استلام من ( ناصر الليندي ) صاحب بوست النسخة السابقة بعد أن حدثت له اكولة شديدة في اليدين قرر فتح البوست النسخة العاشرة من برنامج ( أغاني وأغاني ) واتمنى مشاركة الجميع ( سفيان نابري - عبير خيري - الموصلي- عمر الفاروق - مازن فيصل هلال - ودالعباسة - صديق الموج - داليا حافظ - عماد احمد - ابراهيم عبدالحليم - الخير محمد عوض - طارق ميرغني - وليد عبداللطيف - عزيز - شهاب - عاطف عمر - محمد عوض السيد - حاتم يوسف العبيد - اسلام عبدالرحمن - بدرالدين بابكر - سيف اليزل الماحي - ابوذر عمر - سيد احمد شامي - نافع الكوماوي - خالد عبدالله - شهاب الفاتح ) وكل من شارك في بوست النسخة السابقة وكل من لم يشارك ننتظر مشاركته في النسخة دي
برنامج أغاني واغاني السنة دي زي ما قال عمنا ( السر قدور ) سيكون فريداً بإذن الله و غني بالمعلومات القيمة والتاريخية عن رواد ومبدعي الغناء في السودان ، ودي كنتة كل سنة رغم أنو البرنامج خاطف لونين ( ترفيهي مع جزء يسير من التوثيق المكرر ) نتمنى أنو السنة دي يلقي الضوء علي مبدعين لم يتم ذكرهم في النسخ الماضية بالتفصيل .
06-24-2014, 05:07 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9021
تحياتي ياخي السنة الماضية شاركت معاك مشاركة فعالة يظهر انك نسيت العام الماضي البرنامج كان ربع إبداع اغاني الحماسة هي رونق الجمال رمضان كريم كل عام والجميع بخير مشاركة من الايفون
ابرز ما في النسخة العاشرة ( عودة الحرس القديم ) ويبدو أنهم حلوقهم اكلتم زي اكلة يدي كده ، فمشاركة ( عاصم البنا ) الذى غاب عن النسخة الماضية في رأي لن تشكل إضافة كبيرة نفس الملامح والشبه والمغالطات مع عمنا السر قدور مع توقع بالحديث عن أغنيتة الملحنة علي المنوال العربي ( زينب ) . عودة ( عصام محمد نور ) والذى غاب عن النسختين الماضيتين بارداته بسبب حزنه على رحيل الفنان نادر خضر وعصام لديه تطريب وسيضفى القاً علي البرنامج . ايضاً هناك عودة للفنان ( حسين الصادق ) الذى شارك في النسخة القبل الماضية وسنتمع لي ( ليه ياالوزة ما بتعومي شايفك في الجنينة تحومي )
06-24-2014, 05:13 PM
الليندي الليندي
تاريخ التسجيل: 05-27-2002
مجموع المشاركات: 1188
من المشاركين في النسخة الماضية وفي هذه النسخة وايضاً من الحرس القديم ( جمال فرفور ) اتمنى أن يترك المجال للآخرين بغناء أغنياتهم كاملة دون التداخل واتمنى أن لايكون كما كان في النسخة السابقة فرض علينا كل يوم نستمع له وهو يؤدي أغنية وفي بعض الاحيان أغنيتين يعني مبدأ تكافؤ الفرص مهم ايضاً من المشاركين من الحرس القديم لكن ما شديد ( طه سليمان ) والبتمنى أنو كما عودنا أن يحلق بنا في سماوات الطرب رغم أنو في راي المتواضع أنو ( طه سليمان ) كان افضل في النسخة القبل الماضية من النسخة الماضية لكن يظل ( طه سليمان ) صاحب أداء متميز في الأغنيات التي يؤديها في البرنامج
06-24-2014, 05:30 PM
الليندي الليندي
تاريخ التسجيل: 05-27-2002
مجموع المشاركات: 1188
لم يتبقى من المشاركين لاول مرة في النسخة الماضية سوى ( مصطفى السني ونسرين هندي ) ويبد أنو ( دمعي الاتشتت وغلبو اللقاط ) تركت أثراً كبيراً واتوقع أنو تتغنى نسرين للجابري والسني لابوداؤود
06-30-2014, 08:53 AM
صالح عبده صالح عبده
تاريخ التسجيل: 11-16-2006
مجموع المشاركات: 3820
أخي الليندي لا والله قصدت المداعبة لحبي لهذا البوست وكل المشاركين من اجمل البوستات الي القلب العام الماضي عازف العود الفنان احمودي وعازفي الكمنجات كانوا هم النجوم والرايع الفنان فرفور ولا انسي ضحكات عمنا السر قدور ضحكة كرجع الصدي أشهر ضحكة سودانية تسلم الغالي
من الاضافات الجديدة في هذه النسخة الفنان ( عمر جعفر ) والفنانة ( انصاف فتحي ) وسبق أن شاركا معاً في برنامج ( تواشيح النهر الخالد ) الذى قدمته قناة الشروق وكان من اعداد ( حسين خوجلي ) قبل أن ينشي قناة امدرمان
عشان خاطرنا كلمات / مصطفى سند الحان / حسن بابكر غناء / محمد ميرغني أداء / انصاف فتحي
06-24-2014, 05:43 PM
الليندي الليندي
تاريخ التسجيل: 05-27-2002
مجموع المشاركات: 1188
العزيز جمال سعيد ليك وحشة يا راجل والله يا جمال الجلبطة حاصلة حاصلة ومعلومات نص نص برضو وغير موثوقة حيحكيها عمنا السر والمشكلة أنو البرنامج ما معروف ترفيهي ولا توثيقي غايتو في النهاية حنحضرها وننظر
06-24-2014, 05:56 PM
الليندي الليندي
تاريخ التسجيل: 05-27-2002
مجموع المشاركات: 1188
امن الاضافات الجديدة ( عمر جعفر كرار ) وعمر صاحب صوت مميز وله تفرده فقط يعيبه الاكثار من الفابريشن والهرمنة وبيظهر ده في الأغنية المدرجة هنا ( عيش معايا الحب ) في كلمة ( حناني ) ( عيش معاي حناني ) وفي كلمة ( وحداني ) ( عشتهم وحداني ) واتوقع أن يتغنى بالوصية لوردي وراح الميعاد لعثمان مصطفى
عيش معايا الحب كلمات / اسحق الحلنقي الحان وغناء / صالح الضي اداء / عمر جعفر
06-24-2014, 06:02 PM
الليندي الليندي
تاريخ التسجيل: 05-27-2002
مجموع المشاركات: 1188
غايتو ( انصاف فتحي ) دي مرات بتحس بأنها غناية شديد ومرات بتحس بأنها عادية فقط نحكم عليها بعد ما نشوف ادائها في البرنامج
صورة تجمع جزء من المشاركين في هذه النسخة الواقفين من اليسار (عوض احمودي - طه سليمان - عمر جعفر - نسرين هندي - حسين الصادق - عصام محمد نور - مصطفى السني - جمال فرفور - انصاف فتحي ) الحالسون من اليمين ( مليجي - السر قدور - ولد صغير كده - عاصم البنا - الشفيع عبدالعزيز يبدو لي )
نذكركم بالنسخة الماضية بادراج البرومو بتاعا طبعاً المشاركين كانو جمال فرفور وده عشرة من عشرة مشارك في كل النسخ طه سليمان فهيمة عبدالله وتمت اضافة تسعة مشاركين جدد هم مصطفى السني معتز صباحي نادر عثمان جمال الدين نسرين هندي احمد المأمون معاذ صلاح بن البادية فاطمة عمر مني مجدي سليم زحل عمر ادم
الغناء عبارة عن اسئلة مستمرة كنتات عمنا السر قدور برومو النسخة التاسعة 2013
،،،،
06-24-2014, 06:43 PM
الليندي الليندي
تاريخ التسجيل: 05-27-2002
مجموع المشاركات: 1188
طبعاً النسخة التاسعة كان عدد المغنيين المشاركين 12 مغنى 7 مغنيين و5 مغنيات تقلص العدد في هذه النسخة الي 9 وتم استبعاد كل من فهيمة عبدالله معتز صباحي نادر عثمان جمال الدين احمد المأمون معاذ صلاح بن البادية فاطمة عمر مني مجدي سليم زحل عمر ادم من النسخة السابقة وتم اضافة مغنين سبق وأن شاركوا في نسخ سابقة عصام محمد نور عاصم البنا حسين الصادق مع اضافة مغني ومغنية يشاركوا لاول مرة عمر جعفر كرار انصاف فتحي
