|
|
|
 Re: أعضاء وكتاب عطروا سماء المنبر (Re: عثمان الأمام)
|
بشاشا
ورغم إختلاف الكثير حوله لكن يبقى بشاشا رقم كبير ومهم جدا" في الدفاع
عن السودان وأصله الكوشي في المنبر, دراسته التاريخ ساعدته الكثير
في الأطلاع على المسكوت عنه في التاريخ القديم والحديث وأفاد الكثير
من أعزائه القراء
| |
 
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
مرحبا" يوسف السماني
Quote: 1 - عبدالحميد البرنس
2 - اشراقة مصطفي
3- اسماء الجنيد
4 - دكين
5 - هشام ادم |
بكل تاكيد أستاذ يوسف
إشراقة وأسماء الجنيد يا ليت كل نساء بلادي مثلهن
إشراقة وجمال الكتابة الجادة وأسماء ست الحرف الأنيق والحنين.
هشام آدم كاتب لايشق له غبار كتاباته تحرك جمود البعض ليته كتب
لنا في القصة وهو القاص البارع لاشك في ذلك.
دكين (العميق) يا سلاااام ياخ ده راجل مجنون جن .
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
مرحبا" بالمشاء
Quote: الأستاذ عبد الله عثمان في التعريف بالأستاذ محمود محمد طه.
وإبداعيا بلة الفاضل وبشرى الفاضل وفضيلي جماع،و عبدالله حرسم،و البرنس، وطه جعفر،ومصطفى مدثر،و عثمان محمد صالح "إضافة إلى الترجمة"،
وفي التحليل السياسي الشامي حبر عبدالوهاب،
وفي التعليق الذكي المثقف الصادق اسماعيل و تبارك شيخ الدين،
وفي الكاريكاتير بالتأكيد المبدع عمر دفع الله.
القائمة طويلة، وهي أطول حين نتحدث عمن أهدروا "الباندويث".
أرقدوا عافية |
كفيت وأوفيت.
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
أستاذنا المشاء
Quote: عزيزي الأستاذ عثمان الإمام
سلامات
أشكرك لإضافة "سيف النصر" ل"قائمتي".
وهذا "السهو" من جانبي، يطرح سؤالا هاما:
ما هي "المعايير" التي نضعها ل"تصنيف" قائمة بمن عطروا "سماء المنبر"؟؟
ولماذا سيدي ميَّزت "الأعضاء" عن "الكتَّاب"؟
أرقد عافية. |
لا معايير عامة البتة!! ميل خاص لكتاباتهم فقط وأظن أن المفيد
فيها ليس بالقليل.
الكتاب ياعزيزي كشخصكم الكريم وبشرى الفاضل وفضيلي جماع ليس لدىّ
القدرة ولا المعرفة الكافية للكتابة عنهم! يكفي أن نتصفح ما يكتبوا ونبدي إعجابنا .
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: osama elkhawad)
|
أهم ما يميز المنبر عن بقية المنتديات هو ألوان الطيف المختلفة التي يضمها
لوكان المنبر ساحة للكتابات الجادة فقط لما نال كل هذا الإستحسان والمتابعة!!
تحليل سياسي من الشامي أو دينا خالد قصيدة من فضيلي كلام في الموسيقى
من الموصلي حكاوي من يحيى قباني أو ود المدير كلام في الفن والرياضة
من عمر الفروق أو تمبس نقاش فكري وصراع ديني أخبار سياسية وإجتماعية
كل يصارع من أجل قضيته ويكتب من أجلها.
هذا التنوع هو الذي جذبني وجذب الكثيرين للمنبر كقارئ ومتابع أولا"
وكعضو ثانيا".
