|
|
 المناتلين والموالى
|
من كرسى المراقبه للاحداث واندهاشى لمجريات الامور عنا كسودانيين
..نحن شعب( يخن عجب ) كما يقول اخوتنا المصريين .
شعب يحب السياسه بالفطرة ويُنظر فيها داخليا وخارجيا وكما يذكر الجيل القديم
كانت السياسه لا تفسد للود قضيه الكل يلتقى فى صينيه واحده عند الغداء
عندما كانت صينيه الغداء للبيت كله تسمح لرب المنزل بجرد اعمال اليوم ،
منهم الشيوعى ومنهم الانصارى والختمى والشيوعى يتناقشون بروح حلوة وطيبه
وكل يقوم الى عمله اليومى او السياسى او الاجتماعى كلهم فى بيوت الاتراح او الافراح .
وهنالك مؤيدون لهولاء او هولائك وينحرف النقاش دائما الى كره القدم حيث ينقسم الجميع
بمختلف اتجاهاتهم السياسه الى هلالاب ومريخاب وقله مورداب بحكم الانتماء السكنى المورده ....
بعدها اغتربنا كطلبه وموظفين ، التقينا وكل له خلفياته السياسيه والاجتماعيه (والعرقيه )
وهذه ظهرت مؤخرا
ايضا. فبحكم النشاة فى امدرمان كانت الاعراق والقبائل اخر همنا
وكنت افتكر ان عم ديمترى رحمه الله هو عمى وعم الجاك بخييت رحمه الله هو عمى
وعم عبدالله وهو سورى كان يقيم بيننا هو عمى واولاده زملائنا فى المدرسه وميدان الكورة
..لم تظهر افه النعرات التى ظهرت بعد النصف الثانى من التسعينات بعد ان فشل مشروع توحيد الناس دينيا
تحت مظله واحده وهى مظله المؤتمر الوطنى وراجت تلك النعرات والحروب الدائرة الى الان
فى الجنوب ثم الغرب ثم الشرق وامتدادتها فى العاصمه كرش الفيل .
وفى كرش فيل بكرى ابوبكر سودانيز اون لاين حتى النخبه التى تكتب والتى يفترض انها تقود المجتمع
نحو الافضل نحو سودان التسامح وصلنا الى نقطه لا يمكن الرجوع منها
نقطه كسر العظم وساهمنا جميعا مثقفين واشباه مثقفين فى تزكيه هذه الروح ..
حتى صاحب لدار اراد لهذه الروح ان تستعر فى منزله
لا ادرى الى الان ما هو المسوق لهذا وكتب كثيرون قبلى وبعدى سيكتبون له ( الحق)
ولكن اعتقد انه لا يمكن الان ان يلحق شيئا (التسوى بايدك يغلب اجاويدك )
كانت سودانيز اون لاين قبله للحوارات الجميله والمخاشنات بحدودها .
.الان صار هنالك فسطاطين .حسب التقسيم السياسى الذى صار لازمه لاى سودانى
الا من رحم ربى فسطاط المؤتمر الوطنى وفسطاط المعارضين
وبينهما يوجد لا مبالين و .................................
والذى ادهشنى وجود تيار اخر!! ، كان من قبل الزميل طمبل قد اسمى المعارضين بمصطلح (المناتلين)
وانا اسمى هذا التيار الاخر ب(الموالى ) تيار عجيب يدهشنى جدا ....
لاهم بمؤتمر وطنى ولا هم بغير مبالين ولا هم بمعارضه تميزهم بالاتى :-
1- فى جلساتهم الخاصه مع المعارضين يكرهون ويسبون الوضع فى السودان حتى انك تحسبهم معارضه .
2- يصاحبون فى الغالب المعارضين الصريحين.
3- يدافعون عن المؤتمر الوطنى اعلاميا وكتابيا فى التجمعات المختلطه والمقرؤة .
4- دائما القول انهم ليسو بمؤتمر وطنى (انته عارفنى ما كوز صاح بس).
5- وهم اكثر تشددا من العضويه الملتزمه للمؤتمر الوطنى فى النقاشات .
6-متقلبين جدا فى المزاج .
هذا التيار وصاعدا ساسميهم (الموالى) لهم قدرات ان يتقمصو شخصيه المؤتمرجيه بشكل مدهش
وكما قال لى صديق ملتزم من الاخوان انحنا بنشوف اى زول داير شنو وبنديهو كان سلطه او مال
..ونقراء النفسيات التى تريد ان تتقرب من وزير او سفير ونحقق لهم هذا الطموح
وهم يخدموننا ويعطو بالمقابل اليست تلك السياسه ان تحيد او تستقطب ) انتهى كلامه
فقلت له منطق والله وذكى ومقبول ....
