اضحك ( مع حسين خوجلى ) !!!!

Quote: د احمد بابكر لك التحية الاستاذ حسين خوجلي ربنا يديهو العافية قسما بالله لو ما الاستاذ حسين خوجلي ما كان فتحت لي تلفزيون بالله عليك منو البقدر يتكلم و يقنع و يمتع زي الاستاذ حسين خوجلي انا مالقيت لي سوداني شايل دكتوراة فاهم زي الاستاذ حسين خوجلي وما عارف لو كان عمل دكتوراة كان خلى شنو لاشباة المتعلمين لكن السودانيين ديل ما يسمعو ليك بي زول ناجح الا تمسكهم ام هللا هللا في الفريق يكون في بيت اهلو اثرياء و ناجحين باقي ناس الحلة ما يريحوهم و يقولو عليهم حرامية و دي كلها قروش الناس !! اي زول مسئول و ناجح و ثري معناها حرامي اول الصف في المدرسة يلمو ليك فيهو باقي الطلبة يدقوهو دق العيش لانو جا الاول (والله جد) الكيزان اول من عمل حكومة ناجحة و عملو اكبر حزب في السودان و نجحو في كل برامجهم باقي الاحزاب ماسكاهم ام هللا هللا و ما رضيانين كل شئ ناجح في السودان مكروه و مبغوض و كل ذي نعمة محسود و يبقى الاستاذ حسين خوجلي العصامي رمزا للنجاح و الفهم و الادراك هو بالله غير حسين خوجلي ده تاني في منو هو ؟؟؟؟