|
|
 شوف العين !
|
لمن كنت سغيرة .. بلعب بالتراب واتفرج ..
أمي بتقول إني اتكلمت متأخرة مقارنة بالأطفال الفي عمري
وفضلت بعدها سنين طويلة معروفة بقلة الكلام وكترة الفرجة في هذه الدنيا أم قدود
زي ما قال الكاشف: بس بعاين بي عيوني
وفضلت كدا لغاية بداية سنين الجامعة لدرجة كانوا مسميني الست لواحظ 
بعد داك عقدة لساني بدت تتفكا
حالياً ممكن أتصنف عادي كزولة نضاااامة (لكن برضو بالمزاج) 
الكون دا كان ولا يزال بالنسبة لي مسرح كبير للفرجة .. الشوف .. متعتي الكبرى
كتير مرات بشوف حاجات .. مواقف .. مشاهد بتستحق إنو الزول يحكيها/يكتبها لكنه الكسل قاتله الله
لكن تاني حأعتبر البوست دا المحضر بتاعي البسجل فيهو الحاجات البتلفت إنتباهي
مواقف يومية
سلوك انساني
بعض حاجات شفتها زمان ولسة قاعدة في الحوش الوراني للذاكرة
بإختصار .. كل ما تقع عليهو عيني ويلفت نظري بجي أكتب عنو هنا ..
|
|
  
|
|
|
|
|
|
|
|
Re: شوف العين ! (Re: أبو ساندرا)
|
يا أبا ساندرا ..
إزيك وإزي أم ساندرا
طبعاً الكتابة دي برضو جات على كبر
بدل الكلام شوف
وبدل الكتابة قراية
من الحاجات الشجعتني على الموضوع دا هي متعة إنك تقرا حاجة إنت كتبتها قبل سنين
وتجي راجع بعد فترة عشان تعرف روحك كنت بتفكر وتترجم البتشوفو كيف "في الوكت داك" ..
| |
|
|
|
|
|
|
|
|
|
Re: شوف العين ! (Re: محمد حيدر المشرف)
|
Quote: نعم يا عزيزتي ..
هذا هو السكون الذي يسبق الزوابع عادةَ !! |
حأتكلم هنا برضو عن موضوع البصر Vs السمع بتاع اليومداك
خليك معانا يا فردة ..
| |
|
|
|
|
|
|
|
|
 Re: شوف العين ! (Re: عزالدين عباس الفحل)
|
إبن شقيقتى الأول والحفيد الأول لأبى,,,
تاخر جدا فى الكلام,,
امه كانت متوترة بألله واحد وابوه ماكل الموضوع فى حنانو,,
وبدأوا فى محاولات إيجاد حلول,,
ابوى كان يضحك فى الموضوع ويتبسم وأخيرا قال لى,,
أمو دى دخلتنى الفلم دا زااااتو وبعد داك بقيت فى التسكتا,,
وفعلا أعاد التاريخ نفسه والجماعة بقوا فى التسكت أبوحميد..
تحياتى يا تاو,,,
| |
|
|
|
|
|
|
|
|
|
Re: شوف العين ! (Re: أيمن الطيب)
|
Quote: من الحاجات الشجعتني على الموضوع دا هي متعة إنك تقرا حاجة إنت كتبتها قبل سنين
وتجي راجع بعد فترة عشان تعرف روحك كنت بتفكر وتترجم البتشوفو كيف "في الوكت داك" .. |
أحلق شنبي بي قزازة ميتة لو فهمت حاجة من البوست أدناه:-
http://www.sudaneseonline.com/board/189/msg/1336092894.html
فما عارف فكرتو .. هل كانت للناس الما عوام ولاّ الناس العوام !!
مع تحياتي للأخ أيمن الطيب والغائبة الحاضرة عُزاز شامي ... وبقية الترزية
| |
|
|
|
|
|
|
|
|
|
Re: شوف العين ! (Re: صبري طه)
|
نظرية البوري .. سلوك القطيع
نظرية البوري دي من بنات عم أفكاري وبتوصف سلوك معين لكن ممكن ينسحب على تصرفات تانية كتيرة ..
لمن تكون سايق وفي صف طويل بتاع عربات بسبب عربية في الغالب بتكون قافلة الشارع،
بيعدي وكت ما قليل العربات بتكون ساكتة ومنتظرة بكل صبر وذوق
لو واحد مستعجل أو أخلاقو ضيقة أو لأي سبب آخر قام تيييييييت ضرب بوري ..