كثيرا حين تحاور احد الاسلاميين يكون النقاش منفتح وغالبا يتكلمو عن سلبيات طفت الى لسطح
ودائما ينسبونها الى انو ده ما (كوز) اصلى ، ديل افتكرونا عايزين كده او يقول ليك (كتر المحلبيه)
تجدنى رقم اختلافى مع الكيزان الا انى احترمهم واحترم خلافى معهم الذى يكون فكريا غالبه،
او الفرق بين الواقع والمامول ....
ولكن كيف احترم هؤلاء الموالى الذين لا طعم لهم ولا رائحه او لون وكثرو جدا فى الفترة الاخيرة
وخلطو النابل بالحابل او الحابل بالنابل ..
لا تجد طريقه لتتعامل معهم ، واحتقرهم فى داخلى جدا واكون مشوش فى التعامل معهم
ومنهم زملاء او اصدقاء (اصدقاء الغربه)
التى تفرض عليك التعامل مع مستويات مختلفه من البشر،
تحن تلقائيا لبنى جلدتك وتكون معهم صداقات او صداقات عابرة ....
تساؤلى كيف ينظر الموالى الى انفسهم ..
وهل انا مجبر على التعامل معهم او كما يقول اهلنا (نقطعه ناشفه معاهم)
واحترم مقوله عدو عاقل خير من صديق جاهل
فاتنى ان اقول ان هنالك معارضين شتر تصرفاتهم تؤدى الى ظهور موالى ،
ولكن هؤلاء الموالى بيصدقو انفسهم ويستمرو يتراجعون تارة ويتوالون تارة اخرى ...............
وبما انك غير مجبر على سؤال الناس عن الوانهم السياسيه ان لم يصرحو هم بذلك
تضطر الى ان ترى كلامه او كتابته حتى تعرفه
كما قال الخليفه الراشد عمر لفتى تكلم حتى اعرفك .....
فالان وسيله الكلام صارت (توتش اسكرين) وتلفون تتكلم به كتابه من اى مكان
وتنشرة فى اى مكان ..
اناشد مرة اخرى فى ختام هترشاتى صاحب كرش سودانيز ان يلتفت الى موقعه
الذى لا اقول انه سيموت بل مات فعلا منتظرين ان تنزع عنه الاجهزة
.او تسقط منساته حتى نعلم انه مات .ويوقف الشتائم والتنابذ وفالت القول
حتى تستمر اجهزة الانعاش فى العمل ولا تعطل ....
|
|
 
|
|
|
|
|
|
|
 Re: المناتلين والموالى (Re: عمر سعد)
|
كما يعرف كثيرون اختيارى لكلمه موالى مستمده من التاريخ الاسلامى
حيث تمت الاستعانه بالموالى كافراد ثم فرقه بسيطه فى الجيش الاسلامى
ثم صارت لهم الغلبه وحين استلامهم السلطه انتقمو من الاعراب
ترى هل سيتقم الموالى من الكيزان
| |
|
|
|
|
|
|
|
|
|
Re: المناتلين والموالى (Re: عمر سعد)
|
أحيي فيك وضوحك ، وتسمية الأشياء باسمائها
متفق معك في كل ما كتبت ، ماعدا جزيئة صفيرة و لكنها مهمة
وهي إنك بتحترم الكيزان
أفضل أن نطلق عليهم ( الأخوان المسلمين )
أعرف أن قصدك : تحترمهم بالمقارنة مع ( الموالي )
فهم يدافعون عن سلطتهم ، والموالي مغفلين نافعين أحيانآ و في معظم الأحيان مضرين
لا أحترم أي أخ مسلم ، مازال يدافع عن السلطة
و لم يحدد موقف رافض للعنف و الحروب
ولم ينتقد التعذيب و حط كرامة الإنسان و سفكهم الدماء
لم ينتقد الفساد الذي إستشرى في البلاد تحت حماية البشير شخصيآ
لم ينتقد الفشل ، المتمثل في انفصال الجنوب و في استمرار الحروب
وفي الجوع و الأزمة الأقتصادية الطاحنة التي فاقمت من غلاء المعيشة ومرض الناس
على ماذا تحترمهم يا عمدة عمر سعد؟
| |
|
|
|
|
|
|
|
|
Re: المناتلين والموالى (Re: أبو ساندرا)
