مرقة ماجي وزيت الراجع واسهالات في كل مكان وجوة بطون الناس تتلم مواجع انعن دين الزيت الراجع بلدا فيه الخير متراكب كيف تتعطل فيه مزارع كيف الناس ما تقدر تاكل وتبقى تفتش زيت الراجع مليون والي مليون فاشل جالدين الناس برسوم ضرايب وشعبا جايع وبرضو يفتش زيت الراجع كل الوزرا زي من كوكب تاني فيهم نورة ووشا لامع نقول ما بحكمو هذا الشعب الزيتهم طالع جرايد تكتب روادي تلعلع وتلفزين الشعب الجايع يلملم ناس بالعة وراتعة تتفلسف فينا حوار طرشان وناس بتفتش زيت الراجع سرطانات في كل مكان وكنجالات براة السودان بالدولار وشعبا ضايع وين الدين الطلع دين الناس لا سوقا نافع لا حواشة بتنتج لا في مصانع عشرين عام والخمسة زايدة بتعملوا ايه؟ ما كفاكم حق الشافع البنتع شطر الوالدة وما هو الراضع؟ ما كفاكم من عدمان من بيت عشوائي بقيت تتضرع في كافوري وبرضك تزعل لو غنماية جات في الشارع بت غلفة يادنيا بتدي وناس فهمانة وجد عدمانة الا غنية بعزة روحا وشعبا رائع ما مفروض يتساس بي ديل ناس تلب جايين بالليل وديل معروفه اصولهم وسر اسراهم باين وذايع قالوا شريعة نطلع دينكم وبرضو شريعة سبحان من صور نحن بنعرف اصل الدين ما فيه فقيرا جايع ببقى بفتش زيت الراجع لموا دقونكم لمو كروشكم لمو قروش السحت الفاقع وامرقو سيبو الشعب الرائع بدبر حالو وقطعا تاني يا مرتزقة ما بنفتش زيت الراجع
(عدل بواسطة د.محمد حسن on 11-23-2014, 11:40 AM) (عدل بواسطة بكرى ابوبكر on 11-23-2014, 05:14 PM)
11-23-2014, 04:43 PM
usama Babiker
usama Babiker
تاريخ التسجيل: 01-07-2013
مجموع المشاركات: 2285
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة