|
|
|
 Re: لو كنت المسؤول ..... (Re: سيف اليزل سعد عمر)
|
سلام السيد الطيب،
انت عارف أي شخص يعملوا معاهو لقاء لازم يكون خاتين في كورنة الاستديو فنان بفرقتو ولا مداح بجماعتو،
وقالوا كمان في حاجة اسمها فرقة التلفزيون (سوبر فرقة) تعزف أي أغنية !
المهم:
تلقى الجماعة شادين ليك الضيف ، والجماعة في كورنة الاستوديو شغالين شد في آلاتهم الموسيقية وطاراتهم، البلدية،
أها كلما يحسو إنو الضيف انعصر وململ ، ينزلو ضغطو بأغنية أو مدحة ، وطبعا بعد استئذانه بـ"فاصل ونعود"
ويجيك بعد الفاصل وهو في آخر أريحية وبهجة،
طبعا أمر الفنان والمادح متوقف على طبيعة ضيف الحلقة...
والمعنى واضح.
تحياتي وتقديري.
| |
  
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
الطيب؛ كيفك يا الحبيب....
ياخ انت فاقع مرارتك فوق كم، انا غايتو لي سنوات ما عارفة كم... لكنها كتيرة...
ما عندي اي علاقة بقناة سودانية من اساسو، ياخ دي قنوات تعيد انتاج الوهم، وكلها زي بعض...
والغريبة نفس الضيوف يجوك كل يوم وكل عيد...
.هسع ممكن اتوقع ليك برنامج العيد لاربعة ايام...
واقوليك الضيوف البجوا، والمواضيع الحاتتطرح، وراي الضيوف...
ياخ حفظناهم، والفنانين ذاتن، ونفس اللكة القديمة، ويا هو غنا الحقيبة، وقد لخبطوهوا لخبطت السنين...
كنت احضر اغاني اغاني كل عام... بس
السنة دي وحاتك اخر حلقة حضرتها عن الاستاذ/ اسماعيل حسن،
وشتتا تاني ولا قاعد افتح اي قناة سودانية،
هو اصلا في وكت للوهم ديل...
مديح دا ما حصل عمري تميت لي مدحة،
من يوم ما سمعت بالصدفة مدحة تقول: اجمل صدفة جابتك نطفة...
بالله شوف الفراغ دا...شوف العبقرية دي... نطفة قال، نطفة في عينو...
ريح نفسك واستريح...
| |
|
|
|
|
|
|
|
|
|
Re: لو كنت المسؤول ..... (Re: عبدالمنعم الطيب حسن)
|
Quote: نجوم الغد
تبحث عن المواهب
المواهب القاضية غرض كلها هاجرت تبقت لنا مواهب ( الفريع البان - وهوي يا ليلة هوي - و مواهب أخرى تردد كنوز محبة)
ياخ محبة بتاعة فنيلتك اطلع اشتغل بلا محبة معاك |
يا ودشيقوق
الموضوع فعلاً له جوانب كثيرة واولها تركيبة السوانيين
شعب داير اللقمة الساهلة الراحة
وأولهم أنت خليت كار اهلك وجريت جامعةالخرتوم
ليه ما قريت زراعة أو طب او طب بيطري عشان ترجع البردانة
لكن كانت في رأسك البندر أولاً وبعدين الوظيفة
حتى لو قلنا انك توظفت في سنجة في البداية للنضمي
لكن كانت ام در والهجرة في رأسك
يمشي طه سليمان يغني في حفل بــ 17 مليون داير واحد يقعد ليك في شندي يحش البرسيم يعشي بهايمو
ويظل تحت عناية حمــ اره ركوبة طول عمرو نفسو يركب ام أربعة قوديار لساتكو
أصبحت يا العشا أبـ لبن اسهل طريقة للثراء اما تكون فنان او مداح
ولا تظل تنظر الماهية الما جايبا همها كل شهر
| |
|
|
|
|
|
|
|
|
|
Re: لو كنت المسؤول ..... (Re: عبدالمنعم الطيب حسن)
|
اخي منعم
كل عام وانتم بالف خير
الطيب؛ كيفك يا الحبيب....
ياخ انت فاقع مرارتك فوق كم، انا غايتو لي سنوات ما عارفة كم... لكنها كتيرة...
ما عندي اي علاقة بقناة سودانية من اساسو، ياخ دي قنوات تعيد انتاج الوهم، وكلها زي بعض...
والغريبة نفس الضيوف يجوك كل يوم وكل عيد...
