|
Re: وتر شاكيراء وكفر نيمار وبهجة المشجعات . 2014 (Re: علي محمد الفكي)
|
دانيلا أوكورو، 25 عاما، كولومبية من كالي، قد لا يعني اسم هذه الحسناء لعشاق كرة القدم شيئا رغم ارتباطها بأهم حدث رياضي على المستوى الدولي وهو كأس العالم، حيث اختيرت أمس ملكة جمال كأس العالم 2014 بعد فوزها على حسناوات 32 دولة مشاركة في مونديال البرازيل.
حسناوات الدول 32 المشاركة في نهائيات كأس العالم 2014 بالبرازيل بدأن منافسة المونديال قبل المنتخبات المشاركة التي ستدخل معترك ملاعب كرة القدم اعتبارا من الـ12 حزيران/يونيو الجاري، حيث شاركت 32 حسناء في مسابقة ملكة جمال كأس العالم 2014 والتي فازت بها الشابة الكولومبية دانيلا أوكورو.
هذه المسابقة التي تنظم منذ عام 2006، قبل أيام من انطلاق العرس الكروي، شهدتها مدينة "روس" الألمانية.
واختيرت الكولومبية ذات 25 عاما، من مدينة كالي، من مجموعة ضمت 32 شابة، كل واحدة منهن برزت محاسنها بثلاثة ألبسة، لباس السهرة، ولباس السباحة، وكذلك اللباس الرسمي لبلدها والذي سيشارك به الفريق في مباريات المونديال.
وتالفت لجنة التحكيم من صحفيين ولاعب بلغاري سابق وحكم مباراة سابق والمدرب الألماني السابق تورستان فينك
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: علي محمد الفكي)
|
Quote: أهم ما في مونديال 2014 |
تاني قمتَّ علي جنك وتاورك الضرس بعدما قطعنا بك نصف المسافة جهة الشرق وكان عشمنا القرب من الزيداب تاني رجعت هههههههههههههه ما إنتَّ إتوكرت في بلاداً بناتا بلا المهور الجامحة فوق الريح تشابي سنونهن زي شُخب الحليب الصافي يرهج في الكبابي رقابن زي رُقاب الريل علي الحدب البعيد شرفن لي هِوهِيو كــ لابي ودريباتن عُقاب التيه ومافي خبير بشق التيه علي بلد الدوابي ( إلا انت شقيتو وتاني بدور ترجع لي ههههههههه ) وقال ودبادي وعيونهن تشرك للموحد والضلالي كتوفن مابقول عكف السروج لكن بشوف فوقن مخالي ( وكان هذا أيام موضة شنطة اليد في البندر مخلاية زي مخلاية ود وقيع المعلقا في سرج حمــ ارو في الزيداب هههههههه ) عِتمان كيفنك
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
هوي ياعتمان ارعي بي قيدك انت فتا من هنا شايل كيتتك،،وغناياتك معاك ماتقول لي تفتيحه ولا غيرو يمين يلم فيك هندي يلولح ليك راسو صديق انت مخ تمام صديق انت بابا سيم سيم صديق انت معلوم واجد والفحك فد لفحه بنك باركليز ما يعدلك تاني... بطل الفارغة وسكسيك الحفلات وابقي لينا في العيشي باقي اني وخيي ودالمدير بقيت املنا يابه اغني زول نصاحبو ود موسي قال لي..
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: عبد الحميد البرنس)
|
عزيزنا الكاتب الكبير عبدالحميد البرنس سلامات الجن السنة دي حيحتار حيرة السنين . الجن حيجن حتجهجهو ليكم شاكيرا بي السامبا وقبل ما تفك منو دهشة الدبكة الخليط عربكولمبيانو حيدخل في بنج دهشة نيمو . يا عبدالحميد يا أخوي ديك الفجج من أمريكا السنتر وأمركا الجنوب كلام تاني . كلام براو براو . تحياتي ولا تخليك بعيد عن مدرجات الدلوكة
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
Quote: وتر شاكيراء وكفر نيمار وبهجة المشجعات . 2014 |
عزيزنا الـ CEO عثمان موسى. ياخ العنوان براه أهم من المباريات ذاتها. وبعدين شاكيرا بت الفينيق دي عبارة عن كوكب منيف اشرق من فوق لغصن البان. غايتو لو غنت بالدلوكة للفريق الكولومبي" عجبوني الليلة جو" احتمال كبير المونديال ده يكون آخر مونديال في تاريخ البشرية.. بت عندها قدرة تعمل زلزال!!
