|
|
 افيدونا عن جهاز تتبع مسار السيارات هل هو مفيد ؟؟
|
الكامري والكوريلات والتويتوتا بشكل عام مغري لسرقتها دون الماركات التانية ليه ما تعرف
خاصة الكامري، وكل ما حدثنا الامان كلما تتطورت الاساليب
كنا في الاول نغير كيلون الباب بالامريكي
وركبنا جهاز انزار
هسع شايف في جهاز صغير اسمه بالانجليزي gps tracker ، والحقيقة فيه مزايا كتيرة جدا ، بس ما قادرين نفهم هل يمكن ينفع ويحد من سرقة الكامريهات والبرادوهات خاصة.
الجهاز لقيت ليه اعلان هنا:
http://haraj.com.sa/115208397http://haraj.com.sa/115208397
ودي صورة كما يبدو الجهاز صغير الحجم يسع لي البطارية وشريحة الموبايل.
|
|
 
|
|
|
|
|
|
|
 Re: افيدونا عن جهاز تتبع مسار السيارات هل هو مفيد ؟؟ (Re: MOHAMMED ELSHEIKH)
|
Quote: يا الهادي سلام
لو كنت خارج السودان شوف ليك كركبانة أو هكرة زينا كدى الحرامي لو سرقها تبقي ليهو مشكلة
اما في السودان باقي لي البرستيج يتطلب عربية كويسة نوعا ما
بعدين صناع العربات ديل ما قدروا يعملو طريقة تأمين للعربية بشرط انها ما تتسرق الا بي سحاب؟ معقولة |
حبابك محمد الشيخ
لا والله ما في السودان، في رياض المملكة ، ههههها ، لكن ياخ عيال التفحيط ديل عزبونا ، وعليك امان الله ما يختارو الا الكامري ما بعرف تقول الكامري دي بتفنجط ، عندنا أخونا سرقو منه كامري يمين لي هسع لا حس لا خبر مكان دخلت ما عرفوها.
وعندنا اخونا سارقين مينو فورشينر جديدة، مخلين خشمه ملح ملح.
الظاهر الظاهرة دي ليها ارتباط بالمواسم، يعني موسم الحج ده ممكن الجماعة يقلبو بيها السبعة ايام الحج دي في امان الله، وبعدين يرميها ليك في اقرب محطة لو طلع ود ناس، ولو طلع ود حرام ممكن يوديها ليك المكبس ، يمين تاني الا الكريم، لوحاتا ما تلم فيهن.
في موديلات جديدة من الفورد وال بي ام فيها الجهاز ده خلقة، الا ديل ما بنقدر على سعيتين.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: علي دفع الله)
|
Quote: ههههههههههههههههههههههههههههههههههههههههه
شنو يا ابحمد ما تصبر لحدت ما يجوك المتخصصين في اجهزة الانذار هههههههه
حبيت اسلم عليك واقول ليك اخبارك والوليدات |
ود دفع الله
مشتاقين واخبارك والاهل
طمينا على الزراعة خبرة شنو ، ترى السنة دي لو طلع معسل شوف ليك طريقة sudan aid ساي.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: علي دفع الله)
|
Quote: الزراعة مية مية بس الله يكفينا شر الافات وعربات المحلية والولاية وبقية عربات الجبايات ،،
تعال عيد في السودان ،، الخرفان كان غالية اقرب دحيش ههههههههه |
هههههههههها
قلت لي بقيتو تاكلو الدحيش عاااادي ، اقع القعوي القعوي قالو فيه مرقة عجيبة.
والله يا ابو علوة زمان كان بقولو (تلت لي الطير وتلت للزبير والمزارع فاعل خير)
هسع اظن الطير زاتو في حق الله ،،،
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
اخونا الهادى
السلام ليك و لى زوارك الافاضل
الجهاز البتقول عليهو ده ما بيمنع سرقة العربية
لكن بيوريك محلها اينما كانت
عادى زيو و زى البرنتر و الماوث و الكى بورد بتعرفو على الكمبيوتر بتاعك و بتحمل البرنامج بتاعو
و يتركب فى العربية
بعداك ممكن يوريك عربيتك وين
ماشة وللا و اقفة
و ماشة بى سرعة كم
ما بحمى من السرقة لكن بتلقاها سريع
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: جلالدونا)
|
Quote: السلام ليك و لى زوارك الافاضل
الجهاز البتقول عليهو ده ما بيمنع سرقة العربية
لكن بيوريك محلها اينما كانت
عادى زيو و زى البرنتر و الماوث و الكى بورد بتعرفو على الكمبيوتر بتاعك و بتحمل البرنامج بتاعو
و يتركب فى العربية
بعداك ممكن يوريك عربيتك وين
ماشة وللا و اقفة
و ماشة بى سرعة كم
ما بحمى من السرقة لكن بتلقاها سريع |
اخوناجلالدونا تحياتي لك وللاخ الهادي وللجميع
لو سمخت ..كم سعر هذا الجهاز واين يوضع في السيارة وهل يمكن وضعه دون ان يعرف السائق عنه شي؟
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الامين محمد علي)
|
Quote: اخونا الهادى
السلام ليك و لى زوارك الافاضل
الجهاز البتقول عليهو ده ما بيمنع سرقة العربية
لكن بيوريك محلها اينما كانت
عادى زيو و زى البرنتر و الماوث و الكى بورد بتعرفو على الكمبيوتر بتاعك و بتحمل البرنامج بتاعو
و يتركب فى العربية
بعداك ممكن يوريك عربيتك وين
ماشة وللا و اقفة
و ماشة بى سرعة كم
ما بحمى من السرقة لكن بتلقاها سريع |
وعليكم السلام جلالدونا
اهم شيء تلاقاها سريعة دي صدقني عندنا الكامري بالذات ياخ معذبنها عذاب شديد،
والجهاز اللي انا لقيتو حسب الوصف ما يحتاج برامج خاصة هو يستخدم خرائط قوقل لتحديد الاحداثيات ويوضع فيه شريحة موبايل عشان يرسل ليك الاحداثيات دي.
الحقيقة فيه مزاية كتيرة مفيدة
اما النوع البتتلكم عنه انت اظن يحتاج دفع اشتراك لشركة الاتصالات اذا اس تي سي او موبايلي او زين.
