|
|
 في الرصيف مستني ... ولي الثواني بحاسب ... عثمان الشفيع ود معزة والقرشي
|
كنت قد نثرت بعض من ثمر لشجرة وارفة في سيرة الفنان الرائع
عثمان الشفيع
كما يحلو لنا نحن أهل شندي تسميته عثمان ود معزة وكان يعزها كثير عليه رحمة الله
وهي الوالدة والتي خلّف ذكرى اسمها في نور عينة المهندسة معزة ( ابنته )
لكن رأيت أن نخصه ببوست
وقد أحمل في معيتي كتاب كتبه الكاتب الجميل
نادر أحمد الشريف الحبيب
سوف نورد ما قاله الاستاذ نادر
للفائدة فقط للذين لم يقع هذا المطبوع في أيديهم
|
|
  
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: Quote: في الرصيف مستني ... ولي الثواني بحاسب
اكيد منتظر اكسبريس حلفا |
فيسل هليل
مسكاقنا
ويم الأحد والأربعاء كان مرور قطار حلفا وكريمة
حلفا بدخل مدينة شندي الساعة 10:30
وكريمة بدخل شندي الساعة 12:30
ونزلوا سمفورو
لي مرورو براهو
دا قطر حلفا وكان بكون عامر الاسنطور بتاعوا بأشهى أنواع السمك العجل ههههههه
لكن المرمطول الحلفاوي واقف ديدبان في باب القطر في البوفية مابخلي غير بلدياتو يدخل
ههههههههههه
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
عندما توفى والدهما ( ذكريات ومعزة ) كانتا صغيرتين في السن ولايتذكران كثيراً من الأحداث
فأبنته الكبيرة أسماها ذكريات على الأغنية الشهيرة ( الذكريات للشاعر القرشي )
وأما الصغيرة ( معزة ) على أمه عليها رحمة الله وعيله الرحمة الفنان الكبير الشفيع
وقد كان يكن لوالدته معزة إعزازاً كبيرا
صادف يوم زواجه الأول في شندي 1969 نفس اليوم الذي توفى فيه صديقه وشاعره محمد عوض الكريم القرشي
وقد حكى لي جاره في الحي كمال سنوسي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
سلامات يامنسي
ومرحبا بيك وبي ارصفة الشفيع
وقطارات ود القرشي.....
وللقطار ذكري وحنين دافق مع
جيلنا ... خاصة ابناء المدن والارياف
الذين كانوا يستقلون القطار في حلهم وترحالهم
فظهرت في اغنيات ذلك الجيل
مع قطار الشوق متين ترحل
والقطار المره فيهو مره حبيبي
وقطارو حله ياناس قطارو حله
والقطر الشالك انت يدشدش حته حته
وقطارو القام خله القليب مليان الام ليه ياقدر
ويوم بابوره قام فره ومعاهو اصبحت في حسرة
من الدبه وانجره وسريع النهمه فاته جره
جروح قلبي الابت تبره .
متابعة لصيقة وحكايات وطرائف مع الرصيف
والقطارات والمؤاني .
تحاياي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: محمد عبد الله الامين)
|
أخي الجميل هارون دياب
أبحرت وأفدت فعلاً كان زمن جميل ولوقت قريب كانت ثقافة أستقبال القطارات لا شغلة لا مشغلة هم الكثيرين
يستقبل ويودع وحتى لو ماعندو زول مسافر
الرصيف في المحطات الكبرى تراه يعج بخلق تقول لو رميت مسمار ما بقع في الواطا
وغنى شعراء بلادي لكل ركوبة حملت الحبيب وأبعدته عنهم
غنوا للقطار ( قطار الشوق متين ترحل تودينا )
غنوا للّوري ( يا اللّوري عليك الرسول بوري )
غنو للبص السفري ( ليه تشيلو يا حدباي .. وحدباي دا خال صديق الموج عندو أسطول بصات شندي الخرتوم )
غنوا للباخرة عندما حملت الباش داية أسيا من الأراك لكسلا ( اسيا بابورك في الأراك )
غنوا للحمل في مساديرهم ( المسادير شهود بذلك )
أنظر أخي هارون دياب لهذه اللوحة التي تجد فيها مزيج من حزن وشعور حلو من أجترار ذكريات المحطة
التي هلكت بفعل فاعل
الأشرجي تراهو الإشارة أداهو
نزلّوا سيينفورو لي مرورو براهو
وهي مصطلحات المحطات قبل دخول القطار للمحطة اشارة من مكتب التلكي لعامل السينفور أن ينزله
في وضع منحني لاسفل يفهم منه السائق أن رصيفه جاهز تتم عملية لا أفهم فيها لكن التحويلة فيها
ينزلق القضيب من جهة لاخرى ليجعل القطار يمشي في مسار رصيفه المعد له الدخول فيه
يا سلام يا هارون
وهنا تجد ثقافة القرشي ( المحطية ) لو صحَّ التعبير تبدو جلية ههههههه
خليك قريب يا رائع
تحياتي
( برج السينفور هو كبرج المراقبة في المطارات اللذي ينظم
حركة الطائرات في مدرجات الهبوط والإقلاع )
وهي تلك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: استاذي خالد المنسيى اولا احييك واحي مبدعناالشفيع في علياءه
ونسال الله له ولشاعرنا الفذ ود القرشي
الرحمة والمغفرة فقد شكلا وجداننا بروائع لن تنسى مدى الدهر ,,,
والحديث عنهم حديث ذا شجون لم ولن ينتهى ابدا,
ويا ريت تزودنا بكلمات اغنية القطار المرة كاملة اذا امكن ذلك ..
وانا اهو في الرصيف مستنيك بس ما تطول الغيبة ...