.هسع ممكن اتوقع ليك برنامج العيد لاربعة ايام...
واقوليك الضيوف البجوا، والمواضيع الحاتتطرح، وراي الضيوف...
ياخ حفظناهم، والفنانين ذاتن، ونفس اللكة القديمة، ويا هو غنا الحقيبة، وقد لخبطوهوا لخبطت السنين...
كنت احضر اغاني اغاني كل عام... بس
السنة دي وحاتك اخر حلقة حضرتها عن الاستاذ/ اسماعيل حسن،
وشتتا تاني ولا قاعد افتح اي قناة سودانية،
هو اصلا في وكت للوهم ديل...
مديح دا ما حصل عمري تميت لي مدحة،
من يوم ما سمعت بالصدفة مدحة تقول: اجمل صدفة جابتك نطفة...
بالله شوف الفراغ دا...شوف العبقرية دي... نطفة قال، نطفة في عينو...
ريح نفسك واستريح...
مش انت لوحدك في جماعة بجوني في بيتي يوميا وشرطهم للونسة معاي قفل التلفاز نهائيا
ولما افتح التلفاز صدفة أتوقع عبارة ( لا حول ولا قوة الا بالله ) طوالي منهم
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
اب احمد
الموضوع فعلاً له جوانب كثيرة واولها تركيبة السوانيين
شعب داير اللقمة الساهلة الراحة
وأولهم أنت خليت كار اهلك وجريت جامعةالخرتوم
ليه ما قريت زراعة أو طب او طب بيطري عشان ترجع البردانة
لكن كانت في رأسك البندر أولاً وبعدين الوظيفة
حتى لو قلنا انك توظفت في سنجة في البداية للنضمي
لكن كانت ام در والهجرة في رأسك
يمشي طه سليمان يغني في حفل بــ 17 مليون داير واحد يقعد ليك في شندي يحش البرسيم يعشي بهايمو
ويظل تحت عناية حمــ اره ركوبة طول عمرو نفسو يركب ام أربعة قوديار لساتكو
أصبحت يا العشا أبـ لبن اسهل طريقة للثراء اما تكون فنان او مداح
ولا تظل تنظر الماهية الما جايبا همها كل شهر
انا ما قريت لا زراعة لا طب بيطري لكني افهم فيها الكثير لانها أصلا جارية في دمي -
تصدق يا منسي اهم خبر عندي هو النشرة الجوية و تمددات وتراجع الفاصل المداري
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
Quote: ههههههههههههههههههههههههه،
حتَّ إنت يا قريبي.
خليهم يطنبرو الله يرضى عليك،
الحكاية ما نِقاحة ورمي تيراب.
العيد يتبارك عليكم إنت وود الزبير |
يا ود المدير،
ياخ معاوية ومعاوية ؛
والزبير ذاتا على وزن المدير؛
والاتنين مبدعين وكتاباتكم فارعة،
ومبدعة...
فالقصة تلخبط اتخن تخين،
انا غايتو اشوف الاسم كله،
المدير طوالي البرتا، كندا، و10 الف دولار امريكي،
الزبير يا هو زولنا بتاع الدوحة.....
تحية لكليكما وتقدير،
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
تعرف ياشيقا ـ زمنك ده كله تعرض بره الداره
المرة دي صقريتك جوه الداره ـ كلامك ده صاح مية المية
الهداك يهدي ناس التلفزيون والنحي نحينات.
يعني من كلامك ده تاني مافي بوستات حت؟
| Quote: كل خمسة وليدات مشوا ليهم لترزي يفصل ليهم لبسة طقم واااااااااااحد ويجوا يرشونا بالمديح |
ذكرتني عمنا ودالإمام ولده الخير قبل العيد بي كم يوم
قال لي ابوه يابا انا دايرلي بنطلون للعيد ابوهو ساقو البندر
تاني يوم وقطعوا القماش. الخير شال القماش وداهو للترزية
بتاعين البرندات {اكسبرِس} قالوا ليهو تجي باكر تستلمه.
تاني يوم ابوالخير جاء معاهو عشان يدفع للترزي , ابو الخير
راكب الـ حـ مار والخير ماشي قِدَّامو ـ والخير اتشابهت عليهو البرندات
وماعِرف بنطلونه عند ياتو ترزي .. بِقوا كلما يقيفوا قِدَّام ترزي الخير
يخت اصبعه في خشمو وابوه يسأله: الخير ده ترزيك؟
الخير يجيب بلا. بعد لَفُّوا السوق كله تعرَّف الخير علي ترزيهو اخيراً.
