|
رسالة عتاب من أمين محمّد سليمان الشهير ببروف أمين نوتة
|
وصلتني مع بزوغ فجر العيد رسالة من صديقي بروف أمين نوتة، بعد المعايدة والمطايبة تحدث عن عتابه الكبير للزملاء بسودانيز أون لاين ونسيانهم للعشرة!! المهم، الرسالة تقطع القلب، وفهمت منها انو شوية تحنيس وكلام حلو في حق البروف ممكن ترجعو للكتابة هنا. أيدكم معايا يا شباب وخلونا نتجاوز بكري أبوبكر، وبرانا نبث برسائل رقيقة عبر هذا البوست للبروف العظيم الناس الجافين وما بعرفوا الكتابة الرقيقة؛ ينأطونا بالسكات*.
ـــــــــــــــــــــ * ينأطونا بالسكات = ينقطونا بالسكات (مثل مصري) أي مشاركة الناس الغير مرغوب بهم في النقطة (الكشف) مقبولة لو كانت مجرد السكات
|
|
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: أبوبكر عباس)
|
الاستاذ ابوبكر عباس عيد مبارك عليك وعلي الخال البروف امين غياب الخال من هنا أصاب المنبر بلوعة كأنه مصاب بالمس من غيابه كتاباته كانت تعني لنا الكثير والكثير من العلم والمعرفة وهو كاتب ذو ذوق عالي ورفيع وانا هنا افتقده كثير واطالبه ان يعود حتي لايحرمنا من المتعة من كتاباته الجميلة والراقية
----------- لكن يا خال الفيك اتعرفت
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: Osama Mohammed)
|
عيدكم مبارك الزول دا مش الراجل النبذ المرا ديك ولحقها سوق الحمير ما تخلوا العواطف وخليكم عديلين .. عاوزنوا يجي تاني ينبذ ليهو واحدة تانية لو كانت الست النبذها دي قريبة واحد فيكم كنتوا حترضوا يا بكري خلي حوشك نضيف ومادام الزول دا مشي بخيره وشره ارجوك خليهو برا حيشان ام درمان مليانة موية .. فخلي حوشك ناشف ارجاع الزول دا يعتبر رخصة من بكري للجميع لينبذوا الجميع ومافي زول يشتكي من زول لا دخل للعواطف في العمل المسلمي تداخلك عوج باقي الناس بصراحة ما بعرفهم العفو لله والرسول عيد سعيد. زر قناتي في اليوتيوب من فضلك واشترك فيها http://www.youtube.com/user/KabbashiSudan
كبـّاشي الصافي
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: أبوبكر عباس)
|
الفحيل، صلاح فقير، أسامة محمد، جعفر أسماعيل وسامي عبد المطلب، كل سنة إنتو طيبين وكمان عيد مبارك لكنتونا مشكورين على الرسائل الرقيقة وبرضو مشكور يا كنتونا على المشاركة
Quote: الناس الجافين وما بعرفوا الكتابة الرقيقة؛ ينأطونا بالسكات* |
الفكرة يا كنتونا، لو أمين حردان من نفسو يجي راجع لو ملاحظ، ما في زول قال لبكري رجع لينا البروف والحقيقة لحد الآن أنا ما عارف أمين غائب ليش؟؟ والرسالة موضوع البوست غير حقيقية وإنما عملتها من باب المداعبة والود لصديقي البروف
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: عمار عبدالله عبدالرحمن)
|
