|
|
 نماذج من الاغنية السودانية - الصباح ( 1- 10 )
|
كل ارشفة والجميع بالف خير
وهذه محاولة لتجميع بعض النماذج من الاغنية السودانية
صوت وصورة في كل ضروب الحياة .....
من مكانها وزمانها وجمال انسانها
نبداها مع الصباح
مرورا بالمساء والليل والنهار والحدائق والعيون
هي محاولة لعمل شئ جديد
اتمني رفد البوست بكل ماهو جميل من نماذج غنائية
تستحق التوثيق .
كل الحب
|
|
  
|
|
|
|
|
|
|
 Re: نماذج من الاغنية السودانية - الصباح ( 1- 10 ) (Re: cantona_1)
|
ياسلام عليك ياكباشي ياقديم
برغم موضوع البوست مختلف
الا ان المصير تظل من احب
الاغنيات الي القلب خاصة وان
ملحنها هو الصديق العزيز والحبيب
الي القلب ( عبد اللطيف خضر ود الحاوي )
صاحب الروائع في الاغنية السودانية
مثال :
سال من شعرها الذهب
وده ماسلامك
واسمعنا مرة
وحبيب قول ليه راجع
والكثير من الاغنيات الخالدة
شكرا للاضافة وحتما سازورك في قناتك .
تحاياي
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: cantona_1)
|
صديقي...هارون دياب....حبابك
ياخي انتا زول لعنة ، و الله يلعن خاشك ذاتو..!!!
فتشت عن اغنيات للجميلة سمية الجوخ ، دي مافي زول بيعرف اثرها الإ عيال الدويم من شاكلة اخونا الحردان الناضر هشام هباني...و ادريس علم الهدى...!!
كنت يا صديقي ... ساهديك احبابي ناس كسلا... الصلاح رجال كسلا تهموا لي باجلا..ناس ابراهيم حسين ...و الجميل النادر الرشيد كسلا...وده زول عميق خلاس..!!!
ثم ناس سنار...عصام امحمد نور... رابطة سنار الأدبية...امحمد بخيت (مع انو من ناس مدني) .. ازهر ي اب راسين.زبلال موسى...و لكن..!!!
ابت النفس الإ ان اعرج على كوستي... دار الجميلة جداوية عبد الله موسي ، و هي شقيقة الليجند السودانية العظيمة عشة عبد الله موسى (فاهم حاجة يا هرون؟؟؟؟؟)...!!!
في حفل في العباسية تقلي ، كان يحيه الليجند عبد العزيز محمد داوؤد و الليجند العظيمة عشة عبد الله موسى (عائشة الفلاتية بي رطانة ناس البندر)... فقام ابو داود ..قال لناس الإعلام..قولوا عشة الفلاتية وزجها ابوداوؤد....و هي اظنها نفس المناسبة القالت فيها عشة حكاية اخوها الكاشف..!!!!
هذي حكايا من زمن مضى يا صديقي ...ولا يذكرها الإ القليلون و القليلات.. ناس الزمن الشارد..اياه..!!!
في هذا الصباح..و صباحات اخرى غريبة.. اهديك .. اللعنة... صديقنا الفنان سليمان محمود...و هو من اطيب و اندر الأصوات السودانية التي شكلت وجداننا..!!!!
و يا سليمان محمود... عليك الله كن ما غنيت لي واحدة من اتنين : الأفضل عندي... في بحور من موية بكتب بي حروف حبي المحال... ما اظن في حروفو بتبقى في الرمال...أو رائعة الليجند امبلينا السنوسي.. نحن حافظين لودادك..!!!
هنا يا هرون.. صديقنا الجميل سليمان محمود..و من عجب يغني لسنار..و سنار... دي اسكت ساكت خليها..
استاذنا و اخونا فنان سنار العظيم سليمان محمود..متعك الله بالعافية يا قريبي...و عليك الله يا سليمان كن ما غنيت لينا ..في بحور من موية بكتب بحروف حبي المحال...!!!
سمعتك..1987...و سمعتك في 2014...و نفس الصوت...نفس الوجدان الحارق..و نفس الذكريات... و لمن جمعتني الظروف ببنات سنار و انا طالب في الجامعة..كانت سيرة صوت سليمان محمود هي المدخل... البتعرق صوت سليمان مححمود بنحبها على طول ..و والما بتعرف..بنقوم نجليها زي السلامو عليكم,....والله صحي..!!!
شكرا هرون...و اذكر لك فضل أنك انت اول من دلاني على زولتك السورية التي اختارت ترديد اغنيات العظيم الكاشف....!!!!
لك كل المحبة يا صديقي...ومشاكل افريقيا كلها ممكن تتحل.. لو الأفارقة قعدوا و استمعوا للغنا..!!!
كبر
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Kabar)
|
Kabar
ياكبيييييييييييييير
وبي كده نقول البوست وقع المجري
وجاب حقوا وزيادة ... الناس الجميلين زيك
لامن يجوا بي مزااااااج يمين المكان ده ماببقي
في مكان اجمل منو....!!!!
عارف ياحبيب زي مااستعنت انت بنماذح
انا برضو عندي نماذج كده في حوش بكري ده
لو لقيت الاسم ساااااااااااكت انشاء الله بي فتحة الفيسبوك
اقيف ليهو احترام وتقدير
وانت احد من يجملون هذا المكان ... رضيت ام ابيت
انتظر محمد المرتضي ودكتور بله وهشام هباني لامن يكون رايق
وياوليك كان جاتك تراجي وهي تسترسل في ذكريات بورسودان وديم الشاطي
يمين ترتاح لامن بهناك .... وكان ابو ساندرا لبس النضارة وقام اختار
ليك اغنية اغنيتين تلقي نفسك فوووووووووووق ....
ده كلو كوم والزول ابو اضان نضيييييفة الاسمو مولانا درديري ساتي
والله العظيم الزول ده اي حاجة يسمعه او يختاره تلقاها مجنونة عديييييل .
