|
Re: معايدة السفارة والمركز الثقافي والجالية السودانية بالدوحة السادسة مساء اول ايام العيد السعيد (Re: حسين عمر الفكي)
|
شكرا أخي عادل وشكرا للمركز الثقافي والجالية والسفارة
لكن عندي ملاحظة على اليوم الأول
حسب التجربة المعايدة بتاعة الأضحى ما بتنفع أول يوم خصوصا للنساء والأطفال قول لي ليه
أول يوم بكون 80 في المية من الناس ضابحين
المرارة وشية الجمر بتستمر لغاية الساعة عشرة صباحا الساعة من 12 الى 1 ظهرا بكون برنامج الفطور والشربوت وما الى ذالك
الغداء غالبا بكون من 5 الى 6 مساء
يعني لما النسوان يغسلن العدة ويلملمن باقي اللحم بتكون الساعة مشت للتمانية
وبالمرة بتكون عين مغمدة وعين مفتحة وعايزة السرير بس لأنها مساهرة يوم الوقفة لغاية 3 صباحا
وصحت يوم العيد الساعة اربعة صباحا عشان تجهز للراجل والعيال هدوم الصلاة وهاك يا حمام للشفّع ولبيس ..
أها اقولا ليكم عن تجربة أول يوم معايدتكم فااااااشلة لأنها ح تكون بدون نسوان وبدون أطفال
خلوها تاني يوم الناس رايقة وهادية وقاشرة وحايمة في المعايدات على الأهل والأصحاب ومن هناك بعرجو على المركز ويحضروا المعايدة
بالجنبة كدا : غايتو لو عملتوها أول يوم النطاطيات دي إلا تنططوا فيها إنت وأمير طمبل وأحمد عبد المنعم ههههههههههههه
| |
|
|
|
|
|
|
Re: معايدة السفارة والمركز الثقافي والجالية السودانية بالدوحة السادسة مساء اول ايام العيد السعيد (Re: بدر الدين الأمير)
|
Quote: شكرا أخي عادل وشكرا للمركز الثقافي والجالية والسفارة
لكن عندي ملاحظة على اليوم الأول
حسب التجربة المعايدة بتاعة الأضحى ما بتنفع أول يوم خصوصا للنساء والأطفال قول لي ليه
أول يوم بكون 80 في المية من الناس ضابحين
المرارة وشية الجمر بتستمر لغاية الساعة عشرة صباحا الساعة من 12 الى 1 ظهرا بكون برنامج الفطور والشربوت وما الى ذالك
الغداء غالبا بكون من 5 الى 6 مساء
يعني لما النسوان يغسلن العدة ويلملمن باقي اللحم بتكون الساعة مشت للتمانية
وبالمرة بتكون عين مغمدة وعين مفتحة وعايزة السرير بس لأنها مساهرة يوم الوقفة لغاية 3 صباحا
وصحت يوم العيد الساعة اربعة صباحا عشان تجهز للراجل والعيال هدوم الصلاة وهاك يا حمام للشفّع ولبيس ..
أها اقولا ليكم عن تجربة أول يوم معايدتكم فااااااشلة لأنها ح تكون بدون نسوان وبدون أطفال
خلوها تاني يوم الناس رايقة وهادية وقاشرة وحايمة في المعايدات على الأهل والأصحاب ومن هناك بعرجو على المركز ويحضروا المعايدة
بالجنبة كدا : غايتو لو عملتوها أول يوم النطاطيات دي إلا تنططوا فيها إنت وأمير طمبل وأحمد عبد المنعم ههههههههههههه |
تحياتي يا معتز وصباح الخيرات
انتا عارف دا اقتراح جميل .. لكن ناس السفارة والجالية والمركز دائما ما يقيموا احتفالهم بالعيد في اليوم الاول ..
ومن وجهة نظري الشخصية اليوم الاول خال تماما من الرحلات ومعظم الناس زي الساعة 3 بكونوا ضربوا الشيات واللحوم ..
بعد المغرب بهجسوا للراحة وما فيهو زيارات ..
لكن الايام اللاحقة ايام رحلات وتجمعات اسرية ..
Quote: الجنبة كدا : غايتو لو عملتوها أول يوم النطاطيات دي إلا تنططوا فيها إنت وأمير طمبل وأحمد عبد المنعم ههههههههههههه |
انا غايتو لسة شباب ..لكن طمبلاوي واحمد عبد المنعم ديل لو عملوها بتكسروا تب ..هاها
تحياتي
| |
|
|
|
|
|
|
Re: معايدة السفارة والمركز الثقافي والجالية السودانية بالدوحة السادسة مساء اول ايام العيد السعيد (Re: عادل ابراهيم احمد)
|
الاخوان عادل وبدر الدين الامير السلام عليكما ..
Quote: الالاف المؤلفة الباقية ما عندها شغلة يمسك الجالية زيد ولا عبيد |
انا واحد من هؤلاء .. يهمنى ان التقي كل سودانى من الـ45 الف ديل .. واعيَد عليهو واقالدو .. واقول ليهو كل سنة وانت طيب ..
Quote: وكنت بفضل الله اول واحد يدعوا لمعايدة واحدة .. ولا زلت من دعاة التكاتف والتعاضد بين السودانيين بالدوحة.. |
والله العظيم لو النفوس اتصافت الشغلة دى اصلا ما صعبة ..
ربنا يجمع شمل السودانيين فى الدوحة - على الاقل - على كلمة سواء ..
اللهم آمييين ..
| |
|
|
|
|
|
|
| |