|
|
 توضيح .. وشكر مستحق .. ورجاء .
|
*** هذا ما خطه عبدالعزيز هنا
*** قمت بفتح بلاغ مباشرة لدى الشرطة .
*** لم يكتفي عبدالعزيز بما كتب بل اتصل على هاتفيا وكرر لى ما نشر .
*** تم ضبطه لمدة 4 أيام .
*** تنازلت عن البلاغ بسبب تدخل عدد من الأخوة الأفاضل ولدواعي انسانية .
*** طالبته باعتذار في نفس الموقع ، واعتذار ومناشدة مكتوبة وقد قام بالاعتذار فعلا ووجد منا القبول
أما المناشدة المكتوبة فقد عاهدت نفسي أن لا أنشرها رغم إلحاح عزيزين ومقربين .
*** أتقدم بكامل الشكر و كل التقدير لكل الأخوة و الأخوات الذين اتصلوا لتسوية الأمر والذين اتصلوا
مستفسرين وحتى الذين لايرونني على حق وكذا الذين يحسبونني (صاحب نفوذ) أسأت استخدامه لكم أجمعين مكرر الشكر و التقدير ،،،
*** جدوا لى العذر أخوة كرام في عدم قدرتي على ذكر أسمائكم خشيت الوقوع فى المحظور .
*** وحتى لا يفقد العفو المقدرة قيمته . وكي لا أؤسس
لندية غير موجودة أصلا أرجو شاكرا ومقدرا أن ينتهي هذا الموضوع هنا خلال هذه الأيام
المباركة سائلا الله عزوجل أن يتقبل منا ومنكم صالح الأعمال .
*** ويا عبدالعزيز العفو لله و الرسول وكلى لأمل أن تطلب الصفح و العفو من كل من تضرر منك .
*** فقط أشير الى أنني قصدت في بداية هذا البوست أن أوضح بعض الحقائق وتسلسل الأحداث ،
لأنه واضح أن كثير من الإخوة و الأخوات تداخلوا ولم يكونوا على علم بالتفاصيل .
|
|
  
|
|
|
|
|
|
|
 Re: توضيح .. وشكر مستحق .. ورجاء . (Re: الطيب عثمان يوسف)
|
سلام و احترام يا جنابو ..
عبد العزيز أخطأ و أستحق هذا العقاب و لو في شكل قرصة في أضانه ..
و مثل عبد العزيز هناك كثر في هذا المنبر يستحقون العقاب ..
و منهم من تعرض لعبد العزيز ف شخصه و أسرته ..
هناك بعض الأعضاء تخصصوا في النيل بشكل شخصي من أعضاء و غير أعضاء في هذا المنبر ..
و ظنوا أنهم سيتعصموا بالبعد عن المساءلة و الملاحقة ..
و أرى أن مواجهة أي تصرف أخرق بالحسم سوف تكون علاجا ناجعا لمثل هكذا قلة أدب ..
و بغض النظر عن أي إصطفاف أو تخندق أو موالاة لإنتماء سياسي أو جهوي أو خلافه يتعين أن نقول للمخطئ أخطأت ..
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: عصام دهب)
|
تحياتي يا جنابو
و لك الشكر انت ايضا مرتين الأولى لإختيارك وسيلة حضارية لأخذ حقك ورد الإعتداء و الثانية لعفوك الذي أتمنى أن يتقبله الله ويجزيك عنه خير الجزاء
واتفق معك حتى لا يفقد العفو قيمته ولمصلحة عبد العزيز يقيف الموضوع على كدا هنا
ولامن نلاقيك إن شاء الله نكمّل النقاش حول ما جرى.
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: Zain Alaabideen Alkhairy)
|
Quote:
*** هذا ما خطه عبدالعزيز هنا
*** قمت بفتح بلاغ مباشرة لدى الشرطة .
*** لم يكتفي عبدالعزيز بما كتب بل اتصل على هاتفيا وكرر لى ما نشر .
*** تم ضبطه لمدة 4 أيام .
*** تنازلت عن البلاغ بسبب تدخل عدد من الأخوة الأفاضل ولدواعي انسانية .
*** طالبته باعتذار في نفس الموقع ، واعتذار ومناشدة مكتوبة وقد قام بالاعتذار فعلا ووجد منا القبول
أما المناشدة المكتوبة فقد عاهدت نفسي أن لا أنشرها رغم إلحاح عزيزين ومقربين .
*** أتقدم بكامل الشكر و كل التقدير لكل الأخوة و الأخوات الذين اتصلوا لتسوية الأمر والذين اتصلوا
مستفسرين وحتى الذين لايرونني على حق وكذا الذين يحسبونني (صاحب نفوذ) أسأت استخدامه لكم أجمعين مكرر الشكر و التقدير ،،،
*** جدوا لى العذر أخوة كرام في عدم قدرتي على ذكر أسمائكم خشيت الوقوع فى المحظور .
*** وحتى لا يفقد العفو المقدرة قيمته . وكي لا أؤسس
لندية غير موجودة أصلا أرجو شاكرا ومقدرا أن ينتهي هذا الموضوع هنا خلال هذه الأيام
المباركة سائلا الله عزوجل أن يتقبل منا ومنكم صالح الأعمال .
*** ويا عبدالعزيز العفو لله و الرسول وكلى لأمل أن تطلب الصفح و العفو من كل من تضرر منك .
*** فقط أشير الى أنني قصدت في بداية هذا البوست أن أوضح بعض الحقائق وتسلسل الأحداث ،
لأنه واضح أن كثير من الإخوة و الأخوات تداخلوا ولم يكونوا على علم بالتفاصيل . |
الطيب عثمان سلام كلام عبدالعزيز فيك كلام قبيح ومدان وذهابك للعدالة والقانون من حقك ولا لوم عليك
لكن حتي لانكن في وضع نفاق ماكتبته هنا يعبر عن تشفي منك تجاه عبدالعزيز ولا علاقة له بمكارم الأخلاق ويعبر عن روح التشفي والغلو في الخصومة لاغير لانه من شروط العفو عدم ذكر الشي السابق. ثانيا تحدثك عم سجنه 4 او خلافه يعني شنو. تدل علي تشفيك وإظهار ه انه ضعيف ولعلمك أهلنا كانو بقولو السجن حق الرجال تاني اعتذاره لك الخاص لماذا أشرت له هنا وأنك لاتود نشره هل توسل لك هل بكي يعني شنو بوست لا يستحق النشروعار عليك يطاردك هنا وبعد ذلك تطلب
العفو وتقول أقفلوا الموضوع ده استغفر الله اللهم اني صايم ماعلمنا ان مثل هذا عفو هذا بوست انتصار لنفسك والشماتة في عبدالعزيز لاغير
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
شكراً اولاً
كنت في مكانة عاليه وانت تعفو وتسامح وتصفح عند المقدرة
وشكراً ثانياً
لانك لم توظف هذا الكم الهائل من الشتم ليصبح الشغل الشاغل للمنبر بل ادركت من اين وكيف
يسترد الحق المهضوم وفي صمت تام
وشكراً ثالثاً
وانت تقدم تجربة بالامكان ان يستفيد منها الكثير
ورمضان كريم
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
يا ود المسلمي سيف شنو ومتني شنو الله يهدينا و يهديك, العفو في التنازل عن البلاغ و عدم السير فيه ودي الحاجة المهمة باقي عوّة الأسافير دي ما منها فايدة وهرجي ساي
ودا رايي كان لعبد العزيز الإنتصارات الإسفيرية و الهزائم الفيها كلام ساي لا بودي لا بجيب يومين وتتنسي, المهم أنه يكسب نفسه وحياته
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
| Quote: ماكتبته هنا يعبر عن تشفي منك تجاه عبدالعزيز ولا علاقة له بمكارم الأخلاق ويعبر عن روح التشفي والغلو في الخصومة لاغير لانه من شروط العفو عدم ذكر الشي السابق. ثانيا تحدثك عم سجنه 4 او خلافه يعني شنو. تدل علي تشفيك وإظهار ه انه ضعيف |
الاخ المسلمي الظاهر انت ما كنت متابع البوستات الاتفتحت خلا اليومين الفاتو عن نفس الموضوع
لكن صدقني اذا ارد الاخ الطيب التشفي !! .. كانت قدامو الف فرصة و الف وسيلة و اولها الموبايل و كاميرتو. لو الواحد داير يتشفي من زول بالجد ما حا يفوت فرصة تسجيل صور و لا مقاطع فيديو و لا محاداثات و من ثم نشرها علي الملأ
ثانيا لما الطيب ذكر عدد ايام السجن دي كانت فقط للتوضيح لانو عبدالعزيز في بوست اخر حاول انو يضلل الناس و ذكر انو انسجن يوم واحد فقط و ما بسسب البلاغ. راجع بوست اعتذار عبدالعزيز نفسو قبل ما يتمسح كالعاده و حا تلاقي مداخلتي انا و توضيحي لنفس الشي
| Quote: أولا لم يتم حبسي بخصوص البلاغ المقدم من الأخ الطيب لأن البلاغ تم شبطه قبل التحري فيه ويمكنك الرجوع للأخ الطيب للتأكد فقط تم توقيفي للترحيل من أبوظبي لعجمان وهذا أجراء طبيعي هنا وأستغرق يوم واحد |
و طالما ان عنوان البوست بدأ بكلمة (توضيح) فلا بد للحقائق ان تظهر عشان ما يجي عبدالعزيز و يحاول يغتغت الموضوع بالتحايل و لا يجو اعدائه و يحاولو يقولو فيهو كلام ما حصل.
