الطاقات المهدرة

Quote: لمعرفة لم عدلنا عن عملية البيع, اقرأ الرسالة التالية التي بعثت بها لبكري, والذي تجاوب معها مشكورا, و منحنا قطعة الأرض الناصية هذه في مدخل مدينة بكري لاند الرئيسي – البعيد من الخور- اقرأ الرسالة (حذفت بعض الأجزاء , شوية جرسه وكسير تلج) " بسم الله الرحمن الرحيم الأخ م.بكري أبوبكر تحية طيبة و بعد بدايةً تقبل تحياتي وتقديري لكم على هذا المنتدى الرائع ذي التصميم الجذاب على المكانة المتقدمة التي احتلها وسط المنتديات السودانية و العربية بإدارتكم و مساهمات الأعضاء الكرام. أستميحك عذراً لاقتحامك هكذا من غير سابق معرفة, و أرجو منك قراءة مناشدتي هذه. أنا عضو في منتداكم Sudaneseonline.Com بلا كلمة مرور, لماذا عضو؟ لأنني و منذ أن أدركت أن للإنترنت فوائد أخرى غير التسلية صرت مدمناً على المنتدى , أفتتح و أختم به إبحاري, أصول و أجول بين صفحاته و أراشفه وأكاد أعرف أعضاؤه فردا فردا ألتهم مقالاتهم و أحلي بالردود والمداخلات. فقد كنت حاضرا في تكريم بورداب الرياض الأستاذ السني, و قضيت سحابة نهاري مع بورداب الدوحة على الشاطئ, ناهيك عن سهرتي في احتفال بورداب الخرطوم الذي لملمت كراسيه وزجاج البارد الفارغ. و كم ضحكت مع تصاوير ملاسي و تعليقاته, وونسة عمر الفاروق العاضَة, وأعاد لي خليل ذكريات الميدان الشرقي, و خلعت نعلي تأدباً قبل دخولي صالون الأدباء بيان و المشاء و عجب الفيا و شاهين و محسن, و خشيت أن ارفع المفعول به أو انصب الفاعل عند مرور الحبشي.و أدركت ما وراء السطور مع هاشم بدر الدين و ما تحته خط من عند فاروق وضاق نفسي من بمبان مظاهرات السكر عند البحيري, ليزدان قميصي بدم الشهداء و الجرحى في أمري و أنا اعاون عسكوري في إنقاذهم, و قد خفت مع بخاف, و كرهت نفسي و تصالحت معها لدى بشاشا , و سكت عن شؤون البيت في سفر الأستاذة نور, و ترحمت على شهداء رمضان و أنا باق قليلا في لحظة من فضلك. طلعت مشوار بتاكسي هباني -بدون عداد- لمقابلة كيكي و بدر الدين مال سوي قرقر واجد زين – لكني وجدت منعم لازال يحكي. و بينما مررت لتحية المعتصمين لأجل دارفور اطلعت على لائحة اتهام المحكمة الجنائية الدولية, و نبض قلبي في أمان الله مع فراكلي وهو يحصي القتلى الأمريكان في العراق. و أنا في طريقي لمباركة فوز الهلال بالدوري لياسر قمت بتعزية سامي و راكوبة في رواكيب المريخ , وجدتهم مع متولي يحكون عن مساطيل أخر زمن و طرائف البورد 2006 . لكني حزنت لتراحي و بقال و قوقل , و أفتقدت نقطة UP-- عصام الشهيرة و قصائد التجاهل ل د.مصطفى . و لقد خستكت مع يازول, و تجولت في التاريخ مع المفتاح, لأتفلسف مع هشام بخبر عطا المنان العاجل و الهام, و لما تعبت استرحت عند لؤي و طربت مع ناذر( ولكن بالغت يا فيصل في حمادة بت) و استمعت لخدر, وتابعت الموصلي يضع اللمسات الأخيرة لتلحين شعر د.معز. فختمت بدكين وما ادراك ما دكين أسأل الله ألا يكون إكمال نصف دينه على حساب كل روعة قلمه. ولما أردت إلقاء التحية على الأحبة , ضغطت زر الرد قال لي" عذراً حبيبي أين اسم مستخدمك؟ أين كلمة مرورك؟" قلت "لا املك" قال" فعليك بأخر حجرة في الممر علي يدك الشمال للتسجيل", دلفت إلى المكتب فوجدت الباشكاتب على مكتبه عشرات الملفات بعضها عليه الغبار والبعض بنت عليه العنكبوت وباضت الحمامة, والآخر أكل عليه الباشكاتب الفول و الطعمية و شرب الشاي, قلت" أريد التسجيل" , نظر إلي من فوق نظارته وقال" أكاتب أنت ؟" قلت "لا". قال "شاعر إذن؟ "قلت "لا", قال" عساك صحافي؟" قلت "كلا",فهمهم و طمطم ثم نظر ثم عبس و بسر ثم فكر و قدر و قال " يا ولدي مالك علينا , الباند ودث براهو ما ناقص ناس القصائد ديل مكملنه , الفايلات القدامك دي كلها ناس زيك كدي مقدمين ليهم شهور وسنين دايرين التسجيل, و نحنا نضاير فيهم جاي و جاي , و حبة الباندودث المفضلة خالنها للفئات السألتك منها دي, لكن عندنا خطة توسعة مجازة و جاهزة لكن دايرة ليها بند في الميزانية الجديدة, فإنت خلي أوراقك هنا و بنتصل بيك إن شاء الله" , قلت "لكن يوجد كثير من الأعضاء الجدد سجلوا", ضحك حتى إرتجت كرشه ثم إستغفر و تجشأ قائلاً" يا ولدي ديل ما الفئات القلتها ليك ديك" . قلت" أنا قارئ مداوم دا ما بيشفع لي", قال" و الله يا ولدي ما في يدي حاجة دي تعليمات الإدارة". فأطرقت مليا ً و استدرت لأنصرف, فناداني قائلا" يا جنا كدي أقيف , آنت ما عندك واسطة ؟" قلت " كيف؟" قال " يعني عضو قديم أو شخص معروف لدينا يكون موظف حكومي راتبه لا يقل عن ......... $ يضمن لدى الإدارة إنك شخص حقيقي ذو حيثية مسؤول من أقوالك و أفعالك"مش mask؟" قلت" والله أنا زاملت عضو البورد د.سعيد زكريا سعيد في الدفاع الشعبي و نحنا داخلين الجامعة سنة 1990 لكن ما عارف يذكرني ولا لأ وما عندي إتصال معاه, كمان في نسيبي العضو : بدر الدين كاجور في استراليا لكن للأسف ما عندي رقمه أو بريده و هو طول ما شارك , ............. ................................................................................................................................................................. قال" كان كدي يا ولدي إتوكل على الله و خاطب بكري مباشرةً و الفيها خير الله بسويها". وأنا منصرف تذكرت طرفة صاحب الحمارة الذي ضاق به الحال فقال في نفسه "التصبح الوطة كن الله فرجها فرجها ,كن ما فرجها ببيع حمارتي بفرجها علي رقبتي," فأصبح الصبح الحمار ميت" فغادرت وأنا عازم على مراسلتك يا بكري – زي ما قال الراجل بتاعك في مكتب التسجيل- فأستحلفك ب لله لا تحرمني الاجتماع بمن أحببت و تناقشت و تسامرت معهم اختلفت مع بعضهم بلا إفساد للود ,حزنت لحزنهم و فرحت لفرحهم,ضحكت لملحهم طربت لجميل حكيهم , غضبت لبعض قبيحهم, إستنرت من مستنيريهم و اظلمت مع ظلامييهم , فانا منهم و من هذه الأسرة الكبيرة التي تساهم في توثيق و صنع التاريخ للأجيال السودانية القادمة, فعشان ما أبيع حمارتي (أأجر باس ورد ولا أروِح بكان تاني) أرجو منك التوسط لي لدى باشكاتب التسجيل للنظر في أمري ودفع ملفي لأعلى و حجز خانة لي في الخطة التوسعية القادمة . و لك الود كله

