|
Re: زوووووووووووووو... (Re: Abdo Mustafa)
|
مبروك يا وصيفاب وهاردلك اسياد البلد كويس كدا عشان تجو منفوخين السبت الجاي و نرشكم في الممتاز وهي البطولة الأهم البتأهل للعب في الأبطال - اوبس سوري قصدي تمهيدي الأبطال بالنسبة ليكم خخخخخخخخ
_______________
أخخخخ .. بالله يا علي دفع الله طلعت وصيفابي !! ما فضل ليك إلاّ تشرب سجاير بعد دا :)
| |
|
|
|
|
|
|
Re: زوووووووووووووو... (Re: محمد حمزة الحسين)
|
ود البشرى أزيك .. تهىء..تهىء..تهىء..
يا سامى يا ود المعيلق ... يشهد الله الصورة الجبتها الفيها الزول البضحك الضحكة الغياظة دا لقيتا لافه الدنيا دى كلها كراع ###### ..التعليق الفى الصورة دى عملتو أنا و بالتلفون كمان .. لو عارفا بتلف كدا كان كتبت فيها إسمى ..
الصورة دى لقيتا منزلا واحد خليجى بعد رشة بيل لبرشلونة لما جرى بى بارترا و زلقا بالبيضة للحارس أب مشاط الماسورة داك ..الصورة كان مكتوب فيها (لو قابلك برشلونى لا ترد عليه بس أعطيه هذى النظرة) هههههههههههه
المهم الصورة عجبتنى و مرت الأيام و الزبون أنضرب ضربتو الاولى فى الابطال .. طوالى اتذكرت الصورة دى و فتحتها بى برنامج تعديل صور و عملت خلفية زرقا و سودنت التعليق ...
مبروك يا صفوة ضرب الزبون و عقبال السبت نطبق ليهم الحنة عشان يتفرتقو مرة واحدة ..
| |
|
|
|
|
|
|
Re: زوووووووووووووو... (Re: وليد عكاشة)
|
Quote: ود البشرى أزيك .. تهىء..تهىء..تهىء..
يا سامى يا ود المعيلق ... يشهد الله الصورة الجبتها الفيها الزول البضحك الضحكة الغياظة دا لقيتا لافه الدنيا دى كلها كراع ###### ..التعليق الفى الصورة دى عملتو أنا و بالتلفون كمان .. لو عارفا بتلف كدا كان كتبت فيها إسمى ..
الصورة دى لقيتا منزلا واحد خليجى بعد رشة بيل لبرشلونة لما جرى بى بارترا و زلقا بالبيضة للحارس أب مشاط الماسورة داك ..الصورة كان مكتوب فيها (لو قابلك برشلونى لا ترد عليه بس أعطيه هذى النظرة) هههههههههههه
المهم الصورة عجبتنى و مرت الأيام و الزبون أنضرب ضربتو الاولى فى الابطال .. طوالى اتذكرت الصورة دى و فتحتها بى برنامج تعديل صور و عملت خلفية زرقا و سودنت التعليق ...
مبروك يا صفوة ضرب الزبون و عقبال السبت نطبق ليهم الحنة عشان يتفرتقو مرة واحدة .. |
ههههههههههههههه ههههههههههههههههههههه ابدعت والله يا وليد ودائماً ضرب الزبون يولد الابداع
الف الف مبرووووك الفوز
| |
|
|
|
|
|
|
Re: زوووووووووووووو... (Re: سامى عبد المطلب)
|
يا سلام عليك يا سامى ياخى .. مقال مزمل دا مهم خلاص ..
شكلو شيبا نزل الجرايد فى منتدى محبى المريخ .. نمشى نلحق ..