الحاجة التانية نفس مواصفات الجهاز الوصفتو انا ، فيه نوع نفس المواصفات لكن فيه امكانية توصيل الشاحن ببطارية العربية مع بعض الاضافات زي قطع الكهرباء عن العربية واعطاء تقارير عن استهلاك الزيت والبنزين واشياء زي دي.
والله اعلم،،،
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
Quote: اخوناجلالدونا تحياتي لك وللاخ الهادي وللجميع
لو سمخت ..كم سعر هذا الجهاز واين يوضع في السيارة وهل يمكن وضعه دون ان يعرف السائق عنه شي؟ |
هلا استاذ/ الامين ومرحبتين
السعر المعروض للجهاز الاول 500 ريال سعودي ، والتاني اللي شرحه اخونا جلالدونا اذا هو نفس الاول مطور بشاحن من السيارة مع المواصفات ده معروض من 750 لي 800 ريال.
في واحد معروض في دوب على ما اسمع في سوق المنتجات الصينية بسعر 20 درهم لكن فاشل وما دقيق في الاحداثيات.
اذا انت في السعودية ممكن اجيب ليك تلفون مندوب سوداني اتصلت عليه قبل كده وشرح لي المزايا.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: سفيان عثمان قرضيه)
|
Quote: الأخ محمد الشيخ هذه النظرية كانت في السابق أيام الكوريلا 83 وفعلا ً المغتربون السودانيون ما كانو بهتموا كتير بمسألة الموديلات
الحديثة . ولكن الآن تغير الحال خاصة مع الأجيال الجديدة في الإغتراب فأصبحوا يهتموا بل ويتسابقوا لإغتناء آخر الموديلات من السيارات
بفهم إنو العربية الجديدة بتريحك لسنوات وبتجنبك زيارات الورش المتكررة فضلا عن توفير الوقت . وشئ مهم وهو إنو المغتربين شبه
إقتنعوا إنو لا أمل في إستقرار قريب في الوطن لذلك الناس بقت ما بتحرم نفسها من متعة الحياة وفق الإمكانيات المتاحة . |
الحبيب سفيان
فعلا نظريتك صحيحة وبقى ملاحظ ان السودانيين قبلو على البرادو والغريب انهم اقتحموا سوق السيارات الامريكية، والألمانية، وكان في السابق دي سيارات الجالية الشامية بصفة عامة من سواري لبنانية اردنين فلسطينيين وكده، لمعرفتم بيها، ونحن وناس اولاد بمبة كنا معزبين عربات عبداللطيف جميل ويا حليل الكريسيدا، تصدق في فترة السعوديين لم يشوفو الكريسيدا من بعيد يقوليك سيارة السوداني، جزم انها تكون لسوداني، والكريلات، فكانت الفكرة إما ياخدها معاه للبلد وإما يركبها ويرميها لم يرجع قريبا، وطبعا قريبا دي لمّ بقت مستحيلة الناس قبلت لسيارات الايجار النمنتهي بالتمليك ويمشي ياخد برادو بي 120 الف على اربع سنين وكل اخر شهر يمشي يورد 1500 ريال ، مع احتمال السيارة بعد اربع سنة تجيب سعر، الا ان نظرية البيع بالايجار المنتهي بالتمليك جائرة جدا، والسيارة بعد انتهاء المدة ممكن تباع بمقدم الايجار.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
سلام صاحب البوست والمتداخليين
الجي بي اس تراكار انواع
في الغرب اكثر مجال لإستعمالهلمتابعة الاطفال , كبار السن ,الكلاب والحيوانات الاليفة الاخري واسعارها لاتتعدي بضع دولارات!
لاحظت السعر بالريال السعودي مبالغ فيه
لانو في E-BAY والامازون احدث جهاز لا يتعدي الخمسين دولار .
http://www.amazon.co.uk/s/ref=nb_sb_ss_c_0_20?url=search-alias%3Dautomotiveandfield-keywords=gps+tracker+for+carsandsprefix=gps+tracker+for+CARS%2Caps%2C196andrh=n%3A248877031%2Ck%3Agps+tracker+for+carsandajr=0http://www.amazon.co.uk/s/ref=nb_sb_ss_c_0_20?url=search-ali...acker+for+carsandajr=0
تحياتي
| |
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: مرتضي عبد الجليل)
|
Quote: سلام صاحب البوست والمتداخليين
الجي بي اس تراكار انواع
في الغرب اكثر مجال لإستعمالهلمتابعة الاطفال , كبار السن ,الكلاب والحيوانات الاليفة الاخري واسعارها لاتتعدي بضع دولارات!
لاحظت السعر بالريال السعودي مبالغ فيه
لانو في E-BAY والامازون احدث جهاز لا يتعدي الخمسين دولار . |
سلام اخونا مرتضى
تعرف لو السعر في الشرق الاوسط بيعتمد على نظرية تجارية كان منتجات كتيرة لا يتعدى سعرها نصف سعرها المعروض الان.
احكي ليك قصة حصلت مع زميل سوري معاي في الشركة، والده مصاب بسرطان البروستاتا شفاه الله وجميع مرضى المسلمين، اخونا ده بعد الاحداث في سوريا عمل زيارة لي والده وجابو معاه هنا ، المهم والده عنده حبوب بياخدها بي انتظام بس ما يستحضرني اسمها الحقيقة، ولكن الحصل ان فضلت ليه اخر شريط فاخونا دور الصيدليات كلها في الرياض ما قدر يلاقي الدواء ونصحوه بإنه يراجع صيدليات المستشفيات الكبيرة لان الدواء ده لا يصرف الا لمرضى السرطان، وكلام زي ده، المهم اخونا راجع صيدلية مستشفى التخصصي اكبر مركز اورام في المملكة، بعد واسطة ومحركة قدر يوصل للمدير وقليه ح نديك علبة واحدة بس، وسعرها 500 ريال.
اخونا اضطر اخد العلبة وجاء وقع النت فتش اسم الشركة لقاها شركة كندية راسلهم وطلب منهم 6 علب ، طلبو منه وصفة طبية ورفضو يدوه الكمية كلها الا وعدوه ان كل 3 شهور يرسلو ليه الكمية بتاعت الـ3 شهور.
