الحكومة تدعو التجار أن يخافوا الله في المواطنين ..

مرحبا Guest
اخر زيارك لك: 03-19-2024, 07:52 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثانى للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-27-2014, 10:03 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الحكومة تدعو التجار أن يخافوا الله في المواطنين ..


    طيب ..

    هي الحكومة ذاااتا قاعدة تخاف الله في مواطنيها ..
    عشان تطالب التجار أن يفعلوا ما لا تفعله ..
    بعدين يا ها دي آخر قدرة الدولة على كبح جماح الأسعار بالسوق ..
    وهي التي يفترض أنه منوط بها حماية مواطنيها ..
    ومراقبة الاسواق والاسعار بنفسها ..
    والعمل على تنفيذ الخطط الاقتصادية المجديه ..
    التي تجعل من السوق متكافئا ومتوازناً ..
    مع القيمة السوقية الحقيقية للسلع .. ..
    فغول الأسعار التهم المواطنين ..
    وجعل السواد الأعظم من الشعب السوداني تحت خط الفقر ..

    ثم الى متى سيظل هذا الفهم الاعوج والمغلوط والفج ..
    لسياسة التحرير الاقتصادي التي تنتهجا الدولة .. ؟؟؟
    دوائر اقتصادية بهذا الفهم الاقتصادي المتدني ..
    كيف لها أن تدير مصالح الشعب السوداني وتدير الاسواق والسلع والاقتصاد بصفة عامه ..
    معقول أمة لا اله الا الله السودانية دي كلها تكون غلط وحكومة كيزان السجم هي الصاح ؟! ..

    وهل سياسة التحرير الاقتصادي تعني أن تطلق الدولة العنان للتجار وجشعهم ..
    وأن تجعلهم يتحكموا في السوق وبهذه الصورة المأساوية .. ثم تقف مكتوفة الايدي ..
    وهل التجار هم المسؤلين حقا عن هذا الارتفاع الجنوني للاسعار ..
    حتى تطلب منهم الدولة أن يخافوا الله في المواطنين ..
    هل هذا منطق مقبول ؟!! ..
    لمصلحة من تتركـ الدولة حبل السوق مطلوقا وبهذه الصورة المريعه ..
    وفي كل يوم تخرج علينا الدوائر الاقتصادية الكسيحة للدوله ..
    بمشروع فاشل جديد لتخفيف وطأة الاسعار بالاسواق وتفشل ويفشل مشروعها ..

    وماذا يعني أن تعمل الدولة كتاجر وصاحب كنتين ..
    وتحاول مجاراة الاسعار في السوق مبتغية تخفيضها ..
    عبر حزم وسياسات اقتصادية فاشله تصرف عليها ..
    من مال الشعب السوداني مهدرة له على هذه الخطط الاقتصادية الفاشله والعقيمة ....

    حقاً أرهقنا التساؤل ..
    الى متى سيظل هذا الوضع المأزوم مستمرا ؟؟ ..
    والشعب يعاني ..
                  

08-27-2014, 10:15 PM

صلاح جادات
<aصلاح جادات
تاريخ التسجيل: 10-15-2010
مجموع المشاركات: 23447

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    Quote:
    هي الحكومة ذاااتا قاعدة تخاف الله في مواطنيها ..
    عشان تطالب التجار أن يفعلوا ما لا تفعله ..
                  

08-28-2014, 03:39 AM

أسامة العوض
<aأسامة العوض
تاريخ التسجيل: 03-14-2013
مجموع المشاركات: 2853

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: صلاح جادات)


    ودالقوز
    صباحك خير

                  

08-28-2014, 04:15 AM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: أسامة العوض)

    جمال
    تحياتى
    البلد ماشة بخاف الله والله كريم والله اكبر !
    طيب الما عايز يخاف الله يعملوا ليه شنو ؟
    المفروض فى دولة الشريعة الناس تخاف الله , لكن المشكلة الدولة ذاتها ما خائفة من الله !
                  