ابو الخير مرق الجزلان وقال للخير:
بيييييييه, والله يالخير ياولدي إنت أخير مِنَّك كان الزول يسعي ليهو
عَز {عنز} والدة
دحين شباب الزمن ده أخير منهن .......
| |
|
|
|
|
|
|
|
|
|
Re: لو كنت المسؤول ..... (Re: عبدالعزيز الفاضلابى)
|
Quote: تعرف ياشيقا ـ زمنك ده كله تعرض بره الداره
المرة دي صقريتك جوه الداره ـ كلامك ده صاح مية المية
الهداك يهدي ناس التلفزيون والنحي نحينات.
يعني من كلامك ده تاني مافي بوستات حت؟
Quote:
ذكرتني عمنا ودالإمام ولده الخير قبل العيد بي كم يوم
قال لي ابوه يابا انا دايرلي بنطلون للعيد ابوهو ساقو البندر
تاني يوم وقطعوا القماش. الخير شال القماش وداهو للترزية
بتاعين البرندات {اكسبرِس} قالوا ليهو تجي باكر تستلمه.
تاني يوم ابوالخير جاء معاهو عشان يدفع للترزي , ابو الخير
راكب الـ حـ مار والخير ماشي قِدَّامو ـ والخير اتشابهت عليهو البرندات
وماعِرف بنطلونه عند ياتو ترزي .. بِقوا كلما يقيفوا قِدَّام ترزي الخير
يخت اصبعه في خشمو وابوه يسأله: الخير ده ترزيك؟
الخير يجيب بلا. بعد لَفُّوا السوق كله تعرَّف الخير علي ترزيهو اخيراً.
ابو الخير مرق الجزلان وقال للخير:
بيييييييه, والله يالخير ياولدي إنت أخير مِنَّك كان الزول يسعي ليهو
عَز {عنز} والدة
دحين شباب الزمن ده أخير منهن ....... |
والله يا عزو انا خايف بالطريقة دي السودان كلو ينقلب مريم روما - ياخ حت يمعط شنبك هو تاني في نفس للحت ؟
ما ببتذكر أيام زمان لما تسمع أولاد الماحي مع التمساح ويا ليلة ليلك جنة ولما تسمع السراي الجافوا النوم وعقدوا الراي وحياتك الواحد يهتز من رجليه لشعر راسو
زمان كنا بنشيل الود وندي الود يا عزو ما بين القلعة و14
ههههههههههههههههها والله عافي من عمك ود الامام لكن الوليد .. النملة
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
| Quote: ههههههههههههههههها والله عافي من عمك ود الامام لكن الوليد .. النملة |
عمنا ودالإمام جوهو خُبراء من وزارة الزراعة عاوزين يعيدوا تأهيل مشروع الفاضلاب الزراعي ــ ــ قالوا ليه ياودالإمام عاوزنك تدلنا علي المزارعين الخِبرَة
قال لهم بلحيل ــ ركب معاهن في البوكسي بتاعهم وقال للسواق أطلع نامن وقف بيهم في المقابر ــ قالوا ليهو يازول وقفت هنا ليش؟
قال لهم : إنتو مش قلتو عاوزين المزاعين اصحاب الخبرة؟
ياهن ديل الراقدين في المقابر دي.
| |
|
|
|
|
|
|
|
|
|
Re: لو كنت المسؤول ..... (Re: عبدالعزيز الفاضلابى)
|
Quote: عمنا ودالإمام جوهو خُبراء من وزارة الزراعة عاوزين يعيدوا تأهيل مشروع الفاضلاب الزراعي ــ ــ قالوا ليه ياودالإمام عاوزنك تدلنا علي المزارعين الخِبرَة
قال لهم بلحيل ــ ركب معاهن في البوكسي بتاعهم وقال للسواق أطلع نامن وقف بيهم في المقابر ــ قالوا ليهو يازول وقفت هنا ليش؟
قال لهم : إنتو مش قلتو عاوزين المزاعين اصحاب الخبرة؟
ياهن ديل الراقدين في المقابر دي. |
ههههههههههههههههههههههههههههههههههههههها ياخ والله اضحك ومتخيل عمك ود اللمام متحسر على الماضي اللولى وفات
غايتو عجبتني للأفندية
عشان كدا اهل الزراعة وخبراء الزراعة رحلوا ورحلت معاهم الزراعة يا أبا المك
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
والله يا الفاضلابي يا ريت كان سمع قصة عمك ود الامام دي اخونا العضو في هذا المنبر إسحاق بلة الأمين من اهلك ناس فداسي بالحيل بتكيف لنوع القصص دي وعندو كتيرة جدا
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
اتو اناس بتنضمو ساي ذهبت فيكم عطشة وله شنو
....بتنضمو ساي للاصدقاء حصريا...