بعد شوية الجنبو حيضرب .. والوراهو والقدامو لغاية ما بعد ثواني ينقلب الشارع لحفلة بوريهات راقصة
وما في زول بيقول لي روحو طيب ما أنا من قبيل ساكت ليه ما إنتبهت إلا بعد ما زول تاني ضرب البوري؟
بقيت وفي إطار دراسة متعمقة لسلوك السائقين/سلوك القطيع أول ما أجي ألقي الشارع واقف وصاني أقوم تييييت أديها بوري
وااااحد بس .. وبعديها الحفلة تبدا !
طبعاً غني عن القول إنو مجتمعات بشرية بأكملها ماشة بي نظرية البوري دي !
| |
|
|
|
|
|
|
|
|
|
Re: شوف العين ! (Re: ملهم كردفان)
|
استاذه تيسير كل عام وانتي بخير وعيدك مبارك ,,,, الكتابة شي جميل ومتنفس ومتعه لكثير من الناس فما بالك لما تكون عن ذكريات صادقة وجميلة ومهما تجافينا بنقول حليلا لالا ,,, اكتبي وكلنا عين قارئة ,,, ونحن منتظرين نعااااين ...
تحياتي : ياسر العيلفون
| |
|
|
|
|
|
|
|
|
|
Re: شوف العين ! (Re: ياسر السر)
|
Quote: نظرية البوري .. سلوك القطيع
نظرية البوري دي من بنات عم أفكاري وبتوصف سلوك معين لكن ممكن ينسحب على تصرفات تانية كتيرة ..
لمن تكون سايق وفي صف طويل بتاع عربات بسبب عربية في الغالب بتكون قافلة الشارع،
بيعدي وكت ما قليل العربات بتكون ساكتة ومنتظرة بكل صبر وذوق
لو واحد مستعجل أو أخلاقو ضيقة أو لأي سبب آخر قام تيييييييت ضرب بوري ..
بعد شوية الجنبو حيضرب .. والوراهو والقدامو لغاية ما بعد ثواني ينقلب الشارع لحفلة بوريهات راقصة
وما في زول بيقول لي روحو طيب ما أنا من قبيل ساكت ليه ما إنتبهت إلا بعد ما زول تاني ضرب البوري؟
بقيت وفي إطار دراسة متعمقة لسلوك السائقين/سلوك القطيع أول ما أجي ألقي الشارع واقف وصاني أقوم تييييت أديها بوري
وااااحد بس .. وبعديها الحفلة تبدا !
طبعاً غني عن القول إنو مجتمعات بشرية بأكملها ماشة بي نظرية البوري دي ! |
يا تيسير أنا كُنت مفتكرها برضو كدا !!
لكن بعد دراسة متعمّقة وبحوث طويلة وبقية العدّة اتضح لي إنّها ببساطة كالآتي:-
عندما يضرب أوّل واحد بوري بقوموا الباقين بيفتكروا إنّو أوّل عربية أو أوّل عربات إتحرّكت وجاء بوري صاحب أوّل بوري بغرض التنبيه .. أها بقوموا كلّهم بيساعدوا في التنبيه دا وأيّ واحد فيهم يمسك البوري بتاعو وهاك يا بوريات وهاك يا صُداع*
ـــــــ
* دي برضو لاحظتها في صلاة الجماعة عندما يكون صوت الإمام غير واضح .. أها بعد الإمام يكبّر بتلقي واحد رفع صوتو الله أكبر وواحد تاني في الصف الثاني ... إلخ .. في النهاية الواحد بيلقى نفسو برضو كبّر بي صوت عالي .. رغم إنّو هنا مافي زحمة .. لكن ممكن تقولي في استعجال لانتهاء الصلاة رغم إنّو لو سبقتي الإمام عديل كدا ما ممكن تختصري وقت الصلاة لأنّو في النهاية يا تسلّمي بعدو يا صلاتك باطلة
| |
|
|
|
|
|
|
|
|
|
Re: شوف العين ! (Re: أيمن الطيب)
|
Quote: إبن شقيقتى الأول والحفيد الأول لأبى,,,
تاخر جدا فى الكلام,,
امه كانت متوترة بألله واحد وابوه ماكل الموضوع فى حنانو,,
وبدأوا فى محاولات إيجاد حلول,,
ابوى كان يضحك فى الموضوع ويتبسم وأخيرا قال لى,,
أمو دى دخلتنى الفلم دا زااااتو وبعد داك بقيت فى التسكتا,,
وفعلا أعاد التاريخ نفسه والجماعة بقوا فى التسكت أبوحميد..
