تحية
تحديد النسبة يعتمد علي قيمة الشيئ المباع او العقار محل الارث(التركة)..
الدولة في سعيها لرفد خزانتها الخاوية تزيد في كل مرة النسب الماخوذة ,لذلك يفشل كثير من اصحاب الحقوق او الورثة في تجميع مثل هذه الأداءات أو الرسوم بل قل الجبايات للحصول علي حقوقهم لتظل مشاعة.
ولك الاحترام صديقنا ابو سن والمتداخلين..
| |
 
|
|
|
|
|
|
|
|
Re: أول مرة أعرف الكلام دا (Re: محمد الكامل عبد الحليم)
|
Quote: ولا قول الميراث
في ناس عجزوا يبيعوا ميراثهم رغم حوجتهم . فللمحكمة نسبة من قيمة الميراث تدفع نقدا قبل ان يؤول لك العقار |
تحياتي اخي عبدالحفيظ؛؛؛
الكلام الفوق ده حصل متين؟لانو عندنا ارض للوالد رحمه في بتري ..ما دفعنا .إلا اتعاب المحامي
في محلية الصناعات بالباقير..
______
تحياتي اخي حمد..
| |
|
|
|
|
|
|
|
|
Re: أول مرة أعرف الكلام دا (Re: بشير أحمد)
|
سلام يا عزيزي حمد
Quote: في السودان لو عايز تفتح بلاغ في الشرطة تدفع رسوم 30 جنيه
حِكم
وإنو القضاة عندهم نسبة في الغرامات البفرضوها على المتهمين زيهم وزي بواليس المرور
على ذمة محدثي
الكلام دا صحي ؟
عيييك |
هذا زمان الشــّدِّ فاشتدّتْ إحَنْ ...!
هو فعلٌ حاصل حاصل، ذلك أن "الإنقاذوية" ما عندهاش " سلام وأمن فــ عدالة" بالمجـّان كِدا ساي!!
ولا بِــدَّهاش! أن تتصرف كــ دولة!
إنهم في المُنتَهى، تُـجّار دِيْن، وأولاد لذين ..
....................
وبعد ده كلو يقولوليك: الانتخابات التزام دستوري!!
حِـكَم البُلماء واقعة فينا ،،، فإمتى نرجع لعهود غير؟!
| |
|
|
|
|
|
|
|
|
|
Re: كل شيء بقى بالكوم (Re: Abdullah Idrees)
|
عندي بيت تعبان في الصالحة ومؤجره زول كحيااان
لا داير يزيد لا داير يطلع
وهسه قال ما بيدفع الا نعمل ليهو صيانة
قالوا لي امشي المحكمة يطلعوهوا لعدم السداد
المحامي جاب لي تقديرات من رسوم محكمة واتعاب
طلعت اكتر من ايجار سنة
قلت اشيلها من الغلبان ده واديها ليهم
خليتو والله
| |
|
|
|
|
|
|
|
|
|
Re: كل شيء بقى بالكوم (Re: عبدالحفيظ ابوسن)
|
تحياتي اخ حمد
رسوم التقاضي كانت في السابق رسوم بسطة ودائما ينتظر في سدادها بعد انتهاء التقاضي ومن يتحملها هو من يخسر دعواه !
لكن المزعج حقاً هو رسوم تسجيل الاراضي السكنية وخاصة عندما تكون الارض لورثة وهم بحوجة الي قسمة إفراز فهنا تمكن المعاناة الحقيقية .
هنا الرسوم بتكون فيها نوع من المبالغة وغير المبررة يعني اول شئ فرق السعر وتاني شئ تجديد الحكر اذا كانت الارض قديمة وتمت عشرين سنة .
أتذكر جيدا عندما أردت تسجيل قطعة ارض من ورثة وجدت ان الحكر قد انتهي ولابد من السداد دفعت ألفين ونص قبل سبعة سنين ،اما قسمة الإفراز انت وحظك اذا لقيت زول كويس ممكن يقاسمك المبلغ .
لانها فيها قومة وقعدة ومحتاجة لنفس طويل وزمن ..