(عدل بواسطة الليندي on 06-24-2014, 06:50 PM) (عدل بواسطة الليندي on 06-24-2014, 07:03 PM)
06-24-2014, 06:48 PM
الليندي الليندي
تاريخ التسجيل: 05-27-2002
مجموع المشاركات: 1188
الملاحظ أن الصوت النسائي انقسم اكتر من النص فبعد أن كان عدد المغنيات 5 ( فهيمة عبدالله - نسرين هندي - زحل ادم- منى مجدي سليم - فاطمة عمر ) تقلص الي مغنيتين فقط ( نسرين هندي - انصاف فتحي ) فقط
جمال فرفور (عشرة نسخ من عشرة نسخ ( مقفل المجموع ) عاصم البنا ( تسعة نسخ من عشرة نسخ ) عصام محمد نور ( ثمانية نسخ من عشرة نسخ ) طه سليمان ( ستة نسخ من عشرة نسخ ) حسين الصادق ( نسختان من عشرة نسخ ) مصطفى السني ( نسختان من عشرة نسخ ) نسرين هندي ( نسختان من عشرة نسخ ) عمر جعفر ( نسخة من عشرة نسخ ) انصاف فتحي ( نسخة من عشرة نسخ )
06-24-2014, 07:17 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
ناصر الفى الصورة عمك حسن فضل المولى مديرالقناة ما الشفيع. المهندسة إنصاف فتحى دى انا مراهن على تفوقها السنه دى. أسمع ليها " غاية الامال" من سلسلة التواشيح. شى عجيب خالص
كنت أتمنى استمرار ( احمد المامون ) واستبعاد ( جمال فرفور ) واضافة عنصر نسائي مثل ( شذى عبدالله ) واسعدني جداً استبعاد ( فهيمة عبدالله )
نفس الشعور ونفس الكنت عمنا السر قدور وجمال فرفور ( ما تلخبطني يا جمال وقوم غني ) ده البرومو بتاع النسخة العاشرة ومقارنة بالنسخة السابقة بفتكر أنو البرومو السابق كان اجمل غايتو البرومو بوضح أنو في حلقة عن بازرعة لانو في زيارة ليهو وايضاً حلقة عن ود القرشي أو عثمان الشفيع وفي حلقة مع النور الجيلاني وفي حلقة عن عوض الجاك او المساح وحلقة عن ابوقطاطي ، نخليكم مع البرومو
برومو النسخة العاشرة 2014
،،،،،،
06-24-2014, 07:25 PM
الليندي الليندي
تاريخ التسجيل: 05-27-2002
مجموع المشاركات: 1188
Quote: ناصر الفى الصورة عمك حسن فضل المولى مديرالقناة ما الشفيع. المهندسة إنصاف فتحى دى انا مراهن على تفوقها السنه دى. أسمع ليها " غاية الامال" من سلسلة التواشيح. شى عجيب خالص
جيمي شكراً للتصحيح وانشاءالله يا جيمي ( انصاف فتحي ) تكون اضافة عموماً هي احسن من الاستبعدوهم ، جيمي عدل لينا ( غاية الامال ) ما ظاهر الفيديو وتسلم يا جميل واكيد يا جمال أنت اضافة كبيرة لهذه البوست
،،،،
06-24-2014, 07:28 PM
عزيز عزيز
تاريخ التسجيل: 04-12-2002
مجموع المشاركات: 3290
الليندي سلامات يا زول يا فنان، احضر فقط كل رمضان برنامج الاستاذ السر قدور، السنة دي استعديت باكرا للقصة، وجهزت تلفزيونا خاصا لكاس العالم، ومنها ديس ومنها ساكي.... ساكون معك في كل حلقة ما امكن ذلك، وكلامي كلام مشاهد عادي يحب الغناء وينفعل معه كما يفعل كل السودانيين....
Quote: عودة ( عصام محمد نور ) والذى غاب عن النسختين الماضيتين بارداته بسبب حزنه على رحيل الفنان نادر خضر وعصام لديه تطريب وسيضفى القاً علي البرنامج .
يا زول عصام دا انا شايف ليس لديه اي تطريب .... ياخ اداهو ميت، يقتل اجعصها اغنية، وبعدين انا شافو ما قاعد يغني؛ قاعد بتنايص بس... ثم ان حضوره ضعيفا، وشكله ليس فوتوجيني ابدا... فضلا على ابتسامته الصفراء، وضحكته تلك التي تزعج.... وما عارف لكني حاسس كدة انه يدعي التواضع، و بي تحت تحت عامل فيها مهم كبير... وهو لا مهما ولاغنايا ولا كبيرا ولا حاجتن... ان عصاما هذا نقطة ضعف البرنامج الكبرى؛ سيكون....
06-24-2014, 07:41 PM
الليندي الليندي
تاريخ التسجيل: 05-27-2002
مجموع المشاركات: 1188
فعلاً زيارة بازرعة جهد كبير ولفتة جميلة وكمان حضور النور الجيلاني برضو من الاشياء الجميلة فقط بتحس بجوطه في بعض الاغاني الشعبية وبتغولات جمال فرفور وفي عدم وضوح للصورة احتمال يكون ضغط الفيديو اثر
لكل مودتي وفي انتظار اثراؤك للبوست
06-24-2014, 07:47 PM
الليندي الليندي
تاريخ التسجيل: 05-27-2002
مجموع المشاركات: 1188
نعم عصام محمد نور صوتو ضعيف وده ما عيب لانو مغطي عليهو بالتطريب وصدقني عصام انسان متواضع جداً ولطيف غايتو بالنسبة لي احسن من صريخ فرفور وتسميع عاصم البنا
اجمل حاجة أنك قاعد لاغاني واغاني معانتو حتثري البوست مع خالص مودتي
الطير المهاجر كلمات / صلاح محمد ابراهيم الحان وغناء / محمد وردي أداء / عصام محمد نور
ها والايام الجميلة تعود. والشهر الكريم يطل علينا بالخير.
ما علينا واعتذارك مقبول يا صاحب وكان القصد من البوست نقل بغض كواليس البرنامج وما شاهدته شخصياوخصوصا ان المنافسة ستكون حارة نار بين القنوات. فلقد رايت برامج قوية بقنوات اخرى مثل الاكابلى يتذكر بقناة انغام. البوست السنوى واصله انت وستجدنى من الداعمين القويين له.
نتمنى ان نقدم ما يرضى القراء.
بالتوفيق الف يا صاحب
06-24-2014, 10:28 PM
الليندي الليندي
تاريخ التسجيل: 05-27-2002
مجموع المشاركات: 1188
الجميل دوما والفنان الشفيف ( ابراهيم عبدالحليم ) شكراً لكل الاحسايس الجميلة دي ودي ما غريبة علي زول فنان زيك ، طبعاً الحصل أنو الفنان ابرهيم عبدالحليم فتح بوست عن كواليس اغاني واغاتي قبل ما افتح البوست ده وللاسف لم اجد هذا البوست إلا بعد أن واصلت في هذا البوست فوقفت في العقبة وكان لابد أن اعتذر للفنان فشكراً ليك فناننا الجميل ابراهيم ونحتاجك بشده معنا لاثراء البوست وحتلاقنا في بوست كابلي وكل بوستات المبدعين
لاعدمناك فناننا الجميل
06-24-2014, 10:55 PM
الليندي الليندي
تاريخ التسجيل: 05-27-2002
مجموع المشاركات: 1188
ياخ شكرا ليك، كلامك دا وقع لي جرح، وريحني في حناني ذاتو، وكمان دي
Quote: صريخ فرفور وتسميع عاصم البنا
يا زول علي بجملة السبعات انت زولي تب، لا اطيق فرفور ابدا، ولا استطع ان اتم معاهو غنوة، ياخ دا بكورك، وعروقو بتشحَّط، وعيونو بتتنطط، ومرات تحس انو بنهر فيك ما بغني ليك، اما عاصم البناء قاعد يبالغ في البدلات، والشياكات، ولا يخلو من تكلف، وبعض صناعة، وبرضك تطريبو ضعيف، ............................................................. تابعت كتابك كله اخي الليندي في البوست في العام الذي مضى، اتفقت معك تحليلاتك كثيرا، واستفدت من غزارة معلوماتك جما، واختلفت قليلا... ولكني احترمتك في جميع الاحوال، ودي واحترامي .....