كل عام والجميع بخير انا ما بعرف الكابشرات والكوبي والحفظ لان لا غرض لي مع زول ولكن هنالك بروف وكتب كلام كتير عن ست اسمها احلام منو مش عارف وقال فيها مالم يقله مالك في الخمر كان ياهو دا الزول القاصدنو .. نحن مابنقبل يرجع البورد وكتر خير بكري الطرده كان بقى زولا كتر ممكن يرجع لو طلع براهو ولكن لو طردوه خلاص خلو الموضوع لصاحب المنبر وكدي المتذكرين الزول البروف النبذ احلام يورونا ياهو ذاتو ولا زولا غير؟ العفو لله والرسول عيد سعيد. زر قناتي في اليوتيوب من فضلك واشترك فيها http://www.youtube.com/user/KabbashiSudan
كبـّاشي الصافي
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: cantona_1)
|
ول أبا كباشي الصافي العيد مبروك عليك انت تقصد شص اخر بتاع شقة القاهرة وقصته مع المرأة التي حولتها الي كلام كتير حسب وصفه لا كن البروف أمين حقنا ده شخص جميل يحاسب نفسه من كلام الناس الشين خلي يقوله هو ده شخص من عالم اخر وصاحب مبدأ ورأي سديد
---------- ول أبا تسلم اها فهمت. والاً ازيدك
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: محمد المسلمي)
|
كل عام والجميع بخير ول ابا المسلمي فهمت انهم زولين ولكن لم توضح لي لماذا زولكم خلى المنبر؟ هل تركه بارادته ام طرده بكري؟ كان خلاه بارادته فقد دخل بارادته وخرج بارادته فالناس دخلها شنو كان طرده سيد المنبر يبقى الامر متروك للاخ بكري العفو لله والرسول عيد سعيد. زر قناتي في اليوتيوب من فضلك واشترك فيها http://www.youtube.com/user/KabbashiSudan
كبـّاشي الصافي
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: جمال ود القوز)
|
Quote: كان طرده سيد المنبر يبقى الامر متروك للاخ بكري |
يا كانتونا عيدك سعيد إن شاء الله يا أخي يقولوا ليك الزول دا ما بجيب الأعوج في لسانو، وزول راقي وذوقو عالي، تجئ تقول كان طردوهو!! أصلا كان في طرد، تكون طردتو المساككة ولا نهائية الغلاط، أو الناس ما قادره تستوعب طرحو فأصابه اليأس أو ربما تكون نصيحة طبية غالية فاستجاب لها مؤثرا سلامة القلب والعقل على متاع المنبر
بعدين يا دكتور أبوبكر عباس، متابعة سودانيز محض إدمان فإذا استطاع الواحد التحكم في نفسو بالامتناع عن تعاطيه لشهور أو سنوات (واكتفى بالمناسبات) يكون كويس، هي الدنيا طايره؟ أهو المنبر قاعد والإنقاذ قاعدة وبكري ربنا يطول عمرو
تحياتي يا بروف
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: أبوبكر عباس)
|
أها يا بروف شوف الأعجاب والحب ديل كيفنهن؟ سيف النصر، السنوسي بدر، الشفيع، أمجد الجميعابي، فتحي الصديق، عمار عبد الرحمن، أحمد أبكر، جمال ود القوز، ومعاهم أمير قطر معاوية الزبير كلهم جابوا عمدانهم وجوك وحتى مداخلة المستنير وهبة من الفيس بوك يبدو أنها تبطن خلاف ما تُظهر.
