|
|
|
 Re: البــلد غرقــت .. و طــريق التحدي شالو الســيل (صور) (Re: عبد الوهاب المليك)
|
Quote: هذه الصور وأسوأ منها تعودنا عليها كل عام ..
والحال يا هو داك الحال ..
والشكية لي الله |
اخوي عبدالوهاب المليك تحية و تهاني كتيره بمناسبة العيد
و كيف الناس تعيد و البيوت ماصتها الموية
لا حوشا بلم الناس و لا ديوان و لا شوارع تقصر درب المواصلة و المحنة
لا حول و لا قوة الا بالله
حكومة 25 سنه لو استلمت السودان دا خرابة كان مفروض تقوم بدورها تجاه البني التحتية للبلد
لو كانت (بس) بتشتغل لي مصلحة البلد و المواطنين المساكين ديل
حكم عمر بن الخطاب المسلمين لمدة تزيد قليلا عن العشره سنوات
و رغما عن عام الرمادة و الجوع و الطاعون فتح المسلمون مصر و السودان و شمال افريقيا
و كان يخاف سؤال الله عز و جل عن بغلة تعثر في الشام (لماذا لم تصلح لها الطريق يا عمر)
Quote: لحبيب ناصر
المطر خير
ونقول أللهم حوالينا ولا علينا |
يا زول علينا عديييل كده 
ياخي ربنا دا انعم علينا كترة نعم ... و الله لا نحصيها و لا نعدها
و منها المطر الشايفو دا .. لكين اين الخليفة في الارض؟
Quote: بعدين ليه التهميش المقصود دا
طريق التحدي الخرطوم عطبرة
شندي دي تمشوا فيها ساكت حوفا
والله نقوم نتمرد ونحمل السلاح دايماً تهمشونا |
ههههههه يا زول الشغلانة بقت عوم .. المشي دا ما بمرقك
و بعدين تعال هنا ... انت وين ياخي .. نشيل و نعاين يوم الافطار
علي اساس انو جيتك مضمونة بدليل المداخلات بتاعتك في البوست
غايتو جنس حركات ..... طالبنك جية لي ابوظبي و غصبا عنك كمان
تحياتي يا ملك و كل سنه و انت طيب
Quote: قول سقيا خير ان شاء الله.
المطر من الله.
اللهم اجعلها مطر خير ع السودان.
|
المطر من الله و اي حاجة
لكين المطر دا جاي من السما علي اساس انو يسعد البشر
بالجو اللطيف و الخير الوفير للزرع و الضرع
معقولة نستقبلو بالشكل دا ؟ و بعد دا نلومو؟
Quote: مداخلة من الايفون.
علي عجل. |
الفحل عليك الله اختاني
| |
 
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: Osman Musa)
|
Quote: قالوا : البارح في حاجة تعوس في الكسرة والمطرة نزلت في الطبق .
قامت قالت : هي لكن الكسرة ما بقت بلدي بي الرشوشة ههههههها .
...
أها طريق التحدي الليلة زأتو أصبح أم علي بي اللبن . |
ههههههههههههه والله انا اعلن تضامني مع الحاجة دي
ممكن عادي تكون اعتزلت العواسه
ما هو ما ممكن يعوسو نفرين .. يا اما الحاجة او الحكومة
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
منظر يكره الناس في بناء البيوت السمحة ... ياخي الانجليز لمن طلعو من البلد خلو لينا في الخرطوم نظام صرف صحي و صرف مياه امطار شغال بحالة جيدة و قابل للتوسعة
و تعاقبت الحكومات و لا زول قال للانجليز ديل بتعملو في شنو؟
غايتو البلد دي لو سلموها لي شباب نفير و شارع الحوادث و الخرتاية قطع شك حا تتصلح و تبقي بلد.
ستين وزير و نائب و والي و مدير في كل المجالات و برضو ماشين لي ورا
و في النهاية يجو يقولو ليكم استغفرو لانو بلاوي البلد كلها من ذنوبكم
طيب اسرائيل دي في (اذنب) منها؟ ؟؟؟؟ ..... عندهم مفاعل نووي. تخيل
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
نفق عفراء مول بكون لحق امات طه
الشي المحيرني انو اي نفق في العالم صغير و اللا كبير
من اساسياتو انهم بعملو فيهو نظام تصريف و مضخات لرفع مياه الامطار
خلينا من مراوح التهوية و اجهزة الاتصال للطوارئ اجهزة قياس تركيز الدخان و الغازات السامة
باعتبارها كماليات و شغل ناس ما متوكلين علي الله.