محبتي
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: عبد المنعم سيد احمد)
|
Quote: عارف يا عبدالمنعم البت دي وبي الكعب العالي ده ممكن تلطش ليك منتخبنا 6 صفر . |
اوسكار والله يا عثمان. وتحية عبرك لأستاذ عبدالمنعم سيد احمد. فقد رفد البوست بكليبات وصور مبهرة وآثرة. غايتو يبدو لي دفاعات الفرق الحتقابل البرازيل والبرتغال والارجنتين حيسفوا نجيلة. غايتو إلا يستعينوا بالدفاع المدني والرصاص الحي!
محبتي
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: الفاتح ميرغني)
|
عزيزنا عبدالمنعم سلامات لو تابعت في القنوات حتلاقي المدن البرازيلية في أستعدادها للعرس قد تكحلت وربطت الحريرة وضرضرت الضريرة ونقشت التاتو علي الخدود السادة . كأس العالم يا عبدالمنعم ما عاد هو الكورة ساكت . لا لا . كأس العالم أصبح أكبر شو للتجارة والسياحة وللجمال وللفنون العريضة . تحياتي
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
عزيزنا أستاذ الفاتح سلامات ياخ ما تحاول تختف رجلك ناحية ريودي جانيرو حيث العرس . ياخ ماتحاول تطبقليك معاك كمرتين وتكسح مع الكاسحين الي بلاد البن والكيف والمزاج واللعب بي المزاج . الجمال في ديك المكانات يتسع كل يوم .. دايرنك ياخ تعمل ليك مقابلة مع شاربوفا الزولة دي حتكون هناك في المولد . تحياتي
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: عبد المنعم سيد احمد)
|
البرازيل حظها شاربوفا يا عبدالمنعم حتكون هناك . البرازيل حتنيش كل شلل العصافير الوديعة دي بي فد حجر . شاربوفا حتتفرج في السحر والعالم حيتفرج في سحرها . قالوا في شركة يابانية حجزت ودفعت حق الأقامة في جناح كامل في فندق 7 نجوم . نعم 7 نجوم ما 5 . شاربوفا حتعمل دعاية مضرب تنس ياباني جديد . ( مضرب ماركة شاربوفا ) وعطر شاربوفا ونحن حنعمل ملاح تقلية شاربوفا .
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
Comments3 Comments Swooping into Rio de Janeiro by air, gazing through the window at the majestic rocks and handsome beaches, affords the traveller one of the most memorable entries to a city, rivalling landings into New York, Sydney, Cape Town and Hong Kong. Rio takes the breath away. It can also take the wallet away. The World Cup in Brazil promises intoxicating football, charismatic hosts, stunning locations and an unmistakable undercurrent of trouble. In Rio alone on previous visits, this correspondent had his credit card skimmed and was chased from the terraces of Vasco da Gama yet the desire to return again and again remains unaltered. Brazil does that to visitors, proposing a relationship of charm with a hint of harm. There will be those fans who wish never to leave Rio. Some will vow never to come back. In a country where unpredictability is one of the constants of the traveller’s life, Argentina and France could be two of the teams to challenge the existing order. Powerful cases can be made for the hosts Brazil and the holders Spain but the temptation to fling a few crumpled Reals discreetly on Argentina stems from five compelling reasons. It seems preposterous to suggest that Lionel Messi, already one of the greats of the game, journeys to the World Cup with a point to prove but the little magician with the big heart needs a command performance on the global stage. Messi’s cause could prove Argentina’s catalyst. Garlands have been thrown at the feet of others over this year and last, at Cristiano Ronaldo and Real Madrid, Atlético Madrid and Bayern Munich, so Barcelona’s Messi needs to reassert himself. At 26, now is the hour for Messi. He is joined by Gonzalo Higuaand#237;n and Sergio Agüero, giving Argentina the sharpness of a scimitar. Secondly, they have and#193;ngel di Maria, who has been a gliding force for Real from midfield while Ezequiel Lavezzi can add a touch of menace from the bench. Thirdly, they have experienced warriors like Pablo Zabaleta, whose will to win and dressing-room exuberance (if an excessive love of Status Quo) will drive Argentina. They also have Javier Mascherano, who will need to protect a back-line that lacks the convincing strengths of further forward, barring Zabelata and Ezequiel Garay. They need Fernando Gago back fit in midfield.