واذا بعد ال3 شهور تم تغيير الدواء يديهم خبر عشان ما يشحنو ليه الكمية، وقد كان، اخونا دفع قيمة الـ 6 علب عبارة عن 150 دولار تخيل مع قيمة الشحن بالDHL أو FEDEX، فتأمل فرق السعر بين بلد الانتاج والمستهلك العربي.
بالنسبة للمنتج ده، تخيل رغم ان المنتجه ده اصلا هو الماني تم تقليده وتصنيعه في الصين ويباع بهذا السعر، بس انا لقيت منه بـ 23 يرور تقريبا، فالاسعار هنا بتعتمد على عناصر تانية غير سعر التكلفة والشحن والامور التجارية دي.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
لا يمنع السرقة على الإطلاق
يمكن التشويش عليه، أو فصل الهوائي إذا كان مرئي فتنقطع الإشارة فلا يعطي الموقع، لكن يمكن أن يعطي إنذار.
إذا لم يكن مزود ببطارية داخلية، أي أنه يعمل ببطارية العربية، فإن فصل بطارية العربية يشله تماماً كأنه غير موجود.
أعتقد بعض الدول لديها شركات لخدمات مراقبة المركبات، زيادة على التراكر بيكون عينها على العربية بوسائل تانية تديك إنذار مبكر ويمكن تحبط السرقة.
في أجهزة (سويتشات سرية) بتعطل كهربة العربية، إلا يسحبوها أو يكتشفوا مكان السويتش.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: Abureesh)
|
Quote: سلام يا الهادى
قول لينا عوك.. ممكن ارسل ليك جهاز يوري السيارة وين كل دقيقة ويرسل ليك صورة السواق الحرامى كمان مع تسجيل كلامه |
ياخ عووووووووووووك يا ابوالريش كفاية ابحاث ياخ جيب العدة وتعال لينا بي جاي ان شاء الله تأجر ليك ورشة في جبل علي القريبة دي ما الصين، انت صنع ونحن بنسوق يمين يا ابوالريش العرب ديل تقبضم قبضة، ياخ صنع ورسل ونحن بنبيع ليك لو ما عايز تسيب بلاد العم سام.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: حاتم إبراهيم)
|
Quote: افيدونا عن جهاز تتبع مسار السيارات هل هو مفيد ؟؟
|
سلام الاخ الهادى
الجهاز مفيد وضار
ودى بتعتمد على (الغرض ). .
يعنى اذا كان للحماية من السرقة فانا مع إخوانا حاتم.
| Quote: لا يمنع السرقة على الإطلاق |
وركز معاى على كلمة. (الإطلاق ) دى .
اما فائدة من ( وجهة نظري ) فهو مخزن لكل معلومات تحركات وسيلة. (التواصل ) التى أصبحت اهم من صاحبها نفسة
وهذة. المعلومات يمكن ان تكون (معرفة تراكمية ) لك تساعدك فى فهم. تحركاتك ، يعنى زى. ( مذكرات ) . يعنى صرف كم بنزين
ولمن واحد يلومك انك ما زرتهم مدة ترجع لها لتثبت بالزمن والدقيقة انك كنت معاهم . .
والاهم الموضوع فية قروش ممكن تكون صرف وممكن تكون دخل يعنى فية
فوائد ومضار
وأمسك فى حاتم. وأبو ريش .
وربنا يعوض كل فقد أملاكه بطرفكم .
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: هاشم احمد ادم)
|
Quote: سلام الاخ الهادى
الجهاز مفيد وضار
ودى بتعتمد على (الغرض ). .
يعنى اذا كان للحماية من السرقة فانا مع إخوانا حاتم. |
وعليكم السلام اخونا هاشم
والله كلامك ده صحيح بس تعرف هنا السوق بيعتمد على الابهار يعني الناس ديل ممكن يشترو حاجه بتبهرم بي الاف الريالات في حين انك لو جيت قست الفائدة من وراء الجهاز تلقاها تقارب الصفر.
فالقوانين هنا مختلفة، اهم شيء هو عامل الابهار، والتفرد، يعني حاجة ما تكون عند اي زول.
تعرف هنا اي جهاز اول ما ينزل السوق ممكن تلاقي سعره 10 الف ريال، مع مرور الايام يبدأ سعره ينزل لحد ما يوصل الف ريال.
عموما انا حبيت بس انبه لاشياء الناس ما منتبهة ليها وقد تفتح مجالات كسب مشروع وحلال وسهل في نفس الوقت، يعني حاجة ممكن تعمله بار تايم كده، والتوزيع اهو ممكن توزع من خلال الانترنت البقى هبترش ده.
والله العليم،،،
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: حاتم إبراهيم)
|
Quote: لا يمنع السرقة على الإطلاق
يمكن التشويش عليه، أو فصل الهوائي إذا كان مرئي فتنقطع الإشارة فلا يعطي الموقع، لكن يمكن أن يعطي إنذار.
إذا لم يكن مزود ببطارية داخلية، أي أنه يعمل ببطارية العربية، فإن فصل بطارية العربية يشله تماماً كأنه غير موجود.
أعتقد بعض الدول لديها شركات لخدمات مراقبة المركبات، زيادة على التراكر بيكون عينها على العربية بوسائل تانية تديك إنذار مبكر ويمكن تحبط السرقة.
في أجهزة (سويتشات سرية) بتعطل كهربة العربية، إلا يسحبوها أو يكتشفوا مكان السويتش. |
استاذنا حاتم صباح الخير ،،،
بالنسبة للشركات البتقدم الخدمة دي هي موجودة، فمثلا شركة الاتصالات السعودية بتقدم الخدمة دي مقابل اشتراك سنوي تقريبا 1700 ريال، واظن كده التكلفة عالية جدا يعني لو عندك عشر عربات توزيع منتجات او مناديب حتقعد تدفع لي كل عربية 1700 ريال سنويا عشان تراقب السيارة من المؤكد ان صاحب الشركة ح يفضل تلاعب المندوب على انه يدفع المبلغ ده سنويا.