ناصر الليندي ( الفنان ) .. مرحب بيك .. ورمضان من غيرك ( مسييييييييييخ ) يعلم الله .. عشان كده مشيت إشتركت في صفحتك في اليوتيوب .. ( للضمان كده ) ..
أولاً في التبادي : الجالس في يمين الصورة ياصديقي .. هذا عمك ( حسن فضل المولى ) ( الجنرال ) مدير عام قناة النيل الأزرق .. والجالس على يسار الصورة .. هو العازف الفنان ( مليجي ) ملك الإيقاع ..
ثانياً في التبادي : أنا سعيد لأنهم أخيراً إقتنعوا ( بإنصاف فتحي ) .. وأعتقد أنها سوف تكون ( سلطانة الجلسات ) ..
ثالثاً في التبادي : كل الذين تم سحبهم من النسخة الماضية .. أنا موافق عليهم .. ما عدا : ( معتز صباحي ) الوحيد الذي كان يطربني حتى الثمالة .. والوحيد الذي كان يؤدي بطريقته .. ولا يقلد أبداً .. و ( فاطمة عمر ) .. أعتقد أنها كان يجب أن تواصل في هذه النسخة فقد أثبتت تفوق كبير في النسخة الماضية .. ( أحمد المامون ) .. يستاهل يواصل في هذه النسخة .. لا أوافق على سحبه .. أعتقد أنه حقيقة قد ظلم ..
رابعاً في التبادي : أعتقد أن وجود ( فرفور ) لعشرة نسخ متوالية IS TOO MUCH
وأخيراً في التبادي : أتابعك يا ناصر من سنين ولا أمل بوستاتك أبداً ..
والسلام
06-25-2014, 08:57 AM
بدرالدين بابكر مصطفى بدرالدين بابكر مصطفى
تاريخ التسجيل: 06-24-2013
مجموع المشاركات: 1492
حبابك يا ناصر أنا سعيد بك وبتحليلك المبدع للبرنامج سنوياً كلامك عن عمر جعفر صحيح مية المية، ولو خلى الحركات البسوي فيها دي ما عندو عوجة سمعتو مرة غنى أنا ما اتغيرت ولا اتنكرت ليك، بتاعة ثنائي النغم، غناها دغري بدون لولوة وطلعت حاجة جميلة نفس الحركة دي قاعد يكتر منها عصام وقاعدة تمسخ غناهو وجود عاصم البنا مهم، الزول دا أغاني الحقيبة مذاكرا كويس ومساعدنو أهلو ناس الجقر والفرجوني فرفور (أحياناً) عندو جدعات كويسة البرنامج دا مفروض يضيف حاجة مختلفة، مثلاً فنان بغني بلهجة سودانية (نوبي أو بجاوي) زي محمد البدري مثلاً كان بيديهو نكهة مختلفة ويضيف ليهو معجبين جدد.. أما الصوت الإتمنيت إنهم يضيفوه هو الود الإسمو ضياء السر ..
06-25-2014, 09:13 AM
نعمات حمود نعمات حمود
تاريخ التسجيل: 07-14-2008
مجموع المشاركات: 2521
ابراهيم الفنان الجميل .... وعزيز واخوانه ....كل سنة وانتم بالف خير تعيشوا وتقعدوا تحللو وتنظروا لينا (وتتحللوا عادي )
شاهدت الاستعراض وفعلا شي جديد ومجهود جبار اضافة لان المجموعة كوولها كدا جميلة انا احب حسين الصادق جدا واحب هذا العمر جعفر تكعيب وتربيع ....عمر جعفر اضافة حقيقية للمجموعة الخروج من النمطية القديمة شي جميل ظهور العمالقة ابازرعة وغيره شي جمييييل جدا ...قدور من قاماتنا الكبيرة ويجب الا نشكك في انه مبدع وحبوب ومريح ..ويحزنني جدا ان يساء من قبل البعض ويوصف بالمهرج وغيره (نحن امه لاتحترم مبدعيها ) ظهر (راجل بجلابية بيضاء دا مزعلني شديد ماعارفه صفتو شنو قاشرين بيهو كدا يا ناس النيل في الاستعراض )بشارة الرخمة ودا مثل قديم ....
حنشوف مضمون الحلقات وما يجري بين صفحاتها والقصة ما مكياج وملابس القصة (مضمون مفيد )طرب اصيل واتمنى ما يكون نعيق وتقليد وتكرار للاغاني المكرورة التي اغلقت مضاجع اصحابها في قبورهم .... مع محبتي
توقعت ان تعرج على موقف الفنان سيف الجامعة من المشاركة في برنامج السر قدور، سيف الجامعة الان هو أفضل من يغني الحقيبة في السودان بعد رحيل عمالقة الغناء والموسيقى عندنا، ربما لم تتاح للكثيرين فرصة الإستماع إليه، ذلك بالإضافة لقدرته وإهتمامه الكبير بحفظ النصوص وتجويد الأداء وضبط مخارج الحروف ووضوحها، برنامج السر قدور يعمل على الترويج لمجموعة من حبرتجية الغناء الراهن في السودان!! أحد أصحابنا قبل سنتين سافر لزواجه في السودان، لم يجدوا غير عاصم البنا ليغني لهم في حفل الزواج، ذهب للإتفاق على المبلغ النهائي، جلس صاحبنا يرجو عاصم ان ينقص لهم القيمة الكبيرة للحفل، فكان رده : آسف لا استطيع ان أجاملكم ولابجنيه واحد، ولو ماعايزين شوفو ليكم فنان تاني! قال: دفعت له مجبرا مكهرا "مدفورا" بكامل القيظ، لكأنني قد رميت فلوسي في البحر، طبعا تم ذلك بعد تدخل الاصحاب والاجاويد وهم يقولون : ياخي أدفع أصلا البلد بقت كده!! صاحبنا قال لي: انا في الحفلة دي لا كنت شايف العروس ولا اهلها، بس كنت شايف عاصم البنا ده عشرة عشرة، إكتفى السيد عاصم بخمسة أغنيات لايملك منها حرفا واحدا!!
نعم يابدر الدين الفنان محمد البدري هو أحد الأصوات الغنائية القوية التي لايمكن تجاوزها أبدا أبدا، مهما علا ضجيج شلة فرفور وعاصم البنا!
يا ناصر ياخي انا لا آستطيع ان أحتمل هذا النوع من "المغنين" وبضاعة هؤلاء الحبرتجية لاتلزمني مطلقا، نعم نجلس ونشاهد البرنامج من باب تزجية الوقت والونسة بعد الفطور، لكننا لانستمع أبدا بأذننا الموسيقية التي تربت على الإستماع ومنذ الصغر للخالدي ومصطفى سيد أحمد والهادي الجبل وخوجلي عثمان وسيف الجامعة وزينب الحويرص وحنان النيل
بالله أنظر كيف ردد المبدعون زيدان والخالدي وخوجلي عثمان ومصطفى وسيف الجامعة أغنيات الراحل عثمان الشفيع؟ لتعرف الفرق بينهم وبين حبرتجية العدادات ناس عاصم وفرفور ومن لف لفهم!!
برنامج أغاني وأغاني ، له عشاقه ومريديه ، ميعاد البرنامج لا يناسب أهل الخليج ، يا دوب الواحد يجري لصلاة العشاء ، وبالليل بالهرولة نحصل صلاة التهجد ، ومرات صلاة الفجر ، مع دقائق الإمساك ، طبعاً فروق الزمن له معيار ، من الصعب إرضاء الجمهور ، في مختلف البقاع ، من الكرة الأرضية ، البرنامج أُنس ، وطرب ، في شهر العبادة ، قف ؟ ،،،، ...