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: عبد المنعم سيد احمد)
|
عزيزنا طلحة عبدالله سلامات وألف شكر علي المشاركة الجميلة . لا تخاف يا أخ عبدالله . البرازيل في قمة الجهوزية . وشاكيرا يوم الليلة ويوم باكر هي الفنانة العالمية المحلقة في البحر والبر . وهي الفنانة الوحيدة من سنترال أميركا الكسحت قمم شمال أميركا . شاكيرا يازول عالم بي حالو . وخليك متابع محتاجين دعمك الكريم للبوست . تحياتي
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
يا عثمان موسي
داكي الليله لحستنا بي توساني تشن .. الجمايكيه الرهيبة وحسي عايز تجننا بي شكيره ونيمار الماسورة .. وتخلينا ننعل ابو الكورة ..
" اصطدم عصمت معني بود النل في كورة مشتركة .. سقط ود النل ارضا .. ونظر الي عصمت معني شزرا .. وقال له : الله ينعل ابو الكوره البتلمنا مع اشكالكم دي .. "
شكيرا منو يا شيخنا ؟؟؟؟؟؟؟؟
عمر علي حسن
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
ياشباب
جاءتني الفرصة في زمن سابق لاذهب الي البرازيل لحضور مؤتمر المنظمة الدولية للشرطة الجنائية وكنت وقتها ضابطا متوسط الرتبه واشغل منصب سكرتير المنظمه بالخرطوم .. فناداني (معلمي) الاعلي وقال لي بحنان وابوة تعودتها منه .. انت لسة شباب ونحن عجزنا وما حيتكرر المؤتمر ده في امريكا اللاتينية قريبا لكن مستقبلا حتجيك الفرصه تاني .. والماليه ما حتوافق لينا علي تذكرة زياده .. عشان كده خلي الفرصة دي لي والله بجيب ليك فرص بدلها .. .. وضعت الدعوة امامه وقطعت له تعظيم .. بكل نفس طيبه وتمنيت له سفرا سعيدا وعودا حميدا ..
اليوم وبعد اكثر من ربع قرن من هذه الحادثة .. جاءنا عثمان موسي ومعه شاكيرا ونيمار الماسورة .. وشهانا في البرازيل هو واصحابه الذين نزلوا علينا بصور الاستادات التي تشبه كيكة عيد الميلاد وما شابهها من طيبات مارزق الله بها عباده الطيبين وغيرهم من الذين وعد ابراهيم بان يمتعهم قليلا ثم يضطرهم الي عذاب النار وبئس المصير .. ونزلوا عينا بصور الجميلات وقالوا ان سنيناتن بلا شخب الحليب الضاوي يرهج في الكبابي .. وما تركوا برتغالية ولا لاتينية ولم يخشوا الله فينا .. ومن ورائهم عثمان موسي يلوح لنا بالقشطه وكل ما ينزلق من اللسان الي الاحشاء دون عناء او مضغ مثل المسماة شكيرا التي من دون خلق الله زهللنا عثمان موسي بها ..
