|
|
 غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا رمية ضربة جزاء فيديو !
|
من المعروف عن اهلنا الشوايقة ( الجرسة ) اثناء الحب لو كانوا داخل
اطار العلاقة او تم استخراجهم منها لاي ظروف . يعني الوحدة ويلها وسهر
ليلها ترتبط بي شايقي وتسيبو . لانهم هم ما عندهم مشكلة غير امشوا يكتبوا
الاشعار بالقصة كااااااااااااملة وبالاسم بتاع البت لي سابع جدها والما اشتري
يتفرج هههههه . كدي نسمع الاغنية دي للفنان الذي احبه حتي الثمالة ونجي لاستكمال
العنوان الرئيسي ( الشوايقة وجرسة الحب ) ..
وبالمناسبة اللفت نظري للرمية دي تفاعل الجمهور لدرجة( stress ) حقيقة ذكروني ضربات
الجزاء بين هولندا وانجلترا قبال كم سنة انا ذاتي كنت متوترة لدرجة عدم المتعة هههه
|
|
 
|
|
|
|
|
|
|
 Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: يحي قباني)
|
العزيزة / منى - اسعد الله ايامك
بوست سمح تب
من غير تمييز وكده
الشوايقة طاعمين ونضميهم طاعم
بعدين السودان ده عجيب بالحيل
رغم (الدفسيبة) الوصلنا ليها في العشرين سنة الاخيرة دي
(لاكن) في حاجات سمحة وبتديك امل انو بكرة بكون افضل
زي
تلقى زول من نواحينا في الجزيرة نفسو قائم ويطلق ويحلل انو (جدو) تهراقا حكم لحدي سوريا ومبسوط للاخر
وزول من نواحي نهر النيل بكون مبسوط وبفتخر انو (جدو) علي دينار كان بكسي الكعبة المشرفة.
وزول من النيل الازرق بتكيف لعبدالرحيم ارقي وللطمبور
وده السودان
تحياتي
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: الجنيد حمد)
|
Quote: لأخ العزيز الرائع دومآ \ يحي قباني ..
لك تحياتي وكل احترامتي ,,, وكتير اعتذاراتي الخجولة لو
كان هف هذا البوست الجهوية ولا القبلية لانني لا ولن ولم اورج
لذلك ولا افكر لحظة في مثل هذه البوستات ولم تكن يومآ هدفي من بعيد
ولا قريب ! كل الذي حاولت ايصاله مجرد طرفة عن موضوع يختلف تمامآ عن
ما استنتجته .. اما موضوع القبلية يا اخي انا لم تكن لدي اي مشكلة مع اي
قبيلة مهما ما كانت نوعها او اتجاها الذي ارفضة فقط التعصب والعنصرية الملازمة
اذا كانت هناك من قبلية او عنصرية ,, والقبلية والقبيلة بالنسبة لي هي الارث والحضارة
والتاريخ الذي يمثل الهوية الشاملة لانه يحتوي علي كل ما هو مطلوب من تعدد واختلاف عادات
وتقاليد من ضمنها الغناء وكلماته ومواقفه ونغمة الطمبور الذي كنت اتحث عنه وكان هو لب البوست
كل هذا الذي وقفني اخي وجعلني افتح هذا البوست وفقط للتنوع والترفيه لا لشئ اخر وانا اخي اذا
اردت القبلية والجهوية القصدتني بها وهذه النظرة والفكرة الضيقة التي اصبتني بها كنت ذهبت الي
احدي المنتديات والقروبات الضيقة الافق من اسامي القبائل ومن ضمنها منتدي وقروب الشوايقة ولانني
ارفض كل هذه المجموعات التي اصبحت علي قفي من يشيل في هذا العراء الفضائي والتي ابغضها حتي الثمالة
لانني اعتبرها تجمعات رجعية وتخلف ولا تواكب ولا تضيف في حياتي ما ارغبه ولا ارجاءه ,, عمومآ حا اقيف هنا
وانا علي عجل لضيق الوقت وذهابي الان الي العمل .. وبرجع لاستكمال المزيد من الايضاح . خليتك بالف عافية
وحتي رجوعي ولو في العمر بقية .. سلمت ومشكور .. ولي قدام . معذرة اذا وجدت اخطاء املائية لانني لا استطع
مراجعت ما كتبت . ولي عودة ,
|
بت عمسيب يا بت يا جدعة ...
