|
|
 بورداب الرياض الهميمين .. فزعة ,, ابحث عن شقة عوائل في الاماكن التالية ..
|
الأخوه الأعزاء بورداب الرياض الاوفياء .. دائما نلجأ لكم في الملمات ونجدكم عن حسن الظن دائما.. فاتمنى ان اجد منكم المساعدة في الحصول على شقة (3) غرف عوائل بحالة جيده وبسعر مناسب في الاماكن التالية :
المربع ،، الملز ،، الوزارات ،، المعزر،، الشميسي ،، البديعة ,, بن دايل ،،،
ولكم خالص شكري وتقديري سلفا ،،،
تحياتي : ياسر العيلفون
|
|
 
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: فتح العليم محمد أبوالقاسم)
|
Quote: سلام ياسر
في شقة بنفس المواصفات في حي الملز والشقة جديدة سعرها (40 الف ريال ) شارع ا لجامعة .
وبالمرة نكون جيران .
مع احترامي |
فتح العليم سلام .... ياسر اخبارك يا وجيه
40 الف ريال بالسوداني 100 مليون بالقديم
ياسر العيلفون عشان ببني في بيت في السودان حق الايجار بطلعو من العدادات
لو افترتضنا بعمل حفلة في الشهر وسبعة حفلات ايام الاعياد جملة الحفلات 19 حفلة
وبعد ما اوزع حق العازفين والساوند سيستم بفضل ليهو 1000 ريال يعني دخلو من الحفلات 19000 ريال سنويا تقريبا
يا حبيبنا شقتك غاليه مرة البحث لي ياسر في حدود 15 لي 19 الف ريال ...... صح يا ياسر
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: عبد الله شم)
|
سلام ا ستاذ / عبدالله
واسال الله ان يسهل لود العليفون ياسر امره وان يجد ما يطمح له من سكن وبإقل الاسعار .
الملز اسعارها غالية ويتوقف الامر على حسب العمارة وتشطيبها وموقعها هذه العمارة فاتحة على شارع الجامعة مواجهة لوزارة العدل ، قمة في التصميم والتشطيب ومكيفة والايجار شامل الكهرباء .
الايجارات في شارع الفرذق عند مستشفي عبيد غالية شوية نظرا لوقوع المنطقة على المدارس العالمية المهمة مثل مدرسة ( جواهر الرياض ، صقر العالمية ، الشعلة ) وقربها من طريق الملك عبدالعزيز وامكن تحصل في بعض الحالات اكثر من اربعين الف ريال
وبعض احياء الملز القديمة ايجارتها معقولة ولكن يستحيل خلو شقة وأن حدث تكون معجزة .
مع احترامي
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: ياسر السر)
|
ياسر يا حبيب كيف حالك،
المربع نوعا ما غالي، لكن في فرص ممكن تلقى شقة مناسبة بمواصفاتك، والنظافة ذاتا ملحوقة تدهن وتدفع، ولا تحتج
في حدودوالتأشرات الكبيرة، وبقولك بحكم اني اسكن في هذا الحي،
بس عاوزة سك، ومتابعة وشوية صبر،
ارسل لي تلفونك في الخاص لادلك على مكاتب العقار في الحي،
وبرضو الجرادية فركة كعب من المربع وهنالك برضو فنانين، عندك طارق ميرغني ؛
البديعة لو ما بعيدة معاك تلقى فيها ما تود ونظيف ورخيص، بس فوق شوية من شارع عائشة بنت ابوبكروانت طالع ...
