|
|
|
 Re: ييييا حِـليـلـوو ... (Re: معاوية المدير)
|
الوالدة عندما تذكر إبنها الذي سرقته منها الغربة،
أو يذكره أحد جنبها تقول وهي تهز راسها وتكفكف
دمعها، ييييييييا حليلو.
حِليل،
مفردة تنضح حِنيّة ليس لها أصل في اللغة العربية،
لكن رغم ذُخر العربية بالمفردات إلا أنها تعجز ان
تعبر عما يجيش في النفس كما تعبر مفردة ييييا حليلو.
الداير يرفع البوست دا اليرفعو لآمن أجيكم إن شاء الله.
محبتي لكم...
| |
 
|
|
|
|
|
|
|
 Re: ييييا حِـليـلـوو ... (Re: حيدر حسن ميرغني)
|
Quote: الغربة سمحة وزينة
عيبها لي يا اسد البرتا |
يسِد نِفيستك، يا الما بتشبه الجنوّن.
هسّع انا كنت داير اقول، ييييا حليل صاحبي حيدر حسن ميرغني.
غاتس وين يا رماد إنت ؟،
أها، عاد اكان كدي اخير لي اقول، ييييا حليل صاحبي ود الزين...
| |
|
|
|
|
|
|
|
|
 Re: ييييا حِـليـلـوو ... (Re: معاوية المدير)
|
في غُنانا السوداني ترد مفردة حِليل كثيراً.
حليل الكان بيهدي الناس صِبح مُحتار يكوس هداي.
يا حليلك يا تنقسي إنت بلداً ما بتتنسي.
حليل الراحو وخلو الريح تنوح فوق النخل.
حليل أرض الجزاير والمراكب والطنابير الترِن
حليل ناس ليلي وكت الليل يجن.
حبيبنا الما منظور ينسانا
مالو سافر ودّع ما غشانا
حليل الخُوّة الما قدّر عشانا،
،، وهكذا الأغنية السودانية تنضح حِنيّة
لذلك ترد فيها كلمة حِليل كثيراً...
| |
|
|
|
|
|
|
|
|
|
Re: ييييا حِـليـلـوو ... (Re: معاوية المدير)
|
Quote: حمد الريح
"الى مسافرة"
كلمات عثمان خالد
يا قلبي يا مقتول كمد
اعصر دموع هات غنوة لسيد البلد يا حليلو يا حليلو....
حليلو قال سايب البلد حليلو كيفن يبتعد يا حليلو
كيفن نسيبو يروح بعيد يا حليلو
كيفن نسيبو يفوت بعيد......
في رحلة مجهولة الأمد يا حليلو
كل العمر كان لحظة واحدة نشوفو والشوق يتقد
نسكر نغيب آآآآآه نغيب
من لطفو من دله الحبيب
من لطفو من دله الحبيب من لونه من كرز المغيب
الرامي محلو الثمر
في شفايفو زي ياقوت ندر
في شكلو زي نص القمر مبتل مثير
مخلوق عشان احلى الثغور
واشواقنا تتعطر تطير من نفحة من مجرى العبير
من لفتة من جيدو من لفظة من ثغرو المثير
الفيهو ريان الثمر وبيهو القلوب كم تأتمر
لو مرة سيد الناس أمر بنظرة بدوب حجر
ببسمة بتطول عمر يا حليلو يا حليلو
حليلو قال ناوي السفر كيف الوداع لامن يحين وقت السفر
اهديك زهور حاشاي وانت ندى الزهر
اهديك حروف آآآآآآآه حروف يا اجمل احرف في الدهر
اهديك حنان آآآآآآآه حنان
اهديك حنان ماقلبي عندك من زمااااااان
ما قلبي عندك من زمان وانا راجي عطفك منتظر
اهديك حروف ما قالا زول وما اظن يقولا وراي بشر (ان شاءالله)
بهديك عيوني ... عشان استريح ... الدنيا بعد ما بتسر يا حليلو يا حليلو........... |
_____________________________________________________________________________
خلاص قلبتوها غنا وبكا!!!شكلو الصقط جاكم,,
| |
|
|
|
|
|
|
|
|
 Re: ييييا حِـليـلـوو ... (Re: أيمن الطيب)
|
Quote:
خلاص قلبتوها غنا وبكا!!!شكلو الصقط جاكم,, |
يا ايمن الطيب يا اخي وقعت فوق موضوع البوست طب.