حرّم ولا كلمة تاني ...
انا والله جيت اشاغل و انبسط بي جاي ...
كلامي ده البسموهوا ساركاستك ...
لانو يا مني بقينا الواحد لما يكتب اسم و لا كلمة يراجعها 20 مره قبال ما ( يغلط ) ...
يا زوله اكتبي و افتخري ... و الما كتب عن ناسو و ما افتخر بي ناسو يكتب عن منو و عن شنو ؟
و جاييك تاني انشاء الله مثني و ثلاث و رباع ...
| |
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: الجنيد حمد)
|
الاخت منى
حفلة العيد في اسبارك ستي المنه الاغنية الاولى حضرتها و داك اليوم كان عاصف و مطر شديد
الربات خايضو في الموية و وصلنا القاعة مويتنا تقطر
ود النصري ابداع يمشي على الارض
عنده قاعدة جماهرية اغلبها من الشباب من كل جهات السودان بنفس الحماس
لاقيت شباب كتار بسمعوهوا طول اليوم بلا ملل و يحفظوا اغنياته على ظهر قلب
في نهاية حفلة اسبارك الكورس احاط بيهو و اول ما الاغنية انتهت شالوهوا و قاموا جاريين
و الشباب وراهم لوووول
ما اظن في فنان سوداني حصلت معاهوا مواقف زي دي
حقيقي الما حضر ود النصري في حفلة ح يزيد اعجابه بيهو بعد ان يحضره لايف
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: محمد حمزة الحسين)
|
يا محمد حمزة الناس البيناضلو ما يحبو ولا شنو...؟؟
وانت ما سمعت ان الحب ما ليه حدود ولا حواجز,,,, وحتى هتلر النازي الكان عاوز يحتل العالم
كان بيحب ويهوى.. وحتى جيفارا المناضل الثوري كان برضو بيحب ويهوي...
واذا كان المناضلين ما بيعرفو الحب والعاطفة ما حيكونوا جديرين بحكم شعب طيب ومحبوب كالشعب السوداني لمن يجو للحكم بعد
إزالة الحكم الداعشي الذي لا يعرف شيئا عن الحب والعاطفة والود والرحمة... ولا رأيك شنو....
والله يديك العافية
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: عبد المنعم سيد احمد)
|
ودي كلمات بت العرب النوبية.. وبت النوبة العربية
والله يديك العافية
...................
يا بتا العرب النوبية
يا بت النوبة
العربية
بي ريحة قهوة بجاوية
أو شدر الصّيا بِت العرب
حوة الزِّنجية
ويا فردة نخوة صعيدية
دسيِّني من الزمن الفارغ ..
من ريح المتع الوكتية
من شر السّاحِقْ
والماحِقْ ..
بين دَبَش المدن المدعية
والليل إتحكّر بيناته
كحّل بي دبشو عويناته
يا شمس الله المسبية
روّحت اتنسّم أخبارِكْ ..
لا تشفَقْ
قالو لي نصيحي !!!
وأنا عارفك
ممكونة وصابرِة ..
لكن لي ناس إلاّ تصيحي
... ... ...
يا نور قاعِدْ بِكْ ..
قايم بِكْ
شايلك مورودة ومتوكِّلْ
يا نورا على الله .. علينا
والفرج القرّب .. وحايم بِكْ
جواي مأساتك .. مغروسة ..
يا طفلة تفتش
في باكر
ما بينات نخلة وأبنوسة
الجوع العطش الفَدْ واحدْ ..
الفقر الضّارب زي سوسة
الخوف والحالة المنحوسة
ويا بحر الحاصِلْ ..
لاكْ ناشِفْ ..
لا قلمي الفي إيدي عصا موسى
والشّارع صَانْ .. صَانْ الشارعْ
جايل كايسلِكْ يا نورا ..
لا كُتْ متسوِّل لا صَايعْ
.........
لكن العكسر باغتني ..
يا نحس الحلم الباختني
يا عفن الأيدي المأجورة
نوراي الخطوة الجابتني
للمدن الصِّبحت مهجورة
... ...
يا ناسي بطاقتي عويناتا
البضهب عنِّك بيناتا
...
تلمحني الفقراء ..وتلفحني
في ليلها أغني معاناتا
...
الفجر الكاذب يرْشَحْني
ترشَعْ بي الواطة سماواتا
...
شدرات السّافِل تَنْتَحْني
بالحاصل أعبِّي مساماتا
...