بالنسبة للجهاز ده، ما فيه هوائي خارجي هو الهوائي داخلي، ثم بالنسبة للتشويش او حجب اشارة الستلايت عنه، في الحالة دي بيديك احداثيات أقرب برج اتصالات GSM ، زيادة على ذلك في نوع مطور من نفس الجهاز اظن انه GPS Tracker TK103 ، بالاضافة للبطارية الداخلية الشاحن بيتوصل مع البطارية وبذلك تضمن دوام البطارية وعدم انقطاعها عن العمل، ثم ان النوع الاول حسب ما فهمت انه بيرسل ليك انذار بقرب انتهاء البطارية.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: Abureesh)
|
Quote: شكرا يا شباب ويا الهادى جبت كلام واللاى
البصارة كيف الحين؟
هنا فى أمريكا ممكن اصنع نموذج أو اثنين فقط (الورشة فى الصين)
اقطع لى ايميل |
جدا يا ابوالريش ابشر بالخير ، وامكن نلقا لينا ممول خليجي كمان يجهبس الامور اصل الناس ديل مجانين استثمار والثقة في السودانيين ماشاء الله.
بس مشكلتنا معاهم اننا وفيين زيادة وما بنحرك راس المال يمين شمال يعني لو سلمك مليون يمشي ويجيك بعد سنة يلقاها نفس المليون ما زادت ، ودي النقطة الضاربننا بيها الشوام.
الشامي لو مسك مؤسسة او شركة بشغلها وبيسرق نص الارباح والسعودي مبسوط ، السوداني لو جاء يسرق مشاتر يقوم يسرق راس المال زااااتو هههههها، شفت كيف.
المهم يا الحبيب انا برسل ليك الايميل بتاعي في الخاص وان شاء الله تكون فاتحة خير،،،
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: mekki)
|
| Quote: الواحد كل ما يفكر في فكرة يلقاها اتعملت؟؟؟؟وش باكي |
حبابك مكي ان صح الاسم
الزمن ده مافي مجال للتفكير ، خطر ليك فكرة كف كف تنجض على طول الناس حايمة في القوقل ده تفتش لي اي حاجة تعملها ،
ههههههههها
وعموما السوق واسع وعريض ويسع الجميع في الخليج ولو عايز تعدي على السودان الله يسهل ليك ، لكن نصيحة ما تتخوف من ان الفكرة سبقك عليها زول ، المثل بقول لو عايز تعمل مخبز افتحه جوار مخبز، وبي كده توفر على نفسك تكاليف الدعاية والاعلان ، هههههههها مثل فيه خسة صاح.
لو عايز نديك ولو عندك نوزع ليك مافي قشة تعتر ليك، انت بس قول بسم الله وابدأ.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
بعض ما وجدته عن الجهاز للفائدة والمقارنة:
Quote: الجهاز يعتمد على اشارة تحديد المواقع العالمي gps، لتحديد موقع السيارة أو الأفراد أو المقتنيات الثمينة ، كما إن الجهاز يعتمد على أبراج الموبايل gsm لإرسال الاحداثيات عن طريق رسائل الموبايل النصية sms.
يتميز بصغر حجمه مما يتيح وضعه في أماكن مخفية داخل السيارة، أو تعليقه او ضعه في جيب الشخص.
ييستخدم الجهاز أي شريحة موبايل مفوتر او مسبقة الدفع، قيمة الرسائل القيمة الاعتيادية للرسائل بدون أي رسوم اضافية.
بطارية الجهاز تدوم من يومين الى ثلاثة أيام، ويمكن شحنها داخل المركبة أو عن طريق شاحن خارجي للبطاريات، توجد بطارية اضافية مع كل جهاز.
الجهاز به زر sos لطلب النجدة او الاستغاثة بارسال رسائل متتالية لعدد 5 ارقام يتم برمجتها بالجهاز
يمكن تحديد نطاق للسيارة وتنبيهك عند خروج السيارة خارجها
يمكن معرفة سرعة السيارة لضمان عدم تجاوز السرعة القانونية
لا يحتاج الجهاز لبرامج خاصة لتتبع مسار السيارة لاستخدامه google map
والكثير من المزايا المفيدة. |
محتويات الكرتون:
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
Quote:
استاذنا حاتم صباح الخير ،،،
بالنسبة للشركات البتقدم الخدمة دي هي موجودة، فمثلا شركة الاتصالات السعودية بتقدم الخدمة دي مقابل اشتراك سنوي تقريبا 1700 ريال، واظن كده التكلفة عالية جدا يعني لو عندك عشر عربات توزيع منتجات او مناديب حتقعد تدفع لي كل عربية 1700 ريال سنويا عشان تراقب السيارة من المؤكد ان صاحب الشركة ح يفضل تلاعب المندوب على انه يدفع المبلغ ده سنويا.
بالنسبة للجهاز ده، ما فيه هوائي خارجي هو الهوائي داخلي، ثم بالنسبة للتشويش او حجب اشارة الستلايت عنه، في الحالة دي بيديك احداثيات أقرب برج اتصالات GSM ، زيادة على ذلك في نوع مطور من نفس الجهاز اظن انه GPS Tracker TK103 ، بالاضافة للبطارية الداخلية الشاحن بيتوصل مع البطارية وبذلك تضمن دوام البطارية وعدم انقطاعها عن العمل، ثم ان النوع الاول حسب ما فهمت انه بيرسل ليك انذار بقرب انتهاء البطارية |
يا مرحب
أعتقد الفكرة العامة للتبع في حالة السرقة إنو الجهاز بيديك أفضلية على السارق في إمكان ملاحقة السيارة، زيادة على كسب الوقت.
لو خيروني حأفضل أعطل السارق منذ البداية، بتعطيل كهرباء السيارة بالتحكم فيها من سويتش مخفي.
فما حيفضل ليهو إلا يشلعها من برة، أو يسحبها بكرين.
السويتش المخفي دا الشيء الوحيد الما ممكن التنبؤ بوظيفته أو مكانه.
