|
معاوية الزبير ... كمن غاب وضاعت من مقلتيه البلد
|
مهوماً .....
مرهقا .... وسط رماد الذكريات .... وتشتعل فيه الصور القديمة ببيوتاتها العتيقة ...
مهوما ... يمشى فى شوارعها ...
كمن غاب وضاعت من مقلتيه البلد .....
الصحفى وعضو البورد معاوية الزبير فى زيارته الاخيرة لكوستى ....
ماذا يعتمل فى ذهنه .... من مشاهد قديمها وجديدها ...
|
|
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: أبوبكر عباس)
|
هههههههه المرة نجفت في معاوية! لكن يا معاوية ياخي بالغت! تقول ليهو: قريت معاي! بعدين قاعد متوحد كدا تشرف في قهوة مرة كُر عليّ كوستي ذاتها بقت ما فيها ال بيونس (بني آدم)! غايتو فاضل ليك خيارين في ديار الأهل والأحبة: يونسك غرضك أو أي سائل شبيه بالماء وبخلي الواحد ينطق ماء موؤ!
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: mustafa mudathir)
|
معاوية الزبير لا اريد قصم ظهره بالمدح . ولكني لم اجد احدا نأت قدماه عن كوستي واحبها كعشقه لها .. لا وand#65275; ماكثا فيها يجتر خيباته .. صخرة سيزيف تثقل كاهلنا ونحملها املا مشعا لم تضيع ملامح المدينة عنه. فالمدن تعرف عاشقيها .. وتعلم لمن تفتح صدرها لتلقمه حلماتها .. ريا وشهوة معاوية يستخف به الفرح الطفولي واندهاش اعرابي بشري الفاضل .. ويسألك متلهفا عن امسه والذي هو ماضيا سحيقا لي . يسألني كأنه غاب امس كأهل الكهف لا يدري كم لبث ومدينتي تتمطي نعاسا دون ليل .سوي ليلا مخيما لا ينجلي .. نتقادل نحو السمك واختار له من الشوارع اوحشها فقد ارهقني سلاما وعطلني .. ينبهر وينبهض حين يري شيئا من ماضيه كأنه رأي معشوقة طال بعادها عنه واني لأحبه لأكثر مما قلت ..قد آتي حينا آخر .. اكتب ولا ادر هل تساعدني الشبكة ابوبكر استثناء معاوية سآتيك وحتي ذلك كثير محبة من محبته صلاح ياخ شكرا ان اتحت لي شكره
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: يوسف الطيب احمد إدريس)
|
كوستي لا تشبه إلا نفسها .. مدينة الألق والدهشة .. تغتسل كل مساء .. وتغفو في أحضان محبيها .. تشملهم بحنانها .. تهدهد أماسيهم .. لتمنحهم احلى صباح .. جلسة كجلستك يامعاوية .. تحت فضاء كوستي الرحيب .. تتوق اليها أنفسنا .. حتى إن لم تجد انيس .. فكوستي تؤنس وحشتك بهذا الهدوء الشفيف .. الذي يذهب عنكـ الكدر .. دي جلسة ما منظور مثيلا ... ومعاها قهوة بي مزااااج ..
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: معاوية الزبير)
|
Quote: يا صلاح، مُعاوية الزبير في سفرته الأخيرة دي للسودان، لاقاهو في الطيارة شاب (عشريني) سلّم على مُعاوية باسمو وبمعرفة، معاوية عاين للشاب وقال ليهو: ما عرفتك، قرينا مع بعض؟ الشاب قال ليهو: لا، لكن عرفتك من صورة بروفايلك بسودانيز أم الشاب المرافقة له، ردّت على مُعاوية بحنق: قرا معاك؟! هسع دا ممكن يكون قدرك؟! معاوية قال أصابتو ها السكت بتاعت بشرى الفاضل وقال في سرو: تكون أمو أصغر مني! |
احب كوستي و وليداتها انا ...
مشتاقين يا معاويه و ما تزعل من قصة كمال عباس دى ...
مرة يا كمال و يا معاوية ... جانا شاب سوداني ( جراح ) عنده شغل في كندا هنا ...
فعرفته علي شلتي ...