بس انصح اي زول يكون حريص علي تسجيل منزلة مهما كلفه الامر وينتظر نهاية السنة لما الحكومة تقوم بتنزيل او تخفيض رسوم التسجيل للنصف !!
أرجو ان تنظر سلطات الاراضي الي موضوع حق الحكر دا لانو بسببوا ضاعت حقوق كتيرة ونتمني التخفيف !!
| |
|
|
|
|
|
|
|
|
 Re: أول مرة أعرف الكلام دا (Re: محمد الكامل عبد الحليم)
|
هلا محمد الكامل
| Quote: .أما حصول القضاة علي نسب معينة فلم نسمع بذلك من قبل(يطرشنا) |
هي دي الحتة المزعجة في الموضوع دا كلو وأن ما صدقتها واتمنيت انها تكون ما صاح لانها بتمثل اختراق شنيع في نزاهة القضاء
ولما غالطو كتير وحاولت أجيب ليهو حاجات بتحول دون حدوث الأمر دا ، قال لي ياخ ما تغالط ساي انت ما شايف القضاة ديل بقوا (مقندلين) كيف؟ 
فتحت البوست دا متمني نفيها لأنه ممكن تكون متداولة على قطاع واسع من الناس
| |
|
|
|
|
|
|
|
|
|
Re: أول مرة أعرف الكلام دا (Re: اخلاص عبدالرحمن المشرف)
|
مرحب إخلاص المشرف
الكلام دا معقول من زمن نميري؟
أنا قصدي البلاغ الأولي في مخفر الشرطة
ما اعتقد زمان في كلام زي دا
وما عايز أغالط بدون تجربة أنا أصلا طول عمري في السودان لا فتحت بلاغ لا انفتح فيني بلاغ
يعني هسه لو واحد حصل عليهو اعتداء في الشارع وما عندو قروش ما بتفتح بلاغ حتى لو الشرطة حاضرة الموضوع ومسكت المعتدين ؟
| |
|
|
|
|
|
|
|
|
|
Re: أول مرة أعرف الكلام دا (Re: حمد عبد الغفار عمر)
|
للاسف معظم المؤسسات البتدخل قروش للموظفين ايا كانوا نسبة من الدخل غير رواتبهم الشهرية .. وابتدعوا مهنة غير منضوية للوظيفة .. موظف للايرادات بالنسبة .. في المحليات وغيرها
ودة أكيد بنفي الحياد وبخلي الموظف صاحب مصلحة .. ومعروف بعض الغرامات فيها مجال .. مثلا مابين 100 ج و 2 مليون .. فأكيد الموظف بسعي للفئة الاعلي لأنو نسبتو فيها بتزيد
| |
|
|
|
|
|
|
|
|
|
Re: أول مرة أعرف الكلام دا (Re: عبدالحفيظ ابوسن)
|
مرحبا أبو سن
| Quote: في ناس عجزوا يبيعوا ميراثهم رغم حوجتهم . فللمحكمة نسبة من قيمة الميراث تدفع نقدا قبل ان يؤول لك العقار |
كلام عجيب والله ونسبة المحكمة دي بتمشي وين
دا بيعني أنو مكاتب الحكومة دي ما قاعدة تقدم خدمة مجانية لأي زول
بس مفروض تكون رسوم قضية متساوية لكافة العقارات والمملوكات
يعني لو عندي ميراث سعرو 20 مليون دولار وأخد جلسة واحدة أو جلستين يشيلوا منو أكتر من بيت سعرو 20 ألف دولار وأخد عشرين جلسة ؟
المحكمة تاني سنة ما حتشتغل حتنوم على النسبة دي
| |
|
|
|
|
|
|
|
|
|
Re: أول مرة أعرف الكلام دا (Re: حمد عبد الغفار عمر)
|
هلا بشير أحمد
Quote: ما دفعنا .إلا اتعاب المحامي
في محلية الصناعات بالباقير.. |
أن دا الفاهمو يا بشير بس قد يكون الموضوع بيناتكم تم في جو أخوي بدون مشاكل ومحاكم يعني إنتو مفوضين شخص واحد يبيع نيابة عنكم
لكن من كلام الناس ديل فهمت برضو إنو الزول الإشترى منكم دا عشان يمشي يسجل حيدفع ما يعادل النسبة المقررة من سعر البيع أو قيمة الملك
| |
|
|
|
|
|
|
|
|
|
Re: أول مرة أعرف الكلام دا (Re: حمد عبد الغفار عمر)
|
مرحبا أبو جودة
Quote: أن تتصرف كــ دولة!