ود البشرى ود البشرى ... قون راجى ككككككيف ؟ ههههههههههههههههههه
| |
|
|
|
|
|
|
Re: زوووووووووووووو... (Re: معاوية المدير)
|
. غايتو ما لاقاني زول نحس زيك .... و قالو المنحوس عدوا نفسه ..... ما صدقت جبتو هدف و جيت جاري بي زووووووووووووووووووووطك دي ...؟؟؟ لو صبرت دقائق بس ما كان إتورطت الورطة دي كلها..... غايتو بقيت مشهور..... بعدين ياخ كأس السودان معرووووووف حقنا يعني ما كان في داعي لي السويتو دا كلو و ناسكم ديل مفروض لم يصلوا النهائي و يكون معاهم أسياد الكورة و البلد يعتزروا عن المباراة لأنو معروف النمتيجة شنو ... أما إذا كان النهائي مع طرف غيرنا يجربوا حظهم عسى و لعل ... غايتو باقي ليكم الممتاز لو طار منكم ........... طيارتكم زاتا حا تطير بيكم...
المرات الجاية حاول أشغل نفسك بي أي حاجة عشان منظرك بقى شين شديد
| |
|
|
|
|
|
|
Re: شيل يا بكري ... شيل :) (Re: عاطف عمر)
|
Quote: شفت اسمك واسم ابوحسين قلت لابُدَّن تكون فى مناكفة البلابل حفلتِن انتهت ولا لسه ؟
|
زول منحوس و شفقان و هو عارف نفسو .. يقوم يعمل ليه عملية زي دي ....؟؟؟؟ ما ياها تعالو دقوني ....:) :)
ياخ مشجعين برشلونة ما بعملوها .
اها تعال اعملها يوم السبت كمان...
لكن بكري ماقصر معاك .... :) :) :) (بكري ابوبكر و ليس بكري المدينة ابو 2 مليار)
| |
|
|
|
|
|
|
Re: شيل يا بكري ... شيل :) (Re: ABUHUSSEIN)
|
هلا بالشباب .. هلا والله مبروك مسيخة كدي للوصيفاب وهاردلك آآآآد كدا لأسياد البلد وموعدنا يوم السبت إن شاء الله
سامي عبد الوهاب الجابتك دي ما هينة أبدا كيفك يازول ومالك غايب إن شا الله بخير فاقدنك من زمن ملصة الحضري الطيرتكن من التمهيدي القبل الفات خخخخخخ الجابك إن شالله يجيب ودالريح وعمر الفاروق وراكوبة و باقي الناس السمحين
| |
|
|
|
|
|
|
Re: شيل يا بكري ... شيل :) (Re: Hafiz Bashir)
|
الباشا ود البشرى و ضيوفك الكرام
لكم التحايا
برغم كيد الكائدين و تحيز الحكام الواضح الا ان الزعيم كان فى الموعد و قلع بطولته المحببة ليترك الوصافة لمن يستحقها و تعود عليها
فالف مبروك الممتاز و لو كان الحكم غير ابو شنب لكانت نتيجة المباراة كارثية على اهل الوصيف
| |
|
|
|
|
|
|
Re: شيل يا بكري ... شيل :) (Re: حيدر بشير)
|
هيا حا فظ بعد الهنا بسنة!! المثل دا بقى عليك سفقتك الجاي تشمت لقيت روحك وصيف :)
يا حيدر مبروك الكاس رجع لمكانه الطبيعي الهلال أمس ضرته قصة الفرصتين خلت الأولاد يلعبوا مسترخين على التعادل ابوشنب عمل ميت من البلنتي عديل كدا
| |
|
|
|
|
|
|
Re: شيل يا بكري ... شيل :) (Re: محمد البشرى الخضر)
|
حياك الله يا باشا
نعم رجع الى دولابه الاصلى و هذا هو الطبيعى
و بعدين هو بلنتى واحد لا و الله اتنين و التالت كان طرد راجى بعد ان ضرب بكرى بدون كورة رغم ان بكرى يستحق كرت اصفر
و لكن لا يحق لراجى اخذ القانون بى ايده فلو كان الحكم شجاع كان طرده لكن نقول شنووو مع حكام الوالى
| |
|
|
|
|
|
|
|