الناس القُصّر تنصَحْني
نتْكَاجَرْ أتوِّر نجماتا
...
القمر الطّيب يفضَحْني
تنبحني درادرك وآهاتا
...
وعلى كيفك سيفك يتحَكّمْ
يا سوسي تكنّك ما بتعلمْ
بي شتلة تقرِّبْ تتكلّمْ
يا حَال البتألم وساكِتْ
و يا حال السّاكِتْ وبتألّمْ
...
يتفتّق جُرحَك يوم نبرأ
نتلمّى .. وقيدك ينحطّمْ
وين عاتِبْ هارب من بُكرة
وخطو التاريخ البتقدّمْ
للزّمن الإنساني السِّدْرَة
حا يوقِّف قولو وما ب يُرغَمْ
المنفى في شرعو كما الهجرة
والسِّجن متل دار الأرْقَمْ
... ...
والشّارع قارِنْ في الشّارعْ
وأنا واحد من شعبِ مضارع
سمِّيت ومشيت ما متراجع
ستِّين أبدين ما متراجع
رغماً عن عَنَت الأيام
والزّمن الَجهْجَاه الفاجِعْ
... ...
بالنّفس النّازل والطالعْْ
غنيتك
يا عشقي وتيهي
يا بلداً
كم سمحِة وجيهي
لو لِقَتْ النّاس البتدورا
الأيدي التنفض كِنديكَا
ترتاله .. تكوس لها في الجيهي
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: مني عمسيب)
|
العزيزة منى
لك و لضيوفك الكرام التحايا مترادفات
غايتو بالغتى معانا النصرى دا ظهرة عجيبة فى سماء اغنية الشايقية
يمتاز بالصوت و الكلمات و العزف على الة الطمبور و الجمهور العريض الذى يعشقه حد الجنون
غايتو نانشكر مثنى و ثلاث و رباع ما قربتى تلحقبنا ترب ود كرى فى غرب نارتى الحبيبة
ما دايرين نقول اهاااااا و لكنى اقول ابدااااااااااااااااااااااااع
ربنا يقويك و يخدر ضراعك و يسقيك من كاس الحرية و الديمقراطية فى سودان الجمال عاجلا غير آجل
فمثل هذا الابداع تزيد قيمته فى جو معافى بالديمقراطية التى تنشدينها و يعلو كلما كان هناك صفاء و امن و أمان
لك من الشكر مثنى و ثلاث و رباع
تعديل بسيط
من اجمل زوائع الطمبور للراحل المقيم النعام آذم .
اداء ملك الطمبور النصري .
( حتي الطيف رحل )
الطيف هى أغنية المرحوم محمد كرم الله و من كلمات الشاعر محمد سعيد دفع الله
و لم يتغنى بها الراحل المقيم النعام ادم
| |
|
|
|
|
|
|
|
|
 Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: مني عمسيب)
|
أختي الغالية / منى بنت عمسيب ، تحياتي واحترامي.
أقيّم المشاعر جداً وأحبُّ البوح بها ؛ هي حياة واحدة - أتكلم عن الدنيا دون الخوض في الآخرة فهي من أمر الله عزّ وجل -
نمتلك في هذه الدنيا فرصة واحدة لنعيشها ؛ واليوم الذي يذهب لا يأتي
لماذا نحرم أنفسنا من بهجتها ونكتم مشاعرنا تحت دعاوي (عدم الجرسة وهييييييع ... الخ )
أحيي أبناء شايق على وضوحهم في الحب :)
وعقبال باقي القبائل
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: مني عمسيب)
|
بت عمسيب
لك التحايا العاطرات...
قبل فترة وجيزة كتبت بوست عن النصري وأغانيه الرائعة ( محمد النصري..نورس الفرح ) أتمني أن تكوني قد مررت عليه. وإن لم يكن أرجو من أهل الخبرة المساعدة باللنك.. حقيقة الشايقية مفرداتهم مليئة بالحنية وأغانيهم شئ موغل في الوله..وخاصة النصري
لك التحية
آدم العشا
لك التحايا العاطرات...
قبل فترة وجيزة كتبت بوست عن النصري وأغانيه الرائعة ( محمد النصري..نورس الفرح ) أتمني أن تكوني قد مررت عليه. وإن لم يكن أرجو من أهل الخبرة المساعدة باللنك.. حقيقة الشايقية مفرداتهم مليئة بالحنية وأغانيهم شئ موغل في الوله..وخاصة النصري
لك التحية
آدم العشابت عمسيب
لك التحايا العاطرات...
قبل فترة وجيزة كتبت بوست عن النصري وأغانيه الرائعة ( محمد النصري..نورس الفرح ) أتمني أن تكوني قد مررت عليه. وإن لم يكن أرجو من أهل الخبرة المساعدة باللنك.. حقيقة الشايقية مفرداتهم مليئة بالحنية وأغانيهم شئ موغل في الوله..وخاصة النصري
لك التحية
آدم العشا
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: مني عمسيب)
|
العزيزه منى .. وضيوفك الكرام
سلام ومحبه ...
نحنا من ما قمنا وفتحنا في هذه الدنيا وجيراني شوايقه ...
ناكل ونشرب مع بعض وكل افراحنا واتراحنا مع بعض
وانا مشيت القرير اكثر من مره مشاركة لهم .. والحقيقه ناس محترمين ومافيهم كلام ...
وانا قربتاا اعرس منهم .. الا القسمه ما معروفه وين ...
وبتذكر كان المرحوم الفنان عثمان اليمنى دائما بزورهم وبكون معاهم ..
لذلك احببت هذا الفنان بكل ما تعنيه هذه الكلمه ..
وهدي لك هذا المقطع الجميل ...
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: مني عمسيب)
|
سلااااام يا منى ... الغايتو الشوايقة ديل اكان مافيهم غير القرير ... وسيد الرمية التحت دي ( عثمان اليمني ، ربنا يرحمو ) ... بتكفيهم يكونوا زي نسايم الاسحار فوق صفحات الانوار :
حليل زمن البيوت المو بيوت ضيق
وحيشانا المبردحة ماها محيق
ولقاديبنا المبلطة خاطي شقيق
مضللة بالفِلَق ما فيها رقريق
المرق مرقا صنط وساوينلو ارنيق
وراصين القداحي صفوف معاليق
وبرنداتنا الكرارق بالشباريق
الطير بعضو عشعش في السباليق
زمن الناس حنينين مافي فريق
لا جفا لا غلت لا حتى نقنيق
ونحن سايقين السواقي وعيشنا متيق
ولابسين الشمامير والعراريق
وتسمع لاااااتحت دق المداديق
يجي احمد للفطور وشايلو باسيق
مالي الشبكة قش وقاطعلو اشميق
يفسخ ويمشي مالو جيوبه دِفيق
ويجدع منجله الما حام كتاريق
تجيبلو ام زين حريف يفكبو الريق
ويا حلات النومة وقت الضل يجي ارتيق
إنا لله ياخ يا قولة طارق جبريل
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: محمد عبدالقادر ضرار)
|
مع التحية للاستاذة منى ..
من أجمل المناطق التي قضيت فيها بعض الوقت .. في السبيعنات كمعلم في مدرسة نوري الغويبة الثانوية العامة
ناس جميلين .. وخفيفي الظل .. ولديهم ملكة فنية عالية جداً .. لأن المنطقة جميلة والناس فيها شاعرية ..
الكلام العادي بين الناس فيها تنغيم وكأنه شعر ..
وقد كتبت بعض الخواطر عن المنطقة .. حليل زمان .. ليت الشاب يعود يوماً ..