و لو سألتني انا ليه حريص علي نشر الحقائق و متتبعها كده لمن ترسي علي بر ... بقول ليك انو دا اساس تكملة (القرصة) و دا عشان الناس تعرف القانون و البحصل شنو بالتفصيل لما تشتكي زول اساءك في المنتديات.
و الموضوع دا من الافضل انو يقيف علي كده. و العندو مشكلة مع زول تاني ....... هدااااااااااااااك قسم الشرطة. يمشي يفتح بلاغ كاااارب و حقو بياخدو.
الي ان يصبح المنتدي منصة لتصدير البلاغات البالستية الي مخافر دول العالم و تبقي سيرة الشخصية السودانية من فضيحة لي فضيحة في قنوات القبل السبعة ........... شكرا بكري ابوبكر ان جعلت هذا ممكنا.
و واحد في الاتنين : يا اما البوست كلو او مداخلتي دي بس حا تمشي الخور ............... كالعادة
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: عصام دهب)
|
Quote: بعد فترة حدثت مشكلة توقيفي وأثناء مراجعتي للطيب في تفاصيلها الطيب ذكر لي` أنه أساسي أشكتى مني وقال كلام ما طيب عني قمت بمخاطبة أساسي وهو صديق عزيز وعاتبته وكان رده غاضباً وأتصل وهو في قمة الزعل ونفى أنه يكون قال كلام ما طيب عني وأنه جاب سيرتي أمام كل الناس بالخير وكلام عادي واتصلت في الطيب وقابلته وذكرت ليه ما قاله أساسي فقال لي أنه الرفاعي حجر هو من ذكر الكلام عن أساسي وفي لحظتها قمت بالاتصال بالأخ الرفاعي حجر وكنت غاضبا ووهجت ليه لوم وتقريع شديد قابله الرفاعي بمنتهى الأريحية ونفي أنه يكون قال الكلام دا ووقعت في احراج شديد الاول من اساسي والتاني من الرفاعي وكان واضح انه الطيب هو مؤلف الكلام دا للتأثير علي وخلقت ليه مليون عذر وخليته وما راجعته
ممكن مراجعة الأخوان أساسي والرفاعي حجر في الموضوع دا والتأكد |
الاخوان أساسي والرفاعي حجر مطلوب حضوركم حتي تكون الأمور واضحة بدون ضبابية وهذه الشهادة منكم هنا تعني الكثير والكثير
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: الطيب عثمان يوسف)
|
الأخ الطيب
تحية طيبة
هذا تشفي و لا ينم عن الكرم او التسامح .
عندما اعتذر الاخ عبد العزيز ، كان قد فعل ذلك لإحساسه بالخطأ و ليس كما تبادر الي ذهنك كشرطي .
انت و للاسف تتقمصك شخصية رجل الشرطة في السبعينيات و الثمانينات القرن الماضي .
الجميع قد استنكر تصرف الاخ الكريم عبدالعزيز ، لكن ان كان هذا هو فهمك صدقني انت لا تستحق ادني اعتذار .
كل تلميح منك يصبح خصما عليك و ليس على الاخ الكريم عبدالعزيز الذي أخطا و اعتذر لك بكل شرف.
انت لا توضح بل تتبجح و هذا عيب منك.
للكثير من أعضاء هذا المنتدى تحفظات على الاخ عبدالعزيز ، لكن تلميحاتك اكثر من مشينة
تحياتي للاخ عبدالعزيز و ارجو ان يفرد بوستا منفصلا للاعتذار لجميع من أخطا بحقهم .
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: دينق عبد الله)
|
لا شكر على واجب يا جنابو
اهو قلنا ننورك ونوريك فهمنا حاول اقرا معاك مداخلة الزميل دينق عبدالله وشوف الخال وهبة من الفيسبوك بقول ليك في شنو ؟
_________________________
يا خال Quote: المستنير وهبة · الخرطوم السودان
يا ناصر احمد الامين ياخ الحبر الدلقتو في الموضوع دا لو كنت استخدمتو في الشهادة السودانية كنت هسي بتكون حاجة كبيرة ... اسمع سمعت ببيت الشعر البقول "كأنَّـك بعرةٌ في أستِ كبشٍ *** مدلاةٌ وذاكَ الكبشِ يمشى" بتكون سمعت بيهو خخخخخخخخ |
هههههههههههههههههههههههههه
والله انا ذاتي مستغرب في الزول دا ونفسي اعرف سر اهتمامه الزائد بالموضوع دا
غايتو البورد بقى يحير
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
| Quote: والله انا ذاتي مستغرب في الزول دا ونفسي اعرف سر اهتمامه الزائد بالموضوع دا |
الاخ محمد المسلمي
بغض النظر عن محتوي الاقتباس الذي اوردته (فلا حاجة لي بالدخول في مهاترات لا طائل منها) الا انني قد بينت سر اهتمامي بالموضوع في مداخلتي اعلاه.
