فساد زي الفساد (مستندات)

مرحبا Guest
اخر زيارك لك: 03-29-2024, 03:34 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثانى للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-22-2014, 08:00 PM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 2623

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
فساد زي الفساد (مستندات)

    ماذا تعرف عن حقيقة رفع الدعم عن المحروقات السابق في سبتمبر 2013 ..
    والقادم في أكتوبر 2014 ؟؟؟

    مدخل أول ..
    =======
    دي ما المرة الأولى الصفحة تطرق لعقود إستيراد المحروقات "الملعونه" ..
    وهي فعلا" "ملعونه" .. لأنها عقود أتوقعت وأتختمت بدم شهداء سبتمبر ..
    السفكوا دمهم في كذبة رفع الدعم عن المحروقات ..
    كل قطرة (محروقات) في البلد دي ممزوجه بدم شهداء سبتمبر ..

    مدخل تاني ..
    ========
    في 4 مارس الماضي ..
    كتبت الصفحة ووضحت بالتفصيل .. أن :
    الجازولين يباع عالميا" بوحده تسمى (الباليت) = طن تقريبا" ..
    وسعر (باليت) الجازولين في السوق العالمي اليوم 922 دولار ..
    والباليت الواحد فيه حوالي 7.5 برميل ..
    يعني ..
    سعر البرميل عالميا" = حوالي 123 دولار

    وزارة النفط الموقرة ممثله في المؤسسة السودانية للنفط وتحديدا" أدارة المشتروات .. بتوقع مع الشركات المستوردة عقود إستيراد الجازولين من الخارج بالسعر كالآتي :
    السعر العالمي + 26.5 دولار (ربح للمستورد)

    يعني ..
    الحكومة بتشتري الجازولين بأعلى من السعر العالمي بـ 26.5 دولار
    كل الدنيا بتشتري البرميل بـ 123 دولار ..
    ما عدا حكومتنا بتشتريه بـ 149.5 دولار

    يعني ..
    الطن (باليت) في العالم بـ 922 دولار ونحن بنشتريه بـأكثر من 1,121 دولار !!!

    طيب ..
    الـ 26.5 دولار دي شنو ..وليه بشتروه غالي ؟؟؟

    بشتروه غالي .. لأنهم مضطرين .. البلد ما فيها قروش .. سفوها كلها في كروشهم .. وماف زول بديهم بالآجل والدين والحساب بعدين .. وما عندهم ضمانات يقدموها للشركات العالميه عشان تديهم جازولين بالآجل .. وبنوكهم أبتداء" من بنك السودان المركزي وأنت نازل مستنداتها ماف زول بعترف بيها .. وضماناتها ما بتساوي ثمن الورق المكتوبه عليه.

    ومن ناحيه تانيه .. فررررصه للسف واللغف ..
    الـ 26.5 دولار دي البندفعها أنا وأنت/ي .. بتمشي كروش القطط السماااااان .. الشركات المرضي عنها وبوقعوا معاها عقود أستيراد الجازولين (بالغومتي).

    26.5 دولار في كل برميل بتمشي كرش صاحب الشركة المرضي عنها ..

    يعني ..
    بحساب سعر الدولار 8 جنية ..
    عزيزي/تي في كل جالون جازولين بتشتريه في أكثر من 5 جنية بتمشي تووووشك مباشرة لكرش الشركة المرضي عنها وأدوها عقد أستيراد جازولين.

    ---------------------------------------
    وقتها الدولار كان بـ 8 جنية ..
    الان الدولار بـ 9.5 جنية كيزاني .. يعني 9.500 جنية سوداني ..

    يعني .. بنفس الحسبة أعلاه ..
    أنا وأنت .. وعمك بتاع حافلة المواصلات والبصات السفرية .. وبتاع لوري نقل البضائع .. والمزارعين والتراكتورات وطلمبات الموية وري الأرض .. أييييي جالون بنشتريه .. في تمساح أنقاذي ومتنفذين في الوزارات وبنك السودان وسماسرتهم عندهم من قروشنا البندفعها سعر للجالون الواااااحد ده عندهم (6 جنية) !!!

    أيوه (6 جنية) بتدخل جيب صاحب عقد استيراد الجازولين وباقي الشلة ..
    بدون أي معافره وتعب ..
    ------------------------------------------

    لـُـب الموضوع ..
    =========
    طيب ..
    الكلام الفوق ده شي عارفنو وكتبنا عنه من زماااااان ..
    الجديد شنو في الموضوع ؟؟؟

    الجديد يا أحباب ..
    أنه الـ 6 جنية دي بالنسبة للعقود الماشه هسي ..
    وفعليا" أصحابها بوردوا الجازولين بناء" على الفائدة القديمة (26.5 دولار) ..
    ونحن بندفع الـ 6 جنية دي صاغرين ..
    هسي الـ 6 جنية دي بقت ما بتغطي !!!

