|
Re: غنماية فاهمة جدا...أدخل وشوف الابداع (Re: Abu Baker Ahmed Abdel Rahman)
|
غنماية مبدعة... تعرف يا عبدالعظيم متابعاتي للمعوز اكدت لي انهن بي مخهن... عندنا غنماية كرب تفتح باب المخزن لو المفتاح فيهو وويحيدة تفتح الترباس والتالتة الماسورة اما العجيبة فغنماية ناس اهلنا في حلة تانية بس النصيحة دي ناس البورد ده بتاعين ضحك اقومو امرقونا كضابين ان قلناها فخليها ،،بس غنماية الشدرة دي لو لقيتا بشتريها تحياتي
| |
|
|
|
|
|
|
Re: غنماية فاهمة جدا...أدخل وشوف الابداع (Re: عبدالعزيز عثمان)
|
شكرا للمتداخلين
من الغنم المبدعة غنماية عمنا الباقر البلة فى القرية التى اسكن فيها. الغنماية كانت تفتح الباب بوضع قرنها فى سلك الباب الموصل بالكالون...فى يوم من الايام وجدت الغنماية السلك مقطوع فما كان منها الا ان رفعت رجلها ووضعتها على ضلفة الباب والرجل التانية قرعت الباب 3 مرات حتى حضر عمنا الباقر وفتح لها الباب...هل مثل هذا السلوك غريزى ام ان فعلا للحيوانات بعض القدرات العقلية.
| |
|
|
|
|
|
|
Re: غنماية فاهمة جدا...أدخل وشوف الابداع (Re: عبدالعظيم مكى)
|
يبقى لازم نصحح المقولة المغلوطة في أمر الزول المسكين شديد "الغنماية تأكل عشاهو" لأن هذه العنز أثبتت لنا أنها أكثر ذكاء من بعض محدودي التفكير من بني البشر ، الغنماية من أيام أن كنا رعاة كانت أكثر الحيوانات تمرداً وإزعاجاً لنا فتجد على سبيل المثال الضأن ترعي بإنتظام يعني تأكل القدامها وهي ماشه أما العنز فهي متمردة لا يعجها العجب ولا البرسيم والرطب فتنطط من مكان لمكان فتارة تقفز في شجرة وأخرى في زرع الجيران وهكذا ، حتى تم إختراع سجن الغنم الشهير بمناطق الزراعة في قرانا وهو ما يعرف بالسوكرة ، وهو توقيف تأديبي لكل عنزة تتهور وتقضم شئ من زرع الجيران حتى لو كان شجر صطندب ويتم إطلاق سراحها بعد دفع الغرامة. على فكرة يقال أن الغنماية خشمها زي حامض الكبريتيك يعني لو قرمت ليها فرع من شجرة الشجرة تاني ما بتكسب عافية والعهدة على الراوي حرن ود موسى وهو رجل ضعيف في سنده
| |
|
|
|
|
|
|
Re: غنماية فاهمة جدا...أدخل وشوف الابداع (Re: almulaomar)
|
Quote: هل مثل هذا السلوك غريزى ام ان فعلا للحيوانات بعض القدرات العقلية. |
سلامات عبد العظيم حقيقة السؤال دة محيرني من زمان واتمنى من المهتمين بي علم الحيوان وكذلك الفقهاء الرد عليه القرآن حكى لينا عن نملة وقفت جيش كامل بعد ما سمعها سيدنا سليمان وكانت مدركة تمام الإدراك للواقع حولها واختارت التصرف البديل بي ذكاء .. وحكى لينا عن هدهد مؤمن وقادر على استيعاب تصرفات البشر وتقييمها وكان سبب في هداية قوم كامل بعد ما نقل فعلهم لي سيدنا سليمان
حيرتي في هل الحيوانات بتملك عقل زي البني آدمين ؟ القصتين بقولن كدة .. وهل هم مكلفين وعندهم حساب وعقاب ؟
| |
|
|
|
|
|
|
|