هو الزراعة دي بلا عدل....
هسع نحن في الجزيرة،،نزرع كيفن...
ان بقيت مطر الله صبن نسقيا شنو....
والله خائف من ودشيقوق ود المدير بي زهجتن دي...
اقولو لي ان شاء الله بي القالوا جدي ازرعو...
| |
|
|
|
|
|
|
|
|
|
Re: لو كنت المسؤول ..... (Re: عبدالعزيز عثمان)
|
Quote: اتو اناس بتنضمو ساي ذهبت فيكم عطشة وله شنو
....بتنضمو ساي للاصدقاء حصريا...
هو الزراعة دي بلا عدل....
هسع نحن في الجزيرة،،نزرع كيفن...
ان بقيت مطر الله صبن نسقيا شنو....
والله خائف من ودشيقوق ود المدير بي زهجتن دي...
اقولو لي ان شاء الله بي القالوا جدي ازرعو... |
يا عزو انا بتكلم عن شعب عاطل وانصرافي هو لو ما انصرافي حكومة فاسدة زي دي تكون واطية على راسو 25 سنة ؟
ماذا يضيف الغناء والمديح لنا ونحن في هذه المحنة ؟ هل هو أولوية يستحق ان تنشغل بها جميع القنوات الفضائية هكذا؟
الشباب والشابات البغنوا وبمدحوا هم في غاية السذاجة - يجهزوا ليهم المطارف والحشايا في ارقى الاستديوهات و يغنوا ويترنحوا ما عارفين نفسهم مركوبين بأجندة تم اختيار الفن ليها كوسيلة وليس غاية
| |
|
|
|
|
|
|
|
|
|
Re: لو كنت المسؤول ..... (Re: فيصل محمد خليل)
|
مولانا ابن الهليل
ياخ اول وين عمو كمال والله الشوق ليهو فاض ؟ بعدين انا عملت فورماتنغ للجهاز فضاعت منى كل الأرقام فلو امكن اكتب لي رقمو في المسنغر او هنا في الصقيعة دي
red]ممكن تكون خاتي سماعة الـ mp3 في اضانك و تلقط قطن
وهلم جرا ................
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
Quote: عمنا ودالإمام جوهو خُبراء من وزارة الزراعة عاوزين يعيدوا تأهيل مشروع الفاضلاب الزراعي ــ ــ
قالوا ليه ياودالإمام عاوزنك تدلنا علي المزارعين الخِبرَة
قال لهم بلحيل ــ ركب معاهن في البوكسي بتاعهم وقال للسواق أطلع نامن وقف بيهم في المقابر ــ
قالوا ليهو يازول وقفت هنا ليش؟
قال لهم : إنتو مش قلتو عاوزين المزاعين اصحاب الخبرة؟
ياهن ديل الراقدين في المقابر دي. |
ههههههههههههههههههههههه
عندك المحن يا ود الفاضلابي
ولحين ميسرة
| |
|
|
|
|
|
|
|
|
|
Re: لو كنت المسؤول ..... (Re: خالد علي محجوب المنسي)
|
عيدكم سعيد يا شيقوق ولضيوفكم
تعرف زمان في السبعينيات تقريبا جدنا الطاهر عليهم الرحمة ... الخريف ما لعب - البُقرة (بضم الباء) - النجاضة - الطيار (فوق) - الجرف (تحت) (الحواشات) في المشروع متروسة قش وموية غرق - كل الحاجات معاها (زرائب) و(زرائب) - (اجتمعت) في وقت واحد - الجماعة كلهم (مقيلين) في الخلاء - من البياح حتى الظلام - يلحقوهم الأكل في الخلاء - طالع (النجاضة) شاف ليهو (كم وليد) (الواو مكسورة شديد) قاعدين (ووسطهم) كورة بنفخوا فيها - ساءل واحد قال ليهو الوليدات ديل قاعدين (كوم) لشنو ؟ أها بحسن نية قال ليهو عندهم (كورة) .... جدنا قال ليهو أكان لقيت لي فيهم (عصرية) في النجاضة دي أبرك ليهم ,أفضل لي ؟؟ جدنا مشهور بين ناس (الحلة) زول شدائد - التيواريب كلها - يتم اختيارها بعناية - يعني أفضل قناديل الذرة والدخن والعنكوليب (عارفك جنك عنكوليب) - اللوبيا - البطيخ - الفول - التبش - العجور - يختار أفضلها وأجملها - وممنوع اللمس والنظر والقطع - تحفظ في (عرقها) ( أكسر العين بالله) أطول فترة ممكنة حتى (يصفٌر) لونها وتحفظ بكالمها - وتجفف وتطلع مع بداية موسم زراعتها ... ما تنسى الزول ده عندو من الأنعام و (السعية) ما يملاء الأرض والسماء ..... أها لو كنت المسؤول لبحثت عن ( أمثاله) الأحياء في كل بقاع السودان (الباقي) وجعلته وزيرا للزراعة ...