جلست اخي عثمان قريبا جدا من التلفزيون .. ففرصة اللحاق بالركب قد ضاعت وضاعت معها فرصة المشاهده المباشرة .. ومنيت النفس بمشاهدة مثيرة .. لشاكيرا ونيمار الماسورة .. ضمن مشاهدات اخري سيغفرها لي ربي اذا استغفرته واعلنت له توبتي عن مَبَاراة عثمان موسي ومن تخصصوا معه في زغللة عيون قراء هذا البوست بصور بنات امريكا اللاتينه خاصة وانا اعلم انه غفر لي ما تقدم من نظرات لبنات الكاريبي بعد عدد من الحجات وتوبة نصوحه امام بيته الحرام
شاهدت الافتتاح البسيط .. وبحلقت بتركيز عال في كل راقصة وعارضة ومشجعه .. غير انني لم ار او اقابل شاكيرا .. ربما اني قابلتها ولم اعرفها .. ثم مضيت لاهتمام اخر ومباراة البرازيل تبدا .. فوجدت نيمار الماسورة في مقدمة من يرتدون شعار السامبا ... ولكني لم اجد ولدنا سيرجيو الذي سجله الهلال قبل شهر واتضح انه ماسورة .. طيب ليه ؟ .. وتقافزت الي ذهني نظريه المؤامرة وهي النظرية الاقرب لعقول الشعب السوداني كله .. وايقنت بان الوالي دفع للمدرب البرازيلي لكي يستبعد ماسورتنا من الفريق .. والا فلماذا لايلعب سيرجيو ويلعب نيمار .. مش كلهم مواسير ؟ واحرز نيمار الهدف الاول .. ولم تظهر شاكيرا .. ثم تقافزت كل عيون المشجعين عندما اقدم علي لعب ضربة الجزاء .. وايضا لم تظهر شاكيرا .. وسجل الهدف الثاني .. ولم تظهر شاكيرا .. ضحك عليّ عثمان والله شنو .. وخرج نيمار .. ولم تظهر شاكيرا .. .. ويبدو لي ان العتب سيطلع علي النظر ..
يا عثمان .. وعلي الصفحة الاخري وجدت ان الشرطه تضرب المعلرضين لكاس العالم بوحشية لم تضرب بها الفرقة البرزيلية الفريق اليوغسلافي في المباراة التي انتهت لصالحهم بثلاثة اهداف وهدف رابع اكرموا به ضيوفهم ليغطو علي البشاعة واحذية الجنود التي كانت تدوس رؤوس المحتجين وهم يكتفونهم ويهزئونهم .. رغم انهم اصحاب رأي سديد واصيل في ان الصرف البذخي علي كأس العالم اولي به الشعب البرازيلي الفقير البائس ..
وقطعت الصورة الجميلة للعرس الكروي وبصقت علي ما انفقه اشباههم من المليارات لتجميل ملعب واحد فلم يبلغ مستوي زريبة اغنام بالمقارنه مع الملاعب التي تعرضون صورها هنا .. وقلت لنفسي .. يمكن شاكيرا ذهبت لتري المفخرة في السودان ..
ساتابع بعين واحده عرس معشوقتي .. وفي قلبي حسرة علي بلدي الذي لايبلغ طموحه التواجد في هذا العرس وانما ينحصر في مجرد التوصل الي وسيلة لمشاهدته .. وبالعين الاخري اتابع ابناء السامبا خارج ملاعبهم البالغة الفخامة والجمال واحذية الجنود تدوس علي رقابهم لتسكت صوت الجوع والحاجة ..
