|
Re: عيد المطر المبارك (Re: محمد الطيب محمد)
|
الخريف أصبح بعبع كبير في السودان، عجيبة والله!!
كل سنة وإنت وكل البورداب والسودان طيبين..
إن شاء الله العيد يكون يوم الأثنين، لأنو لو بقي يوم الثلاثاء بنحرق عديل كده لانو بنكون صائمين "31" يوم..
| |
|
|
|
|
|
|
Re: عيد المطر المبارك (Re: Mannan)
|
كل مطر وأنتم بخير، السنة الجاية الناس أحسن يا اب سن تعرف يا حبيب مشاكل المطر والكهرباء والموية مزمنة على مر عهود حكومات السجم الحل في رأيي أن يأخذ المواطنون الأمر بيدهم، إلا إذا كان ناس الحكومة ح يدسوا منهم الكواريق علينا بالعون الشعبي واستجلاب الدعم المالي من أبناء المنطقة (أي منطقة) بالخارج وننسى حكاية الحكومات دي لو بقي السودان بدون حكومات لكان حاله أفضل مائة مرة مما هو عليه الآن اشتياقاتي
| |
|
|
|
|
|
|
Re: عيد المطر المبارك (Re: معاوية الزبير)
|
ا أبو سن :- حلاوة المشية في الخرطوم عز صباحية .. لا خوف لا وجل لا دورية .. لا كتاحة مغربية .. لا دانه طائشه في الفجرية .. حبابك يا زين حباب صحابي البعاد قراب بين جروف النيل والدنيا ديمقراطية .. حباب الوعي لما يبدد ظلام الطرق الخرافية يبقى الوطن عالي جمال ونضار .. وعي مداد صباحي .. تشرق ضحكة الأيام .. فال وسلام زي ضحك أماتنا .. زي دمع الفرح لما يرقرق بين العيونم .. يجري النيل سلام وجمال ونصبح وطن من تاني .. نقدس أيامنا نشيد حباب العيد لما يصبح المظلوم سعيد .. حباب العيد وكت يطلع الشارع كل سعيد حبابك أنت يا عيدنا .. يا حلم .. يشقشق فجره يمد فرحة الأطفال سلام وأمان كل عام وأنت كل الخير
| |
|
|
|
|
|
|
Re: عيد المطر المبارك (Re: شمس الدين ساتى)
|
سلام يا ود أبسن،
Quote: الحل في رأيي أن يأخذ المواطنون الأمر بيدهم، إلا إذا كان ناس الحكومة ح يدسوا منهم الكواريق علينا بالعون الشعبي واستجلاب الدعم المالي من أبناء المنطقة (أي منطقة) بالخارج وننسى حكاية الحكومات دي |
معاوية الزبير دي دقست فيها .......
ده أقصى ما يتمناه الحكام في السودان، أن تستمروا في دفع الضرائب ولا تسألوا عن حقوقكم.
ليه نحن شاحدنهم حاجة؟ نحن طلبنا منهم يجوا يحكمونا؟ منو القال ليهم محتاجين إنقاذ؟
الحكومة/ السلطة لما تفشل في إدارة البلد، يقوم المواطن يعفيها من حقوقو؟
مرة تاني يا معاوية ........ دقست.
| |
|
|
|
|
|
|
Re: عيد المطر المبارك (Re: محمد أبوالعزائم أبوالريش)
|
Quote: الحكومة/ السلطة لما تفشل في إدارة البلد، يقوم المواطن يعفيها من حقوقو؟
مرة تاني يا معاوية ........ دقست. |
ابو سن وابو حمبد ابو الريش
عبد سعيد
معاوية ما دقس لاكنو زهج
وزي ما الناس عملو عدبل المدارس
ممكن يعملو عديل المجاري ...