|
الاخ ابو ساندرا
اولا شكرا علي مداخلتك كلامك عن احترام الخصم هي اول خطوه لمقاومته
وكلامك صاح عن احترامي لهم مقارنه بالموالي
وهم كثر في الدوحه. علمهم من علم وجهلهم من جهل
اولا لو هم اعترفو بكل ما قلت لانسحبو من الحكم
دايما هنالك مقوله قتله الذي اخرجه
حيث ان كل طرف يري انه علي حق ولا نستطيع
انكار ذلك مهما حدث
وكما قال حسين خوجلي الاسلاميين الذين يعرفهم
لم يحكمو بعد
وكما قلت يري الاخوان المسلمين ان افتهم
الموالي الذين تكالبو علي الجثه
احترام الفكر والفكر المضاد هو السبيل الوحيد
للتلاقي والافتراق ويحكم الاخرين المستقلين علي صحه
هذا او ذاك من الممارسه
الفكر بالنسبه لي ممارسه وسلوك
احكم علي افعالك وليس علي نواياك
| |
|
|
|
|
|
|
|
|
|
Re: المناتلين والموالى (Re: عمر سعد)
|
| Quote: هل يوجد في افطاركم. (موالي) |
مولى وموالي دي أنا غايتو بعرف بتاعة الحاج سرور
"برضي ليك المولى الموالي وفيك لازم الصبر الجميل"
والله نحن مبيتين النية نعمل مصالحات لكن الاخوة الأعداء شكلهم زايغين من الموضوع
ومن هنا أدعو الأخ العزيز هجو الأقرع للحضور والحديث عن مبادرته للصلح في المنبر
وبالمرة نخرج بمبادرة شاملة من الدوحة للمصالحة وتنقية الأجواء العدائية في سودانيز
صوما مقبولا وذنبا مغفورا
| |
|
|
|
|
|
|
|
|
|
Re: المناتلين والموالى (Re: معاوية الزبير)
|
التحية اخي عمر سعد ...
نتابع ما كتبته و ما ستكتبة انشاء الله ...
| Quote: والله نحن مبيتين النية نعمل مصالحات لكن الاخوة الأعداء شكلهم زايغين من الموضوع |
يا ود الزبير ...
هي الناس بتتشاكل لي شنو من الاساس ؟
هي ام بناية قش دى مستاهله قدر ده ؟
| |
|
|
|
|
|
|
|
|
|
Re: المناتلين والموالى (Re: يحي قباني)
|
الاخ يحي قباني
الغريبه ما بتستاهل قدر ده لكن المكايدات اصبحت صعبه جات لي لقمه العيش
تخيل لي واحد بدا يطلع اشاعات لكسب رخيص
وبدا يطلع افلام في دعايه انتخابيه لي بنات بيرقصو رقصات شعبيه
وده كلو عشان دعايه انتخابيه
او زول يجيب سيره واحد ما مشترك في سودانيز اون لاين
ويبدا يخت ليهو في الاتهامات. وهو عارف انو ما عضو هنا يرد ليهو كيف
وكلهم. موالي. ما اصحاب جلد وراس
تزنقو يقول ليك انا ما كوز
ما مرت عليك الحاجات دي وين ما كنت عايش
| |
|
|
|
|
|
|
|
|
|
Re: المناتلين والموالى (Re: عمر سعد)
|
هل اتاك حديث الكوكب الوضاح.....
تعرف يا عمر.... الاسلاميين ديل ممن يكونو اولاد حله...
يعنى انت ما اخترتهم.. اتفرضو عليك... بس قصة اصحاب دى شويه ما مبلوعه
تعرف بالرغم من انى مصنف ككائن اجتماعى... بعرف ناس كتااار... وبسافر كتير
لكن عمرى ما كان عندى صاحب منهم... تعرف ليه... باختصار لانهم غير سويين
ولسوء طويتهم... عندى اصحاب من كل الاتجاهات وعمرو ما كانت اراءهم السياسيه
نقطة خلاف اجتماعى.... الا مع الكيزان... لانهم هم السبب فى تعاستنا دى....
السبب فى تشردنا بالبلدان والقارات... السبب فى عنصريتنا البغيضه... السبب فى تهتك نسيجنا الاجتماعى
والسبب فى و فى و فى.... انت عارف....