يا كنتونا 1، إتّا (القناة) بتاعتك دي ما بنفع تتكي عليها؟ لازم لازم تركب فوقها السنان!! رحم الله المتنبي
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: أبوبكر عباس)
|
Quote: بعدين يا دكتور أبوبكر عباس، متابعة سودانيز محض إدمان فإذا استطاع الواحد التحكم في نفسو بالامتناع عن تعاطيه لشهور أو سنوات (واكتفى بالمناسبات) يكون كويس، هي الدنيا طايره؟ أهو المنبر قاعد والإنقاذ قاعدة وبكري ربنا يطول عمرو |
آمين آمين دي لطول عمر بكري لكن يا معاوية، نحن ما زي الثعلب الإنقطع ضنبو كايسين ضنب البروف يا أخي، إتّا ما عارف أهمية البروف دا؟؟ مرّة كنت منتظر لي واحدة قريبتنا بمطار دبي جاية من لندن، البت قبل تسلم علي كويس قالت لي: الليلة حصلت لي صدفة عظيمة قلت ليها خير؟ - صادفت بروف أمين نوتة بمطار هيثرو - وأمين بتعرفيهو من وين؟ - من سودانيز - فلت بسري بكري ربنا يطول عمرو
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: أبوبكر عباس)
|
Quote: يا كنتونا 1، إتّا (القناة) بتاعتك دي ما بنفع تتكي عليها؟ لازم لازم تركب فوقها السنان!! رحم الله المتنبي |
يا بكوري نوع كلامك الكبار كبار دا تمشي تقولو في بوست هشام، نحن هنا التوريات دي ما بتخارج معانا ثم إنو وحسب زيارة إلى هناك لا توجد أي أسنة في قناة كانتونا، كل ما في الأمر ريش نعام لنفض الغبار
بعدين يا حكيم المعيز،، شنو ضنب وما ضنب، لكل مقام ألفاظ ياخ
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: muntasir)
|
كل عام والجميع بخير الإخوة الكرام إن شاء الله تكونوا عيدتو طيبين وأكلتو اللحمة .. ما تقولوا لي دا رمضان زي ما يقول السودانيون.. دا اسمه عيد الفطر... وطبعاً من عجايب السودانيين طبعاً عندنا يوم الوقفة في عيد الفطر... ممكن تورونا وقفة شنو الفي عيد رمضان دي؟ المعروف يوم الوقفة في عيد الفداء هي الوقوف بعرفة .. لكن عندنا مِحن برانا كما يقول الاستاذ شوقي بدري نعتذر بمساهمتنا المتواضعة في بوست البروف نوتة ... لقد تشابهت علينا الأسماء لكن فيكم زول سأل نفسه البروف دا ترك المنبر ليش؟ في حاجات كتيرة تكون ما عجبته .. إمكن مشغول في الرزق وإمكن وإمكن وهلم جرا كما يقول سيدي. ويا منتصر عندنا في تراث البقارة بقولوا: الزول دا بركب حمير الضيفان (الضيوف). أها انا المرة دي رِكِب حمير الضيفان .. فعليك الله عديها لي عوفة .. يعني بالعربي Pardon me please العفو لله والرسول عيد سعيد. زر قناتي في اليوتيوب من فضلك واشترك فيها http://www.youtube.com/user/KabbashiSudan
كبـّاشي الصافي
| |
|
|
|
|
|
|
Re: رسالة عتاب من أمين محمّد سليمان الشهير ببروف أمين نوتة (Re: أبوبكر عباس)
|
ياسر طيفور، خالد عبد الله، بله، ياسر الشريف، أبوالقاسم، قريبي أبوسن والفحيل، إن شاء الله نجاملكم في الأفراح، ولو البروف ما جبر بخاطركم؛ بحنس ليكم شخصية أهم منو في بوست لاحق!!
Quote: ونقول ليهو بالله لمن تجي قول لينا رايك في مسألة مريم التي تدعى أبرار. فـ العزا لي حولو بجيب زولو. |
هسع تلقاهو يا ياسر، قاعد في البلكونة وشايل النوتة يدون كل حرف إنكتب عن "صورة مريم"، وزي ما قال المستنير وهبة ذات زعلة من البروف: إتّا بس أقعد في البلكونة وشيل نوتك وتجي في النهاية تنظر لينا.. عن المستنير وهبة بتصرف المهم يا ياسر، البروف شخصية مهمة جداً في المنتدى دا، وواحد من نجوم الأسافير، وأنا -بالرغم من حداثة وجودي بالمنبر- بعد بكري أبوبكر أوكل لي المهمة الإجتماعية التحنيسية بالمنبر، إصطفيتو وبديت بيهو التحنيس، وبعدو طوالي ح تكون الأميرة داليا حافظ داليا طبعا صعب نعمل ليها بوست منفرد بإعتبار للذكر نصف حظ الأنثيين
| |
|
|
|
|
|
|
|