|
|
|
 Re: على يد الجيش السوداني : شفاء أول حالة من مرض الأيدز على مستوى العالم ........ (Re: Ridhaa)
|
الأخ رضا والإخوة الكرام: تحياتي
الباحث الاجتماعي قال تمكنوا من شفاء الإيدز بنوعيه. والله نحن الغير متخصصين ديل بنعرف إنو هناك نوع واحد من مرض الإيدز يعني ما في إيدز إيه إيدز بي زي التهاب الكبد. إلا يكون طبعاً قاصد إنو فيروس الاتش آي في نوع والإيدز نفسو نوع تاني.
بعدين لو أصلاً في اكتشاف ما كانوا يعملوا مؤتمر صحفي بدل كاكيرة الموبايل ويجيبو المكتشف المتخصص عشان على الأقل يشرح بأسلوب علمي مبسط كيف تتمكن الأعشاب من علاج الإيدز وكيف تتم الخلطة ويا ربي الجرعة بتقدم في شكل محلول وللا لبخة وللا كتحة وهل هناك فكي متخصص يقرأ على الجرعة ويبصق عليها البركة بتاعتو قبل تناولها.
كمان كانوا يجيبو المريض الاتعالج حتى لو اضطروا يخفوا معالم وجهه لأنو الموضوع ما ساهل
| |
 
|
|
|
|
|
|
|
|
Re: على يد الجيش السوداني : شفاء أول حالة من مرض الأيدز على مستوى العالم ........ (Re: ياسر منصور عثمان)
|
حتي تاريخ مداخلتي الاولي في هذا البوست كنت أظن هذا الرائد يا مهرج أو مجنون أو منتحل شخصية ضابط جيش
ولكن للأسف الشديد بعد كم إتصال تمكنت من معرفة الاتي
الرائد المذكور الدفعة 45 وكوز ليهو ضل ويشغل منصب المدير الاداري بمستشفي عطبرة العسكري
درس بعد التخرج من الكلية الحربية علم إجتماع ونفس وتحول علي أثره من كشف القوات البرية الي
كشف القوات الفنية ومع دا كلو يدير مستوصف خاص ( كوز والاجر علي الله )
وعطبرة زاتا مافيها أجهزة ومختبرات حديثة لنتائج مرض زي دا
وانا لا أسأل عن مصدر 
| |
|
|
|
|
|
|
|
|
|
Re: على يد الجيش السوداني : شفاء أول حالة من مرض الأيدز على مستوى العالم ........ (Re: Deng)
|
غايتو بلقى لي طريقة محاججة مع المصريين ...
الفرق أنو اعلامهم هلّل وكبّر لإختراع الكفتة بل وخوّن وشيطن كل من شكّك فيه حتى مستشار الرئيس العلمي الجاي من ناسا طلّعوه ما بعرف حاجة
الكويّس انو اعلامنا أوعى و أذكى وما ح يقع في نفس غلطة الإعلام المصري
وأيضا أن الخبر عندهم اعلن في مؤتمر صحفي بطريقة رسمية وبحضور قادة الهيئة الهندسية بالجيش المصري ووزير الدفاع في حين عندنا الهبل دا مجرد تصرف فردي من شخص و ستتم معاقبته (أتمنى)
____________________________
وأتمنى ايضا أن يسحب صاحب الحساب هذا الفيديو الفضيحة من اليوتيوب
كما أتمنى أن لا يخذلني إعلامنا و يجروا ناس الدار يعملوا معاه لقاءات و يتبنّوا الموضوع, حينها ح أكون شربت زيت مع المصريين !!
| |
|
|
|
|
|
|
|
|
Re: على يد الجيش السوداني : شفاء أول حالة من مرض الأيدز على مستوى العالم ........ (Re: sudania2000)
|
Quote: حتي تاريخ مداخلتي الاولي في هذا البوست كنت أظن هذا الرائد يا مهرج أو مجنون أو منتحل شخصية ضابط جيش
ولكن للأسف الشديد بعد كم إتصال تمكنت من معرفة الاتي
الرائد المذكور الدفعة 45 وكوز ليهو ضل ويشغل منصب المدير الاداري بمستشفي عطبرة العسكري
درس بعد التخرج من الكلية الحربية علم إجتماع ونفس وتحول علي أثره من كشف القوات البرية الي
كشف القوات الفنية ومع دا كلو يدير مستوصف خاص ( كوز والاجر علي الله )
وعطبرة زاتا مافيها أجهزة ومختبرات حديثة لنتائج مرض زي دا
|
شكرا عادل الباهي على الأكيدة
كان ينبغي لصاحب البوست أن يورد هنا أيضا نفي الجيش وتنكره لهذا الرائد المهرج
| |
|
|
|
|
|
|
|
|
 Re: على يد الجيش السوداني : شفاء أول حالة من مرض الأيدز على مستوى العالم ........ (Re: Ridhaa)
|
يا ود البشرى لقيتك ما حريف خالص.....
تشيل الفيديو يا سيدي وتحضّروا للمصرين المعاك..
وتقول ليهم شفتوا شغل المغارز وصل وين ؟؟؟
اما الجماعة الكبار لو قاموا للرقيص
تقول ليهم دي مغرزة سياسية عالية المستوى وغالبا وراها اخوانجية مصر:)
وبي كدى حتى الرائد دا لو عمل لقاء مع الايدز شخصيا
وهو بعترف بانو طلع من الزول لانو الاعشاب ضايقتو
انت تكون محصن تماما :)
اي مصري يجيك مبتسم ...طوالي تكابسو بالفيدو
قبل ما يسلم عليك:)
والله وليّ التوفيق..
| |
|
|
|
|
|
|
| |
Ridhaa
Elhadi
مصعب عجاج
فردوس جامع
محمد البشرى الخضر
smart_ana2001
بشير حسـن بشـير
هشام المجمر
أيمن الطيب
Yassir Tayfour
محمد عمر الفكي
بدرالدين الطائف
Faisal Al Zubeir
عادل الباهي عبدالرازق
محمد علي البصير
MOHAMMED ELSHEIKH
شهاب الفاتح عثمان
سيف النصر محي الدين
ياسر منصور عثمان
Osman Dongos
Deng
Ahmed Alim
عبدالعظيم عثمان
عبدالحفيظ ابوسن
)
الفاتح علي التوم
مني عمسيب
جعفر محي الدين
حسين نوباتيا
فيس بوك
تويتر
انستقرام
يوتيوب
بنتيريست