اتفق معاك فى باقى الكلام... عن الموالين... وما اكثرهم.... وعن السلبيين... وعن الغبيانين... وعن عمى البصيره....
وعن الفاقد التربوى.... الفرق اننا لسه بنؤمن انو فى حوارى السودان ناس بضمائر حيه.... شفت امهات بيوصلو اولادهم
اماكن المظاهرات.. وشفت نسوان ارجل من رجال بشنبات ياعمر... والله شاهد.... لسه الامل موجود..
واخدنا الدروس والعبر... واقسمت وغيرى كثر... لن يكون لهم مكان بيننا فى مقبلات الايام.... سنفضحهم ونعريهم...
تحياتى لك ولضيوفك الكرام
| |
|
|
|
|
|
|
|
|
|
Re: المناتلين والموالى (Re: مبيوع)
|
الاخ مبيوع
شرفته
انت ما فرقته بين الكيزان وبين الموالي
احكي ليك دي في زميل جاء يسجل لانتخابات الجاليه الاخيره دي
وكنت بتونس مع واحد المهم وقف جنبي وبيسالني كم سوال
عرفتو بالمعاي قلت ليهو د، فلان من قيادات الاخوان هنا
طوالي قام زاغ وناداني قال لي زي ديل ما بنسلم عليهم كنا في انتخابات الجامعه
خلي تقيف تتونس معاهو فضحكت
فالسوال يا ياسر عدد الموالي اكتر من عدد المنظمين
وتجدهم اكثر شراسه وقبيل قلت ما يميزهم انهم اصحاب مناتلين حقيقين
قد لا يكون بمستوي الصحبه العاديه ولكن صحبه بمستوي
انا بتكلم عن ديل الموالي بعتقد انو هم اشد خطرا علينا من المنظمين
فيجب التعامل معهم بحذر ومن تلقي الواحد ينطط بي جاي وبجاي
تعمل حسابك شديد لانهم موخرا بقو موذيين جدا ولا تامن ما هي الخطوة الجايه منهم
اما الكيزان العديل ديل وما عملوهو في البلد اصبح واضح وضوح الشمس ولو غلف بين دفتي مصحف
من هو اول الموالي في المجلس العسكري الاول في 1989؟؟؟؟؟؟؟؟؟؟؟
واول وزير مولي في 1989
| |
|
|
|
|
|
|
|
|
|
Re: المناتلين والموالى (Re: عمر سعد)
|
| Quote: هل يوجد في افطاركم. (موالي) |
نعم ، يوجد مولى ( أمير طمبل )
و يوجد أصلي ( عادل إبراهيم )
المشكلة يا عمر سعد مافي ناس بيعطوا الموقف المبدئي ، لرفض الأخوان و مواليهم ، حقه
تراهم يوادونهم ، و هم على علم ب السكين التي يخفونها تحت ثيابهم وضحكاتهم ، حتى تحين لحظة النحر
ناس معاوية الزبير ديل ناس طيبين ساي ، طويتهم على المحجة البيضاء
لكن مافي شيء نحرنا غير الطيبة الفايته حدها دي
| |
|
|
|
|
|
|
|
|
|
Re: المناتلين والموالى (Re: أبو ساندرا)
|
ابو ساندرا عساك طيب
لا توجد لدي مشكله في ان يختار احدهم فكر محدد مثلا ان يصبح اخ مسلم او انصار سنه او شيوعي اليست تلك قضيتي
المفروض الصراع فكري. وان تحول تسطحب ادواته للمواجهه
كيفيه شكل المقاطعه هي الجوهر
فلنفترض ان اخوك ود امك وابوك اصبح اخوانيا هل ستقاطعه لاختيارة هذا
ولماذا يدعي اي شخص ناصيه الكمال المعرفي او ناصيه الحقيقه وينكرها علي الباقين
لا حرج في ان يتخذ اي شخص فكره
ونتحاور ونستقطب من نشاء
ولكن ان تحول هذا الفكر الي اداه قهر بالقوه يجب التعامل معه بادوات اخري
يصبح الخطر في الموالي اللي هم اليوم معاك بكره ضدك مش من الاولي انك تستقطبهم لجهتك بالحوار اولا
ثم ان رميت طوبتهم تحيدهم ثم ان لم تستطع لهم دينهم ولك دين
تتفق معي ام تختلف
الطيبه هي خير علاج للقلوب لا اعتبرها عيبا مطلقا
وهنالك يا ابوساندرا. فضاءات كتيره تجمع الناس الا يمكن فصل اللحظه