و يهمني هنا (فقط) ان لا تشوه حقيقة ما حدث فيما يخدم رغبة الطرفين في المحاولة من التشفي و التهويل او التهوين (الطرفين يعني عبد العزيز و خصومه)
| Quote: غايتو البورد بقى يحير |
هنا اتفق معك تماما
تحياتي و رمضان كريم
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: ناصر احمد الامين)
|
يا وهبة و ود المسلّمي
شهادة حق يا خوانا ممكن تسالوا منها عبد العزيز
أول زول اتصل عليه عبد العزيز في بداية محنته ونهايتها كان ناصر دا, وما كل شي لازم يتكتب هنا
وعلاقته مع عزيز ليست علاقة أسافير وعدّي من وشّك
فما تظلموا الراجل ساي
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد البشرى الخضر)
|
جنابو الطيب عثمان
لا اعرفك شخصياً ولكن يعلم الله لك مكانة واحترام في نفسي
ومن هذه المكانة، يلزمنا مناصحتك
ما خطته يداك هنا ليس بتوضيح ولا شكر
تشفي واااضح وبين
وليتك والله ما كتبته فهو خصماً عليك ولا يضيف لك شيء
وسؤال ارجو ان القى له اجابة واضحة، ان امكن
هل قمت باستغلال نفوذك وموقعك باي طريقة كانت في تقديمك وتحريكك للبلاغ، ام قدمته كشخص عادي ضد شخص عادي؟
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: الشفيع وراق عبد الرحمن)
|
| Quote: هل قمت باستغلال نفوذك وموقعك باي طريقة كانت في تقديمك وتحريكك للبلاغ، ام قدمته كشخص عادي ضد شخص عادي؟ |
وأحب أضيف للسوال ده كم سنة عملت في الشرطة مكان البلاغ. وكم من دفعتك وزملائك في العمل موجود الان حتي يكتمل التوضيح وتكون هنا الشفافية
------------
فاتح بوست طويل عريض للشماتة ويقول العفو لله ورسوله
عليك الله يا الطيب الزول الكلام ألما مقتنع بيه مايقوله
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
عبدالعزيز غلط في حق جنابو وأعتذر
الطيب سلك مسلك حضاري وهو القانون
وكتر خيرو في النهاية جبر بي خاطر كل الناس واننازل علي البلاغ
والبوست أظن للتوضيح ماشايف يا مسلمي أتهام الناس ليهو بأستخدام النفوذ في الموضوع
كلمة حق الطيب أتنازل من البلاغ من أول يوم وبي شروط وعبدالعزيز رفض الكلام ده
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: الشفيع وراق عبد الرحمن)
|
الطيب عثمان يوسف
...
رمضان كريم ،
لك رصيد يانع من الطيبة ،
وحسن الخلق وطيب المعشر ،
كل سنة والنسيج الإجتماعي ،
في صومعة سودانيز اون لايص ،
بخير وعافية ،
الصراع في الإسفير أيدولوجي بحت ،
ما يفسده هو الشلل والغرز ، والتجمع ،
الكل يشتم ويلعن ويسب ،
خلف الكيبورد ،
ثم التعافي والصفح الكريم ،
بروح سودانية ،
وصفاتنا النبيلة ،
والأمثال كثيرة وما زالت ،
لكن الحل البوليسي ،
لا أوافقك عليه إطلاقاً ،
تسلم الغالي ،
،،،،
...
عزالدين عباس الفحل
ابوظبي
...
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: عزالدين عباس الفحل)
|
الاخ الطيب يوسف.
شكرا لك على التوضيح.
عفوك وتنازلك من حقك القانوني، درس يجب أن يستفيد منه الجميع.
أنت رجل عاقل ومتزن جدا.
الأخ عبد الله دينق.
لقد ظلمت الأخ الطيب يوسف كثيرا، يبدو لي أنك لا تعرفه جيدا.
حاول أن تراجع ما يكتبه بقية الأخوة الذين تظلمو من عبد العزيز، بالمناسبة أنا أحدهم.
ولكني لن أستغل هذا الموقف الذي هو فيه أبدا، وأتمنى من عبد العزيز أن يراجع نفسه كثيرا
وأن لا يستمع الى الذين يضللونه في هذا المنبر وخارجه.
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: Deng)
|
Quote:
والبوست أظن للتوضيح ماشايف يا مسلمي أتهام الناس ليهو بأستخدام النفوذ في الموضوع
كلمة حق الطيب أتنازل من البلاغ من أول يوم وبي شروط وعبدالعزيز رفض الكلام ده |
سيداحمد شامي البوست للتشفي وليس للتوضيح يعني شنو اعتذر لي وكتب الكلام وانا التزمت ما بنشره رغم طلب ناس كتار لنشره ده نوع من الابتزاز شنو سجنو4 يوم نوع من الانتصار للنفس وإظهار قوته خلاص دفعته وزملائه ماقصروا معاه كان يشنقوا وإلا يسحلوه وإلا عشان تكتمل الصورة اول مرة اسمع بصاحب عفو يمتن بعفوه اين الأخلاق الاسلامية والسودانية وخلافه
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
كويس جداً عشان يبقى توضيح لازم يكون شامل عشان ما يبقى شيل حال وتشفي
والله قبل الموضوع دا انا خليت سودانيز عدييييل لكن نعمل شنو
الكلاام الجاي دا للأخوان والأصدقاء وخصوصا بورداب الإمارات عشان يعرفوا الأمر كامل ويعرفوا الأمور الأنا اتحفظت عليها وأتحملت شن
طبعاً الناس البعرفوني عارفني ما مجنون ومستحيل أكتب كلام زي الفي الكابشر دا بدون سبب وإن شاء الله حا أوضح السبب الخلاني اكتب الكلام دا للطيب شنو
قبل من ما أوضح حا ارجع لي تاريخ علاقتي مع الطيب وبعرفه قبل سودانيز وهو صديق لأعز صديق لي وهو الفاتح كامل ويوميا كنا بنجلس أنا والفاتح ونشرب القهوة في أبوظبي وكان الطيب بزور الفاتح بعد انضمامي لسودانيز كنت سعيد جداً بوجود الطيب وكانت علاقتي معاه طيبة خالص
قبل اكتر من سنتين سافر الطيب لي السعودية جدة ورجع بعدها بي أيام صديقي الفاتح وهو متابع لسودانيز سالني يا عبدالعزيز شنو حكاية المشاكل في سودانيز سالته ياتو مشاكل قلت ليه شنو المشاكل قال لي قالو عامل مشاكل وبتنبذ الناس وبتسب فيهم ونفس الكلام تكرر من صديق تاني المهم اكتشفت انه الطيب جا قال لي أصحابي أني عامل مشاكل في سودانيز وبسب الناس وأصحابي بتفهموا الامر وانا ما اشتغلت بي الامر كتير وخلقت أعذار للطيب ومشيت الموضوع وكنت متأكد من أنه الكلام دا جابه من جده ومن معاوية تحديداً
ما كان عندي مشاكل مع الطيب وعلاقتنا يشوبها الاحترام والتقدير إلا في يوم في لمه للبورداب الطيب اقترح عمل أليه للمصالحة بين بورداب الامارات والخارج وكان المقصود هو المصالحة بيني وبين الكضاب معاوية عبيد لتخفيف الضغط عليه شويه وكنت الشخص الوحيد الفاهم المقصود والغرض وكنت من اعترض فبورداب الإمارات محترمين وما عندهم مشاكل وما بهمهم الأمر
