|
Re: تحدي لاعضاء المؤتمر الوطني اجابة سؤال واحد فقط .. إن فزتم ... ساعترف لكم بشرعية نظامكم (Re: أحمد ابن عوف)
|
أحمد ابن عوف عيد سعيد
في بداية التسعينات كنا معتصمين في دار اتحاد جامعة المنصورة بمصر , وكان الكيزان ماسكين الإتحاد , فعلموا حفلة واستضافوا الفنان عثمان مصطفى عشان يلهي الطلاب عن الاعتصام. نحن في داخل الاعتصام قررنا إنو الحفلة دي تتفركش وكلفنا أجمل مخلوق في الأرض إسمه عبدالوهاب أشقر ومعه مجموعة الفرتيقة لفركشة الحفلة وصل أشقر لمسرح الحفل وسأل الفنان عثمان مصطفى: غنيت أغنية الذكريات ولا لسه؟ ...غنيت الذكريات؟ فأجابه نعم فرد عليه أشقر أصلاً إنت تاني ماعندك غنية غيرها يا معلم , يلا أدينا المكرفون ولم فرقتك واتطلب الله بالتي هي أحسن ..التاكسي منتظرك برة يرجعك القاهرة. بالفعل شال المكرفون وفصل الكهرباء وفركش الحفلة.
أخي ابن عوف .. جاك كوز وقال ليك سد مروي والكباري ولا لسه؟
| |
|
|
|
|
|
|
Re: تحدي لاعضاء المؤتمر الوطني اجابة سؤال واحد فقط .. إن فزتم ... ساعترف لكم بشرعية نظامكم (Re: أحمد ابن عوف)
|
ابنعوف .. وضيوفك .... كل عام وانتم بخير ,,,
انجازات الانقاذ ظاهره للعين المجرده .. لا ينكرها الا مكابر ... معقوله ياااخ ناس حكموا شعب السودان العظيم دا لاكثر من 25 سنة وما يكون عندهم انجازات تذكر ...؟؟؟؟ يعني لو كل سنة عملوا انجاز واحد بس... كان حيكون عندنا 25 انجاز .... ولو فرضنا عملوا كل سنة نص انجاز بس ... كان حيكون عندنا 12 ونص انجاز .... ما علينا ....... كدي نحسب ليك اهم انجاز كان له الاثر المباشر في قوت الشعب الفضل ..... وهو فصل الجنوب ... عن تراب الوطن .... بالرغم من ان الجنوبين لحدي الان ما فارقونا .... اما الانجازات الحسيه الملموسه فهي كتيره .... ومنها على سبيل المثال لا الحصر ..... - قدر ظروفك ... حبيبي مفلس ... الركشات .... صالات الافراح ... وكترة الفنانين من برنامج نجوم الغد ... - وامثال ناس ندى راستا ..وبت الدابي وعشكوبي ... ديل بالكوم ..... وكل سنة جماعة تتخرج ...وانجاز جديد... - واهم انجاز عملوه انهم خلوا الشعب هو البصرف على الحكومه من حر ماله ..... فيا عزيزي ابنعوف ....كل هذه الانجازات ما عجباك ؟؟؟؟ يااااخ لا بتخس الناس اشياؤهم ... وخليك ... منصف .. واعترف بشرعية الحكومه...... دي حكومه ماافي زيها اتنين في العالم ....
| |
|
|
|
|
|
|
Re: تحدي لاعضاء المؤتمر الوطني اجابة سؤال واحد فقط .. إن فزتم ... ساعترف لكم بشرعية نظامكم (Re: جمال خضر)
|
1- تمكين شرع الله. 2- استقلالية القرار السياسي. (مافي قوات اممية ولا وسطاءدوليون يجوا حايمين في الخرطوم الا زول عنده مشكلة عايزمساعدة القيادة الرشيدة) 3-ثورة التعليم العالي (انت واحدة من ثمراتها) 4-تماسك الجبهة الداخلية. (البرلمان فيه 67 حزب على قلب رجل واحد)الرجل الواحد دة عرفتو وللا ازيدك؟ 5- القضاء على التمرد. ( بحسب الإحصائيات الآن توجد 34 حركة مسلحة فقط) 6- بناء القوات المسلحة و الحفاظ علي قوميتها (تكوين فرق ومليشيات من كل القبائل) 7- خلق مجتمع رسالي. 8- سيادة حكم القانون وهيبة الدولة. 9- عباقرة الحركة الاسلامية ومنتسبيها 10- حفظ كرامة المواطن ورعاية حقوقه القائمة تطول...
يللا إعترف بشرعية النظام وأقر بالهزيمة
| |
|
|
|
|
|
|
|