بسأل عليك الليل ونجمو

Quote: يا عبدالحفيظ عاين لي جاي البوست دا ميزو وسمحو ونظمو ما تخليهو جايط زي داك كل فترة تشوف فكرة معينة يدور الحديث حولها ابو الزفت زي كلام المثقفين البقولوا والله انا ما عارف لكن ..... انا عارف هههههههههههه عاين لي جاي جاتني فكرة هسع تيا دي ناسك السعلت منهم ديل جت عليهم تسعل منك العافية مشتركين في الاتي : 01 / قبيض القبور والعتاب 02/ شركوا للطير لكن اتحدى ائ واحد اكون قبض القديلو 03/ كلهم مافي واحد فيهم طهروهو بالبنج هههههههههههههه 04/ كلهم غير مطعمين ضد امراض الطفولة كانت في قروحة لكن بندسو منها في السحارة ههههههههههه 05/ كلهم بعرفو اصروا واكنو ما شا ء الله عليهم نجاض وفالحين 06/ كلهم شتتو القصب 07/ كلهم كانو بقيلوا في الصقيعة ولمن اجوا داخلين البيوت ريحتهم صنان صنان ههههههههههه 08/ كلهم وقعوا في ود اب تشة هههههههههه 09/ كلهم كان عندهم خنفس ورقصوا الهورس في حفلات الرتينة بالدربكة 10/ كلهم حضروا القيلة ههههههههههههه 11/ كلهم قروا بالصدفة ساكت خوفا من زرد السرحة وشغل الخلا والمدرسة لقوا فيها الجمة هههههههههه 12/ كلهم اهلهم ما كانوا بعرفوهم بقروا في سنة كم ؟ 13/ كلهم وسيلة مواصلاتهم للمدرسة بالدحيشة المطيعة جديد 14/ كلهم انخلوا لمن شافوا الخرتوم .... امك ولع .... امك طفا ههههههههههه الخ الخ اها خلونا نتكلم في القاسم المشترك الاعظم دا

ود البوش ...
كل عام وإنت بخير ..
غايتو جيهتنا جنس جيهة بالقاسم المشترك ده ...

إتـا يا ود البوش ..
القديلو ده ما أياهو القدال ..
البياكل الدود داكـ ..
وضنبو فيهو سواد بسيط في الطرف ولونو رمادي ..
غايتو كان أياهو ده والله كنت مجننو في صنقورو ..
وكمان معاهو أم قيردون الحاجة ..
زي الجداده داجه .......... .

Quote: ود البوش ذلك البوست ذهب إلي ما ذهب بفعل الزمن الجيهة سمحة وهذا بوست إفتقاد الناس ديل شايفهم مفقودين دون مبرر ثقافي ! في عكر وقرف والكتابة ضومة ابت

Quote: إتـا يا ود البوش .. القديلو ده ما أياهو القدال .. البياكل الدود داكـ .. وضنبو فيهو سواد بسيط في الطرف ولونو رمادي .. غايتو كان أياهو ده والله كنت مجننو في صنقورو ..

Quote: بسسسسسسسسس قبلك كتلتو مرة واحدة اتا يا ود القوز بتقبض القديلو وكان مجننو في صنقيرو ؟ على بالطلاق كان كدي اتا الجنا العليك الرك واقولا ليك كلمة حرم لاسع البيت والفريق كلو معتمد عليك قول لي كيف ؟ القديلو دا قبضتو اصلا ما بتجي باخوي واخوك دا ياخي لو في صباك كلو قبضتو مرة واحدة تبقى جنايا قارح بالحيل وضؤ قول لي كيف ؟ القديلو دا فالح وشاطر وحساس والقلابة دي من بعيد بضحك عليها وشرك الصوف بمد ليهو لسانو ياخي نحن السنة كلها ندودر فيهو ونحلفو بالخلقو عشان انقدر على القلابة ومن كترة دقنا لصدرنا في ناس جاب ليهم الازمة الصدرية ندق صدرنا ونقول ليهو القديلو عليك الله القديلو اديها تلة القديلو يا اب صوفة القديلو دنقر شوفا ولا خساهو كلو كلو لكن انا قبضتو مرة واحدة وعشان الشفافية الشرك كان بمساعدة خالي يوسف الله ارحمو

والله كتلتني بالضحكـ ..
يا ود البوش ..

أكيد القدال قبضتو كتير ..
رغم أنه زواغ وحذر جداُ ..
وأقل شئ بيطير ..
بعدين عندي قلوبيات كتيرة ..
وأغلبها كان محلي الصنع ..
وفي الشاريهو من الدكان ..
نحن كنا بنقول ليها شُروُكه ( مفردها شركـ ) ..
قلوبيه دي عرفتها فيما بعد ..
بعدين كنا حريفين ..
نبرد ليك سنة السلك البمسك الشركـ ..
لامن نخليهو ما بنشاف ..
أقل نقره أو هبشه الخيط بيفك والشركـ بيقبض ..
المشكلة القدال ما منو فايدة لا هو ولا أم قيردون ..
ما كنا بناكلو ..
لأنه بياكل الدود من الزبالة ..
لكن الكنت البقبضوا فيهم بحتفظ بيهو شوية ..
وبفكو .. ده لو كنت رايق ..
وكان جني كان قايم علي ..
كنت بمعط ريشو أخليهو ليك زلبطة ..
بس أخلي ليهو الجنجين والضنب ..
وأفكو عشان أخجلو بين أخوانو ..
شقاوة زمان ما بتتنسى ..
والله اعدتنا لزمن تسبقنا لهفتنا اليه ..
قبل هذه الحروف التي نكتبها عنه ..

تصدق ..
بعد سنين طويلة ..
طلعت راس بيتنا ..
عشان أجيب كورة رموها الشفع ..
لقيت لي كم شرك من حقاتي مصقرات ..
فاعدن لي ألق تلك الأيام الناديات ..

سعيد باجتماعكم ها هنا من جديد ..
وشاكر لاطرائك الذي أحسبني لا أستحقه ..
حبيبنا ود البوش .....

هنا في سودانيز يوجد معنا بوردابي ..
كان رفيق تلك الأيام الجميله ..
ويحفظ لي الكثير من المحن والبلاوي ..
ليته يعود لأني لي زمن أفتقده ...
ولا أراه ..
مع إني شايفو بيقابض في حتات تانية ..
في جخانين النت ..

حبيبنا صابر فضل المولى ..
أظهر وبان عليكـ الأمان ..
يازول جميل ... . ..

Quote: مسنوووووووووووووح سناحة بالغبا اخت البريرة البارة الشايلة جناها وفارة لقيتا في تكيلا وشنو كدي ما تعرف وشنو كدي ما تعرف ( مراعاة للحساسين والحساسات ) غايتو اتا البتقبض ام قيردون دا شدتك .......... وقطع شك الفرة ما بتخلعك

أم قيردون غشيمة ساي .....
الصعب قبيض البلوم ..
أب قدوم لذيذ ..
فرة شنو ...
نحن ابو الرقيع ذااتو ما سآلين فيهو ...


الله يديك العافية يا ود البوش ..
اعدتنا لزمن جميل ..
كنا لا نحمل هم بكره ..
وزي ما قال المثل ..
ياريتني قديرك يا الهمك فوق غيركـ ...