بعد فترة حدثت مشكلة توقيفي وأثناء مراجعتي للطيب في تفاصيلها الطيب ذكر لي` أنه أساسي أشكتى مني وقال كلام ما طيب عني قمت بمخاطبة أساسي وهو صديق عزيز وعاتبته وكان رده غاضباً وأتصل وهو في قمة الزعل ونفى أنه يكون قال كلام ما طيب عني وأنه جاب سيرتي أمام كل الناس بالخير وكلام عادي واتصلت في الطيب وقابلته وذكرت ليه ما قاله أساسي فقال لي أنه الرفاعي حجر هو من ذكر الكلام عن أساسي وفي لحظتها قمت بالاتصال بالأخ الرفاعي حجر وكنت غاضبا ووهجت ليه لوم وتقريع شديد قابله الرفاعي بمنتهى الأريحية ونفي أنه يكون قال الكلام دا ووقعت في احراج شديد الاول من اساسي والتاني من الرفاعي وكان واضح انه الطيب هو مؤلف الكلام دا للتأثير علي وخلقت ليه مليون عذر وخليته وما راجعته
ممكن مراجعة الأخوان أساسي والرفاعي حجر في الموضوع دا والتأكد
الطيب هو من دبر مؤامرة توقيفي بي أستخدام أسم بورداب الإمارات مع مشاركة 3 اشخاص وقاموا بي أستخدام أسم بورداب الإمارات وعملوا تمثيلية والضغط والأتصال علي بكري لتوقيفي ونحجوا في توقيفي لمدة 9 شهور وبكري الطيب مقر بي الحصل وما ناكره وقصة عارفها بعض بورداب الإمارات وقمت بي إثارتها قبل فترة مع بعض الأخوان وطلب الأخ عبدالرحمن الحلاوي نسيان الموضوع ودا السويته أستحملت الظلم
في دا كله كنت بجد للطيب عثمان يوسف الاف الاعذار ومحافظ على علاقتي الطيبه معه حتى البوست بتاع بورداب الإمارات ومحسن خالد وكتبت ممازحا الطيب بكل عفوية
وكان رد الطيب
وكان رد جارح ومحرج رغم أني كتبت الرد المناس لكن نعلت الشيطان وسكت ولكن استدركت الكان بسويه الطيب وكنت غضبان جداً فقد تسامحت مع الطيب زمن طويل وكان كتبت ما كتبت عسى الطيب يستدرك خطأءه وكنت قايل أنه ممكن نتلم ونتصافى تاني رغم أفعال الطيب معاي ما كنت بحمل ضغينة أو زعلان وكنت مستعد اسوي اي مشكلة
بالنسبة لموضوع السجن
في إجازتي في السودان أتصل فيني أخ عزيز وقال أنه اتصل فيه شخص من بورداب الإمارات وقال ليه أنه الطيب قال حا يتخذ اجراء قانوني ضدي في حال ما اعتذرت عما كتبته وطبعاً هو كلام مستفز وما كنت برضه متخيل مع التسامح الكنت بقابل بيه الطيب ممكن يصل للدرجة دي وقلت ليه خليه يفتح بلاغة ولمن وصلت الإمارات قمت بالاتصال بالطيب والله كان الغرض جبر خاطره والأعتذار ليه لكن قابلني بي غضب واغضبني اكتر واحتدينا في الكلام وظنيت أنه موضوع عادي وحا نتلم ونحسم الخلاف بصورة ودية وعادية وكان الاتصال على ما أظن يوم الجمعة
في يوم الأحد أثناء الدوام اتصل علي شخص من قسم شرطة الشعبية طلب مني مراجعة القسم لأمر صغير طلبت منه شرحه قال لي حاجة بسيطة ما ممكن شرحها بالتلفون أستغربت وسألته متي قال لي أي وكت يسمح زمنك وبعد الأفطار والقهوة مشيت قسم الشعبية واتصلت في الشخص وقابلني شخص في الاستقبال وساقني لمكتب التحريات وهناك قابلت شخص اول حاجة قال لي أني مطلوب في شيك وضحت ليه أني ما عندي دفتر شيكات قال لي يا عبدالعزيز انت عندك قضية بتاعت سب عبر أستخدام التكنولوجيا والمبلغ هو الطي عثمان يوسف والبلاغ في قسم في عجمان وضحت ليه أنه القسم ما اتصل فيني قال لي مفروض كان يتصلوا فيك عشان تجي يتحروا معاك هسع انت عليك تعميم (حسب القانون زي البلاغ دا مافيه توقيف أو حجز بل يتم الأتصال عن طريق قسم الشرطة للتحقيق والكفالة بواسطة شخص أو جواز السفر) أستغربت كيف يكون علي تعميم وأنا ما في زول اتصل علي المهم قال لي أنا بنفذ مدام أنت جيت قلت ليه انا بكرة بمشي لي عجمان رفض قال مدام أنت عليك تعميم يبقى لأزم تتوقف وتترحل و باشر إجراءات التوقيف وقابلت الضابط المناوب وشرحت ليه أنه تم التعميم عني بدون اخطار للحضور للتحقيق واتفهم وقال لي أنت موقوف للترحيل وأنا حا اساعدك وارحلك الليله وبعد نص ساعة ركبت سيارة الشرطة للترحيل لقسم تاني ورجعت تاني للقسم لوجود خطا وبيت حتى اليوم التاني الاثنين وفي الضهر تم نقلي لقسم خليفة للترحيل من هناك وبرضه قابلت الضابط ووضح لي أنه ما عندهم ترحيل بعد الضهر وانه حا يتم ترحيلي اليوم التاني وبرضه بيت حتى الثلاثاء وكان الترحيل لدبي وفي اليوم داك اتحجيت لأنه مفروض ما أتوقف اكتر من 48 ساعة وجا ضابط واعتذر لي بي عدم وجود سيارة للترحيل وفي صباح الأربعاء تم ترحيلي لي عجمان لقسم التحريات بالخطا وقاموا مشكورين بي أستلامي وشرحوا لي أنهم استلموني بالخطا وقام رئيس قسم التحريات في شرطة عجمان بتوصيلي بسيارته الخاصلة للقسم المفتوح فيه البلاغ وشرح لي أنه بعد التحقيق حا اعمل ضمانه وامشي وانه موضوع بسيط وفي القسم دخلني قسم التحقيق ووصى الجماعة علي ولانه الوكت كان مبكر طلبوا مني الخروج والانتظار وودوني التوقيف وبعد الساعة عشرة برضه اتكلمت معاهم انه انا موجود للتحري مش للتوقيف وجاني ضابط قال لي أنه الطيب حا يجي وننهي البلاغ وبالفعل بعد ساعة جا الطيب وقال انه زعلان عشان أول من قرى كلامي هي بنته وفعلاً تأثرت جداً وطلب مني أكتب اعتذار ووافقت وقلت ليه الاعتذار لي أبناءك قبلك يا الطيب قال لي البضمن شنو انك تعتذر قلت ليه كلمتي قال ما بضمنها قلت ليه جيب ورقة وقلم اكتب ليك وبالفعل كتبت ليه عشان يطمن ورغم أني عارف أنه كتابتي ما حا تسوي حاجة أنا اتعهدت بي أني اعتذر لو ما اعتذرت مافي زول بلزمني بي الكلام الكاتبه وكتبت الكلام ترضيه للطيب وفعلاً أنا أعتذرت وكان أعتذاري لي ابناء الطيب اكتر من الطيب نفسه وصادق من نفسي
بعد مار جعت من عجمان والانتهاء من الموضوع اجي البورد الاقي مهرجانات الطرابيد ونشر تفاصيل ما حصل
أنا والطيب وبعض بورداب الإمارات فقط على علم بي تفاصيل ما جرى والأخوان البورداب ديل أضمنهم اكتر مني
اتفقنا أنا والطيب أنه الموضوع دا ينتهي ومافي داعي ينتشر لأفاجا في نفس اليوم بي تفاصيله عن أعدائي الطرابيد