لأنه دخيل على التصميم المألوف للسيارات.
| |
|
|
|
|
|
|
|
|
 Re: افيدونا عن جهاز تتبع مسار السيارات هل هو مفيد ؟؟ (Re: حاتم إبراهيم)
|
يا عمك الهادي تحياتنا
Quote: الكامري والكوريلات والتويتوتا بشكل عام مغري لسرقتها دون الماركات التانية ليه ما تعرف
خاصة الكامري |
اختا التويوتا بكل انواعها .. غالية وصناعتها بقت مغشوشة
وعلي العليها قطع غيارها بقت مساوية او تزيد على كثير من الصناعات التانية
عندك المتسوبيشي خيار رائع جدا والناس ديل ما عندهم ثقافتها
لو خليتا مفتوحة للصباح ماف زول بسأل عنها
بالإضافة للقوة والاعتمادية والسعر المناسب
وقطع غيار مناسبة جدا جدا وكلها اصلية وكالة
(من واقع التجربة)
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: مرتضى احمد عبد القادر)
|
| Quote: أجهزة تتبع المركبات (AVL Devices) أشكال والوان الغرض الأساسي منها تحديد موقع المركبة وفي كتير منها ممكن تضيف عليهم (Accessories) حسب الخصائص الإضافية الإنت عايزه بالنسبة لموضوع السرقة دا في حاجة إسمها Immobilizer فتش عنو أو شوف جهاز تتبع سبورت ليهو |
الحبيب مرتضى احمد عبد القادر
شاكر جدا على المشاركة والاقتراحات
الجهاز الأول اعتقد هو اللي مقدم من شركات الاتصالات هنا (mobily and STC) ، لكن اذا طلعت هي فا دا يعني دفع قيمة اشتراك سنوي لكل مركبة على ما اظن.
اما المفتاح الذكي او immoblizier ده موجود بس برضو حصلت سرقات كتيرة مع وجود النوع ده من المفاتيح.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: حاتم إبراهيم)
|
Quote: يا مرحب
أعتقد الفكرة العامة للتبع في حالة السرقة إنو الجهاز بيديك أفضلية على السارق في إمكان ملاحقة السيارة، زيادة على كسب الوقت.
لو خيروني حأفضل أعطل السارق منذ البداية، بتعطيل كهرباء السيارة بالتحكم فيها من سويتش مخفي.
فما حيفضل ليهو إلا يشلعها من برة، أو يسحبها بكرين.
السويتش المخفي دا الشيء الوحيد الما ممكن التنبؤ بوظيفته أو مكانه.
لأنه دخيل على التصميم المألوف للسيارات. |
اخونا حاتم
شكرا للعودة والحلول الجذرية للقضية
تعرف في الخليج الموضوع اكثر من مجرد تأمين ضد السرقة، بالنسبة لينا نحن السويتش المخفي ده اذكر زمااااان كان في تأليف ليه من الكهربائية هنا وهو انك تفتح السويتش و تضغط على الزر المخفي عشان تشتغل الماكينة.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
Quote:
عيال التفحيط ديل عزبونا ، وعليك امان الله ما يختارو الا الكامري ما بعرف تقول الكامري دي بتفنجط ، عندنا أخونا سرقو منه كامري يمين لي هسع لا حس لا خبر مكان دخلت ما عرفوها.
وعندنا اخونا سارقين مينو فورشينر جديدة، مخلين خشمه ملح ملح. |
سلام اخ هادى
قبل كم سنة مشيت السعودية وكل ما اوقف عربيتى اخوى مقيم هناك يقول لى أمّن عربيتك كويس وما تخلى فيها قروش او اوراق لما استفسرت قال لى فى سرقات شديدة ، ربطت هذا الامر بالامان الموجود فى قطر هنا والحمد لله حاجة تكاد تكون معدومة مسألة سرقة العربات دى
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: يوسف أبو صالح)
|
Quote: سلام اخ هادى
قبل كم سنة مشيت السعودية وكل ما اوقف عربيتى اخوى مقيم هناك يقول لى أمّن عربيتك كويس وما تخلى فيها قروش او اوراق لما استفسرت قال لى فى سرقات شديدة ، ربطت هذا الامر بالامان الموجود فى قطر هنا والحمد لله حاجة تكاد تكون معدومة مسألة سرقة العربات دى |
وعليكم السلام ابو يوسف
يا رب يديم عليكم نعمة الامن، هنا ياخ في شقاوة عيال والبلد مشرورة شرة عجيبة، ولو قلنا بس الرياض بقت في حجم دولة والله من كبرها، ولو لحقو نتلو منك سيارة، الله يعينك.
اتذكر قبل فترة كان في اعلان هنا في سودانيز عن واحد فقد سيارة كامري ما عارف لقاها او ما لقاها ربنا يعينه غايتو.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
| Quote: لو خيروني حأفضل أعطل السارق منذ البداية، بتعطيل كهرباء السيارة بالتحكم فيها من سويتش مخفي. |
اخونا حاتم ابراهيم اعتقد ان المصري ده نط بي غادي لي اقتراحك وعمل حاجة عجيبة ، بس الحكاية على حسب كلام المقال كأنه في طور البحث والتجريب والانتاج لم يبدأ بعد، واظن حسب علمي بما يدور في عالم المنافسة العالمية للانتاج والتسويق الزول ده على قول اهلنا، فك أخره ، يعني المقال ده لو وصل للصينيين قبل ما الزول ده ينتج الجهاز ده، يبقى مجهود بحثي ومخبري ضاع في الهواء الطلق ساكت بي بلاش، وده يشككني ان الحكاية دي زي حكاية علاج مرض الايدز بتاع جيشنا، رغم ان لا مستحيل تحت الشمس.
المهم ده المقال واتمنى انك تفند الكلام ده وتدينا رأيك.
Quote: اختراع ثوري لحماية السيارات من السرقة
في ظل انتشار ظاهرة سرقة السيارات علي مستوى العالم وتكرار محاولات اللصوص اختراق الأنظمة الأمنية الموجودة بهذه السيارات وكذلك أجهزة الإنذار بكافة أنواعها التي لم تثبت جدواها حتى الآن في منع أو تقليل سرقة السيارات بالقدر المناسب. وقام مهندس السيارات المصري "شحات سعيد السيد أبو ذكرى" باختراع وتصميم وتطوير أول أجيال اختراعه الثوري من أنظمة حماية السيارات من السرقة حتى يكون عملة غير معتمد علي الإنذار قدر اعتماده علي أن تدافع السيارة عن نفسها بنفسها وتقاوم من يحاول سرقتها دون الاستغاثة أو طلب العون من صاحبها وتصبح ككتلة حديدية أو صخرية علي الأرض لا يمكن تحريكها عن طريق محركها رغم إدارته وكذلك لا يمكن جرها أو دفعها بسيارة أخرى أو بأي وسيلة ويصلح هذا النظام لجميع السيارات الملاكي والميكروباص والميني باص سواء التي تعمل بالدبرياج الاحتكاكي أو الدبرياج الهيدروليكي .