إنهم في المُنتَهى، تُـجّار دِيْن، وأولاد لذين .. |
غايتو باقي وزارة التجارة الدينية لتنضم إلى رفيقاتها التجارة الخارجية والداخلية
أين تذهب هذه الجبايات ؟
بل السؤال العتيق
من أين أتى هؤلاء؟
يا أبو جودة
زمان القاضي والمحامي عُرفا ما بيركب مواصلا عامة حتى لا يتعرض للاستمالة أو لعلاقات تؤدي به إلى عدم الحياد
هسة شوف القصة جاطت
| |
|
|
|
|
|
|
|
|
|
Re: أول مرة أعرف الكلام دا (Re: عثمان الأمام)
|
مرحب عبد الله إدريس
الخدمة المدنية كأفراد انهارت من بدري بسبب انقطاع التسلسل الوظيفي وتراكم الخبرات من جيل إلى جيل
عادي ممكن تلقى واحد خريج جديد ما بقدر يكتب خطاب رسمي يكون مدير إدارة زمان كا بيشغلها واحد تجربتو فوق الـ 15 سنة
بس المصيبة بقت في إدارة المال الداخل والخارج في المكاتب والضبابية الحائمة حولو
| |
|
|
|
|
|
|
|
|
|
Re: أول مرة أعرف الكلام دا (Re: حمد عبد الغفار عمر)
|
هلا يا الشفيع
| Quote: قلت اشيلها من الغلبان ده واديها ليهم |
أبدا خليها وأجرها عند الله
ما دام أمورك ماشة هنا كويس ما حتندم
حتدفع اتعاب تطلعوا وحتصلح البيت وتأجروا وتاني حتصلحو وتأجروا وهكذا ساقية جحا
| |
|
|
|
|
|
|
|
|
|
Re: أول مرة أعرف الكلام دا (Re: حمد عبد الغفار عمر)
|
هلا / علي أبراهيم رفاي
Quote: اما قسمة الإفراز انت وحظك اذا لقيت زول كويس ممكن يقاسمك المبلغ .
لانها فيها قومة وقعدة ومحتاجة لنفس طويل وزمن .. |
الزول الكويس دا وظيفتو شنو وبعمل شنو عشان يشيل النص ؟
الناس ديل موظفين دولة ولا مكاتب خارجية ؟
| |
|
|
|
|
|
|
|
|
|
Re: أول مرة أعرف الكلام دا (Re: حمد عبد الغفار عمر)
|
هلا عثمان الإمام
| Quote: أنا قبل شهرين بس دفعت رسوم تسجيل أرض فقط 15 الف جنية (15 مليون بالقديم) |
تسجيل الأراضي عليهو رسوم مؤكد والنسبة شايفها ما كبيرة مقارنة بأسعار الأراضي والبنسمعو أحمد ربك يعني ممكن تكون أقل من 5 %
وينك انت من البشيل النص بتاع رفاي دا
يا ود أبو سن القال ليك جيب ورق الفلسكاب دا ذكرني نكتة قديمة بتاعة صاحبك الخير سيد
بتاعة يا ولدي نحن زمان الزيت مننا
| |
|
|
|
|
|
|
| |
حمد عبد الغفار عمر
محمد الكامل عبد الحليم
عبدالحفيظ ابوسن
بشير أحمد
محمد أبوجودة
Abdullah Idrees
الشفيع وراق عبد الرحمن
فيس بوك
تويتر
انستقرام
يوتيوب
بنتيريست