نفق عفراء دا (طاقة) ما فوقو. بالنسبة للشركة النفذت المشروع ........ الاخوه بيطرين ؟؟؟
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
Quote: Ahmed Mohammed
يلا افرحوا ممكن الامطار تسقط لكم الحكومة .. اللهم اجعلها امطار خير وبركة على اهلنا في السودان وينموا الزرع والضرع |
و الله يا احمد الكلام دا اصلو ما ممكن يفرح ليهو زول. تخيل انو في ناس اسه محتارين يعيدو كيف و يسوو شنو ؟
مافي مطره بتسقط ليها حكومه .. لكين دي كلها تدابير ربانية و اسباب. زول زعلان في تونس حرق نفسو و قامت ثورة
غادر بي سببها (زين العابدين بن علي) البلد هاربا بعد ان ظن انه معمر فيها.
و الاسباب عديدة بعلمها و يرتبها رب العالمين .. ما سمعت بالايه (و يمكرون و يمكر الله و الله خير الماكرين)
المطره ممكن تكون سبب و دعوة مظلوم ممكن تكون سبب و كثرة الفساد و الافساد برضو ممكن تكون سبب
و بعد دا كلو انا بقول معاك: اللهم اجعلها امطار خير وبركة على اهلنا في السودان وينموا الزرع والضرع
تحياتي يا احمد
| |
|
|
|
|
|
|
|
|
 Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
** الباشمهندس ود أحمد الأمين "ناصر"
** سلام ...
** فى بلد دفاعا بالنظر وإندغاما بالمطر وفسادا بالهطل ومطبيلينا بالهبل ,,, يجد (الميم نون ) من مطبلى النظام الفاسد المُبررات لسوء التخطيط وعدم المسؤوليه بأن :-
## المطر من الله .. (وهو فى مطر نوعيه تانيه غير المطر البنعرفو من الله)
## إنها إبتلاءات ... (نعم هُم الإبتلاءات التى وصلت البلد الى مادون أسفل الحضيض)..
^
^
^
##أجزم بأن حكومة الفاسدين وكالعاده لم ولن تتحرك لمعالجة إى شئ ,, لانهم بيحصروا فى أضرار الخريف الماضى ولم تقدم اللجان تقاريرها ولكن تصرف هذه اللجان نثرياتها ومصاريفها..
## ياحكومة السجم والرماد .. أها عايزين نقول ليكم من هسه :- الخريف الجاى بتاع 2015 بيبدأ فى شهر يوليو يعنى شهر (7) وبينهى فى أكتوبر يعنى شهر (10) ...... عشان ماتقولو إتفاجانا .....
(اللهم ببركات هذا الشهر الفضيل عجل برحيل الفاسدين المُفسدين) 
| |
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ابوحراز)
|
الاخ ابوحراز المحترم
بالفعل هذه الاعمال الهندسية المتعلقة بالصرف الصحي و صرف مياه الامطار
غالبا ما تكون من مهمة البلديات. و هي خطة هندسية متكاملة عبر شبكات تحت الارض
و محطات ضخ تكون تحن الصيانة الهندسية الدورية طوال السنه و عند اقتراب موسم الامطار
فان المسؤولين يقدمون خطة عمل و طوارئ كاملة لادارة الشبكة اثناء اشهر الخريف
و تتم محاسبتهم اذا ظهر هنالك اي خلل او تقصير.
طبعا دا كلو نحن ما عندنا. و لو غضينا النظر عن الاحياء القديمة و المناطق المكتظة بالسكان و الاسواق
و قلنا انو دي اخطاء حكومات متعاقبة و ما ممكن تتصلح بين يوم و ليلة.