    الطاااااااامه الجايه والمسينها (الحزمه الأخيرة من رفع الدعم عن المحروقات) ..
    والحتتطبق قريبا" جدا" قبل نهاية السنة دي .. بنوا عليها الحرامية عقود أستيراد الجازولين الجديدة ..

    نعم .. خطتهم في مص دم الشعب ..
    بدلا" عن 26.5 دولار تضاف لسعر برميل الجازولين ..
    عبارة عن فائدة للتماسيح أصحاب العقود القديمة ..
    بقت الفائدة (42 دولار) تضاف لسعر البرميل !!!!

    العقود الجديدة كلها بتتوقع بفائدة (42 دولااااااااااار) !!

    يعني ..
    فائدة التمساح والشلة حترتفع وتبقى 1 دولار كاااااامل في الجالون ..
    يعني ..
    أي جالون بتشتريه في كوز تمساح عنده فيه 1 دولار !!
    يعني 9.5 جنية ..
    كانت فائدة الكوز التمساح 6 جنيه في الجالون ..
    الان بقت 9.5 جنية ..

    وده ببساطه الحيسموه (رفع الدعم عن المحروقات) ..
    وحيطبقوه في الشهرين الجايات .. وتحديدا" في حدود الـ 45 يوم الجاية ..
    لأنه شحنات العقود الجديدة .. بتوصل بورتسودان في حدود الـ 45 يوم الجاية ..

    مؤامرة (عقود أستيراد الجازولين) بتتم داخل شبكة عنقودية معقده جدا" ..
    صعب الوصول ليها والدخول فيها .. شبكة من :
    وزراة التبرول - المؤسسة السودانية للبترول - وزارة المالية - بنك السودان ..
    ومجموعة من السماسرة الأنقاذيين هم البحركوا كل خيوط اللعبة دي.

    --------------------------------------
    مخرج ..
    =====
    أتهموا الصفحة بالكذب والتلفيق .. المرجفين والمنتفعين والجدادات درقات أسيادهم .. وشككوا في صحة ما تنشر .. نشرنا ليهم مقطع من أحد العقود في 6 مارس الماضي (راجع الصورة والمنشور) .. واليوم ننشر 60% فقط من المستندات العندنا ..
    ما كل الموجود لدينا من مستندات .. والباقي حيشوفوه في المحاكم قدام قضاء عادل ونزيه .. عشان كده ولدواعي قانونية تم أخفاء بعض الأسماء وبعض البيانات .. تظهر في التحقيقات والمحاكم النزيهة.

    وحنحاكمهم بكل قطرة جازولين .. قطرة قطرة ..
    وحندفعهم تمن كل قطرة جازولين ممزوجة بدم الشهداء.

    (نقلا عن صفحة ود قلبا في الفيس بوك)

    .
                  

08-22-2014, 08:04 PM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 2623

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فساد زي الفساد (مستندات) (Re: امجد الجميعابى)

    http://www.0zz0.com


    http://www.0zz0.com
                  

08-22-2014, 08:06 PM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 2623

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فساد زي الفساد (مستندات) (Re: امجد الجميعابى)

    http://www.0zz0.com


    http://www.0zz0.com
                  

08-23-2014, 07:50 AM

Alshafea Ibrahim

تاريخ التسجيل: 12-12-2004
مجموع المشاركات: 6959

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فساد زي الفساد (مستندات) (Re: امجد الجميعابى)

    تحياتي يا أمجد
    شيء مؤكد وثابت أن قصة رفع الدعم عن المحروقات وبعض السلع ما هي إلا أكاذيب وضلال أهل الكيزان...
    وعشان ما يكون كلام ساكت حتى تأريخه حكومة الكيزان ترفض أن توضح للمواطن بالأرقام الأسعار العالمية حسب البورصات مثلا ، أو السوق الأسود الأسعار العالمية وكم بتدفع الحكومة كفرق سعر (دعم) لهذه السلع وتحديدا (المحروقات)
    غايتو ماسكين في قصة دول الجوار وتهريب وسرقة المحروقات من السودان وإعادة بيعه بسعر مرتفع كسبب ، وكسبب ثاني هو (كسر) جماح الأغنياء من بنو كوز اللذين يستأثرون بهذا الدعم (كم عربية في البيت) - أسباب واهية وتعيسة وغير مقنعة حتى لرئيسهم خلي الكاتب الذي يكتب له ..
    إنه الفساد الذي لا يفارقهم ولن يفارقهم فهو مخلوق ليعيش داخل أحشاء وعظام ورئة ودم وقلب الكوز ..
    شعب يستاهل ...
    الشفيع
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de