اجمل ما في النسخة العاشرة هي عودة عصام محمد نور و الابقاء علي طه و السني ... و نوعا ما فرفور (الإن- سايد فوروارد البحراوي )... لكن المحبط فعلا من وجهة نظري هي عودة ود الصادق مرة اخري ,,, كان اخير احمد من حسين ...حسين كان يمشي قون افضل ليه .. فمع عصام و السني و طه مااا بياكل عيش ... و المقارنة ح تكون ظاهرة ...كنا نتوقع ظهور نميري حسين في هذه النسخة .. ولكن عمك قدور خيب آمالنا ..... عمر جعفر صوته فيه تطريب عالي ... ما عدا اللفتة التي اشاراليها الليندي ... انصاف فتحي اطربت هادية طلسم كما و اشادت بها و اعتقد ان ادائها جميل و عالي و بدون تكاليف او كلفتة ... عاصم البنا ... البسالو منو (:
اتمني ظهور العزيز الباشمهندي ابوبكر سيد احمد ... ففي تعليقاته كاريزما و اضافة حقيقية للبوست .. كما كان في النسخة الخامسة و السادسة لبوست البرنامج ... مع انو الظروف ليست هي الظروف ولا الجو العام هو نفسه الجو العام بالمقارنة للاعوام 2007 و 2008
06-25-2014, 12:32 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
تعرف يا ناصر انا قبل فترة لمن أعلنوا الاسماء المشاركة أتحسرت على عدم وجود مجموعه من الشباب والشابات وسط المجموعه المختارة. وسميتهم مجموعه الظل أغانى و أغانى 2014 (على وزن حكومة الظل ). المجموعة تشمل: طلال الطاهر الساتة محمد لطيف عاطف السمانى هانى عابدين نهي عجاج عصمت بكرى شذي محمد عبدالله ( لو خلت اللولوة وعفيص الغناء) منتصر الهلاليه
ولو البوست بيسمح ممكن اديك نماذج لكل اختيار تدعم دخولة مجموعة الظل حقت أغانى و أغانى.... تحياتى لكل ولضيوفك
في هذا السودان العجيب، صار الناس يستحسنون القبح! يطلقون على كل من هب ودب كلمة الفنان ! هؤلاء يا سادة مجرد مغنين او مؤدين وأحيانا ربما بينهم مطربين، نقول ذلك وان كنا نفهم ان الناس أحرار في ما يفضلون من صنوف الغناء والمغنين، لكن حكاية نشر الغنا هكذا، مسئولية من يقف وراء هذه الأجهزة السودانية العجيبة وبرامجها، ناس تلفزيون النيم الأزرق في واحدة من تجلياتهم ومبالغاتهم المستمرة، جاءوا بالمذيع امام أحد المنازل يخبط في باب متحدثا للكاميرا: سيداتي وسادتي نحنا الآن أمام منزل الفنان الكبير فلان الفلاني ... الخ عاد يخبط على الباب، فتح الباب وظهر الفنان الكبير فلان الفلاني ..تفضلوا .. تفضلوا .. المهم ... تابعنا المشية .. حتى استقرار الكاميرا بصالون السيد الفنان، وبدأت الأسئلة: هل من عاداته ان يدخل المطبخ؟ هل يجد وقتا لشراء الخبز واللحمة؟ هل يتمكن من زيارة الاهل، المجاملات العائلية؟ هل يشارك في إختيار اساس البيت؟ مع مشغولياته الكثيرة وارتباطاته الفنية بالداخل والخارج ...؟ ؟ الـخ الخ المذيع قال: عشان نكسر رتابة الحوار نسمع واحدة من أعمال الأستاذ الفنان فلان الفلاني .. طيب قال ليهو: اها حا تكرمنا بياتو اغنية يا استاذ؟ تنحنح الفنان فلان الفلاني وقال: نكرمكم بواحدة من أغنيات ابراهيم عوض!
يا ناصر نبهنا لو خرجنا عن موضوع البوست .
06-25-2014, 03:13 PM
khaleel khaleel
تاريخ التسجيل: 02-16-2002
مجموع المشاركات: 30134
صبت الفنانة الصاعدة وخريجة برنامج نجوم الغد الفنانة ميادة قمر الدين جام غضبها علي فريق عمل البرنامج الرمضاني الشهير اغاني واغاني واعتبرت الفنانة الصاعدة ان البرنامج سرق فكرتها في تقديم الاغاني الشعبية بطريقة (الرق)...وقد ظهرت الفنانتين انصاف فتحي ونسرين الهندي في بعض لقطات ترويج برنامج اغاني واغاني وهما يغنيان اغاني شعبية و يحملان آلة (الرق) علي طريقة الفناتة ميادة وهو ما اعتبرته الفنانة الصاعدة سرقة لفكرتها التي بدأتها من خلال برنامج نجوم الغد وما زالت تؤدي بها...وكتبت ميادة علي صفحتها الرسمية علي الفيس بوك (سرقه افكار عينك عينك يا ناس اغاني واغاني ..حسبي الله ونعم الوكيل فيكم)...
ياسين الشيخ _ الخرطوم
رمضان كريم الليندي والشباب
06-25-2014, 07:00 PM
الليندي الليندي
تاريخ التسجيل: 05-27-2002
مجموع المشاركات: 1188
محمد الشيخ ودالارباب تشكر كثير اتفق معك في الكثير ويا ريت لو المسألة كانت فيها عدالة توزيع في الفرص للكثير من المغنيين واتمنى أنو السنة دي البرنامج يكون فيهو الكثير من التوثيق عسى ولعل أن يقارن المغنيين انفسهم بما سبقوهم وكيف اجتهدوا حتى صاروا فنانين عطروا وجدان المستمع
والله يا أخوانا لو كان في سبب وجيه واااااحد إنو الزول ينتظر البرنامج ده بنسخته الجديدة بشغف وتشوق ... السبب ده ح يكون إضافة عمر جعفر مع إحترامي لكل الملاحظات حول الفايربيشن والهرمنة على حد قول بعض الزملاء الأحباب لكن خلونا نتفق إنو الزول ده عندو إمكانيات تطريب ما أوتيت لغيرو ... ما أي واحد بيقدر يسوي جزء من البسويهو الزول ده ... ويخيل لي برضو إنو وضع عمر جعفر في القوالب النحن متعودين عليها بيظلمو ظلم الحسن والحسين ... خلوا الزول ده ينطلق يا ناس .. الراجل ده فناااااان يتدفق فناً وإحساساً وتنوعاً ... يعني لازم الزول يغني بالأسلوب الناس متعودة عليهو ولا بيكون مزودها ؟؟؟ مزود شنو ؟ المعيار شنو ؟ خلوه لي إحساسو الحر .. صدقوني ح تسمعوا عجباً ..
تحياتي لصاحب البوست و لكل الأحباب .....
