|
Re: ليتها قد شدت الرحال الى مكة .... (Re: ود الباوقة)
|
اللهم لا تجعلنا ممن يبيعون دينهم بدنياهم
اللهم اميين يا ود الباوقه
لكن ناس معاويه ديل بتاعين كلام ساي
دعوتك دي تتوجه لي ناس بشه راسها عديل لانهم باعو دينهم بي دنياهم وبقو لا عارفين يلمو في الدين ولا في الدنيا
| |
|
|
|
|
|
|
Re: ليتها قد شدت الرحال الى مكة .... (Re: abas)
|
أحييك اخي عباس
Quote: دعوتك دي تتوجه لي ناس بشه راسها عديل لانهم باعو دينهم بي دنياهم وبقو لا عارفين يلمو في الدين ولا في الدنيا |
باعوا دين محمد صلى الله عليه وسلم وباعوا القضية وباعوا اسرة البنت بثمن بخس دراهم معدودات
لكن دين محمد صلى الله عليه وسلم ثمنه باهظ يا انقاذ وكل تشويه يحدث لسمعته يحدث انتم تتدقعون الثمن في الدنيا وفي الآخرة
| |
|
|
|
|
|
|
Re: ليتها قد شدت الرحال الى مكة .... (Re: abas)
|
Quote: اللهم لا تجعلنا ممن يبيعون دينهم بدنياهم |
يعنى يا ود الباوقة نعمل شنو ؟ الجماعة ديل قبلوا علينا عديل كده شى إعلام مضاد
وشى ضغوط وشى تهديدات وانت عارف البير وغطاه يعنى باقيلك نقف برانا فى
مواجهة العالم أجمع ونحن وضعنا الاقتصادى منيل بستين نيلة قلنا نعمل بمقولة
الباب البيجيك منو الريح سدو واستريح . (مركب مكنة كوز حاير بيهو الدليل)
ود الباوقة كل عام وانت بخير
| |
|
|
|
|
|
|
Re: ليتها قد شدت الرحال الى مكة .... (Re: جمال خضر)
|
ود الباوقة \ دينكم - دين اللا وطني وأهل الانقاذ - المعلن ومعروف للقاصي والداني منفٌر ، طارد ، ظالم... شوفوا تجربتكم أوصلت الشعب والبلد وين ؟؟؟ وعلى الحلال توقف طائرتين في السوق العربي واحدة مكتوب عليها (دولة بنو كوز الاسلامية) والأخرى (دولة بنو كفران أو علمان) الكابتن من طائرتكم ينط في طائرة بنو كفران أو علمان - للنجاة بجسدة من دينم وويلاته .. استحوا شوية فالموت آت وفي غفلة ... أعيدوا الأمانات والعهد والمنهوب والمسروق والمغصوب - طرفكم - لأهله - كفاية قال مكة الشفيع
| |
|
|
|
|
|
|
Re: ليتها قد شدت الرحال الى مكة .... (Re: Alshafea Ibrahim)
|
Quote: بعض المتزمزغة فرحين لما يحدث .. نسال الله العافية |
أخونا ود الباوقة الجماعة ديل فرحانين شماتة فينا وجماعتنا أدوهم فرصة و واحرجونا
الله يحرجهم دنيا وآخرة كان فى داعى من البداية لهذه المهزلة وقطع شك من ورطنا
فيها بيكون شعبى مندس أو من أتباع غازى خلونا قدر السمسمة نمشى فى المنبر ونتلفت
ونفتح البوستات وما قادرين نقدم إجابات وردود مقنعة ( مركب مكنة كوز محبط)
| |
|
|
|
|
|
|
Re: ليتها قد شدت الرحال الى مكة .... (Re: جمال خضر)
|
مريم خيرت ما بين حبل المشنقة ان هي اختارت دينها او حريتها ان هي تركته.. و النتيجة،، اختارت مريم حبل المشنقة على ان تترك دينها.
اما عمر حسن الكضاب، عندما خيروه بين عصاة أمريكا الغليظة ان هو نفذ احكام فهمه لدينه (و الذي هو غير إسلامنا الذي نعرف)، او سلامته ان هو ترك مريم في حالها، بدل عمر حسن الكضاب دينه بدنياه،،
و هكذا أنتم دائماً يا ود باوقة، عديمي الكرامة و المبدئية،،
ياهو دي،،،
| |
|
|
|
|
|
|
|