|
|
 عقيقة بالقصيم طريق الرياض
|
عقيقة بالقصيم طريق الرياض:
سنة تمانية وتسعين جسم بورداب الرياض أو بورداب السعودية ما كان موجود، لكن كان عندنا جسم قطيعي آخر اسمو: رابطة السودانيين العاملين بشركة سليمان العبد العزيز الراجحي.
نزلنا بمطار الرياض الساعة تلاتة عصر، أربعة بياطرة، وتلاتة فنيين بياطرة، إتناشر راعي بيطري قادمين من الخرطوم. إجراءات المطار سحلفائية وضباط المطار يتأففون منّا ونحن نتأفف سراً منهم. تأخرت الحافلة التي من المفترض أن تنقلنا لمكان العمل الجديد، بعد ساعة أو أكثر ظهر هندي يحمل لافتة مكتوب عليها: الراجحي سوداني
فشينا مغصة ضباط المطار والتأفف في الهندي وسمعناهو ليك كيلة ولّ كيلتين ما عارف من الشتايم، بسري فكرت، قلت: الهندي دا لمان يرجع بلدو بفرغ المغص دا كلو في مرتو، وما لقيت لمرتو مخرج غير تدق الشفع، وديل بتفشوا في الكلاب الضالة ويا ويل الكلاب لو كانت في وضع حميم بالنهار!!
ـــــــــــــــــــــــــــــــــــ
الونسة دي داير أحكيها بطريقة الجمل الإعتراضية بتاعة عبد الله الطيب، مثلاً يبدأ موضوع وبعد جملتين يفتح قوس ويقفل القوس بعد حلقتين إذاعيتين ويرجع للموضوع الأساسي، ولو إتّا بديت الاستماع من الحلقة الثانية بتفتكر انو رجوعو للموضوع الأساسي فتح بيهو قوس جديد، وتظل منتظرو يرجع للموضوع الأساسي بتاع حكاية تأبط شراً ست القوس الأول؟
|
|
 
|
|
|
|
|
|
|
|
Re: عقيقة بالقصيم طريق الرياض (Re: سيف النصر محي الدين)
|
تحياتي أبا جُهينة
وشكرا على المتابعة
| Quote: بالله في واحد من الأقواس يا ابوبكر اشرح لي حكاية راعي بيطري دي! |
يا سيف، يا أخي، ما ممكن تكون فاتت عليك قصة إختلاف تخصصات الرواعية بالسعودية
مثلا: معظم الناس المهمين البكتبوا معانا هنا من السعودية يحملون لقب راعي بجوازاتهم مع إختلاف التخصص الدقيق!!
عندك عامل تربية مواشي (راعي): مهندس مدني
عامل تربية مواشي: مهندس كمبيوتر
وهكذا
إذاً: راعي بيطري لإرجاع الاسم لمسماهو الحقيقي
| |
|
|
|
|
|
|
|
|
|
Re: عقيقة بالقصيم طريق الرياض (Re: abas)
|
| Quote: شتقنا لي لبن البوش بي الفراوله والتمر |
سلام يا عِبس
يا أخي حليب البوش حاضر دائماً، يا أخي، نحن غير البوش ولبن البوش عندنا حاجة؟!
واحد بدوي مرة قال لي في لحظة تجلي: يا أخي، أي زول ما عندو بوش ولّ ما عندو علاقة بالبوش؛ أنا بشوفو تِمامة عدد ساكت في الدنيا دي!
أمنت على كلامو في الحال.
| |
|
|
|
|
|
|
|
|
|
Re: عقيقة بالقصيم طريق الرياض (Re: أبوبكر عباس)
|
رجعنا الحافلة والمرّة دي قعدت جنب دكتور آدم حقار، آدم دا، بالرغم من انو من دارفور إلا انو لم يصبه داء الغضب من الجلابة، وما زال محتفظاً بسماحة أهل دارفور الكانت قبل الرسالة التانية!
قلت ليهو: يبدو انو المشور لسع طويل، عليك الله، يا آدم، أحكي لي قصة ود السمهة (السمحة). قصة ود السمحة دي بالرغم من انها قصة قصيرة جداً، لكن آدم يستطيع أن يجعلها رواية قصيرة زي مقترح هرطقات هشام آدم.
القصة:
قال لي: ود أم درمان نقلوهو دارفور، وعندو مرتو وطفل عمرو خمس سنين، الشافع طبعاً هناك ما عندهم ليهو روضة، شالوهو ودوهو لخلوة جنب البيت، وكل يومين تلاتة بت أم درمان ترسل مع الشافع الملظلظ الأكل الما خمج للفكي، الأكل طبعا، لا الفكي لا أهلو سمعوا بيهو! الفكي بقى مركز مع الشافع وكل يومين تلاتة يقول للشافع: ود السمهة، أبوك ما سافر؟
الشافع بكل براءة يرد ليهو: ما سافر
يوم، الأبو بلعب مع ولدو وسألو: الفكي عامل معاكم شنو؟ الود قال ليهو كويس يا بابا، إلا، كل يوم، كل يوم يسألني: ود السمحة، أبوك ما سافر؟
| |
|
|
|
|
|
|
|
|
|
Re: عقيقة بالقصيم طريق الرياض (Re: Mohammed Bakheit)
|
| Quote: يا أبوبكر ياكا بكري ذاتك وقصصك الشيقة. سلام ياخي ,وانت طيب.. قلنا نعيّد عليك وكمان متابعين معاك - التحايا |
يا أخي معقول؟! العالم الشاب الجليل محمّد أحمد بخيت معانا في منتدى الرجرجة دا؟
ما دام إتّا معانا هنا، ما لك مخلي ناس دكتور قرشي عباس يتفسحوا فينا؟
صدق بشرى الفاضل؛ سودانيز أون لاين دي فعلاً منجم معادن نفيسة!
طبعاً بشرى وصف سودان فور أول بأنها بترينة صاغة!
سعيدين يا محمّد بطلتك البهية.
| |
|
|
|
|
|
|
|
|
|
Re: عقيقة بالقصيم طريق الرياض (Re: أبوبكر عباس)
|
| Quote: دخلتو الأوضة وجدعت التوب -الواقع أصلاً من الكتف- في السرير وقالت لي الفكي: أخد راحتك يا مولانا خليني أمشي أجيب العصاير والبخور |
الراجل جا هائج ماسك سكين في يدو اليمين ومسدس صغير في يدو اليسار، دفر الباب بحركة سينمائية لقى الفكي أخد راحتو علي الخالص وقاعد في الأوضة بالعراقي والسروال، شلت ليك الفكي وشتمو شتايم شديدة، الفكي رجف وإنخلع خلعة شديدة...
قال للفكي: عاجبك التملص؟ يلا ملص العراقي والسرور ديل كمان، الفكي من الخوفة طوالي قعد نيل
قال ليهو: عندك خيارين؛ تمرق الفريق بكرة الصباح عريان كدا، أو نجيب ليك المحراكة تطحن لينا شوال العيش دا كلو هسع دي؟
الفكي ردّ بخوف: نتحن ليكم شوالين.
الراجل مشى جاب المحراكة براهو بدون ما يقول للمرة جيبيها؛ خاف مرتو تجي اللوضة وتُعجب بالمواصفات الدارفورية!!
لمان الصبح أذّن، الفكي كان طحن الشوالين، وسمحوا ليهو يمشي، لبس السروال وطبق مركوبو وباقي هدومو وجري للخلوة، المصلين فقدوهو للصبح وجوهوا في الخلوة لقوهو مدمدم بالتوب، صحى قال ليهم: أقمت الليل كامل أمس، ربنا يقبل، وشالتني نومة قبل الصبح، الله يلعن إبليس.
بعد شهر الموظف سافر الخرطوم في مهمة، والشافع في الخلوة قال للفكي: عمي الفكي، أبوي سافر الخرطوم
الفكي قال ليهو: ود الكلــــــب، دقيقكم كِمل؟
| |
|
|
|
|
|
|
|
|
 Re: عقيقة بالقصيم طريق الرياض (Re: أبوبكر عباس)
|
| Quote: قام اللمين ود الدود (من الإتناشر راعي) |
دا كان لازم تجيبو معاك فعلا حرم دا اياهو الخفف ليك نار الغرباء
مثلما امتعك في البطانة فقد خفف لك نار الغربة في القصيم
عليك الله اسع اتا وين واللمين ود الدود دا وين ؟ ياخي شوقتنا ليكم الاتنين
.
.
ابوبكر عباس
شوقي ليك حرم سبق السلام وحبابك في السهلة دي والمنبر بقا نور عديل كدا
يلا الفخ من طرف وما تعلم كيبوردك الهوبان
حكي اخلي الزول اسف وابزق هههههههه
| |
|
|
|
|
|
|
|
|
|
Re: عقيقة بالقصيم طريق الرياض (Re: أبوبكر عباس)
|
Quote: الطيب، ما دام جيتني هنا، خليني نسألك عن المطيّة في صورة بروفايلك
هل المطيّة دي أبوها بعير أب سنامين؟ |
*** ابوبكر الصورة دي في مدينة اسمها بدع زايد بالامارات ضمن مهرجان مزاينة الابل والبعير دا كان الاغلى سعرا
تجاوز سعرو المليون درهم أي ما يجاوز ال 300000 دولار والصورة في شارع يسمى شارع المليون تعبر به الابل التي يتجاوز سعرها المليون .
*** اما النوق في ذلك المهرجان فقد بلغ سعر الاغلى فيهن ال 10 مليون درهم يعنى اكتر من 3.5 مليون دولار .
*** اما مسالة السنامين الإجابة لا الامارات لا يوجد بها هذا النوع .
*** الصورة في شتاء العام 2007 التقطتها لي صديقة انجليزية اسمها سارا سادلر زوجة مستر سادلر زملينا في ا لمكتب .
| |
|
|
|
|
|
|
|
|
Re: عقيقة بالقصيم طريق الرياض (Re: أبوبكر عباس)
|
| Quote: عليك الله اسع اتا وين واللمين ود الدود دا وين ؟ ياخي شوقتنا ليكم الاتنين |
سلام ود البوش،
قعدت بالقصيم أقل من سنة والآن بالإمارات متابع البوش (الإبل باللغة الدارجة للخليجيين).
شكرا على الترحيب المن القلب دا، وإن شاء الله نستمتع بالصحبة في حوش بكري دا، وبكري الله يعرّس ليهو.
مشيت أفتش عن معنى كلمة بوش يا عبد الله، لقيت المعنى الذي نستعمله في السودان فصيح جدا:
معنى بوش في معاجم اللغة العربية:
بوَّش الخبزَ في المرق: بلَّه فيه وفتّته
| |
|
|
|
|
|
|
|
|
|
Re: عقيقة بالقصيم طريق الرياض (Re: أبوبكر عباس)
|
لقيت الأقواس في الطريق لموضوع العقيقة كتيرة، وفي خاطري ستة ونسات قبل العقيقة:\
ونسة راعي الغنم السوداني ببر القصيم:
ما عارف هل وريتكم طبيعة الشغل الساقونا بيهو للسعودية ولّ لا!! المهم بتعرفوهو من سياق الونسة.
سلموني أنا وآدم لواحد بدوي اسمو أبو إبراهيم مسؤول مشروع الراجحي لحليب الإبل، دخلنا ليهو في المكتب، سلم علينا ببرود لحدي ما كيفني، وقال لينا إنتطروا شوية مع السكرتير السوداني.