عندنا في الشله صاحبنا من مواليد 56 ...قضى تلاته ارباع عمرو في الديم و عاش كم سنة كده في العمارات ...و قام طوالي بقي من اولادها ...
اها بدا يسأل الدكتور
ياخ و الله بشبه عليك ...
قريت وين ...
و دفعتك منو ....
و الدكتور اظنو من مواليد 74 و اكبر اخوانو ...
و صاحبي امتحن شهاده سنة 74 ...
لمن غلبتو ... قال ليهو طيب عندك اخوان كبار قروا في الخرطوم الثانوية في اول السبعينات و كانو بلعبو كوره في العمارات في شارع 35 ؟
قال ليه لا و الله ... اللهم الا الوالده كانت في الخرطوم بنات و امتحنت في السبعينات ...
صاحبنا قال خلاص اذاً بنكون شاغلناها زمان ...و شكلك جايب شبها
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: معاوية الزبير)
|
المولد مارس 1962
عدد 2 سنه رضاعه و حبيان و تعليم مشي عدد 1 سنه تعليم كلام عدد 1 سنه يا ولد ده عيب و ده صاح عدد 1 سنه في طرف توب الوالده زيارات مستشفي و مشاوير عامه و خاصه عدد 1 سنه مراسيل الدكان و لعب في الشوارع عدد 6 سنه مدرسه ابتدائيه تتخلها اجازات طويله 3 شهور تقطع القلب من طولها ، شريك سمك و طير و قومه و قعده عدد 3 سنه متوسطه تسل الروح ، دافوري و ضرب و لبع و شغل بالغصب مع الوالد عدد 3 سنه ثانوي ، كوره و جكس و طلوع عصاري و برطعه عدد 5 سنه جامعه ، سنين سلبه طويله ، حبنبكانه و سياسه كمان و تحضير و تخرج عدد 5 سنه عمل و خطوبه و مشاركه في الحياه و ظيطه و ظمبريطه الاجمالي 27 سنه حتي 1989 . عدد 26 سنه من 1989 الي تاريخه . فررررررررررررررررررررررررررررررررررررررر جرت و كمان تاني طارت مشت وين ما عارفين .
ربنا اديكم الصحه و العافيه
الايام من 89 اتسربقت من فرق ايدينا يا رب اتمحق الزمن ام فقدنا الاحساس يالزمن
الزبير
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: الزبير بشير)
|
Quote: نتقادل نحو السمك واختار له من الشوارع اوحشها فقد ارهقني سلاما وعطلني .. ينبهر وينبهض حين يري شيئا من ماضيه كأنه رأي معشوقة طال بعادها عنه |
بالله شوف الزول الغتيت دا يا صلاح ! وأنا حالتي قلت عبد الحفيظ متابع لمشاعر المتغربين ونوستالجيتهم وح يشبعها لي تبْ، تبا لك يا أب سن
Quote: بعدين قاعد متوحد كدا تشرف في قهوة مرة كُر عليّ كوستي ذاتها بقت ما فيها ال بيونس (بني آدم)! غايتو فاضل ليك خيارين في ديار الأهل والأحبة: يونسك غرضك أو أي سائل شبيه بالماء وبخلي الواحد ينطق ماء موؤ! |
تماء موؤو مع منو يا مصطفى إذا كان أب سن بقول ليك كان بزوّغني من الحِتّات الأثيرة
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: salah awad allah)
|
Quote: سلام الأخ صلاح عوض الله وضيوفه الصورة على ما اعتقد الحلة الجديدة؟ |
أهلين يوسف الطيب، الصورة في المرابيع وتحت الشجرة القدام بيت ناس صلاح عوض الله. لكن أنا تتساوى عندي ذرات التراب المنتثرة من بعد كبري كوستي-ربك إلى مدرسة القوز في نهاية كوستينا التي يحدها خيالنا حينذاك. _____________________
Quote: جلسة كجلستك يا معاوية .. تحت فضاء كوستي الرحيب .. تتوق اليها أنفسنا .. حتى إن لم تجد انيس .. فكوستي تؤنس وحشتك بهذا الهدوء الشفيف .. الذي يذهب عنكـ الكدر .. دي جلسة ما منظور مثيلا ... ومعاها قهوة بي مزااااج .. |
يا جمال أنيس شنو ياخ! تخيّل مدى ثرائك وأنت تمتلك مدينة كاملة ! فيها : أهلك، جيرانك، أصحابك، ميدان الكوره، الخلاء الذي تشرّك فيه للعصافير، البنات الجميلات اللواتي تختبر معهن حساسيتك للجمال ومؤهلاتك للحب وشروط المراهقة.