المناطق السكانية الجديدة و المشاريع السكنيه و الاستثمارية الباعتها الانقاذ دي. ليه ما عملو فيها شبكة صرف؟؟
تحياتي يا ابو حراز و كل سنه و انت طيب
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: معتز الصادق)
|
Quote: المطر والغيث مهما كثر ،نعم من الله نحمده عليها، لكن الإهمال والتسيب والفساد نقم على فاعليها،، وهذه الشوارع لا يختلف اثنان في إهمالها وعدم صيانتها والفساد في إنشائها وتخطيطها وتنفيذها
كان الله في عونك يا بلدي،، |
الاخ معتز الصادق .. .. بالفعل انه الاهمال و الفساد و عدم الدراية و فوق كل ذلك ...... ناس لا يهمها مصلحة البلد و لا المواطن
تحياتي و لك اعطر التهاني بمناسبة العيد
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: عبدالكريم أحمد الامين)
|
| Quote: ياحكومة السجم والرماد .. أها عايزين نقول ليكم من هسه :- الخريف الجاى بتاع 2015 بيبدأ فى شهر يوليو يعنى شهر (7) وبينهى فى أكتوبر يعنى شهر (10) ...... عشان ماتقولو إتفاجانا ..... |
كدا ما عصرت عليهم شديد يا سعادة المستشار ههههههههههههه
Quote: ## إندغام المطر البنزل ويفاجئ الحيكومه النايمه ...
يؤدى الى مجمجة الشوارع ووثبة المياه فى أحابيل الشعب الفضل الذى نافس أيوب فى الصبر ##
(حكمة دوله اهكها الفاسدون) |
هههههههههههههه ابو المصطلحات زاتو
تحياتي يا عبدالكريم و كل سنه و انت بخير و سعادة
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
Quote: ههههههه يا زول الشغلانة بقت عوم .. المشي دا ما بمرقك
و بعدين تعال هنا ... انت وين ياخي .. نشيل و نعاين يوم الافطار
علي اساس انو جيتك مضمونة بدليل المداخلات بتاعتك في البوست
غايتو جنس حركات ..... طالبنك جية لي ابوظبي و غصبا عنك كمان
تحياتي يا ملك و كل سنه و انت طيب |
الحبيب ناصر ود الامين
والله يا ناصر قد عزمت الجية واتفقت مع عمر القردابي
لكن حصل الشديد القوي اللذي حال دون حضورنا
لكن ما انتو عامرين
إن شاء اللهنلتقي في ساعة خير يا جميل
وأهديك رائعة الشاعر القدال في حال الأمطار التي ضربت البلاد في سنة التساب 1976
( خمسين سنة )
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
اشكرك يا خالد المنسي علي رائعة القدال
هيا الحوش الصبح ميضه
وبدور مركب
دحين إبقى البلد خرّف
دحين إبقى السرف نعمة
أقيدي اللمبة يم أحمد
بدور أضهب وكسر الحوش
عشان الساس
وسيلي علي الحدب مصرف
وكان اب أحمد المهجوم
بقرأ الفاتحة في سرو
بقرأ الفاتحة في سرو
بقول الجات علي مالك
مليحا جات علي مالك
تعال آجني وكنكش فوق كتف خيك
عاد لا حولة ولا قوة
جانا غضب ومويه ركب
وداك الحسرة كان الحلّة شربت تب
وكان اتشتت الرصاص
وكان الساس حتل وانماص
حتل وانماص
دميع السما ودميع الجهال واحد
دميع الجهال في الضلمة
كان مالح
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
Quote: Mohammad Abdalla · متابعة · Multimedia University
أتمنى أن يعود الأستعمار من جديد لأصلاح مسار البلاد ,, منذ خروج المستعمر اثبتنا فشلنا في تكوين وتشكيل حكومة سودانية موحده يعمل كادريها من أجل الوطن والمواطن ويسعون في رفاهيته من غير حروبات وتقسيمات ,منذ منتصف الخمسينيات وحتى اليوم فاشلون بدرجة امتياز,,
بلادنا بها خيرات وفيييرة وثروات طبيعيه تكفي العالم بأسره, وتضمن لنا العيش الكريم ,, ومنذ خروج المستعمر والى الان لم ولن نستطيع أن نستفيد ولو 30% من خيرات بلادنا التي انعم بها الله علينا وأمرنا ان نعمر في الأرض ونبنيها ونزرعها ونستفيد منها في مايفيد البشرية بغض النظر عن الديانات والأعراق ,لذا اتمنى عودة المستعمر من جديد لنستفيد من عقولهم وخبراتهم وتجاربهم في تعمير السودان الذي هو اساسا الأن تحت الأستعمار الكيزاني ,,بالله عليكم اذا كان الأنجليز موجودين الى الأن على الأقل لن نرى العاصمه تغرق هكذا كل عام ,,!!!!! حكمو عقولكم ,,,
رد · أعجبني · متابعة المنشور · منذ 10 ساعات |
فعلا استلمنا البلد من الانجليز و الخدمة المدنية و التنميه الزراعة و الصناعية و الخدمات الصحية و كلو كان في احسن حال
عندما توحدت دولة الامارات العربية برئاسة الشيخ زايد رحمة الله .. اول بلد عربي يزوره كان السودان (في اوائل حكم مايو)
و طلب من النميري العون في تخطيط دولتة و يقال انه قال له اريد ان تصبح ابوظبي مثل الخرطوم.