والكثيريييييييييييييييين .... من الجميلين .
اها ياخوي .... خلينا نمسك في عبقرية الزمان والمكان في الاغنية السودانية
يمكن نقدر نرجع الناس الحلوين الهجروا المكان ده مادام السياسة والكورة ماجابو همهم .
فتك عافية يا اجمل الحلوين .
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Kabar)
|
عارف ياحبيب
اجمل حاجة في مجذوب اونسة ده
انوا راجل مهذب ومهذب جدا
حصل لي معاهو موقف في زواج احد الاقرباء
جيت متاخر وانا بموت في اغنية (جيت اوادعك ياقماري )
اتاري غناها في بداية الحفلة .... واخوك لابس قميص ( تحرمني منك )
المخطط واخر شياكة وجيت قلته ليهو والله يا استاذ انا لو ماسمعت
جيت اوادعك ياقماري مابرتاح ابدا ..... ضحك وقال لي اظنك جيت متاخر
لاني غنيته قبيييييييييييل بس ولا يهم اغنيها ليك بعد ما استاذن من الناس
وقد كان واهداها لي .... واذكر اني فتحت بيها بوست هنا .
نواصل بدون فواصل
وصابحني دائما وابتسم
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Kabar)
|
عارف يا هرون يا صديقي ...انك زول لايوق... بتقوم تفرض على الزول انو يتنوس ...!!!
حبيبنا و استاذنا محمد المرتضى ممكن نجيبو...و ألأظرط..ممكن نجيب ليك استاذنا احمد القرشي عبد الرحمن..وهو رجل لم ارى مثله احتفالا باغاني الحقيبة....!!
نعم يا هرون... نحن نفر..تربي على اغاني محمود علي الحاج... عبد الوهاب الصادق....عبد الله محمد...!!!
هذى كائانت يا صدقي لا يعرف عنها الإ محمد المرتضى و احمد القرشي,....!!!
ياخي نحن ولاد حرام...خارج زمن المسغبة هذا....!!
بت ابا سميرة ابراهيم ، و هي عندي افضل من يغني اغاني اللجيند عثمان حسين بعد البليجند حمدان ازرق من جبال النوبة الكاركو..فحمدان ازرق عندي افضل من تغني باغاني عثمان حسين..و اتحدي فيهو اي من كان حتى لو كان عثمان حسن
نفسو...!!
!..سميرة ابراهيم ، المشهورة بي سميرة دنيا غنت رائعة الليجند عبد الله محمد..لا ما بنقدر نغير في الأيام سجية...و لكني اخترت ان ارفق الأغنية هنا بصوت عبد الله محمد..و لمن لا يذكر فعبد الله محمد هو الذي تغني رائعة عبد العال السيد (زهرة السوسن) ثم غنى رائعة الشاعرة ألكردفانية الأصيلية استاذتنا سمرقندية المحامي (غدر الزمن ، شغل القليب بالشوق على زولا بيحن..)...!!
نحن نحتفل بعبد الله محمد ، محمود على الحاح ، عبد الوهاب الصادق...لأنهم فنانين تغنوا باغاني الجكس النضيف من شاكلة سمرقندية و حكمت ياسيتن..قبل اربعين سنة..!!!!
الى استاذنا محمد المرتضى حامد..برضك يا اسناذنا ممكن نجيب ليك اغاني بندر الحداثة من شاكلة بتقولي لا...!!!
كبر
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Kabar)
|
الله لايرمينا في ضيقة
لكن الزيك ده سمح عدييييييييييييييل
صباح ناضر .... وصباح ندي
انت الكلام الحلو ده قاعد ترصو كيفن
تجيب ليك غناين يفرتك الفهم
واها الزول جا من الصباح ناسي البوست
يلقي الصوت الفخيم سميرة دنيا
ياخي ماياهو ده الاندياح البقولوا الجماعة
والروقة والسلطنة وقعاد البنبر في العصرية
تعاين لاخواتك وهم قاعدات يغسلن الهدوم
والحاج هنااااااااااااااااك فاتح لندن وماشغال بي زول
وسبعتاشر نفر جوه البيت فيهم الاهل والجيران
والجاي من البلد عاوز يمشي السعودية ( عمرة وزوغة )
والهام بت الجيران ترضع ولده جوه حوشكم واصحابك حوالين البنبر
يتكلموا في عبده الشيخ ومصطفي النقر ... وحفلة عبد العزيز المبارك الاخيرة
ومسرحية الفاضل سعيد وكاركتير عز الدين .....!!!!
شوفته ياحبيب انت زولي زاااااتو البفتش ليهو جواي
عشان لامن احس بي كدر وجفاف الحواس ... اجيك ننداح سوي .
يمين ماعارف كتبت شنو ولا قلته شنو
لكن
يشهد الله والله خير الشاهدين طلعت الجواي بدون ما افكر في اي حاجة .
وصباحك مالو احبابك جفوني ومالو ياليل .
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
Quote: الفنان البغني صابحني دائما وابتسم
انا ماعرفتو ... لكن من بين كمية
من الخيارات عجبني صوتوا لانوا غير مشهور
وبيادي الاغنية من امها .
البعرفوا يكسب فينا ثواب |
هارون كيفك يا صفوة
اولاً البغنى ده ابن خالى حسن محجوب التوم وهو صوت واعد
وثانيا جاييك بكمية مأهولة من غناء الصباح ده، ومن طرائف
غناء الصباح اسماعيل عبد المعين عنده اغنية اسمها قابلته مع
البياح، الفنان الظريف ابوداؤود قال ليه يا اخوى القابلته مع البياح
ده حبيب واللا سيد لبن؟ رحمهما الله
احفظ لى البوست ده فو بس والباقى على انا ، سلمت والمتداخلين
حتى البجلوها واقفة ديل،،،
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
لحن الحيـاة
-------------
لحن الحياة منك
و ما تقول نسينا الماضي و صرنا ناسينك
محبوبي الجميل
سألوني منك..عرفتهم
إيه الصفات عنك ..خبرتهم
شافو الجمال منك..أقنعتهم
طولت لكنك
انا يا حبيب الروح أعفيني من ظنك.