Quote: بت الجنيد سلام طبعا جابتنى الونسه مع الحبوبات والضل البارد ده شايل لى جريده فوق راسى من الهجيره وصارى عين من الشمس ووراى شافع سايق ليه لستك ترتار،وكان ما مسكته كان كشح ليك الجبنه فى هدومك مع انه حبوبتى قالت القهوة كان انكشحت فى هدوم الزول جاياه قروش.. يعنى مسكته حساده منى ساكت... وشايف حبوبتك رابطه راسها بى دلقان اخدر..نعلها عافيه... وطبعا حبوبات زمان كان لما تقعد جنب الواحده فيهن ريحه حلوه خلاص.. مزيج من الصندليه والبن والكركار وبخور التيمان والمحلب.. والله يا سوما اتذكرت ريحة توب حبوبتى .. احى يا الغربه بت ال ك ل ب.. انشاء الله تعقرى... اها انا مره قاعد مع حبوبتى طيبه بت ود عمار فى ضل نيمتنا جات قمريه ركت فى النيمه وبتقوقى.. وكان الكلام ده فى نص عهد نميرى وبداية الغلاء، والبنزين والعيش بالصفوف وانعدام المواد التموينيه.. جاز..بصل...زيت...صلصه.. كلهن فى شبه المعدوم .. المهم حبوبتى دى كانت مره حكيمه خلاص الله يرحمها قالت لى يا الصديق ياولدى مالو نضم قمريكم ده مازى نضم قمرى زمان؟؟ قلت ليها كيف يا حبوبه؟ قالت لى زمان قمرينا كان بقول احمدو ربكم ..احمدو ربكم،، قلت ليها ماتراها قمريتنا بتقول احمدو ربكم.. قالت لى برى وحات الحاج القلمو ما ظلمو.. (الحاج ده خالى كان ضابط بوليس فى المناقل.. اسمعى قلمو الما ظلمو دى..طبعا ماساله فى بروف عنده دكتوراة فى تخصيب اليورانيوم او علم الجينات) المهم قالت لى.. تاخد الحاج قمريكم ده يتوارى لى بقول بطريقتكم ..بطريقتكم..بطريقتكم.. ضحكت فعلا قمرينا بدل غناهـ... لكن اظن الزمن البقينا ندق فيه بناتنا فى اقسام البوليس ده.. بقى يقول سجم اماتكم..سجم اماتكم..واللا الترابه فى خشمكم.. ايهم اشبه بهذا الزمن القمىء.... اها النجيك واوريك ونسة جاراتنا حبوبات كده.. ود محاسن بتى وديناهـ الاسبتايله ..وسوا ليه صورة الاشاعه.. لقو عنده انتهاب رووى.. تنط التانيه دحين ما كتبولو مضاد حلوى؟؟ شن خبرنى غايتو صرفولو كباسين حمر كده.. اى ياهو المضاد الحلوى بنفعو لكن.. اسماء الجنيد خسمتك بالرسول ما تفوتى من الضل ده وانقلي البوست ده عشان الشرشفه واللا الشحتفه حقت بكرى ابصلعه ده انا مسميها هادم اللذات ارشفتو دى.. نلاقيك من الارشيف يا حبوبة اسماء، وجرى الفاتح على الضل ده.. باقى هو ود حبوبات بدرجة فارس ليك وليه وللعيال تحياتنا،،، صديق الموج...