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: أبوبكر عباس)
|
كتب الأستاذ عثمان الإمام في مستهل البوست | Quote: دي قائمتي الخاصة كمتابع للمنبر لأكثر من 10 سنوات |
الناس الدخلت دي أظنها أوف بوينت لأنها دخلت بلستاتها هي وإن كانت صائبة
هذه هي قائمته (الخاصة) الأصلية التي بدأ بها
- محسن خالد
- الموصلي
- دينا خالد
- خليل
- محمد عبد الماجد الصايم
- قيقا راوي
- مصطفى مدثر
- حبيب نوره
- بشاشا
- البروف أمين خال حمور
ثم اقسمَ لوضاحة بأن أحمد القرشي ومحمد المرتضى جايين في لستتو
بعد داك، مش بدأ يجامل، لكن اختلط سربه مع سرب طيور آخر في الفضاء ربما يكون من نفس النوع،
لكن لم يعد البوست خاصته هُوَ هُوَ
الجاتك في سربك سامحتك يا ود الإمام
ممكن تشغّل الاستيكة لو مداخلتي دي أوف بوينت
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عادل البراري)
|
Quote: أبو سن
الموضوعية .. سخرية ناعمة .. والمفردة الجميلة .. المحتشمة القوام |
>>>>>>>>>>>>>>>>>>>>>>>>>>
عزيزي عادل
اتفق معك 100%
فإن عبد الحفيظ ابو سن كاتب رائع ومفرداته كلها جميلة ومفيدة وناعمة وتجعل الإبتسامة لا تفارقك ابدا
والله يديك العافية .... والله يديه العافية
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
مرحب أيمن دياب
Quote: Wasil Ali
PLAYER
الفقيدة نادية عثمان مختار |
واصل علي أفتقدناه وأفتقدنا اخبارو
player بوستو الشهير والطويل كان خفيف الظل أتمني يواصل فيهو
الفقيدة نادية لها الرحمة والمغفرة باذن الله
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
مرحب معاوية الزبير
Quote: هذه هي قائمته (الخاصة) الأصلية التي بدأ بها
- محسن خالد
- الموصلي
- دينا خالد
- خليل
- محمد عبد الماجد الصايم
- قيقا راوي
- مصطفى مدثر
- حبيب نوره
- بشاشا
- البروف أمين خال حمور
ثم اقسمَ لوضاحة بأن أحمد القرشي ومحمد المرتضى جايين في لستتو
بعد داك، مش بدأ يجامل، لكن اختلط سربه مع سرب طيور آخر في الفضاء ربما يكون من نفس النوع،
لكن لم يعد البوست خاصته هُوَ هُوَ
الجاتك في سربك سامحتك يا ود الإمام
ممكن تشغّل الاستيكة لو مداخلتي دي أوف بوينت |
والله القائمة طويييلة جدا" ولسه في ناس جميلين جايين فيها
وأنا متأكد في ناس كتيير بوافقوني على القائمة دي بس (الخاصة بي)
دي تحسبا" للمعيار وكده :)
أبوبكر عباس ده واحد منهم (في سطر واااحد ممكن يختصر ليك فكرة) ومحاور
ذكي . في ناس نحن ما بنفوت ليهم مداخلة وااحدة إن شاءالله نقطة.
حاشاك من الإستيكة يا ود الزبير
| |
|
|
|
|
|
|
|
|
 Re: أعضاء وكتاب عطروا سماء المنبر (Re: عثمان الأمام)
|
| Quote: قبل مُحسن خالد؛ يقف على رأس القائمة غوث الإسفير الحاضر الغائب الدكتور حسن موسى |
تحياتي أبوبكر عباس
محسن خالد كان كح ساكت أبلغ من مكتبات ومكتبات :)
حسن موسى مافيهو كلام تب إلا باقيلك بجي يكتب مع العوام الزينا ديل :)
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
سلام انني يجذبني عدة اقلام منها
اتبراوي
احمد عمر في قطر
تماضر شيخ الدين واخوها تبارك
كمال علي الزين
عبد الله عثمان يشهيك للفكرة الجمهورية وللاستاذ محمود
حيدر قاسم وابو ساندرا
وعييييك قائمة طويلة واسماء لا تحصر منها
خالد كودي وعادل عبد العاطي وكوستاوي للفكاهة والتوثيق
وغايتو نحتاج لرصد جيد
اها خصمتك بالنبي مش عشان اخش قائمة رايك فيني انا شنو ؟؟
ومتبرع باي مقعد للناس
اتنين نسيتهما اقوياء دينق ومحمد سليمان
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: محمد حمزة الحسين)
|
Quote: يا ود الامام كدي عيب لي ود الباوقة ياخي
ياخي الراجل دا تتوفر فيهو 80% من مواصفاتك التي ذكرت
مرة واحدة نبقي حقانين |
مرحب محمد حمزة الحسين
المشكلة ود الباوقة بوستاتو عناوينا كلها كع والأسد النتر فما بنخشها كتير
لزوم الضغط والمرارة. لكن لا تخلو مداخلاته من طرفة.
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: يوسف الولى)
|
يوسف الولي تحياتي
Quote: عزاز الشامى ( ليتها تعود )
...................................
حسين ملاسي ( برغم من انو اخر لقاء تلفزينى له فى النيل الازرق كان كارثه ) |
المنبر ده عبارة عن سودان مصغر تجد فيه كل أنواع الكتابة وكل قضايا الوطن
من أوجه مختلفة وكل حسب رؤيته.