ذكرياتي .. في ديار أهلي الشايقية (1)
اذكر ذلك اليوم الذي جمعنا فيه ناظر المدرسة واخبرنا بوصول الشيخ الكاروري واننا بصدد زيارته وكان قد أفرج عنه بعد اعتقاله لفترة طويلة من قبل امن حكومة مايو .. وقمنا جميعاً بالواجب ووجدناه في حالة صحية سيئة من جراء ما تعرض له اثناء اعتقاله .. وكنت شخصياً اكثر الناس حرجاً لأن في تلك الايام كانت شعبية الرئيس نميري متدنية بين اخواننا في منطقة الشايقية لاسباب كثيرة اهمها نقل العاصمة الى دنقلا وامدادها بالكهرباء والارسال التلفزيوني بالاضافة الى نقل جميع الدوائر الحكومية مما جعل اخواننا هناك يشعرون بنوع من الغبن .. وكان ذلك محور الحديث بيني وبين اخواني المعلمين في المكتب والسكن .. نتحدث فيها مع بعضنا على سبيل المناكفات والسجالات المحببة الى النفس وكانت الغلبة لهم لأنهم حاضري البديهة بالفطرة وفصيحي اللسان بلغة منغمة وسلسلة .. وكان مبتاغي الاخير ان اتباهى أمام الزملاء بأنني شاهدت في دنقلا كأس العالم على هواء مباشرة وكأني في المكسيك .. ولكن الحقيقة انني اكتشفت اصالة ورقة وجمال ذلك القوم بعد معايشتهم ومن اراد ان يعرف اخواننا الشايقية على طبيعتهم وبدون اي رتوش او اضافات فليذهب الى نوري حيث الطبيعة الصادقة والارض المعطاءه والكرام من الناس .. وأجزم عن قناعة انهم نوبة استعربوا ولا فرق بيننا إلا أن لسانهم عربي مبين ولكن السرعة وادغام الكلمات والتعابير واذكر ذلك اليوم عندما جاء إلي في المكتب وكنت مرشد الصف الاول وقذف في وجهي بعبارة غريبة جداً ومنغمة ( استاذ .. ألوفتولي – كسرة على الياء – جمع كراسات الحساب ) ويقصد ان ( الفة سنة أولى هو الذي جمع الكراسات ) ولا تدخل زميلي الشايقي في المكتب وشرح لي الامر لما فهمت شيئاً .. كيف يتم دمج ثلاثة كلمات في كلمة واحد ( الفة سنة اولى _ ألفوتولي ) وهم سريعي الحركة اكثر من اهلنا وقد لاحظت حتى حميرهم اسرع خطى من حميرنا ولا اعرف سبباً لذلك ولكن ربما لأن النيل في كريمة نوري يجرى عكس الاتجاه .. ولكن البشر هي نفس الصفات ونفس الملامح ونفس العادات والتقاليد بل نفس الطعام ولكن من ناحية الجمال والنضارة وتقاطيع الوجه والوسامة فلهم القدح المعلى .. وسبحان الخالق .. وفي منطقة مثل نوري كانت وسيلة الاعلام الوحيدة هي المذياع ولكن لحظي العاثر كنت اقتني مسجل من نوع ( ناشونال) لم يهدأ يوماً منذ ان وطأت قدمي ارض نوري .. ودائماً ما كان بحوزة عمنا فضل السيد غفير المدرسة والذي دائماً ما كان يستهجن أن اسمع فقط نشرات البي بي سي ولا اسمع الاغاني ولا اعيش الجمال والروعة من خلال صوت الكروان كرم الله وجبارة وهذا الثنائي كان قد ملأ البر والبحر نغماً وطرباً في ذلك الزمان .. وقد لاحظت ان عمنا فضل السيد كان لا يعترف بمقدرات الفنان صديق الدبة مع ان الاخير كان في بداياته ويتلمس طريقه بين عمالقة الطرب والشجن والصوت الجميل .. لقد تعدى عمنا فضل السيد بجهاز التسجيل حدود ميز المدرسين الى رحاب اوسع لاحياء نوري وسمعت من احد المنافسين لفضل السيد في مجال الوجاهة والظهور انه شاهد الرجل يتباهى به في حفلات الاعراس والمناسبات وكأن الجهاز ملكه ولكن رغم وشاية هذا المنافس تركت الأمر لفضل السيد ليشبع بعض رغباته الجامحة .. وعمنا هذا رغم اميته إلا انه نموذج حي لأهلنا الشايقية فهو ذكي ولماح يقرض الشعر بلغة كانت بالنسبة لي كالطلاسم بالاضافة الى انه راوية من الطراز الاول .. فهؤلاء القوم خبروا كل دروب الشعر حتى اصعب انواعه وهو الشعر الفكاهي او الهزلي .. وقد روى لي فضل السيد قصة الرجل الذي نظم قصيدة هزلية يهجو بها افراد من شرطة مروي .. ووصمهم بالشراهة وحب الاكل الذي كاد ان يقودهم الى الهلاك .. وحسب الرواية فقد اختلط عليهم الامر واعمى الجشع والنهم الى الاكل ابصارهم .. وذلك عند مرور جذع شجرة موزة مع فورة مياه النيل خيل لهم ان الامر سمكة جديرة بصيدها وتجهيزها كمائدة دسمة :
موزة من موزات نوري الكبار .. حضروله دقة وشمار
العساكر ملصوا اللبس .. قالوا دايرين لحم الدبس ..
والله ياموزة كلامي ليك .. دي المصيبة الوقعت عليك .. يا موزة كلامي ليك ..
وهذا مطلع لملحمة شعرية بها من التهكم والسخرية الكثير .. وكنت استمتع اكثر عندما يكون معنا العمدة مهدي كنيش ( عمدة الشبشة ) حيث كان عمنا فضل السيد يتألق كثيراً في حضرة هذا السيد الكريم وفي حضور العمدة أنواع اللحم والشواء والجلسة الجميلة داخل حوش ميز المدرسين .. رحم الله ذلك الزمان ومازال صدى صوت فضل السيد يأتيني من اعماق ذاكرة ما .. وسقى الله تلك البلاد الجميلة خيراً .. ونوري هي جنة الله في الارض .. وأهلها اجمل خلق الله .. وللحديث بقية ..
| |
|
|
|
|
|
|
|
|
 Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: عواطف ادريس اسماعيل)
|
http://sudanyat.org/vb/showthread.php?t=30704http://sudanyat.org/vb/showthread.php?t=30704
Quote:
وكمان قولها أغنية حتي الطيف رحل خلاني حقت محمد كرم الله
وليس النعام آدم وشاعرها محمد سعيد دفع الله
أها قبلتلك عليها وللا لع |
حـتـى الـطـيـف... كـتـابـة عـلـي جِـدار الـحـنـيـن...حـتـى الـطـيـف... كـتـابـة عـلـي جِـدار الـحـنـيـن...
Quote: Najat Osman · Cairo Khartoum Branch
غايتو محمد النصري كان شايقي وللا بيديري وللا دينكاوي وللا بجاوي هو زول فلتة في
زمن السقوط الكبير .. وهو و احد من ناس قلال جداً بدونا أمل العبور من قتامة الواقع
إلى رحابة الأمل في السودان الآتي .. قريباً جداً .. جداً .. |
غيتو يا نجاة دا كلآم عديل وبالحيل في محلو، وانا ود المدير دا
ابصم عليهو بالعشرة ومعاهن قسم كمان.
تحايا للجميع...
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: مني عمسيب)
|
اخي الفاضل \ آدم العشا ..
لك التحية والتقدير .. ومشكور علي موضوعك ولفت النظر اليه .
Quote:
لك التحايا العاطرات...
قبل فترة وجيزة كتبت بوست عن النصري وأغانيه الرائعة ( محمد النصري..نورس الفرح ) أتمني أن تكوني قد مررت عليه. وإن لم يكن أرجو من أهل الخبرة المساعدة باللنك.. حقيقة الشايقية مفرداتهم مليئة بالحنية وأغانيهم شئ موغل في الوله..وخاصة النصري
لك التحية
|
وبخصوص هذا التذوق لطعم الطمبور اهدي اليك هذه الاغنية ...
من نورس الفرح كما لقبته ( النصري ) ..
((( النفاج ))) منو القال اقفلو النفاج قطع حبل الوداد والحن ؟
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: مني عمسيب)
|
Quote: اي زول بشجع ريال مدريد اشتر ههههههه
محمد النصري من مروي شرق قلب الشايقية النابض هههههه |
ده باعتبار إنه مروي وريفي مروي مافيهو بديرية .. ! ..
الطمبور نفسه صنعة بديرية ..
وصناعة دنقلاوية ..
قلنا ليكـ ( بعيداً يأخ ) .. بعيداااااً ..
يعني( مسيكم ) أبو كراعين شمال داكـ ما أشتر ..
أها فكت منو .. نشوفكم حتسوو شنو ..
مطلقاً لم يكن (هدفي ) مشاتراً ..
أنا من زمان لعاّب يأخ ..
تقديري ومحبتي ..
هاكـ دي هدية .. ياعصام يأخ ..
ويبقى الود ..
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: عبدالمنعم العوض)
|
بت عمسيب الفالحه بالحيل يا اختي هبشتيك وتر حساس شديد في جرسة الشايقية والبديريه في العلاقة العاطفية
وبالصح صح البعيش في البلد والاتربا هناك احساسو بكون عالي شديد لما ينقلة الشعراء والفنانين عما يدور هناك
عن الحياة اليوميه
بت عمسيب منحني النيل به تلاحم بين مخلوقات الله في تلك المنطقة لاحدود لها وفي علاقات اجتماعية بين البشر
قلما توجد في منطقة اخري
كان نفسي وانتي من بنات شرق المنحي ان تزوي تلك القري من الكرفاب لي العفاض وتغمري اجلك في رمالها الذهبيه
وتمشي بي تحت تحت التمور الشايل سبيطها
حببت ان انقل لك جزء بسيط من طبيعه الخلاوي هناك حيث كانت توجد لدينا خلوه الشيخ احمد صالح فضل رحمه الله
رحمة واسعه واسكنه فسيح جناته وابنه الشيخ صالح رحمه الله رحمه واسعه واسكنه فسيح جناته حيث كان الاباء يحضور
ابناءهم من غرب النيل ومن دنقلا والدبه ويقوم الشيخ يبتوزيع هولاء الابناء علي بيوت قرية موره المختلفة ليمكثوا مع الاسر
ويعيشوا مع الاسر كاحد الابناء ويتعلموا القران في الخلوه وبعد الحفظ يعودوا الي اهلهم
هل تصدقي يابت عمسيب اننا قمنا في هذه الدنيا ووجدنا ان لنا اخوان لم تلدهم امنا وتداخلت الاصهار علي هذا النحو
هل تصدقي انه عندنا لاتوجد امراءة غير متزوجة في القريه واي واحده يحدث لها ظرف سوي كان توفي زوجها او طلقت لاسمح الله
بعد العدة الشرعية يتم تزوجيها فورا ويتكفل الزوج بكل تبعيات ما معها
هل تصدقي اننا كنا بعد الانتهاء من الخلوه وحفظ القران نرعا غنمنا ونحش قشنا ونعوم في البحر حتي يسمح لنا بالذهاب للمدرسة
يوجد ترابط اجتماعي قوي جدا بين البشر وبين الارض وبين الزرع وبين الرمال
الاستاذ المرحوم اسماعيل حسن والمرحوم حميد واخونا ود الزومه والسر عثمان الطيب وغيرهم نقلوا وعبروا بالكلمة ما نعيشه هناك
المرحوم النعام ادم ومحمد كرم الله رحمهم الله والاستاذ صديق احمد وعبود القرير وود الشريف والقامة النصري نقلوا هذا الكلام الي عامه الشعب السوداني الاصيل
الحمدالله اننا اختلطنا وعاشرنا كل اهل السودان حبيناهم وحبونا ولا فرق بيني وبين اهل الغرب ولا فرق بيني وبين اهل الشرق ولا فرق بيني وبين اهل الوسط
عشان كدا عنوانك جميل واحذر اي بنت من ان تشوكش شايقي والا بديري والا سوف يغني لها هههههههه
| |
|
|
|
|
|
|
|
|
|
Re: غايتو يا الشوايقة يحبوكم ( ووووب ) يسيبوكم ( ووووبين ) اسه دي رمية اغنية ولا (Re: محمد العوض)
|
اخي العزيز \ قاسم امين ,,
لك التحية والتقدير .. وشكر كرم المرور ..
| Quote: بت عمسيب انسانة زى السحابة اينما حلت نفعت واراحت النفوس ليس هذا بغزل وليس لاني مشلخ لا وراء بس بالتاكيد ليس لك عداء مع اى قبلية بالتاكيد دعينا نخلق معاك المشاكل لكي نكف العين فقط برضوا طرح آمل ان يجد القبول دمت عافية |
تسلم اخي قاسم علي هذا الكرم ويا زول كان غزل غازل ههههههههههه وين لقينا الغزل نأمن نابا
هههههههههههههههه الله يكرمك علي اللحظة الجميلة الضحكتني فيها .. تسلم يا خيي ..
ولي قدام .
| |
|
|
|
|
|
|
| |
مني عمسيب
طارق جبريل
Asim Fageary
قاسم الامين عبود
فدوى الشريف
منصوري
عبد المنعم سيد احمد
الفاتح خليل الفكي
مبارك النعمه النعيم
يحي قباني
الجنيد حمد
وضاحة
Osman Musa
نصار
محمد حمزة الحسين
خالد علي محجوب المنسي
قسم الفضيل مضوي محمد
جمال ود القوز
الشفيع وراق عبد الرحمن
معاوية المدير
Hani Arabi Mohamed
عصام علي أحمد
Abdlaziz Eisa
Adam D.El-Asha
محمد مجيدو
علي عبدالوهاب عثمان
عواطف ادريس اسماعيل
محمد العوض
فيس بوك
تويتر
انستقرام
يوتيوب
بنتيريست