08-28-2014, 07:02 AM

عبد العزيز محمد عمر

تاريخ التسجيل: 02-16-2013
مجموع المشاركات: 2713

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: خالد حاكم)

    والله كلام
    التاجر دا مواطن عادي ... بيشتري بمبلغ معين، وبيحسب منصرفاته وتكاليفه
    وبيخت هامش ربح معين... والنتيجة السعر الموجود حاليا

    يبقى من ضمن المنصرفات والتكاليف في حاجات اسمها زكاة وضريبة ( خرافية) وجمارك
    ونقل وإتاوات، ونقاط عبور، ونفايات، ودمغات

    يبقى الحكومة لو قللت الحاجات دي وخلتها متوازنه، السعر بيكون أقل من كدا

                  

08-28-2014, 07:11 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: عبد العزيز محمد عمر)

    سلام يا صاحب
    طيب والما بخاف الله
    لئذا شرعت القوانين
    ولا
    ابليس غشاني
    دي حكومة ففدت مبررات بقاءها
                  

08-28-2014, 07:18 AM

Hassan Senada

تاريخ التسجيل: 04-25-2010
مجموع المشاركات: 1804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: عبدالحفيظ ابوسن)

    اصلا فى حكومة عندنا فى السودان

    قصدك تجار الدين الضيعو البلد نشوف فيهم يوم اسود انشاءالله
                  

08-28-2014, 11:45 AM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: صلاح جادات)

    Quote: هي الحكومة ذاااتا قاعدة تخاف الله في مواطنيها ..
    عشان تطالب التجار أن يفعلوا ما لا تفعله ..


    والله صحي ... ياجادات ..
    دي حكومة حقو في الاول تسأل روحها ..
    هل هي تراعي ضعف مواطنيها ..
    وشظف عيشهم وكدهم من الصباح حتى العشيه ..
    يغدوا خماصا .. ويعودوا خماضا ..
    تستعصي عليهم لقمة العيش وقفة الملاح..
    ومنسوبي هذا النظام ..
    يغترفوا من كد أهل هذا البلد .. اغترافا ..
    كأنهم ورثوه كابرا عن كابرا ..
    الاكيده مافي شئ بيروح ساي ..
    والاكلوهو وز .. وز ..
    قسم ..
    يطلعوه بط .. بط ..
    ولنا الله ...
                  

08-28-2014, 11:57 AM

جعفر محي الدين
<aجعفر محي الدين
تاريخ التسجيل: 11-12-2008
مجموع المشاركات: 3649

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    الحكومة أولى بمخافة الله من التجار
    لأنها هي المسؤول الأوحد عن رفاهية المواطنين
    وهي التي ما فتئت ترفع المعاناة على كاهل المواطنين وتزيد الطين بلة
    بالرسوم والجبايات والأتاوات التي تستحدثها كل يوم
    هل يعقل أن يكون مجموع الرسوم على منتج ما (الزيت مثلا) تفوق السبعين في المائة (70%)
    وقس على ذلك العديد والعديد من الضرائب والجمارك والرسوم ووووو
                  

08-28-2014, 12:02 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    Quote:




    أسامه العوض ... يديكـ العافيه يأخ ..
    حقاً هي مـأمأه في الفضاء الرحيب ..
    وصرخة في واد سحيق ..
    من المفترض أن تشوف الحكومة عوجه رقبتها في الاول ..
    بعد داكـ التدعو التجار ....


    اللهم ازحهم وارحنا من سفاهة فكرهم .. وضحالة تفكيرهم .. .
                  

08-28-2014, 01:37 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 12-04-2006
مجموع المشاركات: 13936

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    Quote: الحكومة أولى بمخافة الله من التجار
    لأنها هي المسؤول الأوحد عن رفاهية المواطنين

    تخاف الله دايرة تدخل الجنة؟

    أوع تكون دي حكومة الآخرة برضو

    لو بتخاف الله؛ المانع شنو؟

    ولاّ راي الشريعة شنو يا ود القوز ...





    ... المهم ....
                  

08-28-2014, 01:57 PM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: تبارك شيخ الدين جبريل)

    سلامات يا جمال وضيوفه,,
    Quote: بالرسوم والجبايات والأتاوات التي تستحدثها كل يوم
    هى لكن يا أخوانا الناس ديل يعملو شنو ويجيبو قروش من وين لجيوش الدستوريين والولاة والمحافظين والموالين والمنافقين والما منافقين وعيييييييييييييييييييييك!!

    ما عندهم خيارات أخرى,,
    زمان كان فى بترول وتحول لثروات
    تنظيم وأعضاء تنظيم ومحاسيب
    مجنبة خارج دائرة المال والإقتصاد
    وعليه قامت إقتصاديات دول أخرى
    وأهل الجلد والراس جعانين بايتين القوى
    وبيوتهم شالا السيل!!!!
    وهسه بابح زاتو!!!