يا اخي قلنا نتكئ علي جدار نغم في هذه الأيام العِجاف
علنا نستظل بظله من حر هجير الغربة.
أخوك اليومين ديل مزنوق في الخدمة بالحيل.
| |
|
|
|
|
|
|
|
|
 Re: ييييا حِـليـلـوو ... (Re: معاوية المدير)
|
 l]
يا حليلو قال نـاوى السـفر
حزن النهـار واللـيـل بـكـى
ودفق دموعوعليك بحـر
وآ غربة القـلب اللى عاش
يـا غالـى نشوان بيك عمـر
و آ ضيعـة النغم اللـى ذوب
نـفسو فى ثغـر الـوتر
بيغنى للوجـه الـصباح
و اللـيل عـلى خصلة شعر
و آ ريـدى يا سيد القـلوب
لى ضـو شـروقك .. للسـحر
و أ ريـدتى يا اجمـل صباح
و آ ريـدتى لليـل للقمر
يا ويلى من لحـظة وداع
آمالى فيـها تصير ذكر
يا ويـلى مـن عمـرا اعيشـو
براك يا احلى العمر
0ـ00
يا حليـلو قال سايب البـلد
ناوى الـسفر
كيف الوداع لامـن يحـين وقـت السفـر
اهـديك زهور ؟ حاشـاى وانت ندى الزهر
اهـديك حـروف؟ يا احـلى احرف فى الدهـر
اهديك حنـان ؟ ما قلبى عندك من زمـان
وانا راجى عطفـك منتظـر
اهديك دموع ؟ ما دمـعى سـايـل فيك بحر
اهديك نجوم ..معقوده بخيط الزهـر
باقات زنابق حلـوه .. فى لون القمر
ودمـوع محـب ... يا اغلى حب
من قلب فـى حبـك صبر
كـتم الغرام من سبعه عايش بالسـلام
لا قـال حـرف لا افـشى سـر
اهـديك خواطـر فى الخـيـال
فى حبـك اتـرامت زمر
اهديـك حب حيـر عـقول
من بـعـدو قـلبى خلاص عقـر
حـب زول بعيش بالنظـره منك
وناوى تـحميه النظر
اهـديـك غـيوم
وقطيع نجـوم
ومحـب عفيف
بين الـنجوم هيمان سـدر
اهديك سحابه من الحـنان
تـحـمـيك دوام من كـل شـر
اهديك حـروف ما قالها زول
وما اظن يـقـولهـا وراى بشر
اهديك عيونى عـشان اتوب
الـدنيـا بـعـدك ما بتسر...
| |
|
|
|
|
|
|
|
|
|
Re: ييييا حِـليـلـوو ... (Re: معاوية المدير)
|
ود المدير و سليمان و حيدر و ود أختي أيمن و كل الناس الحلوين سلام عليكم
حليلو قال ناوي السفر
وا غربة النيل و القمر
وا غربة الطير و الشجر
وا غربة النسمة الرقيقة
وا شوقا لعناق الشعر
يا حليلو
و كمان رائعة ابوداوود
الفرقة من بكرة حليلا الاصبحت ذكرى
حليلا النايرة في عودا
و قالو بكرة يوم عيدا
خضاب الحنة في ايدا
حليلا الضعت في ريدا
و يا ود المدير رجاء خاص
عندك مليون صورة وجيها
الله يرضى عليك فكنا من صورة الطيرة المزعمطة دي
مع خالص الود و الاحترام
| |
|
|
|
|
|
|
|
|
|
Re: ييييا حِـليـلـوو ... (Re: ALWALEED ALSHEIKH)
|
الغالي ود المدير تحياتي ياغالي
وكل المداخلين
صحي بيتكم يا حليلو
وبيتنا ياحليلو
وكل الحاجات السمحة الزمان
لكن احذركم تحذير شديد اللهجة من تفكروا البلد دي
غير المغسة وطمام البطن ما ح تلقوا حاجة
والله صحي
خالص الود
| |
|
|
|
|
|
| |
معاوية المدير
سليمان القرشي
حيدر حسن ميرغني
أيمن الطيب
ALWALEED ALSHEIKH
ياسر بيناوي
فيس بوك
تويتر
انستقرام
يوتيوب
بنتيريست