الاخ محمد عبدالله .. كلامك صحيح و رجاءك منطقي بعد كل تلك الخيبات .. لك الود و كل سنه و انت طيب
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
من مجموعة كلنا صلاح سنهوري ، مشاركة ابراهيم الكرسني
Quote: المجلس الوطني يصدر قانون الامطار لسنة 2014
المادة الأولى : يسمي هذا القانون قانون الامطار لسنة 2014 ويعمل به من هذا الخريف.....
المادة الثانية : يسري هذا القانون في كل ايام العام تحسبا للامطار الصيفية والشتوية...
المادة الثالثة : قبل هطول المطار يجب علي المواطن تبليغ السلطات باستعداده للمطر بردم الحوش والشارع الفرعي والشارع الرئيسي والكبري المجاور والمجاري لانها مسئولية المواطن شخصيا..
المادة الرابعة : علي كل مواطن دفع 100ج رسوم ضريبة مطر وغبار.وكتاحة.
المادة الخامسة : علي الجميع تجميع مياه الامطار وتسلمها للهيئة القومية للمياه ..للتوزيع العادل علي الشعب لانها من خيرات السماء...
المادة السادسة : علي مدير الشرطة تكوين شرطة.. الامطار والسيول لتطبيق هذا القانون....
المادة السابعة : تحسبا للامطار الليلية علي كل مواطن ان تكون في معيته .كوريق..قفة...وبطارية..وشوال فاضي..
المادة الثامنة : في حالة السيول علي كل مواطن قفل المناطق المنخفض باثاثات منزله اشعارا بالروح الوطنية..
المادة التاسعة : كل من يخالف هذا القانون السجن عام ..والجلد1000 جلدة بالكرباج...
* يعد الرعد والبرق من مقدمات الامطار.......
صدر تحت توقيع المجلس الوطني
في دورة انعقاده بتارخ
24شهر7 سنة 2014 |
تحياتي يا ناصر و لباقي المتداخلين و كل خريف و سيول و أنتم بخير
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: kamal omer)
|
| Quote: علي الجميع تجميع مياه الامطار وتسلمها للهيئة القومية للمياه ..للتوزيع العادل علي الشعب لانها من خيرات السماء... |
هههه فعلا شر البلية ما يضحك
و قياسا علي ذلك .. و ما حدث فعلا ... شوف الاعلان دا
الناس دي لا بتخجل لا بتتحسس !!
شكرا يا كمال و كل سنه وانت بخير و السودان في احسن حال ان شاء الله
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
يطالبون بالاستفادة من التجربة السابقة في توصيل المعينات لمتضرري السيول الامطار
كلام غريب و عجيب ، بدلاً من القيام باحتياطات لازمة لدرء خطر السيول والامطار بفتح مجاري تصريف المياه، لتجنب سليبيات الخريف الماضي ، يطالبون بالاستفادة من التجربة السابقة ، يعنى الحال يا هو الحال كل سنة .