    ما عندهم حل غير يكابسو الناس فى لقمة عيشهم ويوم يقالعو الركشات ويوم يقالعو الدرداقات
    ويلعبو شوية على المغتربين ويحنسو التجار وأهو والله عايشين!!!!

    أخونا ود الباوقة كل يوم مطلع ليهم بترول فى جيهه لكن ما شفنا منو حاجة لسة!!

    أضعف الإيمان أن يدعو التجار أن يخافو الله رب العالمين!!!
    هم قطعا ودون شك قاصدين تجار الدين

    هؤلاء القوم قد أدمنو تسدير هذا الشعب كل صباح,,

    تحياتى,
                  

08-28-2014, 02:24 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: أيمن الطيب)

    Quote: جمال
    تحياتى
    البلد ماشة بخاف الله والله كريم والله اكبر !
    طيب الما عايز يخاف الله يعملوا ليه شنو ؟
    المفروض فى دولة الشريعة الناس تخاف الله , لكن المشكلة الدولة ذاتها ما خائفة من الله !


    عارف يا خالد ...
    منسوبي هذا النظام ..
    والذي فكـ منه بنج الدين ..
    طفق ولا يزال حالماً أن يعيد البنج ده تاني ..
    الدوله تريد الكل أن يخاف من الله ..
    وهي عارفه في قراره نفسها ..
    أن كل حكمها ده مافيهو خوف من الله ..
    إنما هو محض لعب وتجاره بالدين ..
    واستخدام له بأسوأ وأشنع صوره ..
    يجوكـ رافعين اصبع السبابه يكبروا ويهللوا ..
    التقول داخلين ليهم معركه ..
    ولا قاعدين يتشهدوا في الصلاة ..
    ده كله يا سيدي لعب بالدين وعلى الدين ..
    فليتهم يعلمون ..
    لأن الشعب قد مل هذا الهراء الذي يفعلون ..
    والدين براء منهم ومن حكمهم ..
    غايتو أول مره اشوف لي بلد في الدنيا دي ماشه بالبركه ساااي ..
    لافيها تخطيط لا دياولو ..
    وده نقدر نسميهو برضو رزق اليوم باليوم ..
    نسأل ربنا الكريم أن ييسر الرزق لهذا الشعب ..
    الذي تعب حتى تعب التعب من تعبه ..
    ولنا الله ....
                  

08-28-2014, 06:10 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    Quote: والله كلام
    التاجر دا مواطن عادي ... بيشتري بمبلغ معين، وبيحسب منصرفاته وتكاليفه
    وبيخت هامش ربح معين... والنتيجة السعر الموجود حاليا

    يبقى من ضمن المنصرفات والتكاليف في حاجات اسمها زكاة وضريبة ( خرافية) وجمارك
    ونقل وإتاوات، ونقاط عبور، ونفايات، ودمغات

    يبقى الحكومة لو قللت الحاجات دي وخلتها متوازنه، السعر بيكون أقل من كدا


    كلام سليم ...
    لان التاجر أكيد حينقل كل اعباء الضرائب والزكاة ..
    والاتاوات التي تفرضها الحكومة ..
    على بضاعته وسيضيفها على قفا المواطن المسكين ده ..
    لانه من المستحيل أن يعمل التاجر بلاش عشان خاطر عيون الحكومة ..
    ويخسر تجارته .. وراس ماله ..
    إذن الضحية في النهاية هو المواطن ..
    الذي سيبقى مكشوف دون سند أودعم أمام غلاء السوق وارتفاع الاسعار ..
    فيجب على الحكومة أن تحفض الضرائب والزكاة والاتاوات ..
    الى المدى الذي يجعل السوق مقبول والاسعار تكون في متناول المواطن ..
    بعدين تختار ..
    وتمسك ليها درب واحد يادرب الرحمن .. يادرب الشيطان ..
    يازكاة .. يا ضرائب ..
    لانه طبقاً للدستورالدولة الاسلامي .. والذي تدعيه ..
    الضرائب دي ذاااتا محرمه ..
    وتعتبر نوع من انواع المكوس المحرمة شرعاً ..
    خصوصا ان اتخذت صفة الاستمرارية والديمومة .. ( كما هو حاصل )
    نعم من حق الحاكم ان يفرض ضريبة مؤقته ..
    ولاجل مسمى .. وحين زوال ذاكـ السبب ..
    لا حق للدوله البته أن تأخذ مليم أحمر واحد باسم الضرائب ..
    لانه مال سحت وحرام ..
    بعدين حتى الزكاة دي والتي يتم تحديدها جزافاً هكذا ..
    دون معرفة حقيقية بارباح التاجر ونصاب ماله وقيمة بضاعته ..
    ورأس ماله الذي حال عليه الحول ..
    فيها الكثير من الحيف والغبن والظلم ..
    والمفروض التاجر يخاف الله ويمرق زكاته بنفسه ..
    دون رقيب أو حسيب .. ويوزعها على الفقراء والمساكين بمعرفته ..
    لان الزكاة في النهاية تعتبر عباده ..
    مقصود بها وجه الله .. وتحرى الربح الحلال ونماء المال..
    والعبادات المفروض فيها الوازع الديني الداخلي للشخص ..
    يبقى الحكومة دي تشوف ليها شغلة تانية ..
    وتبحث عن مصادر تمويل أخرى .. لتسيير أمورها ..
    وتبطل تفرض اتاوات عمال على بطال ..
    وفي الاخر تجي ترمي اللوم على التجار ..
    وتتباكى على حال المواطن الذي قامت بذبحه بسكينها هي ..
    راميه على ظهره ( الذي انقطم ) ..
    تسيير دولاب الحكم ورواتب الدستوريين ..
    وهذا الجيش العرمرم من موظفي الخدمة المدنية ..
    التي ترهلت بفعل الترضيات والمجاملات .. وجبر الخواطر ..
    وده كلو على قفا المواطن .. وقفة ملاحه ..
    التي اصبحت مستعصية وعقبة كؤود ...
    ولنا الله ...
                  

08-28-2014, 06:30 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    Quote: سلام يا صاحب
    طيب والما بخاف الله
    لئذا شرعت القوانين
    ولا
    ابليس غشاني
    دي حكومة ففدت مبررات بقاءها


    ود أبسن .. ياصاحب ..
    صدقت ...
    إن الله ليزع بالسلطان ما لا يزع بالقرآن ..
    بالذات في هكذا مسائل فيها ارتباط بمعايش مخاليق الله ..
    الدوله عاجزه عن السيطره على الاسواق ..
    أو بمعنى اصح هي رافضه لذلكـ ..
    لانها ان حاولت لجم الاسعار والتدخل في الاسواق ..
    فستدفع المقابل هي .. ولا أحد غيرها ..
    خصماً على مخصصاتها من ضرائب وزكاه واتاوات ..
    إن هي ضيقت على التجار وحاولت التسعير ..
    فستعود لمربع واحد من جديد ..
    وسيتوجب عليها توفير كل ما سيحجم التجار عن بيعه ..
    من مستلزمات وضرورات تخص المواطن الغلبان ..
    يبقى دي وزنه ما بتخارج معاها البته ..
    فعشان كده خاله لينا المولد ده مدور فوق راسنا ..
    فمسلسل الغلاء مسلسل مكسيكي ممطوط الحلقات وبايخ ..
    واستمراره هكذا الى متى ؟؟
    الله أعلم ..

    عارف مافي شئ بيجيب لي القرين ..
    الا هذه التبريرات الفطيره ..
    من شاكله التحرير الاقتصادي ..
    لا دخل له بالاسواق والاسعار ..
    والسوق يتم حكمه بقانون العرض والطلب ..
    وتأتي الاسعار اتوماتكلي طبقاً لهذا القانون التلقائي ..
    ودي قوله حق اريد بها باطل ..
    هناكـ معايير وسياسات اقتصادية معروفه ومطبقة من الدول في هكذا أمور ..
    يتم فيها السيطره على الاسعار .. والتدخل للتسعير ..
    حال كانت القيمة الحقيقة للبضاعة + الربح لا تعادل القيمة السوقيه ..
    وبرضو دي ما بلاش ...
    لها مقابل في نقل بعض الاعباء على الدوله ..
    تبريرات ..
    تبريرات ..
    والله فترنا من التبريرات ..
    وليتها بتخش المخ ..
    ولنا الله ....
                  