Quote: جاي ترجّع الماضي ؟، أها أنا معاك. لا لإهدار الطاقات، ولا لدفن المواهب في عكنيبة البورد...

Quote: فانا منهم و من هذه الأسرة الكبيرة التي تساهم في توثيق و صنع التاريخ للأجيال السودانية القادمة,

Quote: أساسي يا عمك إنت من زمن الناس بتفتح بوستات تكوس إرضاء اذواق الآخرين يا حليلك هنا يابوي بنسوق على هوانا و آخر حاجة بنفكر فيها مزاج النظارة و إبهارهم بالجديد و التكرار لو حصل ما مننا معناها البورد مكرر لكن دي تحتاج النظر بجدية Quote: انا بقترح انه ابو يفتح ليهو بوست براهو . وود البشرى يعتزل أسابيع البورد .... II خصوصا حتة الإعتزال دي لاسيما بعد حصول اخوك على مكتبة ناصية وعا########ي وكدا

Quote: يا اخوان بدل كل مرة البورد ده يفقد واحد من مبدعيه وتجى بوستات المناشدة بارجاع فلان،وفلان ما قادر يدخل البورد..ولائحة بكرى حمالة اوجه وتقبل مليون تفسير وما عارفين الممنوع شنو والمسموح شنو.. واللائحة كيف تطبق ..عليه نعمل لينا لجنة مصنفات ويكون رئيسها الطيب مصطفى او الطيب سيخة وهم كثر بالبورد..اناتى وضكور يقوم الواحد يطبع البوست ويرسلوا للجنة المذكورة وتقوم هى تراجعوا وبعد داك تنزلوا وتقول ليك..جزاك الله خير ...وفى امان الله . او تقول ليك لايرقى الى مستوى النشر.....او يقولو ليك ملعون قاتلك الله..وطالما ان ذلك يتم بالماسنجر الداخلى مافى زول بعرف منو الكافر ومنو المسلم ..بدل شيل الحال والعقاب العلى مسمع ومرأ من العالم كله الا اذا كان..وليشهد توبيخهم طائفة من كل انحاء الدنيا مدرجة فى البنود السرية لقوانبن المنبر. واستشهد بمقال الاخ البرنس والرجل لم يزيد ان نزل وبناء على طلب الكثيرين وبشهد الله مريم بنت الحسين اشجعهم مقال المقريزى لانه فى دول الخليج الكتاب لايمكن تصفحه..ولما طلبنا ذلك عشان نشوف الزول قال شنو..بدل انتقاده بدون اى فهم..ولماذا لانرد على المقريزى وندحض حججه بالبراهين والادلة ونحن نملك دينا لاياتيه الباطل لامن يمينه ولا من شماله ولا من مليون مقريزى واى مسلمين ومؤمنين هولاء الذين يزعزع يقينهم كتاب كتبه انسان عادى مهما كانت درجة تعليمه او ثقافته..مثل هولاء والله لايحتاجهم لا الاسلام ولا المسلمين..لان الرسول صلى الله عليه وسلم يقول المؤمن القوى خير من المؤمن الضعيف..الا اذا كان فهم هولاء المتاسلمين قد فهموا ان المقصودة هى القوة الجسمانية... وفليعلم هولاء اسهل شىء ان تقول ان فلان كافر وعلان علمانى.يا شباب هذا دين الحق..ونشهد الله ماصارع الاسلام شخص الا وصرعه..ولكن اخيرا اقل انسان يدخل هذا البورد عمره قرابة الثلاثين فاذا كنا نخاف على من قضى ثلاثون عاماوهو مسلم من الارتاد فالسلام على الاسلام والمسلمون ودمتم،،،

Quote: مش حرام ابداع زى ده يعقبو ال خصومة لا ودى ى يجب اردم يا ود المدير حتى يعودوا للكلمة الانيقة و هم صاغرون

Quote: طبعا لا حظتو للأيقونة دي مع الزرزرة الحايمة اليومين دي للإحتياط مفروض تلصقها اول شي حتى لو ما ناقله ياخوي الدنيا ما معروفة يطلع واحد كدا ولا كدا هنا ولا هناك راودته نفس فكرتك دي راح كاتب زيها , عمك قوقل دا ما بجامل ولا بفرز و الشباب يعجبوك في التشهير و شيل الحال و قالوا السترة و الفضيحة متباريات الله يرحمك يا حاجة ستنا طوالي كان بتردد العبارة دي , حاجة ستنا دي كانت جارتنا في الحلة مرة تمام شخصيتها قوية جدا عندها ما شاء الله كان عشرة ولا حداشر ما مذكر من ولد لي بت كان عندها كلمة في الحلة تمشي على اتخن شنب زي ما بقولوا المرحوم التجاني الزين رغم إنو كان صعب و راسو حجر ما قدر يقول ليها حاجة لمن حلفت عليه يرضى من ولدو الريح و يعافيه و يمشي العقد بتاعه اصلو عمك التجاني كان داير الريح ياخد الشفة بت نور الدايم ود خالته و جاره في نفس الوقت لكن الريح كان داير نور الشام بت عبد الوهاب سيد الدكان , و علي التعتره عمك التجاني عندو مشاكل مع عبد الوهاب في موضوع التعاون و السكر و كدا بمناسبة التعاون و السكر دي الزمن داك كان نظام الجمعية و التعاون و السكر بالصرفة شغال اذكر كل اربعاء بشيل الجردل و الكرت و امشي الجمعية من الساعة تلاتة عشان تحجز في الصف طبعا دا كان اجمل برنامج لأنو على بال ما تفتح الجمعية بعد صلاة العصر بنكون مدورين البلي واجمل شي لما بنات الحور يجن ماشات الدرس بنوقف البلي و نقهي زين تلقانا فاتحين خشمنا بنات الحور ديل انا ماحدستكم بيهن مش؟ ياخي ديل مبالغة بنات حاجة النية إتنين تومات ممتحنات السنوي العام أظن كانن و اختهن السغيرة في اولى يا بوووووووووي بنات زي الورد بيض و طوال سمحات سماحة يجن ماشات يتقدلن في الشارع يوقفن الحركة أها امهن حاجة النية دي كانت صعبة شديد و ما بترضى في بناتها الحبة الله يقدرك تقع في يدها تكون غلطت ولا شاغلت واحدة فيهن بعد ما تنهزرك كويس تجرك من أضانك وعلى بيتكم طوالي و تقعد تردح " بتلدوهم و تطلقوهم في الشوارع زي الغنم","نربي ليكم إحنا" كان عندها لسان اجارك الله متبري منها لا يفوقها سلاطة إلا عمك عباس الكوتش دا كمان حكاية تانية على سلاطة لسانه كان الله يكرم السامعين ما مية مية و رياد بطريقة عجيبة جدا في الكوتشينة بدل يلعب مع الجلاكين دفعته تلقاه من المغرب حاجز في طربيزة الشباب الطرابيز و الكوتشينة المدورة دي في النادي طبعا , اها النادي دا قصتو قصة قاليك اصلا كان روضة بنوها ناس الجمعية في ميدان في نص الحلة الشباب كانو معترضين على بنا الروضة في ميدانهم على اساس بلعبوا فيه الكورة في العصريات و حاجات تانية بالليل لكن في النهاية اعمامك مشوا كلامهم الروضة ما نجحت في الأول ما كان في مدرسة متفرغة تمسكها ولمن في النهاية اتفقوا و عينوا حرم بت ست النور الناظرة ما لقوا شفع كفاية المهم مشروع الروضة ما نجح فقلبوها نادي وكدا

Quote: منظر تانى: التومه بت ابضلف جات تقدل شايلها سعفها فى راسها،و متابطةاساس لمشغوله لم تتخلق معالمها بعد،لكن بلا شك سوف تكون النتيجة لوحه من مشغولاتنا اليدوية... فى يدها كورية بلا قعر وهى تصيح من بعيد هوى ود السارة ناولنى مويه فى الكورية ابل فيها الحنقوق ده.. باقى الطبق ده ملحقاهـ عرس العوض ود كلتوم.. القهوة ما بدورهـ لكن عليك الله يابت الجنيد تتباركى الرسول شوفى امك كان عندها حرجل اغلى لى منو قبضة اييد.. عندى نحار داير يلحقنى الرقدو... تجلس حبوبة التومة وقبل ان تتمهل فى الجلسه ياتى شافع لابس فنيله بى حمالات،حافى القدمين،اغبش كما الفول المدمس ليه كريشه.. نعم هو معاويه ود المدير..وهو بلوك فى طرف الفنيله يستطرد حبوبة التومة امى قالت ليك كان عندك طايوق اديها حته فى الكوز ده.. حاجة التومة متبرمه: هسه امك ماعرفت ترسلك للقاشور دهـ الا بعد ما وصلت هنا.. مابقدر اصد امش شوف ناس خالتك بخيته.. يذهب معاوية ومازالت الفنيله فى فمه.. ياحليل فنايلنا كنا نتم بيهن الغداء فى امانة الله كما المعيز نلوك فيهن.. مخير الله لاشفنا مذركير لابامبرز لاسيرلاك،يصدق معنا ان نقول منذ خشونة اظافرنا،لانه لانعومه تذكر.. بت الجنيد والضيوف ضل النيمة مسرح، صور كثيرة تتداعى واخيله متماوجه واطياف متشابكه كلها جميلة لدرجة لا تعرف على ايتها تتكى او بايتها تمسك لترتاح من رهق هذا الزمن الاشتر الجهجاهـ سريع الاستدارة.. زمان كانت الحياة جميلة خضلة،والناس اطيب واكثر رحمة.. قطعا سوف اعود للراكوبة بمشهد اخر،،،