غايتو لو كان رزقنا - لقمتنا - مصدرها هؤلاء (جيل اليوم) لكان الموت والجوع (طابق) مصيرنا ... لا نرمى عليهم كل اللوم - على حكومة الغفلة - التي سعت سعيا حثيثا (لقوقعة) هذا الجيل في هذا المربع - إنه دور مرسوم بعناية ياشيقوق - وأنتم سيد العارفين ... فتك بعافية
الشفيع إبراهيم
| |
|
|
|
|
|
|
|
|
|
Re: لو كنت المسؤول ..... (Re: Alshafea Ibrahim)
|
Quote: تعرف زمان في السبعينيات تقريبا جدنا الطاهر عليهم الرحمة ... الخريف ما لعب - البُقرة (بضم الباء) - النجاضة - الطيار (فوق) - الجرف (تحت) (الحواشات) في المشروع متروسة قش وموية غرق - كل الحاجات معاها (زرائب) و(زرائب) - (اجتمعت) في وقت واحد - الجماعة كلهم (مقيلين) في الخلاء - من البياح حتى الظلام - يلحقوهم الأكل في الخلاء - طالع (النجاضة) شاف ليهو (كم وليد) (الواو مكسورة شديد) قاعدين (ووسطهم) كورة بنفخوا فيها - ساءل واحد قال ليهو الوليدات ديل قاعدين (كوم) لشنو ؟ أها بحسن نية قال ليهو عندهم (كورة) .... جدنا قال ليهو أكان لقيت لي فيهم (عصرية) في النجاضة دي أبرك ليهم ,أفضل لي ؟؟ جدنا مشهور بين ناس (الحلة) زول شدائد - التيواريب كلها - يتم اختيارها بعناية - يعني أفضل قناديل الذرة والدخن والعنكوليب (عارفك جنك عنكوليب) - اللوبيا - البطيخ - الفول - التبش - العجور - يختار أفضلها وأجملها - وممنوع اللمس والنظر والقطع - تحفظ في (عرقها) ( أكسر العين بالله) أطول فترة ممكنة حتى (يصفٌر) لونها وتحفظ بكالمها - وتجفف وتطلع مع بداية موسم زراعتها ... ما تنسى الزول ده عندو من الأنعام و (السعية) ما يملاء الأرض والسماء ..... أها لو كنت المسؤول لبحثت عن ( أمثاله) الأحياء في كل بقاع السودان (الباقي) وجعلته وزيرا للزراعة ...