.محبوبي الجميل
سالمني بإيدو والدمع انهمر
ذكرني بريدو في أوقات السمر
ساحرني بمحيو و جنني و أسر
شاغلني بنورو و كم أخجل القمر
بس تنسى كيفنك
و إنت الوحيد بالذات الكنا ذاكرينك
محبوبي الجميل
وفيما الملامة يا روحي
وكلي هياما يا روحي
ويامن تعامى يا روحي
سلاما سلاما يا روحي
وذكرى محبي يا روحي
تموج بقلبي يا روحي
وأنت بقربي يا حبيبي
حياتي و حبي يا روحي
أأهنأ وانت بعيــد ؟؟
ما كنا ناسينك
والحب عليك إزداد غمر النفوس دنك
لحن الحياة منك
و ما تقول نسينا الماضي و صرنا ناسينك
محبوبي الجميل
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Emad Ahmed)
|
الحبيب هارون
لعلكم والأسرة الكريمة بألف خير
بالله شوف الشعر الرقيق دا
من أنت يا حلم الصبا
كلمات عبدالمنعم يوسف
من أنت يا حلم الصبا** من أنت يا أمل الشــباب
من أنت يا من رحت ** أنشده ولكن لا أجــاب
أرنو لصورتك الحبيبة ** بين أطيــاف الضـباب
في الأرض في الأنهار في الشفق المنور في السحاب
**
وأحسها في خاطري ** نورا تدفق في انسياب
بالسحر بالآمال بالأنغام بالعــــطر المذاب
بالورد بالأزهار بالكأس المتوج بالحــباب
**
وأكاد أسمع في دمي ** صوتا تضمخ من شذاك
حتى متى أبقى على الدرب الطـويل ولا أراك
من أنت يا نفح المنى من أنت يا نور الصـباح
**
لمتى أعيش بلوعتي أدعوك لهفان الجـــناح
أبدا أسير مخـــيرا بين الروابي والبطـاح
ويكاد يحرقني الظمأ وتكاد تسحقني الريــاح
**
من وحي أوهامي خلقتك رغــم آلام الحياه
يا صورة الحلم الذي قد شع في قلبي سنــاه
يا ومضة الأمل الذي قد عشت عمري في ضياه
**
شفتاك من ورق الورود وآه من تلك الشـــفاه
وخــداك من شــفق المغيب وآه من خديك آه
وعيناك يكمل فيهما ليل تسربل مـــن دجــاه
**
وأكاد أسمعه يناديني ** أجل هذا نـــداك
وأظل أهتف من دمي والوجد يخفق هل أراك
يا حبيبي أنا يا روحي أنا هــــل أراك
**************************
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Elmosley)
|
اهلا بملك الروائع والحصريات
موصلي الجميل
وفلق الصباح قولي
اهو نورك لاح خلي
ياخفيف الروح هو هذا نداك
ام ندي الازهار ......
من امهات الجمال في الاغنية السودانية
سمعناها بصوت الكثيرين من مبدعي بلادي
فادخل كل منهم روحه ونفسه فيها
فاتت متالقة ومختلفة كل مرة
لكن الثابت انها كانت ولازالت قمة القمم
متعك الله بالصحة والعافية
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: يحي قباني)
|
سيد الشي زااااااااااااااتو
يحي قباني
سلامات يا استاذي
واسعد كثيرا بمرورك باي بوست لاني احس
فيه بالجمال فانت تتواجد اينما تواجد الجمال
هذه المكتبة العظيمة للاغاني السودانية
تشهد لك كيف انك تحاول ان تحافظ علي
هذا الكنز الهائل من التراث السوداني الاصيل
سوق بي مهل.... سوق برااااااااااااااااااااااحة
سوق في الدقداق.... سوق بينا في العقبة
اكسر بينا الاشارة ... شغل لينا خطراتك
بس متعنا بكنوزك .
انت صاحب البوست
وانا ضيفك
لك ودي واحترامي
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Gaafar Ismail)
|
وعودة للاحباب
وياسلام علي الحبيب جعفر اسماعيل
عارف يا ابو سامي .... انا ماشفت ليك زول غناي
وبيهيج الحفلة وكلماتوا ظابطة تمااااااااااااااام
زي ابو السيد ززز وحلم الصبا زيها وزي
النهاية وابني عشك واودع كيف وفي ربيع الحب كنا نتناجي
والكثير من الاغنيات الجميلة .....
وهو فنان المسرح الاول حتي الان وذلك بادائه المسرحي الجميل
له الرحمة والمغفرة ولك من الحب مايفيض
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
هارون دياب يا عزيزنا
الفكرة جميلة جد جد
جوك ناس المعرفة الـ جد جد
أستاذنا كبر... وسهله الممتنع
حبيبنا الموج ... حكاويه الماتعة
حبيبنا قباني ... التوثيق الما خمج
عاد نطير منك وين ؟؟؟
يانا قاعدين ليكم هنا
والفورة مليون كما يقول عزيزنا تمبس
______________
أمسك في كلام قباني دا قوي
ح يكون البوست معلم من معالم سودانيزأونلاين
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: يحي قباني)
|
دائما ما ارتبط غناء الصباح عندي بأغنيتين....
الاولى جلبها الاستاذ الموصلي..والثانية للاستاذ عثمان الشفيع (رحمه الله) :- داك الصباح ..اهو لاح يا حبيب ..والبلبل الصداح ...جا قريب...جاك يشكو ليك من شوقو ليك ..صاح
لا اذكر انني سمعتهما من الاذاعة في فترة غير الفترة الصباحية...