وليس لدي عين ثالثة للبحث عن شاكيرا .. وسابقي علي جهلي بمن تكون وكيف تبدو .. مع اننا لا نملك اسنانا للمهلبيه .. يا ولدي
عمر علي حسن
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: عبد الحميد البرنس)
|
عزيزنا أستاذ عمر سلامات لو لا لوية يد البلد . والله يا أستاذ عمر الزيك كان مفروض يكون في قلب العرس . عارفك .. و عارف قلبك مكندك حسرة علي موت الطموحات . وعارفك شايل صورة د / حليم في عينك وعارفك شايف جكسا يتلتل ويموج في أستادات الدنيا والعالمين . صور كتيرة وأمال وخيالات رأحت ساكت بعد الطوفات . كان ممكن نكون زي البرازيل . ولا ( أت ليست ) زي كولمبيا .. مالو ؟ ياخ عليك النبي الاحباط البخلي الزول يبكي في جابودي شاكيرا هو أحباط هين . تحياتي يا أستاذ
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
يا شيحنا عثمان
قال الشاعر .. والطير يرقص مذبوحا من الالم .. لكن اخوك لا .. اربعة ايام .. وانا ارقص مشدوها مما اري .. والاغرب والاعجب انني اعيش حالة من استقرار السكري وانضباطه التام كادت تشغلني بنفسي عما يجري في العالم ..
السكري جاءني وانا انسان منضبط تماما في كل شيء .. لا اكل السكر .. لا افرط في السهر والاجهاد .. رياضي .. امي ما عندها .. ابوي ماعندو .. الخ الخ الخ .. ورغم ذلك اصابني هذا الداء اللعين فخضعت لما يريد وضبطت حياتي عليه .. ورغم ذلك ازدراني .. واذلني وفرض علي رهبة وتوجسا .. وصار يطلع وينزل علي كيفه .. وهذا الحق بالذات ليس مكفولا لي انا ذاتي في اي من الدساتير والقوانين والقواعد حتي المنزلية منها ..
في الايام الاربعه الماضية اعتبرت نفسي في اجازة شاملة من الشواغل بخلاف كاس العالم بالبرازيل فوضعته علي راس اسبقيات حياتي اليومية .. بهدف التركيز الكامل علي مشاهدة فنون الكرة والتأمل في جمال المنشئات والاستادات ومظاهر وسلوكيات وادبيات التشجيع .. ولا بأس من التأمل في اشكالهم وسحناتهم واناقتهم وجمال وجوه اكثرهم وخلوها من العبوس والتجهم .. و لا بأس ايضا من البحث عن شاكيرا بينهم .. وعدم الاشتغال بالمقارنات .. خاصة بين ما نري هنا وما نعرف عما بالسودان .. وكذلك عدم شغل الذهن بالمصاعب والتعقيدات الحياتية اليوميه هنا من حرارة الجو والاسعار وضغط المرور وازدحام الطرق ومفاجات الفواتير وتساقطها علي الراس ..... كله مؤجل .. الي ما بعد الكاس
وفي اليوم التالي لمست تغيرا في مقاس السكري .. وفي اليومين الثالث والرابع وجدت تباتا في قياساته .. وتاكدت صباح اليوم من هذا الثبات .. ولانني اكاد اعرف البرازيل شارع شارع وحار حارة وزنقة زنقه من كثرة ما قرات عنها وعن مدنها واهلها فقد كان خيالي يسبق كل مباراة الي المدينه اتي تقام بها .. وبالامس انتابني فرح غامر وانا اهبط مدينة ريو دي جانيرو الجميلة الخلابة .. وادخل ستاد ماراكانا الذي يسع مائتي الف متفرج .. وشعرت بانني حضرت لمقابة خاصه مع ميسي ودي ماريا وطلبت من ميسي كسرة بعدها تهديفة .. فحققها لي .. واتخمني بالرضا ..