غايتو لو كان رزقنا - لقمتنا - مصدرها هؤلاء (جيل اليوم) لكان الموت والجوع (طابق) مصيرنا ... لا نرمى عليهم كل اللوم - على حكومة الغفلة - التي سعت سعيا حثيثا (لقوقعة) هذا الجيل في هذا المربع - إنه دور مرسوم بعناية ياشيقوق - وأنتم سيد العارفين ... فتك بعافية |
والله يا الشفيع اخوي ضحكتني بالحيل حكيك حلو عنكوليب منقى بس
لكيييييييييييييييييييييييين يا ود عمي جدك شيقوق متطرف اكتر من جدك دا
على الطلاق لما الخريف يملا طب ويبقى مدندن بالحيل جدك شيقوق بشيل عكازو بشق ليك الحلة من راسا لضنبها ويتكرف في ريحة دخاخين الطلح ويتبع ليك نسام الريحة لحدى يصل محلها وشايل كوريق وطورية أي حفرة يلقاها مولعة بقع فيها دفن لحدى مسحها ليك مع الواطة
طبعا فاكر العنكوليب ببت حيل الصبيان وما بفضل ليهم حيلا يحشوا بيهو القش وعييييييييييييك
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
Quote: على الطلاق لما الخريف يملا طب ويبقى مدندن بالحيل جدك شيقوق بشيل عكازو
بشق ليك الحلة من راسا لضنبها ويتكرف في ريحة دخاخين الطلح ويتبع ليك نسام الريحة
لحدى يصل محلها وشايل كوريق وطورية أي حفرة يلقاها مولعة بقع فيها دفن لحدى مسحها ليك مع الواطة
طبعا فاكر العنكوليب ببت حيل الصبيان وما بفضل ليهم حيلا يحشوا بيهو القش وعييييييييييييك |
والله زقال زقلي الزويل دا
حرّم لما السباليق تشخر جووو
ودميع السحاب ينوّح
والبقر يطلق يبوّح
الكَــ لاب يسوّن هو
إت يا مسنوح بتكون متلبب سريرك في القطية وخاتي كورية بليلة حارة أللت دُخن تحت سريرك
تكتح حبة حبة في خِشيمك تقوم وين
وتتفاصح يا جنى أسكت يا بت إنطمي الرعد دا ضارب بتجيبو لينا صاقعة تلفانا
هههههههههههههههه
قال يتفقد الحلة
| |
|
|
|
|
|
|
|
|
|
Re: لو كنت المسؤول ..... (Re: خالد علي محجوب المنسي)
|
Quote: والله زقال زقلي الزويل دا
حرّم لما السباليق تشخر جووو
ودميع السحاب ينوّح
والبقر يطلق يبوّح
الكَــ لاب يسوّن هو
إت يا مسنوح بتكون متلبب سريرك في القطية وخاتي كورية بليلة حارة أللت دُخن تحت سريرك
تكتح حبة حبة في خِشيمك تقوم وين
وتتفاصح يا جنى أسكت يا بت إنطمي الرعد دا ضارب بتجيبو لينا صاقعة تلفانا
هههههههههههههههه
قال يتفقد الحلة |
ات جنيت ولا اااا جني - انا بقول ليك دا جدك شيقوق مش شيقا دا
والله يا المنسي بشق الحلة بالتوب بس بدون .....................
و ............. يتدلدل
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
الاخ الطيب .. وضيوفك الكرام ...
السلام عليكم .. وكل عام وانتم بخير ,,,
الحكومه دي لو منعت الغناء .. والكوره ...
تاني يوم بتنقلب .. وما بتقعد دقيقه ...
عشان كدي مخلين الشعب دا يهجج ...وملهي نفسو ..
حسي شوف في كم صالة اعراس في البلد ...
وشوف عدد الفنانين وصل كم ؟؟؟ يمكن يكون بالمئات
وشوف عدد القنوات الفضائية السودانيه .. ما عندهم غير الغناء ...
فـــ العملية دي مدروسه ومحسوبه تمام ..
والله المستعان ...
تحياتي ,,
| |
|
|
|
|
|
|
|
|
|
Re: لو كنت المسؤول ..... (Re: عبدالعزيز الفاضلابى)
|
أستاذ محمد مجيدو
كل عام وانت بالف خير
Quote:
الحكومه دي لو منعت الغناء .. والكوره ...
تاني يوم بتنقلب .. وما بتقعد دقيقه ...
عشان كدي مخلين الشعب دا يهجج ...وملهي نفسو ..
حسي شوف في كم صالة اعراس في البلد ...
وشوف عدد الفنانين وصل كم ؟؟؟ يمكن يكون بالمئات
وشوف عدد القنوات الفضائية السودانيه .. ما عندهم غير الغناء ...
فـــ العملية دي مدروسه ومحسوبه تمام ..
|
اخخخخخخخخخخخخخخخخخخ دا موضوعنا وكفى
| |
|
|
|
|
|
|
|
|
|
Re: لو كنت المسؤول ..... (Re: عبدالعزيز الفاضلابى)
|
Quote: Quote: سعيد والشعادة تبهج والبهجة محضورة بشخك أمس
يامك اظنك امس كَتَّرتَ الشربوت ـ عيد الضحية لسه |
شكيتك علي الله يا الفاضلابي دي ما أعدها عديل
بس ما يكون جلد من أول الصباح
لحقتني وضاحـــــــة
وضاحة بعذرها عجمية أنا اقع وين شكيت الكي بورد علي الله
جاني العيد التوب العلي ما بدلتو
الحبيب والقريب بعيد وتب ما وصلتّو
مغبون علي القربت مسافتو وبِعدو
وا أسفي الشديد حتى الحرف لخبتّو
خالد
ولك العذر يا فاضلابي عترة كبش كعبة عترة ضيب الدندر البدبّا ومصايد
الشربوت ماني من أنصارو
كان شربنا نمز مُر وآثن
وكان عِشقنا بنعشق .....