06-25-2014, 07:52 PM
الليندي الليندي
تاريخ التسجيل: 05-27-2002
مجموع المشاركات: 1188
الصديق بدرالدين سعيد بطلتك غايتو ما بتفق معاك في عاصم البنا صوت ما فيهو اي تطريب وبسمع الغناء اضافة لأنو متحيز لكرومة بفكرة المضاربات الكانت بين بين سيد عبدالعزيز ومصطفى بطران ووود الرضي والعبادي وعبيد وسرور من جهة وابوصلاح والبنا وكرومة من جهة أخرى ياخي يكفي أنو وافق عمنا السر قدور في أنو خليل فرح في تحويل كلمة ( كبريائك فيك خايل ) لي ( تبرياكو وفيك خايل ) قال ايه كان في توب هندي اسمو ( تبرياكو ) وخليل فرح كتبا كده ودي مشكلة الكتير من المعلومات المغلوطة بتتمرر ومافي حد بصلح
،،،،،
06-25-2014, 08:20 PM
الليندي الليندي
تاريخ التسجيل: 05-27-2002
مجموع المشاركات: 1188
اوو العزيز سيف اليزل الماحي سبق وان اشرت الي أنو البرنامج ما قادر يحدد وجهتو أنو ترفيهي ولا توثيقي وبالنسبة للفنان سيف الجامعة كلامو سليم مية في المية لانو البرنامج أذا كان فيهو مساحة لتوثيق لشاعر أو فنان بشكل جيد كان ممكن يفيد المغنيين ويخليهم يحاولو ينتجو اغاني خاصة بيهم زي ما انتج البوثقوا ليهو ده لكن يا سيف للاسف هناك انهيار تام في كل الاشياء والفن ما بنفصل عن الانهيار الحاصل اقلاها لو قدرنا نحافظ علي عدم تخريب أذن المستمع يكون جيد جداً وافتكر أحسن الشباب ديل يرددو أغاني الفنانين الاثروا الساحة الغنائية بأغنيات خالدة بدل من نسمع اضربني بطبنجتك وقنبلة اقلاها نضمن أنو الجيل القادم يكون فيهو جزء اضانو كويسة واقلاها ننفك من البنلقى مكتوب في المواقع رائعة الفنان جمال فرفور ( المهرجان ) فلو وصلت معلومة أنو الأغنية بتاعت الكاشف يكون البرنامج ما قصر وعاينا أن نشاهد ونضع اراؤنا وننظر عسى ولعل تعود العافية للغناء السوداني
،،،،،
06-25-2014, 08:52 PM
الليندي الليندي
تاريخ التسجيل: 05-27-2002
مجموع المشاركات: 1188
العزيز الفنان طارق ميرغني ليك وحشة غايتو انا بضمن ليك أنو الحلقة تنزل كاملة بعد نهاية البرنامج مباشرة لكن تقطيع الاغاني ده إلا أخر الليل لكن اكيد بكون في زول جهزها ونزلا فقط نتمنى أن تواصل معنا
،،،،
06-25-2014, 09:51 PM
خالد المبارك خالد المبارك
تاريخ التسجيل: 03-20-2014
مجموع المشاركات: 571
ليس تقليلا من سعي القائمين على امر البرنامج للتوثيق للاغنية السودانية و لكن في رايي المتواضع من اراد ان يبحث عن الاغنية السودانية فليبحث عن حسين خوجلي و برامجه التي تتناغم ما بين الطرب و الحديث الشيق ذو الشجون ، هذا الرجل لم اشاهد له اغنية في برامجه تخرج من وصف درة الغناء السوداني و لم يخونه الحظ يوما في استجلاب فنان متواضع ، انا غايتو بستمع للاغاني السودانية في قناة امدرمان فقط
ولكنني ايضا أحيي الفنان الطروب صاحب الاداء المتميز و الذي اعتبره الفنان الاول في زمره الشباب عصام محمد نور لا اعتقد و لا اتصور ان اجد احد لا يحب الاستماع اليه ،، زول شغلو موزون و زمنو عجييييب و تطريبو ممتاز و صوتو طبيعي مائة بالمائة و يغني بي ارتيااااح بس عيبو الوحيد انو صوتو ليس بالقوة المناسبة
الفنان الموسيقي خليفة الموسيقار محمد الامين الفنان الشاب عادل مسلم له التحية و لو لم يغني عادل مسلم على كيفك لكفته صعود المسارح و الكبير كبير فلا اعتقد بانه سيجالس هؤلاء الصغار
أنا ما عارف الزول ده مظلوم ليه يا جماعة ود القضارف الفنان الطروب ، ترى اين هذا الشخص ....... تقول لي السني ؟؟؟؟
و رمضان كريم على الجميع
06-26-2014, 10:15 AM
بدرالدين بابكر مصطفى بدرالدين بابكر مصطفى
تاريخ التسجيل: 06-24-2013
مجموع المشاركات: 1492
خسارة كبييرة جدا" عدم وجود معتز صباحي فى هذه النسخة شبعنا حد التخمة من ترديد الأغانى القديمة بنفس طريقتها وناس معتز كانو بدونا ليها بى إحساس تانى وطريقة مختلفة كما كان يفعل المرحومين محمود عبدالعزيز ونادر خضر لهم الرحمةز غايتو نتابع ونشوف.
Quote: سيف الجامعة مش أفضل من يغني الحقيبة بل أفضل من يغني على الإطلاق في الشباب الموجودين حالياً
سيف الجامعة ينتمي للجيل الذي جاء بعد مصطفى سيد أحمد وعبد المنعم الخالدي، بل هو إمتداد لمرحلة ما سمي "الواعدين" في الغناء والموسيقى الحديث في السودان، قدرته الفنية الفذة جعلته يتحرك في أزمان مختلفة، مجايلا لإنتقالات فنية مؤثرة شهدتها الساحة الفنية السودانية، الآن يعتبر سيف الجامعة ومعه آخرون منهم الموصلي والهادي حامد يعاصرون مرحلة "ما بعد رحيل الفنان محمد وردي" هذه مسئولية كبيرة لا يتأهل لها إلا القليل من اهل الغناء والموسيقى، بلا شك في مقدمتهم سيف الجامعة!
.
06-26-2014, 03:31 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4468
Quote: "ما بعد رحيل الفنان محمد وردي" هذه مسئولية كبيرة لا يتأهل لها إلا القليل من اهل الغناء والموسيقى، بلا شك في مقدمتهم سيف الجامعة!
يا سيف كمان انت ما تبالغ شديد كدة، سيف الجامعة بتاع الساعة كم ؟ العندو مسؤولية كبيرة تجاه الفن والغناء، يا خ سيف دا غبر مؤهل ليؤدي اي دور، ممكن يغني من الحان صلاح ادريس، وممكن يمدح كمان، لكنه غير كدة ما بقدر يسوي الحبة، ياخ دا زول تائه، ومنفوخ على الفاضي، وبعد شوية ممكن يتحجب ويقول الغناء ذاتو حرام....
06-26-2014, 03:50 PM
cantona_1 cantona_1
تاريخ التسجيل: 01-04-2003
مجموع المشاركات: 6837
الأخوة الكرام بعد السلام ممكن تورونا مواعيد تقديم البرنامج الساعة كم بتوقيت السودان عشان ما عارفنها وعاوزين نتابعه نضيع بيهو الوقت لان اليوم عندنا طويل خلاس .. إمساك 02.30 ص والفطور 09.30 م. تصوموا وتفطروا على خير
تحياتي. زر قناتي في اليوتيوب من فضلك واشترك معنا http://www.youtube.com/user/KabbashiSudan
يا خ سيف دا غبر مؤهل ليؤدي اي دور، ممكن يغني من الحان صلاح ادريس، وممكن يمدح كمان، لكنه غير كدة ما بقدر يسوي الحبة،
أخي عبد المنعم تحياتي لك
أنا احترم وجهة نظرك حول الغناء عند سيف الجامعة وغيره، لكني أختلف معك في كونه غير مؤهل ليؤدي أي دور!! ربما انك لا تقصد هذه العبارة على إطلاقها، لأنها تبدو لي جارحة، وفي ظني انه لايليق ان تضاف إلى إسمه، طبعا من حقك ان لاتعجب بما يقدم، ومن حقك أيضا ان تنتقد الكثير من أعماله، ومنها تعامله مع الحان صلاح إدريس (وأنا معك في هذه) لكن أسمعها مني سيف الجامعة وبلا منازع هو أحد أساطين التطريب عندنا، وهم قليلون بالمناسبة!
.
06-26-2014, 07:25 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
كنت من اكثر المتعجبين لعدم اتاحة الفرصة لانصاف فتحي في الظهور مع العلم انها دفعة عافية وحرم ورفيعة لكن لم تسعى كالاخريات للقناة حتى سعت القناة إليها. انصاف فتحي + طه سليمان سيكونان كلمة السر هذه السنة. عصام محمد نور غاب ولم يشعر بغيابه احد وعاد ولن يشعر بعودته احد. نصر الدين القضارف صوت مهول عاجلا ام اجلا سيتم ضمه للبرنامج وعندها ستنحصر المنافسة الرجالية في نجومية البرنامج بينه وبين طه سليمان ليبقى السؤال متى يتم الانتباه لهذا النجم. ضياء السر صوت طرووووب جدا لكن ضعيف جدا يبدع في الغناء بالعود ويتوه بين الاوركسترا لا اظن من اقترح ضمه وفق في ذلك. فرفور وجع وش + شلاقة + صوت حاد ومدمر للأذن الوسطى كفاية ياخ حرام عليكم. حسين الصادق غير مؤهل للغناءاصلا عليه الاهتمام بفلفلة شعره بطريقة ادق. مصطفى السني ونسرين لا بأس عليهما. عاصم البنا ضروري.. واهم شخص عازف البيزجيتار رقم صفر.
شكرا ولنا عودة
06-26-2014, 11:47 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4468
لا؛ بل اقصد هذه العبارة على اطلاقها الفسيح، سيف باختصار شديد غير مؤهل فكريا ليؤدي اي دور ذي بال، حا يمدح شوية، ويغني لصلاح ادريس شوية، ويتوه بين هذه وتلك، وخلاص .....
Quote: لكن أسمعها مني سيف الجامعة وبلا منازع هو أحد أساطين التطريب عندنا، وهم قليلون بالمناسبة!
عندنا دي واسعة شديد، لو استبدلتها بعندي تكون قد ذكرت كل الحقيقة، وهذا من حقك بالمناسبة، ان يكون احد اساطين الطرب عندك، اما عندنا فلا..... هو يُقارن في حدود عصام محمد نور، عاصم البناء وفرافيرو، اكتر من كدة لا يتقدم غنوة، او سلطنة، وقد يتاخر.... سيف ياخ لك التحايا، ولصاحب البوست الفنان الليندي اعتذاراتي، فقد غرقنا في موضوع لا علاقة له بالبوست...