Quote: ملاحظ في البورد اليومين الفاتو ديل كمية من البوستات و البيانات على شاكلة خبر عاجل و حصري و بتاع شايلة اخبار و قوالات و اشاء غريبة جدا تمس آخرين في حياتهم الشخصية أو مواقفهم السياسية و كالعادة يجي العميان شايل المكسر و يبدو يكيلوا من التقيل في حق المعنيين ولا ينسوا يدوا الحكومة - طبعا - حقها بعد كم و كم من المداخلات و التكييل و تبرع البعض بتأكيد القصة من مصادرهم الخاصة - الموثوقة طبعا - تحين لحظة الحقيقة و يتبين ان هناك لبسا او خطا ما بل و قد يكون البيان مدسوسا ولا علاقة له بالجهة او الشخص اللذي ذُيِل بتوقيعه فيختفي البوست او الخبر كأن لم يكن ولكن يكون الضرر قد وقع اصلا وهناك سمعة قد لوثت و ثقة اهتزت اتمنى من الإخوة الكرام عدم التسرع و إصدار الأحكام و النعوت قبل التأكد من الحقيقة فالكلمة - الشينة بالذات - إذا خرجت احدثت من الضرر ما لا ينفع معه سحبها ولا يجدي الإعتذار دا غير انو بعض الناس بتعمل رايحة من الكلام الكتبته فلا إعتذار ولا يحزنون و يواصلوا حياتهم عادي اعتمادا على سحب البوست المعني الأخ امين الموقع الرجاء بذل اقصى ما يمكنك من جهد للإستيثاق من مصادر الأخبار و البيانات اللتي تصلك قبل نشرها فيبدو ان هناك من يستغل الموقع لتصفية حسابات ما وفي النهاية بتشيل وش القباحة براك وعموما كدة حقو الناس كلها تشيل رجلها من البنزين شوية في الحالات دي قبل ان تصيب قوما بجهالة

Quote: أسمع .. قلت لي شامي كابور لا شامي ريحة احسن

Quote: سلامات جلّي وود المدير

Quote: يا جلالدونا اكرب عضلك، قبض السمكة في الموية بيدورلو مِننا بصارة. والله صحي...

Quote: تصدق يا جلال بشامي كابور دي قاصدني أنا. الزمن داك كنت برلوم وما عارفني عندي صلعة. والله صحي...

Quote: غايتو يا جلّي من أسّي تديني خاترك في الح يحصل في بوستك دا وقت بديت بي مكتبتي كان تعمل تمويه كدا وكدا وتجيبها في الآخر ههههههههههه

Quote: وعدتينا تكتبى عن البوسته ان شاء الله المانع خير؟؟؟؟؟؟؟؟؟؟؟؟؟؟؟؟؟؟

Quote: ياخي زماااااااااااان لمن كانت الطاقات متوفرة.. كل مسئول يجي يخطب لازم يوصي بتفجير الطاقات! أها فجروها كلها وما باقي إلا طاقات الحبال... أقصد الحبال الصوتية، و الكل عاوز يهنق كنوع من الغناء... حتى كاد أن يصل الغناء إلى ختام أيام العزاء... اختصارا تعرف "بالصدقة"