08-28-2014, 06:47 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    Quote: اصلا فى حكومة عندنا فى السودان

    قصدك تجار الدين الضيعو البلد نشوف فيهم يوم اسود انشاءالله


    والله صحي ياسناده ..
    ديل تاجروا بالدين ..
    فضيعوا تجارة الدنيا ..
    المصيبة ان الحكومة لا تكترث البته للمواطن الغلبان ..
    الذي لا يكترث هو ايضاً لتجارة دين أو خلافه ..
    المواطن ده ..
    بريد من الدولة أن تقوم بأعباءها وواجبها تجاهه ..
    دون أن تتركه هكذا في مهب ريح الاسعار ..
    وقانون العرض والطلب ..المنكوس ..
    والغير مسنود برؤى اقتصادية معتبره ..
    لان ده والله حرام ..
    يجب على الدوله الاضطلاع باعباءها ..
    أو فلترحل غير مأسوف عليها ..
    والمحل والمحق ده صدقني الجابو تجارة الدين دي ذاااتا ..
    يبقى فلتراعي الدوله الدين الذي تلاعبت به ..
    حتى ينصلح حالها .. وحال مواطنها ...
    وان استمرت هكذا .. واستمر السوق بهذه الغلواء ..
    الله أعلم بما سيحدث ..
    وربما هي ثورة جياع كما حذرت منها المعارضه ..
    ( ماعارف لحدي هسه هي محذره الحكومة ليه ؟)
    فبين سندان المعارضه الصدئ وشاكوش الحكومه المفتري ..
    انسحقت احلام المواطن بحياه كريمه ..
    أو حياه تقيم أوده وتستر حاله ..
    ولنا الله ....
                  

08-28-2014, 07:02 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    Quote: الحكومة أولى بمخافة الله من التجار
    لأنها هي المسؤول الأوحد عن رفاهية المواطنين
    وهي التي ما فتئت ترفع المعاناة على كاهل المواطنين وتزيد الطين بلة
    بالرسوم والجبايات والأتاوات التي تستحدثها كل يوم
    هل يعقل أن يكون مجموع الرسوم على منتج ما (الزيت مثلا) تفوق السبعين في المائة (70%)
    وقس على ذلك العديد والعديد من الضرائب والجمارك والرسوم ووووو


    عارف يا جعفر ..
    الزيت ده تحديداً طلع زيت الناس ..
    قدر ماتفكر سعرو ده طار كده ليه ..
    لاتجد مبرراً مقبولاً ..
    اللهم الا رسوم الحكومة الخاتاها فوق الزيت دي ..
    يعني الحكومة عارفه أنها السبب في غلاء الاسعار ..
    هو الزيت ذااتو شنو وتكلفة انتاجه كمها ...
    فول حاجات ومزروع عندنا .. واغلبه زراعه مطريه ..
    وعصارات وشغاله جوه البلد ..
    البخلي الحكومة تردم منتجي الزيت بهكذا جبايات شنو ؟؟
    غايتو حكومتنا دي تعشق السلفكه ..
    ولا هم لها سوى تحقيق ربطها السنوي ..
    الذي يمكنها من الصرف على تسيير أمورها ورواتب خدمتها المدنيه ..
    فتنقل الاعباء على كاهل المواطن المسكين .. ..
    ولا هماها مشاكل مواطن حياتيه ولا غيرو ..

    غايتو السواها الزيت في الحكومة .. شئ مامعقول ..
    كشف حالها ووضعها امام المسؤليه ..
    فيس تو فيس ..
    هسه حيبرروا ويقولوا للمواطن شنو ..
    في موضوع غلاء سعر زيت الفول ده تحديداً ؟؟ ...
                  

08-28-2014, 07:40 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)



    تخاف الله دايرة تدخل الجنة؟

    أوع تكون دي حكومة الآخرة برضو

    لو ( ما ) بتخاف الله ؛ المانع شنو؟

    ولاّ راي الشريعة شنو يا ود القوز ...





    ... المهم ....




    ـــــــــــــــــــــــــــــــــــــــــــــــــــــــــــــــــــــــ


    مش ياهوو ...

    يا تباركـ حكومتنا دي لديها تفويض رباني ...
    تدعيه ..
    فقد نصبت نفسها منافحه عن الدين .. أو متاجرة به ..
    وده كلام عارفه ما بيخارج معاكـ ..
    وبرضو ما بيخارج معاي ...
    لكن تسوي شنو حكم القوي ..