أنيس شنو يا زول. ما عليك إلا أن تعمل reward وخلاص. ---------------
Quote: الاجمالي 27 سنه حتي 1989 . عدد 26 سنه من 1989 الي تاريخه . فررررررررر جرت و كمان تاني طارت مشت وين ما عارفين . |
والله يا الزبير: كوبي بيست. فور أول ربنا يحسن خواتيمنا بس.
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: معاوية الزبير)
|
ابوبكر كوستي انتماء وثني لا ندرك كنهة .. نحن الذبن تذوقنا طعمها ولازلنا نخب ونتب في دروبها صغارا .. ارتشفنا قبلتنا الاولي .. وكابدنا فيها طعم الهجر والقلب بكر .. وعلمتنا كيف نصطاد السمك والطير .. وكيف نقطف البطيخ والعجور .. بل حتي ثمار الباباي في جنبنة المفتش .. ولا يتم كل ذلك إلا جماعيا .. فلا نخرج في موعد الحبيبة إلا مع صديق .. فنشأت ببننا تلك الرابطة المجهولة التي تقتات الحب والحنين والاستعداد لبذل النفس فب سبيل الصحاب . والاعتماد عليهم . يكفي ان يقول لك صاحبك ان فلان هذا لا يليق بك ان تباريهو لتتركه مستغنيا عن تجربتك الخاصة . ومستكفيا بحكمه كفاني معاوية توجسا بك وبقيت عاداتي السيئة اعتذر لك هنا عن حذف مداخلتي . وتألمت حين قرأت ما كتبته فيا ود مدني لا املك إلا الود عذرا يا صاحب
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: salah awad allah)
|
يا مراحب أخونا معاوية (المشبع بحب كوستي)
Quote: أهلين يوسف الطيب، الصورة في المرابيع وتحت الشجرة القدام بيت ناس صلاح عوض الله. لكن أنا تتساوى عندي ذرات التراب المنتثرة من بعد كبري كوستي-ربك إلى مدرسة القوز في نهاية كوستينا التي يحدها خيالنا حينذاك. |
تعرف أنا سألت شان الشارع وتفاصيله ما غريبة علي، لأنو بنمر من السكة حديد في مشينا للسوق بالشارع دا تقريباً، وحقيقة أنا زائر وليست مقيم بكوستي لكن احتمال تعرف أهلنا في الحلة الجديدة أهلنا الماحياب ناس احمد علي مصطفى وناس الخير عبد الرحيم وولدو عبد الرحيم الدكتور وكان عندنا خالنا المرحوم مهندس بابكر الطيب في النقل النهري وخالنا يوسف الطيب (صاحب الاسم) كان في حي النصر وجدنا عبد الرحمن أبو الجاك في 34 وكان عندنا ابن خالنا مولانا عباس علي بابكر رئيس الجهاز القضائي وحالياً تم نقله للمحكمة العليا في الخرطوم ولنا في كوستي ذكريات جميلة
| |
|
|
|
|
|
|
Re: معاوية الزبير ... كمن غاب وضاعت من مقلتيه البلد (Re: salah awad allah)
|
اهلين أصول أهلنا من الجيلي هم جعليين جميعاب وهجرتهم كانت مع الأستاذ محمد شريف نور الدائم استاذ المهدي وكانت لعراديب ود نور الدائم شمال الشوال وبعد ما عملو امتداد المناقل خالنا العمدة علي بابكر والد مولانا وغازي هو رحل الناس لسبعة ود اللبيح شان الحواشات. وفعلاً مولانا عباس اجتهد في مباني القضاء كتير التحية لكوستي وأهلها الحلوين
| |
|
|
|
|
|
|
|