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: عبد الله شم)
|
| Quote: تخريمه : يوم الخميس ما قلنا ليك تعال جاهز علشان راح الميعاد وزماني راح ... على العموم الجايات ان شا الله . |
خيرا في غيرا
صديقنا عبد اللطيف بكري طلبو ما ساهل عندنا ـ ودا الخلاني أصدق صدري وأقيف وسط البلد وأعلن التحدي
يا أبو اليسر قول بسم الله ـ لو مقر عملك في تقاطع مكة مع خريص فهو ما بعيد من العزيزية
أنا شغال قريب أستاذ الملك فهد وساكن في العزيزية
العزيزية منطقة هادية وما فيها مشاكل باركنق وفيها عدد كبير من العمارات الجديدة الغير مؤجرة يعني ممكن تسكن على الزيرو
ربنا يسهل ليك
| |
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: محمد علي البصير)
|
الحبيب ود البصير العزيزية فعلا منطقة هادئة وما فيها مشاكل باركينغ لكن انا هسة بقوم مع النباه لمدرسة البنت وهي جوار كبري الوشم يعني لو سكنت العزيزية دي اقوم للمدرسة متين مع اغلاق الاسواق ولا شنو ( الساعة 12) بالليل ، ، ههههههههههه ,,, تسلم يا حبيب وربك يقدم الفيه الخير .. لكن الظاهر انت لسه ما دخلت معمعة المدارس في البلد دي ,, ياخ لو ما الرسول (ص) قال اطلبو العلم من المهد إلى اللحد ,, الواحد كان خلي البت دي تقعد في البيت لانو قومت المدارس في البلد دي تخليك زي الزارع ليك برسيم ههههههههههه لكن نعمل شنو العلم مهم ورسولنا اوصى به ..
تحياتي : ياسر العيلفون
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: ياسر السر)
|
سلام ياسر
في شقة سعرها معقول للغاية موقعها البديعة القديمة قريبة من مطاعم الشرائع وكذلك من مستشفي الشميسي مواصفاتها ثلاث غرف وصالة سيب فقط لاتصلح أن تكون صالة لاستقبال الضيوف فيها حمامين ومطبخ .
سعرها تسعة الف ريال في السنة فقط هل تصدق ؟
المهم مستأجر الشقة سوداني على حسب معلوماتي منه مباشرة بإنه منقول القريات خلال الايام القادمة ، لو تنفع معاك امكن انسق ليك معاه تشوف الشقة .
طبعاً الشقة عوائل والعمارة فيها خمسة شقق والموية كويسة وايضا فيها باب خارجي .
مع احترامي
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: طناحي عبد المطلب أبوبكر)
|
الحبيب عثمان موسى كلامك عين العقل والله ,, لكن يا خوي شقتكم دي يصلوها كيف مع الايجار مافي لوتري او فيزا عمل .. وبي كده تكون شقتك دي مناسبة معاي مية المية ,,والله حلات الصالون في الدبيبة يا عثمان ياخ بلدنا ديك حنينة شديييييييد ,, اما عن بترول ود الباوقة انا كان رجيتو ياني السكنت هنا لي اخر يوم من عمري ولا شنو ,,,
تسلم كتير يا حبيب بس كدي شوف لي خوك شقة في بلدكم ديك والباقي خلي اولاد الدبيبة يتمو ..
تحياتي ليك يا حبيب :: ياسر العيلفون
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: ياسر السر)
|
العزيز احمدونا لك الشكر والتقدير على النصح وفعلا هي انسب ولكن يا خوي اهلك ناس العيلفون ديل بنتعب معاهم بالمشاوير من والى ضاحية لبن لانو كل شوية ده عزاء وده عرس ودي حنة وده في المستشفى وده مسافر وده جاي زيارة وعييييييييك .. وده كلو بعد الدوام يعني لما نبعد عن وسط البلد بنتعب معاهم بلحيل ,, ربك يهون الامور بس ..
شاكر ومقدر لك مساهمتك واهتمامك ..
تحياتي : ياسر العيلفون
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: ياسر السر)
|
الشفيف الاديب يحيى قباني ياخ تورنتو دي انا زاااتي كايس ليها ما لاقيها ,, قال تنفع قال ههههههه ،، ياخي اشكرك كتير والله و يا ريت لو انا في الحي معاكم وانا ليكم جار ,, وما قصرت يا حبيب كلك زوق .. ودي ياها الصداقة البين يحيى وياسر وخلينا ناخد الاجازة وفي تورنتو نعيد ...
شاكر ومقدر لك لطفك ومشاركتك .. اها كفاك ولا ازيدك من الجاغريو بيت ....
تحياتي : ياسر العيلفون
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: ياسر السر)
|
العزيز طناحي شاكر ومقدر لك اهتمامك ومشاركتك .. اما بالنسبة لبن دايل لقد بحث فيها ولم اجد شي مناسب من ناحية سعة الغرف واغلب الغرف ضيقة جدا وقد ذهبت لمكتب الهويش اكتر من مرة على الرقم من انه يوجد به سوداني اسمه صلاح على ما اعتقد ولكن لم اجد ما يناسبني لديهم واهو لسه البحث جاري ... ونتشرف و نسعد بجوارك يا راجل يا طيب ،،،
شكري وتقديري لك ولسعيك ..