كما نجح المخترع المصري في تصميم الجيل الثاني من نفس النظام والذي يصلح لسيارات النقل الثقيل والأتوبيسات الكبيرة والمعدات الثقيلة والأوناش.
فكرة الاختراع
تدور الفكرة الأساسية لهذا الاختراع حول كيفية اتخاذ السيارة لوضعية الدفاع عن نفسها بنفسها ضد السرقة ؟!.
دعنا نفترض جدلا أن شخصا من محترفي سرقة السيارات قد تمكن من اقتحام سيارتك وفتح أحد أبوابها سواء بشكل مشروع أو بشكل غير مشروع، وبالفعل قد تمكن من الدخول إلي سيارتك وجلس في وضعية القيادة ودخل في سلسلة من المحاولات لإدارة محرك السيارة بأي وسيلة شرعية أو خلافة فإلى هذا الحد يقف سارق السيارة عاجزا عن تحريكها حيث تستجيب السيارة آنذاك وجميع أجهزتها الخاصة بالتحكم في قيادتها من "فرامل ودبرياج واكسراتير وعصا والجيربوكس ومفاتيح الأنوار وذراع الإشارات وكذلك مفتاح آلة التنبيه (الكلاكس)" إلي الأوامر الصادرة لها من نظام حمايتها ضد السرقة الذي يقوم بتحويل جميع أجهزة التحكم في قيادة السيارة من الغرض المصممة من أجلة إلي العمل علي تثبيت وفرملة العجلات الأربعة للسيارة وبالتالي تصبح السيارة ككتلة حديدية راسخة علي الأرض بحيث يستحيل سحبها أو دفعها أو تحريكها بمحركها حتى لو تمكن السارق من إدارته بأي وسيلة.
وإذا تمكن السارق من الوصول إلي مكان تثبيت أي جزء من أجزاء النظام ومحاولة تخريبه أو نزعة من السيارة وإلقائه خارجها تظل السيارة بعد ذلك ثابتة علي الأرض ولا يمكن تحريكها بأي وسيلة أيضا حيث يستمر النظام في السيطرة علي السيارة حتى بعد نزعة وإلقائه خارجها.
ويتميز النظام بأن حجمه لا يتعدي حجم التليفون المحمول بالإضافة إلى أن تكاليف إنتاجه زهيدة وبالتالي إذا تم إنتاجه سيكون سعره زهيد بالمقارنة بفوائده الكبيرة. |
http://www.mawhopon.net/Cars-and-motorshttp://www.mawhopon.net/Cars-and-motors
انا حزفت باقي الرابط لانه بيتحول لي رموز وعلامات استفهام، ولكن ده القسم اللي فيه المقال.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
Quote: Ahmed Mustafa · Facebook
الاجهزة الموجودة في السوق حاليا و بتوفر ليك الخدمة دي غالية ، اصبر شوية في شركات كثيرة شغالة تجارب لو نجحت السوق ح يرخص
بقول ليك الكلام دا بأعتباري شغال في شركة تأجير سيارات و عندنا حاليا كم سيارة مسروقة (شغال في ذيب لتأجير السيارات ). |
اخونا أحمد المصطفى من نافذة الفيس بوك
اولا اقبل اعتذاري لاني ما انتبهت لي مداخلتك ، والله صدقني قليل جدا انتبه للمسألة دي.
عموما شركة ذيب لتأجير السيارات شركة كبيرة والمفترض يكون عندها الخدمة دي والمقدمة من شركة الاتصالات السعودية او موبايلي او الشركات البتقدم خدمة المجموعات دي، رغم ان الاشتراك غالي بس شركتكم كمان ما هينة ... ههههههههها عينا باردة عليكم.
المهم النوع ده ما اظن ينجح معاكم لان طريقة التحكم بيكون لي جهاز واحد ، او بمعنى آخر ما تقدر تراقب 5 اجهزة من وشاشة واحدة، لذلك يعتبر الجهاز شخصي او للافراد، انت لو عايز ليك شخصي ابشر وكلمني في جوالي من البروفايل وبعون الله اجيبو ليك لحد المكتب ... 
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
Quote:
إلي الأوامر الصادرة لها من نظام حمايتها ضد السرقة الذي يقوم بتحويل جميع أجهزة التحكم في قيادة السيارة من الغرض المصممة من أجلة إلي العمل علي تثبيت وفرملة العجلات الأربعة للسيارة وبالتالي تصبح السيارة ككتلة حديدية راسخة علي الأرض بحيث يستحيل سحبها أو دفعها أو تحريكها بمحركها حتى لو تمكن السارق من إدارته بأي وسيلة.
وإذا تمكن السارق من الوصول إلي مكان تثبيت أي جزء من أجزاء النظام ومحاولة تخريبه أو نزعة من السيارة وإلقائه خارجها تظل السيارة بعد ذلك ثابتة علي الأرض ولا يمكن تحريكها بأي وسيلة أيضا حيث يستمر النظام في السيطرة علي السيارة حتى بعد نزعة وإلقائه خارجها. |
المصري شكلو بالغ شوية في الإعلان عن "الاختراع"
فالوضع الطبيعي للفرامل إنها غير محتكة (released) اللهم إلا تكون زي فرامل القطر الزمان داك.
كذلك الدبرياج الهيدروليك ومن اسمه واضح إنو لا يعتمد على الاحتكاك، عشان كدة العربات الأوتوماتك ما بتقوم بالدفرة، فما عارف عايز يمسك العربية بالدبرياج كيف.
بعد ده عشان يثبت عجلات العربية إلا بالفرامل اليدوية ودي اختيارية بتحتاج لقوة بدنية، يعني ما ممكن يتحكم فيها بجهاز في حجم التلفون.
الله يعينه.
أها ولو كان حرامي مرايات ولساتك؟
---------
عموماً أنا بفكرة السويتش قصدت إن صاحب العربية يكون مبادر مش يأتي تصرفه كرد فعل تالي للسرقة، فالجهاز بتاع التتبع ما ليهو فائدة (في الحماية) إلا بعد حدوث السرقة فعلاً.
ممكن طبعاً دمج السويتش وجهاز التتبع.
بس أنا بنظر للتكلفة
والبساطة
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: حاتم إبراهيم)
|
Quote: المصري شكلو بالغ شوية في الإعلان عن "الاختراع"
فالوضع الطبيعي للفرامل إنها غير محتكة (released) اللهم إلا تكون زي فرامل القطر الزمان داك.
