|
Re: يا ود شيقوق ياخ بلدكن جابوها في التلفزيون الفرنساوي (Re: الطيب شيقوق)
|
أديت يا الطيب تلفونك لي زول أمريكي مصري من ناس نيوجرسي . المصري ده هو الزول السمع الكلام في القناة الفرنسية وجابو بي ضبانتو . وعندو طريقة يصل الشركة الشغالة في تصنيع زيت وشامبو الشمام . علي كل حال أنا أديتو تلفونك الزول بفتش وداير يموت فوق درب 50 فدان FOR RENT للتجارب .. أتفاهم معاو القصة فيها نفع للمنطقة .
| |
|
|
|
|
|
|
Re: يا ود شيقوق ياخ بلدكن جابوها في التلفزيون الفرنساوي (Re: Osman Musa)
|
أديت يا الطيب تلفونك لي زول أمريكي مصري من ناس نيوجرسي . المصري ده هو الزول السمع الكلام في القناة الفرنسية وجابو بي ضبانتو . وعندو طريقة يصل الشركة الشغالة في تصنيع زيت وشامبو الشمام . علي كل حال أنا أديتو تلفونك الزول بفتش وداير يموت فوق درب 50 فدان FOR RENT للتجارب .. أتفاهم معاو القصة فيها نفع للمنطقة .
مصري ؟؟؟؟؟؟؟؟؟؟؟؟ عيييييييييييييييييييك
والله ذكرتني واحد من عربنا سرقوا منو بقرة حلوب خلاص وبعد الفزع البقرة وجدوها عند واحد طيب بالحيل و زول الله سااااااااااي
اها القضية مشت المحكمة والزول الوجدوا عندو البقرة القاضي قال ليهو منو بييعك؟ يعني اشتريتها من منو ؟
الراجل قال للمحكمة والله بيعي التاي ود اب سمرة - والتاي دا مشهووووور زول حرامي البلد كلووووووووووو عارفو
لما الزول قال باع لي التاي ود اب سمرة صاحب البقرة المسروقة عاين للقاضي وكورك عييييييييييييييييييك يا مولانا شوف بييعواااااااااااااااااااااااااااااااااااااااااااا زولك طب يا مولانا ما عندو بييع ههههههههههههههها
اها يا عثمان اخوى اكان عندك لينا بييع غير المصري دا دحين شوفو لينا
| |
|
|
|
|
|
|
Re: يا ود شيقوق ياخ بلدكن جابوها في التلفزيون الفرنساوي (Re: Osman Musa)
|
هلا هلا يا ود شيقوق الفجة حتكون سلة شامبو شمام العالم . والقرع السناري يبقي حديث ناس بت كارداشين . والبطيخ من مقاتو وعلي باريس ههههها أصحابك الخواجات بتكلمو عن بطيخ ود العباس . وعن تاكيد نجاح العينة الأسمها SEEDLESS WATERMELON يعني بطيخ بدون حب . يعني تتلهم الدقلة بدون أي مشغولية .
| |
|
|
|
|
|
|
Re: يا ود شيقوق ياخ بلدكن جابوها في التلفزيون الفرنساوي (Re: Osman Musa)
|
Quote: أديت يا الطيب تلفونك لي زول أمريكي مصري |
جابت لها مصاروة ؟ الراجل مطول من اهلو بلحيل وبعد جاهن صاد بسعل فى ام وليداتو قال لها الحصل عليكن شنو بى قفاى ؟ قالتلو طيبين طب ما عندنا عوجة والمصاريف الرسلتهن لينا اشترينا منهن عنز بى عشرة جنيه وبعد مدة العنز راحت حوطناها عند الفكى بى جنيه ، قال ليها : ( قولى حداشر )
| |
|
|
|
|
|
|
Re: يا ود شيقوق ياخ بلدكن جابوها في التلفزيون الفرنساوي (Re: Osman Musa)
|
Quote: الفجة حتكون سلة شامبو شمام العالم . والقرع السناري يبقي حديث ناس بت كارداشين . والبطيخ من مقاتو وعلي باريس ههههها أصحابك الخواجات بتكلمو عن بطيخ ود العباس . |
هههههههههههههههههههههههها قلت لي البطيخ من مقاتو بتلهموا بيهو باريس ؟
ياخ الخواجات ديل ما تملأ ايدك بإكتشافاتهم عامنول القريبة دي شفتهم ليك جابوا الكهارب قدام بيتي في البردانة و جابوا الحفارات و الحديد يهدر ليل ونهار قالوا لي بيتك دا سابح في بحيرة بترول
اكان ما ركزت يا عثمان اخوي كان طوالي اتصلت بناس عمان وقدمت استقالاتي على الرهاب دا - وفي النهاية بترولهم طلع شيح في ريح - وكمان تعال شوف ضرهم حفروا ليهم بير ارتوازية قريبة من بيتي لما في النهاية بترولهم طلع كضبة حتى البير الحفروها وقعوا ليك فيها دمديم بالوابوارات وحياتك الجن ما يعرف محلها وين .
Quote: وعن تاكيد نجاح العينة الأسمها SEEDLESS WATERMELON يعني بطيخ بدون حب . يعني تتلهم الدقلة بدون أي مشغولية . |
اها يا ود الفكي هسه نوع البطيخ البحكي عنو ود موسى دا انتايتو بعشروها بشنو ؟
| |
|
|
|
|
|
|
Re: يا ود شيقوق ياخ بلدكن جابوها في التلفزيون الفرنساوي (Re: الطيب شيقوق)
|
مالك علينا يا عثمان هههههههههههههههههههههههههههههههه العريبى بلا سواتك دى ما قادرين عليه
شن جاب ود العباس للبردانة ياخوى الله يرضى العريبى بموت بسقطة وات السبب
جماعة الشركة الفرنسية يا الطيب محددين 3 مناطق في العالم كلو لتجربة نوع الشمام المطلوب المنطقة الأولي منطقة ود العباس في جهاتكن دي ومشهورة بي زراعة الشمام ال ORGANIC والمنطقة التانية في نيس فرنسا والتالتة في تنزانيا . كان الزول جاك تمها يا المبروك .
ههههههههههههههههه شوف جنس النضمى دا
اها يا ود الفكي هسه نوع البطيخ البحكي عنو ود موسى دا انتايتو بعشروها بشنو ؟
ما قلت لك شوف جنس الخربطة والخبكة دى جاووووووب يا ود الفكى ان تانى عندك شى كمنى يا عثمان قبال تكلم العريبى دا
| |
|
|
|
|
|
|
Re: يا ود شيقوق ياخ بلدكن جابوها في التلفزيون الفرنساوي (Re: الطيب شيقوق)
|
بس جماعة المصري ديل فرنسيين الوأحد فيهن عينو زي عين كديس القراري . أها يازول عين الكدايس الفرنسية وقعت علي شمام البردانة . الشمامة البترمي الجمل الرباعي .
اها يا عثمان وفد المقدمة ضكور ولا معاهم اناتي ؟
بعدين اوع بجوا شاقين حلتنا بالسراويل سااااااي؟
اها كمان مشرع الوردة قريب من محل وصفك دي - فيهو سماحة سعدة لشران الهدوم عييييييييييييييييك
بس اوع ناسك ديل بجوا بسبحوا في بركتنا دي و بمرقوا مبلولين عشان يتجدعوا لينا في سعدتنا ام فكو ساااااااااااااااااااي ؟
| |
|
|
|
|
|
|
|