|
|
 المريخ التعبان
|
امس شاهدنا مباراة المريخ ضد اهلى شندى
مع صديقنا معتز عوض وبصحبة الصديق عباس محمود
اها الرشاشة معتز شمت فينا ويضحك على الدافورى
فريق المريخ الشوط الاول لم يسدد على المرمى
وسط تايه
تمريرات مقطوعة
مافى صانع لعب
انا ما عارف محسن سيد دا فرحان على شنو
المصرى ايمن سعيد افضل لاعب يوضع فى خانة طرف ايمن مدافع والوسط يفتقده
كان من الافضل وضع ضفر فى المساك وايمن يلعب وسط
علاء الدين افضل من فى الوسط
مجدى عبد اللطيف لعب باصين سمحات
باسكال زى حمارة الحسانية العايرة وسط الخيل على قولة صديقنا عوض هارون
الباشا براهو يقع
امير كمال وعلى جعفر ما بيعرفو يطلعو كورة بهدوء
اكبر مكسب من كورة امس انى اقتنعت مافى داعى اشترى دش العرب سات
|
|
  
|
|
|
|
|
|
|
|
Re: المريخ التعبان (Re: mohmmed said ahmed)
|
بالرغم عشقنا للمريخ
حضرت فيها بالضبط حداشر دقيقة
لقيت ناس بدقشو وبقعو
وواحد بشوت ضفاري
وواحد بصرج الكورة
وواحد كرعي الأتنين شمال
وواحد لسه ما عارف نفسو يمين ولا شمال
وواحد كل ما يغلط في باص....بشوت الهوا
وفي واحد جاري ساي برا كورة
وديل كلهم في المريخ......قفلت الكومبيوتر وحمدت الله ..علي سلامة العقل وما كنت مع المشجعين البغنو وما وقفو ديل
لي شنو ما عارف
| |
|
|
|
|
|
|
|
|
|
Re: المريخ التعبان (Re: Abdo Mustafa)
|
وبدأ الأهلي شندي المباراة مهاجماً عن طريق نادر الطيب ، وبرهن الأهلي على حسن تنظيمه في كل الخطوط بينما تاه لاعبو المريخ لضعف الصلة بين الخطوط وإنتهاج أسلوب التمرير العالي الذي إمتصه دفاع الأهلي بسهولة.
وفي الشوط الثاني مع الدقيقة الثانية لعب ألن وانجا كرة خلف المدافع جلال ليخطفها القائد أحمد الباشا ويواجه الحارس يسن الذي عرقله ليحتسب الحكم ركلة جزاء إنبرى لها بنجاح المصري أيمن سعيد محرزاً هدف المباراة الوحيد في الدقيقة 47.
| |
|
|
|
|
|
|
|
|
|
Re: المريخ التعبان (Re: الزنجي)
|
احسن ليك ما كملتا تشوف المرض الامس
يا عبده
الزنجى اهلى شندى كان افضل تنظيما ونسبة استحواذ 60 %
لو ركزو على الكرات العكسية كان بهدلو المريخ
| |
|
|
|
|
|
|
|
|
|
Re: المريخ التعبان (Re: محمد الكامل عبد الحليم)
|
وفي الشوط الثاني مع الدقيقة الثانية لعب ألن وانجا كرة خلف المدافع جلال ليخطفها القائد أحمد الباشا ويواجه الحارس يسن الذي عرقله ليحتسب الحكم ركلة جزاء إنبرى لها بنجاح المصري أيمن سعيد محرزاً هدف المباراة الوحيد في الدقيقة 47.
كلامك ده تقوله لي زول ما حضر الكورة ياخ الكوره المدافع عاوز يطلعها ارتدت من زميله جات للباشا جاهزه ولو يس ركز كان طلع الكورة بدون اي شيء لانو الباشا ما بشوت بالشمال كان ممكن يطلعه اوت بي كورته بس يس شكلو شيكه جاه
| |
|
|
|
|
|
|
|
|
|
Re: المريخ التعبان (Re: abas)
|
تحية
اللعب الصحيح هو فن الاستفادة من اخطاء الخصم.
الباشا استفاد من تجاربه كلاعب يصنع الاحتمالات وبتالي فان لم يصوب يستفيد من احتمال ضربة جزاء(تكتيكية)..
قد يكون اللاعب غير مكتمل المهارة لكنه يستفيد من ذكاءه عبر طول التجربة والتكرار..
المدرب الجيد يدرس قدرات لاعبيه وهذا يستغرق وقتا...فبالتالي يجب الا يتذاكي برهان ومحسن فالدرب لازال طويلا للتجويد..(رغم عدم اقتناعي بقدراتهم)...(عشت يا مريخنا عالي)
| |
|
|
|
|
|
|
|
|
|
Re: المريخ التعبان (Re: محمد الكامل عبد الحليم)
|
واضح جدا لا يوجد اى فكر تدريبى يفيد لعيبة المريخ من برهان او محسن
لكن والله الكورة دى لو دخلوها من غير مدرب
مفترض باص سليم وخانة وعكس وتهديف
يعنى باسكال دا داير يعلموهو كيف يلعب باص صاح
ولا على جعفر وامير كيف تخرج الكورة بهدوء من الدفاع
ولا راجى يعرف كيف انو كرة القدم لعبة جماعية
دى ابجديات الكورة
لعيبة مرض
| |
|
|
|
|
|
|
|
|
|
Re: المريخ التعبان (Re: mohmmed said ahmed)
|
تحية
الانضباط التكتيكي علم لا يتوفر لدي برهان او محسن وبالتالي فاقد الشيء لا يعطيه...ذهنية اللاعب مرتبطه بما اكتسبه من معرفة(كروية) وهذا يحتاج الي مذاكرة وتطبيق....هل توجد صالات مشاهدة لمباريات مختارة أو مهارات يقتدي بها...نسمع تمارين الاطالة للعضلات والتقسيمة وهذا ليس تدريب علمي صحيح...
التدريب نوعان: مهاري وخططي فما هو موقف برهان ومحسن من ذلك... وينطبق ذلك علي كافة المدربين الوطنيين...
الشغلانية ما ساهلة..
| |
|
|
|
|
|
|
| |
mohmmed said ahmed
Abdo Mustafa
الزنجي
محمد الكامل عبد الحليم
abas
فيس بوك
تويتر
انستقرام
يوتيوب
بنتيريست