وفي ...... كفى يومنا راح
| |
|
|
|
|
|
|
|
|
|
Re: لو كنت المسؤول ..... (Re: خالد علي محجوب المنسي)
|
| Quote: وضاحة بعذرها عجمية أنا اقع وين شكيت الكي بورد علي الله |
كيبوردك يامك عندو سكري مَقَلِّع اسنانو ولا شنو؟
ماشفت زول السكري سنونو مفرقات زي الزريبة المشلعة؟
حاشاك يامك
لاشَرَّاب سيجار
لا لَعَّاب قمار
لابتاكل الملاح اخدر
لابتشرب الخمر تسكر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد عريس البنات يغنن ليهو في الغنية الفوق دي
صاحبو قال ليهن : منو ده أسألوني منه انا
| |
|
|
|
|
|
|
|
|
|
Re: لو كنت المسؤول ..... (Re: عبدالعزيز الفاضلابى)
|
Quote: كيبوردك يامك عندو سكري مَقَلِّع اسنانو ولا شنو؟
ماشفت زول السكري سنونو مفرقات زي الزريبة المشلعة؟ |
تصدق وببلع حبوب ما حقن
هههههههههههههههههه
أنت الصادق زي قش الفـ ...... لما تخت التراب في يدك وتقذ فيهو العيدان وفيها
واحد مبتل بلعاب تمديهن لناس ود شيقوق يعزلو ههههههههههههههههههه
Quote: حاشاك يامك
لاشَرَّاب سيجار
لا لَعَّاب قمار
لابتاكل الملاح اخدر
لابتشرب الخمر تسكر |
سألت قريباً لي قلت ليه الشاعرة أخت موسى ود جلي قالت
ما بيأكل الملاح أخدر
ومع أنو الملاح الأخدر سواء كان ملاح خدرة .. ورق .. سلج ..شمار أخدر
من أحلى ما يكون وأنا بحبو
قال لي بتقصد أن أكله ضبايح للضيفان دوما ما بشدو ملاح في البيت
وكانت أيامها الناس تنعم في نعيم
أيام المثل القديم ساير
التس الأكل اللحمة وخلّى الرز
والأرز كان أيامها غالي وما في متناول الأيدي
ـــــــــــــــــــــــــــــــــــــــــــــــــــــــــــــ
Quote: واحد عريس البنات يغنن ليهو في الغنية الفوق دي
صاحبو قال ليهن : منو ده أسألوني منه انا |
هههههههههههههههههه
| |
|
|
|
|
|
|
|
|
|
Re: لو كنت المسؤول ..... (Re: خالد علي محجوب المنسي)
|
العيد مبارك عليك يا شيقا
هو عليك الله يا الطيب يا ود الخال
لو أنت كنت المسؤول أنحنا ديل بنتضهب بي حلال أمريكا دي ؟
لو كان كنت أنت المسؤول كان يكون باجوري عاوي وضروع بقري مكايتات تب لبن .
كان أنت المسؤول ما كان وأدينا نشف و جاع وضربو الهمبوك .
الا الله كريم .
باكر بيجي الخريف والنوكيا والجلكسيات بتقيف
| |
|
|
|
|
|
|
|
|
|
Re: لو كنت المسؤول ..... (Re: خالد علي محجوب المنسي)
|
Quote: أنت الصادق زي قش الفـ ...... لما تخت التراب في يدك وتقذ فيهو العيدان وفيها
واحد مبتل بلعاب تمديهن لناس ود شيقوق يعزلو ههههههههههههههههههه
|
لا حول مسنوووووووووووووووووووووووح بتعرف دي؟
والله يا المنسي اتقول عشنا طفولة في قرية واحدة
مش خمسة قشان ميطي ساي وواحدة سادسة بسحبها ال ...............يلقاها جات قالة معاها الطينة ؟
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
ود موسى
Quote:
هو عليك الله يا الطيب يا ود الخال
لو أنت كنت المسؤول أنحنا ديل بنتضهب بي حلال أمريكا دي ؟
لو كان كنت أنت المسؤول كان يكون باجوري عاوي وضروع بقري مكايتات تب لبن .
كان أنت المسؤول ما كان وأدينا نشف و جاع وضربو الهمبوك .
الا الله كريم .
باكر بيجي الخريف والنوكيا والجلكسيات بتقيف |
و لو كنت المسوول نوعك انت دا يا ود موسى ينقوا ليهو العنكوليب السقداوي ويتجغم ساااااااي
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
ياشيقوق
الخريف (ختف) ومواعيد ومواقيت وتواريب ورجالا يشدٌوا الحيل ... يعني بعد فوات الآوان بنرجع تاني (نحن ديل الغبش) ( الحكومة ما عندها شغلانة بالغبش) نعضي اصبع الندم ونتحسر على مطرا جاء وفات ... غايتو أنا يوم قلت لو عندنا حكومة تقوم تستغل الكم (طائرة الحربيات) ديل وبدل يرموا المتفجرات على قرى الغرب - يقوموا يرموا (التواريب) ( إن وجدت) ما يخلوا (بذرة) حايمة - من السنط والطلح والحراز واللعوت والعرديب واللالوب والقضيم حتى الكركدي والسمسم والذرة والدخن - المهم جنس (تيراب ) ما ينسوه - من الشمال حتى الجنوب والغرب والشرق والوسط ... أها لو كنت المسؤول مش كنت (نفذت) الفكرة (المهببة) دي ؟؟؟؟؟
فتك بعافية
الشفيع
| |
|
|
|
|
|
|
|
|
|
Re: لو كنت المسؤول ..... (Re: Alshafea Ibrahim)
|
Quote: لا حول مسنوووووووووووووووووووووووح بتعرف دي؟
والله يا المنسي اتقول عشنا طفولة في قرية واحدة
مش خمسة قشان ميطي ساي وواحدة سادسة بسحبها ال ...............يلقاها جات قالة معاها الطينة ؟ |
هههههههههههه
بس ياها
كتلتها كتلا
كدي النشوف ود الفاضلابي كان ما عرفها بكون سنين اليانكي جابت خبرو
لكن زولك محافظ
حرَّم يوم الونسة بي الإسكايب زولك تب بالجلابية وسبحة كبيرة دارعا في رقبتو ومحدر الطاقة
ولسان حالو متجدع في وسط الوليدات بقول هييييييييييع من خلف فلح
تعال يا ولد سلم علي عمك
تعالي آ بت سلمي علي عمك
لكن السغير ( عبدالرحمن ) منجضو وحالتو ما بنضم كويس زول دواس خاتي بس سكين في ضراعو
قالوا محل ما يمرق بسوي الدية ( دواس وعركة ) هههههههههه
أنت يا ود شيقوق وليد السغير ما بقى لي العرس ؟
| |
|
|
|
|
|
|
|
|
|
Re: لو كنت المسؤول ..... (Re: خالد علي محجوب المنسي)
|
زولك تب بالجلابية وسبحة كبيرة دارعا في رقبتو ومحدر الطاقة
سبحان الله ياهو موسم الهجرة من 14 للسبحة
أنت يا ود شيقوق وليد السغير ما بقى لي العرس ؟
والله يا المنسي اخر واحد في اولادي هو البصلي بينا حافظ جزء كبير من المصحف وصوتو ما شاء الله زي صوت شيخ الزين
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
| Quote: والله يا المنسي اخر واحد في اولادي هو البصلي بينا حافظ جزء كبير من المصحف وصوتو ما شاء الله زي صوت شيخ الزين |
عيييييك يامك ـــ اتاري الواحد قاعد ليهو مع ناس من عصر بديعة مصابني
ومو عارف ــ علا زولك ده حِجِيري التقول تجاينيزي
| |
|
|
|
|
|
|
|
|
|
Re: لو كنت المسؤول ..... (Re: الطيب شيقوق)
|
| Quote: بقيت تنسى انت كتير - ياخ مش اتدربت معاك للمحاماة في مكتبك ؟ |
يدَرِّبوك مع ناس الدفاع الشعبي قول آمين
عاد ماك محامي ـ اللولوة بتغلبك؟
واحد لاقي زول في القطر ـ بي يتعرف بيهو
قال ليهو : اللخو من وين؟
قال ليهو من اب حمد
قال ليهو وشغال شنو؟
قال ليهو : محامي
قاليهو: كمان؟
| |
|
|
|
|
|
|
|
الطيب شيقوق
سيف اليزل سعد عمر
معاوية الزبير
عبدالمنعم الطيب حسن
خالد علي محجوب المنسي
معاوية المدير
عبدالعزيز الفاضلابى
عبدالعزيز عثمان
فيصل محمد خليل
عماد الشبلي
محمد مجيدو
Osman Musa
فيس بوك
تويتر
انستقرام
يوتيوب
بنتيريست