وقتها كانت برامج الاذاعة تكاد تكون محفوظة بالنسبة لنا...فإذا استيقظت من النوم ..وسمعت صوت محمد عبد الكريم تعلم ان الساعة السادسة و نصف لم تحن بعد (كان برنامجه ديني ينتهى مع نشرة ستة ونصف)
بعد النشرة وعندما يأتي نفحات الصباح تأتي احيانا اغاني الصباح..فإذا لم تسمع الاغنية من الشفيع او ابراهيم عوض كاملة ..تعلم اذا ان برنامج ليلى المغربي لم ينته ..وقطعا سوف تحصل جرس الطابور في المدرسة
اما اذا سمعت الاغنية كاملة ..عندها تتيقن ان هذه هي الاغان التي تأتي بعد الساعة ثمانية إلا ربع ..عندها يتملك الخوف ان يفوتك جرس الطابور و ربما جزء من الحصة الاولى ..فتهيئ نفسك (للجلد)
اغنية الشفيع كنت احبها جدا
خاصةالمقطع الذي يقول (لو اسعفتني الذاكرة)
(( الكون بديع ..وربيع جميل ..في خفة ساير...ومن الخميل اشجان كتير ..تحمل بشاير))....او كما قال الشاعر ...
هذا المقطع و الموسيقى التي تليه كانت تعجبني جدا جدا
اما اغنية ابراهيم عوض
فكان صوته في الاغنية يأسرني جدا..خاصة عندما يردد بعد الكورس النسائي (يا زاكي العبير......عليهم كثير)))
صوت ملائكي بمعنى الكلمة
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: khaleel)
|
شفته يا ود الصائم
وتمبس ودكتورة داليا
وناس كتاااااااااااااااار هجروا المكان ده
طبعا كلكم عارفين امهاتنا زمان لامن كانن عاوزين
يربوا الحمام بكبوا ليهو السكر في الموية جوه البرج
يمين الحمامة تشرب موية السكر وتمرق الصباح
والله لو وصلت الكدرو تجيك راجعة تاني للبرج
يلا نحنا ختينا سكرنا مع الموية شوفوا جابت شنو ...؟
اجمل ناس واحلي ناس واعز ناس
وكلام جمييييييييييييل وكلام حنييييييييييييييييييييييييييييييين
وكلام كتييييييييييييييييييييير قلناهو اخر الليل سوا
موصلي ... وموج وقباني وخليل وعمده
وابو الجعافر وعاطف عمر وعزيز وزكريا فضل
ومن الفيسبوك جوك الحلوين
يسري كامي وحسين قاضي
وطبعا السواقة الاولي لي حبيبنا كبر
العاوز اقولوا :
المكان ده لو باريت جمالو بوديك الفردوس عديييييييييييييييييييل
وكان كمان ... يبقي الرماد كال حماد هههههههه
تحاياي ياحلوين راجع ليكم واحد واحد
وراجع للبوست بمزااااااااااااااااااااااج
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Mohamed El Sheik)
|
Quote:
هارون دياب يا صفوة ...
لو لقيت لينا فرقه معاكم هنا ...
يا ريت البوست ده سواقته تكون بي مهل ...
و اتمني انو لما نجيب اغنية عن الصباح او المساء ...
نجيب اسم كاتبها ... و مؤديها الاصلي ... و نموذج بصوته ان امكن ... او بالصوت الذي نحبه ...
اما الصباح ( إن لاح ) يا هارون ... فكما قال ود الموج ... فهناك الكثير جداً ...
و ممكن نجيب بتسلسل تاريخي لاوائل من كتبوا عن الصباح في شعرهم الغنائي ...
هذا ان اردتم ...
اما لو تحبوا كمان نجيب الاشياء البنريد سماعها كزهرات من بستان الطرب .. كمان حاضرين ...
وده عربون محبه منى ليك :
مسّو نوركم و شوفوا
المن جبينا صباح ...
الصباح إن لاح ..لا فايده في المصباح ...
عمك سيد عبدالعزيز ... و معاهوا كرومة ... وهنا بصوت الكروان الاخر بادي محمد الطيب ... |
صباحكم نور مع اني وقعت عيني في هذا الجمال المساء
لكن موضوعكم مازال صباح
الأخ الفاضل دياب
زي ما قال الجميل قباني السواقة براحة حلوة وبتدي البوست طعم
خذ بنظرية العلامة البروف عليه رحمة الله ( ان تشطح وتتبحر في الهوامش وارجع للأصل والمتون لربط الموضوع ببعضه )
أغنية مسو نوركم
فيها الكثير من ابداع البديع سيد عبد العزيز
وقد قيل وفي ذمة الراوي
أن الشاعر كان مسافر في لوري أو قطار ( مامهم المقصد وقت السفر )
قاصد موطنه ليلاً وسمع صوت الفتاة تناضم أمها
أثر فيه الصوت وحنَّ لرؤيته وديل عالم بتبشتنوا لما يشوف جمال خلق الرحمن صبية
صبية العِطر يشتهيها
أمذنب إذا أنا أشتهيتُ
او هو اشتهى أو قباني إشتهى
لا والله الجمال سلاحه في العيون والصوت ومن هنا تطلق القذائف التي ترمي وتصرع
ذا اللب حتى لا حِراك له وهنَّ أضف خلق الله إنسانَ
المهم يا سيدي الركوبة تسرع وسيد يعجل بشروق طلة شعاع الشمس ليرى ذاك الوجه
وفعلاً كان دفر الصباح الظلام أمامة وتبين الخيط الأبيض من الأسود
وشاف القمر يجلس قرب أمها
وتسلك البطن الجابتا
الفي جبل عرفات وضعتا
دي ترباية حبوبتا
وكان مولد القصيدة
والله أعلم
لو رجعنا لكلمة ( مسَّو نوركم
قال لي شخص ضليع في العامية السودانية يستخدمها بعض اهلنا في السودان لكنها كلمة فارسية قديمة
استهوي الموضوع عقلي المحب لمثل هذه الاشياء