06-27-2014, 11:46 AM
saidahmed shami saidahmed shami
تاريخ التسجيل: 01-08-2013
مجموع المشاركات: 2348
الاخ الليندي رمضان كريم الغناء مابنفصل من واقعنا يعنى الحاجات كلها جايطه مابقت على الغناء و المسائله ذوق اتوقع عصام محمد نور مراقة البرنامج، كان ممكن البرنامج ياخد صورة اجمل لو اضاف مثلاً احمد شاويش ، امال النور ، الهادي حامد
أنا بأمانة مهووس بالغناء السوداني والذي أعتقد في قرارة نفسي أنه الشيئ الجميل الباقي بهذا الوطن .. كما أعتقد بشدة بأن هذا الغناء السوداني سيكون يوماً غناءاً عالمياً بعد أن تتوفر له شروط معينة .. لكن للأسف ليس لدي أي باع في مجال الغناء والموسيقى ولوازمها سوى الإستماع والطرب لها .. وليس لدي أي تفسير مثلاً لحبي لأغنية الملهمة للفنان العملاق التاج مصطفى وعدم استلطافي لأغنية "بتتعلم من الأيام" رغم حبي لكل أغاني العملاق محمد الأمين الأخرى .. يعني باخنصار أخوكم زول layman مثله ومثل الأغلبية الساحقة من عشاق الأغنية السودانية وعشاق برنامج عمنا السر قدور الذي يكمله ويزينه الحوار الرائع الذي يدور ببوستكم السنوي عن هذا البرنامج، والذي بأمانة أراه مفيداً جداً لي .. لكن لدي بعض التحفظات على بعض الآراء الواردة في بوست العام الماضي أود أن ألفت نظركم لها، راجياً تقبلها بصدر رحب .. حيث ألاحظ أن بعض الآراء المقدمة من بعض المختصين أو المشاركين من ذوي الخلفيات العالية في الموسيقى والأصوات كثيراً ما تكون غير موفقة وأدناه بعض النماذج:
- هنالك تحامل على عمنا السر يصل مرحلة التهكم في بعض الأحيان على أخطاء تاريخية أو غيرها وقع فيها أثناء التقديم. لا بد لنا أيها الإخوة من الوضع في الإعتبار أن ما يسرده عمنا السر قدور كله أو جله من الذاكرة، كما أن البرنامج في الأساس ليس توثيقياً بالمعنى المهني وإنما مزيج من الحكي والطرب والتكريم للذين أثروا وجداننا، إضافة لضحكة هذا العملاق. يا جماعة والله ضحكة عمنا السر قدور دي لوحدها مدعاة للإنتشاء والطرب، يعني أغنية أو معزوفة لوحدها!!.
- من ضمن الملاحظات في بوست العام السابق توجيه نقد حاد لعدم إهتمام البرنامج بوفاة الفنان العبقري محمود عبدالعزيز بنفس القدر الذي تم به الإهتمام في العام الأسبق برحيل الفنان نادر خضر. وواضح أن الإخوة المنتقدين نسوا كثيراً أن إسهام الفنان محمود كان محدوداً في البرنامج ولا يشبه بأي حال إسهام الراحل نادر خضر الذي كان جزءاً أصيلاً من البرنامج منذ بدايته. وبالتالي لا بد من أن يكون مستوى الإهتمام مختلفاً.
- هناك إشادة غير مبررة في تقديري بالفنان معتز صباحي ولم يوجه له نقد يوازي المستوى المتواضع جداً الذي ظهر به، وكنت مندهشاً حقيقة للدفاع عن أداء الفنان معتز لأغنية نسيتها الآن أكثر من نصف كلماتها لم يصل لأذني وربما لم تخرج من فم مغنيها! لا أعني أنه كان مطلوباً أن يهاجمه الناس بل أعني أن لا يعطى حقاً من الإشادة لا يستحقه، فقط بناءاً على تاريخه السابق.
- هنالك هجوم شديد على أبناء الفنانين الذين شاركوا بالغناء في الحلقات كمعاذ ونادر جمال الدين وحتى مصعب نجل فقيد الفن العظيم محمود عبدالعزيز. لا أعتقد أن أدائهم كان سيئاً إطلاقاً، وإذا كان السبب في النقد أن أصواتهم تماثل أصوات أبائهم، أي ليست متفردة، فصوت مصطفى السني وأدائه يشابه كثيراً العملاق عبد العزيز محمد داؤود، رغم أن ما قدمه مصطفى السني أعتبره من أميز ما ظهر في الآونة الأخيرة أداءاً وصوتاً وحضوراً.
- أرى تحامل أيضاً على الفنان جمال فرفور وممكن أن يكون سببه سياسياً، فمواقفه حقيقة لا تشرف أي فنان، إلا أن أداءه كان ممتازاً في معظم الأحيان. والله أداءه لأغنية أنفاس الزهر كمثال، يطرب الشجر والحجر!
يا شباب الكلام ده ما تفهموه غلط، أرجوكم!! والله لو ما كنت بحب البوست بتاعكم ده ما كنت اشتغلت بيكم شغلة .. وكان لقيتوا في كلامي شيئ خاطئ إعتبروني زول عنقالي جابوا الدرب .. لكن الشيئ المؤكد أن بوستيكم هذا بالنسبة لناس كتار أنا منهم مكمل حقيقي لبرنامج أغاني وأغاني و لاغنى عنه بتاتاً..
تسلموا وكل سنة وأنتم بخير
06-28-2014, 09:43 PM
الليندي الليندي
تاريخ التسجيل: 05-27-2002
مجموع المشاركات: 1188
كل الشباب المتداخلين عميق آسفى لعدم التداخل في الكثير من المشاركات نسبة لوعكة خفيفة نوعا ما والحمدلله طارت الانفونلزا وحضور ومشاركة ومتابعة مع اقتراب بث الحلقة الاولي
،،،،،
06-29-2014, 07:32 PM
saidahmed shami saidahmed shami
تاريخ التسجيل: 01-08-2013
مجموع المشاركات: 2348
الأخ الليندي صاحب البوست الأخ سيد أحمد-متداخل شكراً سيد أحمد، لك الشكر على إنزال حلقات البرناج ونأمل الاستمرار حتى نهاية الحلقات حتى نتمكن من متابعة هذا البرنامج الجماهيري لمن تفوته الحلقات. لكن لو قارنت صوت نسرين (التي لا أحبها) مع صوت إنصاف لأدركت الفرق الواضح في الصوت ومخرجات الصوت ووضوح المفردات في مصلحة إنصاف. أغنية حمام الوادي أوضحت الفرق بين الفنان المحترف (طه سليمان) وبين عمر جعفر الذي لم يعجبني في أدائه في هذه الجزئية من البرنامج. ود البنا متألق وبصراحة يتمتع بصوت جميلة وبحة حلوة. جمال فرفور منتشي شديد وعمل عرضة كدة. حسين الصادق لا أطيقه و لا أعتقد أن له شيئاً يقدمه، واحتمال أخوه يكون أحسن منه. على أية حال، الحلقات القادمة سوف تبرز الكثير. وعمك السر قدور ركز اليوم على الغناء الشعبي وذكرى مبارك حسن بركات وود اليمني، وهذا توثيق قصير لا بأس به. تحياتي لكما.
06-29-2014, 08:33 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
سلامات على الجميع و رمضان كريم تصوموا وتفطروا علي خير تحياتي للعزيز ناصر عز الدين ( الليندي) و لكل ديناصورات بوست أغاني و أغاني من القائد الفنان أبو الفن طارق ميرغني لحدي اللطيف عبد المنعم .
صراحة انا ح انابع بالتقطيع لكن من هسي اقول ليكم ( انصاف فتحي) ح تكرن حلقة ضعيفة في البرنامج و كذلك ستواجه ( عمر جعفر) مشكلة عظيمة في تقبل الناس لطريقة غنائيه.
حلقة الليلة اكتسح درجاتها ( عاصم البنا) لانو غنا الحماسة و الحقيبة دا ملعبوا الذي لا يهزم فيه ابداً.
06-29-2014, 08:38 PM
عزيز عزيز
تاريخ التسجيل: 04-12-2002
مجموع المشاركات: 3290
الأخوة الأعضاء والزوار رمضان كريم وتقبل الله صيامكم وطاعتكم
شكرًا جميلا اخي شامي على إنزال الأغاني لم تتح لي فرصة حضور الحلقة لان هولندا كانت بتلعب
الكل راهن على عمر جعفر للأسف وضع نفسه في اول ظهور مع الفنان طه سليمان حيث المقارنة تظهر الفارق
عمر جعفر يستخدم الهارموني كثيراً في غير محله وبغير علم ومعرفة بهذا العلم !! حتى الذين يعرفون علم الهارموني لا يستخدمونه كثيراً لانه كالملح اذا كثر افسد الطعم
أنصاف اذا تمت مقارنتها بنسرين فالفارق لصالحها ولكنها ليست بهذا القدر الذي يجلسها في مقعد اسرار بابكر
عاصم البنا يركز لينا على الحماسة والحقيبة.
لا اعتقد هناك ما يستحق الإشادة في الحلقة سوى اداء طه سليمان الذي عودنا على ذلك واناقته وتلبيسة المايك.
الأغنية الأولى يا هواي يا ضناي الليلة كلمات احمد محمد الشيخ الجاغريو أداها الفنان مصطفى السني اداء جميل كعادته.
عينيك يا أعز الناس كلمات الشاعر عبد المنعم ابو رنات غناء عثمان اليمني اداء حسين الصادق ، نسرين هندي وانصاف فتحي اداء عادي مع ملاحظة وضوح مخارج الحروف عند انصاف وضياعها عند نسرين وبهتانها عند حسين الصادق وأرجوان يتخلص من الـ(واو) التي يزج بها في نهاية كل كلمة .
الأغنية الثالثة حمام الوادي كلمات اسحق الحلنقي وألحان الموسيقار ناجي القدسي أداء طه سليمان وعمر جعفر الاداء جميل لـ طه وغير متوقع لعمر جعفر فأظهر عدم حقيقة ان صوت طه اقوى من صوته.
الأغنية الرابعة في رمشة عين ألحان الفاتح قميحة أداء جمال فرفور أداء باهت ومزعج ضاعت الأغنية فيه بالصراخ.
الأغنية الخامسة الآلاف درجن كلمات رقية بت مسمار شقيقة الشيخ الأمين ود مسمار ولقد الفتها عندما انتصر شقيقها في واقعة الهلالية تغنى بها عاصم البنّا وجاءت فيما يجيده فأجاد .
06-29-2014, 11:54 PM
الهادي محمد ابراهيم الهادي محمد ابراهيم
تاريخ التسجيل: 11-03-2009
مجموع المشاركات: 776
بداية ضعيفة...بعدين افتكر انو التخصص في الحلقات افضل سواء كان مرتبط بفنان او موضوع غنائي معين او فترة زمنية محددة افضل في المتابعة والنقد من تناول نمازج غنائية متفرقة... ستفقد الحلقات محمدية فهو فنان تعرف في وجهه الي اين تتجه الاغنية ...انصاف... نعم.. لكن اين منار كانت ستشكل ثنائي رهيب مع انصاف.....
06-30-2014, 00:24 AM
امينة عيسى امينة عيسى
تاريخ التسجيل: 11-20-2010
مجموع المشاركات: 619
حضرت جزءا من الاعادة، وكنت مشتتا بين ضربات الجزاء ؛ وبين البرنامج طلعت ببعض ملاحظات: * عصام محمد نور مافي، تنفست الصعداء وقلت حلقة بلا نياص،وبلا تكشم زي نار القصب؛ وبلا ضحكات صفرا بالقوة؛ طوالي ياريت... * فرفور لابس قميص احمر؛ ياخ انت فنان ولَّ مصارع تيران، ياخ شاور ود البناء دا شوية، فرفور له صوت سخلي، وانفعالات اكتر من اللازم، اهلنا في السودان بسموها خفة، ودا ياها ذاتا الرشاقة الكتلت اشراقة... * واحد من حلتنا مجرس من الصيام قال : محمد اخوي دا عندو امراض كتيرة وبرضو صائم، والله انا لو كنت في محلو ضحية ما اضحي.... دحين انا لو كنت شغال في الامن، والله صاحبي ما اكلمو، خلي اعلنا في الجرائد وافتخر، * الزويل الرقيق اللابس قميص كاروهات شايفو برضو ما بختا من خفة، التقل صنعة... * ود البناء 4 من 11 ، مبارك حسن بركات يؤدي الغنوة بنسبة 11 من 10 اها دا المقياس...
حلقة باهتة بمعنى الكلمة لم ارى اي تغيير في الديكور ولاأي لمسات اخراجية جديدة كما بشرنا نفس الرصة ونفس القعدة البتكتل الغنا. حلقة اولى غير مبشرة بالمرة. إن استمرت بقية الحلقات على نفس الرتابة فإنه الاحتضار بلا شك. وصدق من اطلق على هذا البرنامج من قبل (أعاني وأعاني)
06-30-2014, 05:56 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9021
حلقة باهتة ، صفراء فاقع لونها ، الديكور عجيب ، لسة نحن ما إتفكينا ، من عقدة الفلين ، والطرور ، والخشب المرقع ، البرنامج يجني مبالغ ضخمة ، من الإعلانات الوهمية ، تفوق دخل البترول ، يا جماعة شوفو ، القنوات الفضائية التانية ، شفوا عديل كدا ، ما دام إنهدم ، و إنعدم ، الذوق العام ، قال ، ديكور ، ،،،، ...
رمضان كريم وتصومو وتفطرو على خير ياغالين داخل وخارج الحوش .. درجات حرارة عالية عالية وصعوبة على الاحباب بارض الوطن اللهم خفف على امة محمد صلى الله عليه وسلم ..
نتلاقى من جديد مع وعد جديد لابداع متجدد .. مشتاقين الف ياخي زز مشتاقين الف .. حبابنا سوا خطوات وطريق , وتناغم وتناقض واراء .. حباب مبدعينا وشكرا لهم جميل مجهودهم وعفوا اذا ازعجهم بعض النقض , فنحن شعوب لم تتعلم بيئة ودراسة تقبل النقض !, ولا نعرف التعامل معه وبعضه يزعجنا كثيرا ..
المهم حباب العلامة الاستاذ قدور , وحباب اسلوبه السهل الممتنع , وحباب جولات جديدة للحاضر بسمة رغم صعوبات الحياة, وللمستقبل توثيق, والبرنامج له اسلوبه وليس توثيقي اكاديمي او متوسع وهذا لايعيبه بل يفتح الابواب للاخرين ان في النيل متسع للسباحة ..
مثلكم لدي من افضل ومن لا افضل من فناني الحلقات واحتفظ باللستة لنفسي ما استطعت سبيلا :)
الاستديو لا ينسكت عنه اوسع والحمدلله سمحه المهلة , لكنه بجدارة الاسوء منذ سنوات بديكور عقيم عفى عنه الزمن , ولم ينفع من تحسينة بعض تجويد اضاءة ديكور حزين لاعلام وقنوات لها تاريخ .. ليس صرف البزخ مانقصد .. لكن حتى مجرد ذوق ولمحات خبرة وبعض تجديد ..
اتمنى ان تعطي المحطات الخارجية والزيارات بعض بهاء لبؤس الاستديو .. حباب التجديد بالغناء مع كورس او فوق مسرح او مع رق التجديد جميل وحيوية .. تحية للغائب الابرز استاذ الاجيال محمدية متعة الله بالصحة والعافية .. تحية خاصة للصديق الموسيقار زرياب برعي محمد دفع الله وشايف الغرة البيضاء في زيادة ياغالي , قريبا ننكر دفعتك :)
دعوة للفن و الاستزادة من الجمال مع كاس العاشرة فحبابهم وحبابكم وحبابنا سوا .. ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
06-30-2014, 10:04 AM
خالد حامد الجزولي خالد حامد الجزولي
تاريخ التسجيل: 03-29-2008
مجموع المشاركات: 2658
Quote: حضرت جزءا من الاعادة، وكنت مشتتا بين ضربات الجزاء ؛ وبين البرنامج طلعت ببعض ملاحظات: * عصام محمد نور مافي، تنفست الصعداء وقلت حلقة بلا نياص،وبلا تكشم زي نار القصب؛ وبلا ضحكات صفرا بالقوة؛ طوالي ياريت... * فرفور لابس قميص احمر؛ ياخ انت فنان ولَّ مصارع تيران، ياخ شاور ود البناء دا شوية، فرفور له صوت سخلي، وانفعالات اكتر من اللازم، اهلنا في السودان بسموها خفة، ودا ياها ذاتا الرشاقة الكتلت اشراقة... * واحد من حلتنا مجرس من الصيام قال : محمد اخوي دا عندو امراض كتيرة وبرضو صائم، والله انا لو كنت في محلو ضحية ما اضحي.... دحين انا لو كنت شغال في الامن، والله صاحبي ما اكلمو، خلي اعلنا في الجرائد وافتخر، * الزويل الرقيق اللابس قميص كاروهات شايفو برضو ما بختا من خفة، التقل صنعة... * ود البناء 4 من 11 ، مبارك حسن بركات يؤدي الغنوة بنسبة 11 من 10 اها دا المقياس...