كذلك الدبرياج الهيدروليك ومن اسمه واضح إنو لا يعتمد على الاحتكاك، عشان كدة العربات الأوتوماتك ما بتقوم بالدفرة، فما عارف عايز يمسك العربية بالدبرياج كيف.
بعد ده عشان يثبت عجلات العربية إلا بالفرامل اليدوية ودي اختيارية بتحتاج لقوة بدنية، يعني ما ممكن يتحكم فيها بجهاز في حجم التلفون.
الله يعينه.
أها ولو كان حرامي مرايات ولساتك؟
---------
عموماً أنا بفكرة السويتش قصدت إن صاحب العربية يكون مبادر مش يأتي تصرفه كرد فعل تالي للسرقة، فالجهاز بتاع التتبع ما ليهو فائدة (في الحماية) إلا بعد حدوث السرقة فعلاً.
ممكن طبعاً دمج السويتش وجهاز التتبع.
بس أنا بنظر للتكلفة
والبساطة |
شاكر جدا يا حاتم على الاهتمام ده منك،،،
تعرف كلام المصري ده ممكن يكون هو نفس فكرتك البتقول عليها بسيطة وما مكلفة دي، بس المصري اظنه بيخاطب النفسية الخليجية المعروفة باهتمامه بالتفاصيل المعقدة و واضح ان لغة المقال لغة تسويقية اكثر من انها علمية، أو هكذا اظن.
فكرتك البسيطة دي فعلا فعالة بس انت عشان تقدمه لي ناس الخليج الما خمج ديل لازم تجهبزة وتمشي تعمل ليها سويتش في المانيا او امريكا وتكتب في الكرتونة صنع في المانيا او امريكا، وبعد كده لو جهازك ده ما اشتغل حاجة برضو بدورو عليه بالواسطة، صدقني.
هههههاامحن نعمل شنو ...
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
بعث لي احد الاصدقاء هذا الجهاز بمواصفات اعتقد افضل من الاول حيث به ، امكانية قطع كهرباء السيارة والوقود من على البعد
Specifications
gps tracker cheap
GPS Tracking software
for e-bike,motorcycle and car
Get the location in anytime
stable platform
GPS818 small volume motorcycle gps tracker cheap
GPS Tracker Main functions
1,Real time tracking
2,ACC checking
3,GEO-fence
4,Mileage report
5,Cut off power alarm
6,Remotely cut off fuel and circuit
7,Vibration alarm
Input Voltage = DC 9V~60V/1.5A
Operating Temperature = -20°C~55°C
Humidity = 5%~95%
LED = 2 LED lights to show GPS, GSM and other status
GSM Frequency = GSM 850/900/1800/1900MHz
GPS Chip = Latest GPS SIRF-Star III chipset
GPS Sensitivity = -159dB
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: حاتم إبراهيم)
|
اخونا الامبن
Quote:
اخوناجلالدونا تحياتي لك وللاخ الهادي وللجميع
لو سمخت ..كم سعر هذا الجهاز واين يوضع في السيارة وهل يمكن وضعه دون ان يعرف السائق عنه شي؟ |
الاخوان ما قصروا معاك تب فى الاسعار فوق
يوجد نوع يستعمله البوليس الامريكى .. ده لو لميت فيهو يريحك راحة السنين
البوليس بشرك بيهو لى لصوص العربات
اول ما يطع يروحو متابعنو ليك و لما يشغلو الجهاز بيعمل شت داون لكل العربية و تأمين الابواب و القزاز
ومافى اى طريقة للمخارجة و يستلموهو جاهز ..حرامى بالثابتة
يا ريت اخونا حاتم يسهب لينا فى الجهاز ده شوية
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: جلالدونا)
|
Quote: الهادي ابوبكر سلام
أميز حاجة هنا (Geo-fence) ودي ميز في البرنامج المعاهو بالتأكيد.
لكن أنا شايف تتأكد من قيمة التيار، عالية جداً بالنسبة لجهاز في طبيعته، وإذا كان بيسحب التيار دا وهو استاندباي فدي كارثة على البطارية. |
اخونا حاتم
ربنا يزيدك علم ورفعة ، تصدق الحتة بتاعت البطارية دي مشكلة فعلا، المفروض كان يكون شاحن يفصل بعد شحن البطارية.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
Quote:
يا ريت اخونا حاتم يسهب لينا فى الجهاز ده شوية |
مشكور جلالدونا على الثقة
دي فكرة عامة
من ناحية الميزات كلها بتتشابه، أنا جبت فيديو وتحتو شوية ترجمة لاختصار الوقت
الوظائف:
إيقاف مضخة الوقود أو نظام الإشعال في السيارة
إطلاق صوت المنبه
إغلاق الأبواب والزجاج طبعا
مايكروفون للاستماع للسائق
الموصفات:
يعمل بتلاتة أنماط
1- إرسال الموقع (Locater mode) ودي إحداثيات وطبعاً بتحتاج تعمل ليها (plotting) على خرطة ودي غالباً بتجي مع البرنامج المعاهو، أو يشتغل على غوغول مابس
2- إرسال رسالة نصية (Text mode) للهاتف للتنبيه في حالة تحرك السيارة أو تجاوز سرعة أو تخطي منطقة معينة تحددها أو معرفة كمية الوقود، أو العكس أن ترسل أنت رسالة نصية لتشغيل المنبه (البوري) أو تشغيل المصابيح أو إغلاق الأبواب إلخ
3- إرسال بيانات (Data mode) ودي الإحداثيات الحالية للسيارة والنمط دا للتتبع وعن طريق الدخول لموقع بعد التسجيل فيه
استهلاك الطاقة بحسب العند الخواجة 45 ملي أمبير، عشان كدة أنا نبهت للتيار في المواصفات الفوق (1.5 أمبير)، 45 ملي أمبير مناسبة، مع ذلك الاستهلاك الحقيقي
في حالة الخواجة دا كان ضعف التيار يعني 100 ملي أمبير، لذلك المواصفات الإعلانية قد لا تكون حقيقية في حالة الأجهزة الصينية، فإذا كان الجهاز يعمل على الدوام
فهو سيؤثر على البطارية.