تحياتي : ياسر العيلفون |
أخي الفاضل ياسر السر
حمكت عليك النشأة أن تكون زول متذوق للفن وأنت ترعرعت في بلاد كانقوتهم المفردة شعرا
وشرباهم اللحن أداء على مر الزمان
زاد الفن فيهم حد الأبتكار والصناعة ( فاروق بقيص ههههههههه )
سوف أنزل كلمات القصيدة يا حبيب
ولك لشكر على المرور البهي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كلمات القصيدة
والشاعر طبعاً محمد عوض الكريم القرشي
القطار المرا فيهو مرا حبيبي
لي علي ما مرا ونلت مقصودي
في الرصيف مستني ولي الثواني بحاسب
إمتى يظهر نورو الليهو ديمة أراقب
ألقى فيه هنايا ويلقى فيَّا هناهو
ننسجم في هنانا الكون يا مريودي
الأشرجي تراهو الإشارة أداهو
نزلوا السمفور لي مرورو براهو
قلبي زاد خفقانو وزاد كمان في ولاهّو ( من الولاء )
للحبيب الماري الليهو طال شوقي
القطار يتهادا حلَّ في وادينا
يلا نجري لروحي المن زمان ناسينا
السلامة سلامة .. يلا أنزل بينّا
ما مهلنّا دقيقة وبس طار بي محبوبي
آه خلاص جنيتّا في المحطة بكيتّا
للسعادة الكُنتا أنا ليها إستنيتّا
قلبي ديما معاكا لو جفيت وأبيتّا
يا القطار تدّشدش الشلتا محبوبي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الأستاذ نادر أحمد الشريف عن حياة الشفيع قبل المجئ للخرطوم وعاصمة الفن أم درمان
وقال
عُرف الشفيع في شندي كفان هاوي للفن منذ عام 1942
وكان يردد أغاني حقيبة الفن في بريقها ولمعانها والتي يطرب لها كل أهل السودان
كان يردد أغاني الشاعر الخالد خليل فرح وكُل الأغاني المشهورة في تلك الفترة ..
في بداية حياته كون ثنائي مع أحد مطربي شندي وهو صديقه الفنان علي الأمين عمر
وكانا يغنيان في الحفلات وبيوت الأعراس في شندي مرددين أغاني الحقيبة
وهنا لي تصحيح بسيط نعم غنى عثمان الشفيع كغيره من المطربين بدوا حياتهم بين أهلهم وعشيرتهم ثم
إنتقلوا للعاصمة البندر لكنه لم يكن ثنائي مع علي الأمين
علي الأمين عرف في شندي رمز فني فريد لوحده قد يكون غنى معه ثنائي مرات وهي كانت عادة الفنانين
في الحفل يسمح لكل مبتدي أن أتاحة فرصة ليستمع له الناس ( وكان زمان سمحة فيه النفوس )
بدأ عثمان الشفيع يغني لاصحابه في جلساتهم وكان يحرص لحضور الحفلات التي تقام في شندي وكان
في ذلك الزمان يغني في شندي العمدة عثمان محمد بادي عم الفنان الرائع عليهما رحمة الله
عصام الجاك محمد بادي والفنان بشير بادي عبدالرحمن والفنان علي الأمين وكلهم كانوا هاوين الفن
ما تغنوا بفلس بل مجاملة لأهلهم في أفراحهم وترويح لعشق في نفوسهم للمفردة والفن الراقي الأصيل
عثمان بدأ وكان هولاء الفطاحلة في قمة ساحة الفن في شندي أخذوا بيده وأثنوا عليه وشجعوه بإتاحة الفرص
ليظهر لجمهور شندي وقد كان لمع صوته في شندي واحبه أهل شندي وكان معروف بينهم عثمان ود معزة
وما سميَّ أنتقاصاً لقدره ( نادوهم بأبائهم ) بل تيمم باليوم الأخر عندما ينادوا البشر بأمهم فلان ابن فلانة
وتوقير لمكانة والدته التي شقت في تربيتهم بعد وفاة الوالد وهم صغار وكان عثمان بكرها (كبير الأسرة )
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الاستاذ نادر
( تعلم عثمان الشفيع العزف على العود وكان يغني أغاني الخليل ( بالات في الضواحي وطرف المدائن )
والتي غناه اساساً الفنان إبراهيم عبدالجليل وأإنية ( عزَّ وصالك ) للشاعر مصطفى مطران
والتي كان يؤديها فنان من بحري أسمه عوض دراج )
وكان يغني الأغاني التي أحبها ناس شندي
عيون الصيد النعسات عيوني
والهجروك حبي
ومرضان باكي فاقد
وخلي العيش حرام
وهجروني هجروني .. هجروني ما ذنبي
وأغاني الفنان الرائع الجاغريو كلها
وهناك كما ذكرت في مكان أخر
كان هناك عشق بين أذن السمع الشنداوية وقول اللسان العليفوني أحبو أغاني
الجاغريو ومبارك حسن بركات واحمد المصطفى وعلى رأس كل هولاء فن الرائع محمد ودالرضي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
منقول من كتاب شاغل الافكار
( يقول فيه كان عثمان الشفيع في بداياته متأثراً بالأغنية الوطنية لذا كان يردد
أغاني الخليل ومصطفى بطران شاعري الأغنية الوطنية في ذلك العهد وكانت حياتهما
سجلاً حافلاً من النضال الوطني ورمزا لها في أغانيهم بذكر أسم ( عازة أو عزة )
وهو اسم زوجة البطل الثائر علي عبداللطيف وهم إتخذوها رمزاً يعني أم درمان العاصمة
الوطنية )
ونحن نقول تأثر الفنان كغيره من الكثيرين من مثقفي مدينة شندي في ذلك الزمان بالحراك
الوطني في ذلك العهد وما عطبرة عاصمة النضال عنهم ببعيد قامت حركة نضالية تعمل في الخفاء
وكانو أجتماعهم في قهوة بابو فاتح الريح المشهورة ودكان الشفيع نفسه كان ساحة لاجتماع مثقفي شندي
وكان يعمل خياط ( ترزي )
الشفيع جمع بين الفن والعمل النضالي من سن مبكرة ويشهد له أهل شندي بذلك لم نحضر ذاك الزمان
لكن سمعنا أن قهوة بابو فاتح الريح كان من المستحيل أن تجد فيها كرسي للجلوس للتناول كأس شاي
تعج بمثقفي شندي وضواحيها شرقاً وغربا
وفي تلك الأيام أشتد عود الحزب الشيوعي في شندي .. وعلى رأسه نقيب العمال الشفيع أحمد الشيخ
وهو من أبناء شندي أولاد وعائلة الياس برمتهم .. عيلة النجيب
تحضرني قصة ظريفة ذكرها خليل الياس في كتابه المشهور كوبرهاجن
قال الانجليز يوم قاموا من الصباح لقوا الشيوعيين مالين الحيط بالشعارات وبدوا حملة أعتقال