آههههه يا قلب لا تحزن
| |
|
|
|
|
|
|
|
|
 Re: البــلد غرقــت .. و طــريق التحدي شالو الســيل (صور) (Re: عزالدين عباس الفحل)
|
ناصر أحمد الامين
تسلم يا هندسة
Quote: يا ود الخطيب يا عزيزي .. البلد انضربت في الساس و لا عزاء لي ناس ود الفحل ديل
ياخي نحن بلاد انهزمت بي سبب العنجهية و المحسوبية و الفساد و الاجرام
الله يديك العافية يا عبد الناصر و كل سنه و انت طيب |
وانت طيب , البلد حاله يغني عن سؤاله وأصل في عرض الحال
ومسجلين حضور ومتابعة ...وماظن وأحد يقدر يغالط الناس في الشائفنوا
و ربنا يلطف ببلدنا ويصلح حالة المال شديد ............
ويطلع صباحه بعد ليله الطال
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: عزالدين عباس الفحل)
|
عز الدين الفحل
تحية طيبة ,,,
Quote: سلام أخوي عبد الناصر ،
كل سنة وانت طيب ،
البركة فيكم ،
وأحسن الله عزاؤكم ،
في فقيدتكم ،
أسكنها الله فسيح جناته ،
مع الصديقين والشهداء والصالحين ،
وبعد ،
أخوي عبدالناصر ،
أرجع البصر كرتين ،
في صور السيول والامطار ،
خليك حاد النظر ،
الصور مضروبة ،
|
وانت طيب يا عز الدين
والبركة في الجميع , شاكر أتصالك وتعزيتك
اما بخصوص صورة ناصر المضروبة
ما رجعته البصّر كرتين عشرة كرات صورة عادية ممكن تكون جارى
في مطر او أرضية زلقة وهبشة فرامل العربية تتقلب بتحصل
الوضع كلوا ما محتاج صور مضروبة ياعز الدين
الحال يغني عن السوال بس انت قول معانا يالطيف
وربك يعدل الحال المقلوب زي العربية دي
وليك كتير التحايا
| |
|
|
|
|
|
|
|
|
 Re: البــلد غرقــت .. و طــريق التحدي شالو الســيل (صور) (Re: عزالدين عباس الفحل)
|
عز الدين الفحل
Quote: سلام ،
المعضلة هي المجاري ،
وحكاية المجاري المفتوحة دي ،
أنا ما شفتها إلا في السودان ،
الخليج إستعان بالسحرة ،
الصينيين ،
في إنشاء شبكة مجاري عالمية ،
المطرة تصب ثلاث ليالي ،
وفي برهة الشوارع والطرقات ،
تكون خالية من الرواكد ،
شوف مدينة جدة ،
السعودية ،
السيول و الأمطار عملت فيها شنو ،
ضربت الأخضر واليابس ،
والوديان ،
وكسرت وهدمت ،
حتي الجسور لم تسلم ،
و السيارات طفحت،
تجري مع السيل الجارف ،
وما قالوا غير ،
الحمد لله ،
في سنة ما زلت أذكرها ،
في موسم الحج السيول ضربت ،
حتي وصلت صحن الحرم المكي ،
الكعبة المشرفة ،
لكن نحن المعارضة ،
لسانها طويل ،
غير إشانة السمعة ،
والبوغ اليابس المعكوف ،
و كأننا لسنا ،
من رحم السودان ،
تسلم الغالي ،
،،،،،
|
لا تعـــــــــــــــــــــــــــــــــــــــــليق
انا باص أقوم ارد على الكلام ده
اللهم لو المطرة البتنزل في الخرطوم بتتصرف في الخليج وجدة
أها كمية من التحايا
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: عزالدين عباس الفحل)
|
عفوا يا عبدالناصر الخطيب
خليني بس ارد علي الزول الزيزفوني دا
Quote: الخليج إستعان بالسحرة ،
الصينيين ،
في إنشاء شبكة مجاري عالمية ، |
لأ .. استعان بالمك نمر
Quote: لكن نحن المعارضة ،
لسانها طويل ،
غير إشانة السمعة ،
والبوغ اليابس المعكوف ،
و كأننا لسنا ،
من رحم السودان ، |
اسه وينها المعارضة هنا؟