    لا يملكـ أحد أن يكّفر الدوله إن كانت لا تحكم بما أنزل الله ..
    ( أو شريعة الوليد بن عبدالملكـ خاتف لونين ) ..
    خصوصاً إن كانت دوله عادله ترعي مواطنها ..
    وتقيل عثراته وتكترث لمعاناته .. وتوفر له ضرورياته ..
    أي تاكل وتأكله ... مش تلهط براها ..
    وتتركـ مواطنها في الصقيعه ساااي ..
    فحتى إن كانت دوله كاافره فالله سيطيل بقاءها ..
    وسيرضى عنها لانها دولة العدل وتقيم العدل ..
    ولا يضام أحد عند بلاط حكامها واداراتها ..
    بل يكون الحاكم خادم للشعب ...

    لكن لكل مقام مقاله ..
    ولكل واقع حيثياته التي تملي عليكـ أحكام بعينها ..
    بعدين لابد لنا أن نفرق بين ما هو كائن وما يجب أن يكون ..
    والأمثل والقاعده ..


    بعدين ما تخليني أقوم أمشي أردمكم بي غاادي ....

    منور وسعيد بي شوفتكـ يا العشا أب لبن ..


    المهم ...
                  

08-28-2014, 08:04 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    سلامات يا جمال وضيوفه,,
    بالرسوم والجبايات والأتاوات التي تستحدثها كل يوم
    هى لكن يا أخوانا الناس ديل يعملو شنو ويجيبو قروش من وين لجيوش الدستوريين
    والولاة والمحافظين والموالين والمنافقين والما منافقين وعيييييييييييييييييييييك!!

    ما عندهم خيارات أخرى,,
    زمان كان فى بترول وتحول لثروات
    تنظيم وأعضاء تنظيم ومحاسيب
    مجنبة خارج دائرة المال والإقتصاد
    وعليه قامت إقتصاديات دول أخرى
    وأهل الجلد والراس جعانين بايتين القوى
    وبيوتهم شالا السيل!!!!
    وهسه بابح زاتو!!!


    ما عندهم حل غير يكابسو الناس فى لقمة عيشهم ويوم يقالعو الركشات ويوم يقالعو الدرداقات
    ويلعبو شوية على المغتربين ويحنسو التجار وأهو والله عايشين!!!!

    أخونا ود الباوقة كل يوم مطلع ليهم بترول فى جيهه لكن ما شفنا منو حاجة لسة!!

    أضعف الإيمان أن يدعو التجار أن يخافو الله رب العالمين!!!
    هم قطعا ودون شك قاصدين تجار الدين

    هؤلاء القوم قد أدمنو تسدير هذا الشعب كل صباح,,

    تحياتى,



    ـــــــــــــــــــــــــــــــــــــــــــــــــــــــــــــــ

    أيمن إزيكـ ...

    حقاً أمعنت الدولة في فرض الرسوم والجبايات وحمّلت مواطنها فوق طاقته ..
    وقاسمته في لقمة عيشه .. بل جعلت لنفسها النصيب الأكبر ..
    وجعلت المواطن يقتات الفتات ..
    نصبت هذا الجيش من الموظفين والانكشاريين للذود عن كرسيها وحكمها ..
    كان من باب اولى أن تتركـ الدوله كل هذا الجيش يذهب ليقيت نفسه ..
    بدلاً من أن تجعله عاله على قفا الشعب السوداني المغلوب على أمره ..
    عطاله مقنعه يصرف عليها الشعب ..و تقاسمه قوته .. هذا هو حالنا ..
    فقد ترهلت الخدمة المدنية ووزارات الترضيه ومجالسها التي بلا داعي ..
    فطفح كيل منصرفات الدوله هذا بخلاف وزرائها وامتيازاتهم ونثرياتهم وسفرياتهم ..
    ده كلووو كوم والنهب من المال العام كوم تاني ..
    فقد أتتنا الدوله بمفاهيم تاصيليه جديدة ابتدعتها للتستر على منسوبيها ..
    الذين اغترفوا من مال الشعب بلا وازع أو رادع ..
    لعلمهم بوجود فقه الستره .. والتحلل ..
    لذا انطلقت ايديهم في الاغتراف من المال السايب ..
    استثمروا في الخارج وهربوا الأموال .. فخربوا الاقتصاد ..
    والشعب يدفع الثمن ..
    والله زي ما قلت ..
    لقد ( سدروا ) .. هذا الشعب وجعلوه مطيه لاحلامهم واهواءهم ..
    فلهم يوم ..
    ولنا الله ........
                  