جاءوا لاعتقال جدنا عثمان بادي ود العمدة طلعت امه وفتحت الباب فوجدت العسكر وفقالوا لها اين عثمان
أجابتهم مالو ؟ قالوا هو مع الشيوعيين وكاتبين شعارات في الحيطان
ردت الله ولدي عثمان ما معاهم وعثمان ذاتو أمي مابعرف يكتب
وفي تلك اللحظة كان هو سمع الكلام وجاهم مارق
وقال لامه لو ما بعرف أكتب الجردل بتاع الجير ما بعرف أشيلو
عثمان الشفيع نشأ وترعرع بين هولاء المناضلين فكان لابد أن يكون متشبع بالنضال والوطنية
وقد كان لذا تأثر حتى فنه بهذا النمط من الغنا
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كل أغاني عازة
التي تغنى بها الشعب السوداني
للشاعران : مصطفى بطران والخليل فرح
كان تنظم ظاهرها أغنية لحبيبة غزلية وفعلاً كانت لحبيبة رمز الوطنية مدينة
أم درمان
كانت اغنيات وطنية
وكما ذكرنا عازةهي زوجة البطل السوداني علي عبد اللطيف ركز الكفاح والنضال هو رفاقه
ضد المستعمر
وهنا نتطرق لاغنية عازة الفراق بي طال شعر خليل فرح
سمعت مرة في حفل بنت من أهل عثمان الشفيع وهذه البنت كان مربيها الشفيع من هي صغيرة معه يوم زواجها احى لها حفل في
شندي ما سبق له مثيل وغنى يومها بس بالعود عزف له عازف ماهر جاء معه من الخرتوم لا أعرف اسمه
كنت صغير حينها لكن كنت أستوعب الفن واتذوقه أعجبني كثير طريقة عزف ذاك
الماهر وغنى الشفيع اذكر يومها أغنية عازة الفراق بي طال وأغنية عازةوصالك ورى بعض
هاجت وماجت الحفل بما فيها استغربت يومها لما كل هذا .. وكنت لم أعي ان القصيدتين من الاغاني الوطنية
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
قصيدة \ عازة وصالك \ للشاعر مصطفى بطران
مالقيتلو مثيل ويا النفيسة خِصالك
عازة عزَّ وصالك
دُرتَّ أحاربو غرامك وأفني عمر قصير
جاني جيش أشواقك وحاز علي النصير
قلتَّ اترك حبك صار عليَّ عسير
ليه لانو مقيد وفي هواكِ أسير
عازة حتى جمالك زي غرامي شهير
يا بدايع طَرفة ويا معاني زهير
عازة بهجة حُسنك حايزة كُل تقدير
زي شعاع الشمس الطلَّ فوق الغدير
ليتو لي يا عازة جَناح أحاكي الطير
كُنتَّ اقصد حَيَّك ولرباكِ اطير
عازة عزَّ وصالك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الاستاذ نادر أحمدالشريف
كلام جميل وحلو عن الشاعران نورد منه ما تيسر
كتب عن شاعر عازة عزَّ صالك
وهو الشاعر مصطفى الحاج بطران ولد في عام 1904 في مدينة الخرطوم بحري وتربى بها
كان والده تاجراً .. تلقى تعليمه بالخرطوم بحري والاوسط بالخرطوم ثم ألتحق بكلية غردون
باشا والتي فصل منها بسبب مشاكسته للأنجليز ، وبعدها عمل في مصلحة السكة حديد وتجوّلَ
في ربوع السودان وأيضاً تمَّ فصله من السكة الحديد لنفس الأسباب.
كان شاباً وسيماً انيقاً لفت قلوب الحِسان في زمانه لكنه كان واقع في حبه الكبير للوطن
وكان أسيره ولم ينفك اسره وقد عمد أن يكون يكون اسير حبهوإنعكس ذلك في جُل أغانيه
العاطفية .. كان حميم الصلات بكل رفاقه من شعراء ومطربي عصره ..توفى في عام 1936
بعد صراع طويل مع مرض السل الرئوي
ومن أشهر قصائده
دمعة الشوق كُبي ( وغناها كرومة )
وأغنية أطرد الأحلام يا جميل وأصحى ( غناها الحاج محمد أحمد سرور )
وأغنية عقلي إنشغل بي هواك ( غناها الأمين برهان )
وذكر ان أغنية عازة وصالك التي تغنى بها الكثيرين وأخيراً تغنى بها عثمان الشفيع وبهذا اللحن
غنى القليل من القصيدة التي لاتقل ابياتها عن ثلاثين بيتا
وكان كما ذكرنا سابقاً غناها صديق الشاعر مصطفى بطران عوض دراج من أبناء الخوطوم بحري
وأيضاً تغنى بها الفنان الحاج سرور
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كان لابد من وقفة مع هاتين القصيدتين
عازة وصالك لمصطفى بطران
وعازة الفراق بي طال لخليل فرح
ووقفة مع شاعريهما ووقفة للعشق في نفس الشفيع فيهما
الشفيع كان عاشق ويذوب في النضال والوطنية تغنى للوطن في زمن الأنجليز وحاز من قصب السبق
كما ناله زميلة وصديقه الفنان حسن خليفة العطبراوي لكن في بلادنا ما ذكر ووصف الشفيع بوطنيته
كما أكرت كل الأقلام للعطبراوي حسن خليفة عليهم رحمة من الله كلهم شعراء ومغنين عظام
وسوف نقف مع عشق الشفيع للوطن وحب الغنا له في مساحات قادمة إن شاء الله ومدَّ في العمر
لكن الآن لابد من وقفة مع الاغنيتين بتأني
عازة وصالك ... وعازة الفراق بي طال
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
الحبيب خالد المنسي وضيوفه الكرام
شكرا على إهدائنا هذا البوست الجميل
Quote: يقول كمال سنوسي
بدأ الحفل وكان يوم الحنة ( يعني في دار عثمان الشفيع )
والجميع مسرورون وفجاءة بدأ الغضب والحزن على عثمان الشفيع
عضباً شديد وصارم ويتكلم بكلمات تنم بالحزن ودُهش الحضور لهذا التصرف
ولم يمضي وقت طويل حتى علم الجميع أنَّ الشاعر محمد عوض الكريم القرشي
كانقد توفى بمدينة الأبيض واستغرب الجميع من هذا الأحساس الغريب وتوارد الخواطر |
حكى لنا الراحل المقيم الفنان الأستاذ احمد المصطفى نفس القصة
فقال انهم لاحظوا اثناء الحفل - وهو يوم فرح - أن الراحل المقيم عثمان الشفيع ظهرت- فجأة - على تصرفاته ووجهه علامات التوتر والقلق والحزن والضيق
وبدأوا يسألونه عن سبب توتره وضيقه ولكنه لم يذكر أي سبب مباشر ..وبعد قليل جاء اتصال من مدينة الأبيض ينقل خبر وفاة المغفور له محمد عوض الكريم القرشي
واندهش الجميع حقا لهذا الموقف العجيب .
تحياتي ومودتي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
طريت برق الفويطر الشال
وسال دمعي البكب وشال
كمل صبري ومنامي انشال
لِبس من ناري عمه وشال
في هذا المقطع تجلت شاعرية الشاعر خليل فرح
ما عارف قد أتهجم لكن هذا فهمي للبيت أو بالأصح المقطع
والمقطع عدد من مقاس أمتار او ياردة أو اقدام
أو عدد لابيات
طريت برق الفويطر الشال
جمع بين مشبه ومشبه به وابدع بلاغياً
البرق معروف ( هي تلك الحزمة من الضوء التي تنبعث عندما تلتقي شحنة موجبة ومع شحنة سالبة
في سحابة تحمل المياه غيثاً )
الفاطر هو موضع التبسم عند المرأة في فهما بما فيه الاسنان ( اي الفم متبسم ) يعرف باسم الفاطر
طريت برق الفويطر الشال
ولم يقل برق السواري أو البرق القبلي واو غيره ( وهذه اسماء للبروق في عاميتنا )
إنما قال برق الفويطر الشال
شال المطر اي تعبئ وأستعد للنزول ( رعداً وبرقا )
وشال : اي منصب دون توقف
نفذ صبر وقلَّ منامي
ولبست من همي والنارالموقدا فيا عمة وشال واصبحت النار في كل مناحي جسمي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: ياسر السر)
|
Quote: يا سلاااام متعه ما بعدها الله يديك العافية استاذنا خالد على محجوب
فهذا بوست محفوف بالجمال والطرب الاصيل والواحد ما قادر يبعد عنو
ولا لحظة لذا فانا هنا قابع الى ان يقضي الله امرا كان مفعولا ..
وزيدنا من دلك شوية اخي خالد .. |
ياسر سلااام عليفوني بقدر طيبة اهل العليفون
كل مَن جمعتنا به غربة هم أهل فن واحساس مرهف
لي علاقات طيبة مع المهندس صلاح النص جمعتني به تركيا
الزبير كان درس في مصر زراعة صديق ابن عمي
وصلاح صباحي
بركات الملك درس في سوريا
يا ياسر الناس ديل كانو بقولوا كلام مابقولوا إلا الجن
اقصد الشعراء
اسمع خليل فرح ماذا قال عندما اشتهى الحبيبة التي موطنها مدني
روحي ليه مشتهية ودمدني
تسلم يا ياسر والمقام مقامك
منانا ان يطييب لك القمام ونكون عند حسن ظنك
تحياتي ومودتي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الاستاذ نادر في كتابه
شاغل الافكار
يقول :
زار مدينة شندي في تلك الفترة عدد من الفنانين المشهورين من ام درمان
وفي معيتهم أبن شندي الفنان الهاوي حسن سليمان وعبدالعزيز محمد داؤود
وقدموا أغنياتهم في المجالات الاجتماعية المختلفة فألتقى بهم الفنان الهاوي حينها
عثمان الشفيع وسمعوا له وشجعوه أقنعوه بالقدوم لام درمان وتقديم أغنياته هناك
في الأذاعة السودانية وأشادوا بفنه وخاصة أنه قد غنى أول انتاج له
الأغنية التي كتب كلماتها الاستاذ مبارك المغربي ولاقت رواجاً منقطع النظير
الباسم الفتان أحييت حيالي
تعال لي واسيني ولا أنت غالي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: khaleel)
|
آآآآآآآآآآآآآآآآآه !!
القطار المرّ ! تلك الأيام !!
أقرأنيها وأحفظبيها أستاذنا الراحل
عبد الله الخليفة طه الريفي ، عليه السلام
وكان علي أن أؤديها ضمن دوري
في مسرحية لا أذكر إسمها!!
كنت في الثالثة بمدرسة القضارف الأولية الأميرية.
أيامها ، ارسلوني إلى السوق ،
في طريق عودتي سمعت الراديو :
""القطار المرَّ، غناء عثمان الشفيع""
دخلت بيتها ، بيت طيبة العشرة،
سمعت الأغنية ، وأكرمتني طيبة العشرةبكباية شاي.
وصلت البيت متأخراً، سالني لماذا تأخرت؟؟
قلت له:
تأخرت في بيت طيبة العشرة!!!
الوداك ليها شنو يا######؟؟
قلت : عشان القطار المر !!
قطار مر في عينك !! أوع تمشي هناك تاني!!
لم أعرف ، وقتها ، لماذا!!
القطار المر،
تلك الأيام!!
شمراً عزيزي
تحياتي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: dardiri satti)
|
Quote: ليه لانو مقيد وبهواك اسير
سلامات خالدونا والضيوف |
الجميل خليل
عازة أو عزة وصالك
من أغاني إتسمت في تلك الحقبة بمعاني كبيرة وثورية
وكانا شاعرا الانتفاضة في ذلك العهد هما أبناء النوبة
مصطفى بطران وخليل فرح طيب الله ثراهما وعليهما ألف رحمة
وهي من الاغاني المحببة كثير للشفيع والاخرى عازة الفراق بي طال كان يغنيها في شندي كثير
لان أهل شندي يحبوها كثير
رحمة الله على الشاعرين الخليل وبطران والرحمة على الفنان الشفيع
لك الشكر اجزله اخي خليل
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: آآآآآآآآآآآآآآآآآه !!
القطار المرّ ! تلك الأيام !!
أقرأنيها وأحفظبيها أستاذنا الراحل
عبد الله الخليفة طه الريفي ، عليه السلام
وكان علي أن أؤديها ضمن دوري
في مسرحية لا أذكر إسمها!!
كنت في الثالثة بمدرسة القضارف الأولية الأميرية.
أيامها ، ارسلوني إلى السوق ،
في طريق عودتي سمعت الراديو :
""القطار المرَّ، غناء عثمان الشفيع""
دخلت بيتها ، بيت طيبة العشرة،
سمعت الأغنية ، وأكرمتني طيبة العشرةبكباية شاي.
وصلت البيت متأخراً، سالني لماذا تأخرت؟؟
قلت له:
تأخرت في بيت طيبة العشرة!!!
الوداك ليها شنو يا######؟؟
قلت : عشان القطار المر !!
قطار مر في عينك !! أوع تمشي هناك تاني!!
لم أعرف ، وقتها ، لماذا!!