في فترة دراستي في دولة المجر كان لي زميل ايراني سألته عن كلمة مسَّو ماتعني في لغتهم الفارسية القديمة
قال لي ليت مسَّو بل مِسْو وتعني اطفي ما كان متقد ( يعني أطفوا نوركم )
لكن يا ترى هل كان يقصد سيد عبد العزيز هذه الكلمة بمعناها الفارسي القديم
أم ماذا
يستوي المعنى لو قصد مسّو بمعنى اطفو
لكن لو كان يقصد بها معنى اخر
فما أصل الكلمة وما معناها
والسؤال موجه لقباني والعملاق صديق الموج وود القرشي لو نزل من عُلاهو الفوق ( لانو مزنوق دراسة الايام دي )
ونظر البوست
ولحين ميسرة بنرجع
تحياتي دياب وضيوفه
الأغنية بصوت البنا عاصم
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Mohamed El Sheik)
|
في هذا الفيديو يروي الشاعر السر قدور قصة أخرى للأغنية
أنها زواج عبيد عبدالرحمن أهدى هذه الأغنية سيد عبد العزيز
للشاعر عبيد عبدالرحمن
أنا صرت لا أثق في حديث الشاعر السر قدور الذي الأحيان يتقول على من مضوا
وصار مثل الصحفي محمد حسين هيكل ( في يوم كدا الساعة 5 مساء كنت مع الرئيس جمال عبدالناصر
وقال لي وقلت لي )
المهم
برضو السؤال موجه للفطاحلة أو من له علم في هذا
ما القصة الصحيحة التي سمعناها ورويتها في المداخلة السابقة
أم قصة الشاعر السر قدور ؟؟؟؟
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: خالد علي محجوب المنسي)
|
| Quote: انتوا البوست ده سايقني واديني ويييييييييييييييييين.....؟ |
إنتَّ السايق يا أخوي هارون دياب وامسك قوي في الدركسون ما تضيعنا
امسك المجرى وأبقى عشرة سُواقة الرملا بتقدر عليها ؟؟؟
اصلو يا أخوي سُواقة الرملة زي الزواج من أوروبية لو مشكتَّ المجرى بتوحل
تنويه
ما عارف صباحكم كمل ولا باقي فيهو شئ
لكن انا صحيت بدري ويومي عصّر
لكن لي عودة للصبح بعدما يصحى ود الوج صديق
بريدني شديد البي العصر مرورو
من أغاني البنات أو لو صحت التسمية فن وغنا السباتة
كما كانت معروفة به
وهذا كان في زمان فيه ترى البنت حبيبها في مرته بالعصر
كانت عادة الشباب القشرة علي سنقة عشرة والمرور قرب دار البريدو القلب
والبنات تتاوق من فوق الحيطة شوفتو بس تكفيها إلى أن يجمع اللهبنهم في الحلال
كان زمان والناس مستورة
الليلة وين أنا
يا البي عصر مرورو
كلمتَّ ناس أمو
دا عفوهم بِهمو
جفاني دا الغالي
وأوحى ما بهمّو
الليلة وين أنا
البي العصر مرورو
فرع البان يمايل
وجوز عينيا يخايل
وما خصاني في القايل
أموت .. بس اشوفو
الفيهو الرسمي خايل
بلالي وين أنا
البي العصر مرورو
خليهم يقولوا
زي ما الناس يقولوا
دا حبيبي البدورو
بغرق في بحورو
حبيبي بحر السماحة
وإجو العُشاق يزورو
بريدو شديد
البي العصر مرورو
حبيبي جافاني
ومشى ماجاني تاني
ماقدر عشاني
وما راعى إنساني
تعال قدر عشاني
والناس ما مريحاني
بريدو شديد أنا
البي العصر مرورو
أقوقي قِمرية
وأمثل ليك حمامة
قِدام الطيارة
أبقى ليك علامة
يوم رفع الكِسكتّا
ياجنابو مع السلامة
بلالي وين أنا
البي العصر مرورو
خلوني خلوني
دا مكتوب في عيوني
تلات تسعات كُحلية
ومارة بي الدورية
حبيبي نور عينيا
في الشرطة العسكرية
الليلة وين أنا
يا البي العصر مرورو
أسويك مرايا
وأعاين ليك برايا
شوف جني وغبايا
من جني وغبايا
فارقت حبيب قسايا
بريدو شديد أنا
البي العصر مرورو
إتمتع يمينك
وإتمتع شمالك
ويا المعدوم جمالك
أدي الكورة دفرا
أنا واقفا منتظرا
يا قسيم ريدي لو تدرّى
الليلة وين أنا
يا البي العصر مرورو
لي مين إشتكيكا
وفي عيني بشيلك
القلب الظلمتو
والقلب الحرمتو
أنا سلمتو لي غيرك
بلالي وين انا
يا البي العصر مرورو
يا أخواني بامانة
مرضي القديم جاني
مافاكرا من تاني
يعاود حناني
يعاود حناني
لي الزول الأولاني
بريدني شديد أنا
البي العصر مرورو
يا أخواني بامانة
دا طولو طول البانة
نفحتو السِيسبانة
البعاند هوانا
نرشو بي الجبخانة
أحسد سجن كوبر
وأجي أعبد الزنزانة
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: ملهم كردفان)
|
ملهم كردفان ياملهمنا
عارف ياحبيب انا كردفان دي حكايتي معاها حكاية
لاشفتها لازرتها لا مشيته
لكن لو سالتني عن اي حاجة فيها برد عليك رد العارف
اجمل حاجة الاخوة في ملتقي ابناء كردفان بالدوحة
معتبرني كردافي عدييييييييييييييييل كده
حتي انوا حبيبنا قابل رئيس الملتقي السابق دائما مايمازحني
باني اخاف من الدنقلاوية عشان كده ماعاوز ادبل بالكردفانية هههههههه
محمد عوض الكريم القرشي الشاعر المجيد
ورفيق دربه الراحل الشفيع اوجدوا فيني مكانا لمحبة كردفان
والكابلي حكي عن بادية ام بادر فذادني تعلقا بذلك المكان .