التركيب:
المشكلة هنا وين تركب الجهاز بحيث يمكنك تشغيله أو تعطيله برغبتك، وفي نفس الوقت يكون مخفي
إشارة الجي بي إس بتضعف جداً إذا صادفت معادن لذلك من الافضل عدم إخفاء الجهاز خلفها
أفضل موقع في السيارة لإشارة الجي بي إس هو تحتها، بافتراض الرغبة في إخفاء الانتينا، خلاف ذلك فأفضل منه في المراية أو خلف الزجاج الأمامي
يمكن وضعه خلف التصادم الأمامي إذا كان بلاستيكي، لكن إذا كان موقع السيارة محاط بأبنية عالية (Urban canion) فالإشارة بتتداخل ولا يعكي إحداثيات دقيقة نسبياً
دا فيديو يشرح التركيب المبسط بدون توصيل الاسلاك الكتيرة في الفيديو الأول
الراجل دا ما يحبطكم بسرعته لأنو عندو ورشة متخصصة في الحاجات دي، لكن ممكن أي شخص ياخد ساعة ولا اتنين ويركب الجهاز بنفسو
ودا جهاز التشويش على التراكر والهاتف المعاهو (للحرامية) هههه
الخلاصة:
______________________________
من الصعب التوصية بنوع معين فكلها تعمل بنفس المبادئ والطريقة
فالأفضل اختيار المنتج من شركة معروفة بالجودة
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: حاتم إبراهيم)
|
Quote: من الصعب التوصية بنوع معين فكلها تعمل بنفس المبادئ والطريقة
فالأفضل اختيار المنتج من شركة معروفة بالجودة |
والله يا هندسة كفيت ووفيت ، وطبعا هسع اللعب على الاضافات للمنتج يعني بدت الحكاية بي التتبع وانتهت بقطع الدائرة الكهربائية ومضخة البنزين وانتهت بي استخدام الكاميرا وارسال صورة السائق على موبايل الادمين، وهسع طبعا اقتحموا استخدام برنامج الاندرويد .
وكل الهيلامانا دي على ما تفضلت هي من اجل هدف واحد هو منع السرقة، بس الحكاية اتعدت ذلك لشغف البعض من التجسس والمراقبة وما الى ذلك.
ومن كل ما سبق انا بقترح عليكم وده اقتراح من واقع السوق السعودي ان يتم تطوير جهاز بسيط بحيث يقوم بتعطيل الدائرة الكهربائية ومخضة البنزين برسالة بحيث يمكن اعادة تشغيلها عند الحاجة. يعني لو الواحد خايف يسرقو عربيته ممكن بعد ما يركن العربية يعطله بي رسالة ولم يجي يمشي يعيد تشغيله بي رسالة مماثلة.
اظن المنتج ده ح يلاقي رواج اكثر لفاعليته وبساطته واكيد ح يكون في فرق في السعر.!!!
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
Quote:
حبابك مكي ان صح الاسم
الزمن ده مافي مجال للتفكير ، خطر ليك فكرة كف كف تنجض على طول الناس حايمة في القوقل ده تفتش لي اي حاجة تعملها ،
ههههههههها
وعموما السوق واسع وعريض ويسع الجميع في الخليج ولو عايز تعدي على السودان الله يسهل ليك ، لكن نصيحة ما تتخوف من ان الفكرة سبقك عليها زول ، المثل بقول لو عايز تعمل مخبز افتحه جوار مخبز، وبي كده توفر على نفسك تكاليف الدعاية والاعلان ، هههههههها مثل فيه خسة صاح.
لو عايز نديك ولو عندك نوزع ليك مافي قشة تعتر ليك، انت بس قول بسم الله وابدأ. |
تسلم كتيير الاخ الهادي
اياني مكي
وشكرا علي التشجيع
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: الهادي ابوبكر)
|
Quote:
روق المنقــة.. بصمم قى جهاز لو البطارية شغالة ووب ولو ما شغالـة ووبين. |
الأخ الباشمهندس أبو الريش
Quote:
أنا ما محتاج إتنافس معاك.. والبيعرفنى يعرف انى صممت مايكروبوسسور وشغلته
عام 1984
from discrete and VLSI chips and other off-the-shelf components
|
الزول البيعمل الكلام الفوق دا سنة 84 ما بيحتاج لأكتر من ساعة بالنسبة لجهاز الووب ووبين
ولا شنو؟
نديك اسبوعين تاني.
| |
|
|
|
|
|
|
|
|
|
Re: افيدونا عن جهاز تتبع مسار السيارات هل هو مفيد ؟؟ (Re: حاتم إبراهيم)
|
Quote: الزول البيعمل الكلام الفوق دا سنة 84 ما بيحتاج لأكتر من ساعة بالنسبة لجهاز الووب ووبين
ولا شنو؟
نديك اسبوعين تاني. |
الاخ / حاتم لك التحية لاثراء البوست بعلمك وخبراتك ،،،
الحديث الذي يدور بينك وبين المهندس ابوالريش ارجو ان لا يأخذ منحنى اخر وانت اعلم من غيرك ان مثل هذه التصميمات لا تنشر هكذا في الهواء الطلق والمهندس ابوالريش رجل ذو امكانيات مثقولة بخبرات سنين بين امريكا والصين واظن انه كان من الموهبين منذ ايام الكلية.
وعموما اطمن انا تواصلت مع المهندس ابوالريش بخصوص هذا الامر وقد توصلنا لاتفاق مبدئي ... اعمل جاهدا لاصل لنتائج مرضية بإذن الله.
عموما نرجو ان تتغير هذه اللغة الى لغة حوار يستفيد منه الجانبين بدلا من سياسة التكسير هذه ، في ظني لن يكون هناك رابح من الطرفين او الثلاث باعتباري طرف في الموضوع http://www.sudaneseonline.com/db/attention/010_Smile.gif .
كامل احترامي وتقديري يا باشمهندس حاتم ،،،
| |
|
|
|
|
|
|
| |
الهادي ابوبكر
علي دفع الله
MOHAMMED ELSHEIKH
جلالدونا
الامين محمد علي
سفيان عثمان قرضيه
متوكل حسن
حاتم إبراهيم
Abureesh
هاشم احمد ادم
محمد الشيخ أرباب
mekki
نادر النور آدم
مرتضى احمد عبد القادر
يوسف أبو صالح
فيس بوك
تويتر
انستقرام
يوتيوب
بنتيريست