بعدين مالك ما جيت فطور البورداب ؟؟
عشان كنا مشتاقين ليك
| |
|
|
|
|
|
|
Re: عيد المطر المبارك (Re: عماد الشبلي)
|
شكرا يا ود الشبلي للإضافة يا أبو العزايم، تعرف لما مشينا للجامعة في مصر في مطلع الثمانينيات، كان في كيان اسمو رابطة طلاب كوستي بجمهورية مصر العربية الكيان دا لما يجئ في إجازات الصيف كان بقوم بأعمال مفيدة جدا للمواطن ولمدينتنا مثلا ترقيم وتسمية الشوارع، شق وتنظيف الخيران استعدادا للخريف، حملات لكنس المياه الراكدة ورش البعوض لما يدخل الخريف إقامة مظلات في محطات البصات وهكذا كنا بنلقى مساعدة حقيقية من المجلس البلدي ومن وقاية النباتات وغيرها مساعدة حقيقية يعني معاول وأدوات وأشخاص خبراء والتكلفة المالية كنا نجمعها من أثرياء المدينة وهم آباء زملاء لنا، يعني مننا وفينا، وتحسين البيئة وتجميل المدينة من همومهم الأساسية بس كانوا منتظرين شباب يبادروا ويعرضوا مشاريعهم وتلكاليف تنفيذها الكلام دا طبعا كان أيام نميري زمن كانت الوزارات خدمية فما بالك الآن. المفيد: العون الذاتي هو الحل لمعاناة المواطن. وانتظار الحكومة لتقوم بواجباتها أشبه بانتظار ليلة القدر لغاية الليلة ما شفنا زول جاتو البقول ليك حبال بلا بقر وما عارف شنو عطشتنا ياخ
| |
|
|
|
|
|
|
Re: عيد المطر المبارك (Re: عبدالحفيظ ابوسن)
|
وانت طيب معاوية تعرف كلامك ده كان مثار جدل بيني وبعض الصحاب هل ما نقوم به من عمل طوعي يساعد السلطة في التخلي عن واجباتها ام يساعد المواطن كنت علي قناعة ولا زالت السلطة تتخلي يوميا عن واجباتها و العمل الطوعي يساهم في حياة الفقراء النضال ضد السلطة يستمر والعمل من اجل المواطن يستمر
| |
|
|
|
|
|
|
Re: عيد المطر المبارك (Re: خالد حاكم)
|
عيد الامطار المبارك،،،عبدالعزيز عثمان كان سيكون العيد عيدان،لو ان اذان حكامانا تسمع الصياح،وتعرف المواقيت،وتحسن التدبير،كان سيكون عيدنا كرنفال فرح ذاهي،وتكرف شذا الهمبريب،والالفة مع غيم يظل،وبرق يشلع،ورعد يلعلع،كان سيغسل المدينة من درنها،وتاخذه المصارف حيث ينفع،لزرع وضرع . ولكن الخريف يفاجئنا كل عام،كانه موت فجائي،توجف القلوب،وترجف الانفس،وتبحلق العيوان،وينفتح باب الاحتمالات واسعا،هل سننجو،ام يدركنا الطوفان،هل سيفيض النيل،ام سياخذنا السيل،اي درب سد امامه هذا العام،هل سيدخل من جهة مرابيع الشريف،ام سياتي علي سوبا،والف سؤال،ليالي مثقلات بالهواجس،وايام من الكرب،ومواعيد للكرب والبلايا لا شك هي الوحيدة الصادقة. من خرب قانون الاشياء البسيط،غير مسار الاودية،سد مجري السيول المعتاد منذ القدم،لماذا سدوه بشوارع الاسفلت دون معابر،حتي اذا وجد دربه موصدا،كر علي البيوت فجندلها،ثم اعاد كرته علي شارع الاسفلت فمحاه من الوجود،من اي سوق تخرج هذا المهندس الذي مسح الاحياء او الذي خطط لشارع الاسفلت البائس. الان الناس تقطعت بها الدروب،شوارع الاسفلت صارت لعنة ونغمة،مصيدة لدورهم،تحاحي لهم السيل المهلك الغدار. وفي جوف المدينة،بلغت الكوميديا السوداء مداها،فغمرت المياه جوف صالت المطار،واسرة المستشفيات. هذه النعمة عبث بها،هذه الرحمة لو احسن ادارتها لزينت وجه الحياه،لو اقيمت السدود والحفائر،المحابس والمصارف،وجهت المياه لحيث المساحات الواسعة،خزنت لتعهد السهول والزرع في اوقات الشده،نثرت البذور،غرست الاشجار في هذا الوطن الواسع،لتفجرت الحياة،لبنا وحبا،فاكهة وابا،لانشغل الوطن بالفجر والامل،واشتعل بالفرح والنشيد. في بلاد غير بلادنا،كان يمكن لنعمة مثل امطارنا،ان تشعل كرنفالات الافراح بكل افق،اما هنا،فانها مواسم الخوف والبكاء..
| |
|
|
|
|
|
|
Re: عيد المطر المبارك (Re: عبدالعزيز عثمان)
|
كل عام وانت طيب يازعيم وربنا يصلح الحال ... تمنيات للجميع بأن يسعدوا بالعيد رغم ارتفاع الاسعار وهذا السوق الملهلب .. الذي ارهق كاهل الناس .. ومسخ العيد للبعض .. كل عام وكل هذا الوطن بخير وكل اهله الطيبين بعافية وسعادة وعيد المطر مبارك على الجميع
| |
|
|
|
|
|
|
Re: عيد المطر المبارك (Re: جمال ود القوز)
|
الشم خوخت بردن ليالي الحره والبراق برق من مناً جاب القرة شوف عيني الصقير بي جناحو كفت القره تلقاها أم خدود الليله مرقت بره تعرف لي مشاهيد الرقاد والفره فلاخ المصب بيهو بتبين تتوره فوق حيا فوق محل من الصعيد منجره شاحد الله الكريم ما تلقى فيهو مضره أب عراق فتق قرنو المبادر شره والباشندي عمت مهششيب الدره من النقره كل حين فوق عليو منصره ها الايام محاريها القليعة ام غره قلمت من هنا وبي ضانها سمعت كره فوق كارتوت شخيتيراً تخين خره قلاتو الوهاط بى لشغه قبلو محره يا ياسط التعم تسقيها في ها المره
| |
|
|
|
|
|
|
Re: عيد المطر المبارك (Re: عباس محمود)
|
الأخ العزيز الخلوق \ ابو سن .. وضيوفك الافاضل ..