مع الأسف بلغني أنه الطيب بتكلم وبحكي عن الموضوع دا في قهاوي أبوظبي رغم أتفاقي معاه على أنه ننهي الموضوع
أنا عندي أسرة وأبناء وزوجة وأم واخوان يأذيهم ويزعجهم زي الخبر دا ومدام اتفقنا انه الموضوع انتهى كان مفروض ينتهي
يا الطيب ما محتاج البوست دا من اليوم دا كان تلفون منك للطرابيد ديل يتوقفوا كان الموضوع انتهى واضح انه في شخص فرحان ومبسوط وما صبر طوالي جرى بلغ الطرابيد الجو جارين بي بقجهم
لكن أقول ليهم
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
| Quote: ولكني لن أستغل هذا الموقف الذي هو فيه أبدا، وأتمنى من عبد العزيز أن يراجع نفسه كثيرا |
دينق قبل ماقايل رأسك المدوقس الكبير ده (: بجيب كلام موزون وعبرة لهؤلاء المنتقمون من عبدالعزيز السلطان دينق احييك علي موقفك الشجاع ده
---------
دينق اختشي
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
| Quote: بضمنها قلت ليه جيب ورقة وقلم اكتب ليك وبالفعل كتبت ليه عشان يطمن ورغم أني عارف أنه كتابتي ما حا تسوي حاجة أنا اتعهدت |
يا عبدالعزيز ورينا الورقة دي كتبت فيها شنو وأحسن تورينا براك قبل.ما يتم نشرها من الزول ده قال عفا لله ورسوله وهو يطاعن ويبتز بالورقة
-------------
وبعدين يا عبدالعزيز لو ما بتقدر علي المحاكم ومجالدت الناس أمسك
خشمك عليك واعمل رائح يا اركز سجن سجن غرامة غرامة والبلعب التح
مايقول اح
وبعدين السلطان دينق والله يستحق منك الاحترام والاعتذار لانه
اثبت انه رجل ويعرف حق الرجولة شنو
------
يادينق اختشي
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
| Quote: الأحد أثناء الدوام اتصل علي شخص من قسم شرطة الشعبية طلب مني مراجعة القسم لأمر صغير طلبت منه شرحه قال لي حاجة بسيطة ما ممكن شرحها بالتلفون أستغربت وسألته متي قال لي أي وكت يسمح زمنك وبعد الأفطار والقهوة مشيت قسم الشعبية واتصلت في الشخص وقابلني شخص في الاستقبال وساقني لمكتب التحريات وهناك قابلت شخص اول حاجة قال لي أني مطلوب في شيك وضحت ليه أني ما عندي دفتر شيكات قال لي يا عبدالعزيز انت عندك قضية بتاعت سب عبر أستخدام التكنولوجيا والمبلغ هو الطي عثمان يوسف والبلاغ في قسم في عجمان وضحت ليه أنه القسم ما اتصل فيني قال لي مفروض كان يتصلوا فيك عشان تجي يتحروا معاك هسع انت عليك تعميم (حسب القانون زي البلاغ دا مافيه توقيف أو حجز بل يتم الأتصال عن طريق قسم الشرطة للتحقيق والكفالة بواسطة شخص أو جواز السفر) أستغربت كيف يكون علي تعميم وأنا ما في زول اتصل علي المهم قال لي أنا بنفذ مدام أنت جيت قلت ليه انا بكرة بمشي لي عجمان رفض قال مدام أنت عليك تعميم يبقى لأزم تتوقف وتترحل و باشر إجراءات التوقيف وقابلت الضابط المناوب وشرحت ليه أنه تم التعميم عني بدون اخطار للحضور للتحقيق واتفهم وقال لي أنت موقوف للترحيل وأنا حا اساعدك وارحلك الليله وبعد نص ساعة ركبت سيارة الشرطة للترحيل لقسم تاني ورجعت تاني للقسم لوجود خطا وبيت حتى اليوم التاني الاثنين وفي الضهر تم نقلي لقسم خليفة للترحيل من هناك وبرضه قابلت الضابط ووضح لي أنه ما عندهم ترحيل بعد الضهر وانه حا يتم ترحيلي اليوم التاني وبرضه بيت حتى الثلاثاء وكان الترحيل لدبي وفي اليوم داك اتحجيت لأنه مفروض ما أتوقف اكتر من 48 ساعة وجا ضابط واعتذر لي بي عدم وجود سيارة للترحيل وفي صباح الأربعاء تم ترحيلي لي عجمان لقسم التحريات بالخطا وقاموا مشكورين بي أستلامي وشرحوا لي أنهم استلموني بالخطا وقام رئيس قسم التحريات في شرطة عجمان بتوصيلي بسيارته الخاصلة للقسم المفتوح فيه البلاغ وشرح لي أنه بعد التحقيق حا اعمل ضمانه وامشي وانه موضوع بسيط وفي القسم دخلني قسم التحقيق ووصى |
ياعبدالعزير نفهم من القصة دي شنو يعني اشرح اكثر هل تعني المحسوبية واستقلال الطيب علاقته لانه عندما تم استدعايك قال ليك شيك وتاني اصبحت موقف بحجة مافي ترحيل. طيب. سوال انت وين علاقاتك واصحابك وليه مكثت 4,ايام بحجة انه مافي ترحيل كلام غريب وعجيب في ولك إمكانياتها عالية
| |
|
|
|
|
|
|
|
|
 Re: توضيح .. وشكر مستحق .. ورجاء . (Re: محمد المسلمي)
|
هل قمت باستغلال نفوذك وموقعك باي طريقة كانت في تقديمك وتحريكك للبلاغ، ام قدمته كشخص عادي ضد شخص عادي؟
******************************************************************************
*** توضيح للذين يتحدثون عن إستغلال النفوذ .....
## الطيب .... لايمتلك إى نفوذ أو سلطه بدولة الإمارات .. هو موظف مدنى (إخصائى التمييز المؤسسى والتخطيط الإستراتيجى ) بغرفة تجارة وصناعة عجمان ومحاضر بجامعة الإمارات. ومشارك فى برنامج تابع للامم المتحده..
** الإمارات دولة مؤسسات ولايوجد كائن من كان يُسمح له بإستغلال نفوذه "إن وجد" والكل يحترم القانون فى دولة المؤسسات ...
## يمكن لإى شخص مُتضرر يمتلك دليل إثباته التقدم ببلاغ ولايحتاج الأمر الى واسطه أو رسوم لفتح البلاغ ...
^
^
^
*** إحترام الإنسان لنفسه ,, ولما يخطه يراعه أو كيبورده وإختياره لكلماته ,, يُكسبه إحترام الآخرين ,, والكلمه مثل الطلقه إن خرجت لايمكن إرجاعها ***
| |
|
|
|
|
|
|
|
|
 Re: توضيح .. وشكر مستحق .. ورجاء . (Re: محمد المسلمي)
|
Quote: *** توضيح للذين يتحدثون عن إستغلال النفوذ .....
## الطيب .... لايمتلك إى نفوذ أو سلطه بدولة الإمارات .. هو موظف مدنى (إخصائى التمييز المؤسسى والتخطيط الإستراتيجى ) بغرفة تجارة وصناعة عجمان ومحاضر بجامعة الإمارات. ومشارك فى برنامج تابع للامم المتحده..
** الإمارات دولة مؤسسات ولايوجد كائن من كان يُسمح له بإستغلال نفوذه "إن وجد" والكل يحترم القانون فى دولة المؤسسات ...
## يمكن لإى شخص مُتضرر يمتلك دليل إثباته التقدم ببلاغ ولايحتاج الأمر الى واسطه أو رسوم لفتح البلاغ ... |
إستغلال النفوذ أو الأصدقاء أو الزملاء أو حتى تلاميذ درسهم ....
