|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: رشا بابكر)
|
صباح التغيير والاستقرار المرتجي ..
وصباح الحب بين الزوجيين الجميليين .
صباحك يا رشا يا كحيل .
Quote: ما شفتي إدمان القهوة برمي الزول من طولوا خلي زي ده .. ده ما برمي .ده.بنسي الواحد البيت فيهو منو لا للأدمان .. نعم للأعتدال والله يعدل الحال |
ايوة صدقتي ودي هنا المصيبة المفروض نسلط الاضواء عليها يا رشا الشئ المؤسف كلما زاد العالم تقدمآ وتكنلوجيا تلقينا نحن من اول المتراجعيين . تصدقي الخواجات ما عندهم الحركات دي علي الاطلاق يعني زي ما قال المثل ناس البيت استغفروا والجيران كفروا يعني نحن بقينا المدمنيين للتكنلوجيا اكتر من اصحابها هههههههه التكمنو نحن الصنعناها ؟ شفتي جنس الحالة دي ؟
نعم للتغييييييييييييييير .
ودمت يا كحيل ..
ولي قدام .
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: مني عمسيب)
|
يا البشاري حبابك يا خيي ..
ومشكور علي المرور ..
Quote: وزراة الطاقة و"التعديل"
بت عمسيب ازيكـ ..
الكلام ده بالنسبة لى منو ؟ يعنى لو استثنينا الكوتشينة .. الصحف والنت الادمان فيهم مشتركـ بين الرجال والنسوان ..
فاااا شنو ..
افرزى ياخ ..
|
يا بشاري لو مسكنا ( الكتو ) ( شينة ) هي من اكتر مصائب الادمان ولو لاحظت بتترتب عليها سلبيات كتر زي خروج الرجل من البيت بساعات طويييييييلة والذهاب لي بيت احد الاصدقاء مع كمية من الاصدقاء في نفس الساقية المدورة الذكرتها يعني ازعاج للاسرة الاتجمعوا في بيتها الفيه الزوجة البقت عبارة عن جارية في البيت . مع الملاحظة الموضوع دا بتكرر كادمان ما كشئ طبيعي نحن ما ضد الزيارات ولا المضيفة البتسعدنا نحن بنتكلم عن ادمان شئ سليبي عمومآ من كبائر الظواهر المخيفة هي ظاهرة ( الكتو شينة ) ! اما بخصوص ادمان المرأة للكمبيوتر او اي شئ اخر .. بكون سببه الرئيسي من الاسباب اي الظواهر المذكورة لانه الفراغ مهما كان نوعه بيكون اثره اكيد سلبي بالنسبة للمرأة يعني امرأة تكون قاعدة فترة طويلة من الزمن في البيت وحيدة تفتكر حا تعمل شنو غير تحاول تهرب من الواقع المرير بتعلقها بي شئ معين برضو واحتمال يكون ما ادمان مجرد تهرب من واقع مؤسف بالنسبة ليها بالمناسبة انا كأمرة بتكلم معاك كعنصر نسوي صدقني يا اخي بشاري نسبة الادمان ما عالية فينا زي الرجال يعني لو اي امرأة لقت رجل يملئ حياتها علي الاقل بتسمع كلامه وبتتنازل ليهو لكن دا ما بحصل عند العنصر الرجالي . ومشكور يا اخي .
ولي قدام .
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: مني عمسيب)
|
حبابك يا مسلمي ..
Quote: غايتو نحن وجنس غايتو يمنع استعمال ألنت ويمنع استعمال التلفون للمحادثات الطويلة ولو في مناسبة بعد العودة من العمل تكون مقدم طلب قبل المناسبة باسبوع وبعد ذلك النقنقة حاصلة شفتي الظلم الواقع من بنات حواء علينا كيف (: |
يا سلام علي المداخلات والردود البطمئن وبتثلج الصدر . واقول ليك لا ظلم ولا حاجة دا حق من الحقوق اليفترض علينا كنساء لو ما لقيناها بالحسني يجب انتزاعها ههههههههه . بس خليكم علي كدا وقول للمدام الدغرية بت عمسيب بتسلم عليك وبتتمني ليك حياة اكتر صرامة ههههههههه . وربنا يهنئكم يا مسلمي ويسعدكم .. وهذه هي حياتكم ومملكتكم الرائعة وربنا يحفظ . ودمتم ..
ولي قدام ..
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: مني عمسيب)
|
الأخ الفاضل \ عبد العزيز ..
لك التحية .. والشكر علي المرور ..
Quote: الزمن موجود ولكنه مهدر بطبيعة الحال...
حقيقة التقليل من الظواهر السلبية في ضياع الزمن، قد يؤدي إلى نتائج جيدة جداً |
وما تنسي يا اخي عبد العزيز السلبيات درجات ولكن نحن هنا بنتكلم عن اقصي درجة من السلبيات ادمان السلبيات الما بتجلب غير انهيار بيوت ممكن تتبني باجمل واسعد ما نريد . وسلمت ..