اي كتجمع سودانيز او الروابط
او الجمعيات بمختلف مسمياتها
هل هنالك نقاط اتفاق او خلاف
سنعود بافق العلاج ان شخصنا ان هذا داءا
| |
|
|
|
|
|
|
|
|
|
Re: المناتلين والموالى (Re: عمر سعد)
|
انا بعتقد من اسواء الموالى الذين مرو على السودان فى عهد الانقاذ من الحيين خلينا الميتين
عبد الباسط سبدرات ده غايتو لو مسكت الحكم طوالى تجيبو مستشار بيجيه ليك الحاجات
لو عرفك زعلان من زول بيعدمو ليك طوالى ويكون ناسى انو حصل صلح قبال فتره هاهاهاها
| |
|
|
|
|
|
|
|
|
|
Re: المناتلين والموالى (Re: عمر سعد)
|
سلامات يا عمر
الغريبة غير المناتل والموالي كنا بناقش حكاية الناس الاصلو ما جدعو حجر في الانقاذ من ناس الدراما
مسترزقين من الانقاذ والامور ماشة ناس محمد المهدي الفادني وعبدالمنعم عثمان وجمال حسن سعيد والكومك
بعدين المتوالين ناس علي ابرسي وجمال فرفور واحمد دولة ومعتصم جعفر واخرون
لكن في النهاية تحكم الجبهة والمجلس القيادي ولا مكان لاي مولي او موالي او متوالي في الصفوف الامامية
كلهم في مساطب الدرجة التالتة
| |
|
|
|
|
|
|
|
|
|
Re: المناتلين والموالى (Re: عمر سعد)
|
عيدكم مبارك
الموالى بعد رمضان هل يزيد نشاطهم ام يقل ....
اعتقد يزيد
لا اخفيكم سرا افكر فى عمل جرد لكل الموالى حتى اعمل رستور ديفولت للميمورى او الذاكره حتى اخرجهم من حياتى
لعن الله الغربه التى جعلت مصاحبتهم او مجاملتهم امرا عاديا
يجب ان اعمل على تغيير هذا الامر باسرع ما يمكن حتى تعود الطمانينه الى حياتى
(اذكر لا غضاضه فى التعامل مع والتحاور مع الاصل فاعتبرهم اصحاب فكر اختلفنا ام اتفقنا )
مشكلتى مع الموالى الذين هم اشد خطرا وفتكا وسثثبت الايام صدق حديثى هذا
لا ن مهمه الموالى نشر الاكاذيب وتفرقه المجتمع وخلق البلبه والتشكيك
واللعب بوجهين طوال الوقت وخطورتهم فى انهم يكونون جنبك ومعك وينقلون ما يحصل حولك
ويمكن ان يشهرو بك لو دعى الامر لمكسب بسيط رتبه مال وجاهه
ويمكنهم ان يؤدو هذا الدور مع اى متغلب او غالب دون ان يرمش لهم جفن
| |
|
|
|
|
|
|
|
|
|
Re: المناتلين والموالى (Re: محمد أبوالعزائم أبوالريش)
|
| Quote: لا فرق يا عمر بين موالي وكوز ...... لا فرق |
الاخ ابو الريش
من وجهه نظرى هنالك فرق الكوز العديل ده صاحب راى او فكر اختلفنا ام اتفقنا معه
وله الحق للدفاع الكامل عن ما يراه صحيحا ونراه غير صحيح او العكس
ولكن الموالى ديل لا دين لهم ولا ذمه يوالو من لديه القوه والغلبه ايما كان الغالب
قال طرلافه بن العبد فى الموالى
واعلم علما ليس بالظن أنه إذا ذل مولى المرء فهو ذليل
وقال الفضل بن العباس
مهلا ابن عمنا مهلا موالينا لا تنبشوا بيننا ما كان مدفونا
وفى روايه ثانيه الموالى هم الشياطين والجن الذى كان يسخر لسيدنا سليمان
وهم خطر دائم محدق اينما حل
انظر حولك من يضرك اكثر المولى ام الاصل
وتحتها تاتى مقوله (عدو عاقل خير من صديق جاهل )
فهى اقرب للمولى من الكوز العديل .............
| |
|
|
|
|
|
|
| |
عمر سعد
أبو ساندرا
معاوية الزبير
مني عمسيب
يحي قباني
مبيوع
khaleel
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست