|
|
|
 Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: زهير عثمان حمد)
|
الأخت الحبيبة تراجى ..
شكراً يا تراجى .. شكراً للحضور الذى أضاء المكان ..
صوتنا راح من المهتاه .. نهاتى .. نهاتى .. تراجى .. تراجى ..
عليك الله .. ما تغيبى عنا تانى ..
من فضلك .. من فضلك .. إذا سمعت كلام .. والكلام دا ما عجبك .. الحكمة ..
الله خلق لينا اضانين اتنين .. دخلى الكلام من أضان .. و طلعيهو من الأضان التانية ..
اعملى زى عمك ..
المهم .. الف مرحب بيك فى بيتك ..عليك الله .. ما تغيبى عنا تانى ..
الله معاك ..
أخوك وعمك العجوز ..
ارنست
+++
| |
  
|
|
|
|
|
|
|
|
Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: azhary taha)
|
| Quote: استغرب جدا لكل الذي يجري.....هذا ليس مكانه ولا زمانه.....الهم الاول هو ازالة هذا النظام باي ثمن |
ازهري طه شلوم،
هكذا وبذات المنطق او طريقة التفكير، الجنوب ولع من اول او جديد!
نعم، ذات منطق ازالة النظام اولا، او بعد داك نفكر في البديل، هو الاشعل الفتنة من اول او جديد، لتذرو الريح دماء اكثر من 2,000,000 نفس بريئة طاهرة الي قاع السوباط، لغياب وتغييب الراي الاخر، والرقابة اللصيقة بواسطة القواعد اي الناخبين، لاداء رموز الحركة الشعبية قبل وصولم للسلطة.
لو كان هناك عدد كافي من الاصوات الصارخة، عووووك البغلة في الابريق، لربما ده ما كان المال ولامصير اكثر من نصف قرن موت، قهر، وتشريد، لتكون النتيجة، شغل زول صام الدهر عشان يجي يفطر بي بصلة، كمان معتتة!
اذن واجب الساعة من قوي البديل يقتضي مواجهة المتحدثين باسمنا متي ما اخطاؤ، حتي لانعيد انتاج كارثة الحركة الشعبية في الجنوب، في الشمال!
اذن الرقابة اللصيقة، لاداء المتحدثين بي اسمنا كقوي بديل ومهما كان الثمن المدفوع قصاد كده، هو واجب الساعة، وهذا يوازي هدف ازالة النظام، والا فما الفايدة في نستبدل نافع بي نافع اخر اسوأ واضل سبيلا!
سلطة مطلقة اين ما كانت، نظام ولا معارضة، فساد مطلق.
الذي يحد من السلطة المطلقة هو الدور الرقابي للناخبين.
بالعدم يازول انسي!
طيب هل الرقابة اللصيقة يضعف قوي البديل ويقوي النظام؟
ده فهم مضحك حقيقة، يثبت كيف البفكر كده اطلاقا مابديل، بقدرما امتداد واعادة انتاج لنظام القتلة!
جوهر اي نظام ديمقراطي هو الرقابة اللصيقة الحرة لاداء كل من يتصدي للعمل العام.
اذن الان وليس غدا بعد مايزول النظام، هو زمن كلام زي ده.
| |
|
|
|
|
|
|
|
|
|
Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: Bashasha)
|
الآخ الفاضل بشاشا...
مساءك خير..
طيب هل الرقابة اللصيقة يضعف قوي البديل ويقوي النظام؟
ده فهم مضحك حقيقة، يثبت كيف البفكر كده اطلاقا مابديل، بقدرما امتداد واعادة انتاج لنظام القتلة!
...
جذبتنى مداخلتك هذه لآنها تتعلق بموقفى من الحركة الشعبية الام والحركة الشعبية شمال..
وبما أننى ممن تابع هذه المسيرة منذ بدايتها ويعرف من خباياها ما لا يتوفر للبعض هنا..
وحرصا منى على عدم أعادة أنتاج الآزمات الذى تطرقت اليه..
هاجمت الحركة بلا رحمة..
وما زلت..
وأبنت ما حل للجنود من النوبة على يد الحركة..
وتحديت كل الذين هاجمونى من منطلق أن أنتقاد الحركة ينصب لصالح الانقاذ...
وفى فترة ما يا بشاشا...
أنت كنت ممن يؤمنون بالحركة الشعبية والسودان الجديد..
أيمانا لا يتسرب اليه الشك..
كلت لى من السباب والشتم ما لا يتعلق بالاختلاف فى الرأى أبدا..
ولكنه كان قذفا بكل المقاييس..
بسبب نوع اللغة التى استخدمتها معى...
أنت والبعض فى هذا الفضاء ومن بينهم وأكثرهم تراجى مصطفى..
بعد مرور الوقت...
تأكد لكم أن نور تاور لا تنطق عن الهوى..
وأن ما قالته هو الصواب..
بل أضفتم من أنفسكم بعض الحقائق والوقائع..
فما الذى حدث؟
عدت أنت الى المنبر بعد فترة غياب..
وطلبت من كل الاعضاء أن يلتفتوا الى المرأة التى بجوارهم...
ويعطوها تعظيم سلام..
تأكيدا على احترامك للمرأة وأعترافا بآدميتها..
ثم قدمت الاعتذاز لكل أمرأة فى هذا المنبر...
وصلتها منك تراشقات أو ملاسنات..
وعلى سبيل المثال منى خوجلى وحليمة..
ولكن هل أعتذرت لنور تاور التى نالت نصيب الآسد من الشب والشتم بما لا يتوافق مع الاختلاف فى الرأى ابدا ؟
لم يحدث يا بشاشا..
وأنا بهذه المداخلة فقط لآذكرك..
بأن العدالة المجّزأة ليست عدالة..
ومعاييرك للآمور تأتى على حسب الظرف..
وحسب الصديق\ة...
| |
|
|
|
|
|
|
|
|
|
Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: Bashasha)
|
نواصل مع الاخت نور،
Quote: أنت كنت ممن يؤمنون بالحركة الشعبية والسودان الجديد..
أيمانا لا يتسرب اليه الشك.. |
انتي للاسف فاهمة خطأ!
موقفي من اداء افراد بعينهم في قيادة الحركة لايعني موقف من الحركة!
الحركة طرح ومؤسسة اقلاه في فهمنا، او بي كده لوفي فرد في زعامة الحركة رفضنا اداهو فهذا ليس برفض للحركة او طرحها كما تفهمين!
لا ده رفض لي اداء افراد بعينهم!
Quote: كلت لى من السباب والشتم ما لا يتعلق بالاختلاف فى الرأى أبدا..
ولكنه كان قذفا بكل المقاييس.. |
اولا غريبة فجاة تنبشي كلام اتقال في ساحة دواس من سنين في المنبر ده او من دون مناسبة!
علي كل انا اعتذر مش عن وجهة نظري حينها، ولكن عن ما اصابك حينها.
مرة اخري بشاشا لايشتم قط، لانو لايحتاج.
نعم اذا فشلت اقيم الدليل علي كل حرف كتبتو فهذه فعلا شتيمة، والا بالعدم فهذه وجهة نظر.
اذن لوفاهمة اني زييك اصبحت معادي للحركة الشعبية، لاني عندي راي في اداء القائمين بامرها فانتي فاهمة خطأ!
للاسف مع انك ليبرالية، فموقفك من عبدالعزيز الحلو مثلا موقف جهوي وقبلي وهذا عار!
فانا اطلاقا موقفي من قوي البديل مازيك!
فلو فاهمة اننا في الحتة دي ننطلق من ارضية واحدة فانتي فاهمة خطأ للاسف!
كان تستفري يانور في الاول بدل ما تدلقي الجواكي كده!
| |
|
|
|
|
|
|
|
|
|
Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: Bashasha)
|
Quote: بعد مرور الوقت...
تأكد لكم أن نور تاور لا تنطق عن الهوى..
وأن ما قالته هو الصواب.. |
ياعزيزة،
نور تاور في الزمن داك كانت تنطلق في موقفا من قوي البديل، من خندق المعسكر الاخر الجلابي.
كنتي عادي بتشتمي ثوار دارفور كوافدين واجانب، او كنتي عادي بتتعاملي مع امثال الطيب مصطفي!
علي كده بالنسبة لي في الزمن داك ماكان بهمني الزول بقول في شنو بقدرما هو الي اي معسكر ينتم!
اذا كوز مثلا او بهاجم في الحركة الشعبية فما بضيع وكت زاتو عشان اشوف هو عايز يقول شنو!
للاسف انتي فهمتي انو بشاشا اصبح زيك رافض للحركة الشعبية، او ده فهم خاطئ!
علي كده مابني علي افتراض خاطئ فهو خطيئة!!
والاعجب هو زعلك الغريب هذا!
كلامي ده، بصفة عامة سابق لي ميلاد حاجة اسمها حركة شعبية ذاتا ياعزيزة!
| |
|
|
|
|
|
|
|
|
|
Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: Bashasha)
|
الاخ الفاضل بشاشا..
لا علاقة لى بما بينك وعادل عبدالعاطى..
بل لا علاقة لى بما بين عادل وعموم أهل المنبر..
وأظنك تلاحظ عدم تدخلى فى معاركه..
وهو لا يتدخل فى معاركى..