هل تهمة الكذب يسجن عليها أربعة أيام قابلة للزيادة و لابد من ضامن للخروج
و كمان هنالك تعميم عليه ... يفتح البلاغ في عجمان و يقبض عليه في أبو ظبي ...؟؟؟؟؟؟
طيب بتاع المخدرات بعملوا ليه شنو في الأمارات ....؟؟؟؟؟؟؟؟
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: ABUHUSSEIN)
|
Quote:
يحكي أن قوماً خَرَجُوا إلى الصيد في يوم حار فإنهم لكَذَلك إذ عَرَضَتْ لهم أُمَّ عامرٍ وهي الضبع
فطَرَدُوها وأتبعتهم حتى ألجؤها إلى خِباه أعرابي فاقتحمته (اي لحقوا بها فدخلت إلى بيت أعرابي)
فخرج إليهم الأعرابي وقَال : ما شأنكم ؟
قَالوا : صَيْدُنا وطَريدتنا
فَقَال : كلا والذي نفسي بيده لا تصلون إليها ما ثَبَتَ قائمُ سيفي بيدي .(رفض الاعرابي ان يقتلوها)
قَال : فرجَعُوا وتركوه ،
وقام إلى لِقْحَةٍ " ناقة " فحلَبَهَا وماء فقرب منها فأقبلت تَلِغُ مرةً في هذا ومرة في هذا حتى عاشت واستراحت
فبينا الأعرابي نائم في جَوْف بيته إذ وّثَبَتْ عليه فبَقَرَتْ بطنه وشربت دَمَه وتركته
فجاء ابن عم له يطلبه فإذا هو بَقِيرٌ في بيته فالتفت إلى موضع الضبع فلم يرها
فَقَال : صاحبتي والله فأخذ قوسه وكنانته واتبعها فلم يزل حتى أدركها فقتلها وأنشأ يقول :
وَمَنْ يَصْنَعِ المَعْرُوفَ معْ غَيرِ أَهْلِهِ ... يُـلاَقَ الَّذي لاَقَى مُجِيرُ امِّ عَامِرِ
أدامَ لها حِينَ استَجَــارَتْ بقُرْبِهِ ... لهـا محْضَ ألبَانِ اللقَــاحِ الدَّرَائِرِ
وَأَسْمَنَهَا حَتَّى إذَا مَـا تَكَـامَلَتْ ... فَــرَتْهُ بأنْيَــابٍ لَهَـــا وَأظَافِرِ
فَقُلْ لِذِوِي المَعْـرُوفِ هَذَا جَزَاءُ مَنْ...بَدَا يَصْنـعُ المَعرُوفَ فِي غَيْرِ شَاكِرِ
يقول المتنبي:
إذا أنت أكرمت الكريم ملكته ... وإن أنت أكرمت الَّلئيم تمرَّدا
جمع كسرى مرازبته وعيون أصحابه، فقال لهم:على أي شيء أنتم أشد ندامة؟
قالوا:على وضع المعروف في غير أهله ، وطلب الشكر ممن لا يشكره.
قال الشاعر:
وزهَّدني في كلِّ خيرٍ منعته ... إلى النَّاس ماجرَّبت من قلَّة الشُّكر
وقال زهير
ومن يصنع المعروف في غير أهله *** يكن حمده ذماَ عليه ويندم
|
جنابو الطيب
ما قصرت والله وقد اتبعت وصية النبي صلى الله عليه وسلم حين قال:
" إصنع المعروف في أهله ... وفي غير أهله
فإن كان في أهله .. فهم أهله ..
وإن كان في غير أهله ... فأنت أهله "
وانت اهله ..يا جنابو ..
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: الامين موسى البشاري)
|
Quote: هل تهمة الكذب يسجن عليها أربعة أيام قابلة للزيادة و لابد من ضامن للخروج
و كمان هنالك تعميم عليه ... يفتح البلاغ في عجمان و يقبض عليه في أبو ظبي ...؟؟؟؟؟؟ |
ابوحسين يا صاحب من العائدين غايتوا بعد ده ناس التواكيل ديل السودان يشموه قدحة والبلعب التح مابقول اح
-------
يا عبدالعزيز ال20 كف ديل في جضم واحد
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: الشفيع وراق عبد الرحمن)
|
الشفيع يا هندسة
رمضانك كريم ومبروك للوليد ..
عندنا قريباً لينا تخارج من جامعة الخرطوم قال لولده :
شوف يا ولدي انا ما بعرف ليك أي جامعة الا محل ابوك قرأ واتخرج
وما شاء الله اولاده كلهم دخلوا الخرطوم..
اها ولدنا شكلو ماشي في دربك .. بالتوفيق يا رب ..
نرجع لموضوع البوست :
| Quote: وصلتني اجابة شفاهية نافية مشفوعة باليمين، وانا اصدقها |
ياخ ما تخلي الناس تتونس شوية ياخ :)
اها كدا انت وجنابو قطعتوا راسم وفركشتوا ما يراهنون عليه
وهو الصاق شبهة استغلال النفوذ بجنابو الطيب ...
لكن خاب فألهم .. فشنو قوموا الى صلاتكم يرحمكم الله
تحياتي
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: الامين موسى البشاري)
|
Quote:
*** قمت بفتح بلاغ مباشرة لدى الشرطة .
*** لم يكتفي عبدالعزيز بما كتب بل اتصل على هاتفيا وكرر لى ما نشر .
*** تم ضبطه لمدة 4 أيام .
*** تنازلت عن البلاغ بسبب تدخل عدد من الأخوة الأفاضل ولدواعي انسانية .
*** طالبته باعتذار في نفس الموقع ، واعتذار ومناشدة مكتوبة وقد قام بالاعتذار فعلا ووجد منا القبول
أما المناشدة المكتوبة فقد عاهدت نفسي أن لا أنشرها رغم إلحاح عزيزين ومقربين .
|
قمت بفتح بلاغ .. تم ضبطه لمدة 4 أيام .. تنازلت عن البلاغ بسبب تدخل عدد من الأخوة الأفاضل
ولدواعي إنسانية .. طالبته بإعتذار فى نفس الموقع .. إعتذار ومناشدة مكتوبة .. وقد قام بالإعتذار
فعلاً .. ووجد منكم القبول!!!.
دا كلو وما كفاك عشان تلوح بالمناشدة المكتوبة التى عاهدت نفسك أن لا تنشرها!!!.
يا أخي أنشرها عادي بعد الحصل دا كلو مافي شئ يمنع.. بعدين كونك تشير الى
المناشدة المكتوبة يؤكد المقصد من هذا البوست ليس توضيح حقائق إنما تشفي وتشفي
واضح.
بالرغم من تدخل عدد من الأخوة الأفاضل والدواعي الإنسانية طالبتو بإعتذار هنا ومناشدة
مكتوبة .. عايز شنو تاني!!!.. لو تم الحكم عليه يمكن ما كان تحصلت على دا كلو.
عبد العزيز ما بعرفو ولا تداخلت معاهو .. بعض كتاباته وخوضه فى أعراض الناس
مُدان وشئ قبيح ولا يقر به أحد .. ومن حق أي شخص تضرر يقتص منو بالطرق القانونية
ويأخذ حقو .. ودا حق أصيل لكل من تضرر.. وأنت أخذت حقك كامل مُكمل ولا تبحث عن بطولة أخري.
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
Quote: المستنير وهبة
فعلا يا محمد المسلمي الكلام بتاع الطيب البقول فيهو ح يدي عبدالعزيز 20 كف دا جريمة تهديد كاملة الاركان وتستوجب العقاب ... المفروض عبدالعزيز يشيل الكلام دا ويفتح بيهو بلاغ في عجمان ويجرجرو 4 يوم وبعد داك يعفو عنو ويجي يفتح ليهو بوست توضيح زي البوست دا والنشوف الطرابيش رد فعلهم شنو ....
منذ 2 ساعات
|
شكرًا ياخال علي النصيحة الحارة
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
Quote: قمت بفتح بلاغ .. تم ضبطه لمدة 4 أيام .. تنازلت عن البلاغ بسبب تدخل عدد من الأخوة الأفاضل
ولدواعي إنسانية .. طالبته بإعتذار فى نفس الموقع .. إعتذار ومناشدة مكتوبة .. وقد قام بالإعتذار
فعلاً .. ووجد منكم القبول!!!.