القطار المر،
تلك الأيام!! |
تعرف يا دريري هناك الكثير من الأغاني
تكوني لها ذكريات حلوة من عهد لطفولة في ذاكرتنا
أنا مثلاً هناك كثير من الأغاني أرتبطت في ذهني بشئ معين وأحبها
مثال
اغنية سايق الفيات كنت دوماً اسمعها في راديو حبوتي ( معلقا مننا فوق في رف عشان مانلحقو )
وهناك اغنية الحقيبة
بقول فنانها
وهوي يا جاهلة وطيبك عبق
أنا كنت حافظها وبترنم بها
وين يا جاهلة وطيـــ زك عبق
ذكريات طفولة وحلوة
قريبنا كان بحب أغنية الكنينة للفنان اللحو ذات رة كان بغني اللحو في الكنينة في
الراديو وفي تلك اللحظة رسلو يمشي الدكان رفض لازم يكمل سمع الاغنية
امو ضربتو وقالت امشي تمشي بطنك بلا اغنية بلا زفـ ت
في نهاية الامر قال ليها :
طيب اقفلي الراديو لما أمشي واجي
ههههههههههههه
تسلم يا درديري على المرور المشبع بذكريات للقطار المرا وطيبة العشرة
امش هناك لكن ما تتأخر ويزروك ههههه
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: dardiri satti)
|
والقطار المر ،
فوق إنها أغنية رائعة ،
لحنا وموسيقى ، إلا أننا يمكن أن نقول
أنها أغنية وصفية ، توصيفاً درامياً ،
لمشاعر وأحاسيس محب ينتظر محبوباً ،
الشوق والانتظار ، والمشاعر والأمنيات
الحبيسة المختلطة
ولكن قطاره لم ينتظره
حتى يسعد بالتمتع بمراى ذلك المحبوب،
فتمنى له ما تمنى من سوء المنقلب .....
""الدشدشة""!!!
ولا ننسى أن ود القرشي علم الناس
أن ما يسمونه ب""الصنافور"" هو سيمافور Semaphore
تحياتي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: dardiri satti)
|
والقطار المر ،
فوق إنها أغنية رائعة ،
لحنا وموسيقى ، إلا أننا يمكن أن نقول
أنها أغنية وصفية ، توصيفاً درامياً ،
لمشاعر وأحاسيس محب ينتظر محبوباً ،
الشوق والانتظار ، والمشاعر والأمنيات
الحبيسة المختلطة
ولكن قطاره لم ينتظره
حتى يسعد بالتمتع بمراى ذلك المحبوب،
فتمنى له ما تمنى من سوء المنقلب .....
""الدشدشة""!!!
ولا ننسى أن ود القرشي علم الناس
أن ما يسمونه ب""الصنافور"" هو سيمافور Semaphore
تحياتي
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: dardiri satti)
|
Quote: تعرف يا خالد لما كان صديق الموج بتكلم عن الاغالى والحقيبة بالذات الواحد يجلس مدحش للمعلومات القيمة
والتاريخ الحافل بجافل الفن و الغناء السودانى الاصيل والمعبر
كلمات ليها تاريخها واصالتها وسبب الاغنية
جيا ات المسنوح كملت الناقصة بعد ما الواحد بغيب من المنبر شهور رجعتنا شباب تانى
ابداااااااااااااع بجد ومافى تهريج موسوعة وانا اقدرها فيك يا ود عمى |
الحبيب ابوسنينة
التحية طيبة مباركة
صديق الموج موسوعة في بحر الفن الأصيل وأعشق مداخلاته في كل بوست يخص مفردة حلوة
خليك قريب وإنجم بيننا يا راقي
ولك كل المودة والتقدير
مدحش دي ذكرتني أخ حبيب كان زميلنا في دولة المجر يكثر منها بمناسبة ومن غير مناسبة مدحش مدحش هههههه
ابن الهجر والعجيب كان برضو من محبي المفردة الحلوة ( مصطفى البكري محمد عوض )
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
والقطار المر ،
فوق إنها أغنية رائعة ،
لحنا وموسيقى ، إلا أننا يمكن أن نقول
أنها أغنية وصفية ، توصيفاً درامياً ،
لمشاعر وأحاسيس محب ينتظر محبوباً ،
الشوق والانتظار ، والمشاعر والأمنيات
الحبيسة المختلطة
ولكن قطاره لم ينتظره
حتى يسعد بالتمتع بمراى ذلك المحبوب،
فتمنى له ما تمنى من سوء المنقلب .....
""الدشدشة""!!!
ولا ننسى أن ود القرشي علم الناس
أن ما يسمونه ب""الصنافور"" هو سيمافور Semaphore
أخي درديري
اي نعم الأغنية مفردة بسيطة وفيها شئ تجسيد لمشاعر تنتاب الكثير منا
وقت الوداع وقت اللقاء وعلى الرصيف والقطار داخل المحطة
وفي وقت كانت محطة السكة حديد معلم وشهدت على فراق محبوبين ولقاء محبوبين وكم وكم
الدشدشة !!!
أنا يشدني أكثر ما قبل مناه للقطار الدشدشة
آه خلاص جنيتّا
وفي المحطة بكيتّا
لي السعادة المنتّا
أنا ليها إتمنيتّا
قلبي ديمة معاكا
لو جفيت وابتّا
يا القطار دشدش
وجمال شعر القرشي أنه يختار المفردة السهلة والبسيطة في لغتنا العامية
وتجده مرات يأتي بمفردة من العمق تحرك كل شعر في أحساس المستمع الذي يزيد
رونقه جمال اللحن وحسن وبديع الأداء والشفيع برع في تجسيد كلما قال القرش
لحنا ولفت أذن منا أن نسمع ماقال القرشي بعد أن هضم قوله وأجتراه لنا لحناً
نشدو به في حلّنا وترحالنا وبقى فينا وهذا دليل على أصالة المفردة واللحن والاداء معاً
يا درديري
أنظر كيف كان مناه ( أن ينزل الحبيب الماري ) ولم يقل انه ماري بل قال القطار المرا
القطار يتهادى
حلَّ في وادينا
السلامة سلامة
يلّا أنزل بينا ( أي بيننا )
ما مهلنا دقيقة
بس طار بي محبوبي
وهذا جمال الشعراء وكانوا دوماً يخلقون العذر للمحبوب وإن ضنى وجفا
وكأنه اراد أن يقول
لو دعوناك للنزول بننا للبيت لكن الله يجازي القطار اللذي لم يمهلنا
وحتى في أن نبل شوقنا نظر لشخصك
وطار مغادر يحملك
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكتب الاستاذ نادر عن الأديب الباحث الأعلامي
مبارك المغربي وقال :
الشاعر مبارك المغربي من أبناء أم درمان ولد ترعرع في حي الموردة في ظل أسرة
ملكت كل المواهب الفنية فهو خال الفنان الموهوب الذي غنى له الأغنية المشهورة
والتي فتن جمالها كل الشعب السوداني حينها
ومن أسرته المذيعات البارعات بنات المغربي سهام وهيام وليلى المغربي
ولاعب الكرة الموهوب ( مغربي )
وعلى رأس هذه الأسرة الطبيبان المشهوران ( إبراهيم وعبد السلام المغربي )
وكان منزل آل المغربي بالقرب من منزل الفنان المعروف إبراهيم عبدالجليل وأخيه التوم .
عمل الشاعر مبارك المغربي كضابط في مصلحة السجون وتجول في معظم أنحاء السودان ..
عمل فترة من الزمان في مدينة شندي حيث إلتقى بالفنان البديع عثمان الشفيع
ثم أنتقل للعمل في مدينة دنقلا ...
ونواصل لحين ميسرة
| |
|
|
|
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
منقول
كانت أغني الباسم الفتان بداية مشرقة بين الشفيع ومبارك المغربي
وخاص أنها كانت مجارية في لحنها للأغنية التي لاقت رواجاً منقطع النظير
( الشال منام عيني ) لإبراهيم الكاشف
وكان أيامها نمط جديد للأداء في الأغنية السودانية
قولنا :
( وكانت النقلة بين عهدين متداخليين في طريقة أداء الأغنية عصر الحقيبة كما يحلو لنا تسميتها
والعصر للأغنية على طريقة الكاشف والتي تطورت حتى أصبحت الفن الحديث بمصاحبة الأوكسترا )
منقول :
قد كانت الباسم الفتان بداية مشوار الفنان عثمان الشفيع وأول أعماله مع الأذاعة السودانية وكانت
الإذاعة وقتها أهم أو بالأصح النافذة الوحيدة الإعلامية للتوصيل وكان الفنان يعرف من دار الإذاعة
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
منقول
الفنان عثمان الشفيع كان يبحث عن الكلمة الجميلة وتقديم مستوى جيد
من الفن والوصول إلى الشهرة عن طريق تقديم العمل الجيد الممتاز للجمهور
المتشوق للكلمة الرصينة والأداء واللحن الحسن
كان الشاعر عوض الكريم القرشي يأتي لأم درمان في فترات متباعدة ويتصل بالوسط
الفني باحثاً عن الجديد في عالم الفن الغناء وصدف أن قابل في أحد زيارته لام درمان
الفنان عثمان الشفيع وسمع غنائه وأُعجب بصوته وطريقة أدائه
وكان القرشي شاعراً وملحنا
وكانت له تجارب مع فنانين أخر مثل تجربته مع الفنان أحمد المصطفى
يللاك يـــا عصفوري التي نجحت نجاحاً باهرا
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
يقول الأستاذنادر عن بداية مشوار فني طويل بين الشفيع والشاعر القرشي
كانت أغنية ( يافتاتي )بداية التعامل بين الشاعر القرشي والفنان عثمان الشفيع
وحقيقة هذه الأغنية كانت بداية المشوار الفني الطويل بين القرشي والشفيع
وأغنية يا فتاتي لها قصة
أن كان الفنان عبد الحميد يوسف في زيارة فنية لمدينة تبرعاً لصالح نادي الأعمال الحرة
اللذي كان سكرتيره الشاعر محمد عوض الكريم القرشي
وحضر الفنان عبد الحميد يوسف إلى الأبيض ومعه فرقته وعازفيه، الفنان عثمان حسين على العود
ويحى زهري باشا على الكمان وبعض العازفين الأخرين وأحيوا الحفلات وعادوا إلى الخرطوم مخلفين
ذكرى طيبة وعزيزة في نفوس أهل الأبيض
كان تفكير القرشي أن يعطي هذه الأغنية للفنان عبدالحميد يوسف ليؤديها لكن القدر قال ذلك
وكانت زيارة الشاعر القرشي للفنان عثمان حسين وكان قد يغني أول أغنية له ( حارم وصلي مالك )
للشاعر محمد بشير عتيق وأثر محمد عض الكريم القرشي أن يعطي الأغنية للفنان عثمان حسين
ولكن عثمان حسين كان متعود أن يلحن أغانيه بنفسه ولا يحب الأغنيات الملحنة ولذا أقترح
على الشاعر القرشي أن يمنح هذه الأغنية للفنان عثمان الشفيع لانه عنده مقدرة عالية وسريعة في حفظ الألحان
وأداؤه عالي النبر الصوتية وهذه القصيدة تناسبه
وواقف الشاعر القرشي وفعلاً كان وأعطيت الأغنية عثمان الشفيع
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: mekki)
|
Quote: التحية لصاحب البوست وضيوفه الكرام اثرتم فينا الكثير من الاشجان،،والرجوع لايام جميلة هي خالدة في ذاكرتنا
ليت تكون لنا كرة اخري لي زمن الستينات عشان كان نخلي ناس عبود شوية
او كان نعمل حكومة قومية بقيادة عبود
ونطرد الايدولوجيا
ونخلي ناس الشفيع يغنوا لينا شوية |
أخي الفاضل مكي
لك الشكر والتقدير على هذه المداخلة الطيبة
للماضي حنين دوما وللجمال أثر بالغ في النفوس
هولاء ( الشفيع واللذين سبقوه واللذين جاؤوا من بعده لزمن قريب ) أثر في نفوس الشعب
ما جاء من فراغ إنما جهد عمل مضني منهم في الاختيار والاجتهاد وماكانوا يرضوا بما
لايرضي أذن المستمع السوداني
كانوا يسمعون بأذن المستمع اولاً ويدققوا في الاختيار لإرضاء مستمع كان يتمتع بروح عالية
في سماع ما يريح عناء نفسه
رحم الله الشفيع وصحبه رحمة واسعة وبصماتهم بيننا تمشي فهم معنا
لك الشكر أخي مكي
وتحياتي ومودتي
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نبذة تعريف للشاعر محمد عوض الكريم القرشي
منقولة من كتاب الاستاذ نادر ( شاغل الافكار )
الشاعر محمد عوض الكريم القرشي من مواليد مدينة الأبيض حاضرة أقليم كردفان بغرب السودان
ولد في عام 1923 .. أسرته كانت ميسورة الحال وهذا من نعم الله عليهم فوالده كان كبار تجار المواشي
بكردفان
ترعرع القرشي في هذه البيئة وظهر نبوغه في الشعر في عام 1939 وهو في المرحلة الوسطى بمدرسة الأبيض
الأميرية حينما كان يقدم المسرحيات ويلعب الدور الرئيسي فيها. قام في سن مبكرة بتأليف مسرحية بالدوبيت
أو الشعر الرباعي ولاقت كُل الأحسان ووضعته في أو سلالم الشهرة، بدأ حياته العملية مساعداً لوالده
في أعماله التجارية وأيضاً مواصلاً لنشاطه الاجتماعي والثقافي كسكرتير لنادي الأعمال الحرة .
كان مستمعاً جيد لكل ضروب الشعر والغنا السوداني ويحفظ منه الكثير
كان متأثر بمدرسة الرواد ( رواد الأغنية السودنية الحديثة )
كان من المعجبين بدخول الاوكسترا الموسيقية في الأغنية السودانية
عرف الشاعر القرشي بالكرم والشهامة وهو رجل اجتماعي بكل المقايس وله أسهامات كثيرة في الحياة الاجتماعية في
مدينة الأبيض
كان سكرتير لنادي الخريجين في الأبيض وسكرتير لحزب الاشقاء .. وعضو بالجبهة الوطنية والمهرجان الأدبي الذي
يقام في كل مدن السودان في أعياد الفطر
ونواصل بإذن الله في نبذة الاستاذ نادر عنه
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
قال الأستاذ نادر في كتابه شاغل الافكار
في سنة 1954 حصل الفنان عثمان الشفيع على نص شعري جميل فيه الكثير
من التطريب لشاعر ناشئ في تلك الفترة
وهو الشاعر الشفيف السر دوليب
وصارت الأغنية مدار الحديث
أغنية ( اللون الخمري والخد الزهري )
أستلم الشفيع النص من السر دوليب عن طريق البريد ( البوسطة )
وقد ذكر الشاعر السر دوليب في الخطاب للشفيع أن يلحنها لو أعجبته
ويغنيها وإن لم تعجبه فيمكنه أن يرمي النص في سلة مهملات
بعد فترة ذهب الشاعر السر دوليب لمقابلة الفنان عثمان الشفيع لمعرفة مصير قصيدته
كانت المقابلة مشجعة بأن شرع الفنان الشفيع في تلحين النص مقتبساً
لحن أغنية شعبية مشهورة في ذلك الزمان
فأتت على منوال حفيف راقص وبها تطريب عالي
ألتقطتها أذن المستمع السوداني بسرعة وتفاعل معها الشعب
....................
أحيانا اللحن يسهل الحفظ
وأذكر هناك صديق درس معي المتوسطة كان يسهل له الحفظ باللحن فكان يلحنحتى دروس الجغرافية لحفظ العواصم
والدول
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
الشاعر السر دوليب من الشعراء المخضرمين
وفي شعره موسيقى قبل اللحن
أنظر لقوله
في رائعته التي شدى بها الفنان العظيم عليه رحمة الله عثمان حسين
داوم على حبي
وسأل عن قلبي
وماتفكر تنساني
هذه الأبيات لو نظرت لها تراه تقول لك تعال لحني ولحني هكذا
جنك يا غرامي قربك
والدُنيا تحلالي جنبك
حبيبي خلوقني أحبك
وخلقوك علشان تهواني
ويا سلااام على روعة الموسيقة الشعرية لما يضمنها الشاعر في شعره ضمنا
ياأغلى من روحي عليَّ
وأغزَّ من نور عينيَّ
ما ليَّ غيرك ما ليَّ
يمسح دموعي وأحزاني
ربنا يعطي الشاعر الجميل السر دوليب الصحة والعافية ويحفظه
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
نبذة تعريف كتابها الاستاذ نادر في ( شاغل الافكار )
عن الاستاذ الشاعر السر دوليب
الشاعر الاستاذ الجامعي السر دوليب من أبناء أم درمان البررة له اسهامات
كثيرة في المجتمع الأم درماني فهو استاذ ومعلم أجيال ومربي جليل
عرف عنه أنه من المجددي في الشعر ومن استاذة المدرسة الحديثة في الشعر
السوداني .. وأكثر قصائده الشعرية كتبها للمطرب الكبير عثمان حسين
والمطرب أحمد المصطفى وفي الجيل الجيد كتب للفنان محمد ميرغني
يتمتع الشاعر الاستاذ السر دوليب بصدقات وعلاقات حميمة في الوسط الفني
ولا سيما أنه كان في يوم ما رئيساً للجنة النصوص الغنائية في الأذاعة
وكذلك عضو كجلس إدارة الإذاعة والتلفزيون وعضو لجنة النصوص في التلفزيون
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
يواصل الاستاذ نادر سرد في حق شاعر قامة
السر دوليب والمعروف عن السو دوليب تلك الابتسامة الوديعة التي تدس تحتها
جمال وطيبة الإنسان السوداني الأصيل لم نعرفه معرفة لصيقة لكن
لسان الفتى نصف ونصف فؤاده
مفردة السر دوليب تحكي لحالها كل ما يحمل فؤادة طيب السريرة السمح
ويكفي انه قال
يا أغلى من روحي عليَّ
وأعز من نور عينيَّ
ما ليَّ غيرك ما ليَّ
يمسح دموعي وأحزاني
الجنة يا غرامي قربك
والدُنيا تحلالي جنبك
حبيبي خلقوني أحبك
وخلقوك عشان تهواني
والجمل والروعة عندما يقرأ عليك الشاعر السر دوليب كلمات تدفق من بين شفتيه وتنقط حروفة الشهد
............
وقال الاستاذ نادر في تواصل سيرة هذا الشاعر الجميل
أنه كان وفي وصديق مخلص لكل أصدقائه الشعراء
الشاعر عبدالرحمن الريح
الشاعر حسين بازرعة
الأديب الشاعر مبارك المغربي
الشاعر عبد المنعم عبدالحي
الشاعر الطاهر إبراهيم
الشاعر سيف الدين الدسوقي
الشاعر محمد يوسف موسى
الشاعر مصطفى سند
الشاعر حميدة أبوعشرة
الشاعر عبدالله النجيب
الشاعر أسماعيل حسن
والشاعر حسين عثمان منصور
وغيرهم من شعراء أخر
وكما أن الاستاذ السر دوليب أثرى المنتديات الثقافية بإسهاماته الكثيرة شعراً ونثرا
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
يقول استاذ نادر
لعب السر دوليب دوراً بارزا في المضمار السياسي وأشترك في الكثير من اللجان السياسية ، كاناستاذ
بدرجة بروفيسور
في جامعة الأحفاد وكانت وقتها كلية الاحفاد الجامعية بأم درمان يدرس علم النفس
ويقول أيضاً
اشتهر السر دوليب بكتابة الشعر الخفيف الذي يماشي اللحن والتطريب فقد خرج السرد دوليب
بالأغنية السودانية من نمط المطولات من الأغاني إلى النصوص السهلة في الحفظ التلحين
وبعيداً من الحزن الذي لازم الأغنية السودان
يمتاز بالوصف الرومانسي
ويقول أيضا
أهتم الشاعر السر دوليب بالجانب الأكاديمي البحث العلمي في حياته وكان الشعر لهواية
يعشقها وأصدر عدداً من الكتب في مجال البحث في علم النفس والارشاد النفسي
وشارك في اللجنة المؤسسة لمنتدى أبناء أم درمان ويرأس حالياً لجنة الثقافة بالمنتدى
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكانت الضجة الكبرى في حياة الفنان عثمان الشفيع عندما أبان الحرب العالمية كغيره
من فناني السودان وقتها للجندي السوداني الذي شارك في الحرب العالمية
فغني جنود الوطن
كما غنت عائشة الفلاتية
إجوا عايدين
والله ليَّ الليمون سقاية عشية
وبعدها في فترات النضال ضد المستعمر طلب من القرشي أن يكتب له قصيدة وطنية
تعبر عن ما يجيش في خاطره اتجاه الوطن المستعمر
للقصيدة قصة سوف نسردها ولا أعلم مدى صحتها لكن القول يكثر عادة في الفن والرياضة
والكل يدلوا بدلوه ولا ضير سوف نذكرها لكن نقول الله أعلم
وكان ميلاد قصيدة وطنية رجت أركان الاستعمار ورددها كل الشعب السوداني وفي صدره غضب
على المستعمر
وطن الجدود
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكتب الاستاذ نادر عن عثمان الشفيع والأغاني الوطنية وقال
في بداية الخمسينات من القرن الماضي كانت الساحة الفنية مشتعلة بالحماس والنضال
من أجل الحصول على الاستقلال من يد الاستعمار الإنجليزي
وهي فترة شهدت تصعيد النضال وخاصة في مؤتمر الخريجين وانبثاق الأحزاب السياسية المختلفة
حزب الاشقاء
الاستقلايون
وغيرهم
وعرفت الساحة الفنية الكثير من الأناشيد الوطنية
مثال
للعلاء ... وصه يا كنار للشاعر محمود أبوبكر
صرخة روت دمي للشاعر محي الدين فارس
والكثير غيرها
وهذه الأناشيد الوطنية لعبت دوراً كبير في ألهاب مشاعر الجماهير وفي التظاهر
والنضال من أجل نيل الحرية والاستقلال
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ويواصل الاستاذ نادر يغطي جانب الأغنية الوطنية والفنان الشفيع
ويقول :
كما ذكرنا سابقاً أن الشاعر القرشي كان سكرتيراً لنادي الخريجين في الأبيض
وكان ناشطاً في الحركة الوطنية وعند زيارته لأم درمان في بداية الخمسينات
وبعد أن توطدت العلاقة بينه وبين الفنانعثمان الشفيع
جاء لام درمان حاملاً معه قصيدة نشيد ( وطن الجدود ) وهو نشيد حماسي يمجد
ويعدد مفاخر الشعب السوداني ويحث على النهوض ومحاربة المستعمر
برز عثمان الشفيع وظهر ظهوراً مشرفاً وتفاعل عثمان الشفيع مع الجماهير
وصار هذا النشيد مطلباً جماهيرياً في كل الحفلات العامة زالخاصة أيضاً
| |
|
|
|
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكما وعدت وأنا علي وعدي باقي
أن أروي القصة التي سمعتها عن نشيد ( وطن الجدود )
بحكم أني من شندي سمعت من البعض هناك ولا أقول إلا ما سمعت وأدعمه وأقول والله أعلم بالحقيقة
أن عثمان الشفيع بعد أن ألتقى بالقرشي في أم درمان صادف أن كان في رحلة فنية خاصة لمدينة الأبيض
ومعه كم من العازفين وهناك جلس يترجى الشاعر محمد عوض الكريم القرشي أن يكتب له كلمات حماسية وطنية
يشدو بها والساحة كانت مشجعة الجماهير تريد من يلهب عزيمتها ويشد من أزرها مفردةً وحماس
لكن لم تجد قريحة القرشي الشعرية حينها .. ولم يضايقه الشفيع طلبا .. ركب الشفيع ورفاقه القطار
من محطة الأبيض وودعهم محمد عوض الكريم القرشي في المحطة .. وسار القطار ومع حركة القطار من المحطة
والقرشي في الرصيف يشير لهم بيديه مودعا جاءه شيطان الشعر معينا .. كتب القصيدة ..
ركب سيارته ملحق بالقطار ( كانت سرعة القطارات أيامها بطيئة ) وهم ( اي القطر ومن فيه ) بعد محطة أو أثنين
من الابيض في اتجاه العاصمة وكان القطار واقف في المحطة
رأوا سيارة القرشي وأصابهم العجب ونزل الشفيع ورأى القرشي يلوح له بالورقة التي حملت أحلامه التي بغاها
( وطن الجدود ) لحنهاالجمع ولا أقول الشفيع في القطار وتغنوا بها وماهي إلا سويعات وكان كل الركب في
القطار يردد ابيات النشيد معهم والهتفات تعلو وكانت تظاهرة بحق وحقيقة لكنها تركب في قطار
وإلى الخرطوم الكل يردد ( وطن الجدود .. نفديك الأرواح نجود .. وطني ) وانت في انتظارهم في محطة الخرطوم
سيارات الشرطة واعتقل ما أعتقل يومها وعلى رأسهم الفنان عثمان الشفيع
وشاع خبر اعتقال الشفيع وجمع أخر والشبب قصيدة وطنية
وهذا كان سبب تفاعل الشعب السوداني مع هذا النشيد الوطني خاصة
والله أعلم
رويت هذه القصة كما سمعتها ليس لكي أدحض قول الأستاذ الجميل نادر
لكن الحقيقة قد تكون في ملكة شخص بعيد كل البعد عن الكتابة
والمهم في الامر أن نروي ونقول كل ما نعرف عن هذا الفنان القامة
عثمان الشفيع ( ود معزة )
| |
|
|
|
|
|
|
| |
خالد علي محجوب المنسي
فيصل محمد خليل
haroon diyab
ياسر السر
وضاحة
Osman Musa
Gaafar Ismail
khaleel
Yousif A Abusinina
Amin Eltaib
mekki
فيس بوك
تويتر
انستقرام
يوتيوب
بنتيريست