Quote: نحنا جارين ورا الطاقات الاصلن متفجرة

Quote: شوف يازول انا المره الجايه بفرع ليكم الموت وبعدين بعد بكرى ينزل البوست بتاع الوفاة حا يجو ناس ود الصائم وهو يضحك يقول ليك وقد كان الفقيد ملء السمع والبصر وكان احسننا وكان دسم الاخلاق او دمث لايهم المهم بجو يشكرونى كتير كده وانا خايف اقوم اقول ليهم خلو الكذب يا ناس حمزاوى ودينق وشول اشوانق ووالعوض المسلمى ده ماانا وارجع تانى الى رقدتى الابديه. انتو مادام انا كده ماتقولوها لى وانا حى خلونى ادلع شويه واتغرغر ابقى مغرور يعنى. وبعدين الجكس يجى يقول ليك فايت مروح وين ما بدرى يامنقه شنو ياود الموج بالغت وقطعت قلبنا وكلمتنى هنايه السماعه وقعت من يدى لما ناس البيت اتخلعوا وقربوا يلحقو المرحوم. اها بصراحه الحاجه دى بترضى غرورى وانا ميت، رغم علمى بكذب البعض من الجنس اللطيف ناس طلعت بفستانى حق البيت الشارع وهى تكون اتمكيجت لايمانها من ما سمعت ببكاى ،وناس دايره اركب بص الكلاكله ركبت مواصلات سنار ولما رفعت راسى لقيت روحى فى ام بده السبيل ديل... لكن كترن منها،بتدى الحبكة بعد درامى وكان لقت ليها موسيقى تصويريه تبقى حاجه ما تخلص. وبعدين تجى قصص ناس الرياض تلقى الواحد خمسه شهور ماسمع صوتى يقول ليك تصدق امبارح كان بتكلم معاى وصوتو ماعجبنى سالته قال لى عادى كنت نايم وصاحى هسه والبقول ليك لاقيته فى سوق البطحاء وشايل ليه كيس قلت ليه دى الشيله يا ابو الموج قال لى قول كفن ياخى، تصدق لما خفت والبجى يقول ليك ليه زمن بهاتى بالسفر،والبقول ليك كلم امه من تلفونى ده والله كان بتكلم كان قال ليكم وودعه وداع مفارق وقال ليها اعفى منى.. ودالباوقه وغريبه يقول ليكم لكن مافاحت منه روائح مسك لكنه كان طيبا.لوووول وخدوم، واحدين ولا بعرفهم يقول ليك والله سفر لى اولادى وماكان فى حجز ولاشال منى قرش مع انه لو قال لى جيب الفين ريال لظروف البنت فى الجامعه كان دفعت ليه الله يرحمه ياخى،مع انو اكون شحدته حق علبة سجاير شحده وقال لى انت عارف الظروف والتذاكر غاليه وقسط الجامعه للبنت لميناه بى الله ويامين. اها وفى نوع كده خيالى يبداها ليك بى والله مازول حياة..ودالموج ابدا مازول حياة يا حليلو والله كان بضحكنا مع انو بكون قال لاصحابه وقتها الزول السغيل ده ما يحترم نفسه عامل نفسه دمه خفيف بالله دى مداخله يكتبها.. اها ديل ماعافى ليهم مفروض يكلمونى وانا حى كان اتثاقلت لان المؤمن مراة اخيه.. الرجاء الاخير يابكرى اخوى انا عافى ليك ماتسود المنبر يوم اموت املاه زهور وبوكيهات ورد وبالونات ملونه وكده.. احبكم مووووووووووووت،،،،

Quote: ودالمدير المايك معاك اتفضل ارقص واتعولق

Quote: ههههههههه لمن تلقى نفسك في الفلوجة!

Quote: جلال وضيوفه سلام الحته دى يا جلال وثقناها ليك انت عشان تعرف البهدر الطاقات شنو؟ والحاله الزول ده بكرى مخصص ليه مداخلة واحده يوميا شفته بنفقها فى شنو؟ [/QUOTE صديق يا حبيب معاك فى دى وليك الف حق بس كمان برضى لى حق اسأل كل الجمال الفوق ده ما شفتو الا دى يا ود الموج عشمنا فيك كبير و نتمنى انك تجبر بالخواطر بعد اخونا ود المدير جاب مرثيتك لى نفسك جريت عشان اجيب مرسية كاتبا انتا عن زوجة صاحبك نسأل الله لها الرحمة و المغفرة لكن قلتا مافى داعى نقلب المواجع على الناس يا ريت ترجع و تقرا ما كتبته يداك وشوف الدنيا بتسوى شنو الا بس العارفو انا خيركم الذى يبدأ بالسلام و يا ريت تبادر بالسلام القدر ما معروف ماشى وين قد يسبق الكتاب على ود البشرى .. بعد عمر طويل ان شاء الله ... ما عساك ان تقول و انت فى موقف الناعى غاية منانا التصافى و التسامى فوق كل جراح و اعظم العفو عند المقدرة و انتم اهل لها