|
|
|
 Re: مبرووووووووووووووووووووك حسن ولدي طب أسنان جامعة افريقيا العالمية (Re: قصي محمد عبدالله)
|
الاخ الكريم شيخ قصي محمد عبدالله
الله ابارك فيك يا أخي واشكرك لامنياتك الطيبة
كما اشكرك بتبشيري بتمزيق فاتورة الاسنان الباهظة التي بديت في دفعها قبل شهر والله جد
وقبل الجلوس على كرسيهم الحار داك قلت ادردش مع الدكتور (السوري) قلت ليهو عندي ولدي رغبتو طب اسنان
قلت ينصحني او يرشدني او ائ حاجة من هذا القبيل
عليك امان الله ولا اشتغل بي الشغلة فقلت في نفسي امكن اقول كدا خسرت زبون هههههههههه
شكرا يا شيخنا
| |
 
|
|
|
|
|
|
|
|
Re: مبرووووووووووووووووووووك حسن ولدي طب أسنان جامعة افريقيا العالمية (Re: خالد علي محجوب المنسي)
|
يا سلاااااااااااااااام يا خالد ود المنسي
وصلتني مشاعرك تماما عبر الهاتف في لحظة سماعك الخبر الذي اسعدك
حسيت بيك ولغة القلوب ما بتقدر عليها الحروف
لا املك الا أن أسال الله ان ارد لك هذه الفرحة في نجاحات اولادك
طالبني مليون ضربة ذاتو أها هههههههههه
.
.
بالجد امبارح لا عارف اعرض ولا عارف انقز ولا عارف اضحك ولا عارف ابكي
مشاعر كيفة غَزِل بس
لك كل الامنيات الطيبة بنجاح الوليدات
شكرا لمشاعرك الدفاقة ولك مني كل الشكر والتقدير
| |
|
|
|
|
|
|
|
|
|
Re: مبرووووووووووووووووووووك حسن ولدي طب أسنان جامعة افريقيا العالمية (Re: Osman Musa)
|
Quote: وتاني يا ود البوش بعد تاخد المعاش بس تسويلك طربيزة في عيادة الولد وتحرسو ههههها .
الضرس المخلوف بي كدي.
والسن المشرومة بي كدي .. عارفك التسجيل والحساب بتجيهو تب . ياخ ربنا يوفقو . |
جنك بزينيس حبيبنا عثمان موسى
ياخ على الاقل نقلع الضروس في البيت دي براها ما نعمة من كريم
في عنقريبك تستلم ضرسك هههههههههه وتجدعو للشمش اديتك ضرس الحمار اديني ضرس الحمارة هههههههه
شكرا جزيلا يا الحبيب وعقبال عيالك يارب
| |
|
|
|
|
|
|
|
|
|
Re: مبرووووووووووووووووووووك حسن ولدي طب أسنان جامعة افريقيا العالمية (Re: محمد عمر الفكي)
|
مرحب أخونا الفكي، محمد الفكي
Quote: عن اذنك يا شيخ عبدالله سؤال بسيط لاخونا قصي وان شاء الله ما ينحرف البوست
قصي
عليك الله وبكل صراحة، الصورة دي قدمت بيها للوتري؟
صراحة
تكون بالغت وشذيت |
الصورة التي أوردتها أنت عمرها فقط 4 ايام، و كانت لغرض رسمي .
واحتمال أقدم بها للوتري القادم (بعد 15 يوم ) بعد تعديلها ل 600 * 600 بكسل.
هذه هي الصورة التي قدمت بها للوتري السابق (مبالغة وشذوذ فُل سوت )،
وقبل رؤية الصورة ، أعلم أنها أصلا موجودة وقديمة ، لم أتصورها من أجل اللوتري.
أذكر:
باقي من اللوتري اسبوعين.
------------
وحتى لا ينحرف المنشور أو تحويل الحديث عن اللوتري وما والاه...
وحسب طلبك...
قرض على كده ، ويمكنك فتح منشور خاص ليوضح كل واحد اسبابه في ذلك،
يكون بمثابة باب للنقاش واستطلاع
--------
نعود إلى حيث أتينا من ونجدد تهانينا وتبريكاتنا ودعواتنا لوالد طبيب الاسنان ولجميع افراد الاسرة والعائلة والاصدقاء،
ونتمنى النجاح للجميع.