ولي قدام .
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: عبدالحفيظ ابوسن)
|
حبيبنا \ ود شيقوق ..
من بلد الزهور تحية معطرة با احلي العطور .. تصدق انا فرحانة بوجودك والله جد .
Quote: بختها البي بي سي و مونتكالرو كانتا تعبانات من ادمان الناس
يا حليلهما الناس رحلت للنت خلتهما |
يا ود شيقوق بالمناسبة الادمان ما فقط في الحاجات الانا ذكرتها مونتكالرو عندها المدمنيين برضو والبي بي سي .. بالمناسبة يا ود شيقوق انا لما جبت الامثلة دي دا مجرد نموذج من الخفي لاعظم هههههههههه والدليل كلام الحبيبة رشا لما عملت المداخلة وكتبت لي يا بت عمسيب نسيتي التلفزيون . والله يا ود شيقوق يا حبيب الادمان كتيييييييير بس نحن دينا بابسط النماذج . مشكور يا الحبيب ود شيقوق ومشكور علي المرور المسعد .
ولي قدام .
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: مني عمسيب)
|
العزيز \ جد الكلس مجيدو ..
تحياتي وتقديري .. وحبي الخاص للكلس .
Quote: ويا منى ... وزي ما قاليك عاطف حسي الحريم بقو احرف من الرجال في اي حااجه .. فحقو تعدلي عنوان البوست وتكتبي يا معشر الحريم .. لاننا غلابه .... والحريم ياكلو عشانا ....
|
غلابة شنو يا مجيدو ما دايرة معاكم خرخرة انت ماسمعت بالمرة الراجلها طلقها عشان قالت ليهو الله اخير منك ؟ ههههههههه انتوا مدمنين وكمان متحيليين هههه قالوا المرة يا مجيدو قالت لي راجلها جيب لي توب عشان عرس بت الجيران قال ليها ما عندي قروش ومافي داعي تمشي ذاتو ههههههههه اها جاء قريبها من دول المهجر جاب ليها توب الهناء اها في اثناء الفرحة ديك جاء راجلها داخل ههههههههه قامت قالت ليهو اها شوف الله اخير منك فلان جاب لي التوب دا ههههههههه بس زولك بكون جايي من محل ادمان ومغلوب قام قال ليها الله اخير مني انا ؟ والشكلة قامت وانتهت بالطلاق هههههههههههه المهم يا زول نحن بعد دا الحل الوحيد العصمة تكون في بطن يدنا هههههههههههه .
واللهم اني امرأة .. وسلمتم يا عزيزي ..
ولي قدام .
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: مني عمسيب)
|
الأخ العزيز \ عثمان مكي .
لك التحية والتقدير .. ومشكور علي المرور .
Quote: اسمحو لينا ياخوانا نقوم بنمرة 4
انتن يا بت عمسيب اكان خليتن النقة نحن البمرقنا من البيت شنو. |
يا ود مكي اها اسه كلامك دا الفهم شنو ؟ بتشجع وبتخلق مبررات للحاصل ولا من المدمنين ؟ هههههههههههه غايتو الاجابة وراءها ما لا يحمد عقباه وربنا يكذب ( الكتو شينة ) ههههههه لكن برضو نبيت النية البضاء هههههههههه . دمت يا خيي .
ولي قدام .
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: مني عمسيب)
|
الأخ العزيز \ بشاري .
لك التحية والشكر علي المرور ..
Quote: لو ده حصل يا بت عمسيب ..
يانا البقينا عزبات كلنا معشر الرجال ..
الواحدة كان عاينت ليها ساى تطلقكـ |
يا بشاري الزمن دا كله القسيمة في يدكم استفدنا منها شنو نحن معشر النساء غير تمردكم علينا وحيلكم واستهبالكم ؟ عمومآ دا انسب حل للحظة دي وانا في انتظار بعض الكنداكات لمزيد من المقترحات . غايتو انت مفروض تحمد الله عشان الحل دا اسهل وانسب حل بالنسبة ليكم هههههههههههههههه . وسلمت يا خيي .
ولي قدام ..
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: الزنجي)
|
Quote: ادمان الكتوشينة !
ادمان النت !
ادمان الصحف . |
غايتو يابت عمي ديل ماعندي بيهن شغلة لكن الكورة دي مدمنها بلحيل ـ وما اظنها مأثِّرة عشان المرة اول ماتشوفني بشوف في الكورة بتخلي شغلتا وتجيب الارباب وتعمل فيها عاوزة ترضعه اونا اول مرة اشوف لي شافع برضع تسعين دقيقة ومرات في كور فيها زمن اضافي والحكمة برضو يرضعوه نامن تنتهي ضربات الجزاء ـ اها كدي بنكون دخلنا في لاءات بت عمسيب التلاتة ؟ بالمناسبة يامني انتي من ناس عمسيب الـ في بربر ولا اسم مشترك؟
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: عبدالعزيز الفاضلابى)
|
يا ود مكي سلام يغشاك ..