لآن لكل منا معاركه الخاصة ويتحمل مسئوليته تجاهها...
فلا تجعل ما بينك وعادل يدخل فيما بينى وبينك..
بالنسبة لمسألة سودان قديم أو حديث..
فليس هناك ما يدل على تمسكى بالسودان القديم..
والذى أعمل جاهدة لتغييره مثل بقية قوى التغيير..
أما اذا كنت لا ترى ذلك..
فهذا لا ينفى موقفى ....
أن تفتح بوست لتعتذر لى ..
فلا داعى لذلك..
لآننى لم اطلب الاعتذار...
ولكننى فقط وضّحت لك رأيى فى موقف معين..
وعلى العموم تشكر على تناول مداخلتى بالجدية الممكنة..
| |
|
|
|
|
|
|
|
|
|
Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: nour tawir)
|
| Quote: فليس هناك ما يدل على تمسكى بالسودان القديم.. |
نور شلوم،
في الماضي كنتي من ابرز جنود السودان القديم في هذا الفضاء يانور، ولكن موقفك تغير وانا قتا ليكي الكلام ده من زمن يانور، فمرحب بيكي في ثوبك الغشيب الجديد.
اما بالنسبة لي فالذي تغير هو الاندفاع الاعمي في تاييد المتحدثين باسمنا، بالذات بعد الحصل في الجنوب، وداخل المنبر بعد الحصل للعزيزة امنة مختار، اللي كشف الوجه القبلي الجهوي القبيح الكريه للبعض من ثوار درافور.
بعد ده كلو، نحن جنود الثورة، قبل ماتكون هناك اصلا ثورة بالصيغة الحالية، زاتو!
لما كنتا في التمنينات بقول في زي كلامي ده، الشهيد ديمابور كان قاعد في المايقوما شارع واحد، كجار عزيز لينا!
نعم وانا متشعلق في بص حاج يوسف علي السلم، مع الكمساري، كنت عادي بشوفو خاشي ولامارق من بيتو لابس الكاكي عليه الرحمة!
| |
|
|
|
|
|
|
|
|
|
Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: Bashasha)
|
سلام
أعتقد أن مشروع ثورة التغيير هو بنيان متكامل من الساس الى الراس..
وأن خطط هذا التغيير الاولية تعني وتهدف الى الوصول الى سودان جديد معافى من كل ترهلات الماضي ورسم هوية سودانوية حقيقية
وقد تتعدد الوسائل في سبيل الوصول لهذه الغاية .. السودان الجديد
ولكن قبل البدء وفي كل محطات التوقف لابد من فحص وترتيب البيت وآليات وعتاد التغيير
لابد من الوقوف مع الذات وتصحيح المسار وازالة العثرات
انها مرحلة التمايز التي تقفها الشامخة تراجي اليوم
لك التحية..
| |
|
|
|
|
|
|
|
|
|
Re: (تراجي مصطفي)هينه(عائشه البصري) البسكتها منو؟فقد تحدثت عن(مقابر جماعيه لمناو (Re: عمر صديق)
|
مرحب تراجي بعودتك
أي جريمة ترتكب ضد أفراد شعبنا يجب أن تفضح
ويحاسب مرتكبها ممها كان.
وقلنا قبل كدا ما في كبير على العدالة، لو كان مني ولا ياسر عرمان
ولا عبد العزيز الحلو.
التوثيق لأي انتهاك لحقوق الناس يجب أن يتم
والوقت الماسب هو وقت معرفة هذا الإنتهاك
لا كبير على القانون
ولا يغفر للناس أنهم ناضلوا أو ضحوا
الحق أحق أن يُتبَع
تراجي
جيبي الوثائق والأدلة وحنطالب بالتحقيق ونرفع الموضوع لأي جهة ممكن تساعد في محاسبة المسؤول
وإعادة الإعتبار للضحية وأهله
| |
|
|
|
|
|
|
| |
Tragie Mustafa
حيدر حسن ميرغني
munswor almophtah
هشام هباني
وضاحة
ABDALLAH ABDALLAH
علاء سيداحمد
Yasir Elsharif
زهير عثمان حمد
Sudany Agouz
Mannan
علي دفع الله
بشير أحمد
محمد ادم الحسن
الفاتح ميرغني
Dahab Telbo
د.محمد بابكر
Salah Idris
Amani Sabir
جمال ود القوز
بريمة محمد
الباقر ابوبكر ابراهيم
عبدالعزيز عثمان
Dania Elmaki
Abdlaziz Eisa
Bashasha
nour tawir
محمد عمر الفكي
جمال الباقر
عمر صديق
الصادق اسماعيل
Kostawi
فيس بوك
تويتر
انستقرام
يوتيوب
بنتيريست