دا كلو وما كفاك عشان تلوح بالمناشدة المكتوبة التى عاهدت نفسك أن لا تنشرها!!!.
يا أخي أنشرها عادي بعد الحصل دا كلو مافي شئ يمنع.. بعدين كونك تشير الى
المناشدة المكتوبة يؤكد المقصد من هذا البوست ليس توضيح حقائق إنما تشفي وتشفي
واضح.
بالرغم من تدخل عدد من الأخوة الأفاضل والدواعي الإنسانية طالبتو بإعتذار هنا ومناشدة
مكتوبة .. عايز شنو تاني!!!.. لو تم الحكم عليه يمكن ما كان تحصلت على دا كلو.
عبد العزيز ما بعرفو ولا تداخلت معاهو .. بعض كتاباته وخوضه فى أعراض الناس
مُدان وشئ قبيح ولا يقر به أحد .. ومن حق أي شخص تضرر يقتص منو بالطرق القانونية |
مرجان تيتاوي من العائدين وكلامك نصيحة واضحة ياليتهم يعلمون
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: الطيب عثمان يوسف)
|
| Quote: قبل اكتر من سنتين سافر الطيب لي السعودية جدة ورجع بعدها بي أيام صديقي الفاتح وهو متابع لسودانيز سالني يا عبدالعزيز شنو حكاية المشاكل في سودانيز سالته ياتو مشاكل قلت ليه شنو المشاكل قال لي قالو عامل مشاكل وبتنبذ الناس وبتسب فيهم ونفس الكلام تكرر من صديق تاني المهم اكتشفت انه الطيب جا قال لي أصحابي أني عامل مشاكل في سودانيز وبسب الناس وأصحابي بتفهموا الامر وانا ما اشتغلت بي الامر كتير وخلقت أعذار للطيب ومشيت الموضوع وكنت متأكد من أنه الكلام دا جابه من جده ومن معاوية تحديداً |
ياالطيب هل قمت بهذا الكلام القبيح ام عبدالعزيز غير صادق مطلوب. حضورك للنفي او التأكيد
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: الطيب عثمان يوسف)
|
Quote:
سلام و احترام يا جنابو ..
عبد العزيز أخطأ و أستحق هذا العقاب و لو في شكل قرصة في أضانه ..
و مثل عبد العزيز هناك كثر في هذا المنبر يستحقون العقاب ..
و منهم من تعرض لعبد العزيز ف شخصه و أسرته ..
هناك بعض الأعضاء تخصصوا في النيل بشكل شخصي من أعضاء و غير أعضاء في هذا المنبر ..
و ظنوا أنهم سيتعصموا بالبعد عن المساءلة و الملاحقة ..
و أرى أن مواجهة أي تصرف أخرق بالحسم سوف تكون علاجا ناجعا لمثل هكذا قلة أدب ..
و بغض النظر عن أي إصطفاف أو تخندق أو موالاة لإنتماء سياسي أو جهوي أو خلافه يتعين أن نقول للمخطئ أخطأت ..
|
السيد المستشار عصام دهب من العائدين تقبل الله منا ومنكم صالح لأعمال عليك اعادة قراءة مداخلة عبدالعزيز وإصدار الحكم بعد المراجعة
| |
|
|
|
|
|
|
|
|
 Re: توضيح .. وشكر مستحق .. ورجاء . (Re: الامين موسى البشاري)
|
Quote: Quote: .
الغريبة الناس إتجاهلت حكاية الـ20 كف .....
|
والغريبة بعض الناس تتعامى عن كفوف ود البشرى لخضر الطيب :)
دا غير حكاية يا واطي ويا قنيط ... الخ الخ
|
الغريبة يا امين
قصتك انت مع الشماتة والفرح بيها
فرحان بي صورة زول وشيلت صوت
في رمزية شماتة ماخد راحتك فيها
ومحتج في كف الداير اديهو قال خلاص خلاهو 
مقابل انو الاقي خصمو اتفاهم معاهو
وبي كل تعمد واضح للتجير والتزوير بصور القصة وتختصرها في كف ساي كدة وبدون سبب
ولو كنت منصف مع نفسك يا امين
انت اسة متور نفسك وشايل حزم غباينك عشان قالو ليك انت ما خبير
اهة لو اتهموك انك بتشحد نسوان اصحابك
ولة نبزوا ليك امك !!
يا ربي هل بتكتفي بالكفوف
ولة بططحن العمل ليك كدة طحن
يا امين انت ناسي نفسك انك متوعد كم شخص انك لو لاقيتم ما بتخليهم
يا امين خاف ربك وعاين لحرمة البلد الانت فيها وحرمة الايام دي
وتف الانت ماشي فيهو دة
ليه بتصر انك ترفع البوستات الزي دي
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
سلام أخي المسلمي و من الفائزين إن شاء الله و تقبل الله تعالى منكم العمل الصالح ..
( عليك اعادة قراءة مداخلة عبدالعزيز وإصدار الحكم بعد المراجعة )
يا أخي انا لم اصدر حكما معمما أو ملزما لغيري إنما هي وجهة نظر تخصني ..
قلت أن عبد العزيز أخطأ .. و هو نفسه اٌقر بذلك الخطأ و أعتذر عنه علنا ...
و قلت أن هناك من أخطأ في حق عبد العزيز و أسرته و هو يستحق العقاب و ذاك أمر لا ينكره أحد ....
باق المداخلة واضح جداً
( هناك بعض الأعضاء تخصصوا في النيل بشكل شخصي من أعضاء و غير أعضاء في هذا المنبر ..
و ظنوا أنهم سيتعصموا بالبعد عن المساءلة و الملاحقة ..
و أرى أن مواجهة أي تصرف أخرق بالحسم سوف تكون علاجا ناجعا لمثل هكذا قلة أدب ..
و بغض النظر عن أي إصطفاف أو تخندق أو موالاة للانتماء سياسي أو جهوي أو خلافه يتعين أن نقول للمخطئ أخطأت )
أها تاني وريني المراجعة لي شنو تاني؟؟
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: عصام دهب)
|
Quote:
قبل اكتر من سنتين سافر الطيب لي السعودية جدة ورجع بعدها بي أيام صديقي الفاتح وهو متابع لسودانيز سالني يا عبدالعزيز شنو حكاية المشاكل في سودانيز سالته ياتو مشاكل قلت ليه شنو المشاكل قال لي قالو عامل مشاكل وبتنبذ الناس وبتسب فيهم ونفس الكلام تكرر من صديق تاني المهم اكتشفت انه الطيب جا قال لي أصحابي أني عامل مشاكل في سودانيز وبسب الناس وأصحابي بتفهموا الامر وانا ما اشتغلت بي الامر كتير وخلقت أعذار للطيب ومشيت الموضوع وكنت متأكد من أنه الكلام دا جابه من جده ومن معاوية تحديداً
ما كان عندي مشاكل مع الطيب وعلاقتنا يشوبها الاحترام والتقدير إلا في يوم في لمه للبورداب الطيب اقترح عمل أليه للمصالحة بين بورداب الامارات والخارج وكان المقصود هو المصالحة بيني وبين الكضاب معاوية عبيد لتخفيف الضغط عليه شويه وكنت الشخص الوحيد الفاهم المقصود والغرض وكنت من اعترض فبورداب الإمارات محترمين وما عندهم مشاكل وما بهمهم الأمر
|
كلام عبدالعزيز ده رأيك فيه شنوQuote: بعد فترة حدثت مشكلة توقيفي وأثناء مراجعتي للطيب في تفاصيلها الطيب ذكر لي` أنه أساسي أشكتى مني وقال كلام ما طيب عني قمت بمخاطبة أساسي وهو صديق عزيز وعاتبته وكان رده غاضباً وأتصل وهو في قمة الزعل ونفى أنه يكون قال كلام ما طيب عني وأنه جاب سيرتي أمام كل الناس بالخير وكلام عادي واتصلت في الطيب وقابلته وذكرت ليه ما قاله أساسي فقال لي أنه الرفاعي حجر هو من ذكر الكلام عن أساسي وفي لحظتها قمت بالاتصال بالأخ الرفاعي حجر وكنت غاضبا ووهجت ليه لوم وتقريع شديد قابله الرفاعي بمنتهى الأريحية ونفي أنه يكون قال الكلام دا ووقعت في احراج شديد الاول من اساسي والتاني من الرفاعي وكان واضح انه الطيب هو مؤلف الكلام دا للتأثير علي وخلقت ليه مليون عذر وخليته وما راجعته
ممكن مراجعة الأخوان أساسي والرفاعي حجر في الموضوع دا والتأكد |
وممكن تسال الجماعة ديل
وبعدين موضوع ال20 كف. عشان تحكم حكم صاح علي عبدالعزيز وتكتمل عندنا الصورة والتوضيح
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
يا مسلمي كلامي واضح و لا يحتاج لمراجعة ..