تحياتي : ياسر العيلفون
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: ياسر السر)
|
Quote: تخريمة:
مخرج 12 كيف معاك؟؟.. منها تكون قريب لصاحبك عباس..
جنب حلويات سنابل السلام.. يا ود يا حلو..!! |
ايمن دياب يا وجيه سلام
مشتاقون ياخ
لو ياسر بقي جاري نشوف لي بنقز
ياسر انت لسع ما لقيت الشقه ذكرتني ايام سفرة لبنان الجماعه نزلونا في فندق 5 نجوم وتعال شوف التجدع الاكل بالشمبانيه ((خليها خالي كحول زي بتاعت السعودية)) ومعاها المقبلات تبهرك وهاك ...تبوله / فتوش/ هندباء بالزيت/ ارضي شوكي بالزيت/ مغمور/ مدردره / مجدره/ ثريده / كبه .... تصدق دي كلها اسماء اكلات والقائمة تطول ، كل ما تشوف ليك اسم غريب تقول تجربو انت دافع قروش.
أها بالليل جاني واحد بتاع الخدمات لابس ليهو بدله عمر الجزلي ما عندو قال لي عايز طرمه.... قلت ليهو ايوه بالحيل بس بي سرعه يا زلمي.
بالله بعد شويه كان اشوفو ليك خامي الجكس وجايبو لي.
يا زول انت بتفتش لي شقه و ل طرمه في السعوديه.
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: عباس الدسيس)
|
عباس الدسيس الحبيب الله يجازي محنك يا عبس والله يا عبس بقت علي حكاية القصة ديك ( تلقي الخرابة وما تلقي ......) يعني تلقي شقة وتلقي الخدمات بعيييده منها وتلقي الخدمات تلقي الشقة عايزة ليها 5 الف صيانة وتجديد وهلم جرا ,,, واهو لسة البحث مستمر ,, وما انت عااارف طلبات الاسياد ديك ما فيها تفاهم ابدا ،،، هو انا زاتي الوداني حي الزهور شنو يا عبس ,,, ربك يلطف بس ,,, يلا انت راجل علاقاتك وااسعة همتك معانا ..
تحياتي : ياسر العيلفون
تخريمه : انت رحلت مخرج 12 ونحن ما عارفين ؟؟ طيب الكرامه وينا ..
| |
|
|
|
|
|
|
|
|
|
Re: بورداب الرياض الهميمين .. فزعة ,, ابحث عن شقة عوائل في الاماكن التالية .. (Re: أيمن دياب)
|
Quote: ركز شوية يا حبيب وأركز.. نحنا قاصدين صاحبك اللواء عباس بتاع الكوارع..
تاني بتجوا مخرج 12؟؟ |
عمك راسو ضرب يا ايمن
الرسالة ادناه جاتني في الايميل
Quote: شقة عوائل للايجار بحي أم الحمام الغربي
بشارع أبي بن كعب متفرع من شارع الأمير نواف بن عبدالعزيز (الأربعين)
قريب جدا من طريق الملك خالد
الشقة عبارة عن غرفة وصالة ومطبخ وحمام.
التسليم من الآن وسينتهي ايجارها في 1436/1/20 هـ
قيمة الايجار السنوي 14000 ريال .
المطلوب 2300 ريال فقط قيمة الايجار المتبقي
الجوال التواصل : 0569402919
الرجاء الاتصال بعد الساعة الخامسة مساءً وحتى الساعة العاشرة مساءً
|
| |
|
|
|
|
|
|
| |
ياسر السر
فتح العليم محمد أبوالقاسم
ismeil abbas
عباس الدسيس
محمد علي البصير
عبد الله شم
سليمان القرشي
عبدالمنعم الطيب حسن
abuguta
Osman Musa
ahmedona
يحي قباني
طناحي عبد المطلب أبوبكر
خالد عبد الله محمود
فيس بوك
تويتر
انستقرام
يوتيوب
بنتيريست