والتحية لكم جميعا.
نفس كلامي ختفتو من خشمي والله مووووبالغة نرجو ان يرتفع مستوى البرنامج في الحلقات القادمة تحياتي للجميع وأخرى أكثر خصوصية لابنة اختي ذات المداخلة الجميلة عبير خيري
07-18-2014, 09:08 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
وبعد دا كلو أداء عمر جعفر في حمام الوادي شعرت فيهو شغل بتاع زول متمكن بحاول يضيف بينما طه كان شغال تسميع للحن والكلمات فقط رغم إنو الأغنية أصلا بتاعة صراخ وأصوات حادة كانت تنفع مع فرفور
06-30-2014, 12:07 PM
محمد هاشم ابوزيد محمد هاشم ابوزيد
تاريخ التسجيل: 11-10-2011
مجموع المشاركات: 1711
أعجبتني حمام الوادي من شعر الحلنقي والحان الراحل ناجي القدسي من عمر جعفر وطه سليمان واعتقد أنهما تفوقا بهذه الاغنيه واذا اعطيتهما درجات فساعطي عمر جعفر 9.98 واعطي طه سليمان 9.97 من عشرة طبعا شكرا لهما
06-30-2014, 02:26 PM
Zakaria Fadel Zakaria Fadel
تاريخ التسجيل: 01-24-2013
مجموع المشاركات: 2002
لا ادري ولكن دائما ما ينتابني احساس بأن هذا البرنامج (ورطة) ورطة للمساهمين فيه...ورطة للغناء السوداني...ورطة لحقوق المؤلفين....ورطة للملكية الفردية...بل انه ورطة حتى لمستمعيه
استمعوا للسيد عمر جعفر في هذا التسجيل من (يو تيوب) : http://www.youtube.com/watch?v=-SS8neHlFO8 ثم استمعوا للفنان الراحل محمد وردي في تسجيل للاغنية نفسها : http://www.youtube.com/watch?v=xtXfZMYLhpU
محمد وردي عندما غنى هذا اللحن لم يتجاوز عمره الفني وقتها (اعلاميا) سنتين او ثلاث ، قدّم هذا الاداء لموسيقى لم تكن من تأليفه السيد عمر جعفر لم يكن عمره الفني اصغر من عمر وردي بأي حال من الاحوال....قدّم ذلك الاداء لموسيقى تغنت كثيرا قبله بأكثر من 40 عام
فماذا اضاف السيد عمر جعفر لموسيقى تلك الاغنية بهذا الاداء الذي قدّمه ...؟!!! في رأي الشخصي اضاف للاغنية مسخا، وقبحا ..وكثير من تشويه
إذا كان الامر كذلك ..فماذا ستكون اضافة السيد عمر جعفر لفن الغناء السوداني؟؟!!
06-30-2014, 02:43 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: فماذا اضاف السيد عمر جعفر لموسيقى تلك الاغنية بهذا الاداء الذي قدّمه ...؟!!! في رأي الشخصي اضاف للاغنية مسخا، وقبحا ..وكثير من تشويه
إذا كان الامر كذلك ..فماذا ستكون اضافة السيد عمر جعفر لفن الغناء السوداني؟؟!!
مع احترامي وتقديري هذا لا يقال في حق المبدعين وعمر ليس من الذين يتكئون على ارائك المبدعين الاوائل حتى لو كانوا في قامة العبقري استاذنا وردي عمر فنان له الحان متقدمة جدا ومستقبله كبير ان كان للسودان مستقبل تحياتي
مراحب وكل عام والجميع بالف خير رمضان كريم لقد تعود الناس في كل عام من شهر رمضان الكريم يتابعون برنامج اغاني واغاني باعتباره برنامجا توثيقيا لكافة مدارس الغناء بالسودان القديم منه والحديث ويحلق بنا في فضاءات الطرب الاصيل باصوات شبابية متنوعة في تناغم وانسجام لذلك اقترح ان يتم تقييم الحلقات من حيث المحتوي والمعلومات والاداء والتطريب والحضور لكل فنان ويراعي ان لكل مطرب بصمته الخاصه التي يطفيها علي الإغنية التي يؤديها فليستمتع الجميع بالنغم الشجئ والاصوات الدافئة ولكم مودتي ومحبتي ولي عودة
ضحك فرفور وانصاف فتحي بتغني فيه قلة ادب عديييييييييييل اي نعم هي صوتها سخلة محاسن احسن منه لكن ضحكه وغتغيت وشه ما كانت كريمة
بالنسبة لي نجم الحلقة هو القصاص عنده شغل كدة في الفراغات ونقرشة كدة بنت لبون ياخ ما عارف ناس المزازيك بيسموها شنو لكن عنده حتات كدة بيملاها في الغناء واااااضحة ولذيذة ياخ زي البسكويت نص الجلي
06-30-2014, 08:30 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4468
* جهجهة العدو، تلك التي اتجهجها عاصم البنا في اداة اغنية عثمان حسين، مرة برة الايقاع، يستجد بائسا بي الفرقة الموسيقية لنجدته من وعثاء التعثر، ومرة يحاول ان يضبط الايقاع بيده ويحول المكرفون من اليمين لليسار، وبرضو برة الخط... ومن يستنجد بزملاءه، ومرة يتكشم ومرة يلملم، في هذا الغنا الاتشتت، ومرة يسلم، وغنوة الجن دي ما عاوزة تنتهي... * ادى الاغنية بلا احساس بالكلمات ولا مضامينها، بالله شوفو جرجر النهاية دي كيف، قرَّب يرجعا للبدايات، ولمن الغنوة انتهت عِرِقْ، وجفَّا ...فنان دا ولَّ عتالي؛ 3 من 11 * لم استمع لعصام ولا اعتقد انه غنى لاني مرات مرات بمشي اشوف الكورة، عموما انا محظوظا كوني لم اسمع للزول الضلو تقيل دا، وطلتو البتفقع المرارة... * وانصاف دي كمان زي البِتْسَمِع في الاغنية، وعندها احساس انها ما حافظة كويس، الصوت ما فيهو تطريب، ياخ ضعيف ومنفر... 4 من 11 * الزويل الرقَيِقْ برضو سمع رصينا، وانزنق مرات، 4 من 11 *فرفور يواصل الخفة، ويضحك في زمن غناء زميلته، مما اربكها، واربك المشاهين القاعدين في صمت خشمن في بيوتن، ينبغى ان يتأدب فهو ضيف علينا مفروض، الواحد لمن يتخفف وهو اصلا دمو تقيل؛ الناس ما حا تقول دمو خفيف، بقولوا خفيف بس... * نجم الحلقة الزعيم الكبير الاستاذ السر قدور، كلامو ومشاركاتو احسن من غناء بعضهم...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الليندي
عزالدين عباس الفحل
صالح عبده
جمال سعيد
عاطف عمر
عزيز
عبدالمنعم الطيب حسن
إبراهيم عبد الحليم
Mohamed El Sheik
بدرالدين بابكر مصطفى
نعمات حمود
khaleel
خالد المبارك
cantona_1
mohmed khalail
saidahmed shami
النورس الحزين
سفيان بشير نابرى
عبير خيرى
طارق جبريل
الهادي محمد ابراهيم
امينة عيسى
الخير محمد عوض
شهاب الفاتح عثمان
خالد حامد الجزولي
حمد عبد الغفار عمر
محمد هاشم ابوزيد
Elmosley
Zakaria Fadel
عفاف ابوكشوه
فيس بوك
تويتر
انستقرام
يوتيوب
بنتيريست