إلا إذا كنت تقصد بالمراجعة أن أتبنى وجهة نظرك ..
أو أن أقول لك أن الأخ الطيب / غلطان و خلاص ..
انا قلت أن عبد العزيز أخطأ لأنه أقر بذلك و أعتذر ..
و لن أقول أن فلان غلطان إستناداً لرواية أو حكاية من فلان . أو إستنادا لقوالات و قلنا و قالوا .
أما مسألة التهديد بعشرين كف دي فلو صح صدورها من الطيب او من غيره فهو مخطئ و دي ما دايرة ليها غلاط ..
هذه وجهة نظري ..
هذا مع إحترامي لكل من ورد ذكره هنا ..
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: عصام دهب)
|
Quote: يا مسلمي كلامي واضح و لا يحتاج لمراجعة ..
إلا إذا كنت تقصد بالمراجعة أن أتبنى وجهة نظرك ..
أو أن أقول لك أن الأخ الطيب / غلطان و خلاص ..
انا قلت أن عبد العزيز أخطأ لأنه أقر بذلك و أعتذر ..
و لن أقول أن فلان غلطان إستناداً لرواية أو حكاية من فلان . أو إستنادا لقوالات و قلنا و قالوا .
أما مسألة التهديد بعشرين كف دي فلو صح صدورها من الطيب او من غيره فهو مخطئ و دي ما دايرة ليها غلاط ..
هذه وجهة نظري ..
هذا مع إحترامي لكل من ورد ذكره هنا .. |
السيد المستشار عصام دهب سلام انا احترم رأيك ولا أريدك ان تتبني راي ولكن مداخلة عبدالعزيز فضحت الكثير من المستور. ودي انت مستشار تعرف معني الاستفزاز في القانون عبدالعزيز. تعرض للاستفزاز وكان رد فعله اتهام الطيب بالكذب. نتيجة للاستفزاز واجبر علي الاعتذار عن فعل مدفوع اليه من باب الدفاع عن النفس لاغير
الطيب فعل الذي فعل من القانون وهنا حقه لكن فتح هذا البوست للتوضيح عليه إفادتنا حول كلام عبدالعزيز
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: محمد المسلمي)
|
الأخ محمد المسلمي
رمضان كريم وتقبل الله الصيام والقيام
عن نفسي كسائر بعض الاعضاء لا أتداخل في مثل هذة بوستات والتزم الصمت ليس جبنا ولكن كثرة المداخلات بتولع النيران
من جديد ففضلا وليس أمرا يابن عمي مادام الطرفين كل واحد أكتفي بمداخلة واحدة أترك البوست دا يحتل تحت والايام كفيلة
بتصليح ما أفسدة الدهر خاصة عبدالعزيز والطيب بورداب دولة واحدة ، حيتقابلو ويتصافو بأذن الله فما تقوم نفسك ساي .
البوست دا لو لم يحتل وأستمرت المداخلات وكل زول متخندق مع طرف حتما وأكيد تاني حنرجع لاقسام الشرطة وما أظن دا بيرضي زول .
فائق شكري وتقدري الاكيدين .
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: عادل الباهي عبدالرازق)
|
Quote: الأخ محمد المسلمي
رمضان كريم وتقبل الله الصيام والقيام
عن نفسي كسائر بعض الاعضاء لا أتداخل في مثل هذة بوستات والتزم الصمت ليس جبنا ولكن كثرة المداخلات بتولع النيران
من جديد ففضلا وليس أمرا يابن عمي مادام الطرفين كل واحد أكتفي بمداخلة واحدة أترك البوست دا يحتل تحت والايام كفيلة |
المك عادل رمضان كريم
دحين اخوي كده ما عصرت على المسلمي
محمد المسلمي يبذل جهود مفضوحة لاظهار ان الاخ الطيب مخطئ
كيفن ما بعرف لكن بات الامر واضحا و سمجا رغم اعتراف و اقرار
عبد العزيز بخطئه و قديما قيل التركي و لا المتورك.
شكرا الاخ الطيب لتوضحيك الذي ازال كثيرا من الغموض و شكرا
تاني لجدعنتك و تنازلك عن حقك و الذي نسأل الله ان يجعله في ميزان حسناتك
و ان يثيبك اجرا كريما.
و نسأل الله للاخ عبد العزيز و لانفسنا قبله ان يهديه الله للصراط المستقيم و ان ينير
طريقه.
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: امجد الجميعابى)
|
الاخ عادل الباهي عبد الرازق سلام وتقبل الله الصيام والقيام وجعلنا الله وإياكم من العتقاء في هذا الشهر الكريم
والله لو جئتني. في رقبة مارددت جئتك دي وعندي مقدرة وكبيرة ومن ناحيتي انا في حل من هذا البوست والسلام
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: امجد الجميعابى)
|
الاخ عادل الباهي عبد الرازق سلام وتقبل الله الصيام والقيام وجعلنا الله وإياكم من العتقاء في هذا الشهر الكريم
والله لو جئتني. في رقبة مارددت جئتك دي وعندي مقدرة وكبيرة ومن ناحيتي انا في حل من هذا البوست والسلام
| |
|
|
|
|
|
|
|
|
|
Re: توضيح .. وشكر مستحق .. ورجاء . (Re: Mirghani Taitawi)
|
Quote:
الاخ عادل الباهي عبد الرازق سلام وتقبل الله الصيام والقيام وجعلنا الله وإياكم من العتقاء في هذا الشهر الكريم
والله لو جئتني. في رقبة مارددت جئتك دي وعندي مقدرة وكبيرة ومن ناحيتي انا في حل من هذا البوست والسلام |
أصيل أصيل ياود المسلمي وياها المحرية فيك
الف الف شكر
| |
|
|
|
|
|
|
| |
الطيب عثمان يوسف
عصام دهب
محمد البشرى الخضر
Zain Alaabideen Alkhairy
محمد المسلمي
خالد زين العابدين حاج نور
فرح الطاهر ابو روضة
الزنجي
ناصر احمد الامين
دينق عبد الله
الامين موسى البشاري
الشفيع وراق عبد الرحمن
saidahmed shami
عزالدين عباس الفحل
Deng
عبدالكريم أحمد الامين
ABUHUSSEIN
Mirghani Taitawi
الصادق الخالدى
عادل الباهي عبدالرازق
امجد الجميعابى
خالد العبيد
فيس بوك
تويتر
انستقرام
يوتيوب
بنتيريست