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
سلام الاخ عثمان وكل الحضور :
1 - مولانا محمد الحامد مرتضى
2 - عماد عبدالله
3 - الطيب شيقوق
4 - طارق جبريل
5 - اساسي
6 - عمر الفاروق
7 - امين محمد سليمان
8 - حمور زيادة
9- عبدالحفيظ ابو سن
10- عبدالله ود البوش
11 - عبدالعزيز الفاضلابي
12 - سلمى الشيخ سلامة
13 - اسماء الجنيد
14 - دينا خالد
15 - تيسير عووضة
تعرف يا اخوي عثمان ديل ياهم البجي خاش وبفتش لي مشاراكاتهم في البورد ، وللاسف كتار منهم مبتعدين من سودانيز هسي ، بس بنعوض غياباتهم
بالرجوع للعندهم مكتبات وبالاخص نهاية الاسبوع
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
الاخ عثمان والاخوة المرور الكرام ،،،،
لايخفى عليكم جمييييعاً بأن المقصود على رأس قائمتي ( اعضاء وكتاب عطروا سماء المنبر ) .. 1 - مولانا محمد المرتضى حامد
والذي من هنا وعبركم أناشدة بالعودة لتعطير عوالمنا بكل ماهو جميل من زمن ولى واخر ات ، هو والاخ عماد عبدالله وبقية المبتعدين
ولكم مني السلام
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عبدالحفيظ ابوسن)
|
تحياتي عثمان
أعتقد تقصد عماد أحمد طالما قلت البوستات التوثيقية
احب اضيف اسم لمن عطروا سماء المنبر وهي الأخت الفاضلة سلمى صبحي رد الله غربة قلمها الراقي الذي نفتقده و بوستاتها اللطيفة. وأدعوك و الزملاء لزيارة مكتبتها العامرة
| |
|
|
|
|
|
|
|
|
Re: أعضاء وكتاب عطروا سماء المنبر (Re: محمد البشرى الخضر)
|
هلا ود البشري
Quote: تحياتي عثمان
أعتقد تقصد عماد أحمد طالما قلت البوستات التوثيقية |
فعلا" أقصد عماد أحمد
في بوستات جميلة وكتاب جميلين مرات كتيره لا نشارك في بوستاتهم
ونكتفي بالمتابعة اللصيقة دي فرصة لي دعمهم بأنهم يواصلوا وأنو في متابعين
كتيرين لبوستاتهم.
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: عثمان الأمام)
|
سلام يا ود الآمام نحييك على هذه القراءة التاريخية ومراجعة المنبر عبر الزمن .
قبل عدة سنوات أنا شخصيا كنت أدخل المنبر أبحث عن واحد من ستة
1 سجبمان
2 أبو جهينة
3 دكين
4 بت قضيم
5 حبيب نورة
6 طارق جبريل
كنت أاتي بنية تناول شئ محتلف لن تجده في أي مكان آخر وأعتقد جازما أن هؤلاء السداسي يرجع لهم الفضل ( في نظري ) في تحرير القلم السوداني من التبعية والالتزام بكل شئ مقيد .. لغويا فكريا حسيا معنويا . وأعتقد كانت تكملة لمسيرة بداها الطيب صالح في تحرير الدارجة السودانية ووضعها في مصاف العالمية .. وقبله كانت مطمورة ومدفونة داخل السودان . تطغى عليها المصرية والشامية وغيرها لقوة السينما والتفزيون عندهم .هم عرفوا يوظفواالحرية التي أتاحها المنبر بخلاق الصحف السيارة الورقية التي لها قيود ورقابة تلزم الكتاب بالفكر واللغة و التعبير وغيره .
أن تكتب بما تحس بنفس الآسلوب الذي تحسه .. خطوة جريئة وغريبة في وقتها.. الى أن أصبحت مدرسة بذاتها تبعها كثير من الكتاب بعد ذلك وحتى أنتقلت الى الصحف بعد ذلك .وحتى على مستوى العالم العربي .
| |
|
|
|
|
|
|
|
|
|
Re: أعضاء وكتاب عطروا سماء المنبر (Re: طارق جبريل)
|
سلامات والرحمة
وزي ما قال سيدنا ود جبرين: شكرأ لحسن الظن.
لكن كان دايرين الجد. أظنها فكّت علمات كابتن كابو في المسرحية الشهيرة. كانت في الكيبورد وهسه بقت في الكتب.
وما من المصلحة عدم المزازاة في تخوم السايبرعشان بتحرمك من جمهور عريض، كان هو الزاد ولم يزل.
وعلى الرغم من أن الحال بقى ما زي زمان، لكن برضو للمنتديات طعمها الخاص الذي لا يمكن سبكه في مكان آخر.
على العموم: متشكرين ومقدرين. والوعد بعودة ظافرة لمرتع صبا الكتابة.
وهذا المكان _ بالتأكيد _ شهد دفن سرّة الكتابة. والعود أحمد.
شكرن كتيرن يا صديق :)
| |
|
|
|
|
|
|
|
|
 Re: أعضاء وكتاب عطروا سماء المنبر (Re: عثمان الأمام)
|
| Quote: لكن كان دايرين الجد. أظنها فكّت علمات كابتن كابو في المسرحية الشهيرة. كانت في الكيبورد وهسه بقت في الكتب. |
متابعين مشروعك القصصي بقرب وترقب ونتمنى ليك كل التوفيق يا حبيبا
لكن مرة مرة أبقوا زورونا في منبر بكري ده برضو ليهو عليكم حق :)
| |
|
|
|
|
|
|
| |
وضاحة
usama Babiker
يوسف السماني يوسف
osama elkhawad
يوسف الولى
عزالدين عباس الفحل
MOHAMMED ELSHEIKH
ابوحراز
أبوبكر عباس
معاوية الزبير
عادل البراري
عبدالحفيظ ابوسن
محمد حمزة الحسين
مجدي عبدالرحيم فضل
khaleel
محمد البشرى الخضر
طارق جبريل
حبيب نورة
علي عبدالوهاب عثمان
ياسر منصور عثمان
اباذر عبد العال
فيس بوك
تويتر
انستقرام
يوتيوب
بنتيريست