هل السكري مرض نفسي .. تسببه الضغوط والمصاعب الحياتية .. والتطلعات غير المجدية التي نعيشها نحن اهل السودان
هل كرة القدم العالمية .. او غير العالمية .. احلي وامتع عندما نشاهدها بحب وبلا ضغينه وان الاستمتاع بها وحده يمنع امراض العصر
وهل ستاتي شاكيرا الي البرازيل .. ام نكتفي بالحلويات المنثورة في الاستادات عمر علي حسن
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: عمر علي حسن)
|
Quote: هل السكري مرض نفسي .. تسببه الضغوط والمصاعب الحياتية .. والتطلعات غير المجدية التي نعيشها نحن اهل السودان |
سعادة اللواء الرياضي المخضرم عمر حسن في البداية كدا شوق بحور لشخصك ولحرفك السمح الجميل أستمتع وأنا أقرأ لك دوماً ودا ما شُكر لكن حقيقة والحق يقال
نعم العلاج قاسي شديد أن تقطع علاقتك مع الخبر الجاي من البلد أعلم أنه شئ مؤلم زي قلع الظفر من لحمه لكن دا سبب تحرك زئبق التيرومتر السكري فوق تحت
عثمان دا كان عاوز ويموت ويلم في تلفونك أتصلنا بك لكن تلفونك الذي معي كان خارج الخدمة إن شاء قدر يخابرك هاتفياً تحياتي ومودتي سعادة اللواء
اضحكتني قصة ود النل وود معني كثيرا لكن عِتمان ود موسى جا الخرتوم من الزيداب حوفا معدي الجوازات المطار وهاك كُف أمريكا هههههههههه نسيت اخد لي فترة ( ايام الدراسة لكن من البركس ما كان بطلع يطفح في شاي البركس ) هههههههههههههه
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: خالد علي محجوب المنسي)
|
لك التقدير يا منسي
تلفوني الذي خرج من الخدمه خرج لاسباب نفسية ايضا .. .. وبقي عندي تلفون واحد هو +9712210862 .. مرحب بيكم
واحد زميلنا اماراتي عنده اربعة موبايلات .. مرة الاربعه ضربوا سوا .. انتظرته لغاية ما خلص .. وسالته دا شنو دا ياخ .. قدرت تتكلم مع الاربعة في وقت واحد .. قال لي لا ديل ثلاته (بس) .. واحد ضرب لي من تلفونين في اتنين من تلفوناتي ...
تحياتي .. ولتبحثوا معنا عن شاكيرا .. قبال عثمان موسي ما يرسلها الزيداب
عمر علي حسن
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: عمر علي حسن)
|
Quote: لك التقدير يا منسي
تلفوني الذي خرج من الخدمه خرج لاسباب نفسية ايضا .. .. وبقي عندي تلفون واحد هو +9712210862 .. مرحب بيكم
واحد زميلنا اماراتي عنده اربعة موبايلات .. مرة الاربعه ضربوا سوا .. انتظرته لغاية ما خلص .. وسالته دا شنو دا ياخ .. قدرت تتكلم مع الاربعة في وقت واحد .. قال لي لا ديل ثلاته (بس) .. واحد ضرب لي من تلفونين في اتنين من تلفوناتي ...
تحياتي .. ولتبحثوا معنا عن شاكيرا .. قبال عثمان موسي ما يرسلها الزيداب
عمر علي حسن |
ويظهر أنَّ الكي بورد برضو وصلتو الحالة النفسية الشاكرية لانو جاب لي رقم عجيب لا فيه 050 ولا 055 ولا شئ 056
المهم حمنت حسب الحالة النفسية بتاعتي وقلت تلفونك 050122 ونكتفي لي هنا حتى الطيب شيقوق ما يقدر يعرفو هههههههههه عثمان دا لو لما فيها بشلخها مطارق ههههههههه شاكيرا دي تحياتي سعادة اللواء
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
الان يا عثمان اكتملت تجربتي لعلاج السكري بالدواء الناجع (كاس العالم) .. وبما ان الدواء لا يتوفر الا كل اربعة سنوات فاننا نبحث عن وسيلة لتوفير هذا الدواء للاستعمال علي طول ..
ياخي ؟؟ هذا الحدث اضفي علي العالم جمالا لم يكن ليتحقق بسواه ..
واول منتجاته انه اسكت الزوجات عن النقه بسبب غياب الازواج خارج البيت واصبح مستحيلا ان تجد اي زوج خارج البيت بعد المغرب ..
الزوجات لا يهمهن ان يكون الرجل مفيدا .. خلال تواجده بالمنزل .. المهم انه ما يمرق ...