السكرتير السوداني قال لينا همساً: وقعتوا وقعة سودا
آدم حقار إلتفت لي بابتسامتو العذبة وقال للسكرتير: إتّا ما عارف حاجة ساكت؛ زولك أب حواجب مقرونة دا، هو الوقعتو سودا
وشفطنا ليك الشاي والقهوة وحضرّنا ليك كل مجسات الحيطة والحذر لراعي البعارين الرئيس المرتقب. قلت لحقار الزول دا نسوي ليهو سوات أولاد الجريف شرق مع الصائم ديمة؟؟
هسع ذاتو قصة راعي الغنم نصلها كيف؟ خليك من العقيقة!
| |
|
|
|
|
|
|
|
|
|
Re: عقيقة بالقصيم طريق الرياض (Re: أبوبكر عباس)
|
يا جماعة
تخيروا عناوينكم او خدوا الحكمة من هشام هباني
مريت كم مرة بيه لكن ما قريتو هسع دخلت ليقيت حكي بالطريقة الطيبية البوفية او قل الشوقي بدرية
ياخي السرحة وقصة الكلام بجيب الكلام ونرجع لموضوعنا الاصلي دي من الطف اسليب الكلام والكتابة،
حضور ومتابعة
| |
|
|
|
|
|
|
|
|
|
Re: عقيقة بالقصيم طريق الرياض (Re: الصادق اسماعيل)
|
أخي أبو بكر عباس
السلام عليكم ورحمة الله وبركاته
ابتدر مداخلتي هذه بعد أن ضحكت ضحكة طويلة من تعليق أخونا الصادق إسماعيل الظريف
وبيني وبينك أنا دخلت الخيط دا وقلت أشوف مكان العقيقة وين والساعة كم وأعزم ليها صاحبي مقيم ببريدة (وش به حاجب أيسر أعلى قليلا من الأيمن)
والحصل طبعا بقينا متوحلين ومعلقين من أكثر من مسمار
تابع شنو العقيقة! ... قصة الرواعية الاطناشر! ... الراجحي! ... سالم الكيني! ... حليب الإبل !
رحم الله دكتور عبد الله الطيب ما كنت أستطيع أن اقطع استماعي له مهما كان السبب
وكنت استمتع أيما استمتاع بأقواسه هذه وأقعد افكر كيف يرجع من القوس دا للموضوع الأصلي
أو أراقب متى يفتح القوس القادم وهكذا
ممكن أطلب طلب ؟
افتح لينا قوس بالقصة دي
| Quote: وشفّتو التحت بها نقص لصبغة الميلانين. |
| |
|
|
|
|
|
|
|
|
|
Re: عقيقة بالقصيم طريق الرياض (Re: جعفر محي الدين)
|
أووبس
ما كان ينبغي لي أن أخرج من هذا الخيط قبل أن أبلغك
استمتاعي بما خطه يراعك ها هنا
كتابة طاعمة وراقية
من النادر أن تجد من يجيد هذا التداعي الرائع
شكرا على السرور الذي أدخله هذا الحكي في قلبي
| |
|
|
|
|
|
|
|
|
|
Re: عقيقة بالقصيم طريق الرياض (Re: أبوبكر عباس)
|
| Quote: العقيقة! ... قصة الرواعية الاطناشر! ... الراجحي! ... سالم الكيني! ... حليب الإبل ! |
تعرف يا جعفر محي الدين داير اقول لي ابوبكر يكمل لينا الاقواس اعلاه ولكن كمان خايف الاندياح يقيف ونقعد نتلفت
خارج الموضوع بي لفتين:
موضوع الأبل وسلالاتها، يا ريت لو تنااولت الموضوع بي صورة موسعة أكثر وبالتركيز علي السلالات السودانية
والكلام دا في بوست منفصل وبعيد عن الأقواس أعلاه
ومشكور على الإمتاع
| |
|
|
|
|
|
|
|
|
|
Re: عقيقة بالقصيم طريق الرياض (Re: tabaldy)
|
نزلنا من الأسفلت مشينا في دروب الرمل لمدة ساعة، سيارة أبو سلطان خابرا الدروب زي ما بقول القدال:
خابرين الدّروبْ
مَرَقوبنا في مُشْرَعْ مسارب الضّيْ
لقينا الدُّنيا تترجّانَا
بادية عظيمة لا أستطيع وصف جمالها، وكان ذلك اليوم أول يوم تقع فيهو عيني على مراح إبل سوداء ويطلقون عليها المجاهيم ، لقينا ربع (أهل) أبو سلطان مخيمين وكانوا ثلاثة من البدو وعامل سوري أعرج، ومصري نوبي (طباخ) يتحدث الحلفاوية أسمو عمر، وثلاثة سودانيين من حلفا الجديدة، ومعاهم تاتشرين وأربعة دبابات.