| |
|
|
|
|
|
|
|
 Re: مبرووووووووووووووووووووك حسن ولدي طب أسنان جامعة افريقيا العالمية (Re: بدرالدين بابكر مصطفى)
|
الف الف مبروووك لحسن عبد الله " الما ترابي " وان شاء الله ربنا يوفقوا ونشوف يوم تخريجه
عمنا حاج اللمين دارش الاولاد درشة صاح في الحواشات يصحيهن قبال النباه الصبح يصلوهوا فوق ضهر الترعة أها اليوم داك شغالين بحشوا والشمس في نص السماء والسموم تلفح الوشوش
جات حتة غيمة ولا عليك بيها ضللت الواطة شوية أكان تسمع عمنا " غيمت ليكم يا البخات " ......... فيبدوا لي انها غيمت ليك يا البخيت
| |
|
|
|
|
|
|
|
|
 Re: مبرووووووووووووووووووووك حسن ولدي طب أسنان جامعة افريقيا العالمية (Re: عزالدين عباس الفحل)
|
والله يا اخوانا اسع شغال لفا لفا عشان ارد عليكم سريع نفر نفر
لكن لو لقيت فضوة وعبرت ليكم عن روعة المشهد من لحظة ارسال الرسالة وحتى وصل الرد
على الليمان والرحمن غير الاهتمام بتعليم اولادكم ما اكون عندكم شغلة تانية
فرحة النجاح دي بس نستني تعبي في تربتو 17 سنة
شعور لا يوصف ابدا مستحيل اقدر الكيبورد يوصل مشاعري لكم ايها الاحباب
علما بانه هذا التوفق والنجاح وانا بعيدا عنه وامه تسكن عالي الجنان
فلكم ان تتصوروا وقطعا دموعكم تحجب عنكم الشاشة الان وانا كذلك ولكني اكتب بقلبي وليس بالعين
الدامعة دائما في مثل هذه المواقف
يا الله يا حسن راضي عنك حي او ميت انا
وهو يقرأ كلامي هذا ولايعرف يبكي ولايعرف يفرح ولايعرف اجنن ذاتو
| |
|
|
|
|
|
|
|
|
|
Re: مبرووووووووووووووووووووك حسن ولدي طب أسنان جامعة افريقيا العالمية (Re: عباس محمود)
|
السلام عليكم ياصديقي الحبوب
نِعَم الله علي العباد كثيرة أجَلَّهنَّ نجابة الابناء
هذا النطاسي من ذاك النابغة.
جعله الله من الصالحين النافعين للناس كافة
ورزقك الله ثواب رعايته وتعليمه وجعله الله باراً بك وباهله جميعاً
واولهم اهل التهجة.
الليلة الحســــن طلــــــــب المـــــــعالي واتحكر فوق رُبَاها
بالأدب والــــــعــــــلـــــــم إتْـــقَلَّد وسِهر الليالي الطَّال مَداها
رب الـــــــعباد جَـــــــزاهو خــــــير الأيام الشـــــــاف شَــــــــــقاها
ودالبوش رقـد قَفا مادام الحسن صـان الأُبوة ورعـاها
كععع ابشر بالخير ـ بارك الله فيك وفي الحسن
| |
|
|
|
|
|
|
|
|
|
Re: مبرووووووووووووووووووووك حسن ولدي طب أسنان جامعة افريقيا العالمية (Re: عبدالعزيز الفاضلابى)
|
الف ألف مبروك لإبننا حسن بمناسبة دخوله طب الأسنان....
ربنا يحفظه ويرعاه بعنايته الخاصه ..
عقبال الدكتوراه.. .
نجاح الأبناء شيئ عظيم ولا يأتي من خلال الأماني أومن خلال الصدف ، وإنما يأتي من خلال عمل
واعي وتخطيط دؤوب لا يعرف الكلّ ولا الملّ ..
كما ان طريقه دايما صعب ومليان شوك ومشقه لايعلم مداها إلا الله والناس الحوالي الطالب.
فهنيئاً لكم بثمرة هذا الجلد والإجتهاد. .ز أمنياتنا لباقي إخوانه.
| |
|
|
|
|
|
|
| |
عبدالله ود البوش
محمد البشرى الخضر
Osman Musa
امجد الجميعابى
جمال ود القوز
خالد علي محجوب المنسي
عبيد الطيب
عبدالحفيظ ابوسن
اسامه العريفي
Mohammed Haroun
عباس الدسيس
بدرالدين بابكر مصطفى
محمد عمر الفكي
سامى عبد المطلب
حسين عمر الفكي
حاتم محمد عثمان
عادل ابراهيم احمد
Asim Fageary
Jamal Mustafa
الزنجي
محمد حمزة الحسين
ياسر السر
محمد مجيدو
ahmedona
فرح الطاهر ابو روضة
عزالدين عباس الفحل
الطيب شيقوق
Nasruddin Al Basheer
محمد عبدالقادر ضرار
عماد حسين
محمد فضل الله المكى
عماد الشبلي
طارق ابراهيم ابوالفضل
عباس محمود
عبدالعزيز الفاضلابى
Mohamed Adam
بكرى ابوبكر
سفيان عثمان قرضيه
صديق الموج
علي محمد الفكي
وائل حمزه الزبير
مني عمسيب
محمد علي شقدي
عبد المنعم سيد احمد
Ahmed Alim
ابو جهينة
خالد حاكم
د.محمد حسن
رشا بابكر
عبد الباقي الجيلي
وضاحة
عثمان عبد الوهاب العامري
فدوى الشريف
نعمات عماد
علي دفع الله
عادل الباهي عبدالرازق
فيس بوك
تويتر
انستقرام
يوتيوب
بنتيريست