دا بوست مفتوح عشان نلم فيهو الصور بتاعة الدمار الحصل في البلد
و اتكلمنا عن التقصير و السرقة و الفساد الحاصل في الحكومة
تقول لي معارضة و رحم و هناي
و بالمناسبة السيول الحصلت في جده برضو كانت بي سبب فساد
و لما اتكشف الامر اتقدم كل من شارك في هذا الفساد للعدالة و اخدو جزاءهم
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: ناصر احمد الامين)
|
الزول اب حروف كبار
له علاقات واسعة مع رجال اعمال خليجين,,قد استفاد منها هو شخصيا فى زيارة البلادان وقد حكى فى هذا المنبر مئذ ان سجل كعضو جديد
ياخى سوق ليك واحد من اصحاب الاموال ديل وانت امشى معاه,,وتبنى ليك بنية تحتية فى قريتك او حيك لو كنت تسكن الخرطوم
نفس الصور التى نقلوها الاخوان شاهدتها ليلة امس على قناة الخرطوم, حتى احدى المنكوبات وهى تسكن فى العراء,,قالت بالحرف
الواحد لو السحابة الفوق دى نزلت نحن ما عارفين نمشى وين؟؟؟؟؟؟...وانت ماشاء الله عليك متفسح مع الخليجين فى مدن الله الواسعة
وكمان بلا خجلة قادينا بحكاويك التى توحى بان صاحيها مصدوم حضاريا ,,او مستجد نعمة,,,ياخى قوم لف
كسرة
اما عن سيول مكة انا كنت فى الصحن لحظة نزول المطر,,فى احد حجاتى التى لم اترخ لها مثلك,,
لكن لحظة وقوف تلك المطرة بنصف ساعة لم نشاهد سيل على الشوارع غير الطريق المبلول,,
ياخى مافى مقارنة ولا حتى وجه شبه
(عدل بواسطة abuguta on 08-04-2014, 03:14 PM)
| |
|
|
|
|
|
|
|
|
|
Re: البــلد غرقــت .. و طــريق التحدي شالو الســيل (صور) (Re: Idris Tabidi)
|
Quote: شوف مدينة جدة ،
السعودية ،
السيول و الأمطار عملت فيها شنو ،
ضربت الأخضر واليابس ،
والوديان ،
وكسرت وهدمت ،
حتي الجسور لم تسلم ، |
لكن مرتين على التوالي؟!!!!!!!!!!!!!!
Quote: وجه العاهل السعودي الملك عبد الله بن عبد العزيز بإحالة جميع المتهمين في قضية سيول جدة، غرب السعودية، التي راح ضحيتها ما يزيد عن 150 شخصاً، الى هيئة التحقيق والرقابة وهيئة التحقيق والادعاء العام، واستكمال الاجراءات النظامية بحقهم على وجه السرعة.
وأكد الأمر الملكي في هذا الشأن على ضرورة قيام وزارة العدل والشؤون البلدية بإصدار نظام تمليك العقارات لتلافي السلبيات السابقة ومنع التملك غير المشروع.
وشدد الأمر أيضاً على قيام هيئة الخبراء في مجلس الوزراء بتطوير نظم وحدات الضبط والرقابة الداخلية، مؤكداً على معالجة وتطوير الأحياء العشوائية وتنفيذ مخططات جديدة لشرق جدة.
وتضمن أمر العاهل السعودي قيام وزارة الداخلية. بإدراج جرائم الفساد المالي والاداري ضمن الجرائم التي لايشملها العفو |
| Quote: وقال العمير إن المحاكمة ستطال جميع من له صلة بتلك القضية مبينا أن خادم الحرمين الشريفين، أكد أن المساءلة لن تستثني أحدا سواء من أصحاب المصالح أو المناصب. |
| |
|
|
|
|
|
|
| |
ناصر احمد الامين
Osman Musa
عبد الوهاب المليك
خالد علي محجوب المنسي
عزالدين عباس الفحل
سيف اليزل سعد عمر
Abureesh
عبدالكريم أحمد الامين
أحمد الشايقي
معتز الصادق
ابوحراز
kamal omer
بدر المعارف محمد المساعد
abuguta
منتصر عبد الباسط
فيس بوك
تويتر
انستقرام
يوتيوب
بنتيريست