كل عام وانتم والوطن واسركم الكريمة بالف خير .. وكل لحظة كل العالم بخير وخالي من الحروبات .
ودمتم ...
ولي قدام .
| |
|
|
|
|
|
|
Re: عيد المطر المبارك (Re: مني عمسيب)
|
براري ساتي ابوالريش الشبلي هولي حاكم عزيز جمال السيد عباس عقيد عباس محمود بت عمسيب تستحقون ردا منفصلا , لكن وحاتكم يا مضيوفين يا ضيوف علي آخرين ,,, داخلين مارقين عام قدام فرحانين مبسوطين تضحكو سن سن ول الضرس الاخيربراري ساتي ابوالريش الشبلي هولي حاكم عزيز جمال السيد عباس عقيد عباس محمود بت عمسيب تستحقون ردا منفصلا , لكن وحاتكم يا مضيوفين يا ضيوف علي آخرين ,,, داخلين مارقين عام قدام فرحانين مبسوطين تضحكو سن سن ول الضرس الاخيربراري ساتي ابوالريش الشبلي هولي حاكم عزيز جمال السيد عباس عقيد عباس محمود بت عمسيب تستحقون ردا منفصلا , لكن وحاتكم يا مضيوفين يا ضيوف علي آخرين ,,, داخلين مارقين عام قدام فرحانين مبسوطين تضحكو سن سن ول الضرس الاخير
| |
|
|
|
|
|
|
Re: عيد المطر المبارك (Re: عبدالحفيظ ابوسن)
|
حفيظ .. يا دفعه ....
كل سنة وانت طيب ... وضيوفك الكرام .. وينعاد عليك والاسرة الكريمه بالخير والعافيه ... وان شاء الله المطره الجايه ... ينعدل الحال ... ويعملوا خيران ... ( جمع خور ) ولو ربنا يتقبل منا .. ويكشح الحكومه دي قريبا ... يكون عز الطلب ...
تحياتي ,,,
| |
|
|
|
|
|
|
Re: عيد المطر المبارك (Re: محمد مجيدو)
|
يا دفعه وتحولت المدينة لبركة ماء وسط الاحياء لسؤ التصريف ,, فقد فاجأ الخريف المحلية ,, فبدلا من ان يأتي في يوليو ويخش الضراع يوم 9 ,,, ويسبقه العصا العطشانه والرويانه والنتره والطرفه ووووو كما يعلمه اهل الريف الذين لم يقرأوا عن الطقس والتضاريس ,,, وتأثير الاوزون ,,, وارتفاع درجات الحرارة والانفجار العظيم ,,, كما قرأها السادة موظفي الدولة ولكنهم يعلمون متي الليلة الصعيد جاب الهبوب مقلوبة رغم انهم لا يعرفون ان امطار السودان تأتي من الرياح المعكوسة لكنهم بعلمون اها الخريف مقلب الحكومه وجاء في رمضان يجهزوا الافطارات الجماعية للمؤسسات ولا يسكو الخيران
| |
|
|
|
|
|
|
Re: عيد المطر المبارك (Re: عبدالحفيظ ابوسن)
|
عبدالحفيظ وضيوفه الكرام كل سنة وإنتو طيبين وسالمين . انتظرت أقرأ مداخلات الشباب واشوف أمانيهم. كلها أماني عذبة من أجل الوطن في مدنه وقراه المختلفة. يا لها من أماني لو اطلقت طاقاتها في دولة المواطنة! انا متفائل أن ذلك سيتم خلال سنوات قلائل عندما يتمكن كل مواطن في بلدنا تاذى لربع قرن وتزيد من نزع شوك وشوك كتر وضريساء الإنقاذ عن جلده ، كل شابة عن بشرتها. لابد حينها من التنادي عن طريق التفكير الجيد خارج الصندوق خارج دائرة التفكير المألوف من أجل بناء مدن سودانية في مكان المدن القائمة برفدها بالخدمات بالمستشفيات التخصصية بالجامعات بمدارس التعليم النوعي بالطرق بالمواصلات العصرية بالسكك الحديدية العصرية بحيث لا يحتاج المسافر للذهاب للعاصمة كي يستكمل خدماته.أما العاصمة فيتم نقلها لمكان جديد.كل مدينة تكون مكتفية بذاتها والسفر للخارج يتم منها والعلاج يتم فيها.هذا ممكن إنجازه سريعاً بجمع موجودات وأموال الفساد داخل السودان وحده في صندوق بناء السودان عن طريق محاكم نزيهة وعادلة على أن يتم البناء كله بأهل الخبرة وما أكثرهم في وطننا وفي الخارج وما أبعدهم عن صناعة القرار خلال نصف قرن ينتظرون تأكلهم الحسرة أو يهاجرون. .
| |
|
|
|
|
|
|
|