وانت تمر بنا صباحا فتجمل صباحاتنا
واصفيك اقصي الود غير مقلل
ان كان اقصي الود عندك ينفع
كن بالف خير
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
وابدع الرائع الحبيب ازهري محمد علي
ولم يتخطاه ( سوق الصباح ) في الاغاني السودانية
فكانت ( وضاحة ) قمة في الروعة
اجاد تلحينها واداءها الراحل المقيم الاستاذ مصطفي سيد احمد
وبالمناسبة :
عندما اطلت امنية للدنيا بعد اسبوع من الرحيل المر لمصطفي
عاتبني اخي وصديقي خالد محي الدين باني لم اسمي ابنتي
( وضاحة او نوره او اي رمز من رموز اغنيات مصطفي )
وهو لايعلم بانها ولدت وسميت في غيابي
لكنا تيمنا اطلقنا عليها اسم نواره .
الرحمة والمغفرة للراحل المقيم
ولكل من انضم الينا في بوست الصباح
نهدي ---- وضاحة
والصباح الباهي لونك
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
الرجل الانيق / haroon diyab
دائمآ ننتظر جميل عطاءك لتنسج بحرفك الوضاء أشراق شمس من الابداع , لتنير وطن افتراضي يقيم فينا و قدغصنا معك في بحار متعددة من الفن السودانى الاصيل , وننتظر منك المزيد في لهفة وشوق لما يجود به قلمك من استمتاع , شكرآ جزيلآ بعدد نجوم السماء.
....
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: حاتم محمد عثمان)
|
للاستاذ الراحل العاقب محمد حسن أغنية قديمة يقول مطلعها (نوّرت الكون ..يا صباح يا جميل ) يصاحبه فيها كورس نسائي
قد لا ترقى لروائع الاستاذ ...ولكنها جميلة في إعتقادي
ولا ادري ان كنتم تعتبرون اغنية الفنان الرائع ..الاستاذ صلاح مصطفى (ضربت اقول ..صباح الخير ....واشوفك كيفن اصبحت) من اغاني الصباح ام لا
ولكنها كانت من مقررات الاذاعة ايضا في الصباح
أكثر ما اعجبني فيها...هو عزف الة معينة تصاحب الاستاذ صلاح عندما يقفل كل كوبليه بالمقدمة الاساسية (ضربت اقول صباح الخير ....واشوفك كيفن اصبحت)
هناك عازف معين (بيعمل كسرة خفيفة) عندما ينطق الاستاذ بكلمة ( اشوفك ) ...بتجنن عديل كدة
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Zakaria Fadel)
|
أغنية في الضواحي
للشاعر خليل فرح
وهي أغنية تغنى بها كل فناني الحقيبة
وكما تغنى بها بصحبة الموسيقى عثمان الشفيع
ومن بعد تغنى بها مصطفى سيد أحمد والنور الجيلاني ونانسي عجاج وغيرهم كُثر
وهي من الأغاني الخالدة
فيها الدعوة لتمجيد البادية وسلامة الطبيعة فيها وفطرتة كل شئ هناك
خليل فرح أبدع في هذه الأغنية
في الضواحي وطرف المدائن
يلا ننظر شفق الصباح
والصباح لاح بهل الوشاح
وعودنا للصباح يا هارون بعد ما مرينا بي العصر (وبي العصر مرورو )
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: خالد علي محجوب المنسي)
|
يا سلااااام هذا ولعمري اروع بوست نفتتح به الارضفة لهذا العام ولاعوام قادمات باذن الله ...
التحية لك اخي فاروق دياب على هذه الروعة والتحية عبرك لكل الأباطرة الذين مرو من هنا ، يحيى قباني والضليع صديق الموج والمايسترو عزيز والشفيف خالد المنسي وكل الذين مرو بدون فرز والمعزرة لمن فاتني ذكر اسمه فكل الذين اثرو هذا البوست بمشاركاتهم كانو افذاذ وعمالقة ,,
وبالله ابدا لينا من صباحك مالو احبابك جفوني ومالي يا ليل ألى ان تصل الصباح الباهي لونك وضاحة يا فجر المشارق ... واها انا من البوست ده ما زاحي لاجل غير مسمى ..
تحياتي : ياسر العيلفون
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
وعودة للصباح الجميل
صباح الاشراق والامل
ونتذكر نفحات الصباح
وهي تاتينا ممزوجة بالتفاؤل والفرح
والامل بيوم جديد وجميل لكل السودان
كلمات لازلت اتذكرها وهي تتردد من جنبات الراديو
بصوت الراحلة المقيمة الاستاذة ليلي المغربي ورفيقة دربها
العملاقة يسرية محمد الحسن والكثير من مبدعي ذلك الزمن الجميل
لكل من نقل حرفا جميلا ورسم بسمة في وجه الصباح
وزرع املا ... وجدد يوما بكل جميل
لك الشكر كل الشكر فقد متعتنا وامتعتنا .