تحياتى يا تاو,,, |
بسسس بقينا في التسكتا دي
كان سكتنا ما بننضم بي هينة وكان نضمنا ما بنسكت بي هينة 
| |
|
|
|
|
|
|
|
|
 Re: شوف العين ! (Re: الطيب عثمان يوسف)
|
أهليييين حبيبنا صبرى كبسيبة,,,
اول هام انا زاتى..
إتنين,,| Quote: مع تحياتي للأخ أيمن الطيب والغائبة الحاضرة عُزاز شامي ... وبقية الترزية |
والله ليك وحشة,,,ترزية يابتاع العدة,,,
ياصبرى سيد البوست عندة مداخلتين أمهن وابوهن وأنت عند إداشر الشى شنو
الحتلى دا خلى,,,,,
مداخلة من ال iMac خاصتى لو ما مستعجل كان متعتك بالدهشة يا دهشة..
عاااااااااطر التحايا النواضر,,
وللضمان كدا:
شوف العين زيو مافى وليس من رأى كمن سمع.
| |
|
|
|
|
|
|
|
|
|
Re: شوف العين ! (Re: Hololy)
|
هلا تيسير
حقت البوري دي حارقاني لي يومين صابر قلت لحدي ما تجي راجعة تكملي
لكن غلبني أسوي شنو خشمي خفيف
مرة واقف قدام في إشارة وسارح
الزول الواقف وراي الظاهر بدون ما يقصد ضرب بوري
طوال فحطت وقطعت الإشارة الله لطف بس مافي سيارة ماشة في الخط المقاطع ولا في بتاع مرور ولا في كاميرا
| |
|
|
|
|
|
|
|
|
|
Re: شوف العين ! (Re: عبدالمنعم الطيب حسن)
|
الممثل والتشكيلى وكاتب الرواية
بيشفو كويس بعدين يبدعو
كل ما اقرا لعثمان محمد صالح
تدهشنى ذاكرته البصرية وقدرته على استعادة الصور القديمة برؤية ابداعية جديدة
تيسير انت فى الكتابة عندك زوايا لرؤية الاشياء بطريقة مختلفة
عشان كدا نحنا منتظرين تطلعى من المخزون وتكتبى
| |
|
|
|
|
|
|
|
|
|
Re: شوف العين ! (Re: صبري طه)
|
البوست دا يا صبري قيمتو العلمية والفكرية بتكمن في عدم وضوحو دا زاتو 
مهدى لصديقي الصدوق أيمن الطيب لاحقاً شاركوا فيهو ناس من أحب الكتاب وعلى راسهم عزوز شامي والبرنسة أميرة الشيخ وسناء خالد وهواري وقيقاااا
كان بوست أنتيكة ياخ ..
بعدين تفسيرك لنظرية البوري مقبول لكن سلوك القطيع هو الأقرب
يا صبرك ..
الكبر دخل ياخوي وبقى ما فينا حيل للغلاط زي زمان
| |
|
|
|
|
|
|
|
|
 Re: شوف العين ! (Re: تيسير عووضة)
|
شيخ العرب أب سن ..
ذكريات الطفولة دي هي المعيشانا هسي
بناكل من سنامنا يا عبد الحفيظ ..
ملهم كرفان ..
عاقل ياصحبي بدل الإزعاج الماحيغير حاجة ..
ياسر يا ود العيلفون تسلم كتير ويسلم عثمان الشفيع زاتو
شكراً ليكم يا أعزاء ونواصل
| |
|
|
|
|
|
|
| |
تيسير عووضة
أبو ساندرا
محمد حيدر المشرف
مصطفى البشارى
عزالدين عباس الفحل
أيمن الطيب
عبدالحفيظ ابوسن
ملهم كردفان
ياسر السر
الطيب عثمان يوسف
حمد عبد الغفار عمر
عبدالمنعم الطيب حسن
mohmmed said ahmed
فيس بوك
تويتر
انستقرام
يوتيوب
بنتيريست