كذلك فقد شغل الحدث الزوجات ايضا فاصبح هناك موضوع مشترك بينهن وبين الازواج .. بل ان زوجتي اهدتني (امساكية ) كاس العالم .. كما اطلقتُ علي جدول المباريات الذي يوزع مع الصحف اليومية ....
وخلي بالك مافي مشاوير .. مافي طلبات .. مافي كلام كتير في التلفون .. وبس .. طيب السكري يرتفع كيف ؟
اما المكسيك والبرازيل والله تشهي في الكوره ؟؟ ونسبة الجمال الفي المدرجات لفتت حتي انظار الحريم .. قالت لي المدام بالله شفت البرازيليات سمحات كيف ؟
طبعا اخوك عمل اطرش .. قلت ليها شاكيرا ما لاقتك ؟؟؟؟
عمر علي حسن
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: عمر علي حسن)
|
عزيزنا أستاذ عمر بعد السلامات دأير أبارك ليك الخبر ده . ياخ في عز شعللة المونديال طلعت نشرة من معهد في بالتمور مريلاند عن السكري . أكتشاف دواء جديد يا عمر للسكري يمسح السكري مسح الدوكة من العجين . .. وقصة وصفك الذكية والمضحكة لنيمار بالماسورة خلتني أفكر في دخول جدودنا الي بلاد الاندلس . كلمة ماسورة العربية كلمة شايعة الاستعمال في دول سنترال أميركا وبي نفس الوصف ( ماسورة ) مع شوية أختلاف في النطق ( ماتورة ) بس ياخ الزول ختري وحنشوف .
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
يا عثمان اولا عشان تعرف .. نحن نرقد علي ذخيرة من الاداب والفنون والثقافات التي لم تتوفر لاي من شعوب العالم ذات العرق الواحد فاكثرها حصر في نطاق ذلك العرق ولم ينل من الاخرين غير التواجد معهم .. ولكننا جمعنا .. ما خلينا عرق .. لذلك تجد دارجيتنا مليئه بالمفردات والمعاني والاخيلة الغريبه والتي اذا تابعتها تجدها باصلها ومعناها واستخداماتها موجودة لدي اخرين يبدو ظاهريا الا علاقة لنا بهم ..
قلت لي ماتورة .. .. الولد لعاب اتاريه .. والماتورة مدرب برشلونه .. الذي اخضعه لسطوة كبار لاعبية .. ومنذ اليوم الاول للمونديال وضح لي ان نيمار ضحية وانه في ختام الدورة سيودي ناس كتار التوج ..
هذا يحدث عندنا بالسودان ايضا .. وانظر جيدا فستري ما اعني ..
المهم الولد لعاب ويستحق المئة مليون التي لهفوا نصفها ولهف ابوه نصف النصف وخلوه يتلفت ويدفع فاتورة النجيهة والضغوط الاعلامية الهادفة لتحويله وصرفه عن لعب الكرة كما لعبها عند اهله في الارض التي انجبته
اما السكري .. فما تسمع .. غير دواي ماعنده دوا .. .. كلم ناس بالتيمور اذا عايزين يساعدونا فليسارعوا الي اعلان مونديال عندهم بعد نهاية مونديال البرازيل
ويا حبذا لو جابوا فيه شاكيرا
عمر علي حسن
| |
|
|
|
|
|
|
Re: وتر شاكيراء وكفر نيمار وبهجة المشجعات . 2014 (Re: Osman Musa)
|
Quote: عزيزنا خالد المنسي السلامات لاحد لا عد وين يازول ؟ شالتك الكورة ولا عصلجت عليك شاحنة الدليفري ؟ لا تبعد يازول يا زين |
والله يا عثمان أكتر بوست متابعو بدخل اقرأ لدرر سعادة اللواء وجمال صور وفيديوهات عبد المنعم وأتخارك اليد بقت تقيلة في الكي بورد أظنو من السكري كدي شوف لينا موضوع الداء بتاع الدوكة دا خلينا نمسحو ونتبلبل شوية كملنا من لحم الدنيا
| |
|
|
|
|
|
|
|