واجمل صباح زاد قلبي شوق
ما انت الحياة وانت بيك عشوق
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
في الضواحي وطرف المدائن
يَلا ننظر شفق الصباح
ويقصد الشاعر الخليل بالضواحي البادية خارج البنادر
ويلّا ننظر شفق الصباح
وما أحلاه الصباح شروقاً في البادية والأقاليم
نِعم لا يعرفها إلا أهل الاقاليم والضواحي والبادية
القمر والرمال والنيل والشروق والغروب
والخضرة والوجه الحسن ( مع ديل كلهن )
[green]قوموا خلّو الضيق في الجنايّن
وكانت دعوة للخروج من ضيق البندر وزحمته
وأيضاً كانت مجاراة لمن كتبوا قصائد مجدوا فيها المدين والحضر
وكان ديدن الشعراء في ذلك العصر المجاراة في موضوع القصيدة
والضواحي كانت أحدى قصائد تبارى فيها بعض من شعراء
وقد أجاد وأبع الخليل فيها
وشاع وصات قدرها ومشت بين الناس ترنموا بها في أسفارهم وحلهم وترحالهم وسكونهم
ومازالت قوية متينة متى ما تسمعها تحن لها وتطربك وتهزك هزاً لان كل مفردة فيها تداعب المشاعر
تحركها تفورها تهيجها بركانا
ماتغنى مطرب بالضواحي إلا وجدت نفسك بدون ما تشعر تفاعلت حركة معها
دعوة في شكل أمر
قوموا
وهي فعل موجه لجمع من فعل الامر ( قم )
قوموا خلوا الضيق في الجنايّن
والجنايّن والحدئق هي متنفس أهل البندر في أيام عطلتهم وتجد لك المناطق مذدحمة بهم
ما من فج يومها تجلس فيه مع أسرتك أو أصدقائك
يدعوهم أن يتركوا التزاحم في الجناين والحدائق لتفريغ تعب اسبوع مضى وتوتر أن يخرجوا ليروا
أبداع الخالق في البادية ذاك الجمال الطبيعي الذي يدعوا من تلقاء نفسه ( وشفوني أنا )
تعالوا
شوفوا عز الصيد في العسائن
نعم .. تعالوا شوفوا جمال الغزلان ترتع في خضرة ممتدة ومياه جارية من حسن الخالق البديع
والعسايّن : هي التلال المرتفعة او اي مكان عالي
يَلا نطرد نقنص نعاين
نطرد ونقنص : هي طرق الصيد طرد وقنيص وهي هواية يماسها من أحب تلك الحياة في البادية
النهار من حَر الكمائن
تعالوا نقتل ذلك النهار الموقد بُقُل جمرو حي بالخروج للقنيص في البادية
وحر الكماين : كان تشبيه دقيق للحر في البنادر والمدن شمس وزحمة تزيد الطين بلة
كأنها تلك النار المتقدة في كماين حرق الطوب
كلـ بي يا جَمجوم أصلو خائن
جمجوم قد يكون يعني بها أسم كلـ به
وقد يكون يعني بها أسم صديق ورفيق كان معه في القنيص يومها
وجرت عادة الشعراء ان يشهدوا على ما حصل في قصيدتهم بذكر اسم أحد أو بعض اصدقائهم
ويقصدبكلمة خائن اي انه من الذكاء والمكر في القنيص ما يجعله أن يكون مثل الخائن بالنسبة لعدوه
وهي ( الغزلان أو ما يراد صيده من بقية خلق الله يعشق الناس صيدها )
ويستخدم الكـ لب في الصيد وتستخدم من الكـ لاب نوع معين ( السلوقي )
وسميت باسم منشأها وهو موضع في اليمن الصديق يسمى سلوق
ومن ما يميز الكـ لب السلوقي
السرعة ... الذكاء .. طول الساقين .. ضخامة الصدر .. نحيف في منطقة البطن ( يعني مخصر )
شكله جميل جداً وقد تكون هناك صفات دقيقة له ونحن لانعرفها ويعرفها اهل الصيد واهل القنيص
شوفو كيفن يبرّى الملايّن
هبَّ شالا وكشح المُراح
لو حملنا أنه يقصد بجمجوم ( اسم صديقه )
نراه يدعوا صديقه أن ينظر ويشوف ذلك الكلـ ب كيف يباري ويتبع القطيع من الغزلان بي الجنبة لا يطردها من الخلف
إنما يسرع محازاة لها جرياً إلى أن يحدد صيده ويقفز فيها ( جب ) يجيبها الواطا صريعة تحته ويلحق به القناص
ليمسكوا بالصيد
وهبَّ شالا وكشح المراح
والمراح : هو القطيع
نعم ذلك منظر فيه الكثير من الجمال عندما يطارد الكـ لب القطيع ويظر بواحدة ويرميها فترى بعد سقوط الفريسة
أن القطيع يتشتت بعد أن كان يجري مع بعض وفي أتجاه واحد وهي فطرة الخوف
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
Quote: منسي ياصاحب
الله يزيدك جمال علي جمالك
نجضت الضواحي نجاااااااااااااض
وفرتكت فهم المدائن فرتيك الصح |
تعرف يا هارون
هناك الكثير من القصائد البديعة لابد من وقفة تأمل في مفردتها
وانا بالذات عندي أغاني بتخليني معلق بين السماء والارض ( عارف الطيب شيقوق لو قرأ كلمي هذا بجيب
مسجل ويشغلها لي ويخليني معلق ههههههه )
وهذه القصيدة بالذات توجب الوقفة فيها لان الماهر الحاذق الخليل مزج فيها وصف الطبيعة ويخرم مرة مرة
يلقي لنا شئ عن محبوبة عشقها واسمها ( محاسن )
وأجمل شئ أنه كان يخبئ هذا ( الحب ) بين الأسطر أما أن تجيد قراءة ما تحت السطور أو تطلع من المولد
معضيك كلــ ب ههههههههه
يعني قصيدة شاملة وصف طبيعة البادية والضواحي ... غزل وشوق في للحبيبة ويحكي الهجر والبعاد...
فخر والغريب والأهم انه دمج في بعض الاحيان في المقطع الواحد بين عزل ووصف وبين غزل وفخر
بديع ورائع هذا الشاعر الخليل عليه رحمة الله
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: Emad Ahmed)
|
ومن نافذة الفيسبوك
اهلا بالغالي حسين قاضي
ارسي ياخي
Quote: أبو دياب يا رشاشة أول مبروك ليكم إنت وعمو صديق الموج التعادل ...