وقفنا السيارات والجماعة نزلوا الدباب بتاع اللمين وبعد الضيافة والقهوة والشاي، أبو سلطان شرح لينا خطة التحرك وتقسيم مجموعات الإبل والعمال ومكان المبيت وضبط موجات الراديو.
تحركت سيارتنا مع مراح الإبل المُداني وهي الإبل التي دنى موعد ولادتها (بالسوداني الأمدرماني: تقيلة) ومعانا اللمين ود الدود بالدباب وكان في حركة دائمة بين الإبل وسيارتنا، وما عارف، حركتو كانت بتشبه لي الدحش المباري أمو..
قوس الراعي:
في واحدة من عودات اللمين للسيارة قال لينا: شايفين الخيمة ديييك، بكون فيها سوداني غنامي، قلنا ليهو أرفع الموتر وأركب، وصلنا جنب الخيمة، جا زول طالع شايل ليهو حاجة في يدو، نزل اللمين ومشى عليهو، الزول جدع الحاجة الكان شايلها وهجم ليك علي اللمين عمتو بالسلام والتجعر، جعّر جعير شديد وقعد في الواطة، ونحن شغالين؛ يا زول، إستغفر، يا زول، صلي علي النبي، يا زول، إستهدى، الرجل يجعّر جعير يشبه صوت الغنم ويتمخط، ربع ساعة كل ما نقول ليهة حاجة؛ يٌصدر صوت يشبه صوت يشبه صوت التيس المخنوق، بعد شوية وقف على حيلو ويخمش ليك حقار بالمقالدة والتجعر. إنسحبت لورا (جني وجن السلام الفيهو عمتي) وهمست للمين: الزول دا يكون نسى الكلام وبقى يتكلم غنمي؟
قال لينا بعد زمن: جيتوا فاقدني؟ أمي ماتت موش؟ قلنا ليهو يا زول نحن جابنا الدرب وقلنا نسلم عليك.
أثناء شراب الشاي بالحرجل معاهو قال لينا: وحات سيدي الحسن، لي ستة شهور ما كلمت لي زول، قلت ليهو: بداية القرن الجاي الموبايل بجي وتكوس البسكتو...
| |
|
|
|
|
|
|
|
|
|
Re: عقيقة بالقصيم طريق الرياض (Re: ismeil abbas)
|
أبوبكر عباس
يااخ إنت زول حاااااقد
قاعد في السعودية من98 وعارف وسامع ببورداب الرياض
وعارف سودانيزأونلاين
وعارف نفسك حكّاي متل ده
وبخلان علينا
مطلوب منّك تكتب وتحكي زي سنتين تلاتة كده شي موضوع أساسي وشي أقواس
| |
|
|
|
|
|
|
|
|
|
Re: عقيقة بالقصيم طريق الرياض (Re: ودقاسم)
|
Quote: قاعد في السعودية من98 وعارف وسامع ببورداب الرياض
موضوع أساسي وشي أقواس |
ما ياقي كتير يا ود قاسم على الموضوع الأساسي (العقيقة)، كلها خمس ست حكوات وبرجع للموضوع الأساسي.
عليك الله، يا ود قاسم إعتذر لي؛ معقولة أكون قاعد بالسعودية من الزمن داك، ولسع أنا زول جميل وشفيف كدا!
زعلتني
| |
|
|
|
|
|
|
| |
أبوبكر عباس
ابو جهينة
سيف النصر محي الدين
الطيب عثمان يوسف
abas
الصادق صديق سلمان
عبدالله ود البوش
mustafa mudathir
الصادق اسماعيل
جعفر محي الدين
معاوية الزبير
ismeil abbas
ودقاسم
فيس بوك
تويتر
انستقرام
يوتيوب
بنتيريست