08-29-2014, 01:30 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    بعدين الشئ العجيب والمحير ..
    والحاصل اليومين ديل ..
    يقولوا لي ناس الحكومة اللحمه بقت غاليه نار ..
    يقولوا ليك تم دعم مزارع الدواجن .. ومنتجي الفراخ ..
    وتوزيع الاعلاف لهم بسعر التكلفه ..
    على أن يبادروا هم بالمقابل ..
    بطرح الفراخ بسعر معقول للجمهور ..
    بالله ده مش حوار طرشان ده ..
    وماذا تعني الدوله بهكذا اجراءات ..
    يتم توجيها لغير مكان الخلل ..
    الناس بيشكوا من حاجه ..
    وناس الحكومة يمشوا يعالجوا حاجه تانيه خالص ..
    ( دي ذكرتني نكته خارجه ماحاقولها .. ) ......

    اترمي الدوله عبر تدخلها وفرضها لثقافه غذائية جديدة ..
    أن يترك المواطن اكل اللحم .. !! ويتوجه لأكل الجداد ..
    بعدين متين كان أكل الجداد شئ اساسي لغذاء السودانيين ..
    شكلو الحكومة دي عايزه الناس ياكلوا الجداد ..
    فيخلو لها الجو لتصدير المواشي للخارج ..
    ومعروف أن تصدير المواشي يمثل افضل الموارد لخزينة الدوله ..
    بالذات في ظل فلسة الحكومة اليومين ديل .. ..
    غايتو انا ماشايف اي سبب منطقي للبيحصل ده غير كده ..
    بعدين حكومتنا دي عودتنا على التدخل في كل شئ ..
    وتغيير كل ما هو ثابت في المجتمع وتحريكه ..
    ليبقى حكمها ثابت .. ده تفكيرها ..
    وكمان عودتنا على تدقيسنا في كل مره ..
    ومنذ اعتلاءها للسلطة والكل يعلم تلكـ التدقيسه ..
    غايتو لعبة الدواجن والفراخ دي ..
    ماهي الا تدقيسه جديدة من الحكومة ..
    العايزه تصرف الناس عن أكل اللحمه ..

    من الفترض أن الحكومة تراعي حاجة المواطن..
    وتحترم ثقافته الغذائية ونمط معيشته ..
    فتوفر له احتياجاته بالسعر المقبول والمرضي ..
    عبر دعم قطاع تربية المواشي وتقليل تكلفة تربيتها ..
    ودعم الرعاه ووقف الجبايات عنهم ..
    بدل تجري وراء سفاهة تخطيطها ..
    الكل يوم بنكتشف مدى خطله وايغاله في الخطأ .. ..
                  

09-02-2014, 09:05 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحكومة تدعو التجار أن يخافوا الله في المواطنين .. (Re: جمال ود القوز)

    تم جعل السوق غنيمه ..
    بل تم بيعه لفئة معينه من التجار والمستوردين نظير ولائهم ..
    وكذلكـ مقابل شراكات واتاوات وعمولات وسمسره ..
    يتم دفعها لبعض مسؤلي النظام ..
    هذا ما اوصل السوق الى هذه الحاله المترديه ..
    انعدمت المنافسه تماماً في السوق ..
    وتم اقصاء اي اطراف قد تسبب ..
    في أي مضايقة أومنافسة لمنسوبي النظام ..
    أتت الانقاذ براسماليه جديدة ..
    بلا ضمير ولاتتورع في بيع أي شئ ..
    وبالثمن الذي تحدده .. فزاد الغلاء ..
    وتعاظمت قيمة السلع بصورة ..
    لا علاقة لها بالقيمة الحقيقة لتلكـ السلع ..
    الاحتكار آفه ومرض عضال ..
    جعلته الانقاذ يتفشى في السوق ..
    ودفع المواطن المكلوم ..
    نتاج خطل وسذاجة تلكـ الاجراءات ..
    التي نفذتها الحكومة في السوق ..
    دون أن تعي أنها بتلك الاجراءات العقيمة ..
    ستضر الاقتصاد عاجلا أم آجلا ..
    وسيكون هو المسمار ..
    الذي سيتم دقه في نعش هذا النظام العقيم ..

    ولنا الله ....
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de