Quote: لا و الله يابت عمسيب ماقاعد أشجع و لا أخلق مبررات لكن بديك السبب و عشان ما تفهموني غلط انا ما قاعد ألعب كشتينة إلا مع الأولاد |
يا ود مكي يا ود امي هل النقة محصورة فقط في النساء ؟ دا تعمييم مجحف جدآ في حقنا والله يا عثمان بعرف لي رجال نقاقين لدرجة حلفت تاني ما امشي ازور نسوانهم عشانهم هم . انا موضوعي عن خصال مختصة فقط بالرجال يعني نحن ما معاكم اما بخصوص النقة وخلافه دي صفات مشتركة بين الجنسين . وسلمت .
ولي قدام .
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: مني عمسيب)
|
الأخ العزيز \ الزنجي .
لك التحية .. والشكر علي المرور .
Quote: هل توجد دراسة او استبيان بذلك للظواهر المذكورة فى انها بتخرب البيوت وبالمقابل ما رأئيك فى الثلاثة ديل النقة الطلبات الكتيرة قلة الفهم |
يعني الا تقع في الواطة دي بعد داك نقول انهارت ؟ التوتر وعدم الاهتمام دي كلها من ضمن افرازات انهيار البيوت . بعدين حتت النفقة دي يا خوي ما محصورة علينا نحن فقط والله امانة في رجال نقاقيين يكرهوك الحياة ههههههههههه . اما الطلبات الكتيرة دي بتحددها انت وهي ما لينا دخل فيها . اما بخصوص قلة الفهم برضو شي مشترك زي ما في امرة قليلة فهم في رجل اكتر قله منها يعني خصال مشتركة . ودمت اخي زنجي .
ولي قدام .
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: مني عمسيب)
|
سلام مربع
أها رايك شنو في من لا يلعب الورق ولا يشرب العرق
تعرفي يا بت عمسيب بكره الكورة وما بلعب كوتشينة ولا بشرب العرق
التلفزيون بالنسبة لي (ناتشرال جيوغرافيك) ودا طبعا مش كل حلقة لما تكون في حاجة عا########ي عاوز أشوفها
بالنسبة للأفلام بنتفق عليها ونشاهجها مع بعض
الإنترنت زي ما شايفة كتير مسجل غياب من سودانيزاونلاين ولن تجدي لي أثر في الفيسبوك والواتساب
الواتساب برد على الرسائل تقريباً كل اسبوع مرة واحدة لو في رسالة موجهة لي شخصياً وبقرأ الباقي لو في حاجة ضرورية عاوزة رد برد
الفيسبوك يمكن في الشهر مرة
القراية : الكتب والقراية المتعلقة بمجال العمل من كورسات متخصصة
ودي ذاتها يمكن في الشهر مرتين تلاتة وكل مرة لا تزيد عن ساعتين
شن قولك
بعد دا ما فضل لي إلا أبقى ياباني !!
| |
|
|
|
|
|
|
Re: يا معشر الرجال اتركوا هذه الظواهر للحفاظ علي بيوتكم !! توجد قصص عجيبة ! (Re: كمال الطيب الجميعابي)
|
منى يا بتنا
أنا مدمن كوتشينة والسبب إني جبت لي كمبيوتر في البيت قلت اشتغل فيه وأقرأ كورسات وأطور نفسي الولاد احتلوهو وشهرين تلاتة لحقوهو أمات طه أها قلت لازم أقضى وكت كتير مع الولاد في البيت، عشان ما يحسوا بالوحدة وكده لقيتهم متنشنين بي مما أجي من الدوام دا كفت دا، وديك عضت أخوها، ودا وقع من الكرسي وداك طالع فوق التلفزيون طلعت بي فكرة جهنمية جبت لي تلفزيون براي وختيتو في الصالون، وجبت ليهم تلفزيونهم يحضروا سلاق تيرا، وطرزان، وأنقري بيرد، وتوم آندجيري وأنا أحضر أفلام وناشيونال جيوغرافيك عليك امان الله التلفزيونين اتسلطوا عليهن كسروهن، والله يطلعوا فوق الواحد من فوق ولللللب يدوهو الواطة يرقدوهو شقق وأرباع أها من اليوم داك أنا استسلمت أجي من الدوام آخد لي نومة أقوم اتغدى معاهم وأقعد معاهم لحدي بعد العشاء وأمرق ما أرجع ليهم إلا يكونوا خلاس بقوا ناس نوم
تحياتي مثنى وثلاث ورباع
| |
|
|
|
|
|
|
|