تصدق قبل كم سنة في منزل أخونا لقمان همام في بن عمران هذا الإسمه
مجذوب أؤنسة ظبط ليك واحد جيت أوادعك يا قماري بالعود إنا لله وإنا إليه راجعون
خلي ليك نص الحضور يبكي ... ما عارفها كان زول سجل السهرة دي ولا لا ...
بالله ركز لينا مع السلطان أبو داوود |
حاضرين ياحبيب وابو داؤود جاهز
ومن غيره دوزن الحقيبة .
تحياتي
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
بوست جميل وسيدو جميل
ياخي بوست شحمان زي دا ما نلقى زول يقول لينا في بوست بغادي امش عليهو
ود حلال ساهي يدينا لكزة كوع مافي لمن لقيناهو روح وعمل صفحتين
زمان يا هارون يا صديقي ونحن صغار كل جمعة بنتجمع في الديوان وبجيبوا الغداء جماعي ودي فرصة ياخي الزول يغير بكون حفظ اكل امو
اغرب شئ لمن تجي تغير وتلقى نفس غداكم فيي الصينية القلت تغير بيها المفتح هو البوصي صاحبو الجنبو ياخي لو لقيت ملاح كدي وكدي في الصينية ادني لكزة
كمان ياخي بوست جمع كل الناس الجميلة من محمد نور كبر والمنسي والموج وقباني وبقية الناس الحلوة ويفوت مننا
حتى صديقي اللدود يسري الكومي من نافذة الفيس تحدث بلساني قال النضال لقيناهو ما جايب حقو مافي احسن غنانا وشعرنا
نحن لم ننجح في شئ مثلما نجحنا في صناعة الكلمة بشقيها الشعري والغنائي
الغناء السوداني شئ اشبه بالسحر الاسود والفودو ممن يغيرك 180 درجة
زي احلام سمعتا باحلام .
ويا بت يا احلام كدي قلَبي صاروخ صدام بتفجري
والطالع الجبل بتنزلي والصائم رجب بتفطري ....
لم يترك لنا افذاذ شعراء هذا الوطن بابا والا طرقوه وبعنف ..
الصباح والمساء نموذج اخترته انت وقطعا حالي كحال كبر وربماء اشد سوءا مما الم به حتى جعله يفارق البوست فراق المحب لمن عشق ...
ياخي معليش ان ظهرنا وسط الجمال وكنا دونه بس حضرنا قلنا نحاول نتذكر معاك ونتالم برانا . . .
وقطع شك بنجيك رائع
تحياتي ومحبتي استاذي الجميل هارون دياب
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: عبد الله شم)
|
اسعد الله صباحك الحبيب عبد الله شم
وطبعا اجمل الصباحات كانت صباح الجمعة
بالنسبة لينا في بورسودان كنا ننتظر الجمعة
بفارغ الصبر لانها تجمع جميع الاهل خاصة العزابة
في البيت الكبير مع قراريص الملوحة والويكة
وطبعا في جماعة بتكون ( بايته معاهم من الخميس ) ههههههه
طبعا ديل اهم حاجة عندهم الشطوط والبصل .
المهم ....
بالنسبةلينا كان حضورهم يعني زيادة الدخل الاسبوعي
لانوا البيرسلك تجيب سجائر تنوم بالباقي
والداير بيبسي كولا يهضم برضو تنوم بالباقي
وهو عارفك انت نمت بالباقي بس عمل مجنون
يعني ماتعمل فيها تفتيحة .....
في وسط هذه اللمة انفرد الخال عباس امد الله في عمره
بانوا كان مابجي يدو فاضية من المطايب والهدايا واهم حاجة
شايل ( مسجلوا معاهو ) ..... يمين لامن يشغل ليك الكابلي
تنسي الملوحة والبيبسي كولا والمراسيل .....
رحم الله من رحل واطال عمر من بقي
مش قلته ليك اجمل صباح .
جمل الله صباحك بكل جميل ياجميل
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: haroon diyab)
|
سلامات من جديد يا هارون
كان لابد من ان نمرر على ابو عفان وبازرعه وان كان الصباح هنا عبارة عن مرسال فقط متمثلا في نسيم الصباح المعتق الرائع
وناخذ اغنية زكرتني التي تقول
زكرتني حبيبي زكرتني
زكرتني عهد الغرام
واعدت لي ماضي الهوى
يا ليتني القى المرام
ونعيش سوى بعد النوى
زكرتني ...
سميري يا خير الانام
حيرت فكري بالدلال
هيجت في قلبي الغرام
وهجرتني بعد الوصال
زكرتني ...
بالله يا ريح الصباح
بلغها اشواق الحبيب
زكرها بي عهد الصبا
وعهد الوفاء واطفي اللهيب
زكرتني ...
زكرها ليلات السمر
ولنعود للعهد الجميل
نصغي لانغام الوتر
وتحت القمر بين الخميل
زكرتني
| |
|
|
|
|
|
|
|
|
|
Re: نماذج من الاغنية السودانية - الصباح ( 1- 10 ) (Re: يحي قباني)
|
مساء الخير يا الامير
وصباح الخير يا امير البورد
وطبعا كنت ناوي ابدا بي ولي المساء
ولكن ولانك سيد الشي زااااااااااااااااتو
جبت النجيضة واخدت الكاس
ده اجمل اختيار في اجمل صباح
باجمل مساء .... وامسيك ياجميل حي والله غيرك ما لي سمير
نمشي علي البوست
ونبدا بيها .
تحاياي
| |
|
|
|
|
|
|
| |
haroon diyab
cantona_1
Kabar
بله محمد الفاضل
صديق الموج
Emad Ahmed
Gaafar Ismail
يحي قباني
Elmosley
عاطف عمر
عزيز
Zakaria Fadel
khaleel
Mohamed El Sheik
خالد علي محجوب المنسي
ملهم كردفان
حاتم محمد عثمان
ياسر السر
عزالدين عباس الفحل
عبد المنعم سيد احمد
Abuzar Omer
عبد الله شم
فيس بوك
تويتر
انستقرام
يوتيوب
بنتيريست